1 Juan 2
2
Cristu ayé nas̈cowangapay
1Mijchat tʉ-e'pcʉs̈p as̈am tʉ̱wajyat. Tʉja'ygʉs̈ap pigawatca mal. Po te tambʉn iwatp mal, na-aguepcap tu'c jeme nas̈cowangámpay mit Dios Nate̱jat, mit ayé Jesucristu jeme iwatpay yacs̈ic nu'pʉjʉn. 2Mit je' o'c pa iguitso'cwa'n nu'pʉjʉn nama̱jlat. Mit caje' pa ʉjtsatu, po je' o'c pa nu'pʉjʉn jayajwat ima̱jlat.
3Te najayaumaygap lo que imanda̱tpay Dios, najawigap ni'c na-is̈capcap je' iyacs̈ta'cway. 4Jeme inʉmpay ni'c i-is̈cap Dios, po igajayaumayp lo que imanda̱tpay, ayé tu'c we̱tpay mit igawatp lo que iyacs̈ta'cway. 5Po jeme ijayaumaypay lo que Dios inʉmpay, najawigap ni'c je' iwamp Dios iyacs̈ta'cway. Ni'c we'n najawigap ni'c namutʉgʉygap je'. 6Jeme inʉmpay ni'c imutʉgʉyp Dios, itp ti iyo'ywa'n as̈am Jesucristu iyo'jy.
Tu'c namay mandamientu
7Hermanujat, tʉgaja'ygʉs̈ap namay mandamientu, po tʉja'ygʉs̈ap ayé mandamientu jeme inaguepcaway desde ámbanu. Ayé mandamientu ampayway ayé jeme inmaraugaway desde inchú̱chigaj cupʉcpay. 8Po majawe'naj ayé na-aguepcap as̈am namay mandamientu ni'c Cristu iyac ayé namay mandamientu pa mijchat mit ayé iyacs̈ta'cway. Ni'c nas̈way ampay cosajat mit ta'cs̈nup ayé luz iyacs̈ta'cway iyacway Cristu.
9Jeme inʉmpay ni'c imutʉgʉyway Dios jeme tsʉ̱napay luzni'c, mit i-amp ihermanu, ayé jayau yo'ypnaj mal. 10Jeme iwampay ihermanu, tsʉ̱nap Dios iluzni'c, mit iga-actuwatáj mal nepʉn. 11Po jeme i-ampay ihermanu yo'ypnaj mal, mit ayé mal as̈am tu'c chitimic, ca-oyap igui-ac-e'p, mit igajawip jʉm inʉs̈.
12Mijchat tʉ-e'pcʉs̈p as̈am tʉ̱wajyat. Tʉja'ygʉs̈ap ni'c Dios is̈perdona̱tcajaway inma̱jlat ni'c incupʉjcau Jesucristu. 13Jayajwat, tʉja'ygʉs̈ap ni'c inis̈capcanup Jesucristu jeme tsʉ̱naway desde ámbanu. Ya̱wayna'jat, tʉja'ygʉs̈ap ni'c imvencia̱tcaway malwayna'. Ya̱wájat, tʉja'ygʉs̈ap ni'c inis̈capcanup Dios Nate̱jat. 14Jayajwat, tʉja'ygʉs̈away ni'c inis̈capcanup Jesucristu jeme tsʉ̱naway desde ámbanu. Ya̱wayna'jat, tʉja'ygʉs̈away ni'c mitsʉ̱ngap mʉgʉc mit Dios, mit inmutangap mʉgʉc Dios ipalabra injo̱tni'jcat, mit imvencia̱tcaway malwayna'.
