ᓇᒼᐸᕒᐢ 4
4
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐁ ᐃᑌᐧᐟ, 2ᐅᑎᓇ ᐁ ᐃᐦᑕᓯᒋᐠ ᐅᑯᓯᓴ ᑳᐦᐋᐦᐟ, ᐅᑯᓯᓴ ᓬᐃᐸᐩ ᐅᐦᒋ, ᐁ ᐊᐃᓯ ᐊᐧᑯᑐᒋᐠ, ᐁ ᐃᐦᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, 3ᓂᐢᑐᒥᑕᓇᐤ ᐁ ᐃᑖᐦᑐᐱᐳᓀᐧᒋᐠ ᐅᐦᒋ ᒥᓇ ᐊᔨᐋᐧᐠ ᐱᔨᐢ ᓂᔮᓇᓄᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ, ᑲᐦᑭᔭᐤ ᑳ ᐱᐦᑐᑫᒋᐠ ᐊᑐᐢᑫᐃᐧᓂᕽ, ᑭᑕ ᐃᑐᑕᐦᑭᐠ ᐊᑐᐢᑫᐃᐧᐣ ᒫᐊᐧᒋᐦᐃᑐᐃᐧ ᒥᑭᐊᐧᐱᕽ. 4ᐁᐊᐧᑫᐧᔨᐤ ᒫᑲ ᐅᒪ ᐅᐟ ᐊᑐᐢᑫᐃᐧᓂᐋᐧᐤ ᐅᑯᓯᓴ ᑳᐦᐋᐦᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐁ ᐸᒥᑖᒋᐠ ᐊᔨᐋᐧᐠ ᑳ ᑲᓈᑕᓂᔨᑭ:
5ᐃᐢᐱ ᐋᐧ ᐊᑎ ᓯᐯᐧᐱᒋᐦᑭ, ᐁᕒᐊᐣ ᒥᓇ ᐅᑯᓯᓴ ᑭᑕ ᐱᐦᑐᑫᐊᐧᐠ, ᐁᑯᓯ ᑭᑕ ᓂᑎᓇᒪᐧᐠ ᐋᑯᔦᑲᐦᐃᑲᐣ ᑳ ᑭᐱᑲᒧᐠ, ᒥᓇ ᑭᑕ ᐊᑲᐧᓇᐊᒪᐧᐠ ᑭᐢᑫᔨᑕᒧᐦᐃᐁᐧᐃᐧᓇᐊᐧᐟ ᐁᐊᐧᑫᐧᔨᐤ ᐅᐦᒋ. 6ᐊᐧᐢᑭᐨ ᒫᑲ ᑭᑕ ᐊᐢᑖᐊᐧᐠ ᐊᑲᐧᓇᐃᑲᐣ ᐋᑭᑲᐧᔮᓇ, ᐁᑯᓯ ᐊᐧᐢᑭᐨ ᒥᓇ ᑭᑕ ᑕᓭᐧᑲᐢᑖᐊᐧᐠ ᐊᑲᐧᓇᐃᑲᐣ ᒥᓯᐁᐧ ᐁ ᒋᐯᑕᑳᐧᐠ, ᐁᑯᓯ ᑭᑕ ᑖᐱᑎᑖᐊᐧᐠ ᐊᐸᓱᔭ. 7ᐁᑯᓯ ᒥᒋᓱᐃᐧᓈᑎᑯᕽ ᐋᐧᐸᐦᑕᐦᐃᐁᐧᐃᐧ ᐸᐦᑫᐧᓯᑲᐣ ᐃᑕ ᑳ ᐊᐱᐟ ᑭᑕ ᑕᓭᐧᑲᐢᑖᐊᐧᐠ ᒋᐯᑕᑫᐧᑭᐣ, ᐁᑯᑕ ᒫᑲ ᑭᑕ ᐊᐢᑖᐊᐧᐠ ᐅᔮᑲᓇ, ᒥᓇ ᐁᒥᑳᐧᓇ, ᒥᓇ ᒥᓂᑳᐧᑲᓇ, ᒥᓇ ᐊᓯᐊᐧᒋᑲᓇ ᑭᑕ ᐅᐦᒋ ᓯᑭᓇᒥᕽ ᑫᑲᐧᐩ; ᐸᐦᑫᐧᓯᑲᐣ ᒫᑲ ᑕᑭᓀ ᑳ ᐊᐱᐟ, ᐁᑯᑕ ᑭᑕ ᐊᔮᐤ. 8ᑭᑕ ᑕᓭᐧᑲᑲᐧᓇᐊᒪᐧᐠ ᒫᑲ ᒥᐦᑫᐧᑭᐣ ᐅᐦᒋ, ᐁᑯᓯ ᐁᐊᐧᑫᐧᔨᐤ ᑭᑕ ᐊᑲᐧᓇᐊᒪᐧᐠ ᐋᑭᑲᐧᔮᓇ ᐅᐦᒋ, ᒥᓇ ᑭᑕ ᑖᐱᑎᑖᐊᐧᐠ ᐊᐸᓱᔭ. 9ᐁᑯᓯ ᑭᑕ ᐅᑎᓇᒪᐧᐠ ᒋᐯᑕᑫᐧᑭᐣ, ᒥᓇ ᑭᑕ ᐊᑲᐧᓇᐊᒪᐧᐠ ᐋᐧᓴᐢᑯᑌᓂᑲᓈᑎᐠ ᑳ ᐅᐦᒋ ᐋᐧᐢᑌᐠ, ᒥᓇ ᐊᐧᐢᑌᓇᒫᑲᓇ, ᒥᓇ ᒥᒋᒥᓂᑲᓇ, ᒥᓇ ᑭᐢᑲᓴᐁᐧᓯᑲᓂ ᐊᓯᐊᐧᒋᑲᓇ, ᒥᓇ ᑲᐦᑭᔭᐤ ᐱᒥᐃᐧ ᐊᓯᐊᐧᒋᑲᓇ, ᑳ ᐃᓯ ᐸᒥᑖᒋᐠ. 10ᐁᑯᓯ ᑭᑕ ᐊᐢᑖᐊᐧᐠ ᒥᓇ ᑲᐦᑭᔭᐤ ᐊᓯᐊᐧᒋᑲᓇ ᐱᐦᒋ ᐋᑭᑲᐧᔮᐣ ᐊᑲᐧᓇᐃᑲᓂᕽ, ᐁᑯᓯ ᑭᑕ ᐊᐢᑖᐊᐧᐠ ᑌᐦᑎᓂᑲᓂᕽ. 11ᐁᑯᓯ ᐅᓵᐃᐧᓱᓂᔮᐃᐧ ᐸᑯᑎᓈᓱᐃᐧᓈᐱᐢᑯᕽ ᑭᑕ ᑕᓭᐧᑲᐢᑖᐊᐧᐠ ᒋᐯᑕᑫᐧᑭᐣ, ᒥᓇ ᑭᑕ ᐊᑲᐧᓇᐊᒪᐧᐠ ᐋᒋᑲᐧᔮᓇ ᐅᐦᒋ, ᐁᑯᓯ ᑭᑕ ᑖᐱᑎᑖᐊᐧᐠ ᐊᐸᓱᔭ; 12ᐁᑯᓯ ᑭᑕ ᐅᑎᓇᒪᐧᐠ ᑲᐦᑭᔭᐤ ᐊᓯᐊᐧᒋᑲᓇ ᑳ ᐋᐸᒋᐦᑖᒋᐠ, ᐊᓂᐦᐃ ᑳ ᐋᐸᒋᐦᑖᒋᐠ ᑲᓈᒋᑲᒥᑯᕽ, ᐁᑯᓯ ᑭᑕ ᐊᓯᐊᐧᑖᐊᐧᐠ ᒋᐯᑕᑫᐧᑭᓄᕽ, ᒥᓇ ᑭᑕ ᐊᑲᐧᓇᐊᒪᐧᐠ ᐋᑭᑲᐧᔮᐣ ᐊᑲᐧᓇᐃᑲᓂᕽ, ᒥᓇ ᑭᑕ ᐊᐢᑖᐊᐧᐠ ᑌᐦᑎᓂᑲᓂᕽ. 