ᓭᐣᐟ ᒫᐟᔪ 5
KKMS

ᓭᐣᐟ ᒫᐟᔪ 5

5
1ᐁ ᐋᐧᐸᒫᐟ ᒫᑲ, ᓈᐢᐱᐨ ᐁ ᒥᐦᒉᑎᔨᐟ ᐊᔨᓯᔨᓂᐊᐧ, ᑭ ᐋᒪᒋᐁᐧᐤ ᐊᐧᒋᕽ; ᐃᐢᐱ ᒫᑲ ᑳ ᓇᐦᐊᐱᐟ, ᐅ ᑭᐢᑭᓄᐦᐊᒪᐋᐧᑲᓇ ᑭ ᐯ ᓈᑎᐠ: 2ᐁᑯᓯ ᑭ ᐹᐢᑭᑐᓀᔨᐤ, ᐁ ᑭ ᑭᐢᑭᓄᐦᐊᒪᐋᐧᐟ, ᐁ ᐃᑌᐧᐟ,
3ᓴᐁᐧᔨᑖᑯᓯᐊᐧᐠ ᐅᐟ ᐊᐦᒑᐦᑯᐋᐧᕽ ᑳ ᑭᑎᒫᑫᔨᒧᒋᐠ: ᒋᑫᒫ ᐃᐧᔭᐋᐧᐤ ᐊᔮᐊᐧᐠ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ.
4 # ᐊᐩᓵᔭ 61:2 ᓴᐁᐧᔨᑖᑯᓯᐊᐧᐠ ᑳ ᓇᓀᑲᒋᒧᒋᐠ: ᒋᑫᒫ ᐁᐊᐧᑯᓂᐠ ᑫ ᒥᔪᑌᐦᐁᐦᐃᐦᒋᐠ.
5 # ᓂᑲᒧᓇ 37:11 ᓴᐁᐧᔨᑖᑯᓯᐊᐧᐠ ᑳ ᔪᐢᑳᑎᓯᒋᐠ: ᒋᑫᒫ ᐃᐧᔭᐋᐧᐤ ᑭᑕ ᑎᐯᔨᑕᒪᐧᐠ ᐊᐢᑭ.
6 # ᐊᐩᓵᔭ 55:1,2 ᓴᐁᐧᔨᑖᑯᓯᐊᐧᐠ ᑳ ᓄᑌᑲᑌᑐᑕᐦᑭᐠ ᒥᓇ ᓂᔪᑌᔮᐹᑫᐧᑐᑕᐦᑭᐠ ᑲᐧᔭᐢᐠ ᐃᓯᐁᐧᐱᓯᐃᐧᐣ: ᒋᑫᒫ ᑭᑕ ᑌᐱᔭᐁᐧᐦᐋᐊᐧᐠ.
7ᓴᐁᐧᔨᑖᑯᓯᐊᐧᐠ ᑳ ᑭᓭᐋᐧᑎᓯᒋᐠ: ᒋᑫᒫ ᑲᑕ ᐅᑎᓇᒪᐧᐠ ᑭᓭᐋᐧᑎᓯᐃᐧᐣ.
8 # ᓂᑲᒧᓇ 24:3,4 ᓴᐁᐧᔨᑖᑯᓯᐊᐧᐠ ᑳ ᑲᓈᒋᑌᐦᐁᒋᐠ: ᒋᑫᒫ ᑭᑕ ᐋᐧᐸᒣᐊᐧᐠ ᑭᓭᒪᓂᑐᐊᐧ.
9ᓴᐁᐧᔨᑖᑯᓯᐊᐧᐠ ᑳ ᒥᔪᐃᐧᒉᑕᐦᐃᐦᐁᐧᒋᐠ: ᐁᐊᐧᑯᓂᐠ ᑭᓭᒪᓂᑐ ᐅᐟ ᐊᐋᐧᓯᒥᓴ ᑫ ᐃᓯᔨᐦᑳᑎᐦᒋᐠ.
