Соломона хамгин сән дун 3
3
[Күүкн:]
1– Сө болһн эврәннь орн дотр
Дурта күүһән хәәләв би.
Хәәләв, олҗ чадсн угав.
2«Босад балһс эргнәв,
уульнц, талвң болһар
би дурта күүһән хәәнәв!»
Уга! Олдҗ бәәхш.
3Балһс эргдг маначнр харһв,
Би теднәс сурв:
«Мини дурта кү үзвтә?»
4Теднәс салсна дару
Тер ормдан дурта күүһән олв!
«Бәргдвч! Экиннь герт чамла
Би эс ортл, тәвшгов.
Бәргдвч! Экиннь унтдг хорад чамла
Би эс ортл тәвшгов».
5Ерусалимин күүкд, тадниг
Зерлг буһ өңгтә адусдар,
Зүстә сәәхн адусар андһар өгтн гиҗ
йир эрҗ сурҗанав:
Дуриг бичә серүлтн,
Дурн эврән эс сертл
Дуудад бичә бәәтн!
Һурвдгч дун
[Ерусалимин күүкд:]
6– Көдә һазрас аашх
Кемб тер?
Нигт утан мет миррин, ладана,
Холын орн-нутгин
Зүсн-зүүл каңкнсн өвснә үнр
Һарһҗ йовхнь кемб?
7Хан Соломон болхла дамҗур деер сууна,
Эргндкинь 60 дәәч хәләнә.
Эдн Израилин күчтә дәәчнр болна.
8Тедн цугтан селмтә,
Тедн дәәлдлһнә медрлтә;
Сөөһин әәмшг дархин төлә
Таша деерән тедн селмтә.
9Ливана хошун модар
Соломон хаана дамҗурнь кегдҗ:
10Дамҗурин дөрвн тулгинь цаһан мөңгәр,
Түшдг нурһинь – алтар,
Дернь – улан торһар уйгдҗ,
Дотркинь кевтнь Ерусалимин күүкд
дуртаһар кеерүлҗ.
11Сиона күүкд, наартн!
Соломон хан титм өмссинь хәләтн!
Терүг экнь хүрмин өдрлә,
Терүнә байрин өдрлә кеерүлҗ!
Currently Selected:
Соломона хамгин сән дун 3: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
