ᕒᐅᒪᓇ 5

1ᐁ ᑲᐧᔭᐢᑭᑖᑎᓯᐊᐧᑫᔨᒥᑲᐃᐧᔭᕽ ᒫᑲ ᑖᐯᐧᔦᔨᑕᒧᐃᐧᐣ ᐅᐦᒋ, ᐯᔭᑕᑫᔨᒧᐃᐧᐣ ᐊᔮᑖᐠ ᑭᓭᒪᓂᑐᓈᕽ ᐃᐧᔭ ᐅᐦᒋ ᑳ ᑎᐯᔨᒥᑯᔭᕽ ᒋᓴᐢ ᙭; 2ᐁᐊᐧᑯ ᒥᓇ ᐅᐦᒋ ᑳ ᑭ ᐱᐦᑐᑫᔭᕽ ᐅᒪ ᑭᓭᐋᐧᑐᑕᑯᐃᐧᐣ ᐃᑕ ᑳ ᓂᐸᐃᐧᔭᕽ ᑖᐯᐧᔦᔨᑕᒧᐃᐧᐣ ᐅᐦᒋ; ᒥᓇ ᒫᒪᑖᑯᓯᑖᐠ ᐁ ᐸᑯᓭᔨᒧᔭᕽ ᐅ ᑭᐢᑌᔨᑖᑯᓯᐃᐧᐣ ᑭᓭᒪᓂᑐ. 3ᓇᒪᐃᐧᔭ ᒫᑲ ᐁᐊᐧᑯ ᐱᑯ, ᒫᑲ ᒫᒪᑖᑯᓯᑖᐠ ᒥᓇ ᑭᐟ ᐋᔨᒥᓯᐃᐧᓂᓈᕽ: ᐁ ᑭᐢᑫᔨᑕᒪᕽ ᐋᔨᒥᓯᐃᐧᐣ ᐃᓯ ᐊᑐᐢᑫᒪᑲᐣ ᓯᐯᔨᑕᒧᐃᐧᐣ; 4ᒥᓇ ᓯᐯᔨᑕᒧᐃᐧᐣ ᒪᐢᑲᐋᐧᑎᓯᐃᐧᐣ; ᒥᓇ ᒪᐢᑲᐋᐧᑎᓯᐃᐧᐣ, ᐸᑯᓭᔨᒧᐃᐧᐣ: 5ᐸᑯᓭᔨᒧᐃᐧᐣ ᒫᑲ ᓇᒪᐃᐧᔭ ᓇᓀᐯᐃᐧᐃᐁᐧᐤ ᒋᑫᒫ ᐅ ᓵᑭᐦᐃᐁᐧᐃᐧᐣ ᑭᓭᒪᓂᑐ ᐁ ᑭ ᓯᑭᓂᑳᑌᐠ ᑭ ᑌᐦᐃᓈᕽ ᑳ ᑲᓈᑎᓯᐟ ᐊᐦᒑᕽ ᐅᐦᒋ ᑳ ᑭ ᒥᔨᑲᐃᐧᔭᕽ. 6ᐃᐧᔭ ᑫᔮᐱᐨ ᐁ ᓀᓱᐃᐧᓯᔭᕽ, ᐁ ᑎᐱᐸᔨᐠ ᐃᔨᑯᕽ ᙭ ᑭ ᓂᐳᐢᑕᒪᐁᐧᐤ ᐁᑳ ᑳ ᒪᓂᑐᐋᐧᑎᓯᔨᐟ. 