ᕒᐅᐦᐟ 2
2
1ᓀᐅᒪᐩ ᒫᑲ ᑭ ᐃᐦᑖᔨᐊᐧ ᐁ ᑭ ᐅ ᐋᐧᑯᒫᑲᓂᔨᐟ ᐅ ᓈᐯᒪ, ᐁ ᑭᐦᒑᔨᐃᐧᐟ ᓈᐯᐤ ᐁ ᐁᐧᔪᑎᓯᐟ, ᐅ ᐋᐧᑯᒫᑲᓂ ᐃᓬᐃᒥᓬᐃᐠ ᐅᐦᒋ; ᐳᐋᐢ ᒫᑲ ᑭ ᐃᓯᔨᐦᑳᓱ. 2#ᓬᐃᐱᑎᑲᐢ 19:9,10; ᑎᔪᑕᕒᐊᓇᒥ 24:19ᕒᐅᐦᐟ ᒫᑲ ᐊᓇ ᒧᐋᑊ ᐃᐢᑫᐧᐤ, ᐅᒥᓯ ᑭ ᐃᑌᐤ ᓀᐅᒪᔭ, ᑭᔮᒼ ᐁᑲᐧ ᑭᐢᑎᑳᓂᕽ ᓂ ᑲ ᐃᑐᐦᑖᐣ, ᑭᑕ ᒧᓴᑭᓂᑫᔮᐣ ᒪᐢᑯᓯᐃᐧ ᑭᐢᑎᑳᓂᕽ ᓈᐊᐩ ᐊᐃᐧᔭᐠ ᑫ ᑭᑎᒫᑭᓇᐃᐧᑫᐧ. ᑭ ᐃᑎᐠ ᒫᑲ, ᑭᔮᒼ ᐃᑐᐦᑌ ᓂᑖᓂᐢ. 3ᐁᑯᓯ ᑭ ᐃᑐᐦᑌᐤ, ᒥᓇ ᑭ ᐯ ᓇᑕᐃᐧ ᒧᓴᑭᓂᑫᐤ ᑭᐢᑎᑳᓂᕽ ᐁ ᓈᐊᐧᔪᐢᑲᐋᐧᐟ ᐅᒪᓂᓯᑫᐊᐧ; ᓈᓇᐃᑖᐠ ᒫᑲ ᑭ ᒫᒋ ᐊᑐᐢᑫᐤ ᐃᑕ ᐊᓂᒪ ᑭᐢᑎᑳᐣ ᐁ ᑎᐯᔨᐦᑕᒥᔨᐟ ᐳᐋᐢ, ᐊᓇ ᑳ ᐅ ᐋᐧᑯᒫᑲᓂᐟ ᐃᓬᐃᒥᓬᐃᐠ.
4ᐁᑯᓯ ᐳᑎ, ᐳᐋᐢ ᑭ ᐯ ᐅᐦᑐᑌᐤ ᐯᐟᓬᐃᐊᒥᕽ, ᐁᑯᓯ ᑭ ᐃᑌᐤ ᐅᒪᓂᓯᑫᐊᐧ, ᑳ ᑎᐯᔨᐦᒋᑫᐟ ᑭ ᑲ ᐃᐧ ᐃᐧᒉᐃᐧᑯᐋᐧᐤ, ᑭ ᓇᐢᑫᐧᐊᐧᓯᒣᐊᐧᐠ ᒫᑲ, ᑲ ᑎᐯᔨᐦᒋᑫᐟ ᑭ ᑲ ᐃᐧ ᓴᐁᐧᔨᒥᐠ. 5ᐁᑲᐧ ᒫᑲ ᐳᐋᐢ ᑭ ᐃᑌᐤ ᐅᐟ ᐊᑐᐢᑫᔮᑲᓇ ᑳ ᑎᐯᔨᒫᔨᐟ ᐅᒪᓂᓯᑫᐊᐧ, ᐊᐁᐧᓇ ᐅᐦᐃ ᐅᐢᑭᓂᑭᐢᑫᐧᒪ? 