ᓇᒼᐸᕒᐢ 16
16
1 #
ᒍᐟ 1:11
ᑳᕒᐊ ᒫᑲ, ᐅᑯᓯᓴ ᐃᐢᐦᐋᕒ, ᐅᑯᓯᓴ ᑳᐦᐋᐦᐟ, ᐅᑯᓯᓴ ᓬᐃᐸᐩ, ᐊᓯᒋ ᑌᑖᐣ ᒥᓇ ᐊᐸᐃᕒᐋᒼ ᐅᑯᓯᓴ ᐃᓬᐃᔮᑊ, ᒥᓇ ᐋᐣ ᐅᑯᓯᓴ ᐱᓬᐁᐦᐟ, ᐅᑯᓯᓴ ᕒᐅᐱᐣ, ᑭ ᐅᑎᓀᐊᐧᐠ ᐊᔨᓯᔨᓂᐊᐧ. 2ᑭ ᐸᓯᑯᐢᑕᐁᐧᐊᐠ ᒫᑲ ᒧᓯᓴ, ᐊᓯᒋ ᐋᑎᐦᐟ ᐅᐟ ᐊᐋᐧᓯᒥᓴ ᐃᐢᕒᐁᐃᓬ. ᓂᓵᐧᐤ ᒥᑖᑕᐦᑐᒥᑕᓇᐤ ᓂᔮᓇᓄᒥᑕᓇᐤ ᐊᔨᐋᐧᐠ ᐅᑭᒫᐊᐧᐠ ᒫᐊᐧᒋᐦᐃᑐᐃᐧᓂᕽ ᐅᐦᒋ, ᑳ ᑭ ᒫᒪᐃᐧ ᓇᑐᒥᐦᒋᐠ, ᐊᔨᓯᔨᓂᐊᐧᐠ ᑳ ᐋᑐᑖᑯᓯᒋᐠ. 3ᑭ ᒫᒪᐃᐧ ᒫᐊᒋᐃᓱᐢᑕᐁᐧᐊᐧᐠ ᒫᑲ ᒧᓯᓴ ᒥᓇ ᐁᕒᐊᓇ, ᐁᑯᓯ ᑭ ᐃᑌᐊᐧᐠ, ᐅᓵᒼ ᒥᐢᑕᐦᐃ ᑯᑎᓇᒫᓱᓈᐋᐧᐤ, ᐃᐧᔭ ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᐁ ᑲᓈᑎᓯᒋᐠ, ᑲᐦᑭᔭᐤ ᐁ ᐃᐦᑕᓯᒋᐠ, ᒥᓇ ᑳ ᑎᐯᔨᐦᒋᑫᐟ ᐁ ᐃᐧᒉᐋᐧᐟ; ᑫᑲᐧᐩ ᒫᑲ ᐅᐦᒋ ᐊᔨᐋᐧᐠ ᑳ ᐃᑌᔨᒥᓱᔦᐠ ᐃᔨᑯᕽ ᑳ ᑎᐯᔨᐦᒋᑫᐟ ᑳ ᑭ ᒫᒪᐃᐧ ᓇᑐᒫᐟ?
4ᐃᐢᐱ ᒫᑲ ᒧᓯᐢ ᐱᔦᑕᕽ ᐁᐊᐧᑫᐧᔨᐤ ᑭ ᐸᑕᐱᐸᔨᐦᐅ. 5ᑭ ᑭᑐᑌᐤ ᒫᑲ ᑳᕒᐊᐊᐧ ᒥᓇ ᑲᐦᑭᔭᐤ ᑳ ᐃᐧᒋᐦᐃᐧᑯᔨᐟ, ᐁ ᐃᑌᐧᐟ, ᐋᐧᐸᐦᑭ ᑳ ᑎᐯᔨᐦᒋᑫᐟ ᑭᑕ ᐋᐧᐸᐦᑕᐦᐃᐁᐧᐤ ᑖᓇᓂᐃ ᑳ ᐅᐟ ᐊᔮᓂᐟ, ᒥᓇ ᑖᓈᓂᐃ ᑳ ᑲᓈᑎᓯᒋᐠ, ᒥᓇ ᑭᑕ ᓇᑐᒣᐤ ᑭᓯᐋᐧᐠ ᑭᑕ ᐯ ᓈᑎᑯᐟ; ᐊᓂᐦᐃ ᐅᑎ ᑫ ᓇᐊᐧᓱᓈᐟ ᑭᑕ ᓇᑐᒣᐤ ᑭᓯᐋᐧᐠ ᑭᑕ ᐯ ᓈᑎᑯᐟ. 6ᐅᒥᓯ ᐃᑐᑕᒧᐠ; ᐅᑎᓇᒧᐠ ᐃᐧᑭᒫᓯᑲᓂᑳᑲᓇ, ᑳᕒᐊ ᒥᓇ ᑲᐦᑭᔭᐤ ᐅ ᐃᐧᒉᐋᐧᑲᓇ; 7ᐊᓯᐊᐧᑖᐠ ᐃᐢᑯᑌᐤ ᒥᓇ ᐃᐧᑭᒪᓯᑲᐣ ᐁᑯᑕ ᐊᐢᑖᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐋᐧᐸᐦᑭ; ᑭᑕ ᐃᐦᑭᐣ ᒫᑲ ᐊᓂᐦᐃ ᐊᔨᓯᔨᓂᐊᐧ ᑳ ᑎᐯᔨᐦᒋᑫᐟ ᑫ ᓇᐊᐧᓱᓈᐟ, ᐁᐊᐧᑯ ᑭᑕ ᑲᓈᑎᓯᐤ; ᐅᓵᒼ ᒥᐢᑕᐦᐃ ᑭᔭᐋᐧᐤ ᑯᑎᓇᒫᓱᓈᐋᐧᐤ, ᑭᔭᐋᐧᐤ ᐅᑯᓯᓴ ᓬᐃᐸᐩ. 8ᒧᓯᐢ ᒫᑲ ᐅᒥᓯ ᑭ ᐃᑌᐤ ᑳᕒᐊᐊᐧ, ᓇᑐᐦᑕᐃᐧᐠ ᐁᑲᐧ ᑭᔭᐋᐧᐤ ᐅᑯᓯᓴ ᓬᐃᐸᐩ, 9ᑭᐟ ᐊᐱᐢᑌᔨᑎᑌᓈᐋᐧᐤ ᒋ ᐅ ᑭᓭᒪᓂᑐᒪ ᐃᐢᕒᐁᐃᓬ ᐁ ᑭ ᐸᑳᓂᐃᑯᔦᐠ ᐁ ᒫᒪᐃᐧ ᒫᐊᐧᒋᐦᐃᑐᒋᐠ ᐃᐢᕒᐁᐃᓬ ᐅᐦᒋ, ᐁ ᐅᑎᓂᑯᔦᐠ ᑭᓯᐋᐧᐠ ᐃᐧᔭ; ᐁ ᐃᑐᑕᒣᐠ ᐊᑐᐢᑫᐃᐧᐣ ᐃᐧᑭᕽ ᑳ ᑎᐯᔨᐦᒋᑫᐟ, ᒥᓇ ᑭᑕ ᐅᑎᐢᑲᐃᐧᑳᐸᐃᐧᐢᑕᐋᐧᔦᑯᐠ ᑳ ᒫᐊᐧᒋᐦᐃᑐᒋᐠ, ᑭᑕ ᐸᒥᐢᑕᒪᐋᐧᔦᑯᐠ; 10ᐁᑯᓯ ᑭᓯᐋᐧᐠ ᐁ ᑭ ᐃᑐᑕᐃᐢᐠ, ᒥᓇ ᑲᐦᑭᔭᐤ ᑭᒋᐋᐧᒪᐠ ᐅᑯᓯᓴ ᓬᐃᐸᐩ ᐊᓯᒋ ᑭᔭ? ᐊᔭᒥᐦᐁᐃᐧᔨᓂᐃᐧᐃᐧᐣ ᒋ ᒫᑲ ᑭ ᓇᑐᓀᓈᐋᐧᐤ ᒥᓇ? 11ᐁᐊᐧᑯ ᐅᐦᒋ ᑭᔭ ᒥᓇ ᑲᐦᑭᔭᐤ ᑭ ᐃᐧᒉᐋᐧᑲᓇᐠ ᑳ ᒫᐊᐧᒋᐦᐃᓱᐢᑕᐋᐧᔦᐠ ᑳ ᑎᐯᔨᐦᒋᑫᐟ; ᑫᑲᐧᐩ ᒫᑲ ᐃᐧᔭ ᐁᕒᐊᐣ ᑳ ᓇᔦᐦᑖᐃᐧ ᐱᑭᐢᑳᐧᑖᔦᐠ?
