ᓇᒼᐸᕒᐢ 17
17
1ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑌᐧᐟ, 2ᐊᔭᒥᐃᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᐅᑎᓇᒼ ᓴᐢᑲᐅᓈᑎᑲᐧ, ᐸᐯᔭᐠ ᐁ ᐃᑕᑎᓂᔨᑭ ᐅᑖᐃᐧᐋᐧᐊᐧ ᐃᐧᑭᔨᐊᐧ, ᑲᐦᑭᔭᐤ ᐅᑭᒫᒥᐋᐧᐊᐧ ᐁ ᐃᑕᑎᓂᔨᑭ ᐅᑖᐃᐧᐋᐧᐊᐧ ᐃᐧᑭᔨᐊᐧ, ᒥᑖᑕᐦᐟ ᓂᓱᓵᑊ ᓴᐢᑲᐅᓈᑎᑲᐧ; ᐁᑯᓯ ᒪᓯᓇᐦᐊᒼ ᑲᐦᑭᔭᐤ ᐊᔨᓯᔨᓂᐤ ᐅ ᐃᐧᔪᐃᐧᐣ ᐅ ᓴᐢᑲᐅᓈᑎᑯᕽ. 3ᑭ ᑲ ᒪᓯᓇᐦᐊᒫᐧᐣ ᒫᑲ ᐁᕒᐊᐣ ᐅ ᐃᐧᔪᐃᐧᐣ ᓬᐃᐸᐩ ᐅ ᓴᐢᑲᐅᓈᑎᑯᕽ; ᒋᑫᒫ ᐯᔭᐠ ᓵᐢᑲᐅᓈᑎᐠ ᑭᑕ ᐊᔮᐤ ᑕᐦᑐ ᑳ ᓂᑳᓀᔨᑖᑯᓯᒋᐠ ᐅᑖᐃᐧᐋᐧᐊᐧ ᐃᐧᑭᔨᕽ. 4ᐁᑯᓯ ᑭ ᑲ ᐊᐢᑖᐣ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᐅᐦᑎᐢᑲᐤ ᑭᐢᑫᔨᑕᒧᐦᐃᐁᐧᐃᐧᓂᕽ, ᐃᑕ ᑫ ᓇᑭᐢᑳᑕᑯᐠ. 5ᑭᑕ ᐃᐦᑭᐣ ᒫᑲ ᐊᓇ ᐊᔨᓯᔨᓂᐤ ᑫ ᓇᐊᐧᓱᓇᐠ, ᐅ ᓴᐢᑲᐅᓈᑎᐠ ᑭᑕ ᐋᐧᐱᑯᓂᐊᐧᓂᔨᐤ; ᐁᑯᓯ ᓂ ᑲ ᑭᐱᐦᑎᓇᒫᓱᐣ ᑳ ᐃᑌᐧᐃᐧᑕᑭᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑳ ᓇᔦᐦᑖᐃᐧ ᐃᑎᑯᔦᑯᐠ.
6ᒧᓯᐢ ᒫᑲ ᑭ ᐃᐧᐦᑕᒪᐁᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁᑯᓯ ᑲᐦᑭᔭᐤ ᐅᑭᒫᒥᔨᐊᐧ ᑭ ᒥᔨᐠ ᓴᐢᑲᐅᓈᑎᑲᐧ, ᑳ ᐃᐦᑕᓯᔨᐟ ᐅᑭᒫᒥᐋᐧᐊᐧ ᑭ ᒥᔨᐠ ᐸᐯᔭᐠ, ᐁ ᐋᐃᑕᑎᓂᔨᑭ ᐅᑖᐃᐧᐋᐧᐊᐧ ᐃᐧᑭᔨᐊᐧ, ᒥᑖᑕᐦᐟ ᓂᓱᓵᑊ ᓴᐢᑲᐅᓈᑎᑲᐧ; ᐁᑯᓯ ᐁᕒᐊᐣ ᐅ ᓴᐢᑲᐅᓈᑎᐠ ᑭ ᐊᓯᑕᐢᑌᔨᐤ ᐅ ᓴᐢᑲᐅᓈᑎᑯᐋᐧᐊᐧ. 7ᒧᓯᐢ ᒫᑲ ᑭ ᓇᐊᐢᑖᐤ ᐊᓂᐦᐃ ᓴᐢᑲᐅᓈᑎᑲᐧ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑭᐢᑫᔨᑕᒧᐦᐃᐁᐧᐃᐧᓂ ᒥᑭᐋᐱᕽ.