10 # 1 ᐱᑕᕒ 3:14 ᓴᐁᐧᔨᑖᑯᓯᐊᐧᐠ ᑲᐧᔭᐢᐠ ᐃᓯᐁᐧᐱᓯᐃᐧᐣ ᑳ ᐅᐦᒋ ᑲᑳᐧᑕᑭᐦᐃᐦᒋᐠ: ᒋᑫᒫ ᐃᐧᔭᐋᐧᐤ ᐊᔮᐊᐧᐠ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ.
11 # 1 ᐱᑕᕒ 4:14 ᑭ ᓴᐁᐧᔨᑖᑯᓯᓈᐋᐧᐤ ᑭᔭᐋᐧᐤ, ᐃᐢᐱ ᐊᔨᓯᔨᓂᐊᐧᐠ ᒥᔮᒪᒋ ᐃᑎᑯᔦᑳᐧᐃᐧ, ᒥᓇ ᑲᑳᐧᑕᑭᐦᐃᑯᔦᑳᐧᐃᐧ, ᒥᓇ ᒥᓯᐁᐧ ᐃᓯ ᑭᔮᐢᑭᐃᐧ ᐊᔨᑎᑯᔦᑳᐧᐃᐧ, ᓂᔭ ᐅᐦᒋ. 12#2 ᐊᑭᓀ ᐋᒋᒧᐃᐧᓇ 36:16; ᐃᓯᐦᒋᑫᐃᐧᓂᐋᐧᐊᐧ 7:52ᒥᔭᐋᐧᑕᒧᐠ, ᒥᓇ ᐊᔨᐋᐧᐠ ᒪᒪᐦᑖᑯᓯᐠ; ᒋᑫᒫ ᑭᐦᒑᔨᐊᐧᐣ ᑭ ᑎᐸᐦᐊᒫᑯᐃᐧᓂᐋᐧᐤ ᑭᐦᒋ ᑭᓯᑯᐠ, ᐁᑯᓯ ᒣᐧᐦᒋ ᑭ ᐃᓯ ᑲᑳᐧᑕᑭᐦᐁᐊᐧᐠ ᐊᓂᐦᐃ ᐅᑭᐢᑭᐁᐧᐦᐃᑫᐊᐧ ᑳ ᐯ ᓂᑳᓄᑖᑯᔦᑯᐠ.
13 # ᒫᕒᐠ 9:50; ᓬᐅᐠ 14:34,35 ᑭᔭᐋᐧᐤ ᑭ ᓯᐃᐧᑖᑲᓂᐢᑫᓈᐋᐧᐤ ᐊᐢᑭ; ᒫᑲ ᑭᐢᐱᐣ ᓯᐃᐧᑖᑲᐣ ᑭ ᐊᐧᓂᑖᒪᑲᐦᑭ ᐁ ᓯᐋᐧᐠ, ᑕᓂᑌ ᑫ ᑭ ᐅᐦᒋ ᓯᐃᐧᑕᕽ? ᐁᑯᑕ ᐅᐦᒋ ᓇᒪᐃᐧᔭ ᓈᓂᑕᐤ ᐃᑖᐸᑕᐣ, ᐱᑯ ᑭᑕ ᐊᐧᔭᐃᐧᐁᐧᐱᓂᑳᑌᐠ, ᓯᐹ ᒫᑲ ᐅᓯᑎᐋᐧᕽ ᐊᔨᓯᔨᓂᐊᐧᐠ ᑭᑕ ᑕᑕᑯᐢᑳᑕᐦᑭᐠ. 14#ᒑᐣ 8:12; 9:5ᑭᔭᐋᐧᐤ ᑭ ᐋᐧᓭᐢᑫᓈᐋᐧᐤ ᐊᐢᑭ. ᐅᑌᓇᐤ ᑕᑯᑖᒪᑎᐣ ᐁ ᐊᐢᑌᐠ ᓇᒪᐃᐧᔭ ᑭᑕ ᑭ ᑳᑖᓂᐊᐧᐣ. 15#ᒫᕒᐠ 4:21; ᓬᐅᐠ 8:16; 11:33ᓇᒪᐃᐧᔭ ᒥᓇ ᐊᔨᓯᔨᓂᐊᐧᐠ ᓴᐢᑲᐦᐊᒪᐧᐠ ᐋᐧᓴᐢᑯᑌᓂᑲᓂᔨᐤ, ᐁᑯᓯ ᑭᑕ ᐊᐢᑖᒋᐠ ᓯᐹ ᒪᑲᑯᕽ, ᒫᑲ ᐋᐧᓴᐢᑯᑌᓂᑲᓈᑎᑯᕽ; ᐁᑯᓯ ᒫᑲ ᐁ ᐋᐧᐢᑌᓇᒫᐦᒋᐠ ᑲᐦᑭᔭᐤ ᐱᑐᑲᒥᐠ ᑳ ᐊᔮᒋᐠ. 16#1 ᐱᑕᕒ 2:12ᑭᔮᒼ ᐁᑯᓯ ᑲᑕ ᐃᓯ ᐋᐧᐢᑌᐤ ᑭ ᐋᐧᓭᔮᓯᐃᐧᓂᐋᐧᐤ ᐁ ᑭᑖᐸᒥᑯᔦᑯᐠ ᐊᔨᓯᔨᓂᐊᐧᐠ, ᑭᑕ ᑭ ᐋᐧᐸᐦᑕᐦᑭᐠ ᑭ ᒥᔪ ᐊᑐᐢᑫᐃᐧᓂᐋᐧᐊᐧ, ᒥᓇ ᑭᑕ ᑭᐢᑕᑭᒫᒋᐠ ᑯᑖᐃᐧᐋᐧᐊᐧ ᑭᐦᒋ ᑭᓯᑯᕽ ᑳ ᐊᔮᔨᐟ.