12ᒧᓯᐢ ᒫᑲ ᑭ ᐃᓯᑎᓴᐦᐅᐁᐧᐤ ᑭᑕ ᓇᑐᒥᒥᐦᐟ ᑌᑖᐣ ᒥᓇ ᐊᐸᐃᕒᐋᒼ, ᐅᑯᓯᓴ ᐃᓬᐃᔮᑊ; ᐁᑯᓯ ᐁᐊᐧᑯᓂᐠ ᑭ ᐃᑌᐧᐊᐧᐠ, ᓇᒪᐃᐧᔭ ᓂ ᑲ ᐯ ᐃᑐᑖᓈᐣ. 13ᐊᐱᐢᑌᔨᑖᑲᐧᐣ ᒋ ᐁ ᑭ ᐯ ᐅᐦᒋ ᓯᐯᐧᑕᐃᔮᕽ ᐊᐢᑭᕽ ᐅᐦᒋ ᑳ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐹᐢᑲᐧᐟ, ᑭᑕ ᓂᐸᐃᔮᕽ ᐅᑕ ᐱᑲᐧᑕᐢᑭᕽ, ᐁᑯᓯ ᒥᓇ ᒥᑐᓂ ᑭᑕ ᐅᑭᒫᑲᑕᐃᐧᔮᕽ ᐁ ᐃᐧ ᐃᑕᐱᐃᓱᔭᐣ. 14ᒥᓇ ᓇᒪᐃᐧᔭ ᑯᐦ ᐃᑐᐦᑕᐦᐃᓈᐣ ᐊᐢᑭᕽ ᐁ ᐱᒥᒋᐊᐧᕽ ᑐᑐᓵᐳ ᒥᓇ ᐊᒧᓯᓯᐸᐢᑲᐧᐟ, ᒥᓇ ᓇᒪᐃᐧᔭ ᑯᐦ ᒥᔨᓇᐣ ᑭᑕ ᑎᐯᔨᐦᑕᒫᕽ ᑭᐢᑎᑳᓇ ᒥᓇ ᓱᒥᓂ ᑭᐢᑎᑳᓇ; ᑭ ᐃᐧ ᑫᒋᑳᐧᐸᐋᐧᐊᐧᐠ ᒋ ᐅᑭ ᐊᔨᓯᔨᓂᐊᐧᐠ? ᓇᒪᐃᐧᔭ ᓂ ᑲ ᐯ ᐃᑐᑖᓈᐣ. 15ᒧᓯᐢ ᒫᑲ ᒥᐢᑕᐦᐃ ᑭ ᑭᓯᐋᐧᓯᐤ, ᒥᓇ ᑭ ᐃᑌᐤ ᑳ ᑎᐯᔨᐦᒋᑫᔨᐟ, ᐁᑳᐃᐧᔭ ᑭᐢᑌᔨᑕᒪᐃᐧᐠ ᐅ ᐸᑭᑎᓈᓱᐃᐧᓂᐋᐧᐤ; ᓇᒪᐋᐧᐨ ᐯᔭᐠ ᓱᓱᒥᐢᑕᑎᒪᐧ ᓄᐦ ᒪᐢᑲᒫᐊᐧᐠ, ᒥᓇ ᓇᒪᐋᐧᐨ ᐯᔭᐠ ᓈᐣᑕᐤ ᓄᐦ ᐃᐦᑐᑕᐋᐧᐤ. 16ᒧᓯᐢ ᒫᑲ ᑭ ᐃᑌᐤ ᑳᕒᐊᐊᐧ, ᑭᔭ ᒥᓇ ᑲᐦᑭᔭᐤ ᑭ ᐃᐧᒉᐋᐧᑲᓇᐠ ᐯ ᐃᑐᐦᑌᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᑭᔭ, ᒥᓇ ᐃᐧᔭᐋᐧᐤ, ᒥᓇ ᐁᕒᐊᐣ, ᐋᐧᐸᑭ. 17ᐁᑯᓯ ᐅᑎᓇᒧᐠ ᑳ ᐃᑕᓯᐟ ᐊᔨᓯᔨᓂᐤ ᐅ ᐃᐧᑭᒫᓯᑳᑲᐣ, ᒥᓇ ᐊᐢᑖᐠ ᐃᐧᑭᒫᓯᑲᐣ, ᐁᑯᓯ ᐯᑖᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑲᐦᑭᔭᐤ ᐊᔨᓯᔨᓂᐤ ᐅ ᐃᐧᑭᒫᓯᑳᑲᐣ, ᓂᓵᐧᐤ ᒥᑖᐦᑐᒥᑕᓇᐤ ᓂᔮᓇᓄᒥᑕᓇᐤ ᐊᔨᐋᐧᐠ ᐃᐧᑭᒫᓯᑳᑲᓇ; ᑭᔭ ᐊᓯᒋ ᒥᓇ ᐁᕒᐊᐣ ᑭ ᐃᐧᑭᒫᓯᑳᑲᓂᐋᐧᐊᐧ. 