8 #
ᐦᐃᐸᕒᐅᐊᐧ 9:4
ᑭ ᐊᔨᑭᐣ ᒫᑲ ᐃᐢᐱ ᐃᐧᔮᐸᕽ, ᒧᓯᐢ ᑭ ᐱᐦᑐᑫᐤ ᑭᐢᑫᔨᑕᒧᐦᐃᐁᐧᐃᐧᓂ ᒥᑭᐋᐧᐱᕽ; ᐳᑎ ᒫᑲ ᐅ ᓵᐢᑲᐅᓇᑎᐠ ᐁᕒᐊᐣ ᐅ ᐋᐧᐢᑳᐦᐃᑲᐣ ᓬᐃᐸᐩ ᐅᐦᒋ ᑭ ᐅᓯᒥᐢᑯᐊᐧᐣ ᒥᓇ ᑭ ᓴᑭᐸᑭᐤ, ᒥᓇ ᑭ ᐋᐧᐱᑯᓂᐊᐧᐣ ᒥᓇ ᑭ ᓂᐦᑖᐃᐧᑭᑖᒪᑲᐣ ᐁ ᐊᑎᓱᒋᐠ ᓇᐸᑭᐸᑳᓇᐠ. 9ᒧᓯᐢ ᒫᑲ ᑭ ᐯ ᐊᐧᔭᐃᐧᑕᑖᐤ ᑲᐦᑭᔭᐤ ᓴᐢᑲᐅᓈᑎᑲᐧ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐅᐦᒋ ᑭᑕ ᐋᐧᐸᐦᑕᒥᔨᐟ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᐁᑯᓯ ᑭ ᑲᓇᐋᐧᐸᐦᑕᒪᐧᐠ, ᒥᓇ ᑳ ᐃᑕᓯᐟ ᐊᔨᓯᔨᓂᐤ ᑭ ᐅᑎᓇᒼ ᐅ ᓴᐢᑲᐅᓈᑎᐠ.
10ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᑳᐃᐧ ᒥᓇ ᐊᐢᑖᐤ ᐅ ᓴᐢᑲᐅᓈᑎᐠ ᐁᕒᐊᐣ ᐅᐦᑎᐢᑲᐤ ᑭᐢᑫᔨᑕᒧᐦᐃᐁᐧᐃᐧᓂᕽ, ᑭᑕ ᑲᓇᐁᐧᔨᐦᒋᑳᑌᐠ ᑭᑕ ᒥᐢᑲᐋᐧᓱᒥᑯᒋᐠ ᐅᒫᔭᑲᒥᑭᓯᐊᐧᐠ; ᑭᑕ ᑭᐱᐦᑎᓇᒪᐣ ᑳ ᓇᔦᐦᑖᐃᐧ ᓂᓯᒋᐠ, ᐁᑳ ᑭᑕ ᓂᐱᒋᐠ. 11ᐁᑯᓯ ᐅᒪ ᑭ ᐃᑐᑕᒼ ᒧᓯᐢ; ᑳ ᑭ ᐃᑕᓱᐋᐧᑎᑯᐟ ᑳ ᑎᐯᔨᐦᒋᑫᔨᐟ ᐁᑯᓯ ᑭ ᐃᑐᑕᒼ.
12ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᐊᔭᒥᐦᐁᐊᐧᐠ ᒧᓯᓴ ᐁ ᐃᑌᐧᒋᐠ, ᒫᑎᑲ, ᓂ ᓂᐱᓈᐣ, ᓂ ᓂᓯᐊᐧᓈᑎᓯᓈᐣ, ᑲᐦᑭᔭᐤ ᓂ ᓂᓯᐊᐧᓈᑎᓯᓈᐣ. 13ᑲᐦᑭᔭᐤ ᐊᐃᐧᔭᐠ ᑭᓯᐋᐧᐠ ᑳ ᐯ ᐃᑐᐦᑌᐟ, ᑭᓯᐋᐧᐠ ᑳ ᐯ ᓈᑕᒫᐧᐟ ᐃᐧᑭᔨᐤ ᑳ ᑎᐯᔨᐦᒋᑫᔨᐟ, ᓂᐱᐤ; ᑲᐦᑭᔭᐤ ᒋ ᒫᑲ ᓂ ᑲ ᓂᓯᐊᐧᓈᑎᓯᓈᐣ?
Currently Selected:
ᓇᒼᐸᕒᐢ 17: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