17ᐁᑳᐃᐧᔭ ᐃᑌᔨᑕᒧᐠ ᐁ ᐯ ᐃᑐᐦᑌᔮᐣ ᑭᑕ ᓂᓯᐊᐧᓈᒋᑖᔮᐣ ᐅᔭᓱᐁᐧᐃᐧᐣ ᐊᐦᐳ ᐅᑭᐢᑭᐁᐧᐦᐃᑫᐊᐧᐠ: ᓇᒪᐃᐧᔭ ᓂ ᐯ ᐃᑐᐦᑖᐣ ᑭᑕ ᓂᓯᐊᐧᓈᒋᑖᔮᐣ, ᒫᑲ ᑭᑕ ᑎᐱᐸᔨᑖᔮᐣ, 18#ᓬᐅᐠ 16:17ᑖᐯᐧ ᑭᐟ ᐃᑎᓈᐋᐧᐤ, ᐃᔨᑯᕽ ᑭᐦᒋ ᑭᓯᐠ ᒥᓇ ᐊᐢᑭ ᐁᑳ ᐃᐦᑕᑲᐧᐦᑭ, ᐯᔭᐠ ᒐᑲᓯᓇᐦᐃᑲᐣ ᐊᐦᐳ ᐯᔭᐠ ᒐᑭᐯᔨᑲᐣ ᓇᒪᐃᐧᔭ ᑭᑕ ᓄᑌᐸᔨᐤ ᐅᔭᓱᐁᐧᐃᐧᓂᕽ ᐅᐦᒋ, ᐱᔨᐢ ᑲᐦᑭᔭᐤ ᑭᑕ ᐃᓯ ᑎᐱᐸᔨᐠ. 19ᐊᐁᐧᓇ ᐁᑐᑫ ᒫᑲ ᑫ ᐱᑯᓇᕽ ᐯᔭᐠ ᐅᐦᐃ ᒫᐊᐧᐨ ᑳ ᐊᐱᓵᓯᑭ ᑲᑫᐢᑭᒥᐁᐧᐃᐧᓇ, ᐁᑯᓯ ᒫᑲ ᑭᑕ ᐃᓯ ᑭᐢᑭᓄᐦᐊᒪᐋᐧᐟ ᐊᔨᓯᔨᓂᐊᐧ, ᐁᐊᐧᑯ ᑫ ᒫᐊᐧᒋ ᐋᐱᐢᑌᔨᑖᑯᓯᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ: ᒫᑲ ᐃᐧᔭ ᐊᐃᐧᔭᐠ ᑫ ᑐᑕᕽ ᒥᓇ ᑫ ᑭᐢᑭᓄᐦᐊᒫᑫᐟ ᑭᐦᒑᔭ ᑲᑕ ᐃᓯᔨᐦᑳᑖᐤ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ. 20ᒋᑫᒫ ᑭᐟ ᐃᑎᓈᐋᐧᐤ, ᑭᐢᐱᐣ ᐁᑳ ᑭ ᑲᐧᔭᐢᐠ ᐃᓯᐁᐧᐱᓯᐃᐧᓂᐋᐧᐤ ᐊᐊᐧᓯᒣ ᐃᐢᐸᔨᑭ ᐃᐢᐱᐨ ᐅ ᑲᐧᔭᐢᐠ ᐃᓯᐁᐧᐱᓯᐃᐧᓂᐋᐧᐤ ᐊᓂᑭ ᒪᓯᓇᐦᐃᑫᐃᐧᔨᓂᐊᐧᐠ ᒥᓇ ᐸᕒᐊᓯᐃᐧᔨᓂᐊᐧᐠ, ᓇᒪᐃᐧᔭ ᑭᑕ ᑭ ᐃᐢᐸᔨᐤ ᑭᑕ ᑭ ᐱᐦᑐᑫᔦᐠ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ.
