ᓭᐣᐟ ᒫᐟᔪ 6
6
1 #
ᒫᐟᔪ 23:5
ᐯᔮᑕᐠ ᑭᑕ ᐁᑳ ᑐᑕᒣᐠ ᑭ ᒥᔪ ᑐᑕᒧᐃᐧᓂᐋᐧᐊᐧ ᐅᐟ ᐋᐢᑕᒥᐃᐧᓂᐋᐧᕽ ᐊᔨᓯᔨᓂᐊᐧᐠ, ᑭᑕ ᐋᐧᐸᒥᑯᔦᑯᐠ; ᐁᑯᓯ ᐃᐧᔭ ᐁᑳ ᑫ ᑎᐸᐦᐊᒫᑯᔦᐠ ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ. 2ᐁᐊᐧᑯ ᒫᑲ ᐅᐦᒋ ᐃᐢᐱ ᑎᔪᑕᒪᓂ ᑭ ᒥᔪ ᑐᑕᒧᐃᐧᓇ, ᐁᑳ ᑭᑕ ᓂᑳᓂ ᑭᑐᑖᔭᐣ ᐱᐱᑲᐧᐣ, ᑖᐱᐢᑯᐨ ᐃᐧᔭ ᑳ ᑐᑕᐦᑭᐠ ᐅᑕᔭᒥᐦᐁᑳᓱᐢᑲᐠ ᐊᔭᒥᐦᐁᐃᐧᑲᒥᑯᕽ, ᒥᓇ ᒣᐢᑲᓈᕽ, ᑭᑕ ᑭᐢᑌᔨᒥᑯᒋᐠ ᐊᔨᓯᔨᓂᐊᐧ. ᑖᐯᐧ ᑭᐟ ᐃᑎᓈᐋᐧᐤ, ᐊᔮᐊᐧᐠ ᓵᓴᐩ ᐅ ᑎᐸᐦᐊᒫᑯᐃᐧᓂᐋᐧᐤ. 3ᒫᑲ ᐃᐢᐱ ᑎᔪᑕᒪᓂ ᒥᔪ ᑐᑕᒧᐃᐧᓇ, ᐁᑳᐃᐧᔭ ᑭ ᓇᒫᑎᐣ ᑭᑕ ᑭᐢᑫᔨᑕᒧᒪᑲᐣ ᑫᑲᐧᐩ ᐁ ᑐᑕᒧᒪᑲᕽ ᑭ ᑭᐦᒋᓂᐢᐠ: 4ᑭᑕ ᑭᒧᑕᑭ ᒫᑲ ᑭ ᒥᔪ ᑐᑕᒧᐃᐧᓇ; ᐁᑯᓯ ᑯᑖᐃᐧ ᐊᐧᓂᒧᑕᓄᕽ ᑳ ᐋᐧᐸᐦᑫᐟ, ᐃᐧᔭ ᑎᐱᔭᐤ ᒧᓯᐢ ᑭ ᑲ ᑎᐸᐦᐊᒫᐠ.
5 #
ᓬᐅᐠ 18:10-14
ᒥᓇ ᐃᐢᐱ ᐁᔭᒥᐦᐋᔭᓂ, ᓇᒪᐃᐧᔭ ᑭ ᑲ ᐃᓯᓈᑯᓯᐣ ᑳ ᐃᓯᓈᑯᓯᒋᐠ ᐅᑕᔭᒥᐦᐁᑳᓱᐢᑲᐠ; ᒋᑫᒫ ᓵᑭᐦᑖᐊᐧᐠ ᐁ ᓂᐸᐃᐧᒋᐠ ᐁ ᐊᔭᒥᐦᐋᒋᐠ ᐊᔭᒥᐦᐁᐃᐧᑲᒥᑯᕽ ᒥᓇ ᐁ ᒫᑖᒣᒧᑭ ᒣᐢᑲᓇᐊᐧ, ᑭᑕ ᐋᐧᐸᒥᑯᒋᐠ ᐊᔨᓯᔨᓂᐊᐧ. ᑖᐯᐧ ᑭᐟ ᐃᑎᓈᐋᐧᐤ, ᐊᔮᐊᐧᐠ ᐅ ᑎᐸᐦᐊᒫᑯᐃᐧᓂᐋᐧᐤ. 6ᒫᑲ ᑭᔭ, ᐁᔭᒥᐦᐋᔭᓂ, ᐱᐦᑐᑫ ᑭ ᐱᐢᑭᒋ ᐋᐧᐢᑳᐦᐃᑲᓂᓯᕽ, ᐃᐢᐱ ᒫᑲ ᑭ ᑭᐸᐦᐊᒪᓂ ᑭᐟ ᐃᐢᑳᐧᑌᒼ, ᐊᔭᒥᐦᐁᐢᑕᐤ ᑯᑖᐃᐧ, ᑳ ᐊᐧᓂᒨᑎᓯᐟ; ᐁᑯᓯ ᒫᑲ ᑯᑖᐃᐧ ᐊᐧᓂᒧᑕᓄᕽ ᑳ ᐋᐧᐸᐦᑫᐟ, ᒧᓯᐢ ᑭ ᑲ ᑎᐸᐦᐊᒫᐠ. 7ᒫᑲ ᐃᐢᐱ ᐁᔭᒥᐋᔦᑯ, ᐁᑳᐃᐧᔭ ᐱᑲᐧᓇᑕ ᑳᑭᐦᑖᐧᒥ ᐃᑌᐧᐃᐧᓇ ᐋᐸᒋᑖᐠ, ᑳ ᑑᑕᐦᑭᐠ ᐁᑳ ᑳ ᐊᔭᒥᐦᐋᒋᐠ; ᒋᑫᒫ ᐁ ᐃᑌᔨᑕᐦᑭᐠ ᒥᔮᐧᑲᒋᒧᔮᐦᑭ, ᓂ ᑲ ᐯᐦᑖᑲᐃᐧᓈᐣ. 8ᐁᑳᐃᐧᔭ ᒫᑲ ᓇᓈᐢᐱᑖᐦᑯᐠ; ᒋᑫᒫ ᑯᑖᐃᐧᐋᐧᐤ ᑭᐢᑫᔨᑕᒼ ᑫᑲᐧᐩ ᑳ ᑭᐧᑕᒫᔦᐠ, ᒪᐧᔦᐢ ᑲᑫᐧᒋᒫᔦᐠ. 9ᐅᒥᓯ ᒫᑲ ᑭᔭᐋᐧᐤ ᐃᓯ ᐊᔭᒥᐦᐋᐠ: ᓄᑖᐃᐧᓈᐣ ᑭᐦᒋ ᑭᓯᑯᕽ ᐁᔮᔭᐣ, ᑭᑕ ᑲᓈᒋᑖᓂᐃᐧᐤ ᑭ ᐃᐧᔪᐃᐧᐣ. 10ᑭᐟ ᐅᑌᓇᐃᐧᐃᐧᐣ ᑭᑕ ᐅᑎᐦᒋᐸᔨᐤ. ᐁᑌᔨᑕᒪᐣ ᑭᑕ ᐃᐧ ᑐᒋᑳᑌᐤ ᐅᑕ ᐊᐢᑭᕽ, ᑳ ᐃᓯ ᐊᔮᐠ ᑭᐦᒋ ᑭᓯᑯᕽ. 11ᒥᔨᓈᐣ ᐊᓄᐦᐨ ᑳ ᑭᓯᑳᐠ ᑫ ᐅᐦᒋ ᐱᒫᑎᓯᔮᕽ. 12ᒥᓇ ᐳᓀᔨᑕᒪᐃᐧᓈᐣ ᓂ ᒪᓯᓇᐦᐊᒫᑫᐃᐧᓂᓈᓇ ᑳ ᐃᓯ ᐳᓀᔨᑕᒪᐋᐧᔮᐦᑭᐠ ᑳ ᒪᓯᓇᐦᐊᒫᑯᔮᐦᑭᐠ. 13ᐁᑳᐃᐧᔭ ᑲᑫᐧᒋᐃᐦᐁᐧᐃᐧᓂᕽ ᐊᑎ ᐃᑐᐦᑕᐦᐃᓈᐣ, ᒫᑲ ᐸᐢᐱᑎᓯᓂᓈᐣ ᒪᒑᔨᐃᐧᓂᕽ ᐅᐦᒋ: ᑭᔭ ᑭᐟ ᐅᑌᓇᐃᐧᐃᐧᐣ, ᒥᓇ ᓱᑳᑎᓯᐃᐧᐣ, ᒥᓇ ᑭᐢᑌᔨᑖᑯᓯᐃᐧᐣ, ᑳᑭᑫ. ᐋᒣᐣ. 14#ᒫᕒᐠ 11:25ᒋᑫᒫ ᑭᐢᐱᐣ ᑭ ᐳᓀᔨᑕᒪᐋᐧᐋᐧᐊᐧᐠ ᐊᔨᓯᔨᓂᐊᐧᐠ ᐅ ᒪᒋᑐᑕᒧᐃᐧᓂᐋᐧᐊᐧ, ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ ᐃᐧᐢᑕ ᑭ ᑲ ᐳᓀᔨᑕᒫᑯᐋᐧᐤ. 15ᒫᑲ ᑭᐢᐱᐣ ᓇᒪᐃᐧᔭ ᑭ ᐳᓀᔨᑕᒪᐋᐧᐋᐧᐊᐧᐠ ᐊᔨᓯᔨᓂᐊᐧᐠ ᐅ ᒪᒋᑐᑕᒧᐃᐧᓂᐋᐧᐊᐧ, ᓇᒪᐃᐧᔭ ᐃᐧᐢᑕ ᑯᑖᐃᐧᐋᐧᐤ ᑭ ᑲ ᐳᓀᔨᑕᒫᑯᐋᐧᐤ ᑭ ᒪᒋᑐᑕᒧᐃᐧᓂᐋᐧᐊᐧ.
16ᒥᓇ ᒫᑲ, ᐃᐢᐱ ᐃᔨᐊᐧᓂᐦᐃᓱᔭᓂ, ᐁᑳᐃᐧᔭ ᐃᓯᓈᑯᓯ ᑳ ᐃᓯᓈᑯᓯᒋᐠ ᐅᑕᔭᒥᐦᐁᑳᓱᐢᑲᐠ ᐁ ᑲᐢᑫᔨᑕᒧᐃᐧᓈᑯᓯᒋᐠ; ᒋᑫᒫ ᒫᔨᐦᑫᐧᓈᑯᐦᐃᓱᐊᐧᐠ ᑭᑕ ᐋᐧᐸᒥᑯᒋᐠ ᐊᔨᓯᔨᓂᐊᐧ ᐁ ᐃᔨᐊᐧᓂᐦᐃᓱᒋᐠ. ᑖᐯᐧ ᑭᐟ ᐃᑎᓈᐋᐧᐤ ᐊᔮᐊᐧᐠ ᐅ ᑎᐸᐦᐊᒫᑯᐃᐧᓂᐋᐧᐤ. 17ᒫᑲ ᑭᔭ, ᐃᐢᐱ ᐃᔨᐊᐧᓂᐦᐃᓱᔭᓂ, ᑕᒪᐢᑯ, ᒥᓇ ᑳᓯᐦᑫᐧ; 18ᐁᑳ ᑭᑕ ᐋᐧᐸᒥᐢᑭᐠ ᐊᔨᓯᔨᓂᐊᐧᐠ ᐁ ᐃᔨᐊᐧᓂᐦᐃᓱᔭᐣ, ᒫᑲ ᐱᑯ ᐊᓇ ᑯᑖᐃᐧ ᑳ ᐊᐧᓂᒧᑎᓯᐟ; ᐁᑯᓯ ᒫᑲ ᑯᑖᐃᐧ, ᐊᐧᓂᒧᑕᓄᕽ ᑳ ᐋᐧᐸᐦᑫᐟ, ᐃᐧᔭ ᒧᓯᐢ ᑭ ᑲ ᑎᐸᐦᐊᒫᐠ.
19 #
ᒉᒥᐢ 5:2,3 ᐁᑳᐃᐧᔭ ᐊᐢᑖᐧᓱᐠ ᑭᐟ ᐊᐢᑖᐧᑳᓂᑳᓱᐃᐧᓂᐋᐧᐊᐧ ᐅᑕ ᐊᐢᑭᕽ, ᑫ ᑕᓯ ᓂᓯᐊᐧᓈᒋ ᒪᓂᒍᓯᐊᐧᑭ ᒥᓇ ᒥᓯᐋᐧᐱᐢᑳᑭ, ᒥᓇ ᐃᑕ ᑭᒧᑎᐢᑲᐠ ᐁ ᐱᑯᓂᑫᒋᐠ ᒥᓇ ᐁ ᑭᒧᑎᒋᐠ: 20ᒫᑲ ᐊᐢᑖᐧᓱᐠ ᑭᐟ ᐊᐢᑖᐧᑲᓂᑳᓱᐃᐧᓂᐋᐧᐊᐧ ᑭᐦᒋ ᑭᓯᑯᕽ, ᐊᓂᑕ ᐁᑳ ᑫ ᑕᓯ ᓂᓯᐊᐧᓈᒋ ᒪᓂᒍᓯᐊᐧᑭ ᐋᐦᐳ ᒥᓯᐋᐧᐱᐢᑳᑭ, ᒥᓇ ᐁᑯᑌ ᓇᒪᐃᐧᔭ ᐅᑭᒧᑎᐢᑲᐠ ᐁ ᐱᑯᓂᑫᒋᐠ ᓇᒪᐃᐧᔭ ᒥᓇ ᑭᒧᑎᐊᐧᐠ: 21ᒋᑫᒫ ᐃᑕ ᐁ ᐊᐢᑌᐠ ᑭᐟ ᐊᐢᑖᐧᑲᓂᑳᓱᐃᐧᐣ, ᐁᑯᑕ ᒥᓇ ᑭᑌᐦ ᑭᑕ ᐊᔮᐤ. 22ᒥᐢᑭᓯᐠ ᑳ ᐅᐦᒋ ᐋᐧᓭᔮᐠ ᒥᔭᐤ; ᑭᐢᐱᐣ ᒫᑲ ᐯᔭᑲᐧᕽ ᑫᓇᐋᐧᐸᐦᑕᒪᐣ, ᒥᓯᐁᐧ ᑭᔭᐃᐧᕽ ᑭᑕ ᓵᑲᐢᑭᓀᐤ ᐋᐧᓭᔮᓯᐃᐧᐣ: 23ᒫᑲ ᑭᐢᐱᐣ ᒪᒑᔨᐊᐧᑭ ᑭᐢᑭᓯᐠ, ᒥᓯᐁᐧ ᑭᔭᐤ ᓵᑲᐢᑭᓀᐤ ᐊᐧᓂᑎᐱᐢᑳᐤ. ᑭᐢᐱᐣ ᒫᑲ ᐊᓂᒪ ᐋᐧᓭᔮᓯᐃᐧᐣ ᑳ ᑭᑭᐢᑳᑯᔭᐣ ᐊᐧᓂᑎᐱᐢᑳᑭ, ᑖᐯᐧ ᒥᓯ ᐊᐧᓂᑎᐱᐢᑳᐤ!
24ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᓂᓱ ᐅᑭᒫᐊᐧ ᑭᑕ ᑭ ᐊᑐᐢᑫᐢᑕᐁᐧᐤ; ᒋᑫᒫ ᐯᔭᐠ ᑭᑕ ᐃᐧ ᐸᑳᐧᑌᐤ, ᐁᑯᓯ ᑯᑕᑲ ᑭᑕ ᓵᑭᐦᐁᐤ; ᐊᐦᐳ ᐯᔭᐠ ᑭᑕ ᒥᒋᒥᓀᐤ, ᐁᑯᓯ ᑯᑕᑲ ᑭᑕ ᒫᔦᔨᒣᐤ. ᓇᒪᐃᐧᔭ ᑭ ᑲ ᑭ ᐊᑐᐢᑲᐋᐧᐋᐧᐤ ᑭᓭᒪᓂᑐ ᒥᓇ ᐁᐧᔪᑎᓯᐃᐧᐣ. 25ᐁᐊᐧᑯ ᐅᐦᒋ ᑳ ᐃᑎᑕᑯᐠ, ᐁᑳᐃᐧᔭ ᐅᓵᒣᔨᑕᒧᐠ ᑭ ᐱᒫᑎᓯᐃᐧᓂᐋᐧᐤ, ᑫᑲᐧᐩ ᑫ ᒥᒋᔦᐠ, ᐊᐦᐳ ᑫᑲᐧᐩ ᑫ ᒥᓂᑫᐧᔦᐠ; ᐊᐦᐳ ᑭᔭᐃᐧᐋᐧᐤ, ᑫᑲᐧᐩ ᑫ ᐳᓯᐢᑲᒣᐠ. ᓇᒪ ᒋ ᐱᒫᑎᓯᐃᐧᐣ ᐊᔨᐋᐧᐠ ᐃᑌᔨᑖᑲᐧᐣ ᐃᐢᐱᐨ ᒥᒋᐃᐧᐣ, ᒥᓇ ᒥᔭᐤ ᐃᐢᐱᐨ ᐊᔪᐃᐧᓂᐢ? 26ᐋᐧᐸᒥᐦᑯᐠ ᐱᔦᓯᓴᐠ ᑳ ᐸᐹᒥᔮᒋᐠ; ᓇᒪᐃᐧᔭ ᑭᐢᑎᑫᐊᐧᐠ, ᒥᓇ ᓇᒪᐃᐧᔭ ᒪᓂᓯᑫᐊᐧᐠ, ᓇᒪᐃᐧᔭ ᒫᐊᐧᒋᒋᑫᐊᐧᐠ ᒪᐢᑯᓯᐃᐧᑲᒥᑯᕽ: ᐁᔨᐁᐧᕽ ᒫᑲ ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ ᐊᓴᒣᐤ ᐁᐅᑯᓂ. ᓇᒪ ᒋ ᑭᔭᐋᐧᐤ ᐊᔨᐋᐧᐠ ᑭᐟ ᐃᐢᐱᑌᔨᑖᑯᓯᓈᐋᐧᐤ ᐃᐢᐱᐨ ᐁᐊᐧᑯᓂᐠ? 27ᐊᐁᐧᓇ ᑭᔭᐋᐧᐤ ᐁ ᒧᐦᒋ ᐃᑌᔨᑕᕽ ᐯᔭᐠ ᑯᐱᐟ ᑫ ᑭ ᑕᑯᑖᐟ ᐊᓂᒪ ᑳ ᐃᐢᑯᓯᐟ? 28ᑖᓀᑭ ᒫᑲ ᑳ ᐅᓵᒣᔨᑕᒣᐠ ᐊᔪᐃᐧᓂᐢ? ᒫᒥᑐᓀᔨᑕᒧᐠ ᐊᐧᐱᑲᐧᓂᐊᐧ ᐱᑲᐧᒑᔨᕽ ᑳ ᐊᔮᑭ, ᐁ ᐃᓯ ᓂᐦᑖᐃᐧᑭᑭ; ᓇᒪᐃᐧᔭ ᐊᑐᐢᑫᒪᑲᓇᐧ, ᒥᓇ ᓇᒪᐃᐧᔭ ᐱᒪᐢᑌᐦᐃᑫᒪᑲᓇᐧ: 29#1 ᑭᐦᒋ ᐅᑭᒫᐊᐧᐠ 10:4-7; 2 ᐊᑭᓀ ᐋᒋᒧᐃᐧᓇ 9:3-6ᒫᑲ ᐁᔨᐁᐧᕽ ᑭᐟ ᐃᑎᓈᐋᐧᐤ, ᓵᓬᐅᒪᐣ ᐁ ᐋᑕ ᒥᓯᐁᐧ ᑭ ᐃᓯ ᑭᐢᑌᔨᑖᑯᓯᐟ, ᓇᒪᐋᐧᐨ ᐁᑯᓯ ᑭ ᐃᓯᐦᐅ ᑖᐱᐢᑰᐨ ᐆᐦᐃ ᐯᔭᐠ. 30ᒫᑲ, ᑭᐢᐱᐣ ᑭᓭᒪᓂᑐ ᐁᑯᓯ ᐃᓯ ᐃᐧᔮᑕᑖᒋ ᒪᐢᑯᓯ ᐱᑲᐧᒑᔨᕽ ᑳ ᐊᔮᐠ, ᐊᓄᐦᐨ ᑳ ᑭᓯᑳᐠ ᑳ ᐊᔮᐠ, ᐁᑯᓯ ᐋᐧᐸᐦᑭ ᐃᐢᑯᑌᐃᐧᑲᒥᑯᕽ ᑲ ᐃᓯ ᐁᐧᐱᓂᑳᑌᐠ, ᓇᒪ ᒋ ᐊᐊᐧᓯᒣ ᑭᔭᐋᐧᐤ ᑭ ᑲ ᐃᐧᔮᑕᐃᑯᐋᐧᐤ, ᐅ ᑭᔭᐋᐧᐤ ᑳ ᐊᐱᐢᒋ ᐅᑖᐯᐧᔦᔨᑕᒧᐃᐧᓂᔦᐠ? 31ᐁᐊᐧᑯ ᐅᐦᒋ ᐁᑳᐃᐧᔭ ᐅᓵᒣᔨᑕᒧᐠ, ᑭᑕ ᐃᑌᐧᔦᐠ, ᑫᑲᐧᐩ ᑫ ᒥᒋᔭᕽ? ᐊᐦᐳ, ᑫᑲᐧᐩ ᑫ ᒥᓂᑫᐧᔭᕽ? ᐊᐦᐳ, ᑖᓂᑌ ᐃᐧᔭ ᐅᒪ ᑫ ᐅᐦᒋ ᐃᐧᔮᒋᑫᔭᕽ? 32(ᐁᐅᑯᓂ ᐅᐦᐃ ᑲᐦᑭᔭᐤ ᑳ ᓇᓈᑐᓇᑳᐧᐤ ᐊᓂᑭ ᒉᐣᑕᐃᓬᐊᐠ:) ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ ᑭᐢᑫᔨᑕᒼ ᐁ ᓇᑕᐁᐧᔨᑕᒣᐠ ᑲᐦᑭᔭᐤ ᐅᐦᐃ. 33ᒫᑲ ᑭᔭᐋᐧᐤ ᓇᓈᑐᓇᒧᐠ ᓂᑳᐣ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ, ᒥᓇ ᐅ ᑲᐧᔭᐢᐠ ᐃᓯᐁᐧᐱᓯᐃᐧᐣ; ᐁᑯᓯ ᒫᑲ ᑲᐦᑭᔭᐤ ᐆᐦᐃ ᑭ ᑲ ᐊᓯᒋ ᒥᔨᑲᐃᐧᓈᐋᐧᐤ. 34ᐁᑳᐃᐧᔭ ᒫᑲ ᐅᓵᒣᔨᑕᒧᐠ ᑭᑕ ᒪᒥᑐᓀᔨᑕᒣᐠ ᐋᐧᐸᐦᑭ; ᒋᑫᒫ ᐋᐧᐸᐦᑭ ᑭᑕ ᒫᒥᑐᓀᔨᑕᒧᒪᑲᐣ ᐁ ᐃᓯ ᑎᐯᔨᑕᒧᒪᑲᕽ. ᑌᐱᔨᑰᕽ ᑭᑕ ᐋᔨᒪᐣ ᑖᐦᑐ ᑭᓯᑳᐤ.
Currently Selected:
ᓭᐣᐟ ᒫᐟᔪ 6: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.