ಪ್ರೇರಿತಾಃ 19
19
1ಕರಿನ್ಥನಗರ ಆಪಲ್ಲಸಃ ಸ್ಥಿತಿಕಾಲೇ ಪೌಲ ಉತ್ತರಪ್ರದೇಶೈರಾಗಚ್ಛನ್ ಇಫಿಷನಗರಮ್ ಉಪಸ್ಥಿತವಾನ್| ತತ್ರ ಕತಿಪಯಶಿಷ್ಯಾನ್ ಸಾಕ್ಷತ್ ಪ್ರಾಪ್ಯ ತಾನ್ ಅಪೃಚ್ಛತ್,
2ಯೂಯಂ ವಿಶ್ವಸ್ಯ ಪವಿತ್ರಮಾತ್ಮಾನಂ ಪ್ರಾಪ್ತಾ ನ ವಾ? ತತಸ್ತೇ ಪ್ರತ್ಯವದನ್ ಪವಿತ್ರ ಆತ್ಮಾ ದೀಯತೇ ಇತ್ಯಸ್ಮಾಭಿಃ ಶ್ರುತಮಪಿ ನಹಿ|
3ತದಾ ಸಾಽವದತ್ ತರ್ಹಿ ಯೂಯಂ ಕೇನ ಮಜ್ಜಿತಾ ಅಭವತ? ತೇಽಕಥಯನ್ ಯೋಹನೋ ಮಜ್ಜನೇನ|
4ತದಾ ಪೌಲ ಉಕ್ತವಾನ್ ಇತಃ ಪರಂ ಯ ಉಪಸ್ಥಾಸ್ಯತಿ ತಸ್ಮಿನ್ ಅರ್ಥತ ಯೀಶುಖ್ರೀಷ್ಟೇ ವಿಶ್ವಸಿತವ್ಯಮಿತ್ಯುಕ್ತ್ವಾ ಯೋಹನ್ ಮನಃಪರಿವರ್ತ್ತನಸೂಚಕೇನ ಮಜ್ಜನೇನ ಜಲೇ ಲೋಕಾನ್ ಅಮಜ್ಜಯತ್|
5ತಾದೃಶೀಂ ಕಥಾಂ ಶ್ರುತ್ವಾ ತೇ ಪ್ರಭೋ ರ್ಯೀಶುಖ್ರೀಷ್ಟಸ್ಯ ನಾಮ್ನಾ ಮಜ್ಜಿತಾ ಅಭವನ್|
6ತತಃ ಪೌಲೇನ ತೇಷಾಂ ಗಾತ್ರೇಷು ಕರೇಽರ್ಪಿತೇ ತೇಷಾಮುಪರಿ ಪವಿತ್ರ ಆತ್ಮಾವರೂಢವಾನ್, ತಸ್ಮಾತ್ ತೇ ನಾನಾದೇಶೀಯಾ ಭಾಷಾ ಭವಿಷ್ಯತ್ಕಥಾಶ್ಚ ಕಥಿತವನ್ತಃ|
7ತೇ ಪ್ರಾಯೇಣ ದ್ವಾದಶಜನಾ ಆಸನ್|
8ಪೌಲೋ ಭಜನಭವನಂ ಗತ್ವಾ ಪ್ರಾಯೇಣ ಮಾಸತ್ರಯಮ್ ಈಶ್ವರಸ್ಯ ರಾಜ್ಯಸ್ಯ ವಿಚಾರಂ ಕೃತ್ವಾ ಲೋಕಾನ್ ಪ್ರವರ್ತ್ಯ ಸಾಹಸೇನ ಕಥಾಮಕಥಯತ್|
9ಕಿನ್ತು ಕಠಿನಾನ್ತಃಕರಣತ್ವಾತ್ ಕಿಯನ್ತೋ ಜನಾ ನ ವಿಶ್ವಸ್ಯ ಸರ್ವ್ವೇಷಾಂ ಸಮಕ್ಷಮ್ ಏತತ್ಪಥಸ್ಯ ನಿನ್ದಾಂ ಕರ್ತ್ತುಂ ಪ್ರವೃತ್ತಾಃ, ಅತಃ ಪೌಲಸ್ತೇಷಾಂ ಸಮೀಪಾತ್ ಪ್ರಸ್ಥಾಯ ಶಿಷ್ಯಗಣಂ ಪೃಥಕ್ಕೃತ್ವಾ ಪ್ರತ್ಯಹಂ ತುರಾನ್ನನಾಮ್ನಃ ಕಸ್ಯಚಿತ್ ಜನಸ್ಯ ಪಾಠಶಾಲಾಯಾಂ ವಿಚಾರಂ ಕೃತವಾನ್|
10ಇತ್ಥಂ ವತ್ಸರದ್ವಯಂ ಗತಂ ತಸ್ಮಾದ್ ಆಶಿಯಾದೇಶನಿವಾಸಿನಃ ಸರ್ವ್ವೇ ಯಿಹೂದೀಯಾ ಅನ್ಯದೇಶೀಯಲೋಕಾಶ್ಚ ಪ್ರಭೋ ರ್ಯೀಶೋಃ ಕಥಾಮ್ ಅಶ್ರೌಷನ್|
11ಪೌಲೇನ ಚ ಈಶ್ವರ ಏತಾದೃಶಾನ್ಯದ್ಭುತಾನಿ ಕರ್ಮ್ಮಾಣಿ ಕೃತವಾನ್
12ಯತ್ ಪರಿಧೇಯೇ ಗಾತ್ರಮಾರ್ಜನವಸ್ತ್ರೇ ವಾ ತಸ್ಯ ದೇಹಾತ್ ಪೀಡಿತಲೋಕಾನಾಮ್ ಸಮೀಪಮ್ ಆನೀತೇ ತೇ ನಿರಾಮಯಾ ಜಾತಾ ಅಪವಿತ್ರಾ ಭೂತಾಶ್ಚ ತೇಭ್ಯೋ ಬಹಿರ್ಗತವನ್ತಃ|
13ತದಾ ದೇಶಾಟನಕಾರಿಣಃ ಕಿಯನ್ತೋ ಯಿಹೂದೀಯಾ ಭೂತಾಪಸಾರಿಣೋ ಭೂತಗ್ರಸ್ತನೋಕಾನಾಂ ಸನ್ನಿಧೌ ಪ್ರಭೇ ರ್ಯೀಶೋ ರ್ನಾಮ ಜಪ್ತ್ವಾ ವಾಕ್ಯಮಿದಮ್ ಅವದನ್, ಯಸ್ಯ ಕಥಾಂ ಪೌಲಃ ಪ್ರಚಾರಯತಿ ತಸ್ಯ ಯೀಶೋ ರ್ನಾಮ್ನಾ ಯುಷ್ಮಾನ್ ಆಜ್ಞಾಪಯಾಮಃ|
14ಸ್ಕಿವನಾಮ್ನೋ ಯಿಹೂದೀಯಾನಾಂ ಪ್ರಧಾನಯಾಜಕಸ್ಯ ಸಪ್ತಭಿಃ ಪುತ್ತೈಸ್ತಥಾ ಕೃತೇ ಸತಿ
15ಕಶ್ಚಿದ್ ಅಪವಿತ್ರೋ ಭೂತಃ ಪ್ರತ್ಯುದಿತವಾನ್, ಯೀಶುಂ ಜಾನಾಮಿ ಪೌಲಞ್ಚ ಪರಿಚಿನೋಮಿ ಕಿನ್ತು ಕೇ ಯೂಯಂ?
16ಇತ್ಯುಕ್ತ್ವಾ ಸೋಪವಿತ್ರಭೂತಗ್ರಸ್ತೋ ಮನುಷ್ಯೋ ಲಮ್ಫಂ ಕೃತ್ವಾ ತೇಷಾಮುಪರಿ ಪತಿತ್ವಾ ಬಲೇನ ತಾನ್ ಜಿತವಾನ್, ತಸ್ಮಾತ್ತೇ ನಗ್ನಾಃ ಕ್ಷತಾಙ್ಗಾಶ್ಚ ಸನ್ತಸ್ತಸ್ಮಾದ್ ಗೇಹಾತ್ ಪಲಾಯನ್ತ|
17ಸಾ ವಾಗ್ ಇಫಿಷನಗರನಿವಾಸಿನಸಂ ಸರ್ವ್ವೇಷಾಂ ಯಿಹೂದೀಯಾನಾಂ ಭಿನ್ನದೇಶೀಯಾನಾಂ ಲೋಕಾನಾಞ್ಚ ಶ್ರವೋಗೋಚರೀಭೂತಾ; ತತಃ ಸರ್ವ್ವೇ ಭಯಂ ಗತಾಃ ಪ್ರಭೋ ರ್ಯೀಶೋ ರ್ನಾಮ್ನೋ ಯಶೋ ಽವರ್ದ್ಧತ|
18ಯೇಷಾಮನೇಕೇಷಾಂ ಲೋಕಾನಾಂ ಪ್ರತೀತಿರಜಾಯತ ತ ಆಗತ್ಯ ಸ್ವೈಃ ಕೃತಾಃ ಕ್ರಿಯಾಃ ಪ್ರಕಾಶರೂಪೇಣಾಙ್ಗೀಕೃತವನ್ತಃ|
