Левит 7
7
Һару даалһна бәрцин туск закан
1Һару даалһна бәрцин туск диг-даран эн, әрүнәс әрүнә туск юмн. 2Һару даалһна бәрциг шаталһна бәрцлә әдл нег бәәрнд алдмн. Тәклин ормд үзг болһнаснь цусар цацл цацх кергтә. 3Тәклин ормд өөкинь кевтнь тәвдмн: өөктә сүүлинь, дотр бәәх өөкинь, 4бас 2 бөөринь болн терүн деернь ташан хаҗуд бәәх өөкинь, элкнә семҗ керчҗ авх (терүг бөөртәһинь суһлҗ авх кергтә). 5Деед Эзнд һалын бәрц гиһәд гелң тедниг тәклин ормд шатахмн болҗана. Эннь һару даах бәрц. 6Гелңгин отгин залу улс терүг идҗ чадх. Терүг әрүн ормд идх кергтә. Эннь әрүнәс әрүн юмн.
Гелңгин хүв
7Һару даалһна чигн, килнцәс цеврллһнә чигн бәрцд нег диг-даран: гемән хәрүллһнә тәкл тәкҗәх бәрц гелңгин болҗана.
8Талдан күүнә ормд шаталһна бәрц күцәсн гелң бәрц бәрсн малын арсинь авх.
9Бешт болһсн, дөрвлҗн таавад болһсн эс гиҗ төгрг таавад болһсн өдмгәр нерәдлһнә бәрц өглһнә авъяс күцәсн гелңгин болҗана. 10Олив тоснд элдсн эс гиҗ хүүрә ямаран чигн өдмгәр нерәдлһнә бәрц Ахарона цуг хөөт үйнрт әдләр күртнә.
Эвцлһнә бәрцин тускар
11Деед Эзнд авч ирдг күүнә эвцлһнә бәрцин закан эн. 12Кемр терүг ханлт өргәд авч ирдг болхла, тиигхлә ханлтын бәрциг дахулад олив тоснд элдәд, эс искәсн һуйрар болһсн өдмг, тос түркәд, һуйр болн буудян цаһан һуйриг тостаһар сәәнәр элдәд болһх йоста. 13Деернь искәсн һуйрар болһсн өдмг эн нерәдлһнд немгдх. Ханлтын эвцлһнә бәрцин тоод тедн орх. 14Деед Эзнд нерәдхин төлә зүсн болһнаснь неҗәһәд өдмг авгдна. Эвцлһнә бәрцин цусар цацл цацсн гелңгин хүвнь эн болҗана. 15Эвцлһнә бәрцин ханлтан өргҗәх махиг тер өдртән идх кергтә. Терүнәс нег чигн умш өрүн күртл үлдәҗ болшго.
16Андһарар эс гиҗ эврә дурар авч ирсн бәрцән тер өдртән идх кергтә, үлдсинь маңһдуртнь идҗ болх. 17Һурвдгч өдрт үлдсн махиг шатах. 18Кемр эвцлһнә бәрцин махиг һурвдгч өдрт идхлә, тер бәрц авч ирсн күүнд кергтәд тоолгдшго юмн. Эннь үрҗ одсн махн. Терүг идсн күн гемтәд тоолгдх.
19Цевр биш юмнла харһсн махиг идҗ болшго. Терүг шатах кергтә. Цевр күн мах идҗ чадҗана. 20Кемр бузрдсн күн Деед Эзнд авч ирсн эвцлһнә бәрцин мах идхлә, тер күн эврәннь келн-улс дундас уга кегдх. 21Кемр кен чигн күн бузр юм көндәхлә, күүнә бузрнь чигн болтха, эс гиҗ бузр мал, эс гиҗ җигшүртә юмс болтха, дәкәд Деед Эзнд авч ирсн эвцлһнә бәрцин мах идхлә, тер күн эврәннь келн-улс дундас уга кегдх.
Өөк болн цус идшго закан
22Деед Эзн Мошед келнә:
23– Израилин улст соңсхад кел: үкрин, хөөнә болн ямана өөк бичә идтн. 24Үксн эс гиҗ аңгудын шуучад алсн малын өөкиг талдан юмнд орултн, зуг бичә идтн. 25Деед Эзнд һалын бәрц гиһәд авч ирсн малын өөкинь идсн күн эврәннь келн-улс дундас уга кегдх. 26Альд эс бәәв чигн, хотдан шовудын болн малын цус бичә орулҗ идтн. 27Хотдан цус орулад идсн күн эврәннь келн-улс дундас уга кегдх.
