ᓇᒼᐸᕒᐢ 5
5
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑖᐟ, 2ᐃᑕᓱᐋᐧᓯᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐊᐧᔭᐃᐧᑎᓴᐋᐧᒋᐠ ᑲᐯᓯᐃᐧᓂᕽ ᐅᐦᒋ, ᑕᐦᑐ ᑳ ᒪᒑᐢᐱᓀᐟ, ᒥᓇ ᑕᐦᑐ ᐊᐃᐧᔭᐠ ᑳ ᐅᐦᒋᑲᐋᐧᐢᐱᓀᐟ, ᒥᓇ ᑲᐦᑭᔭᐤ ᐊᐃᐧᔭᐠ ᐁᑳ ᑳ ᐯᑭᓯᐟ ᐅᓂᐱᐊᐧ ᐅᐦᒋ. 3ᐁ ᓈᐯᐃᐧᐟ ᒥᓇ ᐁ ᐃᐢᑫᐧᐃᐧᐟ ᐊᐧᔭᐃᐧᑎᒥᕽ ᑲᐯᓯᐃᐧᓂᕽ ᑭ ᑲ ᐃᑕᑖᐋᐧᐊᐧᐠ; ᐁᑳ ᐁᐊᐧᑯᓂᐠ ᐅᐦᒋ ᑭᑕ ᐁᑳ ᐯᑲᕽ ᑲᐯᓯᐃᐧᐣ ᐃᑕ ᑳ ᐃᐧᑭᔮᐣ. 4ᐊᓂᑭ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑯᓯ ᑭ ᑐᑕᒪᐧᐠ, ᐊᐧᔭᐃᐧᑎᒥᕽ ᑲᐯᓯᐃᐧᓂᕽ ᑭ ᐃᑕᑌᐊᐧᐠ; ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᒧᓯᓴ, ᐁᑯᓯ ᑭ ᐃᑐᑕᒪᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
5 #
ᓬᐃᐱᑎᑲᐢ 6:1-7
ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑖᐟ, 6ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᐢᐱᐣ ᓈᐯᐤ ᐊᐦᐳ ᐃᐢᑫᐧᐤ ᑐᑕᑭ ᓈᐣᑕᐤ ᒪᒋᑐᑕᒧᐃᐧᐣ ᐊᓂᒪ ᐊᔨᓯᔨᓂᐊᐧ ᑳ ᑐᑕᒥᔨᐟ ᑭᑕ ᐊᐧᓂᑐᑕᐋᐧᐟ ᑳ ᑎᐯᔨᐦᒋᑫᔨᐟ, ᐁᐊᐧᑯ ᒫᑲ ᐊᔨᓯᔨᓂᐤ ᐊᑖᒣᔨᑖᑯᓯᒋ. 7ᐁᑲᐧ ᑭᑕ ᐋᑐᑕᒪᐧᐠ ᐅ ᒪᒋᑐᑕᒧᐃᐧᓂᐋᐧᐤ ᑳ ᑭ ᑐᑕᐦᑭᐠ; ᒥᑐᓂ ᒫᑲ ᑭᑕ ᑎᐸᐊᒼ ᑳ ᑭ ᐊᐧᓂᑐᑕᕽ, ᐁᑯᓯ ᑭᑕ ᑕᑯ ᐊᐢᑖᐤ ᐯᔭᐠ ᐁ ᑭ ᓂᔮᓇᓄᑖᕽ, ᑭᑕ ᒥᔦᐤ ᒫᑲ ᐊᓂᐦᐃ ᑳ ᑭ ᐊᐧᓂᑐᑕᐋᐧᐟ. 