21 # ᐁᐠᓴᑕᐢ 20:13; ᑎᔪᑕᕒᐊᓇᒥ 5:17 ᑭ ᑭ ᐯᐦᑌᓈᐋᐧᐤ ᑳ ᑭ ᐃᑌᐧᒋᐠ ᐊᓂᑭ ᑲᔮᐢ, ᐁᑳᐃᐧᔭ ᓂᐸᑖᑫ; ᒫᑲ ᐊᐃᐧᔭᐠ ᑫ ᓂᐸᑖᑫᐟ ᑭᑕ ᐊᐢᑖᐦᐃᐠ ᐅᔭᓱᐋᐧᓯᐁᐧᐃᐧᐣ: 22ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐃᐧᔭᐠ ᐱᑲᐧᓇᑕ ᐁ ᑭᓯᐢᑕᐋᐧᐟ ᐅᒋᐋᐧᒪ, ᑭᑕ ᐋᐢᑖᐦᐃᐠ ᐅᔭᓱᐋᐧᓯᐁᐧᐃᐧᐣ; ᒥᓇ ᐊᐃᐧᔭᐠ ᑫ ᐃᑖᑫᐧ ᐅᒋᐋᐧᒪ, ᕒᐁᑲ, ᑭᑕ ᐋᐢᑖᐦᐃᐠ ᐅᔭᓱᐁᐧᐃᐧᐣ; ᒫᑲ ᐊᐃᐧᔭᐠ ᑫ ᐃᑌᐧᑫᐧ, ᑭᔭ ᑭᐢᑫᐧᑳᐣ, ᑭᑕ ᐊᐢᑖᐦᐃᐠ ᐃᐢᑯᑌᐤ. 23ᐁᐊᐧᑯ ᒫᑲ ᐅᐦᒋ, ᑭᐢᐱᐣ ᑭ ᐯᑖᐣ ᑭ ᒣᑭᐃᐧᐣ ᐊᓂᑕ ᐸᑭᑎᓈᓱᐃᐧᓈᐱᐢᑯᕽ, ᐁᑯᑕ ᒫᑲ ᑭᐢᑭᓱᐸᔨᔭᐣ ᓈᓂᑕᐤ ᐁ ᐃᑌᔨᒥᐢᐠ ᑭᒋᐋᐧᒼ; 24ᓇᑲᑕ ᐁᑯᑕ ᑭ ᒣᑭᐃᐧᐣ ᒋᑭ ᐸᑭᑎᓈᓱᐃᐧᓈᐱᐢᑯᕽ, ᐊᑎ ᓯᐯᐧᐦᑌ ᒫᑲ; ᓂᑳᐣ ᓂᑕᐃᐧ ᐅᑐᑌᒥ ᑭᒋᐋᐧᒼ, ᐁᑲᐧ ᒫᑲ ᑫ ᐯ ᐃᑐᑌᔭᐣ ᒥᓇ ᑫ ᐯ ᐸᑭᑎᓇᒪᐣ ᑭ ᒣᑭᐃᐧᐣ. 25ᑭᔨᐸ ᐃᓴ ᐃᐧᒋ ᐃᑌᔨᑕᒧᒼ ᐊᓇ ᑭᐦᒋ ᓇᔦᑖᐁᐧᔨᐦᑐ, ᒣᑳᐧᐨ ᐁ ᐱᒥ ᐃᐧᒉᐊᐧᐟ ᒫᐢᑯᐨ ᓈᓂᑕᐤ ᐃᔨᑯᕽ ᑭᐦᒋ ᓇᔦᑖᐁᐧᔨᐦᑐ ᑭ ᑲ ᐃᓯ ᐸᑭᑎᓂᐠ ᐊᓂᐦᐃ ᐅᔭᓱᐁᐧᐃᐧᑭᒫᐊᐧ, ᐁᑯᓯ ᒥᓇ ᐅᔭᓱᐁᐧᐃᐧᑭᒫᐤ ᑭ ᑲ ᐃᓯ ᐸᑭᑎᓂᐠ ᐊᓂᐦᐃ ᐅᑭᐸᐦᐅᐁᐧᐤ, ᐁᑯᓯ ᒫᑲ ᑭᐸᐦᐅᑐᐃᐧᑲᒥᑯᕽ ᑭᑕ ᐃᓯᐁᐧᐱᓂᑲᐃᐧᔭᐣ. 