13ᑭᑕ ᐅᑎᓇᒪᐧᐠ ᒫᑲ ᐱᐦᑯᑌᐤ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ, ᒥᓇ ᑭᑕ ᑕᓭᐧᑭᑎᑖᐊᐧᐠ ᒋᐯᑕᑯ ᒥᐦᑫᐧᑭᐣ ᐁᑯᑕ. 14ᐁᑯᑕ ᒫᑲ ᑭᑕ ᐊᐢᑖᐊᐧᐠ ᑲᐦᑭᔭᐤ ᐊᓯᐊᐧᒋᑲᓇ, ᑳ ᐋᐸᒋᐦᑖᒋᐠ ᐁ ᐸᒥᑖᓱᒋᐠ ᐁᑯᑕ, ᐃᐢᑯᑌᐃᐧᔮᑲᓇ, ᐃᐧᔮᓯ ᐅᒋᑳᐧᒋᑲᓇ, ᒥᓇ ᑳᐧᐸᐋᐊᐧᑳᐧᓇ, ᒥᓇ ᐊᓯᐊᐧᒋᑲᓇ, ᑲᐦᑭᔭᐤ ᐊᓯᐊᐧᒋᑲᓇ ᐸᑭᑎᓈᓱᐃᐧᓈᐱᐢᑯᕽ; ᑭᑕ ᑕᓭᐧᑲᐢᑖᐊᐧᐠ ᒫᑲ ᐋᑭᑲᐧᔮᐣ ᐊᑲᐧᓇᐃᑲᐣ, ᒥᓇ ᑭᑕ ᑖᐱᑎᑖᐊᐧᐠ ᐊᐸᓱᔭ. 15ᐃᐢᐱ ᒫᑲ ᐁᕒᐊᐣ ᒥᓇ ᐅᑯᓯᓴ ᑭ ᐳᓂ ᐊᑲᐧᓇᐊᑳᐧᐃᐧ ᑲᓈᒋᑲᒥᑯᔨᐤ, ᒥᓇ ᑲᐦᑭᔭᐤ ᐁ ᐃᓯ ᐅᐦᑎᓇᒪᐋᐧᑌᐠ ᑲᓈᒋᑲᒥᐠ, ᐁ ᐃᐧ ᐊᑎ ᓯᐯᐧᐱᒋᕽ; ᐁᑲᐧ ᒣᐧᐢᑕᐢ ᐃᔨᑯᕽ ᐅᑯᓯᓴ ᑳᐦᐋᐦᐟ ᑭᑕ ᐯ ᓇᑕᐃᐧ ᐱᒥᐃᐧᑖᐊᐧᐠ; ᒫᑲ ᓇᒪᐃᐧᔭ ᑭᑕ ᓵᒥᓇᒪᐧᐠ ᑲᓈᒋᑲᒥᐠ ᐁᑳ ᑭᑕ ᓂᐱᒋᐠ. ᐁᐊᐧᑯᓂ ᐅᐦᐃ ᐅ ᐱᒥᐃᐧᑖᓱᐃᐧᓂᐋᐧᐊᐧ ᐅᑯᓯᓴ ᑳᐦᐋᐦᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 16ᐅ ᐸᒥᓇᒧᐃᑯᐃᐧᐣ ᒫᑲ ᐃᐧᔭ ᐁᓬᐃᐁᓴᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ ᐁᐊᐧᑫᐧᔨᐤ ᐱᒥ ᑭᑕ ᐊᐧᓴᐢᑯᑌᓂᑳᑫᕽ, ᒥᓇ ᐃᐧᐦᑭᒫᓯᑲᐣ, ᒥᓇ ᐊᓂᒪ ᑕᐦᑭᓀ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᒥᓇ ᑐᒥᓂᑲᓂ ᐱᒥ, ᑭᑕ ᐸᒥᐃᐧᑖᐧᐤ ᒥᓯᐁᐧ ᒥᑭᐋᐧᑊ, ᒥᓇ ᑲᐦᑭᔭᐤ ᑫᑲᐧᐩ ᐱᐦᒋ ᐁᑯᑕ ᑳ ᐊᔮᐠ, ᑲᓈᒋᑲᒥᐠ ᒥᓇ ᐁ ᐃᓯ ᐅᐦᑎᓇᒪᐋᐧᑕᒥᕽ.
17ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐁ ᐃᑌᐧᐟ, 18ᐁᑳᐃᐧᔭ ᐱᐢᑭᒋᐦᐃᑯᐠ ᑳ ᐱᐢᑭᑐᑌᐃᐧᓯᒋᐠ ᐁ ᐃᓯ ᐊᐧᑯᑐᒋᐠ ᑳᐦᐋᑕᐃᑕᐠ ᓬᐃᐸᐃᑕᐠ ᐅᐦᒋ; 19ᒫᑲ ᐅᒥᓯ ᑭ ᑲ ᐃᑐᑕᐋᐧᐋᐧᐊᐧᐠ ᑭᑕ ᐱᒫᑎᓯᒋᐠ ᐁᑳ ᒫᑲ ᑭᑕ ᓂᐱᒋᐠ, ᑭᓯᐋᐧᐠ ᐁ ᐯ ᓈᑕᐦᑭᐠ ᐊᔨᐋᐧᐠ ᑳ ᑲᓈᑕᓂᔨᑭ; ᐁᕒᐊᐣ ᒥᓇ ᐅᑯᓯᓴ ᑭᑕ ᐱᐦᑐᑫᐊᐧᐠ, ᐁᑯᓯ ᑭᑕ ᐅᔭᑭᑕᒪᐁᐧᐊᐧᐠ ᒐᒉᑊ ᐅᐟ ᐊᑐᐢᑫᐃᐧᓂᐋᐧᐤ ᒥᓇ ᐅ ᐱᒥᐃᐧᑖᓱᐃᐧᓂᐋᐧᐊᐧ. 20ᒫᑲ ᓇᒪᐃᐧᔭ ᑭᑕ ᐱᐦᑐᑫᐊᐧᐠ ᑭᑕ ᓇᑕᐃᐧ ᐋᐧᐸᐦᑕᐦᑭᐠ ᑲᓈᒋᑲᒥᐠ ᐊᐦᐳ ᒥᑐᓂ ᐊᒋᔭᐤ, ᐁᑳ ᑭᑕ ᓂᐱᒋᐠ.
21ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 22ᐅᑎᓇ ᒥᓇ ᐁ ᐃᐦᑕᓯᒋᐠ ᐅᑯᓯᓴ ᑲᕒᓴᐣ ᐁ ᐃᐦᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, ᐁ ᐃᓯ ᐊᐧᑯᑐᒋᐠ; 23ᓂᐢᑐᒥᑕᓇᐤ ᐁ ᐃᑕᐦᑐ ᐱᐳᓀᐧᒋᐠ ᐅᐦᒋ ᒥᓇ ᐊᔨᐋᐧᐠ ᐃᐢᑯ ᓂᔮᓇᓄᒥᑕᓇᐤ ᐁ ᐃᑖᐦᑐ ᐱᐳᓀᐧᒋᐠ ᑭ ᑲ ᐊᑭᒫᐊᐧᐠ; ᑲᐦᑭᔭᐤ ᑳ ᐱᐦᑐᑫᒋᐠ ᑭᑕ ᐅᑎᓇᑭᐠ ᐊᑐᐢᑫᐃᐧᐣ, ᑭᑕ ᐃᑐᑕᐦᑭᐠ ᐊᑐᐢᑫᐃᐧᐣ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 24ᐁᐊᐧᑫᐧᔨᐤ ᐅᒪ ᐅᐟ ᐊᑐᐢᑫᐃᐧᓂᐋᐧᐤ ᐁ ᐃᓯ ᐋᐧᑯᑐᒋᐠ ᑲᕒᓴᓇᐃᑕᐠ, ᐁ ᐊᑐᐢᑫᒋᐠ ᒥᓇ ᐁ ᐱᒥᐃᐧᑖᓱᒋᐠ; 25ᑭᑕ ᐱᒥᐃᐧᑖᐊᐧᐠ ᑲᐦᑭᔭᐤ ᐋᑯᔦᑲᐦᐃᑲᓇ ᒥᑭᐊᐧᐱᕽ ᒥᓇ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᑳ ᐊᑲᐧᓇᐃᑳᑫᕽ ᒥᓇ ᐊᑲᐧᓇᐃᑲᐣ ᐋᑭᑲᐧᔮᓇᐠ ᑕᐦᑯᐨ ᑳ ᐊᔮᐠ, ᒥᓇ ᑳ ᑭᐯᑲᒧᐠ ᐃᐢᑳᐧᑌᒥᕽ ᒫᐊᐧᒋᐃᑐᐃᐧ ᒥᑭᐋᐧᐱᕽ; 26ᒥᓇ ᐊᑯᒋᑲᓇ ᐱᐢᑭᑖᔭᐃᐧᑲᒥᑯᕽ, ᒥᓇ ᑳ ᑭᐯᑲᒧᐠ ᐁ ᐃᐢᑳᐧᑌᒥᐊᐧᕽ ᐱᐢᑭᑖᔭᐃᐧᑲᒥᐠ, ᒋᑭ ᒥᑭᐋᐧᐱᕽ ᑳ ᐊᔮᐠ ᒥᓇ ᒋᑭ ᐸᑭᑎᓈᓱᐃᐧᓈᐱᐢᑯᕽ ᐋᐧᐢᑳ, ᒥᓇ ᒋᐢᑌᑲᐱᒋᑲᓇ ᒥᓇ ᑲᐦᑭᔭᐤ ᐋᐸᒋᐦᒋᑲᓇ ᑳ ᐋᐸᒋᐦᑖᒋᐠ, ᒥᓇ ᐱᑯ ᑫᑲᐧᐩ ᐁ ᐃᐧ ᐃᑐᒋᑳᑌᑭ ᐁᐊᐧᑫᐧᔨᐤ ᑫ ᐊᑐᐢᑳᑕᐦᑭᐠ. 27ᐁ ᐃᑕᓱᐋᐧᑎᑯᒋᐠ ᐁᕒᐊᓇ ᒥᓇ ᐅᑯᓯᓴ ᑭᑕ ᐃᓯ ᐊᑐᐢᑫᐊᐧᐠ ᐅᑯᓯᓴ ᑲᕒᓴᐣ, ᑲᐦᑭᔭᐤ ᐁ ᐃᓯ ᐱᒥᐃᐧᑖᓱᒋᐠ ᒥᓇ ᐁ ᐃᓯ ᐊᑐᐢᑫᒋᐠ; ᑭ ᑲ ᐅᔭᑭᑕᒪᐋᐧᐋᐧᐊᐧᐠ ᒫᑲ ᑲᐦᑭᔭᐤ ᑭᑕ ᐃᓯ ᐸᒥᑖᒋᐠ ᐅ ᐱᒥᐃᐧᑖᓱᐃᐧᓂᐋᐧᐤ. 28ᐁᐊᐧᑫᐧᔨᐤ ᐅᒪ ᐅᐟ ᐊᑐᐢᑫᐃᐧᓂᐋᐧᐤ ᐁ ᐃᓯ ᐊᐧᑯᑐᒋᐠ ᐅᑯᓯᓯᐋᐧᐊᐧ ᑲᕒᓴᓇᐃᑕᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; ᑳ ᐃᓯ ᐸᒥᓇᒧᐃᐦᒋᐠ ᒫᑲ ᑭᑕ ᑭᑌᔨᑕᒫᑲᐧᐠ ᐃᐦᑌᒫᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ.
