ᓇᒼᐸᕒᐢ 19
19
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐁ ᐃᑌᐧᐟ, 2ᐁᐊᐧᑯᒪ ᐁᓯᒋᑲᓂᑳᑌᐠ ᐅᔭᓱᐁᐧᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐁᐧᐟ, ᐁ ᐃᑌᐧᐟ, ᐃᐧᐦᑕᒪᐃᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑭᑕ ᐯ ᒥᔨᐢᑭᐠ ᐅᐢᑭ ᐅᓂᒑᓂᐃᐧ ᒧᐢᑐᓴᐧ ᐁ ᒥᐦᑯᐁᐧᔨᐟ, ᐁᑳ ᐁ ᒪᓯᓈᓱᔨᐟ, ᒥᓇ ᐁᑳ ᐁ ᒫᐢᑭᓯᔨᐟ, ᒥᓇ ᐁᑳ ᐃᐧᑳᐨ ᐁ ᐅᐦᒋ ᑖᐱᐢᑲᐦᐃᐦᐟ; 3ᐁᑯᓯ ᑭ ᑲ ᒥᔮᐤ ᐁᓬᐃᐁᓴᕒ ᐊᔭᒥᐦᐁᐃᐧᔨᓂᐤ, ᑭᑕ ᐯ ᐊᐧᔭᐃᐧᑕᐁᐤ ᒫᑲ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ ᐁᑯᓯ ᐯᔭᐠ ᐁᑯᑕ ᑭᑕ ᓂᐸᐁᔨᐊᐧ ᐁ ᑭᑖᐸᒫᐟ. 4ᐁᓬᐃᐁᓴᕒ ᒫᑲ ᐊᔭᒥᐦᐁᐃᐧᔨᓂᐤ ᑭᑕ ᐅᑎᓇᒼ ᐅ ᒥᐦᑯᔨᐤ ᐅ ᔨᔨᑭᒋᐦᒑᓂᕽ, ᐁᑯᓯ ᑭᑕ ᓯᓭᐧᐸᔨᑕᐁᐧᐤ ᐅ ᒥᐦᑯᔨᐤ ᑌᐸᑯᐦᐹᐧᐤ ᐁ ᐅᐦᑎᐢᑲᐃᐧ ᐊᔮᐠ ᐃᑌᐦᑫ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 5ᐯᔭᐠ ᒫᑲ ᑭᑕ ᒣᐢᑎᑲᓭᐧᐤ ᐊᓂᐦᐃ ᐅᓂᒑᓂᓯᓴ ᐁ ᑭᑖᐸᒫᐟ; ᐅ ᐸᑫᑭᐣ, ᐅ ᐃᐧᔮᐢ, ᐅ ᒥᐦᑯ, ᐊᓯᒋ ᐅᒣᒋ ᑭᑕ ᒣᐢᑎᑲᓴᒼ. 6ᐊᔭᒥᐦᐁᐃᐧᔨᓂᐤ ᒫᑲ ᑭᑕ ᐅᑎᓇᒼ ᒫᓯᑭᐢᑳᐧᑎᐠ, ᒥᓇ ᐦᐃᓴᑊ, ᒥᓇ ᒥᐦᑫᐧᑭᐣ, ᐁᑯᓯ ᑭᑕ ᐃᓯᐁᐧᐱᓇᒼ ᒣᑳᐧ ᐊᔨᕽ ᐃᑕ ᐁ ᑭᓯᓱᔨᐟ ᐊᓂᐦᐃ ᐅᓂᒑᓂᓯᓴ. 7ᐁᑲᐧ ᐊᔭᒥᐦᐁᐃᐧᔨᓂᐤ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᒥᓇ ᑭᑕ ᑭᒋᐢᑖᐸᐊᐧᑖᐤ ᐃᐧᔭᐤ ᓂᐱᕽ, ᐁᑯᓯ ᒣᐧᐢᑕᐢ ᐃᔨᑯᕽ ᑭᑕ ᐯ ᐱᐦᑐᑫᐤ ᑲᐯᓯᐃᐧᓂᕽ, ᐊᓇ ᐊᔭᒥᐦᐁᐃᐧᔨᓂᐤ ᒫᑲ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 8ᐊᓇ ᒫᑲ ᑳ ᒣᐢᑎᑲᓵᐧᐟ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᓂᐱᕽ ᒥᓇ ᑭᑕ ᑭᒋᐢᑖᐸᐊᐧᑖᐤ ᐃᐧᔭᐤ ᓂᐱᕽ, ᐁᑯᓯ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 9#ᐦᐃᐸᕒᐅᐊᐧ 9:13ᐊᔨᓯᔨᓂᐤ ᒫᑲ ᐁ ᐯᑭᓯᐟ ᑭᑕ ᒧᓴᑭᓇᒼ ᐁ ᐱᐦᑯᑌᐃᐧᔨᐟ ᐊᓂᐦᐃ ᐅᓂᒑᓂᓯᓴ, ᒥᓇ ᑭᑕ ᐊᐢᑖᐤ ᐃᑕ ᐁ ᐯᑲᓂᔨᐠ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ, ᑭᑕ ᑲᓇᐁᐧᔨᐦᒋᑳᑌᐤ ᒫᑲ ᐊᓂᑭ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭᑕ ᐅᓯᐦᑖᒋᐠ ᐱᐢᑭᐦᒋᐦᐃᑯᐃᐧ ᓂᐱ; ᐁᐊᐧᑯ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ. 10ᐊᓇ ᒫᑲ ᑳ ᒫᐊᐧᓴᑯᓇᕽ ᐁ ᐱᐦᑯᑌᐃᐧᔨᐟ ᐊᓂᐦᐃ ᐅᓂᒑᓂᓯᓴ ᑭᑕ ᑭᒋᐢᑖᐸᐊᐧᑖᐤ ᐅ ᑭᑭᐢᑳᒋᑲᓇ, ᒥᓇ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ; ᐁᑯᓯ ᐁᐊᐧᑯ ᑭᑕ ᐅᐟ ᐃᓯᐦᒋᑫᐃᐧᓂᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳᑭᑫ ᒥᓇ ᐊᓂᐦᐃ ᒫᓂᑌᐊᐧ ᑳ ᐃᐧᒋᐊᔮᒥᑯᒋᐠ.
11ᐊᓇ ᑳ ᓵᒥᓇᕽ ᒥᔭᐤ ᐁ ᓂᐱᔨᐟ ᓈᐣᑕᐤ ᓈᐯᐊᐧ ᓇᒪᐃᐧᔭ ᑭᑕ ᐯᑭᓯᐤ ᑌᐸᑯᑊ ᑭᓯᑳᐤ. 12ᐁᐊᐧᑯ ᑭᑕ ᐯᑭᐃᓱ ᐁᐊᐧᑫᐧᔨᐤ ᐅᐦᒋ ᐁ ᓂᐢᑐᑭᓯᑳᔨᐠ, ᐁᑯᓯ ᑌᐸᑯᑊ ᐁ ᐃᑕᐦᑐᑭᓯᑳᔨᐠ ᑭᑕ ᐯᑭᓯᐤ; ᒫᑲ ᑭᐢᐱᐣ ᐁᑳ ᐯᑭᐃᓱᒋ ᐁ ᐊᑎ ᓂᐢᑐᑭᓯᑳᔨᐠ, ᐁᑲᐧ ᓇᒪᐃᐧᔭ ᑭᑕ ᐯᑭᓯᐤ ᑌᐸᑯᑊ ᐁ ᐃᑖᐦᑐᑭᓯᑳᔨᐠ. 13ᐊᐃᐧᔭᐠ ᓵᒥᓇᒫᐧᒋ ᐃᐧᔭᐃᐧᔨᐤ ᐁ ᓂᐱᔨᐟ ᓈᐣᑕᐤ ᓈᐯᐊᐧ, ᐁᑳ ᒫᑲ ᐯᑭᐃᓱᒋ, ᐃᐧᔨᐱᑖᐁᐧᐤ ᐅ ᒥᑭᐋᐧᐱᔨᐤ ᑳ ᑎᐯᔨᐦᒋᑫᔨᐟ; ᐁᑯᓯ ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᐃᐢᕒᐁᐃᓬ ᐅᐦᒋ; ᒋᑫᒫ ᐊᓂᒪ ᐱᐢᑭᒋᐦᐃᑯᐃᐧ ᓂᐱ ᓇᒪᐃᐧᔭ ᐅᐦᒋ ᓯᓭᐧᐯᑲᐊᑕᐋᐧᐤ, ᓇᒪᐃᐧᔭ ᑭᑕ ᐯᑭᓯᐤ; ᑫᔮᐱᐨ ᑭᑭᐢᑳᐠ ᐊᓂᒪ ᐁᑳ ᐁ ᐯᑭᓯᐟ.