26ᑖᐯᐧ ᑭᐟ ᐃᑎᐣ, ᓇᒪᐋᐧᐨ ᑭ ᑲ ᐯ ᐊᐧᔭᐃᐧᐣ, ᐸᑎᒪ ᐃᔨᑯᕽ ᐊᓂᒪ ᐃᐢᑫᐧᔮᓂᕽ ᓲᓂᔮᓯᐢ ᑭ ᑎᐸᐦᐃᑫᔭᓂ.
27 # ᐁᐠᓴᑕᐢ 20:14; ᑎᔪᑕᕒᐊᓇᒥ 5:18 ᑭ ᑭ ᐯᐦᑌᓈᐋᐧᐤ ᐁ ᑭ ᐃᑌᐧᕽ ᐁᑳᐃᐧᔭ ᐱᓯᑳᐧᑎᓯ: 28ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐃᐧᔭᐠ ᐁ ᑲᓇᐋᐧᐸᒫᐟ ᐃᐢᑫᐧᐊᐧ ᑭᑕ ᐃᐧ ᓇᐢᐹᐨ ᐃᐧᒉᐋᐧᐟ, ᑭ ᐃᐧᒋᐱᓯᑳᐧᑎᓯᒣᐤ ᓵᓴᐩ ᐅᑌᐦᐃᕽ. 29#ᒫᐟᔪ 18:9; ᒫᕒᐠ 9:47ᑭᐢᐱᐣ ᒫᑲ ᑭᐢᑭᓯᐠ ᐊᐧᓂᑐᑕᒧᐦᐃᑯᔭᓂ, ᑫᒋᑯᐱᑕ, ᒥᓇ ᐁᐧᐱᓇ; ᒋᑫᒫ ᑲ ᐋᐸᒋᐦᐅᐣ ᐯᔭᐠ ᑭ ᐸᐢᑫᓯᐃᐧᐣ ᓂᓯᐊᐧᓈᑕᐦᑭ, ᐁᑳ ᒫᑲ ᒥᓯᐁᐧ ᑭᔭᐤ ᐃᐢᑯᑌᕽ ᑭᑕ ᐃᓯ ᐁᐧᐱᓂᑳᑌᐠ. 30#ᒫᐟᔪ 18:8; ᒫᕒᐠ 9:43ᑭᐢᐱᐣ ᒥᓇ ᑭ ᑭᐦᒋᓂᐢᐠ ᐊᐧᓂᑐᑕᒧᐦᐃᑯᔭᓂ, ᑭᐢᑲᑕᐦᐊ, ᐁᐧᐱᓇ ᒫᑲ: ᒋᑫᒫ ᑭ ᑲ ᐋᐸᒋᐦᐅᐣ ᐯᔭᐠ ᑭ ᐸᐢᑫᓯᐃᐧᐣ ᑭᑕ ᓂᓯᐊᐧᓈᑕᕽ, ᐁᑳ ᒫᑲ ᒥᓯᐁᐧ ᑭᔭᐤ ᐃᐢᑯᑌᕽ ᑭᑕ ᐃᓯᐁᐧᐱᓂᑳᑌᐠ. 