6ᐊᓇ ᒫᑲ ᐊᑐᐢᑫᔮᑲᐣ ᑳ ᑎᐯᔨᐦᑕᒧᐃᐦᐟ ᐅᒪᓂᓯᑫᐊᐧ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐁᐊᐧᑳᐧᓇ ᒧᐋᑊ ᐅᐢᑭᓂᑭᐢᑫᐧᐤ ᑳ ᑭ ᐯ ᑭᐁᐧ ᐃᐧᒉᐋᐧᐟ ᓀᐅᒪᔭ ᒧᐋᑊ ᐊᐢᑭᕽ ᐅᐦᒋ; 7ᐅᒥᓯ ᒫᑲ ᑭ ᐃᑌᐧᐤ, ᑭ ᐸᑯᓭᔨᒥᑎᓈᐋᐧᐤ, ᑭᔮᒼ ᓂ ᑲ ᒧᓴᑭᓂᑳᐣ ᒥᓇ ᓂ ᑲ ᒫᐊᐧᒋᒋᑳᐣ ᐁ ᓈᐊᐧᔪᐢᑲᐊᐧᑭᐠ ᐅᒪᓂᓯᑫᐊᐧᐠ ᒣᑳᐧ ᐊᓴᐱᒋᑲᓂᕽ; ᑭ ᐯ ᐃᑐᐦᑌᐤ ᒫᑲ ᐁᑯᓯ ᐁᑯᑕ ᐁ ᑭ ᐯ ᐊᔮᐟ ᐁ ᑫᑭᓭᐹᔮᐠ ᐅᐦᒋ ᐱᔨᐢ ᐊᓄᐦᐨ, ᐱᑯ ᐊᒋᔭᐤ ᐋᐧᐢᑳᐦᐃᑲᓂᕽ ᐁ ᑭ ᐊᔮᐟ.
8ᐁᑲᐧ ᐳᐋᐢ ᑭ ᐃᑌᐤ ᕒᐅᐦᑕ, ᓇᒪ ᒋ ᑭ ᐯᐦᑌᐣ ᓂᑖᓂᐢ? ᐁᑳᐃᐧᔭ ᑯᑕᐠ ᑭᐢᑎᑳᓂᕽ ᓇᑕᐃᐧ ᒧᓴᑭᓂᑫ, ᒥᓇ ᐁᑳᐃᐧᔭ ᐅᑕ ᐅᐦᒋ ᓯᐯᐧᐦᑌ, ᒫᑲ ᑭᓯᐋᐧᐠ ᐃᐧᒉᐃᐧᐠ ᓂᐟ ᐊᑐᐢᑫᔮᑲᓂᐢᑫᐧᒪᐠ. 9ᑭᔮᒼ ᑭᑖᐸᑕ ᐊᓂᒪ ᑭᐢᑎᑳᐣ ᐃᑕ ᑳ ᒪᓂᓯᑫᒋᐠ, ᐁᑯᓯ ᓇᐊᐧᔪᐢᑲᐃᐧᐠ; ᓇᒪ ᒋ ᓂ ᑭ ᐊᔮᑳᐧᒥᒪᐊᐧᐠ ᐅᐢᑭᓂᑭᐊᐧᐠ ᐁᑳ ᓈᐣᑕᐤ ᑭᑕ ᐃᑐᑖᐢᑭᐠ? ᐃᐢᐱ ᒫᑲ ᓄᑌᔮᐹᑫᐧᔭᓂ, ᓈᑕ ᐊᓂᐦᐃ ᐊᓯᐊᐧᒋᑲᓇ ᒥᓂᐦᑫᐧ ᒫᑲ ᐊᓂᒪ ᐅᐢᑭᓂᑭᐊᐧᐠ ᑳ ᑭ ᑳᐧᐸᐊᑭᐠ. 