19ಬಹವೋ ಮಾಯಾಕರ್ಮ್ಮಕಾರಿಣಃ ಸ್ವಸ್ವಗ್ರನ್ಥಾನ್ ಆನೀಯ ರಾಶೀಕೃತ್ಯ ಸರ್ವ್ವೇಷಾಂ ಸಮಕ್ಷಮ್ ಅದಾಹಯನ್, ತತೋ ಗಣನಾಂ ಕೃತ್ವಾಬುಧ್ಯನ್ತ ಪಞ್ಚಾಯುತರೂಪ್ಯಮುದ್ರಾಮೂಲ್ಯಪುಸ್ತಕಾನಿ ದಗ್ಧಾನಿ|
20ಇತ್ಥಂ ಪ್ರಭೋಃ ಕಥಾ ಸರ್ವ್ವದೇಶಂ ವ್ಯಾಪ್ಯ ಪ್ರಬಲಾ ಜಾತಾ|
21ಸರ್ವ್ವೇಷ್ವೇತೇಷು ಕರ್ಮ್ಮಸು ಸಮ್ಪನ್ನೇಷು ಸತ್ಸು ಪೌಲೋ ಮಾಕಿದನಿಯಾಖಾಯಾದೇಶಾಭ್ಯಾಂ ಯಿರೂಶಾಲಮಂ ಗನ್ತುಂ ಮತಿಂ ಕೃತ್ವಾ ಕಥಿತವಾನ್ ತತ್ಸ್ಥಾನಂ ಯಾತ್ರಾಯಾಂ ಕೃತಾಯಾಂ ಸತ್ಯಾಂ ಮಯಾ ರೋಮಾನಗರಂ ದ್ರಷ್ಟವ್ಯಂ|
22ಸ್ವಾನುಗತಲೋಕಾನಾಂ ತೀಮಥಿಯೇರಾಸ್ತೌ ದ್ವೌ ಜನೌ ಮಾಕಿದನಿಯಾದೇಶಂ ಪ್ರತಿ ಪ್ರಹಿತ್ಯ ಸ್ವಯಮ್ ಆಶಿಯಾದೇಶೇ ಕತಿಪಯದಿನಾನಿ ಸ್ಥಿತವಾನ್|
23ಕಿನ್ತು ತಸ್ಮಿನ್ ಸಮಯೇ ಮತೇಽಸ್ಮಿನ್ ಕಲಹೋ ಜಾತಃ|
24ತತ್ಕಾರಣಮಿದಂ, ಅರ್ತ್ತಿಮೀದೇವ್ಯಾ ರೂಪ್ಯಮನ್ದಿರನಿರ್ಮ್ಮಾಣೇನ ಸರ್ವ್ವೇಷಾಂ ಶಿಲ್ಪಿನಾಂ ಯಥೇಷ್ಟಲಾಭಮ್ ಅಜನಯತ್ ಯೋ ದೀಮೀತ್ರಿಯನಾಮಾ ನಾಡೀನ್ಧಮಃ
25ಸ ತಾನ್ ತತ್ಕರ್ಮ್ಮಜೀವಿನಃ ಸರ್ವ್ವಲೋಕಾಂಶ್ಚ ಸಮಾಹೂಯ ಭಾಷಿತವಾನ್ ಹೇ ಮಹೇಚ್ಛಾ ಏತೇನ ಮನ್ದಿರನಿರ್ಮ್ಮಾಣೇನಾಸ್ಮಾಕಂ ಜೀವಿಕಾ ಭವತಿ, ಏತದ್ ಯೂಯಂ ವಿತ್ಥ;
26ಕಿನ್ತು ಹಸ್ತನಿರ್ಮ್ಮಿತೇಶ್ವರಾ ಈಶ್ವರಾ ನಹಿ ಪೌಲನಾಮ್ನಾ ಕೇನಚಿಜ್ಜನೇನ ಕಥಾಮಿಮಾಂ ವ್ಯಾಹೃತ್ಯ ಕೇವಲೇಫಿಷನಗರೇ ನಹಿ ಪ್ರಾಯೇಣ ಸರ್ವ್ವಸ್ಮಿನ್ ಆಶಿಯಾದೇಶೇ ಪ್ರವೃತ್ತಿಂ ಗ್ರಾಹಯಿತ್ವಾ ಬಹುಲೋಕಾನಾಂ ಶೇಮುಷೀ ಪರಾವರ್ತ್ತಿತಾ, ಏತದ್ ಯುಷ್ಮಾಭಿ ರ್ದೃಶ್ಯತೇ ಶ್ರೂಯತೇ ಚ|
27ತೇನಾಸ್ಮಾಕಂ ವಾಣಿಜ್ಯಸ್ಯ ಸರ್ವ್ವಥಾ ಹಾನೇಃ ಸಮ್ಭವನಂ ಕೇವಲಮಿತಿ ನಹಿ, ಆಶಿಯಾದೇಶಸ್ಥೈ ರ್ವಾ ಸರ್ವ್ವಜಗತ್ಸ್ಥೈ ರ್ಲೋಕೈಃ ಪೂಜ್ಯಾ ಯಾರ್ತಿಮೀ ಮಹಾದೇವೀ ತಸ್ಯಾ ಮನ್ದಿರಸ್ಯಾವಜ್ಞಾನಸ್ಯ ತಸ್ಯಾ ಐಶ್ವರ್ಯ್ಯಸ್ಯ ನಾಶಸ್ಯ ಚ ಸಮ್ಭಾವನಾ ವಿದ್ಯತೇे|
