1 Juan 3
3
Dios iwajyat
1E'pca nat nas̈wangap Dios Nate̱jat, ni'c nas̈nʉmgajap ni'c ʉjtsat je' nas̈wajyat. Jemni'c nas̈camunipʉjcʉjʉp jayajwat iwangapay ma̱jlat, ni'c je'jat iga-is̈capcap Dios Nate̱jat. 2Mijchat tʉwangʉs̈pay, jinap ʉjtsat Dios nas̈wajyat, mit nas̈caninʉmgajap nat natsʉ̱ngawa'n. Po najawigap ni'c ique's̈ta'cwa'n Jesucristu, najatcáj as̈am je', ni'c na-e'pcáj je' mam itsʉ̱na. 3Mit pʉmba'tu i-atsʉ̱napay imi'nwa'n Jesucristu, ni-aparta̱jtʉp de nu'pʉjʉn mal, as̈am je' itsʉ̱na aparta̱tic.
4Pʉmba'tu jeme iwatpay mal, igajayaumajyap Dios iley. Ni'c cuandu nas̈wat mal, nagajayaumajyap Dios iley. 5Injawigap ni'c Jesucristu min yam pa nas̈chi'tcajáj nu'pʉjʉn nama̱jlat. Mit je' igawatu nejʉmay mal. 6Pʉmba'tu jeme imutʉgʉypay Dios, igawatáj mal. Pʉmba'tu jeme iwatpay mal, iganipʉctso̱p Dios, mit ne igani-is̈cap. 7Mijchat tʉ-e'pcʉs̈p as̈am tʉ̱wajyat, pi is̈cawe̱tcac nepʉn. Jeme iwatpay oy, ayé tu'c jayau yacs̈icway as̈am Jesucristu iwatp yacs̈ic nu'pʉjʉn. 8Jeme iwatpay mal, ayé Awayagatsna' ijayau, ni'c Awayagatsna' iwat mal desde ámbanu. Po jemni'c imijn Dios iway, pa igui-actogoyda̱jcawa'n lo que iwatpay Awayagatsna'.
9Pʉmba'tu jeme Dios iguiwayjátway igawatp mal, ni'c ayé vida iyacpay Dios imutamp ijo̱tni'c. Mit ca-oyap isiguia̱t mit ma̱jlat ni'c Dios iguiwayjátway. 10Na-is̈capcap Dios iwajyat, mit we'ney Awayagatsna' ijayau. Ni'c pʉmba'tu jeme igawatpay oy mit igawampay ihermanu, ayé Dios iganiwayjatp.
Naniwángʉjʉ nanu'pʉjʉjnat
11Ayʉj ayé mandamientu jeme inmaraugaway desde inchú̱chigaj cupʉcpay: ni'c naniwángʉjʉ nanu'pʉjʉjnat. 12Nagawátca as̈am Caín, ni'c je' malwayna' ijayau, mit i-ago'c imajtsʉc. ¿Mit tini'c igui-ago'jc? I-ago'c ni'c je' iwat mal, mit imajtsʉc iwat oy.
13Tʉnhermanujat, camnigu-épigʉjʉ te is̈-angap jayajwat iwangapay mal itpay en ayʉ̱́j mundu. 14Nagajatsʉ̱ngap as̈am o'guic mit ma̱jlat ni'c na-aguepcanup nam vida. Najawigap ayʉ̱́j ni'c nawangap nahermanujat. Po jeme igawampay ihermanu, je' tsʉ̱nap as̈am o'guic. 15Pʉmba'tu jeme i-ampay ihermanu, ayé as̈am tu'c ago'cpay. Mit injawigap ni'c netu'c ago'cpay ca-ijtʉp vida jeme cacʉs̈ámpay. 16Najawigap ni'c Jesucristu nas̈wangap ni'c je' iyac ivida pa ʉjtsat. Mit ʉjtsatey itp ti nas̈yajcawa'n navidajat pa nahermanujat. 17Po jeme ijtʉpay nu'pʉjʉn, mit i-e'p ni'c ihermanu ca-ijtʉp neti, mit iga-ayo̱wis̈p, ¿natpaj iguiwa'nwa'n Dios ayé jayau? 18Mijchat tʉ-e'pcʉs̈p as̈am tʉ̱wajyat. Tʉtsawigʉs̈p ni'c naganʉmgayu ni'c nawangap nahermanujat. Po te nawatcajap oy nahermanujat, najawigap ni'c nawangap iyacs̈ta'cway.
