isihcikēwiniwāwa 26
26
1akripa māka ki itēw pāla, kit iyinamākawin kita pikiskwēstamāsoyan. ēkwa pāl ki sowiniskēyiw, mina ki pikiskwēstamāso:
2ni mamahtākosin kihci okimāw akripa, ē otiskawikāpawistātān anohc kā kisikāk kita pikiskwēstamāsoyān kahkiyaw anihi ohci kā atāmimicik cowak: 3osām oti ē nakacitāyan kahkiyaw isihcikēwina mina kakwēcitowina kā ayācik cowak: ēwako māka ohci ki pakosēyimitin sipēyitamowēnihk kita natotawiyan. 4kā ki pē isi pimātisiyān ē oskātisiyān ohci, wiya micimāc ohci ē ki wiciayāmakik ni witaskimākanak, mina cērosalamihk, kiskēyitamwak kahkiyaw cowak; 5#isihcikēwiniwāwa 23:6; pilipiyana 3:5ē ki kiskēyimicik micimāc ohci, kispin wiya itēyitakwawi kita ācimocik, aniki kā māwaci ayākwāmisicik opiskitisiwak nit ayamihāwinināhk, pārisi kā itiht ēkosi ni ki isi pimātisin. 6ēkwa māka ota ni nipawin kita oyasoātikawiyān anima ohci ē aspēyimohk asotamākēwin kisēmanito kā ki miyāt notāwināna; 7ēwako asotamākowin mitātat nisosāp kā itatotēwisiyāhk, ēyikokwēyimowinihk ē atoskawāyāhk kisēmanito ē tipiskāk mina ē kisikāk, ni pakosēyimonān kita otitamāhk, ēwakoma aspēyimowin ohci kā mamisimicik cowak, ā kihci okimāw! 8tānēki ēkā kā ki tāpwētamihk kispin kisēmanito wēniskānakwē onipiwa? 9#isihcikēwiniwāwa 8:3; 22:4,5tāpwē niya ni ki itēyitēn, ē itastēk mihcēt kēkway kita itotamān nayētāw o wiyowinihk cisas nāsaritihk kā ohcit. 10oma māka ni ki itotēn cērosalamihk: ēkosi ni ki kipawawak mihcēt okanātisiwak kipahotowikamikohk, ē ki isi pakitinamawicik kihci ayamihēwiyiniwak, ispi māka nēpaihcik, nista ni ki naskotēn ēwako. 11ēkosi nāntaw ē ki itotawākik mihcētwāw kahkiyaw ayamihēwikamikohk, ni ki sikiskawāwak kita pāstāmowi pikiskwēcik; ayiwāk māka ē kisistawakik, ni ki nosonēwāwak ahpo wāyawēskamik otēnāhk.
12ēwakoma māka ohci ē itohtēyān tamāskasihk ē ki miyicik kaskihēwisiwin mina oyasowēwin kihci ayamihēwiyiniwak. 13ē āpitākisikāk, o kihci okimāw, ni ki wāpatēn mēkwā mēskanāhk ē wāsaskotēk kisikohk ohci, awasimē ē kikāyāstēk iyikohk pisim, ē wāskāskākoyāhk niya mina aniki kā wicēwicik. 14kahkiyaw māka mocihk kā isi pahkisiniyāhk, ni ki pēhtēn itwēwin ē itikoyān hiparo kiswēwinihk, sāl, sāl, tānēki kā māyitotawiyan? āyiman kita tātakiskātaman ē kiskiskaokawiyan. 15ēkosi ni ki itwān, awēna kiya, tēpēyihcikēyan? kā tipēyihcikēt māka ni ki itik, niya cisas kā māyitotawiyan. 16māka waniskā, mina nipawi kisitihk cikēmā ēwako oma ohci kā nokohisostātān, kita oyakimitān kita atoskātaman mina kita ātotaman anihi ita kā ki wāpamiyan, mina anihi ita kē nokohisostātān; 17ē paspiitān ayisiyiniwak ohci, mina cēntailak ohci, kita nātacik kā itisaotān, 18kita yotēnamawacik oskisikowāwa, kita kwēskicik wanitipiskāhk ohci wāsēyāhk isi, mina ē tipēyimikocik sētana kisēmanitowa kita nātācik, kita ponēyitamācik o macitiwiniwāwa mina kita asitakimihcik aniki kā kanāciihcik ē tāpwēyēyimicik.
19ēwako ohci māka, ā kihci okimāw akripa, namawiya nohci ānwētēn anima kihci kisikowi isinamowin: 20#isihcikēwiniwāwa 9:20,28,29māka ni ki kakēskimāwak aniki nikān tamāskasihk, ēkwa cērosalamihk, mina misiwē itē cotiya askihk, mina cēntailak, kita kwēskātisicik mina kita kwēskistawācik kisēmanitowa, ē itotahkik atoskēwina kā naiskamomakaki kwēskipimātisiwin. 21ēwako oma ohci cowak kā ki otitinicik kihci ayamihēwikamikohk, mina kā ki wi nipaicik. 22ē ki miyikowisiyān māka nisokamākowin kisēmanitohk kā ohcipayik, ni nipawin piyis anohc kā kisikāk ē ācimostawakik kā apistēyitākosicik mina kā kihcēyitākosicik, ēkā kēkway ē itwēyān piko anima okiskiwēhikēwak mina mosis kā ki itwēcik kita otihcipayik; 23#1 karintiyana 15:20; aysāya 42:6; 49:6mina tānisi Christ kita isi kotakitāt, mina tānisi wiya nikān ē āpisisihk nipowinihk ohci, kita tēpwātamawāt wāsēyāw ohi ayisiyiniwa mina cēntaila.
24oma māka ē ati isi pikiskwēstamāsot, pēstas itēw ē kisiwēt, pāl, ki kiskwān mā wiya; osām mistahi kiskēyitamawin ki kiskwēikon. 25māka pāl itwēw, nama wiya ni kiskwān, māmawēyās kā kihcāyiwiyan pēstas; māka ni pikiskwātēn tāpwēwini mina ayakwāmisiwi itwēwina. 26cikēmā kihci okimāw kiskēyitam ohi, ēwako mina namawiya ni manā wihtamawāw; cikēmā ni kēcināon namawiya ēkā kita kiskēyitahk ohi; namawiya māka kimoc oma kā ki itocikātēk. 27kihci okimāw akripa, ki tāpwētawāwak ci okiskiwēhikēwak? ni kiskēyitēn ē tāpwētaman. 28kihci okimāw akripa māka ki itēw pāla, namawiya mistahi sākocimiwēwin ohci karistiyan kā wi isiiyan. 29pāl māka ki itēw, pitanē itēyitahk kisēmanito, kispin apisis ahpo kispin mistahi, namawiya kiya piko, māka mina kahkiyaw oki kā pētawicik anohc kā kisikāk, ki isi ayācik tāpiskoc niya ohi piko mamācikwapisowina namawiya.
30kihci okimāw māka ki pasiko, asici oyasowēwikimāw, mina parnaisi, mina anihi kā witapimikocik: 31ispi māka ohpimē kā itohtēcik, ki tasitamātowak, ē itwēcik awa nāpēw namawiya kēkway itotam kita kaskitamāsot nipowin ahpo kita mamācikwapitiht. 32akripa māka ki itēw pēstasa, awa nāpēw kita ki pakitinātay kispin ēkā ki natotahk kita oyasowātikot sisara.
This Bible text is a transliteration of a corrected edition of the 1908 Western Cree Bible; it is in the public domain.