28ಏತಾದೃಶೀಂ ಕಥಾಂ ಶ್ರುತ್ವಾ ತೇ ಮಹಾಕ್ರೋಧಾನ್ವಿತಾಃ ಸನ್ತ ಉಚ್ಚೈಃಕಾರಂ ಕಥಿತವನ್ತ ಇಫಿಷೀಯಾನಾಮ್ ಅರ್ತ್ತಿಮೀ ದೇವೀ ಮಹತೀ ಭವತಿ|
29ತತಃ ಸರ್ವ್ವನಗರಂ ಕಲಹೇನ ಪರಿಪೂರ್ಣಮಭವತ್, ತತಃ ಪರಂ ತೇ ಮಾಕಿದನೀಯಗಾಯಾರಿಸ್ತಾರ್ಖನಾಮಾನೌ ಪೌಲಸ್ಯ ದ್ವೌ ಸಹಚರೌ ಧೃತ್ವೈಕಚಿತ್ತಾ ರಙ್ಗಭೂಮಿಂ ಜವೇನ ಧಾವಿತವನ್ತಃ|
30ತತಃ ಪೌಲೋ ಲೋಕಾನಾಂ ಸನ್ನಿಧಿಂ ಯಾತುಮ್ ಉದ್ಯತವಾನ್ ಕಿನ್ತು ಶಿಷ್ಯಗಣಸ್ತಂ ವಾರಿತವಾನ್|
31ಪೌಲಸ್ಯತ್ಮೀಯಾ ಆಶಿಯಾದೇಶಸ್ಥಾಃ ಕತಿಪಯಾಃ ಪ್ರಧಾನಲೋಕಾಸ್ತಸ್ಯ ಸಮೀಪಂ ನರಮೇಕಂ ಪ್ರೇಷ್ಯ ತ್ವಂ ರಙ್ಗಭೂಮಿಂ ಮಾಗಾ ಇತಿ ನ್ಯವೇದಯನ್|
32ತತೋ ನಾನಾಲೋಕಾನಾಂ ನಾನಾಕಥಾಕಥನಾತ್ ಸಭಾ ವ್ಯಾಕುಲಾ ಜಾತಾ ಕಿಂ ಕಾರಣಾದ್ ಏತಾವತೀ ಜನತಾಭವತ್ ಏತದ್ ಅಧಿಕೈ ರ್ಲೋಕೈ ರ್ನಾಜ್ಞಾಯಿ|
33ತತಃ ಪರಂ ಜನತಾಮಧ್ಯಾದ್ ಯಿಹೂದೀಯೈರ್ಬಹಿಷ್ಕೃತಃ ಸಿಕನ್ದರೋ ಹಸ್ತೇನ ಸಙ್ಕೇತಂ ಕೃತ್ವಾ ಲೋಕೇಭ್ಯ ಉತ್ತರಂ ದಾತುಮುದ್ಯತವಾನ್,
34ಕಿನ್ತು ಸ ಯಿಹೂದೀಯಲೋಕ ಇತಿ ನಿಶ್ಚಿತೇ ಸತಿ ಇಫಿಷೀಯಾನಾಮ್ ಅರ್ತ್ತಿಮೀ ದೇವೀ ಮಹತೀತಿ ವಾಕ್ಯಂ ಪ್ರಾಯೇಣ ಪಞ್ಚ ದಣ್ಡಾನ್ ಯಾವದ್ ಏಕಸ್ವರೇಣ ಲೋಕನಿವಹೈಃ ಪ್ರೋಕ್ತಂ|
35ತತೋ ನಗರಾಧಿಪತಿಸ್ತಾನ್ ಸ್ಥಿರಾನ್ ಕೃತ್ವಾ ಕಥಿತವಾನ್ ಹೇ ಇಫಿಷಾಯಾಃ ಸರ್ವ್ವೇ ಲೋಕಾ ಆಕರ್ಣಯತ, ಅರ್ತಿಮೀಮಹಾದೇವ್ಯಾ ಮಹಾದೇವಾತ್ ಪತಿತಾಯಾಸ್ತತ್ಪ್ರತಿಮಾಯಾಶ್ಚ ಪೂಜನಮ ಇಫಿಷನಗರಸ್ಥಾಃ ಸರ್ವ್ವೇ ಲೋಕಾಃ ಕುರ್ವ್ವನ್ತಿ, ಏತತ್ ಕೇ ನ ಜಾನನ್ತಿ?