7ᒋᑫᒫ ᐊᑳᐋᐧᐨ ᐁ ᑲᐧᔭᐢᑭᑖᑎᓯᔨᐟ ᐊᔨᓯᔨᓂᐊᐧ ᐊᐃᐧᔭᐠ ᑭᑕ ᓂᐳᐢᑕᒪᐁᐧᐤ: ᒫᐢᑯᐨ ᐁ ᒥᔮᐧᑎᓯᔨᐟ ᐊᔨᓯᔨᓂᐊᐧ ᑭᑭᕽ ᓈᐣᑕᐤ ᐊᐃᐧᔭᐠ ᑭᑕ ᑌᐯᔨᒧ ᑭᑕ ᓂᐳᐢᑕᒪᐋᐧᐟ. 8ᒫᑲ ᑭᓭᒪᓂᑐ ᓄᑯᑖᐤ ᐁ ᐃᓯ ᓵᑭᐦᐃᑯᔭᕽ, ᐊᓂᒪ, ᐁ ᒣᑳᐧ ᒪᒋᐃᑎᔭᕽ, ᙭ ᑭ ᑭ ᓂᐳᐢᑕᒫᑯᓇᐤ. 9ᑖᓂᔨᑯᕽ ᒫᑲ ᐊᐊᐧᓯᒣ, ᐁᑲᐧ ᐁ ᑲᐧᔭᐢᑭᑖᑎᓯᐊᐧᑭᒥᑲᐃᐧᔭᕽ ᐅ ᒥᐦᑯ ᐅᐦᒋ, ᑭ ᑲ ᒥᑖᑫᐧᓇᒫᑲᐃᐧᓈᓇᐤ ᐅ ᑭᓯᐋᐧᓯᐃᐧᐣ ᑭᓭᒪᓂᑐ ᐃᐧᔭ ᐅᐦᒋ. 10ᒋᑫᒫ ᑭᐢᐱᐣ, ᒣᑳᐧᐨ ᐁ ᐸᑳᐧᑖᔭᕽ, ᑭ ᑭ ᐅᑐᑌᒥᐃᑲᐃᐧᓈᓇᐤ ᑭᓭᒪᓂᑐ ᐅᑯᓯᓴ ᐅ ᓂᐳᐃᐧᓂᔨᐤ ᐅᐦᒋ, ᑖᓂᔨᑯᕽ ᐋᐧᐃᐧᐢ, ᐁ ᐅᑐᑌᒥᐃᑲᐃᐧᔭᕽ, ᑭ ᑲ ᐱᒫᒋᐃᑲᐃᐧᓈᓇᐤ ᐅ ᐱᒫᑎᓯᐃᐧᐣ ᐅᐦᒋ; 11ᓇᒪᐃᐧᔭ ᒫᑲ ᐁᐊᐧᑯ ᐱᑯ, ᒫᑲ ᑭ ᒫᒪᑖᑯᓯᐢᑕᐋᐧᓇᐤ ᑭᓭᒪᓂᑐ ᐃᐧᔭ ᐅᐦᒋ ᑳ ᑎᐯᔨᒥᑯᔭᕽ ᒋᓴᐢ ᙭, ᐁᐊᐧᑯ ᐅᐦᒋ ᑳ ᑭ ᒥᔨᑲᐃᐧᔭᕽ ᐁᑲᐧ ᐅᒪ ᐅᑐᑌᒥᐃᑯᐃᐧᐣ.