14ᐁᐊᐧᑯ ᒫᑲ ᐅᒪ ᐅᔭᓱᐁᐧᐃᐧᐣ ᑭᐢᐱᐣ ᐊᔨᓯᔨᓂᐤ ᐁ ᓂᐱᐟ ᒥᑭᐋᐧᐱᕽ; ᑲᐦᑭᔭᐤ ᐊᐃᐧᔭᐠ ᑳ ᐱᐦᑐᑫᐟ ᒥᑭᐋᐧᐱᕽ, ᒥᓇ ᑲᐦᑭᔭᐤ ᐊᐃᐧᔭᐠ ᒥᑭᐋᐧᐱᕽ ᑳ ᐊᔮᐟ, ᑌᐸᑯᑊ ᑭᓯᑳᐤ ᓇᒪᐃᐧᔭ ᑭᑕ ᐯᑭᓯᐤ. 15ᑲᐦᑭᔭᐤ ᒫᑲ ᐊᓯᐊᐧᒋᑲᐣ ᐁᑳ ᑳ ᑭᐹᐳᐁᐧᐦᐃᑳᑌᐠ ᓇᒪᐃᐧᔭ ᐯᑲᐣ. 16ᐱᑯ ᐊᐃᐧᔭᐠ ᒫᑲ ᐱᑯᓇᑕ ᐃᑌ ᓵᒥᓈᒋ ᐊᐃᐧᔭ ᐁ ᑭ ᓂᐸᐃᒥᐦᐟ ᐃᓴᐁᐧᐢᐠ ᐅᐦᒋ, ᐊᐦᐳ ᐁ ᓂᐳᒪᑲᕽ ᒥᔭᐤ, ᐊᐦᐳ ᐊᔨᓯᔨᓂᐃᐧᑲᐣ, ᐊᐦᐳ ᔨᑲᐧᐦᐊᐢᑳᐣ, ᓇᒪᐃᐧᔭ ᑭᑕ ᐯᑭᓯᐤ ᑌᐸᑯᑊ ᑭᓯᑳᐤ. 17ᐁᑯᓯ ᐊᓇ ᐁᑳ ᑳ ᐯᑭᓯᐟ ᐅᐦᒋ ᑭᑕ ᐅᑎᓇᒪᐧᐠ ᐊᓂᒪ ᐱᑯᑌᐤ ᑳ ᑭ ᒣᐢᑎᑲᓱᔨᐟ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᒥᓇ ᐱᒥᒋᐊᐧᓄᐃᐧ ᓂᐱ ᑭᑕ ᓯᑭᓂᑳᑌᐤ ᐁᑯᑕ ᐊᓯᐊᐧᒋᑲᓂᕽ. 18ᐁᑯᓯ ᐊᐃᐧᔭᐠ ᐁ ᐯᑭᓯᐟ ᑭᑕ ᐅᑎᓇᒼ ᐦᐃᓴᑊ, ᒥᓇ ᑭᑕ ᑭᐦᑖᓇᒼ ᓂᐱᕽ, ᐁᑯᓯ ᑭᑕ ᓯᓭᐧᐯᑲᐊᑕᒼ ᒥᑭᐋᐧᑊ, ᒥᓇ ᑲᐦᑭᔭᐤ ᐊᓯᐊᐧᒋᑲᓇ, ᒥᓇ ᐊᔨᓯᔨᓂᐊᐧᐠ ᐁᑯᑕ ᑳ ᑭ ᐊᔮᔨᐟ, ᒥᓇ ᐊᓂᐦᐃ ᑳ ᑭ ᓵᒥᓇᒥᔨᐟ ᐊᔨᓯᔨᓂᐃᐧᑲᐣ, ᐊᐦᐳ ᑳ ᑭ ᓵᒥᓈᔨᐟ ᑳ ᑭ ᓂᐸᐃᒥᐦᐟ ᐊᐦᐳ ᑳ ᑭ ᓂᐱᔨᐟ, ᐊᐦᐳ ᔨᑲᐧᐦᐊᐢᑳᐣ. 