Nagapʉ̱́tca nacutómiga Dios
19Te nawatcap we'n, najawigap ni'c nawatcap lo que iyacs̈ta'cway, mit nagapʉ̱tcáj mam Dios nas̈-e'pcáj. 20Po te nanigujawijyʉp ni'c nawat mal, Dios más mʉj que ʉjtsat, mit je' oyap nas̈majyigap, ni'c je' ijawip nat natsʉ̱́nga. 21Mijchat tʉwangʉs̈pay, te najawigap ni'c nagawatcap nejʉmay mal, nagapʉ̱tcáj nas̈cutomigawa'n Dios. 22Mit tiyu nayo'tcajámpay, Dios nas̈moygáj, ni'c najayaumaygap lo que imanda̱tpay, mit nawatcap lo que je' iwampay. 23Mit ayʉ̱́j ayé lo que Dios imanda̱tpay: ni'c nacupʉ́jca Jesucristu, Dios iway, mit naniwángʉjʉ nanu'pʉjʉjnat as̈am je' nas̈manda̱tcap. 24Mit jeme jayaumaypay as̈am Dios imanda̱t, je' tamp mit Dios, mit Dios tamp mit je'. Mit najawigap ni'c je' tsʉ̱nap najo̱tni'jcat ni'c nas̈moygau Espíritu Santu.
Currently Selected:
1 Juan 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Juan 3
3
Dios iwajyat
1E'pca nat nas̈wangap Dios Nate̱jat, ni'c nas̈nʉmgajap ni'c ʉjtsat je' nas̈wajyat. Jemni'c nas̈camunipʉjcʉjʉp jayajwat iwangapay ma̱jlat, ni'c je'jat iga-is̈capcap Dios Nate̱jat. 2Mijchat tʉwangʉs̈pay, jinap ʉjtsat Dios nas̈wajyat, mit nas̈caninʉmgajap nat natsʉ̱ngawa'n. Po najawigap ni'c ique's̈ta'cwa'n Jesucristu, najatcáj as̈am je', ni'c na-e'pcáj je' mam itsʉ̱na. 3Mit pʉmba'tu i-atsʉ̱napay imi'nwa'n Jesucristu, ni-aparta̱jtʉp de nu'pʉjʉn mal, as̈am je' itsʉ̱na aparta̱tic.
4Pʉmba'tu jeme iwatpay mal, igajayaumajyap Dios iley. Ni'c cuandu nas̈wat mal, nagajayaumajyap Dios iley. 5Injawigap ni'c Jesucristu min yam pa nas̈chi'tcajáj nu'pʉjʉn nama̱jlat. Mit je' igawatu nejʉmay mal. 6Pʉmba'tu jeme imutʉgʉypay Dios, igawatáj mal. Pʉmba'tu jeme iwatpay mal, iganipʉctso̱p Dios, mit ne igani-is̈cap. 7Mijchat tʉ-e'pcʉs̈p as̈am tʉ̱wajyat, pi is̈cawe̱tcac nepʉn. Jeme iwatpay oy, ayé tu'c jayau yacs̈icway as̈am Jesucristu iwatp yacs̈ic nu'pʉjʉn. 8Jeme iwatpay mal, ayé Awayagatsna' ijayau, ni'c Awayagatsna' iwat mal desde ámbanu. Po jemni'c imijn Dios iway, pa igui-actogoyda̱jcawa'n lo que iwatpay Awayagatsna'.
