romana 13
13
1kiyām kahkiyaw awiyak kotahcāhkot kita nanaitawēw kā kihcāyiwiyit: cikēmā namawiya ihtakwan kihcāyiwiwin piko kisēmanitohk ohci; kihcāyiwina māka kā ayāki ki oyakitam kisēmanito. 2ēkosi māka ana kā nakāskahk kihcāyiwiwin nakāskam anima kā ki oyakitamiyit kisēmanitowa: aniki māka kā nakāskakik kita ohcitisaamāsowak oyasowātikowin. 3cikēmā kā oyasowēcik namawiya kita kostikocik kā atoskātamiyit miyo kēkway māka kā macāyiwiyit. ki notē isi ayān ci māka ēkā kita kostaman kihcāyiwiwin? itota anima kā miywāsik, ēkosi ki ka mamicimikon ēwako: 4cikēmā atoskawēw kisēmanitowa kiya kita miyototāsk. māka kispin itotamani anima kā māyātāhk, ēkwa piko kita astāsiyan; cikēmā namawiya pikwanata isawēsk kā takonahk: wiya kisēmanito ot atoskēyākana, ē tipaamawāt kisiwāsiwinihk isi anihi kā maci totamiyit. 5ēkosi māka piko kita nanaitamēk, namawiya piko kisiwāsiwin ohci, māka mina naēyitamowin ohci. 6#mātyo 22:21; mārk 12:17; lok 20:25ēwako māka oma mina ohci tipahikēk kā tipahikēikawiyēk soniyāw; cikēmā ēwakonik mina atoskawēwak kisēmanitowa, ē pamitācik mosak ēwakwēyiw oma. 7kahkiyaw māka ē itakicikēcik tipitotamok: tipahikēwi soniyāw ana kā itastēk kita miyiht tipahikēwi soniyāwa; oyasowēwi soniyāw ana kita miyiht oyasowēwi soniyāwa; kosikwēyimihk ana kita kosikwēyimiht; kistēyimihk ana kita kistēyimiht.
8ēkāwiya awiya ayisiyiniw masinahamāhk piko kita sākihitoyēk: cikēmā ana kā sākihāt wici ayisiyiniwa ki tipitotam oyasowēwin. 9#ēksatas 20:14; tiyotaranami 5:18; ēksatas 20:13; tiyotaranami 5:17; ēksatas 20:15; tiyotaranami 5:19; ēksatas 20:17; tiyotaranami 5:21; lipitikas 19:18cikēmā oma, namawiya ki kā pisikwatisin, namawiya ki ka nipatākān, namawiya ki ka kimotin, namawiya ki ka mostawinamākān, ēkosi kispin ētakwanokwē kotak oyasowēwin, ēkota māmawakitēw oma itwēwin, ki ka sākihāw kihci ayisiyiniw kā isi sākihisoyan. 10sākihiwēwin namawiya māyitotawēw wici ayisiyiniwa: sākihiwēwin māka ēwako ē tipitotamihk oyasowēwin.
11mina oma, ē kiskēyitamahk ēkwa ē ati ispayik kita koskoskāyahk; cikēmā ki pimācihowininaw nawac ēkwā ki pēswāpatēnānaw iyikohk ispi nistam kā tāpwētamahk. 12ē tipiskāk sāsay mistahi mayāskamopayiw, mina ē kisikāk kisiwāk ayāw: kēcikonatāk māka wanitipiskāwi atoskēwina, mina posiskatāk wāstēwi kikiskācikan. 13kwayask isi pimohtētāk tāpiskoc ē kisikāk; namawiya kiskwēkamikisiwinihk mina kiskwēpēwinihk, namawiya pisikwātisiwinihk mina kakēpātisiwinihk, namawiya kikātowinihk mina kākwēyitowinihk. 14māka posiskāhk kā tēpēyihcikēt cisas Christ, mina ēkāwiya iyinamawātamok wiyāsiwiwin, kita tipitotamēk ē isi maci mostawēyitamomakahk.
This Bible text is a transliteration of a corrected edition of the 1908 Western Cree Bible; it is in the public domain.