ᓇᒼᐸᕒᐢ 9
9
1 #
ᐁᐠᓴᑕᐢ 12:1-13
ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐊᓂᑕ ᓴᐃᓇᐩ ᐱᑲᐧᑕᐢᑭᕽ, ᓂᐢᑕᒼ ᐱᓯᒼ ᐁ ᐊᑎ ᓂᓱ ᐊᐢᑭᐊᐧᕽ ᐃᒋᑊᑎᕽ ᑳ ᑭ ᐯ ᐅᐦᒋ ᓯᐯᐧᑌᒋᐠ, ᐁ ᐃᑌᐧᐟ, 2ᑭᔮᒼ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᑎᐱᑐᑕᒪᐧᐠ ᒪᔮᐢᑳᑫᐃᐧᐣ ᐃᑕ ᐁᐧᑎᐦᒋᐸᔨᑭ. 3ᒥᑖᑕᐦᐟ ᓀᐅᓴᑊ ᐁ ᐃᑕᑭᒥᐦᐟ ᐊᐊᐧ ᐱᓯᒼ, ᐁ ᐅᑖᑯᓯᐠ, ᑭ ᑲ ᑎᐱᑐᑌᓈᐋᐧᐤ ᐃᑕ ᑳ ᑭ ᐅᔭᑭᒋᑳᑌᐠ; ᑲᐦᑭᔭᐤ ᐊᓂᒪ ᐁ ᐃᑕᓱᐊᐧᒋᑳᑌᐠ ᒥᓇ ᑲᐦᑭᔭᐤ ᐁ ᐃᓯ ᐅᔭᑭᒋᑳᑌᐠ, ᑭ ᑲ ᑎᐱᑐᑌᓈᐋᐧᐤ. 4ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᑎᐱᑐᑕᒥᔨᐟ ᒪᔮᐢᑳᑫᐃᐧᐣ. 5ᑭ ᑎᐱᑐᑕᒪᐧᐠ ᒫᑲ ᒪᔮᐢᑳᑫᐃᐧᐣ ᐊᓇ ᓂᐢᑕᒼ ᐱᓯᒼ, ᒥᑖᑕᐦᐟ ᓀᐅᓵᑊ ᐁ ᐃᑕᑭᒥᐦᐟ ᐱᓯᒼ, ᐁ ᐅᑖᑯᓯᐠ ᓴᐃᓇᐩ ᐱᑲᐧᑕᐢᑭᕽ; ᐁ ᐃᑕᐢᑌᐠ ᑲᐦᑭᔭᐤ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑖᐟ ᒧᓯᓴ, ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐃᑐᑕᒪᐧᐠ.
6ᑭ ᐃᐦᑖᐊᐧᐠ ᒫᑲ ᐊᑎᐦᐟ ᓈᐯᐊᐧᐠ ᐁᑳ ᐁ ᐯᑭᓯᒋᐠ ᐃᐧᔭᐃᐧᔨᐤ ᐅᐦᒋ ᐁ ᑭ ᓂᐱᔨᐟ ᐊᔨᓯᔨᓂᐊᐧ, ᐁᑯᓯ ᓇᒪᐃᐧᔭ ᑭ ᑎᐱᑐᑕᒪᐧᐠ ᒪᔮᐢᑳᑫᐃᐧᐣ ᐁᐊᐧᑳᐧᓂᒪ ᐁ ᑭᓯᑳᐠ; ᑭ ᐯ ᐅᐦᑎᐢᑲᐃᐧᐢᑲᐁᐧᐊᐧᐠ ᒫᑲ ᒧᓯᓴ ᒥᓇ ᐁᕒᐊᓇ ᐁᐊᐧᑳᐧᓂᒪ ᐁ ᑭᓯᑳᐠ; 7ᐅᑭ ᓈᐯᐊᐧᐠ ᒫᑲ ᑭ ᐃᑌᐊᐧᐠ, ᓇᒪᐃᐧᔭ ᓂ ᐯᑭᓯᓈᐣ ᐃᐧᔭᐤ ᐅᐦᒋ ᐊᔨᓯᔨᓂᐤ ᐁ ᑭ ᓂᐱᐟ; ᑖᓀᐦᑭ ᑳ ᐊᓭᓂᑲᐃᐧᔮᕽ, ᐁᑯᓯ ᐁᑳ ᐁ ᑭ ᐸᑭᑎᓇᒫᕽ ᐅ ᐸᑭᑎᓇᒫᑯᐃᐧᐣ ᑳ ᑎᐯᔨᐦᒋᑫᐟ ᐃᑕ ᐁ ᐅᔭᑭᐦᒋᑳᑌᐠ ᐊᓯᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓴ? 8ᒧᓯᐢ ᒫᑲ ᑭ ᐃᑌᐤ, ᐯᐦᐅᐠ; ᑭᑕ ᐯᑕᒫᐣ ᑳ ᑎᐯᔨᐦᒋᑫᐟ ᑫ ᐃᑕᓱᐁᐧᑫ, ᑭᔭᐋᐧᐤ ᐅᐦᒋ.
9ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 10ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁ ᐃᑌᐧᔭᐣ, ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᑭᔭᐋᐧᐤ ᐊᐦᐳ ᑭᐟ ᐊᐋᐧᓯᒥᓯᐋᐧᐊᐧᐠ ᓇᒪᐃᐧᔭ ᑭᑕ ᐯᑭᓯᐤ ᓂᐳᐃᐧᒥᔭᐤ ᐅᐦᒋ, ᐊᐦᐳ ᐋᐧᔭᐤ ᑭᑕ ᐊᔮᐤ ᐁ ᐱᒧᐦᑌᐅᐟ, ᐁᔨᐁᐧᕽ ᑭᑕ ᑎᐱᑐᑕᒪᐁᐧᐤ ᒪᔮᐢᑳᑫᐃᐧᐣ ᑳ ᑎᐯᔨᐦᒋᑫᔨᐟ; 11ᐁ ᐊᑎ ᓂᓱᐱᓯᒧᐊᐧᕽ ᒥᑖᑕᐦᐟ ᓀᐅᓵᑊ ᐃᑕᑭᒥᐦᒋ ᐁ ᐅᑖᑯᓯᐠ ᑭᑕ ᑎᐱᑐᑕᒪᐧᐠ; ᑭᑕ ᒥᒋᐊᐧᐠ ᑭᑭ ᐁᑳ ᐁ ᐅᐦᐱᓱᔨᐟ ᐸᐦᑫᐧᓯᑲᓇ ᒥᓇ ᐃᐧᓴᑭᐸᑲᐧ. 12#ᐁᐠᓴᑕᐢ 12:46; ᒑᐣ 19:36ᓇᒪᐃᐧᔭ ᑭᑕ ᐃᐢᑲᐧᐢᑕᒪᐧᐠ ᑫᑭᓭᐸᔮᑭ, ᓇᒪᐃᐧᔭ ᒥᓇ ᐅᐢᑲᐣ ᑭᑕ ᐱᑯᓇᒪᐧᐠ; ᐁ ᐃᑕᐢᑌᐠ ᑲᐦᑭᔭᐤ ᑳ ᐃᑕᓱᐋᐧᒋᑳᑌᐠ ᒪᔮᐢᑳᑫᐃᐧᐣ ᑭᑕ ᐃᓯ ᑎᐱᑐᑕᒪᐧᐠ. 13ᒫᑲ ᐃᐧᔭ ᐊᓇ ᐊᔨᓯᔨᓂᐤ ᑳ ᐯᑭᓯᐟ, ᒥᓇ ᐁᑳ ᒣᑳᐧᐨ ᑳ ᐱᒧᐦᑌᐅᐟ, ᐁᑯᓯ ᒫᑲ ᐁᑳ ᑎᐱᑐᑕᑭ ᒪᔮᐢᑳᑫᐃᐧᐣ, ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᐅᐟ ᐊᔨᓯᔨᓂᒪ ᐅᐦᒋ; ᒋᑫᒫ ᐁᑳ ᐁ ᐸᑭᑎᓇᕽ ᐅ ᐸᑭᑎᓇᒫᑯᐃᐧᓂᔨᐤ ᑳ ᑎᐯᔨᐦᒋᑫᔨᐟ ᐃᑕ ᐁ ᐅᔭᑭᒋᑲᑌᔨᐠ, ᐁᐊᐧᑳᐧᓇ ᐊᔨᓯᔨᓂᐤ ᑭᑕ ᓇᔭᑕᒼ ᐅ ᒪᒋᑐᑕᒧᐃᐧᐣ. 14ᑭᐢᐱᐣ ᒫᑲ ᒫᓂᑌᐤ ᐃᐧᒋᐊᔮᒥᑯᔦᑯ, ᑭᐢᐱᐣ ᒫᑲ ᐃᐧ ᑎᐱᑐᑕᒪᐋᐧᒋ ᒪᔮᐢᑳᑫᐃᐧᐣ ᑳ ᑎᐯᔨᐦᒋᑫᔨᐟ, ᐁ ᐃᑕᓱᐊᐧᒋᑳᑌᐠ ᒪᔮᐢᑳᑫᐃᐧᐣ, ᒥᓇ ᑳ ᑭ ᐃᓯ ᐅᔭᑭᒋᑳᑎᐠ, ᐁᑯᓯ ᑫ ᐃᑐᑕᕽ; ᐯᔭᐠ ᑲᑫᐢᑫᐧᐃᐧᐣ ᑭ ᑲ ᐊᔮᓈᐋᐧᐤ, ᑭᑕ ᐱᒥᑎᓴᐦᐊᕽ ᒫᓂᑌᐤ, ᒥᓇ ᐊᓇ ᑳ ᑭ ᓂᐦᑖᐃᐧᑭᐟ ᑭᐟ ᐊᐢᑭᐊᐧᕽ.
15ᐊᓂᒪ ᒫᑲ ᐁ ᑭᓯᑳᐠ ᒥᑭᐋᐧᑊ ᑳ ᑭ ᐅᔭᐢᑭᑖᕽ ᐊᐧᐢᑯ ᑭ ᐊᑲᐧᓂᐢᑲᒧᒪᑲᐣ ᒥᑭᐊᐧᑊ ᐊᓂᒪ ᐅᑎ ᑭᐢᑫᔨᑕᒧᐦᐃᐁᐧᐃᐧᓂ ᒥᑭᐋᐧᑊ; ᐁᑯᓯ ᐁ ᐅᑖᑯᓯᐠ ᑭ ᐊᔮᐤ ᒥᑭᐊᐧᐱᕽ ᑖᐱᐢᑯᐨ ᐃᐢᑯᑌᐤ ᐁ ᐃᓯᓈᑲᐧᕽ, ᐱᔨᐢ ᐁ ᑫᑭᓭᐸᔮᐠ. 16ᐁᑯᓯ ᒫᑲ ᑕᐦᑭᓀ; ᐊᐧᐢᑯ ᑭ ᐊᑲᐧᓂᐢᑲᒧᒪᑲᐣ ᐁᑯᓯ ᑖᐱᐢᑯᐨ ᐃᐢᑯᑌᐤ ᐁ ᐃᓯᓈᑲᐧᕽ ᐁ ᑎᐱᐢᑳᐠ. 17ᑭᐢᐱᐣ ᒫᑲ ᐊᐧᐢᑯ ᐁ ᐃᐢᐸᑫ ᐅᑎᓂᑳᑌᐠ ᒥᑭᐋᐧᐱᕽ ᐅᐦᒋ, ᐁᑲᐧ ᒣᐧᐢᑕᐢ ᐃᔨᑯᕽ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓯᐯᐧᐱᒋᐊᐧᐠ, ᐃᑕ ᒫᑲ ᐊᐧᐢᑯ ᐁ ᑭᐱᒋᒪᑲᕽ ᐁᑯᑕ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑲᐯᓯᐊᐧᐠ. 18ᐁ ᐃᑕᓱᐁᐧᐟ ᑳ ᑎᐯᔨᐦᒋᑫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐱᒧᐦᑌᐅᐊᐧᐠ, ᐁᑯᓯ ᐁ ᐃᑕᓱᐁᐧᐟ ᑳ ᑎᐯᔨᐦᒋᑫᐟ ᑭ ᑲᐯᓯᐊᐧᐠ; ᐃᐢᑯ ᐊᐧᐢᑯ ᐁ ᐊᔮᔨᐠ ᒥᑭᐋᐧᐱᕽ ᐯᔭᑲᐧᓄᕽ ᑭ ᑲᐯᓯᐊᐧᐠ. 19ᑭᐢᐱᐣ ᒫᑲ ᐊᐧᐢᑯ ᐁ ᐊᔮᔨᐠ ᒥᑭᐋᐧᐱᕽ ᒥᐦᒉᑐᑭᓯᑳᐤ, ᐁᑲᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑲᓇᐁᐧᔨᑕᒪᐧᐠ ᑳ ᐃᓯ ᐸᒥᓇᒧᐃᑯᒋᐠ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᐱᒧᐦᑌᐅᐊᐧᐠ. 