36ತಸ್ಮಾದ್ ಏತತ್ಪ್ರತಿಕೂಲಂ ಕೇಪಿ ಕಥಯಿತುಂ ನ ಶಕ್ನುವನ್ತಿ, ಇತಿ ಜ್ಞಾತ್ವಾ ಯುಷ್ಮಾಭಿಃ ಸುಸ್ಥಿರತ್ವೇನ ಸ್ಥಾತವ್ಯಮ್ ಅವಿವಿಚ್ಯ ಕಿಮಪಿ ಕರ್ಮ್ಮ ನ ಕರ್ತ್ತವ್ಯಞ್ಚ|
37ಯಾನ್ ಏತಾನ್ ಮನುಷ್ಯಾನ್ ಯೂಯಮತ್ರ ಸಮಾನಯತ ತೇ ಮನ್ದಿರದ್ರವ್ಯಾಪಹಾರಕಾ ಯುಷ್ಮಾಕಂ ದೇವ್ಯಾ ನಿನ್ದಕಾಶ್ಚ ನ ಭವನ್ತಿ|
38ಯದಿ ಕಞ್ಚನ ಪ್ರತಿ ದೀಮೀತ್ರಿಯಸ್ಯ ತಸ್ಯ ಸಹಾಯಾನಾಞ್ಚ ಕಾಚಿದ್ ಆಪತ್ತಿ ರ್ವಿದ್ಯತೇ ತರ್ಹಿ ಪ್ರತಿನಿಧಿಲೋಕಾ ವಿಚಾರಸ್ಥಾನಞ್ಚ ಸನ್ತಿ, ತೇ ತತ್ ಸ್ಥಾನಂ ಗತ್ವಾ ಉತ್ತರಪ್ರತ್ಯುತ್ತರೇ ಕುರ್ವ್ವನ್ತು|
39ಕಿನ್ತು ಯುಷ್ಮಾಕಂ ಕಾಚಿದಪರಾ ಕಥಾ ಯದಿ ತಿಷ್ಠತಿ ತರ್ಹಿ ನಿಯಮಿತಾಯಾಂ ಸಭಾಯಾಂ ತಸ್ಯಾ ನಿಷ್ಪತ್ತಿ ರ್ಭವಿಷ್ಯತಿ|
40ಕಿನ್ತ್ವೇತಸ್ಯ ವಿರೋಧಸ್ಯೋತ್ತರಂ ಯೇನ ದಾತುಂ ಶಕ್ನುಮ್ ಏತಾದೃಶಸ್ಯ ಕಸ್ಯಚಿತ್ ಕಾರಣಸ್ಯಾಭಾವಾದ್ ಅದ್ಯತನಘಟನಾಹೇತೋ ರಾಜದ್ರೋಹಿಣಾಮಿವಾಸ್ಮಾಕಮ್ ಅಭಿಯೋಗೋ ಭವಿಷ್ಯತೀತಿ ಶಙ್ಕಾ ವಿದ್ಯತೇ|
41ಇತಿ ಕಥಯಿತ್ವಾ ಸ ಸಭಾಸ್ಥಲೋಕಾನ್ ವಿಸೃಷ್ಟವಾನ್|
Currently Selected:
ಪ್ರೇರಿತಾಃ 19: SANKA
Highlight
Share
Compare
Copy
Want to have your highlights saved across all your devices? Sign up or sign in
© SanskritBible.in । Licensed under Creative Commons Attribution-ShareAlike 4.0 International License.