15Camwanga mal itpay en ayʉ̱́j mundu, ne nejʉmay cosa malway jeme tsʉ̱ngapay en ayʉ̱́j mundu. Te tu'c jayau iwamp ma̱jlat itpay en ayʉ̱́j mundu, igawamp Dios Nate̱jat iyacs̈ta'cway. 16Dios Nate̱jat igayacp ayé mal cosajat itpay en ayʉ̱́j mundu. Yam ichu̱chi ayé ma̱jlat iyo'tpay najo̱jt, mit nawamp ayé ma̱jlat na-e'pay, mit nanimʉjninʉjmʉp mit lo que na-aguepcapay. 17Mit ayʉ̱́j mundu cʉs̈áj, mit cʉs̈ámpey nu'pʉjʉn mal nawangapay. Po jeme iwatpay lo que Dios iwampay, ijtʉ̱́j vida jeme cacʉs̈ámpay.
Cristu imutsuguin
18Mijchat tʉ-e'pcʉs̈p as̈am tʉ̱wajyat. Tʉnʉmgʉs̈ap ni'c coyway últimu tiempu. Inmaraugau ni'c itp ti imi'nwa'n ayé imutsuguinwatámpay Cristu, mit jinap mingaway mayo'c imutsuguijnat Cristu. Jemni'c najawigap ni'c natsʉ̱ngap últimu tiempu. 19Ayé maljayajwat ca-itcʉjʉwu parte mit ʉjtsat, jemni'c ipíchingaj mam ʉjtsat. Ni'c catsʉ̱ngawu jec mit ʉjtsat, po pichingau pa najawiga ni'c nu'pʉjʉn je'jat ca-itcʉjʉwu parte mit ʉjtsat.
20Mit Cristu is̈moygaway Espíritu Santu, jemni'c inis̈capcap nu'pʉjʉn. 21Tʉja'ygʉs̈au ni'c inis̈capcap lo que iyacs̈ta'cway. Tʉnjawip ni'c inis̈capcap mit injawigap ni'c nejʉmay we̱t capichimp iyacs̈ta'cway.
22Tʉ-actujawigʉs̈áj pʉn ayé we̱tpay. We̱tp jeme inʉmpay ni'c Jesús caje' Cristu jeme i-ajyu'tway Dios. Jeme inega̱jtámpay Dios Nate̱jat mit iway Jesús, ayé imutsuguinwatp Cristu. 23Pʉmba'tu jeme inega̱jtámpay Dios Nate̱jat iway, ayé jayau igamutʉgʉyp Dios Nate̱jat. Pʉmba'tu jeme inʉmpay ni'c Jesús Dios Nate̱jat iway, ayé imutʉgʉypey Dios Nate̱jat.
24Mutánga mʉgʉc lo que inmaraugaway desde inchú̱chigaj cupʉcpay. Te inmutangap ayé, we'ney inmutangáj Dios Nate̱jat mit iway Jesucristu. 25Mit Jesucristu nas̈prometia̱tcajau tu'c vida jeme cacʉs̈ámpay.
26Tʉja'ygʉs̈away pa is̈-is̈capcawa'n jeme is̈we̱tcapay. 27Jesucristu is̈moygau Espíritu Santu mit ayé tsʉ̱nap injo̱tni'jcat, mit canesita̱tp is̈ajque's̈cajáj nepʉn, ni'c ayé Espíritu Santu is̈ajque's̈cajap nu'pʉjʉn cosa, mit ayé iyacs̈ta'cway, mit caje' we̱tu. Mutánga Cristu as̈am is̈ajque's̈cajau.
28Mijchat tʉ-e'pcʉs̈p as̈am tʉ̱wajyat. Mutánga Jesucristu, pa we'n cuandu ique's̈ta'cwa'n, nagapʉ̱tcáj mit nagawinchu̱cta̱jcáj imi'nwa'n je'. 29Te injawigap ni'c Jesucristu iwatp lo que iyacs̈ta'cway, pi jawiga-ey ni'c nu'pʉjʉn jeme iwatcapay lo que iyacs̈ta'cway, Dios i-e'pcʉs̈áj as̈am iwajyat.