18ᑭ ᐅᑎᓇᒪᐧᐠ ᒫᑲ ᑲᐦᑭᔭᐤ ᐁ ᐃᑕᓯᐟ ᐊᔨᓯᔨᓂᐤ ᐅ ᐃᐧᑭᒫᓯᑳᑲᐣ, ᐁᑯᓯ ᐃᐢᑯᑌᐤ ᑭ ᐊᓯᐊᐧᑖᐤ, ᒥᓇ ᐃᐧᑭᒫᓯᑲᐣ ᑭ ᐊᐢᑖᐤ, ᐁᑯᓯ ᑭ ᓂᐸᐃᐧᐊᐧᐠ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ ᐊᓯᒋ ᒧᓯᐢ ᒥᓇ ᐁᕒᐊᐣ. 19ᑳᕒᐊ ᒫᑲ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐁ ᐃᐢᑳᐧᑌᒥᐊᐧᕽ ᒫᐊᒋᐃᑐᐃᐧ ᒥᑭᐋᐧᑊ; ᐅ ᒪᓂᑐᐋᐧᐢᑌᐃᐧᐣ ᒫᑲ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᑲᐧᐠ ᑲᐦᑭᔭᐤ ᑳ ᒫᒪᐁᐧᔭᑎᒋᐠ.
20ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᒥᓇ ᐁᕒᐊᓇ, ᐁ ᐃᑌᐧᐟ, 21ᐅᐦᐱᒣ ᐃᑐᐦᑌᐠ ᐅᑭ ᑳ ᒫᐊᐧᒋᐦᐃᑐᒋᐠ, ᓭᒫᐠ ᑭᑕ ᓂᓯᐊᐧᓈᒋᐦᐊᑭᐠ. 22ᑭ ᐸᑕᐱᐸᔨᐦᐅᐊᐧᐠ ᒫᑲ, ᒥᓇ ᑭ ᐃᑌᐧᐊᐧᐠ, ᑭᓭᒪᓂᑐ, ᐅ ᑭᓭᒪᓂᑐᒥᐋᐧᐊᐧ ᑯᑕᐦᒑᐦᑯᐟ ᑲᐦᑭᔭᐤ ᑳ ᐅ ᐃᐧᔮᓯᐟ, ᐯᔭᐠ ᐊᔨᓯᔨᓂᐤ ᐁ ᒪᒋᑐᑕᕽ, ᐁᑯᑕ ᐅᐦᒋ ᒋ ᑭ ᑲ ᑭᓯᐊᐧᓯᐢᑕᐋᐧᐊᐧᐠ ᑲᐦᑭᔭᐤ ᑳ ᒫᒪᐁᐧᔭᑎᒋᐠ?
23ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐅᒥᓯ ᐁ ᐃᑌᐧᐟ, 24ᐊᔭᒥᐃᐠ ᐊᓂᑭ ᑳ ᒫᒪᐁᐧᔭᑎᒋᐠ, ᐅᒥᓯ ᑭᑕ ᐃᑕᒋᐠ, ᓇᑲᑕᒧᐠ ᐅ ᒥᑭᐋᐧᐱᐋᐧᐊᐧ ᑳᕒᐊ, ᑌᑖᐣ, ᒥᓇ ᐊᐸᐃᕒᐋᒼ. 