20ᐋᐢᑲᐤ ᒫᑲ ᐊᐧᐢᑯ ᑭ ᐊᔮᐤ ᒐᑲᐋᐧᓯᐢ ᑭᓯᑳᐊᐧ ᒥᑭᐋᐧᐱᕽ; ᐁᑲᐧ ᐁ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ ᑭ ᑲᐯᓯᐊᐧᐠ ᐯᔭᑲᐧᓄᕽ, ᒥᓇ ᐁ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ ᑭ ᐱᒧᐦᑌᐅᐊᐧᐠ. 21ᐋᐢᑲᐤ ᒫᑲ ᐊᐧᐢᑯ ᑭ ᐊᔮᐤ ᐁ ᐅᑖᑯᓯᐠ ᐅᐦᒋ ᐃᐢᑯ ᐁ ᑫᑭᓭᐸᔮᐠ; ᐁᑯᓯ ᑭᐢᐱᐣ ᐊᐧᐢᑯ ᐁ ᐅᑎᓂᑳᑌᔨᐠ ᐁ ᑫᑭᓭᐸᔮᐠ ᓯᐯᐧᐱᒋᐊᐧᐠ; ᐊᐦᐳ ᑭᐢᐱᐣ ᐁ ᑭᓯᑳᐠ ᒥᓇ ᐁ ᑎᐱᐢᑳᐠ, ᑭᐢᐱᐣ ᐊᐧᐢᑯ ᐁᐧᑎᓂᑳᑌᑭ ᑭ ᐱᒧᐦᑌᐅᐊᐧᐠ. 22ᑭᐢᐱᐣ ᓂᓱ ᑭᓯᑳᐤ, ᐊᐦᐳ ᐯᔭᐠ ᐱᓯᒼ, ᐊᐦᐳ ᐯᔭᐠ ᐊᐢᑭ, ᐊᐧᐢᑯ ᐁ ᐊᑯᑌᐠ ᒥᑭᐋᐧᐱᕽ, ᐁᑯᑕ ᐁ ᐃᑕᓯ ᐊᔮᐠ, ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᐊᔮᐊᐧᐠ ᐅ ᑲᐯᓯᐃᐧᓂᐋᐧᕽ, ᓇᒪᐃᐧᔭ ᒫᑲ ᓯᐯᐧᐱᒋᐊᐧᐠ; ᒫᑲ ᑭᐢᐱᐣ ᐁᐧᑎᓂᑳᑌᑭ ᑭ ᓯᐯᐧᐱᒋᐊᐧᐠ. 23ᐁ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ ᑭ ᑲᐯᓯᐊᐧᐠ, ᒥᓇ ᐁ ᐃᑕᓱᐋᐧᑎᑯᒋᐠ ᑳ ᑎᐯᔨᐦᒋᑫᔨᐟ ᑭ ᓯᐯᐧᐱᒋᐊᐧᐠ; ᑭ ᑲᓀᐧᔨᑕᒪᐧᐠ ᐅᐟ ᐊᔮᑳᐧᒥᒥᐁᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᑳ ᑭ ᐃᑕᓱᐁᐧᐟ ᑳ ᑎᐯᔨᐦᒋᑫᐟ ᒧᓯᓴ ᐅᐦᒋ.
Currently Selected:
ᓇᒼᐸᕒᐢ 9: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