Currently Selected:
1 Juan 2: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
1 Juan 2
2
Cristu ayé nas̈cowangapay
1Mijchat tʉ-e'pcʉs̈p as̈am tʉ̱wajyat. Tʉja'ygʉs̈ap pigawatca mal. Po te tambʉn iwatp mal, na-aguepcap tu'c jeme nas̈cowangámpay mit Dios Nate̱jat, mit ayé Jesucristu jeme iwatpay yacs̈ic nu'pʉjʉn. 2Mit je' o'c pa iguitso'cwa'n nu'pʉjʉn nama̱jlat. Mit caje' pa ʉjtsatu, po je' o'c pa nu'pʉjʉn jayajwat ima̱jlat.
3Te najayaumaygap lo que imanda̱tpay Dios, najawigap ni'c na-is̈capcap je' iyacs̈ta'cway. 4Jeme inʉmpay ni'c i-is̈cap Dios, po igajayaumayp lo que imanda̱tpay, ayé tu'c we̱tpay mit igawatp lo que iyacs̈ta'cway. 5Po jeme ijayaumaypay lo que Dios inʉmpay, najawigap ni'c je' iwamp Dios iyacs̈ta'cway. Ni'c we'n najawigap ni'c namutʉgʉygap je'. 6Jeme inʉmpay ni'c imutʉgʉyp Dios, itp ti iyo'ywa'n as̈am Jesucristu iyo'jy.
Tu'c namay mandamientu
7Hermanujat, tʉgaja'ygʉs̈ap namay mandamientu, po tʉja'ygʉs̈ap ayé mandamientu jeme inaguepcaway desde ámbanu. Ayé mandamientu ampayway ayé jeme inmaraugaway desde inchú̱chigaj cupʉcpay. 8Po majawe'naj ayé na-aguepcap as̈am namay mandamientu ni'c Cristu iyac ayé namay mandamientu pa mijchat mit ayé iyacs̈ta'cway. Ni'c nas̈way ampay cosajat mit ta'cs̈nup ayé luz iyacs̈ta'cway iyacway Cristu.
9Jeme inʉmpay ni'c imutʉgʉyway Dios jeme tsʉ̱napay luzni'c, mit i-amp ihermanu, ayé jayau yo'ypnaj mal. 10Jeme iwampay ihermanu, tsʉ̱nap Dios iluzni'c, mit iga-actuwatáj mal nepʉn. 11Po jeme i-ampay ihermanu yo'ypnaj mal, mit ayé mal as̈am tu'c chitimic, ca-oyap igui-ac-e'p, mit igajawip jʉm inʉs̈.
12Mijchat tʉ-e'pcʉs̈p as̈am tʉ̱wajyat. Tʉja'ygʉs̈ap ni'c Dios is̈perdona̱tcajaway inma̱jlat ni'c incupʉjcau Jesucristu. 13Jayajwat, tʉja'ygʉs̈ap ni'c inis̈capcanup Jesucristu jeme tsʉ̱naway desde ámbanu. Ya̱wayna'jat, tʉja'ygʉs̈ap ni'c imvencia̱tcaway malwayna'. Ya̱wájat, tʉja'ygʉs̈ap ni'c inis̈capcanup Dios Nate̱jat. 14Jayajwat, tʉja'ygʉs̈away ni'c inis̈capcanup Jesucristu jeme tsʉ̱naway desde ámbanu. Ya̱wayna'jat, tʉja'ygʉs̈away ni'c mitsʉ̱ngap mʉgʉc mit Dios, mit inmutangap mʉgʉc Dios ipalabra injo̱tni'jcat, mit imvencia̱tcaway malwayna'.