12 # ᒉᓂᓯᐢ 3:6 ᐁᑯᓯ ᒫᑲ, ᐯᔭᐠ ᐊᔨᓯᔨᓂᐤ ᐁ ᑭ ᐅᐦᒋ ᐱᐦᑐᑫᒪᑲᕽ ᒪᒋᐃᑎᐃᐧᐣ ᐅᑕ ᐊᐢᑭᕽ, ᒥᓇ ᓂᐱᐃᐧᐣ ᒪᒋᐃᑎᐃᐧᐣ ᐅᐦᒋ; ᐁᑯᓯ ᒫᑲ ᓂᐱᐃᐧᐣ ᑳ ᐃᓯ ᑎᑲᑯᐢᑳᑯᐟ ᑲᐦᑭᔭᐤ ᐊᔨᓯᔨᓂᐤ, ᐃᐧᔭ ᑲᐦᑭᔭᐤ ᐁ ᑭ ᐊᐧᓂᐃᑎᐟ: 13ᒋᑫᒫ ᐃᐢᑯ ᐅᔭᓱᐁᐧᐃᐧᐣ ᒪᒋᐃᑎᐃᐧᐣ ᑭ ᐊᔮᐤ ᐊᐢᑭᕽ: ᒫᑲ ᒪᒋᐃᑎᐃᐧᐣ ᓇᒪᐃᐧᔭ ᐊᐃᐧᔭᐠ ᐊᑳᐧᑕᒪᐋᐧᐤ ᐁᑳ ᐁ ᐃᐦᑕᑲᐧᕽ ᐅᔭᓱᐁᐧᐃᐧᐣ. 14ᐁᔨᐁᐧᕽ ᒫᑲ ᓂᐱᐃᐧᐣ ᑭ ᑎᐯᔨᒥᐁᐧᒪᑲᐣ ᐋᑕᒼ ᐅᐦᒋ ᐱᔨᐢ ᒧᓯᐢ, ᐊᐦᐳ ᐊᓂᑭ ᐁ ᑎᐯᔨᒥᑯᒋᐠ ᐁᑳ ᑳ ᑭ ᐅᐦᒋ ᐊᐧᓂᑐᑕᐦᑭᐠ ᒣᐧᐦᒋ ᑖᐱᐢᑯᐨ ᐋᑕᒼ ᐅ ᐊᐧᓂᑐᑕᒧᐃᐧᐣ, ᐁᐊᐧᑯ ᑳ ᑭ ᑭᐢᑭᓇᐋᑎᐢᑲᒪᐋᐧᐟ ᐊᓂᐦᐃ ᑫ ᑕᑯᓯᓂᔨᐟ. 15ᒫᑲ ᓇᒪᐃᐧᔭ ᑖᐱᐢᑯᐨ ᐊᐧᓂᑐᑕᒧᐃᐧᐣ, ᐁᑯᓯ ᐃᓯ ᐊᓂᒪ ᒧᐦᒋ ᒣᑭᐃᐧᐣ ᒋᑫᒫ ᐅ ᐊᐧᓂᑐᑕᒧᐃᐧᐣ ᐯᔭᐠ ᒥᐦᒉᐟ ᑳ ᑭ ᐅᐦᒋ ᓂᐱᒋᐠ, ᐋᐧᐃᐧᐢ ᐊᔨᐋᐧᐠ ᐅ ᑭᓭᐋᐧᑎᓯᐃᐧᐣ ᑭᓭᒪᓂᑐ, ᒥᓇ ᐊᓂᒪ ᒣᑭᐃᐧᐣ ᐅ ᑭᓭᐋᐧᑎᓯᐃᐧᐣ ᐅᐦᒋ ᐯᔭᐠ ᐊᔨᓯᔨᓂᐤ, ᒋᓴᐢ ᙭, ᑭ ᐁᐧᔪᒋ ᐊᔮᐊᐧᐠ ᒥᐦᒉᐟ. 16ᓇᒪᐃᐧᔭ ᒫᑲ ᑖᐱᐢᑯᐨ ᐯᔭᐠ ᐅᐦᒋ ᑳ ᐊᐧᓂᑐᑕᕽ, ᐃᓯ ᐊᔮᐤ ᒣᑭᐃᐧᐣ: ᒋᑫᒫ ᐯᔭᐠ ᐅᐦᒋ ᐅᔭᓱᐁᐧᐃᐧᐣ ᑭ ᐃᐦᑕᑲᐧᐣ ᑭᑕ ᓈᓂᐳᒥᐁᐧᐠ, ᒫᑲ ᐃᐧᔭ ᒧᐦᒋ ᒣᑭᐃᐧᐣ ᒥᐦᒉᐟ ᐊᐧᓂᑐᑕᒧᐃᐧᓇ ᐅᐦᒋ ᑭ ᐃᐦᑕᑲᐧᐣ ᑲᐧᔭᐢᑭᑖᑎᓯᐊᐧᑭᒋᑳᓱᐃᐧᓂᕽ ᐃᓯ. 17ᒋᑫᒫ ᑭᐢᐱᐣ ᐅ ᐊᐧᓂᐃᑎᐃᐧᐣ ᐅᐦᒋ ᐯᔭᐠ, ᓂᐱᐃᐧᐣ ᑭ ᑎᐯᔨᒥᐁᐧᒪᑲᐣ ᐊᓇ ᐯᔭᐠ ᐅᐦᒋ; ᐋᐧᐃᐧᐢ ᐊᓂᑭ ᑳ ᒥᔨᑯᐃᐧᓯᒋᐠ ᐁ ᐃᓯ ᐁᐧᔪᑕᕽ ᑭᓭᐊᐧᑎᓯᐃᐧᐣ ᒥᓇ ᐊᓂᒪ ᒣᑭᐃᐧᐣ ᑲᐧᔭᐢᑭᑖᑎᓯᐃᐧᐣ ᑭᑕ ᑭᐦᒑᔨᐃᐧᐊᐧᐠ ᐱᒫᑎᓯᐃᐧᓂᕽ ᐊᓂᑭ ᐯᔭᐠ ᐅᐦᒋ, ᒋᓴᐢ ᙭ ᐅᑎ.

