1 Corintios 16
16
Ofrenda pa Dios ijayajwat
1Jinap tʉnʉmgʉs̈áj nat is̈yajcawa'n ofrenda pa Dios ijayajwat. Inwatcáj ayé as̈am tʉs̈manda̱tcʉs̈ cupʉcpajyat Galaciajway. 2Cada primer s̈ʉjw de s̈ama̱na cada jayau mam mijchat ma yac tu'c parte pa i-ofrenda de lo que i-actsʉ̱naway, pa we'n igapiugáj ofrenda wenajpu'n tʉcojawa'n. 3Cuandu ʉ̱ tʉcojawa'n, tʉnajyu'táj Jerusalén pʉjnat incupiugámpay pa ma munʉs̈ca ofrenda pa hermanujat tsʉ̱ngapay jem. Mit tʉnmoygʉs̈áj tu'c carta ma iguipʉctsougac jem. 4Mit te oyapey tʉnʉcs̈wa'n, je'jat nʉs̈cáj mit ʉ̱.
Lo que iwatámpay Pablo
5Mit tʉnʉs̈áj mam mijchat cuandu tʉnas̈wa'n Macedonia, ni'c itp ti tʉnas̈ʉ'cwa'n Macedonia. 6Mit oyáj tʉtan mit mijchat pa jem tʉs̈nas̈wa'n tiempu de payic, mit cʉs̈wa'n mijchat minʉs̈cáj is̈yacta̱jcap mam tʉnʉs̈wa'n. 7Ni'c tʉngawamp tʉnas̈wa'n pe'bet mam mijchat po tʉnwamp tʉtsʉ̱nawa'n jec mit mijchat te el Señor iwamp. 8Po tʉtsʉ̱najʉ'gáj nʉ'jcopac Efeso hasta inas̈wa'n ayé ma̱s̈ʉjw Pentecostés. 9Ni'c tʉnaguep tu'c yos̈ mʉjway pa el Señor, mit tʉs̈jawi ni'c oypichináj, po itp mayo'c mutsuguijnat iwangapay tʉs̈atujcáj.
10Mit te coyp Timoteo, májyiga ma tsʉ̱na contentu mit mijchat, ni'c je' iwatpey yos̈ pa el Señor nije'yu tʉnwatpay ʉ̱. 11Jemni'c camyajca menus je', po nʉs̈ yacta̱jca oymanac pa ma mi'n mam ʉ̱, ni'c je' tʉnatsʉ̱nap mit we'ney japu̱t hermanujat imuyo'ygʉs̈pay.
12Hermanu Apolos tʉnjomiu ma nʉs̈ mit hermanujat mam mijchat, po hasta jjinap nes̈ʉ̱n igawamp nʉs̈, po nʉs̈áj i-oyawa'n.
Ultimu Saludu
13Tsʉ̱nga listu, mutánga mʉgʉc lo que incupʉjcapay, niportá̱tcʉjʉ valiente mit venciá̱tca nu'pʉjʉn. 14Nu'pʉjʉn inwátcapay, watca ni'c miniwangʉjʉp.
15Hermanujat, injawigap ni'c Estéfanas itʉcm tsʉ̱ngapay cupʉjcʉ'jcau de nu'pʉjʉn Acayajatway, mit je'jat tsʉ̱ngap dispuestu iguimajyigawa'n Dios ijayajwat. 16Tʉnʉmgʉs̈ap pi respeta̱tca jayajwat as̈am je'jat, mit we'ney nu'pʉjʉn imajyigapay mit jeme yos̈watcapay pa el Señor. 17Ji'cp tʉnjo̱jt imíngaj Estéfanas, Fortunato mit Acaico ni'c mijchat migatsʉ̱ngawu yam mit ca-oyawu is̈majyigap, po ayé jayajwat tʉs̈majyigau por mijchat. 18Ni'c tʉs̈acji'jcajau tʉnjo̱jt mit je'jat is̈acji'jcajawey injo̱jtat. Respetá̱tca jayajwat as̈am je'jat.
19Is̈saluda̱tcap cupʉcpajyat Asiajatway. Is̈saluda̱tcapey Aquila mit Priscila mit we'ney cupʉcpajyat jeme ni-apʉcmujcʉjʉpay itʉcmat. Is̈saluda̱tcap ni'c je'jat icupʉjcapey el Señor. 20Is̈saluda̱tcap nu'pʉjʉn hermanujat. Nisaludá̱tcʉjʉ minu'pʉjʉjnat mit tu'c ame'tamuc ni'c miniwangʉjʉp.
21Ʉ̱ Pablo tʉnja'yp ayʉ̱́j saludu.
22Jeme igawampay el Señor Jesucristu ma tsʉ̱na maldiciona̱tic. Mi'náj el Señor Jesucristu.
23El Señor Jesucristu pi is̈moygac favor minu'pʉjʉjnat. 24Tʉwangʉs̈p nu'pʉjʉn mijchat ni'c namutʉgʉygau Cristu Jesús. Yam icʉs̈.
Currently Selected:
1 Corintios 16: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