29ᐅᑯᓯᓴ ᒣᕒᐊᕒᐊᐩ ᒫᑲ ᐃᐧᔭ, ᑭ ᑲ ᐊᑭᒫᐊᐧᐠ ᐁ ᐃᓯᐋᐧᑯᑐᒋᐠ, ᒥᓇ ᐁ ᐃᐦᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ; 30ᓂᐢᑐᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᒥᓇ ᐊᔨᐋᐧᐠ ᐃᐢᑯ ᓂᔮᓇᓄᒥᑕᐤ ᐁ ᐃᑕᐦᑐᐱᐳᓀᐧᒋᐠ ᑭ ᑲ ᐊᑭᒫᐊᐧᐠ, ᑲᐦᑭᔭᐤ ᐊᐃᐧᔭᐠ ᑳ ᐱᐦᑐᑫᐟ ᐊᑐᐢᑫᐃᐧᓂᕽ, ᑭᑕ ᐃᑐᑕᕽ ᐊᑐᐢᑫᐃᐧᐣ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 31ᐁᐊᐧᑫᐧᔨᐤ ᒫᑲ ᐅᒪ ᐁᓯ ᐸᒥᓇᒧᐃᐦᒋᐠ ᑭᑕ ᐱᒥᐃᐧᑖᒋᐠ, ᐁ ᐃᑕᐢᑌᔨᐠ ᐅᐟ ᐊᑐᐢᑫᐃᐧᓂᐋᐧᐤ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; ᐊᓂᐦᐃ ᓇᐸᑭᑕᑲᐧ ᒥᑭᐋᐧᐱᕽ, ᒥᓇ ᓯᑖᐧᐢᑯᐃᑲᓈᑎᑲᐧ, ᒥᓇ ᒋᒪᒋᑲᓇ, ᒥᓇ ᑖᐱᑎᑖᑲᓇ; 32ᒥᓇ ᒋᒪᒋᑲᓇ ᐱᐢᑭᑖᔭᐃᐧᑲᒥᐠ, ᒥᓇ ᑖᐱᑎᑖᑲᓇ, ᒥᓇ ᒋᐢᑌᑲᐦᐃᑲᓇ, ᒥᓇ ᒋᐢᑌᑲᐱᒋᑲᓇ, ᐊᓯᒋ ᑲᐦᑭᔭᐤ ᐋᐸᒋᐦᒋᑲᓇ, ᒥᓇ ᑲᐦᑭᔭᐤ ᐁᑖᐸᑕᑭ; ᐁᑯᓯ ᑭ ᑲ ᐃᐧᔮᐋᐧᐊᐧᐠ ᐁ ᐊᑎ ᐃᓯ ᐅᔭᑭᑕᒪᐋᐧᔦᑳᐧᐤ ᑭᑕ ᐃᓯ ᐸᒥᑖᒋᐠ ᐅ ᐱᒥᐃᐧᑖᓱᐃᐧᓂᐋᐧᐊᐧ. 33ᐁᐊᐧᑫᐧᔨᐤ ᐅᒪ ᐅᐟ ᐊᑐᐢᑫᐃᐧᓂᐋᐧᐤ ᐁ ᐃᓯ ᐋᐧᑯᑐᔨᐟ ᐅᑯᓯᓴ ᒣᕒᐊᕒᐊᐩ, ᐁ ᐃᓯ ᐊᑐᐢᑲᐦᐃᐦᒋᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐁ ᑭᑌᔨᑕᒫᑯᒋᐠ ᐃᐦᑌᒫᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ.
