ᓭᐣᐟ ᒫᐟᔪ 1
1
1ᒪᓯᓇᐦᐃᑲᐣ ᐃᑕ ᐁ ᐋᑐᑕᒥᕽ ᐃᑕ ᑳ ᐅᐦᒋ ᓂᐦᑖᐃᐧᑭᐟ ᒋᓴᐢ ᙭, ᑌᐱᐟ ᐅᑯᓯᓴ, ᐁᑊᕒᐊᐦᐊᒼ ᐅᑯᓯᓴ.
2ᐁᑊᕒᐊᐦᐊᒼ ᑭ ᓂᐦᑖᐃᐧᑭᐦᐁᐤ ᐊᐃᓴᑲ; ᒥᓇ ᐊᐃᓴᐠ ᑭ ᓂᐦᑖᐃᐧᑭᐦᐁᐤ ᒉᑲᐸ; ᒥᓇ ᒉᑲᑊ ᑭ ᓂᐦᑖᐃᐧᑭᐦᐁᐤ ᒍᑕᓴ ᒥᓇ ᐅᒋᐋᐧᒥᔨᐊᐧ; 3ᒥᓇ ᒍᑕᐢ ᑭ ᓂᐦᑖᐃᐧᑭᐦᐁᐤ ᐯᕒᐃᓴ, ᒥᓇ ᓯᕒᐊᐊᐧ, ᑌᒪᕒ ᐅᐦᒋ; ᒥᓇ ᐯᕒᐃᐢ ᑭ ᓂᐦᑖᐃᐧᑭᐦᐁᐤ ᐁᐢᕒᐊᒪ; ᒥᓇ ᐁᐢᕒᐊᒼ ᑭ ᓂᐦᑖᐃᐧᑭᐦᐁᐤ ᐁᕒᐊᒪ; 4ᒥᓇ ᐁᕒᐊᒼ ᑭ ᓂᐦᑖᐃᐧᑭᐦᐁᐤ ᐊᒥᓇᑖᐸ; ᒥᓇ ᐊᒥᓇᑖᑊ ᑭ ᓂᐦᑖᐃᐧᑭᐦᐁᐤ ᓀᐋᓴᓇ; ᒥᓇ ᓀᐋᓴᐣ ᑭ ᓂᐦᑖᐃᐧᑭᐦᐁᐤ ᓵᓬᒪᓇ; 5ᓵᓬᒪᐣ ᑭ ᓂᐦᑖᐃᐧᑭᐦᐁᐤ ᐳᐊᓴ ᕒᐁᐦᐋᑊ ᐅᐦᒋ; ᒥᓇ ᐳᐊᐢ ᑭ ᓂᐦᑖᐃᐧᑭᐦᐁᐤ ᐅᐱᑕ ᕒᐅᐟ ᐅᐦᒋ; ᒥᓇ ᐅᐱᐟ ᑭ ᓂᐦᑖᐃᐧᑭᐦᐁᐤ ᒉᓯᐊᐧ; 6#2 ᑭᐦᒋ ᐅᑭᒫᐊᐧᐠ 24:14,15; 2 ᐊᑭᓀ ᐋᒋᒧᐃᐧᓇ 36:10; ᒉᕒᐃᒫᔭ 27:20ᒥᓇ ᒉᓯ ᑭ ᓂᐦᑖᐃᐧᑭᐦᐁᐤ ᑌᐱᑕ ᑳ ᑭ ᑭᐦᒋ ᐅᑭᒫᐃᐧᔨᐟ; ᒥᓇ ᑌᐱᐟ ᑭ ᓂᐦᑖᐃᐧᑭᐦᐁᐤ ᓴᓬᐅᒪᓇ ᐊᓂᐦᐃ ᐅᐦᒋ ᑳ ᑭ ᐃᐧᐃᐧᔨᐟ ᔪᕒᐋᔭᓴ: 7ᒥᓇ ᓴᓬᐅᒪᐣ ᑭ ᓂᐦᑖᐃᐧᑭᐦᐁᐤ ᕒᐃᐅᐳᐊᒪ; ᒥᓇ ᕒᐃᐅᐳᐊᒼ ᑭ ᓂᐦᑖᐃᐧᑭᐦᐁᐤ ᐊᐹᔭᐊᐧ; ᒥᓇ ᐊᐹᔭ ᑭ ᓂᐦᑖᐃᐧᑭᐦᐁᐤ ᐁᓴᐊᐧ; 8ᒥᓇ ᐁᓴ ᑭ ᓂᐦᑖᐃᐧᑭᐦᐁᐤ ᒋᐦᐋᓴᐹᑕ; ᒥᓇ ᒋᐦᐋᓴᐹᐟ ᑭ ᓂᐦᑖᐃᐧᑭᐦᐁᐤ ᒍᕒᐊᒪ; ᒥᓇ ᒍᕒᐊᒼ ᑭ ᓂᐦᑖᐃᐧᑭᐦᐁᐤ ᐅᓴᔭᐊᐧ; 9ᒥᓇ ᐅᓴᔭ ᑭ ᓂᐦᑖᐃᐧᑭᐦᐁᐤ ᒍᑕᒪ; ᒥᓇ ᒍᑕᒼ ᑭ ᓂᐦᑖᐃᐧᑭᐦᐁᐤ ᐁᐦᐋᓴ; ᒥᓇ ᐁᐦᐋᐢ ᑭ ᓂᐦᑖᐃᐧᑭᐦᐁᐤ ᐦᐁᓯᑳᔭᐊᐧ; 10ᒥᓇ ᐦᐁᓯᑳᔭ ᑭ ᓂᐦᑖᐃᐧᑭᐦᐁᐤ ᒪᓈᓯᐊᐧ; ᒥᓇ ᒪᓈᓯ ᑭ ᓂᐦᑖᐃᐧᑭᐦᐁᐤ ᐋᒪᓇ; ᒥᓇ ᐋᒪᐣ ᑭ ᓂᐦᑖᐃᐧᑭᐦᐁᐤ ᒍᓵᔭᓴ; 11ᒥᓇ ᒍᓵᔭᐢ ᑭ ᓂᐦᑖᐃᐧᑭᐦᐁᐤ ᒉᑯᓈᔭᐊᐧ ᒥᓇ ᐅᒋᐋᐧᒥᔨᐊᐧ, ᓈᓂᑕᐤ ᐃᐢᐱ ᑳ ᑭ ᓯᐯᐧᑕᐃᐦᒋᐠ ᐹᐱᓬᐊᓂᕽ:
12ᓵᓴᐩ ᒫᑲ ᑳ ᐯᓯᒋᐠ ᐹᐱᓬᐊᓂᕽ, ᒉᑯᓈᔭ ᑭ ᓂᐦᑖᐃᐧᑭᐦᐁᐤ ᓴᓬᐁᑎᔭᓬᐊ; ᒥᓇ ᓴᓬᐁᑎᔭᓬ ᑭ ᓂᐦᑖᐃᐧᑭᐦᐁᐤ ᓭᕒᐊᐸᐸᓬᐊ; 13ᓭᕒᐊᐸᐸᓬ ᑭ ᓂᐦᑖᐃᐧᑭᐦᐁᐤ ᐊᐹᔭᑕ; ᒥᓇ ᐊᐹᔭᐟ ᑭ ᓂᐦᑖᐃᐧᑭᐦᐁᐤ ᐃᓬᐋᔭᑭᒪ; ᒥᓇ ᐃᓬᐋᔭᑭᒼ ᑭ ᓂᐦᑖᐃᐧᑭᐦᐁᐤ ᐁᓱᕒᐊ; 14ᒥᓇ ᐁᓱᕒ ᑭ ᓂᐦᑖᐃᐧᑭᐦᐁᐤ ᓭᑕᑲ; ᒥᓇ ᓭᑕᐠ ᑭ ᓂᐦᑖᐃᐧᑭᐦᐁᐤ ᐁᑭᒪ; ᒥᓇ ᐁᑭᒼ ᑭ ᓂᐦᑖᐃᐧᑭᐦᐁᐤ ᐃᓬᐋᔭᑕ; 15ᒥᓇ ᐃᓬᐋᔭᐟ ᑭ ᓂᐦᑖᐃᐧᑭᐦᐁᐤ ᐃᓬᐃᐁᓴᕒᐊ: ᒥᓇ ᐃᓬᐃᐁᓴᕒ ᑭ ᓂᐦᑖᐃᐧᑭᐦᐁᐤ ᒫᑖᓇ: ᒥᓇ ᒫᑖᐣ ᑭ ᓂᐦᑖᐃᐧᑭᐦᐁᐤ ᒉᑲᐸ; 16ᒥᓇ ᒉᑲᑊ ᑭ ᓂᐦᑖᐃᐧᑭᐦᐁᐤ ᒍᓯᐸ, ᐅ ᓈᐯᒪ ᒣᕒᐃ, ᐊᓇ ᑳ ᑭ ᐅᐦᒋ ᓂᐦᑖᐃᐧᑭᐟ ᒋᓴᐢ; ᙭ ᑳ ᐃᓯᔨᐦᑳᓱᐟ.
17ᐁᑯᓯ ᒫᑲ ᑲᐦᑭᔭᐤ ᐋᓂᐢᑳᐨ ᑳ ᐱᒫᑎᓯᒋᐠ ᐁᑊᕒᐁᐋᒼ ᐅᐦᒋ ᐱᔨᐢ ᑌᐱᐟ ᒥᑖᑕᐦᐟ ᓀᐅᓵᑊ ᑕᐦᑖᐧᐤ ᐋᓂᐢᑳᐨ ᑭ ᐱᒫᑎᓯᐊᐧᐠ; ᒥᓇ ᑌᐱᐟ ᐅᐦᒋ, ᐱᔨᐢ ᐁ ᑭ ᓯᐯᐧᑕᐦᐃᐦᒋᐠ ᐹᐱᓬᐊᓂᕽ ᒥᑖᑕᐟ ᓀᐅᓵᑊ ᑕᐦᑖᐧᐤ ᐋᓂᐢᑳᐨ ᑭ ᐱᒫᑎᓯᐊᐧᐠ; ᒥᓇ ᐊᓂᒪ ᐅᐦᒋ ᐁ ᑭ ᓯᐯᐧᑕᐃᐦᒋᐠ ᐹᐱᓬᐊᓂᕽ ᐱᔨᐢ ᙭ ᒥᑖᑕᐟ ᓀᐅᓵᑊ ