Левит 2
2
Өдмгин бәрцин тускар
1Кемр кен-негнь Деед Эзнд өдмгәр бәрц бәрхәр седҗәхлә, тернь цаһан буудян һуйрар кегдх йоста. Тер күн һуйрт олив тос кеһәд, ладан тәвх. 2Гелңгүд болҗах Ахарона хөөт үйнрт авч иртхә. Гелң терүнәс атхм һуйр тостаһинь авад, бас ладаниг кевтнь авад тәкл тәкдг орм деер бәрцин дееҗинь гиҗ шататха. Эннь Деед Эзнд һалын бәрц, каңкнсн үнр Терүнд тааста. 3Наадк әңгнь Ахарона болн терүнә көвүдин болҗана: әрүнәс әрүн юмн, тедн Деед Эзнә һалын бәрцәс авгдҗана.
4Кемр чини өдмгин бәрц бешт болһгдсн болхла, тиигхлә тернь цаһан буудян һуйрар болһгдх йоста: эс искәсн һуйрар болһсн өдмгиг олив тоснд элдәд эс гиҗ олив тос түрксн һуйр болх йоста.
5Кемр өдмгәр кеҗәх чини бәрц дөрвлҗн таавад болһгдсн болхла, тиигхлә эннь эс искәсн цаһан буудян һуйрар олив тоснд элдәд болһгдх йоста. 6Тер өдмгиг әңг-әңгәр хамхлад олив тос деерәснь ке. Эннь өдмгәр кеҗәх бәрц.
7Кемр өдмгәр кеҗәх чини бәрц төгрг таавад болһгдсн болхла, тиигхлә олив тоснд цаһан буудян һуйрар болһгдх йоста.
8Деед Эзнд өдмгин бәрц гиһәд авч одад терүгән гелңд өг. Гелң терүг тәклин ормд тәвтхә. 9Бәрцин дееҗинь авад тәклин һалд шататха. Эннь Деед Эзнд һалын бәрц, каңкнсн үнр Терүнд тааста. 10Наадк әңгнь Ахарона болн терүнә көвүдт: әрүнәс әрүн юмн, тернь Деед Эзнә һалын бәрцәс авгдҗана.
11Деед Эзнд өргҗәх тадна өдмгин бәрц эс искәсн һуйрар болһгдх йоста. Искәд болһсн өдмг, бал Деед Эзнд өгчәх һалын бәрц гиҗ шатагдшго юмн. 12Деед Эзнд теднән шин тәрәнә түрүн урһцин дееҗнь гиһәд авч иртн. Болв теднь Деед Эзнд каңкнсн үнр һарһад таасгддгар тәклин һалд бичә теднән шататн.
13Тиим бәрцсиг давслхан бичә март. Давсн Бурхна болн чини хоорндк бооцана темдг. Авч ирх бәрц болһндан давс нем.
14Кемр Деед Эзнд тәрәнә түрүн урһцас өдмгәр бәрц бәрҗәхлә, шин буудян толһасин үүлсн экинь һалд хуурад авч ирх кергтә. 15Терүнд олив тос нем, деерәснь ладан асх. Эннь өдмгәр кеҗәх бәрц. 16Тегәд гелң эн бәрцин дееҗинь Деед Эзнд һалын бәрц гиһәд шататха. Тернь буудян экнәс зәрм әңгинь болн ладаниг кевтнь.
Currently Selected:
Левит 2: ХКО_ӘБ
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023
Левит 2
2
Өдмгин бәрцин тускар
1Кемр кен-негнь Деед Эзнд өдмгәр бәрц бәрхәр седҗәхлә, тернь цаһан буудян һуйрар кегдх йоста. Тер күн һуйрт олив тос кеһәд, ладан тәвх. 2Гелңгүд болҗах Ахарона хөөт үйнрт авч иртхә. Гелң терүнәс атхм һуйр тостаһинь авад, бас ладаниг кевтнь авад тәкл тәкдг орм деер бәрцин дееҗинь гиҗ шататха. Эннь Деед Эзнд һалын бәрц, каңкнсн үнр Терүнд тааста. 3Наадк әңгнь Ахарона болн терүнә көвүдин болҗана: әрүнәс әрүн юмн, тедн Деед Эзнә һалын бәрцәс авгдҗана.
4Кемр чини өдмгин бәрц бешт болһгдсн болхла, тиигхлә тернь цаһан буудян һуйрар болһгдх йоста: эс искәсн һуйрар болһсн өдмгиг олив тоснд элдәд эс гиҗ олив тос түрксн һуйр болх йоста.
5Кемр өдмгәр кеҗәх чини бәрц дөрвлҗн таавад болһгдсн болхла, тиигхлә эннь эс искәсн цаһан буудян һуйрар олив тоснд элдәд болһгдх йоста. 6Тер өдмгиг әңг-әңгәр хамхлад олив тос деерәснь ке. Эннь өдмгәр кеҗәх бәрц.
7Кемр өдмгәр кеҗәх чини бәрц төгрг таавад болһгдсн болхла, тиигхлә олив тоснд цаһан буудян һуйрар болһгдх йоста.
8Деед Эзнд өдмгин бәрц гиһәд авч одад терүгән гелңд өг. Гелң терүг тәклин ормд тәвтхә. 9Бәрцин дееҗинь авад тәклин һалд шататха. Эннь Деед Эзнд һалын бәрц, каңкнсн үнр Терүнд тааста. 10Наадк әңгнь Ахарона болн терүнә көвүдт: әрүнәс әрүн юмн, тернь Деед Эзнә һалын бәрцәс авгдҗана.
11Деед Эзнд өргҗәх тадна өдмгин бәрц эс искәсн һуйрар болһгдх йоста. Искәд болһсн өдмг, бал Деед Эзнд өгчәх һалын бәрц гиҗ шатагдшго юмн. 12Деед Эзнд теднән шин тәрәнә түрүн урһцин дееҗнь гиһәд авч иртн. Болв теднь Деед Эзнд каңкнсн үнр һарһад таасгддгар тәклин һалд бичә теднән шататн.
13Тиим бәрцсиг давслхан бичә март. Давсн Бурхна болн чини хоорндк бооцана темдг. Авч ирх бәрц болһндан давс нем.
14Кемр Деед Эзнд тәрәнә түрүн урһцас өдмгәр бәрц бәрҗәхлә, шин буудян толһасин үүлсн экинь һалд хуурад авч ирх кергтә. 15Терүнд олив тос нем, деерәснь ладан асх. Эннь өдмгәр кеҗәх бәрц. 16Тегәд гелң эн бәрцин дееҗинь Деед Эзнд һалын бәрц гиһәд шататха. Тернь буудян экнәс зәрм әңгинь болн ладаниг кевтнь.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2002-2023