34ᐁᑯᓯ ᒧᓯᐢ ᒥᓇ ᐁᕒᐊᐣ ᒥᓇ ᐅᑭᒫᒥᐋᐧᐊᐧ ᑳ ᒫᒪᐁᐧᔭᑎᒋᐠ ᑭ ᐊᑭᒣᐊᐧᐠ ᐅᑯᓯᓯᔨᐊᐧ ᑳᐦᐋᑕᐃᑕ ᐁ ᐃᓯᐋᐧᑯᑐᔨᐟ, ᒥᓇ ᐁ ᐋᐃᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, 35ᓂᐢᑐᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᒥᓇ ᐊᔨᐋᐧᐠ ᐃᐢᑯ ᓂᔮᓇᓄᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᑲᐦᑭᔭᐤ ᐊᐃᐧᔭᐠ ᑳ ᐱᐦᑐᑫᐟ ᐊᑐᐢᑫᐃᐧᓂᕽ, ᑭᑕ ᐊᑐᐢᑫᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; 36ᐁᑯᓯ ᐊᓂᑭ ᑳ ᑭ ᐊᑭᒥᐦᒋᐠ ᐁ ᐃᓯ ᐋᐧᑯᑐᒋᐠ ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᑌᐸᑯᐦᐹᐧᐤ ᒥᑖᐦᑐᒥᑕᓇᐤ, ᐊᔨᐋᐧᐠ ᓂᔮᓇᓄᒥᑕᓇᐤ. 37ᐁᐊᐧᑯᓂᐠ ᐅᑭ ᑳ ᑭ ᐊᑭᒥᐦᒋᐠ ᐁ ᐃᓯ ᐊᐧᑯᑐᒋᐠ ᑳᐦᐋᑕᐃᑕᐠ, ᑲᐦᑭᔭᐤ ᑳ ᐊᑐᐢᑫᒋᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᒧᓯᐢ ᒥᓇ ᐁᕒᐊᐣ ᑳ ᑭ ᐊᑭᒫᒋᐠ, ᑳ ᑭ ᐃᑕᓱᐁᐧᐟ ᑳ ᑎᐯᔨᐦᒋᑫᐟ ᒧᓯᓴ ᐅᐦᒋ.
38ᐁᐊᐧᑯᓂᐠ ᒫᑲ ᐅᑭ ᑳ ᑭ ᐊᑭᒥᐦᒋᐠ ᐅᑯᓯᓴ ᑲᕒᓴᐣ, ᐁ ᐃᓯ ᐋᐧᑯᑐᒋᐠ, ᒥᓇ ᐁ ᐋᐃᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, 39ᓂᐢᑐᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᒥᓇ ᐊᔨᐋᐧᐠ ᐃᐢᑯ ᓂᔮᓇᓄᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ, ᑲᐦᑭᔭᐤ ᐊᐃᐧᔭᐠ ᑳ ᐱᐦᑐᑫᐟ ᐊᑐᐢᑫᐃᐧᓂᕽ, ᑭᑕ ᐊᑐᐢᑫᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; 40ᐊᓂᐦᐃ ᐅᑎ ᑳ ᑭ ᐊᑭᒫᒋᐠ, ᐁ ᐃᓯ ᐋᐧᑯᑐᔨᐟ, ᐁ ᐋᐃᑕᓯᔨᐟ ᐅᑖᐃᐧᐋᐧᐊᐧ ᐅ ᐋᐧᐢᑳᐦᐃᑲᓂᔨᕽ, ᓂᓵᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ, ᐊᔨᐋᐧᐠ ᓂᐢᑐᒥᑕᓇᐤ. 41ᐁᐊᐧᑯᓂᐠ ᐅᑭ ᑳ ᑭ ᐊᑭᒥᐦᒋᐠ ᐁ ᐃᓯ ᐋᐧᑯᑐᒋᐠ ᐅᑯᓯᓴ ᑲᕒᓴᐣ, ᑲᐦᑭᔭᐤ ᑳ ᑭ ᐊᑐᐢᑫᒋᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᒧᓯᐢ ᒥᓇ ᐁᕒᐊᐣ ᑳ ᑭ ᐊᑭᒫᒋᐠ ᐁ ᑭ ᐃᑕᓱᐁᐧᐟ ᑳ ᑎᐯᔨᐦᒋᑫᐟ.