31#ᑎᔪᑕᕒᐊᓇᒥ 24:1-4; ᒫᐟᔪ 19:7; ᒫᕒᐠ 10:4ᑭ ᐃᑖᐧᓂᐊᐧᓄᐸᐣ, ᐊᐃᐧᔭᐠ ᑫ ᐁᐧᐱᓈᑫᐧ ᐃᐧᐊᐧ, ᑭᔮᒼ ᑭᑕ ᒥᔦᐤ ᐁᐧᐱᓂᑐᐃᐧ ᒪᓯᓇᐦᐃᑫᐃᐧᐣ: 32#ᒫᐟᔪ 19:9; ᒫᕒᐠ 10:11,12; ᓬᐅᐠ 16:18; 1 ᑲᕒᐃᐣᑎᔭᓇ 7:10,11ᒫᑲ ᓂᔭ ᑭᐟ ᐃᑎᓈᐋᐧᐤ, ᐊᐃᐧᔭᐠ ᑫ ᐁᐧᐱᓈᑫᐧ ᐃᐧᐊᐧ, ᒫᑲ ᐱᑯ ᐁ ᐱᓯᑳᐧᑎᓯᔨᐟ ᐅᐦᒋ, ᐱᓯᑳᐧᑎᓯᐦᐁᐤ; ᒥᓇ ᐊᐃᐧᔭᐠ ᑫ ᐃᐧᑭᒫᑫᐧ ᐊᓂᐦᐃ ᑳ ᐁᐧᐱᓂᒥᐦᐟ, ᐱᓯᑳᐧᑎᓯᐤ.
33 # ᓬᐃᐱᑎᑲᐢ 19:12; ᓇᒼᐸᕒᐢ 30:2; ᑎᔪᑕᕒᐊᓇᒥ 23:21 ᒥᓇ, ᑭ ᑭ ᐯᐦᑌᓈᐋᐧᐤ ᐁ ᑭ ᐃᑌᐧᒋᐠ ᐊᓂᑭ ᑲᔮᐢ, ᐁᑳᐃᐧᔭ ᑭᔮᐢᑭᐃᐧᒥᓱᐃᐧ ᑭᐦᒋ ᐃᑌᐧ, ᒫᑲ ᑭ ᑲ ᑐᑕᒪᐋᐧᐤ ᑳ ᑎᐯᔨᐦᒋᑫᐟ ᑭ ᑭᐦᒋ ᐃᑌᐧᐃᐧᓇ; 34#ᒉᒥᐢ 5:12; ᐊᐩᓵᔭ 66:1; ᒫᐟᔪ 23:22ᒫᑲ ᓂᔭ ᑭᐟ ᐃᑎᓈᐋᐧᐤ, ᐁᑳᐃᐧᔭ ᐃᐧᑳᐨ ᑭᐦᒋ ᐃᑌᐧᐠ; ᓇᒪᐃᐧᔭ ᑭ ᑲ ᐊᐢᐱᒧᐣ ᑭᐦᒋ ᑭᓯᐠ; ᒋᑫᒫ ᐁᐊᐧᑯ ᑭᓭᒪᓂᑐ ᐅᐟ ᐅᑭᒫᐊᐧᐱᐃᐧᐣ: 35#ᐊᐩᓵᔭ 66:1; ᓂᑲᒧᓇ 48:2ᐊᐦᐳ ᓇᒪᐃᐧᔭ ᑲ ᐊᐢᐱᒧᐣ ᐊᐢᑭ; ᒋᑫᒫ ᐁᐊᐧᑯ ᐅᐟ ᐊᐢᐱᓯᑌᓯᒧᐣ; ᓇᒪᐃᐧᔭ ᑭ ᑲ ᐊᐢᐱᒧᐣ ᒉᕒᐅᓴᓬᐊᒼ: ᒋᑫᒫ ᐁᐊᐧᑯ ᐅᐟ ᐅᑌᓇᐤ ᑭᐦᒋ ᐅᑭᒫᐤ. 36ᓇᒪᐃᐧᔭ ᒥᓇ ᑭ ᑲ ᐊᐢᐱ ᑭᐦᒋ ᐃᑖᐧᐣ ᑭᐢᑎᑳᐧᐣ, ᒋᑫᒫ ᓇᒪᐃᐧᔭ ᑭ ᑲ ᑭ ᑲᐢᑭᑖᐣ ᐯᔭᐠ ᑭᐢᑕᑲᐩ ᑭᑕ ᐋᐧᐱᐢᑭᑖᔭᐣ ᐊᐦᐳ ᑭᑕ ᑲᐢᑭᑌᐃᐧᑖᔭᐣ. 37ᒫᑲ ᑭᔮᒼ ᑭ ᐱᑭᐢᑫᐧᐃᐧᓂᐋᐧᐤ, ᐁᐦᐁ, ᐁᐦᐁ; ᓇᒪ, ᓇᒪ; ᑭᑕ ᐃᑌᔨᑖᑲᐧᐣ: ᒋᑫᒫ ᑫᑲᐧᐩ ᐁᐢᐸᔨᐠ ᐊᐊᐧᓯᒣ ᐃᐢᐱᐨ ᐅᐦᐃ, ᐁᑯᑕ ᐅᐦᒋᐸᔨᐤ ᑳ ᒫᔮᑕᕽ.
38 # ᐁᐠᓴᑕᐢ 21:24; ᓬᐃᐱᑎᑲᐢ 24:20; ᑎᔪᑕᕒᐊᓇᒥ 19:21 ᑭ ᑭ ᐯᐦᑌᓈᐋᐧᐤ ᐁ ᑭ ᐃᑖᐧᓂᐊᐧᕽ, ᒥᐢᑭᓯᐠ ᒥᐢᑯᐨ ᒥᐢᑭᓯᐠ ᒥᓇ ᒥᐱᐟ ᒥᐢᑯᐨ ᒥᐱᐟ; 39ᒫᑲ ᓂᔭ ᑭᐟ ᐃᑎᓈᐋᐧᐤ, ᐁᑳ ᑭᑕ ᓇᐢᑳᐧᐢᑕᐋᐧᔦᐠ ᐊᓇ ᑳ ᒪᒑᑎᓯᐟ: ᒫᑲ ᐊᐃᐧᔭᐠ ᐸᑲᒪᐦᐅᐢᑭ ᑭ ᑭᐦᒋ ᑲᓄᐋᐧᕽ, ᑫᐧᐢᑭᐢᑫᐧᔨᐢᑕᐤ ᐊᓂᒪ ᑯᑕᐠ. 40ᒥᓇ ᑭᐢᐱᐣ ᐊᐃᐧᔭᐠ ᐃᐧ ᒥᓯᐦᐃᐢᑭ ᐅᔭᓱᐁᐧᐃᐧᓂᐠ, ᐅᑎᓇᐦᑭ ᒫᑲ ᑭᐢᑯᑖᑲᐩ, ᑭᔮᒼ ᒥᓇ ᑭᑕ ᐊᔮᐤ ᑭᐟ ᐊᑲᐧᓇᐦᐅᐃᐧᐣ. 41ᒥᓇ ᐊᐃᐧᔭᐠ ᐃᐧᓵᒥᐢᑭ ᐯᔭᐠ ᑎᐸᐦᐊᐢᑳᐣ ᑭᑕ ᐃᐧᒉᐊᐧᐟ, ᑭᔮᒼ ᓂᓱ ᑎᐸᐦᐊᐢᑳᐣ ᐃᓯ ᐃᐧᒉᐤ. 42ᒥ ᐊᓇ ᑳ ᓇᑐᑕᒫᐢᐠ, ᒥᓇ ᐊᓇ ᑫ ᐃᐧ ᐊᐃᐧᐋᓱᒥᐢᐠ ᐁᑳᐃᐧᔭ ᐊᑎᒥᑳᐸᐃᐧᐢᑕᐤ.
