ᕒᐅᒪᓇ 13

1ᑭᔮᒼ ᑲᐦᑭᔭᐤ ᐊᐃᐧᔭᐠ ᑯᑕᐦᒑᐦᑯᐟ ᑭᑕ ᓇᓇᐃᑕᐁᐧᐤ ᑳ ᑭᐦᒑᔨᐃᐧᔨᐟ: ᒋᑫᒫ ᓇᒪᐃᐧᔭ ᐃᐦᑕᑲᐧᐣ ᑭᐦᒑᔨᐃᐧᐃᐧᐣ ᐱᑯ ᑭᓭᒪᓂᑐᕽ ᐅᐦᒋ; ᑭᐦᒑᔨᐃᐧᓇ ᒫᑲ ᑳ ᐊᔮᑭ ᑭ ᐅᔭᑭᑕᒼ ᑭᓭᒪᓂᑐ. 2ᐁᑯᓯ ᒫᑲ ᐊᓇ ᑳ ᓇᑳᐢᑲᕽ ᑭᐦᒑᔨᐃᐧᐃᐧᐣ ᓇᑳᐢᑲᒼ ᐊᓂᒪ ᑳ ᑭ ᐅᔭᑭᑕᒥᔨᐟ ᑭᓭᒪᓂᑐᐊᐧ: ᐊᓂᑭ ᒫᑲ ᑳ ᓇᑳᐢᑲᑭᐠ ᑭᑕ ᐅᐦᒋᑎᓴᐊᒫᓱᐊᐧᐠ ᐅᔭᓱᐋᐧᑎᑯᐃᐧᐣ. 3ᒋᑫᒫ ᑳ ᐅᔭᓱᐁᐧᒋᐠ ᓇᒪᐃᐧᔭ ᑭᑕ ᑯᐢᑎᑯᒋᐠ ᑳ ᐊᑐᐢᑳᑕᒥᔨᐟ ᒥᔪ ᑫᑲᐧᐩ ᒫᑲ ᑳ ᒪᒑᔨᐃᐧᔨᐟ. ᑭ ᓄᑌ ᐃᓯ ᐊᔮᐣ ᒋ ᒫᑲ ᐁᑳ ᑭᑕ ᑯᐢᑕᒪᐣ ᑭᐦᒑᔨᐃᐧᐃᐧᐣ? ᐃᑐᑕ ᐊᓂᒪ ᑳ ᒥᔮᐧᓯᐠ, ᐁᑯᓯ ᑭ ᑲ ᒪᒥᒋᒥᑯᐣ ᐁᐊᐧᑯ: 4ᒋᑫᒫ ᐊᑐᐢᑲᐁᐧᐤ ᑭᓭᒪᓂᑐᐊᐧ ᑭᔭ ᑭᑕ ᒥᔪᑐᑖᐢᐠ. ᒫᑲ ᑭᐢᐱᐣ ᐃᑐᑕᒪᓂ ᐊᓂᒪ ᑳ ᒫᔮᑖᕽ, ᐁᑲᐧ ᐱᑯ ᑭᑕ ᐊᐢᑖᓯᔭᐣ; ᒋᑫᒫ ᓇᒪᐃᐧᔭ ᐱᑲᐧᓇᑕ ᐃᓴᐁᐧᐢᐠ ᑳ ᑕᑯᓇᕽ: ᐃᐧᔭ ᑭᓭᒪᓂᑐ ᐅᐟ ᐊᑐᐢᑫᔮᑲᓇ, ᐁ ᑎᐸᐊᒪᐋᐧᐟ ᑭᓯᐋᐧᓯᐃᐧᓂᕽ ᐃᓯ ᐊᓂᐦᐃ ᑳ ᒪᒋ ᑐᑕᒥᔨᐟ. 5ᐁᑯᓯ ᒫᑲ ᐱᑯ ᑭᑕ ᓇᓇᐃᑕᒣᐠ, ᓇᒪᐃᐧᔭ ᐱᑯ ᑭᓯᐋᐧᓯᐃᐧᐣ ᐅᐦᒋ, ᒫᑲ ᒥᓇ ᓇᐁᔨᑕᒧᐃᐧᐣ ᐅᐦᒋ. 6#ᒫᐟᔪ 22:21; ᒫᕒᐠ 12:17; ᓬᐅᐠ 20:25ᐁᐊᐧᑯ ᒫᑲ ᐅᒪ ᒥᓇ ᐅᐦᒋ ᑎᐸᐦᐃᑫᐠ ᑳ ᑎᐸᐦᐃᑫᐃᑲᐃᐧᔦᐠ ᓱᓂᔮᐤ; ᒋᑫᒫ ᐁᐊᐧᑯᓂᐠ ᒥᓇ ᐊᑐᐢᑲᐁᐧᐊᐧᐠ ᑭᓭᒪᓂᑐᐊᐧ, ᐁ ᐸᒥᑖᒋᐠ ᒧᓴᐠ ᐁᐊᐧᑫᐧᔨᐤ ᐅᒪ. 7ᑲᐦᑭᔭᐤ ᒫᑲ ᐁ ᐃᑕᑭᒋᑫᒋᐠ ᑎᐱᑐᑕᒧᐠ: ᑎᐸᐦᐃᑫᐃᐧ ᓱᓂᔮᐤ ᐊᓇ ᑳ ᐃᑕᐢᑌᐠ ᑭᑕ ᒥᔨᐦᐟ ᑎᐸᐦᐃᑫᐃᐧ ᓱᓂᔮᐊᐧ; ᐅᔭᓱᐁᐧᐃᐧ ᓱᓂᔮᐤ ᐊᓇ ᑭᑕ ᒥᔨᐦᐟ ᐅᔭᓱᐁᐧᐃᐧ ᓱᓂᔮᐊᐧ; ᑯᓯᑫᐧᔨᒥᕽ ᐊᓇ ᑭᑕ ᑯᓯᑫᐧᔨᒥᐦᐟ; ᑭᐢᑌᔨᒥᕽ ᐊᓇ ᑭᑕ ᑭᐢᑌᔨᒥᐦᐟ.

