1 Timoteo 2
2
Nat na-ora̱twa'n
1Primeru tʉtsawigʉs̈p yename: nayo'tcaja Dios lo que inesita̱tcapay nu'pʉjʉn jayajwat, na-ora̱tí̱jcaja nu'pʉjʉn jayajwat, mit nanʉ́mgaja Dios ni'ctiyu̱s̈. 2Nayo'tcaja Dios pa rejyat mit pa nu'pʉjʉn manda̱tcapay, pa natsʉ̱́nga tranquilu mit nepʉn nas̈camutsuguinwatcáj, pa we'n oyáj nas̈-adorá̱tca Dios mit nayo'ygáj oy. 3Oy nawatca we'n ni'c ayé i-acji'jcap ijo̱jt Dios jeme nas̈salva̱tcaway. 4Mit Dios iwamp nu'pʉjʉn jayajwat ma nisalva̱tcʉjʉ mit ma is̈capca lo que iyacs̈ta'cway. 5Ni'c itp tu'gujyu Dios mit itpey tu'gujyu jeme icowampay jayajwat mit Dios, mit ayé Jesucristu jeme jatway jayau. 6Mit je' iyac ivida pa iguitso̱jcʉs̈awa'n ima̱jlat nu'pʉjʉn jayajwat, mit Dios nas̈actujawigap ayʉ̱́j en tu'c oyway tiempu. 7Mit Dios tʉs̈yac pa tʉpredica̱t mit tʉs̈yac pa apóstol pa tʉ-ajque's̈cʉ́s̈a jayajwat jeme caje'jatway judíujat pa ma cupʉjca mit ma is̈capca lo que iyacs̈ta'cway. Como tʉncupʉcp Cristu, tʉnyʉmp iyacs̈ta'cway mit tʉgawe̱tp.
8Tʉnwamp jayajwat ma ora̱tca jʉmgapa'tu mam itsʉ̱nga, mit i-ora̱tcawa'n ma tsʉ̱nga limpiu ijo̱jtat, maga-awa'niga ne magani-ago'jcʉjʉ. 9We'ney to's̈ajyat maganitígatscʉjʉ mit may luju, ma watca mit respetu, caje' nas̈acwinchu̱gámpay. Te to's̈ajyat niguque'cs̈cʉjʉp oymanac, te ni-adorna̱tcʉjʉp mit oro o cʉjwat ojyatway, te icomgap ma'cs̈ tsówajway, po maganimʉjninʉ́mgʉjʉ mit ayé. 10Te ayé to's̈ajyat inʉmgap ni'c i-adora̱tcap Dios, ma watca oy, mit we'n oyque's̈cáj. 11Tu'c to's̈ay ma pʉctan lo que imarapay mit maga-ampiu templuni'c, mit ma jayaumay. 12Ni'c tʉngayacp laj to's̈ajyat ma ajque's̈caja jayajwat, mit tu'c to's̈ay magamanda̱t tu'c jayau, ne magacotswit demás. 13Ni'c Dios iwajtʉ'c Adán mit cʉs̈ iwat Eva. 14Mit Awayagatsna' igawe̱tu Adán po iwe̱t ayé to's̈ay Eva. Mit ayé to's̈ay je' ayé iwajtʉ'cway mal. 15Po tu'c to's̈ay tsʉ̱náj oy te iwatp iwajyat, mit nisalva̱jtʉ̱́j te siguia̱tp icupʉc, te iwamp Dios, te yo'yp decente mit te pensa̱tp oy.
Currently Selected:
1 Timoteo 2: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
