Әмтнә то авлһн 17
17
Ахарона мотр цецгәләд бүчрлв
1Деед Эзн Мошед келнә:
2– Израилин улс чамд 12 мотр авч иртхә гиҗ заквр өг. Отг болһнас неҗәһәд мотр авч иртхә. Тернь отгудын һардачнрин мотр болх. Мотр болһнд эзнәннь неринь бич. 3Левин отгин мотр деер Ахарона нериг бич. Отг болһна һардачас неҗәһәд мотр. 4Тер олн мотриг Харһлтын Шатрт Бооцана өмн тәв, Мини таднла харһдг ормд орк. 5Мини шүүҗ авсн күүнә мотрт ац урһҗ һарад ноһан өңг һарх. Израилин әмтн тадниг зогслт угаһар керлддгиг Би дәкҗ соңсдгоһар кенәв.
6Моше терүнә тускар Израилин әмтнд келҗ өгв. Теднә һардачнр Мошед эврәннь мотран авч ирцхәв. Һардач болһнас неҗәһәд мотр авч ирв – ут тоодан 12 мотр, тедн дунд Ахарона мотр. 7Моше тер олн мотриг Деед Эзнә өмн Бооцана Шатрт тәвв. 8Маңһдуртнь Моше Бооцана Шатрт орад Ахарона мотр үзв. Ахарона мотр – Левин отгин мотр – ноһан өңгтә болсинь Моше үзв. Терүн деер ацмуд урһад, цецгәләд, миндаль болҗ одҗ. 9Деед Эзнә өмн кевтсн мотрмудыг Моше цугтаһинь авад Израилин әмтнд өгв. Тедн эврәннь мотран үзәд авцхав.
10Деед Эзн Мошед келнә:
– Ахарона мотриг Бооцана хәәрцгин өмн тәв. Соңсхвр уга улст темдг болҗ энд бәәтхә. Тиигҗ чи Мини өмнәс кеҗәх теднә буцлһ уурулхич. Тегәд тедн алгдшго.
11Моше Деед Эзнә келсәр дигтәһәр цугинь күцәв. 12Тегәд Израилин улс Мошед келв:
– Болва, бидн үквидн, цугтан үквидн! 13Деед Эзнә өргә гер тал өөрдснь үкх! Эннь мадна чилгчнь болҗахмби?
Currently Selected:
Әмтнә то авлһн 17: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
