Левит 8
8
Ахаронд болн терүнә көвүдт гелң гисн нер зүүлһлһн
1Деед Эзн Мошед келнә:
2– Ахарониг көвүдтәһинь дахулад авч ир. Хувцдынь ав, түркх олив тосинь ав, килнцәс цеврллһнә бәрц гиҗ бүрү, 2 хуц болн эс искәсн һуйрар болһсн өдмгтә зембль авч ир. 3Харһлтын Шатрин үүднд хамцана әмтиг цугтаһинь цуглул.
4Моше Деед Эзнә келсиг күцәв. Олн-әмтн Харһлтын Шатрин үүднд цуглрхла, 5«Деед Эзнә заксиг таднд келҗ өгнәв», – гиҗ Моше келв. 6Ахарониг көвүдтәһинь тер өмәрән һарһад усар уһав. 7Ахарон деер киилгинь өмскв, бүсинь бүслв, деерк хувцинь болн заппуһинь өмскв. Терүг заппун сиилвртә бүсәр боов. 8Ахарона чееҗд тер түңгрцг өлгв, терүнднь урим болн туммим тәвв. 9Ахарона толһаднь тахъя өмскв. Тер тахъян өмн бийднь Деед Эзнә келсәр алтн темдг, әрүн титм, өлгв.
10Дәкәд Моше түркх тос авад өргә герт болн дотрнь бәәсн тоотд түркәд әрүслв. 11Тәклин ормд дола дәкҗ тос цацад, терүн дотр бәәсн юмсинь, уһадг ик савиг болн терүн дор тәвдг тулгиг Моше әрүслв. 12Ахарона толһа деер түркдг тос кеһәд, Моше түркәд терүг әрүслв. 13Дарунь Ахарона көвүдиг өмәрән һарһад Деед Эзнә келсәр киилгүдинь өмскәд, бүсинь бүсләд, толһаднь боодһас боов.
14Дәкәд тер килнцәс цеврллһнә бәрц бәрхәр бүрү авч ирв. Ахарон болн терүнә көвүд бүрүһин толһа деер һаран тәвцхәв. 15Дарунь бүрүг алв. Моше хурһан цуснд норһад, тәклин ормиг цеврлхин төлә дөрвн өвртнь цус түркв. Үлдсн цусиг тәклин ормин улд асхв. Тиигҗ Моше тәклин орм деер гемән хәрүллһнә авъяс күцәһәд, терүг әрүслв. 16Бүрүһин дотркинь орасн өөкиг кевтнь, элкнә семҗиг керчҗ авад, 2 бөөринь болн теднә өөкинь кевтнь Моше тәклин ормд шатав. 17Наадк әңгинь – бүрүһин арсинь, махинь болн киртә юмсинь – хамцана бәәрнәс холд Деед Эзнә заксар шатав.
18Хөөннь шатагдх хуц авч ирв. Ахарон болн терүнә көвүд хуцин толһа деер һаран тәвв. 19Хуциг ална. Моше тәклин орм эргүләд цусинь цацна. 20Хуцин махиг әңгләд чавчна, Моше толһаһинь, чавчсн махинь болн өөкинь шатана. 21Хуцин дотринь болн көлинь уснд уһана. Моше хуциг бүклднь тәклин ормд юм үлдәлго шатана. Эннь бүклдән шатагдх бәрц болҗана. Каңкнсн үнр Деед Эзнд тааста, Терүнд нерәдсн һалын бәрц. Мошед Деед Эзнә заксн заавр.
22Дарунь хойрдгч хуц авч ирнә. Эннь нерәдлһнә бәрц. Ахарон болн терүнә көвүд хуцин толһа деер һаран тәвнә. 23Хуциг ална. Моше хуцин цус Ахарона барун чикнә ашкднь, барун һарин эркәд болн барун көлин эркәд түркнә. 24Дәкәд Ахарона көвүдиг өмәрән һарһад, Моше көвүн болһна барун чикнә ашкднь, барун һарин эркәд болн барун көлин эркәд хуцин цус түркнә. Тәклин ормд дөрвн үзгәснь цус цацна. 25Дәкәд хуцин өөктә сүл, дотркинь ораҗасн өөкинь кевтнь, элкнә семҗинь, 2 бөөринь болн деернь бәәх өөкинь, бас хуцин барун ташаһинь авна. 26Деед Эзнә өмн зогсҗасн зембләс эс искәсн һуйрар болһсн өдмг, олив тосар элдсн нег һуйр болн нимгн һуйр авад, хуцин өөкн деер болн барун таша деернь тәвнә. 27Эдниг цугтаһинь Ахарона болн терүнә көвүдин һар деер тәвәд Деед Эзнә өмн Моше өргнә. 28Дәкәд Моше теднә һар деер бәәсн тоотыг авад тәклин ормд шатагдх тоотла хамднь шатана. Эннь нерәдлһнә бәрц бәәсмн. Каңкнсн үнр Деед Эзнд тааста, Терүнд һалын бәрц болҗана. 29Моше хуцин өрчинь авад Деед Эзнә өмн өргв. Деед Эзнә заксар эннь нерәдлһнә бәрцд орулҗах Мошен хүвнь болҗана.
