ᓭᑲᕒᐋᔭ 13
13
1ᐁᐊᐧᑳᐧᓂᒪ ᑭᓯᑳᑭ ᑭᑕ ᑕᐃᐧᓇᒪᐋᐧᐊᐧᐠ ᐅ ᐋᐧᐢᑳᐦᐃᑲᐣ ᑌᐱᐟ ᒥᓇ ᑳ ᐅᐟ ᐃᐦᑖᐃᐧᓂᒋᐠ ᒉᕒᐅᓴᓬᐊᒥᕽ ᒧᐦᑭᒋᐊᐧᓂᐯᐠ ᒪᒋᐃᑎᐃᐧᐣ ᐅᐦᒋ ᒥᓇ ᐁᑳ ᐁ ᐯᐦᑳᑎᓯᕽ ᐅᐦᒋ.
2ᑭᑕ ᐊᔨᐢᐸᔨᐤ ᒫᑲ ᐁᐊᐧᑳᐧᓂᒪ ᑭᓯᑳᑭ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᓂ ᑲ ᑭᐢᑭᐁᐧᐸᐊᒫᐧᐣ ᐅ ᐃᐧᔪᐃᐧᓂᐋᐧᐊᐧ ᒪᓂᑐᑳᓇᐠ ᐁᑯᑕ ᐊᐢᑭᕽ ᐅᐦᒋ, ᐁᑯᓯ ᓇᒪᐃᐧᔭ ᐊᐊᐧᓯᒣ ᑭᑕ ᑭᐢᑭᓯᑐᑕᐋᐧᐊᐧᐠ; ᐁᑯᓯ ᒥᓇ ᓂ ᑲ ᐃᐦᑐᑕᐋᐧᐊᐧᐠ ᐅᑭᐢᑭᐁᐧᐦᐃᑫᐊᐧᐠ ᒥᓇ ᐁᑳ ᑳ ᐯᑭᓯᐟ ᐊᐦᒑᕽ ᑭᑕ ᓇᑲᑕᐦᑭᐠ ᐊᐢᑭ. 3ᑭᑕ ᐊᔨᐢᐸᔨᐤ ᒫᑲ, ᑭᐢᐱᐣ ᐊᐃᐧᔭᐠ ᑫᔮᐱᐨ ᑭᐢᑭᐁᐧᐦᐃᑫᒋ, ᐁᑲᐧ ᐅᑖᐃᐧᔭ ᒥᓇ ᐅᑳᐃᐧᔭ ᑳ ᑭ ᓂᐦᑖᐃᐧᑭᐦᐃᑯᐟ ᑭᑕ ᐃᑎᐠ, ᓇᒪᐃᐧᔭ ᑭ ᑲ ᐱᒫᑎᓯᐣ; ᒋᑫᒫ ᑭᔮᐢᑭᐃᐧᓇ ᑳ ᐃᑌᐧᔭᐣ ᐅ ᐃᐧᔪᐃᐧᓂᕽ ᑳ ᑎᐯᔨᐦᒋᑫᐟ; ᐁᑯᓯ ᐅᑖᐃᐧᔭ ᒥᓇ ᐅᑳᐃᐧᔭ ᑳ ᑭ ᓂᐦᑖᐃᐧᑭᐦᐃᑯᐟ ᑭᑕ ᓵᐳᐢᑕᐦᐅᐠ ᐊᓂᒪ ᐁ ᑭᐢᑭᐁᐧᐦᐃᑫᐟ.
4ᑭᑕ ᐊᔨᐢᐸᔨᐤ ᒫᑲ ᐁᐊᐧᑳᐧᓂᒪ ᑭᓯᑳᑭ, ᐅᑭᐢᑭᐁᐧᐦᐃᑫᐊᐧᐠ ᑭᑕ ᓇᓀᐯᐃᐧᓯᐊᐧᐠ ᑲᐦᑭᔭᐤ ᐁᑕᓯᒋᐠ ᐅᐟ ᐃᓯᓇᒧᐃᐧᐣ ᐅᐦᒋ ᐁ ᑭᐢᑭᐁᐧᐦᐃᑫᐟ; ᓇᒪᐃᐧᔭ ᒥᓇ ᑭᑕ ᑭᑭᐢᑲᒪᐧᐠ ᐁ ᒥᐦᔭᐁᐧᔮᔨᐠ ᐊᑲᐧᓂᐃᐧᐣ ᑭᑕ ᑲᔦᓯᐃᐁᐧᒋᐠ; 5ᒫᑲ ᑭᑕ ᐃᑌᐧᐤ, ᓇᒪᔦᐤ ᓂᔭ ᐅᑭᐢᑭᐁᐧᐦᐃᑫᐤ, ᓂ ᑭᐢᑎᑫᐃᐧᔨᓂᐃᐧᐣ; ᒋᑫᒫ ᓂ ᑭ ᐊᐊᐧᑳᓂᐃᐧᐣ ᐁ ᐅᐢᑳᑎᓯᔮᐣ ᐅᐦᒋ. 6ᐊᐃᐧᔭ ᒫᑲ ᑭᑕ ᐃᑎᐠ, ᑫᑯ ᒥᓵᐧᑲᓂᑳᑎᑯᐃᐧᓇ ᐃᐧᔭ ᑭᒋᐦᒋᕽ ᑳ ᐊᔮᔭᐣ? ᐁᑲᐧ ᑭᑕ ᓇᐢᑫᐧᐊᐧᓯᒣᐤ, ᐁᐊᐧᑯᓂ ᐅᐦᐃ ᑳ ᑭ ᒥᓵᐧᑲᓂᑳᑎᑲᐃᐧᔮᐣ ᐅ ᐋᐧᐢᑳᐦᐃᑲᓂᐊᐧᕽ ᓂᑐᑌᒪᐠ.