8ᒫᑲ ᑭᐢᐱᐣ ᐊᓇ ᓈᐯᐤ ᐁᑳ ᐅ ᐋᐧᑯᒫᑲᓂᒋ ᐊᓂᐦᐃ ᑭᑕ ᑭ ᒥᔮᐟ ᑎᐸᐦᐊᒫᑫᐃᐧᐣ ᐅ ᐊᐧᓂᑐᑕᒧᐃᐧᐣ ᐅᐦᒋ, ᐊᓂᒪ ᑎᐸᐦᐊᒫᑫᐃᐧᐣ ᐊᐧᓂᑐᑕᒧᐃᐧᐣ ᐅᐦᒋ ᑳ ᐃᑐᑕᒫᐦᐟ ᑳ ᑎᐯᔨᐦᒋᑫᐟ ᑭᑕ ᐊᔮᐤ ᐊᔭᒥᐦᐁᐃᐧᔨᓂᐤ; ᐊᑕᐃᐧᔭ ᒥᓇ ᐊᓇ ᐯᔭᑯᐃᑐᐃᐧ ᔮᐯᒫᔭᑎᕽ, ᐃᑕ ᐅᐦᒋ ᐯᔭᑯᐃᑐᐃᐧᐣ ᑭᑕ ᐅᓯᐦᑕᒫᐦᐟ. 9ᑕᐦᑐ ᒫᑲ ᐅᐦᐱᓈᓱᐃᐧᐣ ᑲᐦᑭᔭᐤ ᐊᓂᐦᐃ ᑳ ᑲᓈᑕᓂᔨᑭ ᐅᐦᒋ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᐸᑭᑎᓇᒪᐋᐧᒋᐠ ᐊᔭᒥᐦᐁᐃᐧᔨᓂᐊᐧ, ᐃᐧᔭ ᑭᑕ ᐊᔮᐤ; 10ᒥᓇ ᑲᐦᑭᔭᐤ ᐊᔨᓯᔨᓂᐤ ᐅ ᑲᓈᒋᐦᑖᐧᑲᓇ ᐃᐧᔭ ᑭᑕ ᐊᔮᐤ; ᐱᑯ ᑫᑲᐧᐩ ᐊᐃᐧᔭᐠ ᐊᔨᓯᔨᓂᐤ ᐁ ᒥᔮᐟ ᐊᔭᒥᐦᐁᐃᐧᔨᓂᐊᐧ, ᐃᐧᔭ ᑭᑕ ᐊᔮᐤ.
11ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ. 12ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᐃᓯᐠ, ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᐧᐊᐧ ᐅᐦᐱᒣ ᐃᑐᐦᑌᔨᒋ ᐁᑯᓯ ᐊᐧᓂᑐᑖᑯᒋ, 13ᓈᐯᐊᐧ ᒫᑲ ᐃᐧᒉᐃᐧᑯᒋ, ᐁᑯᓯ ᐁᑳ ᐁ ᑭᐢᑫᔨᑕᒥᔨᐟ ᐅ ᓈᐯᒪ, ᒫᑲ ᑳᑖᒋ, ᒥᓇ ᐁᑳ ᐊᐃᐧᔭ ᐃᐦᑖᔨᒋ ᑭᑕ ᑭ ᐋᒋᒥᑯᐟ, ᐁᑯᓯ ᒥᓇ ᐁᑳ ᐊᐃᐧᔭ ᒣᑳᐧᐢᑲᑯᒋ; 14ᑳᐦᑫᐧᔨᑕᒧᐃᐧ ᐊᐦᒑᐦᑲᐧ ᒫᑲ ᐅᑎᐦᑎᑯᒋ ᐊᓇ ᓈᐯᐤ, ᐁᑯᓯ ᑳᑫᐧᔨᒫᒋ ᐃᐧᐊᐧ, ᑖᐯᐧ ᒫᑲ ᑭ ᐃᐧᔨᐱᐃᒫᐊᐧ; ᐊᐦᐳ ᑭᐢᐱᐣ ᑳᐦᑫᐧᔨᑕᒧᐃᐧ ᐊᐦᒑᐦᑲᐧ ᐅᑎᐦᑎᑯᒋ ᐁᑯᓯ ᑳᑫᐧᔨᒫᒋ ᐃᐧᐊᐧ, ᐁᑯᓯ ᐁᑳ ᐁ ᐅᐦᒋ ᐃᐧᔨᐱᐃᒥᐦᐟ. 15ᐁᑲᐧ ᐊᓇ ᓈᐯᐤ ᑭᑕ ᐯ ᐃᑐᑕᐁᐤ ᐃᐧᐊᐧ ᐊᔭᒥᐦᐁᐃᐧᔨᓂᐊᐧ ᐃᑕ ᐁ ᐊᔮᔨᐟ, ᑭᑕ ᐯᑖᐁᐧᐤ ᒫᑲ ᐅ ᐸᑭᑎᓂᑫᐃᐧᓂᔨᐤ, ᐯᔭᐠ ᑭᐦᒋᒥᓂᑳᐧᑲᐣ ᒥᓇ ᐋᐱᑕᐤ ᐃᐢᑫᐧᓯᓯ ᐸᐦᑫᐧᓯᑲᓇ; ᓇᒪᐃᐧᔭ ᐱᒥ ᐁᑯᑕ ᑭᑕ ᓯᑭᓇᒼ, ᓇᒪᐃᐧᔭ ᒥᓇ ᐃᐧᑭᒫᓯᑲᓂᐱᑭᐊᐧ ᑭᑕ ᐊᔦᐤ; ᒋᑫᒫ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳᑫᐧᔨᑕᒧᐃᐧᐣ ᐅᐦᒋ, ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᒥᐢᑫᐧᔨᑕᒧᐃᐧᐣ ᐅᐦᒋ, ᒪᒋᐃᑎᐃᐧᐣ ᐁ ᒥᐢᑫᐧᔨᐦᒋᑳᑌᐠ. 16ᐁᑯᓯ ᑭᓯᐋᐧᐠ ᐊᔭᒥᐦᐁᐃᐧᔨᓂᐤ ᑭᑕ ᐯᓯᐁᐧᐤ ᐊᓂᐦᐃ ᐃᐢᑫᐧᐊᐧ, ᒥᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᐁᑯᑕ ᑭᑕ ᐃᑕᑌᐤ. 17ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐅᑎᓇᒼ ᐁ ᑲᓈᑕᓂᔨᐠ ᓂᐱ ᐊᓯᐢᑭᐃᐧ ᐊᓯᐊᐧᒋᑲᓂᕽ; ᒥᓇ ᑳ ᐱᐃᐧᐊᔮᐠ ᒧᒋᕽ ᒥᑭᐋᐧᐱᕽ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓇᒼ, ᐁᑯᓯ ᑭᑕ ᐸᑲᐢᑕᐁᐧᐊᒼ ᓂᐱᕽ. 18ᐊᔭᒥᐦᐁᐃᐧᔨᓂᐤ ᒫᑲ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑭᑕ ᐃᑕᑌᐤ ᐊᓂᐦᐃ ᐃᐢᑫᐧᐊᐧ, ᒥᓇ ᑭᑕ ᒧᓭᐢᑎᑳᐧᓀᐁᐤ, ᐁᑯᓯ ᐅᒋᐦᒋᔨᕽ ᑭᑕ ᐊᐢᑖᐤ ᐊᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᒥᐢᑫᐧᔨᑕᒧᐃᐧᐣ ᐅᐦᒋ ᐅᒋᐦᒋᔨᕽ, ᐁᐊᐧᑳᐧᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳᑫᐧᔨᑕᒧᐃᐧᐣ ᐅᐦᒋ; ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᑕᐦᑯᓇᒼ ᐅᒋᐦᒋᕽ ᑳ ᐃᐧᓴᑳᑲᒥᐠ ᓂᐱ ᑳ ᒪᒐᑭᑌᐠ. 19ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᑭᐦᒋᐃᑌᐧᐁᐤ, ᑭᑕ ᐃᑌᐤ ᒫᑲ ᐊᓂᐦᐃ ᐃᐢᑫᐧᐊᐧ, ᑭᐢᐱᐣ ᓇᒪᐃᐧᔭ ᐊᐃᐧᔭᐠ ᓈᐯᐤ ᑯᐦ ᐃᐧᒉᐃᐧᐠ, ᒥᓇ ᑭᐢᐱᐣ ᐁᑳ ᐅᐦᐱᒣ ᑳ ᐃᑐᑌᐊᐧᓀ ᑭᑕ ᐃᑐᑕᒪᐣ ᐁᑳ ᑳ ᐯᑲᕽ, ᐃᐧᔭ ᐁ ᑎᐯᔨᒥᐢᐠ ᑭ ᓈᐯᒼ, ᑭᔮᒼ ᓇᒪ ᓈᐣᑕᐤ ᑭ ᑲ ᐃᑐᑖᑯᐣ ᐅᒪ ᑳ ᐃᐧᓴᑳᑲᒥᐠ ᓂᐱ ᑳ ᒪᒐᑭᑌᐠ. 