42ᐊᓂᑭ ᒫᑲ ᑳ ᑭ ᐊᑭᒥᐦᒋᐠ ᐁ ᐃᓯ ᐋᐧᑯᑐᔨᐟ ᐅᑯᓯᓴ ᒣᕒᐊᕒᐊᐩ, ᐁ ᐃᓯ ᐋᐧᑯᑐᒋᐠ, ᐁ ᐋᐃᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, 43ᓂᐢᑐᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᐅᐦᒋ ᒥᓇ ᐊᔨᐋᐧᐠ ᐃᐢᑯ ᓂᔮᓇᓄᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ, ᑲᐦᑭᔭᐤ ᐊᐃᐧᔭᐠ ᑳ ᐱᐦᑐᑫᐟ ᐊᑐᐢᑫᐃᐧᓂᕽ, ᑭᑕ ᐊᑐᐢᑫᐟ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; 44ᐊᓂᑭ ᐅᑎ ᑳ ᑭ ᐊᑭᒥᐦᒋᐠ ᐁ ᐃᓯ ᐋᐧᑯᑐᒋᐠ, ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓂᓵᐧᐤ ᒥᑖᐦᑐᒥᑕᓇᐤ. 45ᐁᐊᐧᑯᓂᐠ ᐅᑭ ᑳ ᑭ ᐊᑭᒥᐦᒋᐠ ᐁ ᐃᓯ ᐊᐧᑯᑐᒋᐠ ᐅᑯᓯᓴ ᒣᕒᐊᕒᐊᐩ, ᒧᓯᐢ ᒥᓇ ᐁᕒᐊᐣ ᑳ ᑭ ᐊᑭᒫᒋᐠ ᐁ ᑭ ᐃᑕᓱᐁᐧᐟ ᑳ ᑎᐯᔨᐦᒋᑫᐟ ᒧᓯᐢ ᐅᐦᒋ.
46ᑲᐦᑭᔭᐤ ᒫᑲ ᐊᓂᑭ ᑳ ᑭ ᐊᑭᒥᐦᒋᐠ ᓬᐃᐸᐃᑕᐠ, ᒧᓯᐢ ᒥᓇ ᐁᕒᐊᐣ ᒥᓇ ᐅᑭᒫᒥᐋᐧᐊᐧ ᐃᐢᕒᐁᐃᓬ ᑳ ᑭ ᐊᑭᒫᒋᐠ, ᐁ ᐃᓯ ᐋᐧᑯᑐᒋᐠ, ᒥᓇ ᐁ ᐋᐃᑕᓯᔨᐟ ᐅᑖᐃᐧᐋᐧᐊᐧ ᐃᐧᑭᔨᕽ, 47ᓂᐢᑐᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᐅᐦᒋ ᒥᓇ ᐊᔨᐋᐧᐠ ᐃᐢᑯ ᓂᔮᓇᓄᒥᑕᓇᐤ ᐁ ᐃᑕᐦᑐᐱᐳᓀᐧᒋᐠ ᑲᐦᑭᔭᐤ ᐊᐃᐧᔭᐠ ᑳ ᐱᐦᑐᑫᐟ ᑭᑕ ᐃᑐᑕᕽ ᐊᑐᐢᑫᐃᐧᐣ, ᒥᓇ ᐊᓂᒪ ᐊᑐᐢᑫᐃᐧᐣ ᐁ ᐱᒥᐃᐧᑖᓱᕽ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, 48ᐊᓂᑭ ᐅᑎ ᑳ ᑭ ᐊᑭᒥᐦᒋᐠ, ᐊᔨᓈᓀᐋᐧᐤ ᑭᐦᒋᒥᑖᐦᑐᒥᑕᓇᐤ ᒥᓇ ᓂᔮᓇᓈᐧᐤ ᒥᑖᐦᑐᒥᑕᓇᐤ ᐊᔨᓈᓀᒥᑕᓇᐤ ᐊᔨᐋᐧᐠ ᑭ ᐃᑕᓯᐊᐧᐠ. 49ᐁ ᑭ ᐃᑕᓱᐁᐧᐟ ᑳ ᑎᐯᔨᐦᒋᑫᐟ ᑭ ᐊᑭᒫᐊᐧᐠ ᐅ ᐸᒥᓂᑫᐃᐧᐣ ᒧᓯᐢ ᐅᐦᒋ, ᑲᐦᑭᔭᐤ ᐊᐃᐧᔭᐠ ᐁ ᐃᓯ ᐊᑐᐢᑫᐟ, ᒥᓇ ᐁ ᐃᓯ ᐱᒥᐃᐧᑖᓱᐟ; ᐁᑯᓯ ᑭ ᐃᓯ ᐊᑭᒫᐊᐧᐠ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐊᐧᑖᐟ ᒧᓯᓴ.
Currently Selected:
ᓇᒼᐸᕒᐢ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