30Дәкәд Моше түрклһнә тос авад, тәклин ормас цус авад, Ахаронд болн хувцнднь цацл цацна. Ахарона көвүдт болн теднә хувцдтнь бас цацл цацна. Тиигҗ Ахарониг көвүдтәһинь болн теднә хувцдынь Моше әрүслнә.
31Моше Ахаронд болн көвүдтнь келнә:
– Харһлтын Шатрин үүднд эн махиг чанад тер ормднь идтн. Нерәдлһнә бәрцин зембльд бәәх өдмглә хамднь тер махиг идтн. Тиигҗ нанд Бурхн закла: «Энүг Ахарон болн терүнә көвүд идх йоста». 32Үлдсн махиг болн өдмгиг шататн. 33Тадниг гелңд нерәдлһн эс күцтл долан хонгтан Харһлтын Шатрас бичә һартн. Тер керг долан хонгтан кегдх. 34Эндр кегдсн тоотыг Деед Эзн тадна гемән хәрүллһнә авъяс күцәгдх гиҗ кесмн. 35Долан хонгтан Харһлтын Шатрин үүднд өдр сө уга бәәтн. Деед Эзнд нерәдәд көдлтн, тиигхлә тадн үкшгот. Тиигҗ нанд закла.
36Мошеһәр дамҗад Деед Эзнә өгсн заавриг Ахарон болн терүнә көвүднь цугтаһинь күцәв.
Currently Selected:
Левит 8: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Левит 8
8
Ахаронд болн терүнә көвүдт гелң гисн нер зүүлһлһн
1Деед Эзн Мошед келнә:
2– Ахарониг көвүдтәһинь дахулад авч ир. Хувцдынь ав, түркх олив тосинь ав, килнцәс цеврллһнә бәрц гиҗ бүрү, 2 хуц болн эс искәсн һуйрар болһсн өдмгтә зембль авч ир. 3Харһлтын Шатрин үүднд хамцана әмтиг цугтаһинь цуглул.
4Моше Деед Эзнә келсиг күцәв. Олн-әмтн Харһлтын Шатрин үүднд цуглрхла, 5«Деед Эзнә заксиг таднд келҗ өгнәв», – гиҗ Моше келв. 6Ахарониг көвүдтәһинь тер өмәрән һарһад усар уһав. 7Ахарон деер киилгинь өмскв, бүсинь бүслв, деерк хувцинь болн заппуһинь өмскв. Терүг заппун сиилвртә бүсәр боов. 8Ахарона чееҗд тер түңгрцг өлгв, терүнднь урим болн туммим тәвв. 9Ахарона толһаднь тахъя өмскв. Тер тахъян өмн бийднь Деед Эзнә келсәр алтн темдг, әрүн титм, өлгв.
10Дәкәд Моше түркх тос авад өргә герт болн дотрнь бәәсн тоотд түркәд әрүслв. 11Тәклин ормд дола дәкҗ тос цацад, терүн дотр бәәсн юмсинь, уһадг ик савиг болн терүн дор тәвдг тулгиг Моше әрүслв. 12Ахарона толһа деер түркдг тос кеһәд, Моше түркәд терүг әрүслв. 13Дарунь Ахарона көвүдиг өмәрән һарһад Деед Эзнә келсәр киилгүдинь өмскәд, бүсинь бүсләд, толһаднь боодһас боов.
