romana 16
16
1ni pikiskwēstamawāw pipi kitawēmānāw, kā pamiāt otayamihāwa sēnkariyaihk kā ayāyit: 2kita pitokaāyēk kā tipēyihcikēt isi, ē kaskitamāsot okanātisiwa ohci, mina kita wiciāyēk piko kēkway isi kwitamāci: cikēmā mihcēt awiya ki nanisokamawēw, niya mina ahpo.
3 #
isihcikēwiniwāwa 18:2
atamiskākok pariska mina akwila ni wici atoskēmākanak Christ cisas ē atoskawāyāhk, 4ēwakonik niya ni pimātisiwin ohci kā ki pakitinakik wiyawāw okwayāwāwa; ēwakonik namawiya niya piko kā nanāskomakik, māka kahkiyaw mina otayamihāwa kā cēntailiwiyit: 5mina atamiskākok otayamihāwak o wāskāhikaniwāhk kā ayāyit. atamiskāhk ēpinitas kā sākihak, ēwako nistam ēsiyaihk kā ki tāpwētawāt Christa. 6atamiskāhk mēri, mistahi kā ki atoskākoyēk. 7atamiskāhk āntarānwakas mina coniyas, ni wakomākanak, mina kā ki kiki kipahokawiyān, kā akicikāsocik mēkwā apastilināhk, wiyawāw mina nikān kā ki wicēwāci, Christa. 8atamiskāhk āmpiliyētas kā sākihak kā tipēyihcikēt isi. 9atamiskāhk arpēnas ni wici atoskēmākaninān Christ isi, stēkis kā sākihak. 10atamiskāhk āpēlis kā naēyitākosit Christ isi. atamiskākok aniki āristāpolas wikihk kā ayāyit. 11atamiskāhk ērātian ni wākomākan. atamiskākok aniki nārsisas wikihk kā ayāyit, kā tipēyihcikēyit kā wicēwācik. 12atamiskākok taraipina mina taraiposa, kā atoskawācik kā tipēyihcikēyit. atamiskāhk parsis kā sākihiht, mistahi kā ki atoskawāt kā tipēyihcikēyit. 13#mārk 15:21atamiskāhk ropas kā ki nawasoniht kā tipēyihcikēt isi, asici okāwiya nista kā okāwiyān. 14atamiskāhk asinkaritas, palikan, harmis, pātaropas, harmās, mina ociwāmimāwa kā wici ayāmikocik. 15atamiskākok palalakas mina coliya, niriyas mina otawēmāwa, mina alimpas, mina kahkiyaw okanātisiwa kā wici ayāmikocik. 16ayatamiskotātok ē kanāci wayocētayik. kahkiyaw papitos ita kā ayamihēstawācik Christa kit atamiskākowāwak.
17ēkwa māka ki pakosēyimitināwāw, niciwāmitik, kiskinawātēyimikok aniki ē nikāniwitācik nanānisciitowina mina anihi kā pisokēsinoiwēki, ēkā ē itastēk kakēskwēwin kā ki kiskinohamākawiyēk: mina ēkāwiya wicēwikok, 18cikēmā ēkotowa namawiya atoskawēwak kā tipēyimikoyahk cisas Christ māka wiyawāw watāwāw; ēkosi ē yoskāyik mina ē mamiyotitācik o pikiskwēwiniwāw kāsispowitāwēwak o tēiyiwa ēkā kā kiskēyitamiyit. 19cikēmā ki nanaitamowiniwāw misiwē itē otihtik kahkiyaw ayisiyiniw. ki mamahtākoināwāw māka: ki natawēyimitināwāw māka kita iyinisikatamēk anima kā miywāsik, ēkosi ēkā kita kiskēyitamēk anima kā māyātahk. 20ana māka kisēmanito kā ohcistamākēt pēyatakēyimowin kita pakamiwēpinēw sētana sipā kisitiwāhk.
o kisēwātotākēwin kā tipēyimikoyahk cisas Christ ki ka wi wicēwikonāwāw.
21 #
isihcikēwiniwāwa 16:1
timatī ni wici atoskēmākan kit atāmiskākowāw; mina losiyas mina cēsan mina sāsipētar, ni wākomākanak. 22niya tarsiyas, kā masinahamān oma masinahamākēwin, kit atamiskātināwāw kā tipēyihcikēt isi. 23#isihcikēwiniwāwa 19:29; 1 karintiyana 1:14; 2 timatī 4:20kēyas kā pitokait, mina kahkiyaw otayamihāwa, kit atamiskākowāw. irāstas okanawisoniyāwēw otēnāhk kit atamiskākowāw, mina kwartas ociwāmimāw.
25ēkwa māka ana kā kaskitāt kita sokikāpawiikoyēk ē itastēk ni miywācimowin mina o kakēskimiwēwin cisas Christ, ē isi kiskēyitākotāhk anima ē mamātawahk kā ki pē kanawēyitamihk ēkā ē pētākwahk kākikē pēci, 26māka ēkwa kā nokwahk, mina o masinahikēwiniwāwa okiskiwēhikēwak, ē itastēyik oyasowēwin kākikē ēyāt kisēmanito, kā kiskēyitamoihcik kahkiyaw ē itahtoskānēsicik ayisiyiniwak kita nanaitamihk tāpwēyēyitamowin; 27ana piko kā iyinisit kisēmanito, wiya ohci cisas Christ, kita ayāw kistakimikowin kākikē. āmēn.
This Bible text is a transliteration of a corrected edition of the 1908 Western Cree Bible; it is in the public domain.