8ᐁᑳᐃᐧᔭ ᐊᐃᐧᔭ ᐊᔨᓯᔨᓂᐤ ᒪᓯᓇᐦᐊᒫᕽ ᐱᑯ ᑭᑕ ᓵᑭᐦᐃᑐᔦᐠ: ᒋᑫᒫ ᐊᓇ ᑳ ᓵᑭᐦᐋᐟ ᐃᐧᒋ ᐊᔨᓯᔨᓂᐊᐧ ᑭ ᑎᐱᑐᑕᒼ ᐅᔭᓱᐁᐧᐃᐧᐣ. 9#ᐁᐠᓴᑕᐢ 20:14; ᑎᔪᑕᕒᐊᓇᒥ 5:18; ᐁᐠᓴᑕᐢ 20:13; ᑎᔪᑕᕒᐊᓇᒥ 5:17; ᐁᐠᓴᑕᐢ 20:15; ᑎᔪᑕᕒᐊᓇᒥ 5:19; ᐁᐠᓴᑕᐢ 20:17; ᑎᔪᑕᕒᐊᓇᒥ 5:21; ᓬᐃᐱᑎᑲᐢ 19:18ᒋᑫᒫ ᐅᒪ, ᓇᒪᐃᐧᔭ ᑭ ᑳ ᐱᓯᑲᐧᑎᓯᐣ, ᓇᒪᐃᐧᔭ ᑭ ᑲ ᓂᐸᑖᑳᐣ, ᓇᒪᐃᐧᔭ ᑭ ᑲ ᑭᒧᑎᐣ, ᓇᒪᐃᐧᔭ ᑭ ᑲ ᒧᐢᑕᐃᐧᓇᒫᑳᐣ, ᐁᑯᓯ ᑭᐢᐱᐣ ᐁᑕᑲᐧᓄᑫᐧ ᑯᑕᐠ ᐅᔭᓱᐁᐧᐃᐧᐣ, ᐁᑯᑕ ᒫᒪᐊᐧᑭᑌᐤ ᐅᒪ ᐃᑌᐧᐃᐧᐣ, ᑭ ᑲ ᓵᑭᐦᐋᐤ ᑭᐦᒋ ᐊᔨᓯᔨᓂᐤ ᑳ ᐃᓯ ᓵᑭᐦᐃᓱᔭᐣ. 10ᓵᑭᐦᐃᐁᐧᐃᐧᐣ ᓇᒪᐃᐧᔭ ᒫᔨᑐᑕᐁᐧᐤ ᐃᐧᒋ ᐊᔨᓯᔨᓂᐊᐧ: ᓵᑭᐦᐃᐁᐧᐃᐧᐣ ᒫᑲ ᐁᐊᐧᑯ ᐁ ᑎᐱᑐᑕᒥᕽ ᐅᔭᓱᐁᐧᐃᐧᐣ.