18ᐁᑯᓯ ᒫᑲ ᑖᐱᐢᑯᐨ ᐯᔭᐠ ᐋᐧᓂᑐᑕᒧᐃᐧᐣ ᐅᔭᓱᐁᐧᐃᐧᐣ ᑳ ᑭ ᐅᑎᐦᑎᑯᐟ ᑲᐦᑭᔭᐤ ᐊᔨᓯᔨᓂᐤ ᑭᑕ ᓈᓂᐳᒥᑯᐟ; ᐁᑯᓯ ᐃᓯ ᒥᓇ, ᐯᔭᐠ ᐃᓯᐦᒋᑫᐃᐧᐣ ᑲᐧᔭᐢᑭᑖᑎᓯᐃᐧᓂᕽ ᒧᐦᒋ ᒣᑭᐃᐧᐣ ᑭ ᐅᑎᐦᑎᐠ ᑲᐦᑭᔭᐤ ᐊᔨᓯᔨᓂᐤ ᑭᑕ ᑲᐧᔭᐢᑭᑖᑎᓯᐊᐧᑭᒥᐦᐟ ᐱᒫᑎᓯᐃᐧᓂᕽ. 19ᒋᑫᒫ ᑖᐱᐢᑯᐨ ᐯᔭᐠ ᐊᔨᓯᔨᓂᐤ ᐅᐟ ᐋᓀᐧᑕᒧᐃᐧᐣ ᐅᐦᒋ ᐅᒥᐦᒉᑎᐊᐧᐟ ᐅᐊᐧᓂᑐᑕᒧᐊᐧᐠ ᑳ ᑭ ᐃᓯᐃᐦᒋᐠ, ᐁᑯᓯ ᐃᓯ ᒥᓇ ᐅ ᓇᓇᐃᑕᒧᐃᐧᐣ ᐊᓇ ᐯᔭᐠ ᐅᐦᒋ ᐅᒥᐦᒉᑎᐊᐧᐠ ᑭᑕ ᑲᐧᔭᐢᑭᑖᑎᓯᐋᐊᐧᐠ. 20ᐁᑯᓯ ᐅᔭᓱᐁᐧᐃᐧᐣ ᑭ ᑕᑯ ᐱᐦᑐᑫᒪᑲᐣ, ᐊᐧᓂᐃᑎᐃᐧᐣ ᑭᑕ ᐁᐧᔪᒋ ᐊᔮᐠ; ᒫᑲ ᐃᑕ ᒪᒋᐃᑎᐃᐧᐣ ᐁ ᐁᐧᔪᒋ ᐊᔮᐠ, ᑭᓭᐋᐧᑎᓯᐃᐧᐣ ᑭ ᐊᔨᐋᐧᑭ ᐁᐧᔪᒋ ᐊᔮᐤ: 21ᐁᑯᓯ, ᒪᒋᐃᑎᐃᐧᐣ ᑳ ᑭ ᐃᓯ ᑎᐯᔨᒥᐁᐧᒪᑲᕽ ᓂᐱᐃᐧᓂᕽ, ᐁᑯᓯ ᐃᓯ ᑭᓭᐋᐧᑎᓯᐃᐧᐣ ᑭᑕ ᑎᐯᔨᒥᐁᐧᒪᑲᕽ ᑲᐧᔭᐢᑭᑖᑎᓯᐃᐧᓂᕽ ᐱᔨᐢ ᑳᑭᑫ ᐱᒫᑎᓯᐃᐧᓂᕽ ᐃᐧᔭ ᐅᐦᒋ ᒋᓴᐢ ᙭ ᑳ ᑎᐯᔨᒥᑯᔭᕽ.

Currently Selected:

ᕒᐅᒪᓇ 5: KKMs

Highlight

Copy

Compare