10ᐁᑲᐧ ᒫᑲ ᑭ ᐸᑕᐱᐸᔨᐦᐅ ᐅᐦᑳᐧᑲᓂᕽ, ᒥᓇ ᑭ ᓇᐊᐧᑭᐢᑕᐁᐧᐤ ᒧᐦᒋᕽ ᐃᓯ, ᒥᓇ ᑭ ᐃᑌᐤ, ᑖᓂᓯ ᐅᒪ ᑳ ᐃᓯ ᒥᐢᑲᒫᐣ ᑭᑕ ᑭᑎᒫᑭᓇᐃᐧᔭᐣ ᑭᑕ ᒪᓂ ᓂᓯᑕᐁᐧᔨᒥᔭᐣ, ᐃᐧᔭ ᐁ ᒫᓂᑌᐃᔮᐣ? 11ᐳᐋᐢ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᒥᑐᓂ ᓂ ᑭ ᐋᐧᐸᐦᑕᐦᐃᑲᐃᐧᐣ, ᑲᐦᑭᔭᐤ ᐊᓂᒪ ᑳ ᑭ ᐯ ᐊᔨᑐᑕᐊᐧᐟ ᑭᓯᑯᐢ ᐊᐢᐱᐣ ᑳ ᐳᓂ ᐱᒫᑎᓯᐟ ᑭ ᓈᐯᒼ; ᒥᓇ ᑳ ᑭ ᐃᓯ ᓇᑲᑕᐟ ᑯᑖᐃᐧ ᒥᓇ ᑭᑳᐃᐧ, ᒥᓇ ᐊᐢᑭ ᐃᑕ ᑳ ᑭ ᓂᐦᑖᐃᐧᑭᔭᐣ ᐁᑯᓯ ᐁ ᐯ ᓈᑕᒋᐠ ᐊᔨᓯᔨᓂᐊᐧᐠ ᐁᑳ ᑲᔭᐦᑌ ᑳ ᑭ ᑭᐢᑫᔨᒪᒋᐠ. 12ᑳ ᑎᐯᔨᐦᒋᑫᐟ ᑭ ᑲ ᐃᐧ ᑎᐸᐦᐊᒫᐠ ᑭᐟ ᐊᑐᐢᑫᐃᐧᐣ ᒥᓇ ᐁᑯᓯ ᑭ ᑲ ᐃᐧ ᒧᐢᑭᓀ ᑎᐸᐦᐊᒫᐠ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᐊᓇ ᓯᐹ ᐅᑕᐦᑕᑲᐧᓂᕽ ᑳ ᐯ ᐃᑖᒧᔭᐣ. 13ᐁᑲᐧ ᒫᑲ ᑭ ᐃᑌᐧᐤ, ᑭᔮᒼ ᓂ ᑲ ᒥᐢᑫᐣ ᑭᑕ ᑭᑎᒫᑭᓇᐃᐧᔭᐣ ᓂᐟ ᐅᑭᒫᒼ; ᒋᑫᒫ ᑭ ᑭ ᒥᔪᑌᐦᐁᐃᐣ, ᐃᐧᔭ ᐁ ᑭ ᒥᔪᐱᑭᐢᑳᐧᑕᐟ ᑭᐟ ᐊᑐᐢᑫᔮᑲᓂᐢᑫᐧᒼ, ᐋᑕᐃᐧᔭ ᒫᑲ ᐁᑳ ᑲᓇᑫ ᑭᑕ ᑭ ᐃᑕᑭᒥᑲᐃᐧᔮᐣ ᑖᐱᐢᑯᐨ ᑭᐟ ᐊᑐᐢᑫᔮᑲᓂᐢᑫᐧᒪᐠ.
