1 Көринтинхн 16

Иткдг улсин төлә цуглулҗах мөңгн

1Бурхна улсин төлә цуглулгдҗах мөңгнә тускар. Һалатьяд бәәх иткдг улст мини келснлә әдләр тадн тиигҗ кетн. 2Олсн мөңгнләһән ирлцүлҗ долан хонгин нарн өдр күн болһн эврәннь мөңгнәсн хоршаһад бәәтхә. Намаг ирхлә, дәкҗ цуглуллго белн болдгар бәәтн. 3Би ирхләрн, тадна шүүҗ авсн улст селвгтә бичг өгнәв. Тедниг тадна цуглулҗ авсн мөңгиг күргтхә гиһәд Ерусалим тал илгәнәв. 4Кемр нанд тиигәрән йовх кергтә болхла, тедн нанла йовх.

Павелын зура

5Би Македониг һатлад, тиигәд тадн тал ирхв. Яһад гихлә, би Македоняр дәврҗ йовх йостав. 6Танад би цаг зуур бәәхв, болв үвлзәд чигн бәәхв. Нанд тадн цааранднь һазр эрглһнд дөңгән күргхит. 7Яһад гихлә, ода би таднла адһмта йовад харһхар седҗәхшв. Кемр Деед Эзн зөв өгхлә, танад цаг зуур бәәхәр би нәәлҗәнәв. 8Епест би тәвдгч өдрин нәр күртл бәәхв. 9Яһад гихлә, тенд олн өшәтн бәәв чигн, туста көдлмш кехд үүдн өргәр нанд секәтә. 10Кемр тадн тал Тимофей ирхлә, юмнас бичә әәтхә, тадн хәлән бәәтн. Юңгад гихлә, тер нанла әдл Деед Эзнә төлә көдлҗәнә. 11Нег чигн күн терүг бичә һолтха. Нан тал хәрү ирдгәр терүнд һазр эргәд йовлһнднь дөң болтн. Би терүг ахнр-дүүнрән дахулад ирхинь күләҗәнәв. 12Апол ахин тускар. Ахнр-дүүнртәһән тер таднд одтха гиҗ би терүг йир сурлав. Болв ода деерән тер йовхар седҗәхш, зуг чөлән болхла, тер ирх.

Товчлгч үг

13Сагар бәәтн, итклдән бат болтн, зөргтә болн чидлтә болтн. 14Кеҗәх тоотан дуран өгч кетн. 15Тадн Степаниг болн терүнә өрк-бүлиг меднәлмт. Ахьяд бәәх Христост иткдг улсин түрүңкснь тедн болҗана. Бийән тедн Бурхна улст церглхәр нерәдв. Би сурҗанав, 16теднлә көдлҗәх болн теднлә церглҗәх улсин һардврт соңсхврта болтн. 17Степан Портунат болн Ахьяк ирснд би байрлҗанав. Тедн нанд тадн угаһар дуту болҗасн юм өгв. 18Тедн нанд таднла әдл урмд өгв. Тиим улсиг күндлтн. 19Азийд бәәх иткдг улс менд келүлҗәнә. Әкүль болн Приска, теднә герт хурдг иткдг улс бас тадниг Деед Эзнлә ниилснтн халунар мендлҗәнә. 20Ахнр-дүүнр цугтан таднд мендән илгәҗәнә. Нег-негнләһән әрүн үмслһәр мендлтн. 21Би эврәннь һарар таднд бичҗәнәв: Павелас менд. 22Деед Эзнд дурлдго күн мөңкинд харалла харһтха. О, Деед Эзн, ир!#Энд арамей келәр Марана та гиҗ бичәтә. 23Таднла Деед Эзн Исусин хәәрлт бәәтхә. 24Цуг таднла Исус Христосла ниилснд мини дурн бәәтхә!

Currently Selected:

1 Көринтинхн 16: ХКО_ӘБ

Highlight

Copy