15Camwanga mal itpay en ayʉ̱́j mundu, ne nejʉmay cosa malway jeme tsʉ̱ngapay en ayʉ̱́j mundu. Te tu'c jayau iwamp ma̱jlat itpay en ayʉ̱́j mundu, igawamp Dios Nate̱jat iyacs̈ta'cway. 16Dios Nate̱jat igayacp ayé mal cosajat itpay en ayʉ̱́j mundu. Yam ichu̱chi ayé ma̱jlat iyo'tpay najo̱jt, mit nawamp ayé ma̱jlat na-e'pay, mit nanimʉjninʉjmʉp mit lo que na-aguepcapay. 17Mit ayʉ̱́j mundu cʉs̈áj, mit cʉs̈ámpey nu'pʉjʉn mal nawangapay. Po jeme iwatpay lo que Dios iwampay, ijtʉ̱́j vida jeme cacʉs̈ámpay.
Cristu imutsuguin
18Mijchat tʉ-e'pcʉs̈p as̈am tʉ̱wajyat. Tʉnʉmgʉs̈ap ni'c coyway últimu tiempu. Inmaraugau ni'c itp ti imi'nwa'n ayé imutsuguinwatámpay Cristu, mit jinap mingaway mayo'c imutsuguijnat Cristu. Jemni'c najawigap ni'c natsʉ̱ngap últimu tiempu. 19Ayé maljayajwat ca-itcʉjʉwu parte mit ʉjtsat, jemni'c ipíchingaj mam ʉjtsat. Ni'c catsʉ̱ngawu jec mit ʉjtsat, po pichingau pa najawiga ni'c nu'pʉjʉn je'jat ca-itcʉjʉwu parte mit ʉjtsat.
20Mit Cristu is̈moygaway Espíritu Santu, jemni'c inis̈capcap nu'pʉjʉn. 21Tʉja'ygʉs̈au ni'c inis̈capcap lo que iyacs̈ta'cway. Tʉnjawip ni'c inis̈capcap mit injawigap ni'c nejʉmay we̱t capichimp iyacs̈ta'cway.
22Tʉ-actujawigʉs̈áj pʉn ayé we̱tpay. We̱tp jeme inʉmpay ni'c Jesús caje' Cristu jeme i-ajyu'tway Dios. Jeme inega̱jtámpay Dios Nate̱jat mit iway Jesús, ayé imutsuguinwatp Cristu. 23Pʉmba'tu jeme inega̱jtámpay Dios Nate̱jat iway, ayé jayau igamutʉgʉyp Dios Nate̱jat. Pʉmba'tu jeme inʉmpay ni'c Jesús Dios Nate̱jat iway, ayé imutʉgʉypey Dios Nate̱jat.
24Mutánga mʉgʉc lo que inmaraugaway desde inchú̱chigaj cupʉcpay. Te inmutangap ayé, we'ney inmutangáj Dios Nate̱jat mit iway Jesucristu. 25Mit Jesucristu nas̈prometia̱tcajau tu'c vida jeme cacʉs̈ámpay.
26Tʉja'ygʉs̈away pa is̈-is̈capcawa'n jeme is̈we̱tcapay. 27Jesucristu is̈moygau Espíritu Santu mit ayé tsʉ̱nap injo̱tni'jcat, mit canesita̱tp is̈ajque's̈cajáj nepʉn, ni'c ayé Espíritu Santu is̈ajque's̈cajap nu'pʉjʉn cosa, mit ayé iyacs̈ta'cway, mit caje' we̱tu. Mutánga Cristu as̈am is̈ajque's̈cajau.
28Mijchat tʉ-e'pcʉs̈p as̈am tʉ̱wajyat. Mutánga Jesucristu, pa we'n cuandu ique's̈ta'cwa'n, nagapʉ̱tcáj mit nagawinchu̱cta̱jcáj imi'nwa'n je'. 29Te injawigap ni'c Jesucristu iwatp lo que iyacs̈ta'cway, pi jawiga-ey ni'c nu'pʉjʉn jeme iwatcapay lo que iyacs̈ta'cway, Dios i-e'pcʉs̈áj as̈am iwajyat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].