Nnwom 122
122
Dwom 122
Ɔsoroforɔ dwom. Dawid deɛ.
1Ɛberɛ a wɔsee me sɛ,
“Ma yɛnkɔ Awurade fie” no, mʼani gyeeɛ.
2Yɛgyinagyina wʼapono ano,
Ao Yerusalem.
3Wɔakyekyere Yerusalem yie sɛ kuropɔn.
Wɔahyehyɛ mu nneɛma fɛfɛ.
4Ɛhɔ na mmusuakuo no korɔ,
Awurade mmusuakuo no.
Wɔkɔkamfo Awurade din
sɛdeɛ nhyehyɛeɛ a wɔde ama Israel no teɛ.
5Ɛhɔ na atemmuo nhennwa no sisi,
Dawid fie nhennwa no.
6Monsrɛ asomdwoeɛ mma Yerusalem sɛ,
“Ma wɔn a wɔdɔ wo no nnya banbɔ.
7Ma asomdwoeɛ mmra wʼafasuo mu
na banbɔ mmra wʼabankɛsewa mu.”
8Me nuanom ne me nnamfonom enti,
meka sɛ, “Asomdwoeɛ ntena wo mu.”
9 Awurade yɛn Onyankopɔn fie enti,
mɛhwehwɛ wo nkɔsoɔ.
Currently Selected:
Nnwom 122: ASNA
Highlight
Copy
Compare
Share
Want to have your highlights saved across all your devices? Sign up or sign in
Asante Twi Nkwa Asɛm™
Owurayɛ Tumi © 1996, 2020. Biblica, Inc. na wɔde ma.
Biblica, Inc. nko ara na wɔma ɛkwan ma wɔde Owurayɛ Tumi no di dwuma wɔ wiase afanan nyinaa.
Asante Twi Contemporary Bible™
Copyright © 1996, 2020 by Biblica, Inc.
Used with permission. All rights reserved worldwide.