43ᑭ ᑭ ᐯᐦᑌᓈᐋᐧᐤ ᐁ ᑭ ᐃᑖᐧᓂᐊᐧᕽ, ᑭ ᑲ ᓵᑭᐦᐋᐤ ᑭᒋ ᐊᔨᓯᔨᓂᐤ, ᐃᐧᔭ ᒫᑲ ᑭ ᑲ ᐸᑳᐧᑖᐤ ᑳ ᓇᔦᑖᐁᐧᔨᒥᐢᐠ. 44ᒫᑲ ᓂᔭ ᑭᐟ ᐃᑎᓈᐋᐧᐤ, ᓵᑭᐦᐃᐦᑯᐠ ᑳ ᓇᔦᑖᐁᐧᔨᒥᑯᔦᑯᐠ, ᒥᔪ ᑭᐢᐋᐧᑎᐦᑯᐠ ᑳ ᓈᓂᐳᒥᑯᔦᑯᐠ, ᒥᔪ ᑐᑖᐦᑯᐠ ᑳ ᐸᑳᐧᑎᑯᔦᑯᐠ, ᒥᓇ ᐊᔭᒥᐦᐁᐢᑕᒫᐦᑯᐠ ᐊᓂᑭ ᐅᐦᒋᑕᐤ ᑳ ᐃᐧ ᒪᒋ ᑐᑖᑯᔦᑯᐠ, ᒥᓇ ᑳᐧᑕᑭᐦᐃᑯᔦᑯᐠ; 45ᑭᑕ ᐅᐟ ᐊᐋᐧᓯᒥᓯᒥᑯᔦᐠ ᒫᑲ ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ; ᒋᑫᒫ ᐃᐧᔭ ᐃᓯᐦᐁᐤ ᐅ ᐱᓯᒧᒪ ᑭᑕ ᓵᑳᐢᑌᐢᑳᑯᔨᐟ ᑳ ᒪᒑᑎᓯᔨᐟ ᒥᓇ ᑳ ᒥᐋᐧᑎᓯᔨᐟ, ᒥᓇ ᐃᓯᑎᓴᐦᐊᒪᐁᐧᐤ ᑭᒥᐊᐧᐣ ᑲᐧᔭᐢᐠ ᐁᓯᐁᐧᐱᓯᔨᐟ ᒥᓇ ᐁᑳ ᑳ ᑲᐧᔭᐢᐠ ᐃᓯᐁᐧᐱᓯᔨᐟ. 46ᑭᐢᐱᐣ ᐱᑯ ᑭ ᓵᑭᐦᐋᐋᐧᐊᐧᐠ ᐊᓂᑭ ᑳ ᓵᑭᐦᐃᑯᔦᑯᐠ, ᑫᑲᐧᐩ ᑎᐸᐦᐊᒫᑯᐃᐧᐣ ᐁᔮᔦᐠ? ᓇᒪ ᒋ ᐁᑯᓯ ᒣᐧᐦᒋ ᑐᑕᒪᐧᐠ ᐸᑊᓬᐃᑲᓇᐠ? 47ᑭᐢᐱᐣ ᒫᑲ ᐱᑯ ᒥᓇ ᑭᐟ ᐊᑕᒥᐢᑲᐋᐧᐋᐧᐊᐧᐠ ᑭᒋᓵᓂᐋᐧᐊᐧᐠ, ᑫᑲᐧᐩ ᐊᔨᐋᐧᐠ ᐁᑐᑕᒣᐠ ᐃᐢᐱᐨ ᑯᑕᑲᐠ? ᓇᒪ ᒋ ᐁᑯᓯ ᑐᑕᒪᐧᐠ ᐸᑊᓬᐃᑲᓇᐠ? 48#ᓬᐃᐱᑎᑲᐢ 19:2; ᑎᔪᑕᕒᐊᓇᒥ 18:13ᐁᐊᐧᑯ ᒫᑲ ᐅᐦᒋ ᒥᑐᓂ ᑲᐧᔭᐢᐠ ᑲᑫᐧ ᐃᓯ ᐁᐧᐱᓯᐠ, ᒣᐧᐦᒋ ᐁ ᐃᓯ ᑲᐧᔭᐢᐠ ᐃᓯᐁᐧᐱᓯᐟ ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ.

This Bible text is a corrected edition of the 1908 Western Cree Bible; it is in the public domain.


Learn More About ᑲᓈᒋ ᑭᐦᒋ ᒪᓯᓈᐦᐃᑲᐣ