14ᐃᐢᐱ ᒫᑲ ᐁᐧᑎᐦᒋᐸᔨᐠ ᑭᑕ ᒥᒋᓱᕽ ᐳᐋᐢ ᑭ ᐃᑌᐤ, ᐯ ᐃᑐᐦᑌ, ᐸᐦᑫᐧᓯᑲᐣ ᑭᑕ ᒧᐊᐧᐟ, ᒥᓇ ᑭᐦᑖᓇ ᐁ ᓴᐢᑲᒧᔭᐣ ᐊᐢᐸᒋᑲᓂᕽ. ᑭ ᐃᐧᑕᐱᒣᐤ ᒫᑲ ᐅᒪᓂᓯᑫᐊᐧ; ᑭ ᒥᔨᐠ ᒫᑲ ᑳᐢᐱ ᐸᐦᑫᐧᓯᑲᓂᑳᓇ, ᐁᑯᓯ ᑭ ᒥᒋᓱ ᒥᓇ ᑭ ᓇᐦᐃᐃᐧᓯᐤ, ᒥᓇ ᑭ ᐃᐢᑲᐧᐢᒋᑫᐤ. 15ᐃᐢᐱ ᒫᑲ ᐁ ᐸᓯᑯᐟ ᑭᑕ ᒧᓴᑭᓂᑫᐟ, ᐳᐋᐢ ᑭ ᐃᑕᓱᐋᐧᑌᐤ ᐅᐢᑭᓂᑭᒪ, ᐁ ᐃᑖᐟ, ᑭᔮᒼ ᑭᑕ ᒧᓴᑭᓂᑫᐤ ᐊᐦᐳ ᒣᑳᐧ ᐊᓴᐱᒋᑲᓂᕽ, ᒥᓇ ᐁᑳᐃᐧᔭ ᓈᐣᑕᐤ ᐃᑎᕽ. 16ᐁᑯᓯ ᒥᓇ ᐋᑎᐦᐟ ᒪᓂᐱᑕᒫᕽ ᐊᓴᐱᒋᑲᓂᕽ ᐅᐦᒋ, ᓇᑲᑕᒧᐠ ᒫᑲ, ᐁᑯᓯ ᑭᔮᒼ ᑭᑕ ᒧᓴᑭᓇᒼ, ᐁᑳᐃᐧᔭ ᒫᑲ ᑭᑕᐦᐊᒫᕽ.
17ᑭ ᒧᓴᑭᓂᑫᐤ ᒫᑲ ᑭᐢᑎᑳᓂᕽ ᐱᔨᐢ ᐁ ᐅᑖᑯᓯᓂᔨᐠ; ᐁᑯᓯ ᑭ ᐸᐊᐧᐁᐧᐤ ᐊᓂᐦᐃ ᑳ ᑭ ᒧᓴᑭᓈᐟ, ᓈᐣᑕᐤ ᒫᑲ ᐯᔭᐠ ᒪᑲᕽ ᐃᐢᑫᐧᓯᓯᑳᓇ ᑭ ᐃᐢᐸᔨᔨᐊᐧ. 18ᐁᑯᓯ ᒫᑲ ᑭ ᐅᑎᓀᐤ ᑭ ᐃᑐᐦᑌᐤ ᒫᑲ ᐅᑌᓈᕽ; ᐁᑯᓯ ᐅᓯᑯᓴ ᐋᐧᐸᒣᔨᐊᐧ ᐊᓂᐦᐃ ᑳ ᑭ ᒧᓴᑭᓈᐟ; ᑭ ᐅᑎᓀᐤ ᒫᑲ ᒥᓇ ᑭ ᒥᔦᐤ ᐅᓯᑯᓴ ᐊᓂᒪ ᑳ ᑭ ᐃᐢᑲᐧᐢᑕᕽ ᐃᐢᐱ ᐁ ᑌᐱᒥᒋᓱᐟ. 