20ᒫᑲ ᐃᐧᔭ ᐅᐦᐱᒣ ᑳ ᐃᑐᑌᐊᐧᓀ, ᐁ ᑎᐯᔨᒥᐢᐠ ᑭ ᓈᐯᒼ, ᒥᓇ ᑳ ᐃᐧᔨᐱᐃᑲᐃᐧᐊᐧᓀ, ᐁᑯᓯ ᓈᐣᑕᐤ ᐊᔨᓯᔨᓂᐤ ᑳ ᐃᐧᒉᐃᐧᐢᑫᐧ ᓇᒪᐃᐧᔭ ᐱᑯ ᑭ ᓈᐯᒼ; 21ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᑭᐦᒋᐃᑌᐧᐁᐤ ᐊᓂᐦᐃ ᐃᐢᑫᐧᐊᐧ ᐊᓂᒪ ᑳ ᒪᒐᑭᑌᐠ ᑭᐦᒋᐃᑌᐧᐃᐧᐣ, ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐃᑌᐤ ᐊᓂᐦᐃ ᐃᐢᑫᐧᐊᐧ, ᑳ ᑎᐯᔨᐦᒋᑫᐟ ᑭ ᑲ ᐃᐧ ᐃᓯᐃᐠ ᑭᑕ ᒪᒐᑭᒥᑲᐃᐧᔭᐣ ᒥᓇ ᑭᐦᒋᐃᑌᐧᐃᐧᐣ ᐃᑕ ᐁ ᐊᔮᒋᐠ ᑭᒋᐊᔨᓯᔨᓂᐊᐧᐠ, ᐃᐢᐱ ᑳ ᑎᐯᔨᐦᒋᑫᐟ ᐃᑐᑕᐦᑭ ᑭᐹᐧᒼ ᑭᑕ ᐱᑭᐢᑲᑕᑎᕽ ᒥᓇ ᑲᑕᐩ ᑭᑕ ᐸᑭᐸᔨᐠ; 22ᐅᒪ ᒫᑲ ᓂᐱ ᑳ ᒪᒐᑭᑌᐠ, ᑭ ᑲ ᐱᒋᔭᐁᐧᐢᑳᑯᐣ ᐁᑯᓯ ᑲᑕᐩ ᑭᑕ ᐹᑭᐸᔨᐤ ᒥᓇ ᑭᐹᐧᒼ ᑭᑕ ᐱᑭᐢᑲᑕᑎᐣ; ᐁᑯᓯ ᐊᓇ ᐃᐢᑫᐧᐤ ᑭᑕ ᐃᑌᐧᐤ, ᐋᒣᐣ, ᐋᒣᐣ. 23ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᒪᓯᓇᐦᐊᒼ ᐅᐦᐃ ᒪᒐᑭᒥᐁᐧᐃᐧᓇ ᒪᓯᓇᐦᐃᑲᓂᕽ, ᐁᑯᓯ ᑭᑕ ᑳᓯᔮᐸᐊᐧᑖᐤ ᑳ ᐃᐧᓴᑳᑲᒥᐠ ᓂᐱ ᐅᐦᒋ. 24ᑭᑕ ᒥᓂᐦᑫᐧᐁᐤ ᒫᑲ ᐊᓂᐦᐃ ᐃᐢᑫᐧᐊᐧ ᐊᓂᒪ ᑳ ᐃᐧᓴᑳᑲᒥᐠ ᓂᐱ ᑳ ᒪᒐᑭᑌᐠ; ᐁᑯᓯ ᐊᓂᒪ ᓂᐱ ᑳ ᒪᒐᑭᑌᐠ ᑭᑕ ᐱᒋᔭᐁᐧᐢᑳᐠ ᒥᓇ ᑭᑕ ᐃᐧᓴᑲᐣ. 25ᐁᑲᐧ ᐊᓇ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓇᒼ ᐊᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᑳᑫᐧᔨᑕᒧᐃᐧᐣ ᐅᐦᒋ ᐅᒋᐦᒋᔨᕽ ᐊᓂᐦᐃ ᐃᐢᑫᐧᐊᐧ ᐅᐦᒋ, ᒥᓇ ᑭᑕ ᐁᐧᐋᐧᒋᐸᔨᑖᐤ ᐊᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᒥᓇ ᑭᑕ ᐯᑖᐤ ᐸᑭᑎᓈᓱᐃᐧᓈᐱᐢᑯᕽ. 26ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐅᑎᓇᒼ ᐯᔭᑯᒫᑯᓂᑲᐣ ᐊᓂᒪ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᑭᐢᑭᓇᐋᐧᐨ ᑭᑕ ᒪᓂ ᒥᐢᑫᐧᔨᑕᒥᕽ, ᒥᓇ ᑭᑕ ᒣᐢᑎᑲᓴᒼ ᐸᑭᑎᓈᓱᐃᐧᓈᐱᐢᑯᕽ, ᒣᐧᐢᑕᐢ ᐃᔨᑯᕽ ᒫᑲ ᑭᑕ ᒥᓂᐦᑫᐧᐁᐤ ᐃᐢᑫᐧᐊᐧ ᐊᓂᒪ ᓂᐱ. 27ᐃᐢᐱ ᒫᑲ ᑭ ᒥᓂᐦᑫᐧᐦᐋᒋ ᐊᓂᒪ ᓂᐱ, ᐁᑲᐧ ᑭᑕ ᐃᐦᑭᐣ ᑭᐢᐱᐣ ᓇᒪᐃᐧᔭ ᐯᑭᓯᐤ ᒥᓇ ᑳ ᐊᐧᓂᑐᑕᐋᐧᑫᐧ ᐅᓈᐯᒪ, ᐁᑲᐧ ᐊᓂᒪ ᓂᐱ ᑳ ᒪᒐᑭᑌᐠ ᑭᑕ ᐱᒋᔭᐁᐧᐢᑳᐠ ᒥᓇ ᑭᑕ ᐃᐧᓴᑲᐣ, ᐁᑯᓯ ᐊᐧᑕᐩ ᑭᑕ ᐸᑭᐸᔨᔨᐤ ᒥᓇ ᐅᐹᐧᒼ ᑭᑕ ᐱᑭᐢᑲᑕᑎᓂᔨᐤ; ᐁᑯᓯ ᐊᓇ ᐃᐢᑫᐧᐤ ᑭᑕ ᒪᒐᑭᒋᑳᓱ ᐊᔨᓯᔨᓂᓈᕽ. 28ᒫᑲ ᑭᐢᐱᐣ ᐊᓇ ᐃᐢᑫᐧᐤ ᓇᒪᐃᐧᔭ ᐅᐦᒋ ᐃᐧᔨᐱᐋᐤ ᒫᑲ ᐯᑭᓯᐤ ᐁᑲᐧ ᑭᑕ ᐸᐢᐱᐤ ᒥᓇ ᑭᑕ ᐅᐟ ᐊᐋᐧᓯᒥᓯᐤ.
29ᐁᐊᐧᑯᒪ ᐁᑕᓱᐋᐧᒋᑳᑌᐠ ᑳᑫᐧᔨᑕᒧᐃᐧᐣ, ᑭᐢᐱᐣ ᐃᐢᑫᐧᐤ ᐁ ᑎᐯᔨᒥᑯᐟ ᐅᓈᐯᒪ ᐅᐦᐱᒣ ᐃᑐᐦᑌᐤ ᐁᑯᓯ ᐃᐧᔨᐱᐋᐤ; 30ᑭᐢᐱᐣ ᑳᑫᐧᔨᑕᒧᐃᐧ ᐊᐦᒑᐦᑲᐧ ᐅᑎᐦᑎᐠ ᓈᐯᐤ ᐁᑯᓯ ᑳᑫᐧᔨᒣᐤ ᐃᐧᐊᐧ; ᐁᑲᐧ ᑭᑕ ᐃᑕᑌᐤ ᐊᓂᐦᐃ ᐃᐢᑫᐧᐊᐧ ᐅᑎᐢᑲᐤ ᑳ ᑎᐯᔨᐦᒋᑫᔨᐟ ᐁᑯᓯ ᐊᔭᒥᐦᐁᐃᐧᔨᓂᐤ ᑭᑕ ᑎᐱᑐᑕᐁᐧᐤ ᑲᐦᑭᔭᐤ ᐅᒪ ᐅᔭᓱᐁᐧᐃᐧᐣ. 31ᐁᑯᓯ ᐊᓇ ᓈᐯᐤ ᓇᒫᐃᐧᔭ ᑭᑕ ᑭᑭᐢᑳᐠ ᐊᓂᒪ ᒪᒋᐃᑎᐃᐧᐣ, ᒫᑲ ᐊᓇ ᐃᐢᑫᐧᐤ ᑭᑕ ᓇᔭᑕᒼ ᐅ ᒪᒋᐃᑎᐃᐧᐣ.
Currently Selected:
ᓇᒼᐸᕒᐢ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