Эвцлһнә бәрцд гелңгүдин хүвнь
28Деед Эзн Мошед келнә:
29– Деед Эзнд авч ирсн эвцлһнә бәрцәсн нег хүвинь Деед Эзнд өгтхә гиҗ Израилин улст кел. 30Эврәннь һарарн Деед Эзнд һалын бәрц гиһәд белгән өгх йоста: малын өөкинь болн өрчинь өгтхә – эн өрчнь Деед Эзнә өмн белг кевтә өрггдх йоста. 31Гелң өөкиг тәклин ормд шататха. Өрчнь Ахарона болн терүнә хөөт үйнрин болҗана. 32Тадна эвцлһнә бәрцин барун ташаһинь гелңд белг гиһәд өгтн, 33барун ташань Ахарона хөөт үйнрин хүвнь. Тер күн тәклин ормд эвцлһнә бәрцин цусинь болн өөкинь тәвсмн. 34Израилин улсин авч ирсн эвцлһнә бәрцәс белг гиҗ өргҗәх өрчинь болн белг гиҗ өргҗәх ташаһинь Би авнав. Тедниг Би Ахарон гелңд болн терүнә хөөт үйнрт өгчәнәв. Эннь Израилин улсас мөңкинд теднд өггдх хүвнь болҗана.
35Деед Эзнд авч ирсн һалын бәрцәс тиим әңгинь Ахарон болн терүнә хөөт үйнр Деед Эзнә гелңгүд гисн нер зүүснә хөөн авчана. 36Деед Эзн теднд тос түркснә хөөн Израилин улс эднд эн әңгиг мөңкинд – үйәс үйд – өгтхә гиҗ заксмн.
37Шаталһна закан болн өдмгин, килнцәс цеврллһнә, һаруһинь даалһна, нерәдлһнә болн эвцлһнә бәрцин закан тиим. 38Энүг цугтаһинь Деед Эзн Синай уул деер Мошед соңсхад келсмн. Синайин көдә һазрт Израилин улс Деед Эзнд бәрц бәртхә гиҗ заксна цагт тиим болҗана.
Currently Selected:
Левит 7: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Левит 7
7
Һару даалһна бәрцин туск закан
1Һару даалһна бәрцин туск диг-даран эн, әрүнәс әрүнә туск юмн. 2Һару даалһна бәрциг шаталһна бәрцлә әдл нег бәәрнд алдмн. Тәклин ормд үзг болһнаснь цусар цацл цацх кергтә. 3Тәклин ормд өөкинь кевтнь тәвдмн: өөктә сүүлинь, дотр бәәх өөкинь, 4бас 2 бөөринь болн терүн деернь ташан хаҗуд бәәх өөкинь, элкнә семҗ керчҗ авх (терүг бөөртәһинь суһлҗ авх кергтә). 5Деед Эзнд һалын бәрц гиһәд гелң тедниг тәклин ормд шатахмн болҗана. Эннь һару даах бәрц. 6Гелңгин отгин залу улс терүг идҗ чадх. Терүг әрүн ормд идх кергтә. Эннь әрүнәс әрүн юмн.
Гелңгин хүв
7Һару даалһна чигн, килнцәс цеврллһнә чигн бәрцд нег диг-даран: гемән хәрүллһнә тәкл тәкҗәх бәрц гелңгин болҗана.
8Талдан күүнә ормд шаталһна бәрц күцәсн гелң бәрц бәрсн малын арсинь авх.
9Бешт болһсн, дөрвлҗн таавад болһсн эс гиҗ төгрг таавад болһсн өдмгәр нерәдлһнә бәрц өглһнә авъяс күцәсн гелңгин болҗана. 10Олив тоснд элдсн эс гиҗ хүүрә ямаран чигн өдмгәр нерәдлһнә бәрц Ахарона цуг хөөт үйнрт әдләр күртнә.