19ᐅᓯᑯᓴ ᒫᑲ ᑭ ᐃᑎᐠ, ᑖᓂᑕ ᑳ ᒧᓴᑭᓂᑫᔭᐣ ᑳ ᑭᓯᑳᐠ? ᒥᓇ ᑖᓂᑕ ᑳ ᐊᑐᐢᑫᔭᐣ? ᑭᑕ ᐃᐧ ᓴᐁᐧᔨᑖᑯᓯᐤ ᐊᓇ ᑳ ᑭ ᒪᓂ ᓂᓯᑕᐁᐧᔨᒥᐢᐠ. ᐁᑯᓯ ᑭ ᑭᐢᑫᔨᑕᒧᐁᐤ ᐅᓯᑯᓴ ᐊᐁᐧᓈᓂᐃ ᑳ ᑭ ᐃᐧᒋᐊᔮᒫᐟ ᐁ ᐊᑐᐢᑫᐟ, ᑭ ᐃᑌᐧᐤ ᒫᑲ, ᐊᓇ ᓈᐯᐤ ᑳ ᑎᐯᔨᐦᑕᕽ ᐃᑕ ᑳ ᑭ ᐊᑐᐢᑫᔮᐣ ᐊᓄᐦᐨ ᑳ ᑭᓯᑳᐠ ᐳᐋᐢ ᐃᓯᔨᐦᑳᓱ. 20#ᓬᐃᐱᑎᑲᐢ 25:25ᐁᑲᐧ ᓀᐅᒪᐩ ᑭ ᐃᑌᐤ ᐅᐢᑎᒪ, ᑭᑕ ᐃᐧ ᓴᐁᐧᔨᒥᐠ ᑳ ᑎᐯᔨᐦᒋᑫᔨᐟ, ᐁᑳ ᑳ ᐳᓂ ᑭᓭᐋᐧᑐᑕᐋᐧᐟ ᑳ ᐱᒫᑎᓯᔨᐟ ᒥᓇ ᐊᓂᐦᐃ ᑳ ᐳᓂ ᐱᒫᑎᓯᔨᐟ. ᓀᐅᒪᐩ ᒫᑲ ᑭ ᐃᑌᐤ, ᐊᓇ ᓈᐯᐤ ᑭᓯᐋᐠ ᑭ ᐋᐧᑯᒥᑯᓇᐤ, ᐁᐊᐧᑯ ᐯᔭᐠ ᑭᓯᐋᐧᐠ ᑭ ᐋᐧᑯᒫᑲᓂᓇᐤ. 21ᕒᐅᐦᐟ ᒫᑲ ᐊᓇ ᒧᐋᑊ ᐃᐢᑫᐧᐤ ᑭ ᐃᑌᐧᐤ, ᐁᐦᐁ, ᓂ ᑭ ᐃᑎᐠ, ᑭᓯᐋᐧᐠ ᑭ ᑲ ᐃᐧᒉᐋᐧᐊᐧᐠ ᓄᐢᑭᓂᑭᒪᐠ, ᐃᐢᑯ ᑭ ᐳᓂᑖᑖᐧᐃᐧ ᑲᐦᑭᔭᐤ ᓂ ᒪᓂᓯᑫᐃᐧᐣ. 22ᓀᐅᒪᐩ ᒫᑲ ᑭ ᐃᑌᐤ ᕒᐅᐦᐟ ᐅᐢᑎᒪ, ᒥᔮᓯᐣ ᓂᑖᓂᐢ, ᑭᑕ ᐃᐧᒉᐃᐧᒪᐟ ᐅᐟ ᐊᑐᐢᑫᔮᑲᓂᐢᑫᐧᒪ, ᐁᑳ ᒫᑲ ᑭᑕ ᓇᑭᐢᑳᐢᑭᐠ ᑯᑕᐠ ᑭᐢᑎᑳᓂᕽ. 23ᐁᑯᓯ ᒫᑲ ᑭᓯᐋᐧᐠ ᑭ ᐃᐧᒉᐁᐧᐤ ᐅᐟ ᐊᑐᐢᑫᔮᑲᓂᐢᑫᐧᒥᔨᐊᐧ ᐳᐋᐢ ᐁ ᒧᓴᑭᓂᑫᐟ ᐃᐢᑯ ᐁ ᐳᓂ ᒪᓂᓱᐦᐟ ᐃᐢᑫᐧᓯᓯᑳᐣ ᒥᓇ ᐁ ᒪᓂᓱᐦᐟ ᐸᐦᑫᐧᓯᑲᓂᑳᐣ; ᑭ ᐃᐧᒋᐊᔮᒣᐤ ᒫᑲ ᐅᓯᑯᓴ.
Currently Selected:
ᕒᐅᐦᐟ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.