11ᒥᓇ ᐅᒪ, ᐁ ᑭᐢᑫᔨᑕᒪᕽ ᐁᑲᐧ ᐁ ᐊᑎ ᐃᐢᐸᔨᐠ ᑭᑕ ᑯᐢᑯᐢᑳᔭᕽ; ᒋᑫᒫ ᑭ ᐱᒫᒋᐦᐅᐃᐧᓂᓇᐤ ᓇᐊᐧᐨ ᐁᑳᐧ ᑭ ᐯᓵᐧᐸᑌᓈᓇᐤ ᐃᔨᑯᕽ ᐃᐢᐱ ᓂᐢᑕᒼ ᑳ ᑖᐯᐧᑕᒪᕽ. 12ᐁ ᑎᐱᐢᑳᐠ ᓵᓴᐩ ᒥᐢᑕᐦᐃ ᒪᔮᐢᑲᒧᐸᔨᐤ, ᒥᓇ ᐁ ᑭᓯᑳᐠ ᑭᓯᐋᐧᐠ ᐊᔮᐤ: ᑫᒋᑯᓇᑖᐠ ᒫᑲ ᐊᐧᓂᑎᐱᐢᑳᐃᐧ ᐊᑐᐢᑫᐃᐧᓇ, ᒥᓇ ᐳᓯᐢᑲᑖᐠ ᐋᐧᐢᑌᐃᐧ ᑭᑭᐢᑳᒋᑲᐣ. 13ᑲᐧᔭᐢᐠ ᐃᓯ ᐱᒧᐦᑌᑖᐠ ᑖᐱᐢᑯᐨ ᐁ ᑭᓯᑳᐠ; ᓇᒪᐃᐧᔭ ᑭᐢᑫᐧᑲᒥᑭᓯᐃᐧᓂᕽ ᒥᓇ ᑭᐢᑫᐧᐯᐃᐧᓂᕽ, ᓇᒪᐃᐧᔭ ᐱᓯᑳᐧᑎᓯᐃᐧᓂᕽ ᒥᓇ ᑲᑫᐹᑎᓯᐃᐧᓂᕽ, ᓇᒪᐃᐧᔭ ᑭᑳᑐᐃᐧᓂᕽ ᒥᓇ ᑳᑫᐧᔨᑐᐃᐧᓂᕽ. 14ᒫᑲ ᐳᓯᐢᑳᕽ ᑳ ᑌᐯᔨᐦᒋᑫᐟ ᒋᓴᐢ ᙭, ᒥᓇ ᐁᑳᐃᐧᔭ ᐃᔨᓇᒪᐋᐧᑕᒧᐠ ᐃᐧᔮᓯᐃᐧᐃᐧᐣ, ᑭᑕ ᑎᐱᑐᑕᒣᐠ ᐁ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ.

Currently Selected:

ᕒᐅᒪᓇ 13: KKMs

Highlight

Copy

Compare