Эвцлһнә бәрцин тускар
11Деед Эзнд авч ирдг күүнә эвцлһнә бәрцин закан эн. 12Кемр терүг ханлт өргәд авч ирдг болхла, тиигхлә ханлтын бәрциг дахулад олив тоснд элдәд, эс искәсн һуйрар болһсн өдмг, тос түркәд, һуйр болн буудян цаһан һуйриг тостаһар сәәнәр элдәд болһх йоста. 13Деернь искәсн һуйрар болһсн өдмг эн нерәдлһнд немгдх. Ханлтын эвцлһнә бәрцин тоод тедн орх. 14Деед Эзнд нерәдхин төлә зүсн болһнаснь неҗәһәд өдмг авгдна. Эвцлһнә бәрцин цусар цацл цацсн гелңгин хүвнь эн болҗана. 15Эвцлһнә бәрцин ханлтан өргҗәх махиг тер өдртән идх кергтә. Терүнәс нег чигн умш өрүн күртл үлдәҗ болшго.
16Андһарар эс гиҗ эврә дурар авч ирсн бәрцән тер өдртән идх кергтә, үлдсинь маңһдуртнь идҗ болх. 17Һурвдгч өдрт үлдсн махиг шатах. 18Кемр эвцлһнә бәрцин махиг һурвдгч өдрт идхлә, тер бәрц авч ирсн күүнд кергтәд тоолгдшго юмн. Эннь үрҗ одсн махн. Терүг идсн күн гемтәд тоолгдх.
19Цевр биш юмнла харһсн махиг идҗ болшго. Терүг шатах кергтә. Цевр күн мах идҗ чадҗана. 20Кемр бузрдсн күн Деед Эзнд авч ирсн эвцлһнә бәрцин мах идхлә, тер күн эврәннь келн-улс дундас уга кегдх. 21Кемр кен чигн күн бузр юм көндәхлә, күүнә бузрнь чигн болтха, эс гиҗ бузр мал, эс гиҗ җигшүртә юмс болтха, дәкәд Деед Эзнд авч ирсн эвцлһнә бәрцин мах идхлә, тер күн эврәннь келн-улс дундас уга кегдх.
Өөк болн цус идшго закан
22Деед Эзн Мошед келнә:
23– Израилин улст соңсхад кел: үкрин, хөөнә болн ямана өөк бичә идтн. 24Үксн эс гиҗ аңгудын шуучад алсн малын өөкиг талдан юмнд орултн, зуг бичә идтн. 25Деед Эзнд һалын бәрц гиһәд авч ирсн малын өөкинь идсн күн эврәннь келн-улс дундас уга кегдх. 26Альд эс бәәв чигн, хотдан шовудын болн малын цус бичә орулҗ идтн. 27Хотдан цус орулад идсн күн эврәннь келн-улс дундас уга кегдх.
Эвцлһнә бәрцд гелңгүдин хүвнь
28Деед Эзн Мошед келнә:
29– Деед Эзнд авч ирсн эвцлһнә бәрцәсн нег хүвинь Деед Эзнд өгтхә гиҗ Израилин улст кел. 30Эврәннь һарарн Деед Эзнд һалын бәрц гиһәд белгән өгх йоста: малын өөкинь болн өрчинь өгтхә – эн өрчнь Деед Эзнә өмн белг кевтә өрггдх йоста. 31Гелң өөкиг тәклин ормд шататха. Өрчнь Ахарона болн терүнә хөөт үйнрин болҗана. 32Тадна эвцлһнә бәрцин барун ташаһинь гелңд белг гиһәд өгтн, 33барун ташань Ахарона хөөт үйнрин хүвнь. Тер күн тәклин ормд эвцлһнә бәрцин цусинь болн өөкинь тәвсмн. 34Израилин улсин авч ирсн эвцлһнә бәрцәс белг гиҗ өргҗәх өрчинь болн белг гиҗ өргҗәх ташаһинь Би авнав. Тедниг Би Ахарон гелңд болн терүнә хөөт үйнрт өгчәнәв. Эннь Израилин улсас мөңкинд теднд өггдх хүвнь болҗана.
35Деед Эзнд авч ирсн һалын бәрцәс тиим әңгинь Ахарон болн терүнә хөөт үйнр Деед Эзнә гелңгүд гисн нер зүүснә хөөн авчана. 36Деед Эзн теднд тос түркснә хөөн Израилин улс эднд эн әңгиг мөңкинд – үйәс үйд – өгтхә гиҗ заксмн.
37Шаталһна закан болн өдмгин, килнцәс цеврллһнә, һаруһинь даалһна, нерәдлһнә болн эвцлһнә бәрцин закан тиим. 38Энүг цугтаһинь Деед Эзн Синай уул деер Мошед соңсхад келсмн. Синайин көдә һазрт Израилин улс Деед Эзнд бәрц бәртхә гиҗ заксна цагт тиим болҗана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023