19ᐊᓇ ᒫᑲ ᑳ ᐯᑭᓯᐟ ᐊᔨᓯᔨᓂᐤ ᑭᑕ ᓯᓭᐧᐯᑲᐊᑕᐁᐧᐤ ᐊᓂᐦᐃ ᐁᑳ ᑳ ᐯᑭᓯᔨᐟ ᐁ ᓂᐢᑐᑭᓯᑳᔨᐠ ᒥᓇ ᑌᐸᑯᑊ ᐁ ᐃᑕᐦᑐᑭᓯᑳᔨᐠ; ᐁᑯᓯ ᑌᐸᑯᑊ ᐁ ᐃᑕᐦᑐᑭᓯᑳᔨᐠ ᑭᑕ ᐯᑭᐦᐁᐤ; ᐁᑯᓯ ᐊᓇ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᒥᓇ ᑭᑕ ᑭᒋᐢᑖᐸᐊᐧᔪ ᓂᐱᕽ, ᐁᑯᓯ ᑭᑕ ᐯᑭᓯᐤ ᐅᑖᑯᓯᓂᔨᑭ.
20ᒫᑲ ᐊᓇ ᐊᔨᓯᔨᓂᐤ ᐁᑳ ᐯᑭᓯᒋ, ᐁᑳ ᒫᑲ ᐯᑭᐃᓱᒋ, ᐁᐊᐧᑯ ᐊᐦᒑᕽ ᑭᑕ ᑭᐢᑭᐁᐧᐸᐋᐧᐤ ᒣᑳᐧᐨ ᒫᐊᐧᒋᐦᐃᑐᐃᐧᓂᕽ ᐅᐦᒋ, ᒋᑫᒫ ᐁ ᑭ ᐃᐧᔨᐱᑖᐋᐧᐟ ᐅ ᑲᓈᒋᑲᒥᑯᔨᐤ ᑳ ᑎᐯᔨᐦᒋᑫᔨᐟ; ᐊᓂᒪ ᐱᐢᑭᒋᐦᐃᑯᐃᐧ ᓂᐱ ᓇᒪᐃᐧᔭ ᐅᐦᒋ ᓯᓭᐧᐯᑲᐊᑕᐋᐧᐤ; ᓇᒪᐃᐧᔭ ᐯᑭᓯᐤ. 21ᐁᐊᐧᑯ ᒫᑲ ᑳᑭᑫ ᑭᑖ ᐅ ᑲᑫᐢᑫᐧᐃᐧᓂᐊᐧᐠ; ᐊᓇ ᒫᑲ ᑳ ᓯᓭᐧᐸᔨᑖᐟ ᐊᓂᒪ ᐱᐢᑭᒋᐦᐃᑯᐃᐧ ᓂᐱ ᑭᑕ ᑭᓯᐯᑭᓇᒼ ᐅ ᑭᑭᐢᑳᒋᑲᓇ; ᐊᓇ ᒫᑲ ᑳ ᓵᒥᓇᕽ ᐊᓂᒪ ᐱᐢᑭᒋᐦᐃᑯᐃᐧ ᓂᐱ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ. 22ᐱᑯ ᑫᑲᐧᐩ ᒫᑲ ᐊᓇ ᐁᑳ ᑳ ᐯᑭᓯᐟ ᓈᐯᐤ ᑳ ᓵᒥᓇᕽ ᓇᒪᐃᐧᔭ ᑭᑕ ᐯᑲᐣ; ᐁᑯᓯ ᐊᓇ ᑳ ᓵᒥᓇᕽ ᓇᒪᐃᐧᔭ ᑭᑕ ᐯᑭᓯᐤ ᐃᐢᑯ ᐁ ᐅᑖᑯᓯᓂᔨᐠ.
Currently Selected:
ᓇᒼᐸᕒᐢ 19: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