14Дәкәд тер килнцәс цеврллһнә бәрц бәрхәр бүрү авч ирв. Ахарон болн терүнә көвүд бүрүһин толһа деер һаран тәвцхәв. 15Дарунь бүрүг алв. Моше хурһан цуснд норһад, тәклин ормиг цеврлхин төлә дөрвн өвртнь цус түркв. Үлдсн цусиг тәклин ормин улд асхв. Тиигҗ Моше тәклин орм деер гемән хәрүллһнә авъяс күцәһәд, терүг әрүслв. 16Бүрүһин дотркинь орасн өөкиг кевтнь, элкнә семҗиг керчҗ авад, 2 бөөринь болн теднә өөкинь кевтнь Моше тәклин ормд шатав. 17Наадк әңгинь – бүрүһин арсинь, махинь болн киртә юмсинь – хамцана бәәрнәс холд Деед Эзнә заксар шатав.
18Хөөннь шатагдх хуц авч ирв. Ахарон болн терүнә көвүд хуцин толһа деер һаран тәвв. 19Хуциг ална. Моше тәклин орм эргүләд цусинь цацна. 20Хуцин махиг әңгләд чавчна, Моше толһаһинь, чавчсн махинь болн өөкинь шатана. 21Хуцин дотринь болн көлинь уснд уһана. Моше хуциг бүклднь тәклин ормд юм үлдәлго шатана. Эннь бүклдән шатагдх бәрц болҗана. Каңкнсн үнр Деед Эзнд тааста, Терүнд нерәдсн һалын бәрц. Мошед Деед Эзнә заксн заавр.
22Дарунь хойрдгч хуц авч ирнә. Эннь нерәдлһнә бәрц. Ахарон болн терүнә көвүд хуцин толһа деер һаран тәвнә. 23Хуциг ална. Моше хуцин цус Ахарона барун чикнә ашкднь, барун һарин эркәд болн барун көлин эркәд түркнә. 24Дәкәд Ахарона көвүдиг өмәрән һарһад, Моше көвүн болһна барун чикнә ашкднь, барун һарин эркәд болн барун көлин эркәд хуцин цус түркнә. Тәклин ормд дөрвн үзгәснь цус цацна. 25Дәкәд хуцин өөктә сүл, дотркинь ораҗасн өөкинь кевтнь, элкнә семҗинь, 2 бөөринь болн деернь бәәх өөкинь, бас хуцин барун ташаһинь авна. 26Деед Эзнә өмн зогсҗасн зембләс эс искәсн һуйрар болһсн өдмг, олив тосар элдсн нег һуйр болн нимгн һуйр авад, хуцин өөкн деер болн барун таша деернь тәвнә. 27Эдниг цугтаһинь Ахарона болн терүнә көвүдин һар деер тәвәд Деед Эзнә өмн Моше өргнә. 28Дәкәд Моше теднә һар деер бәәсн тоотыг авад тәклин ормд шатагдх тоотла хамднь шатана. Эннь нерәдлһнә бәрц бәәсмн. Каңкнсн үнр Деед Эзнд тааста, Терүнд һалын бәрц болҗана. 29Моше хуцин өрчинь авад Деед Эзнә өмн өргв. Деед Эзнә заксар эннь нерәдлһнә бәрцд орулҗах Мошен хүвнь болҗана.
30Дәкәд Моше түрклһнә тос авад, тәклин ормас цус авад, Ахаронд болн хувцнднь цацл цацна. Ахарона көвүдт болн теднә хувцдтнь бас цацл цацна. Тиигҗ Ахарониг көвүдтәһинь болн теднә хувцдынь Моше әрүслнә.
31Моше Ахаронд болн көвүдтнь келнә:
– Харһлтын Шатрин үүднд эн махиг чанад тер ормднь идтн. Нерәдлһнә бәрцин зембльд бәәх өдмглә хамднь тер махиг идтн. Тиигҗ нанд Бурхн закла: «Энүг Ахарон болн терүнә көвүд идх йоста». 32Үлдсн махиг болн өдмгиг шататн. 33Тадниг гелңд нерәдлһн эс күцтл долан хонгтан Харһлтын Шатрас бичә һартн. Тер керг долан хонгтан кегдх. 34Эндр кегдсн тоотыг Деед Эзн тадна гемән хәрүллһнә авъяс күцәгдх гиҗ кесмн. 35Долан хонгтан Харһлтын Шатрин үүднд өдр сө уга бәәтн. Деед Эзнд нерәдәд көдлтн, тиигхлә тадн үкшгот. Тиигҗ нанд закла.
36Мошеһәр дамҗад Деед Эзнә өгсн заавриг Ахарон болн терүнә көвүднь цугтаһинь күцәв.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023