9Pʉmba'tu jeme Dios iguiwayjátway igawatp mal, ni'c ayé vida iyacpay Dios imutamp ijo̱tni'c. Mit ca-oyap isiguia̱t mit ma̱jlat ni'c Dios iguiwayjátway. 10Na-is̈capcap Dios iwajyat, mit we'ney Awayagatsna' ijayau. Ni'c pʉmba'tu jeme igawatpay oy mit igawampay ihermanu, ayé Dios iganiwayjatp.
Naniwángʉjʉ nanu'pʉjʉjnat
11Ayʉj ayé mandamientu jeme inmaraugaway desde inchú̱chigaj cupʉcpay: ni'c naniwángʉjʉ nanu'pʉjʉjnat. 12Nagawátca as̈am Caín, ni'c je' malwayna' ijayau, mit i-ago'c imajtsʉc. ¿Mit tini'c igui-ago'jc? I-ago'c ni'c je' iwat mal, mit imajtsʉc iwat oy.
13Tʉnhermanujat, camnigu-épigʉjʉ te is̈-angap jayajwat iwangapay mal itpay en ayʉ̱́j mundu. 14Nagajatsʉ̱ngap as̈am o'guic mit ma̱jlat ni'c na-aguepcanup nam vida. Najawigap ayʉ̱́j ni'c nawangap nahermanujat. Po jeme igawampay ihermanu, je' tsʉ̱nap as̈am o'guic. 15Pʉmba'tu jeme i-ampay ihermanu, ayé as̈am tu'c ago'cpay. Mit injawigap ni'c netu'c ago'cpay ca-ijtʉp vida jeme cacʉs̈ámpay. 16Najawigap ni'c Jesucristu nas̈wangap ni'c je' iyac ivida pa ʉjtsat. Mit ʉjtsatey itp ti nas̈yajcawa'n navidajat pa nahermanujat. 17Po jeme ijtʉpay nu'pʉjʉn, mit i-e'p ni'c ihermanu ca-ijtʉp neti, mit iga-ayo̱wis̈p, ¿natpaj iguiwa'nwa'n Dios ayé jayau? 18Mijchat tʉ-e'pcʉs̈p as̈am tʉ̱wajyat. Tʉtsawigʉs̈p ni'c naganʉmgayu ni'c nawangap nahermanujat. Po te nawatcajap oy nahermanujat, najawigap ni'c nawangap iyacs̈ta'cway.
Nagapʉ̱́tca nacutómiga Dios
19Te nawatcap we'n, najawigap ni'c nawatcap lo que iyacs̈ta'cway, mit nagapʉ̱tcáj mam Dios nas̈-e'pcáj. 20Po te nanigujawijyʉp ni'c nawat mal, Dios más mʉj que ʉjtsat, mit je' oyap nas̈majyigap, ni'c je' ijawip nat natsʉ̱́nga. 21Mijchat tʉwangʉs̈pay, te najawigap ni'c nagawatcap nejʉmay mal, nagapʉ̱tcáj nas̈cutomigawa'n Dios. 22Mit tiyu nayo'tcajámpay, Dios nas̈moygáj, ni'c najayaumaygap lo que imanda̱tpay, mit nawatcap lo que je' iwampay. 23Mit ayʉ̱́j ayé lo que Dios imanda̱tpay: ni'c nacupʉ́jca Jesucristu, Dios iway, mit naniwángʉjʉ nanu'pʉjʉjnat as̈am je' nas̈manda̱tcap. 24Mit jeme jayaumaypay as̈am Dios imanda̱t, je' tamp mit Dios, mit Dios tamp mit je'. Mit najawigap ni'c je' tsʉ̱nap najo̱tni'jcat ni'c nas̈moygau Espíritu Santu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].