sēnt mātyo 16
16
1 #
mātyo 12:38; lok 11:16 wiyawāw māka mina parasiyak ē pē wicēwācik anihi satyosiya, ki pē itohtēwak, mina ē pē kakwēciacik, ē pakosēyimācik kita wāpahtahikocik kiskinawacicikan kihci kisikohk ohci. 2ki naskwēwasimēw māka omisi ē ki itāt, ispi wētākosiki, kiyawāw kit itwānāwāw, kita miyo kisikāw; cikēmā mikwawaskwan. 3kiyēkisēpayaki māka wiya, kita maci kisikāw anohc kē kisikāk; cikēmā kisik mikwaw, mina waskowan. ki kiskēyitēnāwāw ēspitikwēmakahk kisik; namawiya māka ki kiskēyitēnāwāw anihi kiskinawacicikana mēkwāc kā pimi ayāki. 4#mātyo 12:39; lok 11:29omacatisiwi mina pisikwatisiwi ayisiyiniwak kā nanatonakik kiskinawacicikan; namawiya māka kiskinawacicikan kita pakitinamawawak, piko anima o kiskinawacicikan okiskiwēhikēw cōna. ēkosi māka ki nakatēw, ē ati sipwēhtēt.
5ispi māka o kiskinohamawākana kā pē takosiniyit kwēskitē itēkēkam, ki wanikiskisiwak kita takonacik pakwēsikana. 6#lok 12:1ēkospi māka cisas omisi ki itēw, ayakwamisik mina kakospanēyitamok anima ot ohpihcicikaniwāw aniki parasiyak mina aniki satyosiyak. 7ēkosi māka ki kakwēcitowak, omisi ē itwēcik, cikēmā ēkā ē ki ohci tahkonāyahk pakwēsikan. 8ispi cisas kēskēyitahk, omisi ki itēw, o kiyawāw kā apisāsik ki tāpwētamowiniwāw, tānēki kā kakwēcitoyēk, cikēmā ēkā ē ohci pē takonāyēk pakwēsikan? 9#mātyo 14:17-21namēskwa ci kēyāpic ki nisitohtēnāwāw, ahpo nama ci kēyāpic ki kanokiskisināwāw aniki niyānan pakwēsikanak ēkosi niyananwaw kihci mitātomitanaw kā ihtasicik, tani tahto māka wikopiwata ē sākaskinēki kā otinamēk? 10#mātyo 15:34-38ahpo mina aniki tēpakop pakwēsikanak ē ki matinamacik aniki nēwāw kihci mitātomitanaw kā ihtasicik, tani tahto māka wikopiwata ē sakaskinēki kā otinamēk? 11tānēki ēkā kā nisitohtamēk, ē ayamiitakok ēkā pakwēsikan ē āyimomak, māka anima kita kakospanēyitamēk opihcicikaniwāw parasiyak mina satyosiyak? 12ēkwa māka ki nisitohtawēwak tānisi ē isi wihtamakocik ēkā kita kakospanēyitahkik anima pakwēsikani ohpihcicikan, māka anima o kiskinohamākēwiniwāw parasiyak mina satyosiyak.
13ispi māka cisas kā takosihk anitē sisēria pilipay, ki kakwēcimēw o kiskinohamawākana, omisi ē itāt, awēna ayisiyiniwak ē itwēcik niya iyiniwikosisān ē āwiyān? 14#mātyo 14:1,2; mārk 6:14,15; lok 9:7,8omisi māka ki itwēwak, ātiht can paptist itwēwak: ātiht, ilayas; kotakak māka, cērimayas, ahpo nikotwā pēyak okiskiwēhikēwak. 15omisi māka itēw, tānisi māka kiyawāw ētwēyēk ē āwiyan? 16#cān 6:68,69saiman pitar māka ki naskwēwasimēw omisi ē ki itāt, kiya oma Christ okosisa kā pimātisit kisēmanito. 17cisas māka ki naskwēwasimēw omisi ē ki itāt, ki sawēyitākosin isa kiya, saiman parcona; cikēmā wiyas mina mihko namawiya ki ki kiskēyitamoikon, māka piko notāwi kihci kisikohk kā ayāt. 18mina māka omisi kit itin, kiya pitar; ota māka awa kistāpiskohk ni ka pasikonēn nit isitwawin; anihi māka hētis iskwatēma namawiya kita sākotwāmakanwa. 19#mātyo 18:18; cān 20:23ēkosi ki ka miyitin apitakaikana anita kihci kisikowi otēnawiwinihk; piko māka kēkway kē takopitaman ota askihk, kita takopicikatēw kihci kisikohk; mina kēkway kē āpahaman ota askihk, kita āpaikatēw kihci kisikohk. 20ēkosi māka ki ayakwāmimēw o kiskinohamawākana, ēkā awiya kita wihtamawāyit wiya ē āwit cisas ana Christ.
21ēkospi māka ohci cisas ki sipwē wāpahtaēw o kiskinohamawākana, tānisi kita isi itohtēt cērosalamihk, mina misiwē kita isi kakwatakihikot kā nikānēyitākosiyit mina ayamihēwiyiniwa, mina masinahikēwiyiniwa, mina kita nipaikot, mina māka kita waniskānit ki nisto kisikāki. 22ēkosi māka pitar ki otinēw, ē wi kitahamawāt, omisi ē itwēt, oma wayaw kita wi ihtakwan, tēpēyihcikēyan; namawiya ēkosi ki ka itin. 23māka ki kwēskikapawiw, omisi ē ki itāt pitara, otakēskawin kiya sētan; ki nayētawiskawin; cikēmā namawiya ki ki pisiskēyitēn anihi kisēmanito kā ot ayānit, māka piko anihi ayisiyiniwak kā ot ayānicik.
24 #
mātyo 10:38; lok 14:27 ēkosi cisas ki itēw o kiskinohamawākana, kispin awiyak ayisiyiniw wa pimitisaokwē, kiyām kita anwētāso, mina kita otinam o pimitaskwaihkan, ēkosi māka ni ka pimitisahok. 25#mātyo 10:39; lok 17:33; cān 12:25cikēmā kispin awiyak wa pimacitakwē o pimātisiwin kita wanitaw; awiyak māka kē wanitakwē o pimātisiwin niya ohci kita miskam. 26cikēmā tānisi ayisiyiniw kē itapacihikot, kispin kaskitat misiwē aski, ēkosi waniaci ot ahcāhkwa? ahpo kēkway kē miskotonikakēt ayisiyiniw ot ahcāhkwa ohci? 27#mātyo 25:31; nikamona 62:12; romana 2:6cikēmā iyiniwikosisān kita pē takosin o mamahtākosiwiniyihk otāwiya, ē pē wicēwat okisikoma; ēkosi māka kita tipaamawēw kahkiyaw ayisiyiniwa mwēhci kā ki isi ayitatoskēyit. 28tāpwē kit itināwāw, ātiht ota nipawiwak, aniki ēkā kē kocistahkik nipowin, ēyikohk kita wāpamācik iyiniwikosisāna ē pē itohtēyit ot otēnawiwiniyihk.
This Bible text is a transliteration of a corrected edition of the 1908 Western Cree Bible; it is in the public domain.