25ᒧᓯᐢ ᒫᑲ ᑭ ᐸᓯᑯ ᐁ ᑭ ᓈᑖᐟ ᐊᓂᐦᐃ ᑌᑖᐣ ᒥᓇ ᐊᐸᐃᕒᐋᒼ; ᐁᑯᓯ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ ᑭ ᐱᒥᑎᓴᐦᐅᐠ. 26ᑭ ᐊᔭᒥᐦᐁᐤ ᒫᑲ ᑳ ᒫᒪᐁᐧᔭᑎᔨᐟ, ᐁ ᐃᑌᐧᐟ, ᓇᑲᑕᒧᐠ ᑭ ᐸᑯᓭᔨᒥᑎᓈᐋᐧᐤ ᐃᐧᑭᐋᐧᐊᐧ ᐅᑭ ᑳ ᒪᒑᔨᐃᐧᒋᐠ ᐊᔨᓯᔨᓂᐊᐧᐠ ᒥᓇ ᐁᑳᐃᐧᔭ ᑫᑲᐧᐩ ᑳ ᐊᔮᒋᐠ ᓵᒥᓇᒧᐠ, ᐁᑳ ᑭᑕ ᑭᑭ ᓂᓯᐊᐧᓈᑎᓯᔦᐠ ᐅ ᒪᒋᐃᐦᑎᐃᐧᓂᐋᐧᕽ. 27ᑭ ᓇᑲᑕᒪᐧᐠ ᒫᑲ ᐅ ᒥᑭᐋᐧᐱᔨᐊᐧ ᑳᕒᐊ, ᑌᑖᐣ, ᒥᓇ ᐊᐸᐃᕒᐋᒼ, ᐋᔨᑕᐤ ᐅᐦᒋ; ᑌᑖᐣ ᒫᑲ ᒥᓇ ᐊᐸᐃᕒᐋᒼ ᑭ ᐯ ᐊᐧᔭᐃᐧᐊᐧᐠ, ᒥᓇ ᑭ ᓂᐸᐃᐧᐊᐧᐠ ᐃᐢᑳᐧᑌᒥᕽ ᐃᐧᑭᐋᐧᕽ, ᒥᓇ ᐃᐧᐃᐧᐋᐧᐊᐧ, ᒥᓇ ᐅᑯᓯᓯᐋᐧᐊᐧ, ᒥᓇ ᑳ ᐊᐱᓯᓯᓯᔨᐟ ᐅᐟ ᐊᐋᐧᓯᒥᓯᐋᐧᐊᐧ. 28ᒧᓯᐢ ᒫᑲ ᑭ ᐃᑌᐧᐤ, ᐅᑕ ᑭ ᑲ ᐅᐦᒋ ᑭᐢᑫᔨᑌᓈᐋᐧᐤ ᑳ ᑎᐯᔨᐦᒋᑫᐟ ᐁ ᑭ ᐯ ᐃᓯᑎᓴᐦᐅᐟ ᑭᑕ ᐃᑐᑕᒫᐣ ᑲᐦᑭᔭᐤ ᐅᐦᐃ ᐊᑐᐢᑫᐃᐧᓇ; ᒋᑫᒫ ᓇᒪᐃᐧᔭ ᓂᔭ ᑎᐱᔭᐤ ᓂ ᒫᒥᑐᓀᔨᒋᑲᓂᕽ ᑳ ᑭ ᐃᑐᑕᒫᐣ. 29ᑭᐢᐱᐣ ᐅᑭ ᐊᔨᓯᔨᓂᐊᐧᐠ ᓂᐱᑖᐧᐃᐧ ᑳ ᐃᓯ ᓂᐱᔨᐟ ᑲᐦᑭᔭᐤ ᐊᔨᓯᔨᓂᐊᐧ; ᐊᐦᐳ ᑭᐢᐱᐣ ᐅᑎᐦᑎᑯᑖᐧᐃᐧ ᑳ ᐃᓯ ᐅᑎᐦᑎᑯᐟ ᑲᐦᑭᔭᐤ ᐊᔨᓯᔨᓂᐤ; ᐁᑯᓯ ᐃᓯ ᓇᒪᐃᐧᔭ ᓄᐦ ᐯ ᐃᓯᑎᓴᐦᐅᐠ ᑳ ᑎᐯᔨᐦᒋᑫᐟ. 30ᒫᑲ ᑭᐢᐱᐣ ᑳ ᑎᐯᔨᐦᒋᑫᐟ ᐅᓯᐦᑖᒋ ᐅᐢᑭ ᑫᑲᐧᐩ, ᒥᓇ ᐊᐢᑭ ᑖᐊᐧᑎᒪᑲᐦᑭ, ᐁᑯᓯ ᑯᐦᒋᐸᔨᐃᑯᑖᐧᐃᐧ, ᐊᓯᒋ ᑲᐦᑭᔭᐤ ᑳ ᐃᓯ ᐊᔮᒋᐠ ᓭᒫᐠ ᒫᑲ ᐁ ᑭᑭ ᐱᒫᑎᓯᒋᐠ ᐱᐦᒋᐸᔨᑖᐧᐃᐧ ᐋᐧᑎᑳᓂᕽ; ᐁᑲᐧ ᑭ ᑲ ᓂᓯᑐᑌᓈᐋᐧᐤ ᐅᑭ ᐊᔨᓯᔨᓂᐊᐧᐠ ᐁ ᑭ ᑭᓯᐋᐧᐦᐋᒋᐠ ᑳ ᑎᐯᔨᐦᒋᑫᔨᐟ.
31ᑭ ᐊᔨᑭᐣ ᒫᑲ ᐁ ᐊᑎ ᐳᓂ ᐱᑭᐢᑫᐧᐟ ᑲᐦᑭᔭᐤ ᐅᐦᐃ ᐃᑌᐧᐃᐧᓇ, ᐊᐢᑭ ᑭ ᑖᐢᑲᐢᑲᒥᑭᐸᔨᐤ ᐃᑕ ᐁ ᐊᔮᒋᐠ; 32ᐁᑯᓯ ᐊᐢᑭ ᑭ ᑖᐊᐧᑎᒪᑲᐣ ᐁᑯᓯ ᐁ ᑭ ᑯᐦᒋᐸᔨᐃᑯᒋᐠ, ᒥᓇ ᐃᐧᑭᐋᐧᐊᐧ, ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ ᑳᕒᐊ, ᒥᓇ ᑲᐦᑭᔭᐤ ᑫᑲᐧᐩ ᑳ ᐊᔮᐠ. 33ᐁᑯᓯ ᐃᐧᔭᐋᐧᐤ, ᒥᓇ ᑲᐦᑭᔭᐤ ᑳ ᐃᐧᒉᐃᐧᑯᒋᐠ ᑭᑭᔨᓂᑫ ᑭ ᐱᐦᒋᐸᔨᐊᐧᐠ ᐊᐧᑎᑳᓂᕽ ᐁᑯᓯ ᐊᐢᑭ ᒥᓇ ᑭᐳᐸᔨᐤ, ᑭ ᓂᓯᐊᐧᓈᑎᓯᐊᐧᐠ ᒫᑲ ᐃᑕ ᐁ ᐊᔮᔨᐟ ᑳ ᒫᒪᐁᐧᔭᑎᔨᐟ. 34ᑲᐦᑭᔭᐤ ᒫᑲ ᐃᐢᕒᐁᐃᓬ ᐋᐧᐢᑳ ᑳ ᐊᔮᒋᐠ ᑭ ᑕᐸᓯᐊᐧᐠ ᐁ ᐯᐦᑖᑯᓯᔨᐟ; ᒋᑫᒫ ᑭ ᐃᑌᐧᐊᐧᐠ, ᓈᐣᑕᐤ ᐃᓯ ᑭᔮᓇᐤ ᒥᓇ ᑭ ᑲ ᑯᐦᒋᐸᔨᐃᑯᓈᓇᐤ ᐊᐢᑭ. 35ᐁᑯᑕ ᒫᑲ ᑭ ᐯ ᐅᐦᒋᐸᔨᔨᐤ ᐅᐟ ᐃᐢᑯᑌᒼ ᑳ ᑎᐯᔨᐦᒋᑫᐟ, ᐁᑯᓯ ᐁ ᑭ ᒣᐢᑎᑲᓱᒋᐠ ᐊᓂᑭ ᓂᓵᐧᐤ ᒥᑖᐦᑐᒥᑕᓇᐤ ᓂᔮᓇᓄᒥᑕᓇᐤ ᐊᔨᐋᐧᐠ ᐊᔨᓯᔨᓂᐊᐧᐠ ᑳ ᑭ ᐸᑭᑎᓂᑫᒋᐠ ᐃᐧᑭᒫᓯᑲᐣ.
36ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 37ᐃᐧᐦᑕᒪᐤ ᐁᓬᐃᐁᓴᕒ ᐅᑯᓯᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ, ᑭᑕ ᐅᑎᓇᕽ ᐃᐧᑭᒫᓯᑳᑲᓇ ᑳᐧᑯᑌᕽ ᐅᐦᒋ, ᒥᓇ ᐋᐧᔭᐤ ᐃᓯᐁᐧᐱᓇ ᐃᐢᑯᑌᐤ; ᒋᑫᒫ ᑲᓈᑕᓇᐧ. 38ᐅ ᐃᐧᑭᒪᓯᑳᑲᓂᐋᐧᐊᐧ ᐅᑭ ᐅᒪᒑᑎᓴᐠ ᑳ ᑭ ᐃᑐᑕᐦᑭᐠ ᐃᐧᔭᐋᐤ ᐅ ᐱᒫᑎᓯᐃᐧᓂᐋᐧᐤ, ᑭᔮᒼ ᒫᑲ ᑭᑕ ᐅᓯᐦᒋᑳᑌᐊᐧ ᐁ ᐊᔭᑲᐢᑳᑭ ᓇᐸᑳᐱᐢᑲᐧ ᑭᑕ ᒪᓂ ᐊᑲᐧᓇᐃᑳᑌᐠ ᐸᑭᑎᓈᓱᐃᐧᓇᐱᐢᐠ; ᒋᑫᒫ ᑭ ᐸᑭᑎᓇᒪᐁᐧᐊᐧᐠ ᑳ ᑎᐯᔨᐦᒋᑫᔨᐟ ᐁᐊᐧᑯ ᐅᐦᒋ ᑲᓈᑕᓇᐧ; ᒥᓇ ᑭᑕ ᑭᐢᑭᓇᐋᐧᒋᑐᐋᐧᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 39ᐁᑯᓯ ᐁᓬᐃᐁᓴᕒ ᐊᓇ ᐊᔮᒥᐦᐁᐃᐧᔨᓂᐤ ᑭ ᐅᑎᓇᒼ ᐊᓂᐦᐃ ᐅᓵᐋᐧᐱᐢᑯᐃᐧ ᐃᐧᑭᒫᓯᑳᑲᓇ, ᐊᓂᑭ ᑳ ᑭᓯᓱᒋᐠ ᑳ ᑭ ᐸᑭᑎᓂᑫᒋᐠ; ᐁᑯᓯ ᑭ ᐸᐸᑲᑕᐊᒪᐧᐠ ᑭᑕ ᐅᐦᒋ ᐊᑲᐧᓇᐃᑳᑌᐠ ᐸᑭᑎᓈᓱᐃᐧᓈᐱᐢᐠ. 40ᑭᑕ ᒥᐢᑲᐋᐧᓱᒥᑯᒋᐠ ᐃᐢᕒᐁᐃᓬ ᐅᐟ ᐊᐊᐧᓯᒥᓴ, ᐁᑳ ᐊᐃᐧᔭᐠ ᒫᓂᑌᐤ, ᐁᑳ ᐁᕒᐊᐣ ᐅᐟ ᐊᐋᐧᓯᒥᓴ ᑳ ᐅᐦᒋᐟ, ᑭᓯᐋᐧᐠ ᑭᑕ ᐯ ᐃᑐᐦᑌᐟ ᑭᑕ ᐃᐢᑳᐧᓴᕽ ᐃᐧᑭᒫᓯᑲᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᐁᑳ ᑭᑕ ᐃᓯ ᐊᔮᐟ ᑖᐱᐢᑯᐨ ᑳᕒᐊ, ᒥᓇ ᑖᐱᐢᑯᐨ ᐅ ᐃᐧᒉᐋᑲᓇ; ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᒧᓯᓴ ᐅᐦᒋ.
41ᒫᑲ ᐁ ᐊᑎ ᐋᐧᐸᕽ, ᑲᐦᑭᔭᐤ ᐁ ᒫᒪᐁᐧᔭᑎᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᓇᔦᐦᑖᐃᐧ ᐃᑌᐊᐧᐠ ᒧᓯᓴ ᒥᓇ ᐁᕒᐊᓇ, ᐁ ᐃᑌᐧᒋᐠ, ᑭ ᑭ ᓂᐸᐃᒫᐊᐧ ᐅᐟ ᐊᔨᓯᔨᓂᒪ ᑳ ᑎᐯᔨᐦᒋᑫᐟ. 42ᑭ ᐊᔨᑭᐣ ᒫᑲ ᐃᐢᐱ ᑳ ᒫᒪᐁᐧᔭᑎᒋᐠ ᑳ ᒫᐊᐧᒋᐦᐃᓱᐢᑕᐋᐧᒋᐠ ᒧᓯᓴ ᒥᓇ ᐁᕒᐊᓇ; ᑭ ᐃᑖᐱᐊᐧᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ ᐃᓯ; ᐁᑯᓯ ᐳᑎ ᐊᐧᐢᑯ ᑭ ᐊᑲᐧᓂᐢᑲᒧᒪᑲᐣ, ᒥᓇ ᐅ ᒪᓂᑐᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᓄᑲᐧᓂᔨᐤ. 