Левит 3
3
Эвцлһнә бәрц
1Кемр кен-негнь эвцлһнә бәрцән бод малар авч ирхлә – бух эс гиҗ үкр болну – тиигхлә эрмдг уга мал авч ирәд, терүг Деед Эзнә өмн зогсатха. 2Бәрцин толһа деернь һаран тәвәд, терүг Харһлтын Шатрин өмн алтха. Гелңгүд болҗах Ахарона хөөт үйнр тәклин ормиг эргүләд цус цацтха. 3Эвцлһнә бәрцәс Деед Эзнд дотркинь ораҗах өөкиг кевтнь өгх кергтә, хаҗуднь бәәх өөкиг бас өгх. 4Хойр бөөринь болн терүн деернь ташан хаҗуд бәәх өөкиг, элкнә семҗнәснь керчҗ өгтхә (терүг бөөртәһинь суһлҗ авх кергтә). 5Тегәд Ахарона хөөт үйнр тедниг цугтаһинь тәклин һалд шатчах модн деер кевтх шатагдх бәрцлә хамднь шататха. Эннь Деед Эзнд һалын бәрц, каңкнсн үнр Терүнд тааста.
6Кемр күн Деед Эзнд үүрмг малар эвцлһнә бәрц авч ирхлә – эр эс гиҗ эм болхла – тиигхлә эрмдг уга мал авч иртхә. 7Кемр тер хө авч ирхлә, терүгән Деед Эзнә өмн зогсатха. 8Бәрцин толһа деернь һаран тәвәд Харһлтын Шатрин өмн алтха. Ахарона хөөт үйнр тәклин ормиг эргүләд бәрцин цус цацтха. 9Эвцлһнә бәрцәс Деед Эзнд һалын бәрц гиҗ белгләд өөк өгх кергтә: өөктә сүүлинь (терүг үзүр күртлнь керчҗ авх), дотркинь ораҗах өөк, хаҗуднь бәәх өөкиг кевтнь авх, 10хойр бөөринь болн терүн деернь ташан хаҗуд бәәх өөкиг, дәкәд элкнә семҗинь өгтхә (терүг бөөртәһинь суһлҗ авх кергтә). 11Тедниг цугтаһинь гелң тәклин һалд шататха. Эннь Деед Эзнд һалын бәрц, Терүнд нерәдсн хот болҗана.
12Кемр кен-негнь бәрц бәрхәр яма авч ирхлә, терүг Деед Эзнә өмн зогсатха, 13дәкәд терүнә толһа деер һаран тәвәд Харһлтын Шатрин өмн терүгән алтха. Тегәд Ахарона хөөт үйнр тәклин ормиг эргүләд бәрцин цус цацтха. 14Деед Эзнд һалын бәрц белгләд, дотркинь ораҗах өөкиг болн хаҗуднь бәәх өөкиг, 15хойр бөөринь болн терүн деернь ташан хаҗуд бәәх өөкиг, дәкәд элкнә семҗиг өгтхә (терүг бөөртәһинь хамднь суһлҗ авх кергтә). 16Тедниг цугтаһинь гелң тәклин һалд шататха. Эннь Деед Эзнд һалын бәрц, Терүнд нерәдсн хот болх. Терүнд каңкнсн үнр таасгдна. Бәрцин өөкн кевтән Деед Эзнә болҗана. 17Таднд эннь мөңк зокал, альд эс бәәв чигн терүг үйәс үйд бәрҗ йовтн: хотдан өөк чигн, цус чигн бичә орултн.
Currently Selected:
Левит 3: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Левит 3
3
Эвцлһнә бәрц
1Кемр кен-негнь эвцлһнә бәрцән бод малар авч ирхлә – бух эс гиҗ үкр болну – тиигхлә эрмдг уга мал авч ирәд, терүг Деед Эзнә өмн зогсатха. 2Бәрцин толһа деернь һаран тәвәд, терүг Харһлтын Шатрин өмн алтха. Гелңгүд болҗах Ахарона хөөт үйнр тәклин ормиг эргүләд цус цацтха. 3Эвцлһнә бәрцәс Деед Эзнд дотркинь ораҗах өөкиг кевтнь өгх кергтә, хаҗуднь бәәх өөкиг бас өгх. 4Хойр бөөринь болн терүн деернь ташан хаҗуд бәәх өөкиг, элкнә семҗнәснь керчҗ өгтхә (терүг бөөртәһинь суһлҗ авх кергтә). 5Тегәд Ахарона хөөт үйнр тедниг цугтаһинь тәклин һалд шатчах модн деер кевтх шатагдх бәрцлә хамднь шататха. Эннь Деед Эзнд һалын бәрц, каңкнсн үнр Терүнд тааста.
6Кемр күн Деед Эзнд үүрмг малар эвцлһнә бәрц авч ирхлә – эр эс гиҗ эм болхла – тиигхлә эрмдг уга мал авч иртхә. 7Кемр тер хө авч ирхлә, терүгән Деед Эзнә өмн зогсатха. 8Бәрцин толһа деернь һаран тәвәд Харһлтын Шатрин өмн алтха. Ахарона хөөт үйнр тәклин ормиг эргүләд бәрцин цус цацтха. 9Эвцлһнә бәрцәс Деед Эзнд һалын бәрц гиҗ белгләд өөк өгх кергтә: өөктә сүүлинь (терүг үзүр күртлнь керчҗ авх), дотркинь ораҗах өөк, хаҗуднь бәәх өөкиг кевтнь авх, 10хойр бөөринь болн терүн деернь ташан хаҗуд бәәх өөкиг, дәкәд элкнә семҗинь өгтхә (терүг бөөртәһинь суһлҗ авх кергтә). 11Тедниг цугтаһинь гелң тәклин һалд шататха. Эннь Деед Эзнд һалын бәрц, Терүнд нерәдсн хот болҗана.
12Кемр кен-негнь бәрц бәрхәр яма авч ирхлә, терүг Деед Эзнә өмн зогсатха, 13дәкәд терүнә толһа деер һаран тәвәд Харһлтын Шатрин өмн терүгән алтха. Тегәд Ахарона хөөт үйнр тәклин ормиг эргүләд бәрцин цус цацтха. 14Деед Эзнд һалын бәрц белгләд, дотркинь ораҗах өөкиг болн хаҗуднь бәәх өөкиг, 15хойр бөөринь болн терүн деернь ташан хаҗуд бәәх өөкиг, дәкәд элкнә семҗиг өгтхә (терүг бөөртәһинь хамднь суһлҗ авх кергтә). 16Тедниг цугтаһинь гелң тәклин һалд шататха. Эннь Деед Эзнд һалын бәрц, Терүнд нерәдсн хот болх. Терүнд каңкнсн үнр таасгдна. Бәрцин өөкн кевтән Деед Эзнә болҗана. 17Таднд эннь мөңк зокал, альд эс бәәв чигн терүг үйәс үйд бәрҗ йовтн: хотдан өөк чигн, цус чигн бичә орултн.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023