7 #
ᒫᐟᔪ 26:31; ᒫᕒᐠ 14:27 ᑯᐢᑯᐢᑳ ᑭᔭ ᓯᒫᑲᓂᑯᒫᐣ, ᑭᑕ ᓇᑐᐸᔨᐢᑕᐊᐧᐟ ᓄᑲᓇᐃᐧᒫᔭᑎᑫᐧᒼ, ᒥᓇ ᐊᓇ ᓈᐯᐤ ᑳ ᐅ ᐃᐧᒉᐋᐧᑲᓂᔮᐣ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ; ᐸᑲᒪᐅᕽ ᐅᑲᓇᐃᐧᒫᔭᑎᐦᑫᐧᐤ, ᐁᑯᓯ ᒫᔭᑎᐦᑲᐧᐠ ᑭᑕ ᓯᓭᐧᑎᓴᐋᐧᐊᐧᐠ; ᓂ ᑲ ᑫᐧᐢᑭᒋᐦᒉᔨᐢᑕᐋᐧᐊᐧᐠ ᒫᑲ ᑳ ᐊᐱᓯᓯᓯᒋᐠ. 8ᑭᑕ ᐊᔨᐢᐸᔨᐤ ᒫᑲ ᒥᓯᐁᐧ ᐁᑯᑕ ᐊᐢᑭᕽ, ᐃᑌᐧᐤ ᑳ ᑎᐯᔨᐦᒋᑫᐟ, ᓂᓱ ᐁ ᑭ ᐹᐸᐦᑳᓂᐃᐦᒋᐠ ᑭᑕ ᑭᐢᑭᐁᐧᐸᐋᐧᐊᐧᐠ ᐁᑯᓯ ᑭᑕ ᓂᐱᐊᐧᐠ; ᒫᑲ ᐊᓂᒪ ᐯᔭᐠ ᓂᐢᑕᐧᔭᐠ ᐁ ᑭ ᐸᐦᑳᓂᐃᐦᒋᐠ ᑭᑕ ᐃᐢᑯᓈᐊᐧᐠ. 9ᐁᑯᓯ ᐁᐊᐧᑳᐧᓂᒪ ᐯᔭᐠ ᐁ ᑭ ᓂᐢᑐᐃᐦᒋᐠ ᐃᐢᑯᑌᕽ ᓂ ᑲ ᓵᐳᑕᐋᐊᐧᐠ, ᓂ ᑳ ᐯᐦᑭᐋᐊᐧᐠ ᒫᑲ ᑖᐱᐢᑯᐨ ᐋᐧᐱᐢᑭᓱᓂᔮᐤ ᑳ ᐃᓯ ᐯᐦᑭᐃᐦᐟ, ᒥᓇ ᓂ ᑲ ᑯᑌᔨᒫᐊᐧᐠ ᑖᐱᐢᑯᐨ ᐅᓵᐃᐧᓱᓂᔮᐤ ᑳ ᐃᓯ ᑯᑌᔨᒥᐦᐟ; ᑭᑕ ᒪᐃᐧᒧᐢᑕᒪᐧᐠ ᓂ ᐃᐧᔪᐃᐧᐣ, ᐁᑯᓯ ᓂ ᑲ ᓇᑐᐦᑕᐋᐧᐊᐧᐠ; ᓂ ᑲ ᐃᑖᐧᐣ, ᐁᐊᐧᑯᓂᐠ ᓂᐟ ᐊᔨᓯᔨᓂᒪᐠ; ᐁᑯᓯ ᑭᑕ ᐃᑌᐧᐊᐧᐠ, ᑳ ᑎᐯᔨᐦᒋᑫᐟ ᐁᐊᐧᑯ ᓂ ᑭᓭᒪᓂᑐᒼ.
Currently Selected:
ᓭᑲᕒᐋᔭ 13: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