43ᒧᓯᐢ ᒫᑲ ᒥᓇ ᐁᕒᐊᐣ ᑭ ᐯ ᐃᑐᐦᑌᐊᐧᐠ ᒋᑭ ᐃᑌᐦᑫ ᐃᐢᑳᐧᑌᒼ ᐁ ᐊᔮᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 44ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ ᐅᒥᓯ ᐁ ᐃᑌᐧᐟ, 45ᓇᑲᑎᑯᐠ ᐅᑭ ᑳ ᒫᒪᐁᐧᔭᑎᒋᐠ ᓭᒫᐠ ᑭᑕ ᓂᓯᐊᐧᓈᒋᐦᐊᑭᐠ. ᑭ ᐸᑕᐱᐸᔨᐦᐅᐊᐧᐠ ᒫᑲ. 46ᒧᓯᐢ ᒫᑲ ᑭ ᐃᑌᐤ ᐁᕒᐊᓇ, ᐅᑎᓇ ᑭ ᐃᐧᑭᒫᓯᑳᑲᐣ, ᒥᓇ ᐃᐢᑯᑌᐤ ᐊᓯᐊᐧᑖ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ, ᐁᑯᓯ ᐃᐧᑭᒫᓯᑲᐣ ᐊᐢᑖ, ᒥᓇ ᑭᔨᐸ ᐃᑐᑕᑖ ᐃᑕ ᑳ ᒫᐊᐧᒋᐦᐃᑐᒋᐠ, ᒥᓇ ᐯᔭᑯᐃᑐᐃᐧᐣ ᐅᓯᐦᑕᒪᐃᐧᐠ; ᒋᑫᒫ ᑳ ᑎᐯᔨᐦᒋᑫᐟ ᐅ ᑭᓯᐋᐧᓯᐃᐧᐣ ᓯᐯᐧᐸᔨᔨᐤ; ᒫᒋᐸᔨᐤ ᐊᓂ ᐋᔨᒫᐢᐱᓀᐃᐧᐣ. 47ᐁᕒᐊᐣ ᒫᑲ ᑭ ᐅᑎᓇᒼ ᒧᓯᓴ ᑳ ᑭ ᐃᑌᐧᔨᐟ, ᐁᑯᓯ ᑭ ᐃᐢᐸᑖᐤ ᒣᑳᐧᐨ ᐊᓂᐦᐃ ᑳ ᒫᐊᐧᒋᐦᐃᑐᔨᐟ; ᐁᑯᓯ ᐳᑎ, ᐋᔨᒫᐢᐱᓀᐃᐧᐣ ᑭ ᒫᒋᐸᔨᐤ ᐃᑕ ᐁ ᐊᔮᒋᐠ ᐊᔨᓯᔨᓂᐋᐧᐠ; ᑭ ᐊᐢᑖᐤ ᒫᑲ ᐃᐧᑭᒫᓯᑲᐣ, ᐁᑯᓯ ᐯᔭᑯᐃᑐᐃᐧᐣ ᑭ ᐅᓯᐦᑕᒪᐁᐧᐤ ᐊᔨᓯᔨᓂᐊᐧ. 48ᑭ ᓂᐸᐃᐧᐤ ᒫᑲ ᑕᐢᑕᐋᐧᔨᕽ ᐅᓂᐱᐊᐧ ᒥᓇ ᑳ ᐱᒫᑎᓯᔨᐟ; ᐁᑯᓯ ᐋᔨᒫᐢᐱᓀᐃᐧᐣ ᑭ ᑭᐱᐦᒋᐸᔨᐤ. 49ᐊᓂᑭ ᒫᑲ ᑳ ᑭ ᓂᐱᒋᐠ ᐋᔨᒫᐢᐱᓀᐃᐧᐣ ᐅᐦᒋ ᒥᑖᑕᐦᐟ ᓀᐅᓵᑊ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐊᔨᐋᐧᐠ ᑌᐸᑯᐹᐧᐤ ᒥᑖᐦᑐᒥᑕᓇᐤ, ᐋᑕᐃᐧᔭ ᒥᓇ ᐊᓂᑭ ᑳ ᑭ ᓂᐱᒋᐠ ᐅᐟ ᐃᓯᐦᒋᑫᐃᐧᐣ ᐅᐦᒋ ᑳᕒᐊ. 50ᐁᕒᐊᐣ ᒫᑲ ᑳᐃᐧ ᑭ ᐯ ᓈᑌᐤ ᒧᓯᓴ ᐊᓂᑕ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ; ᐁᑯᓯ ᐊᔨᒫᐢᐱᓀᐃᐧᐣ ᑭ ᑭᐱᐦᒋᐸᔨᐤ.
Currently Selected:
ᓇᒼᐸᕒᐢ 16: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
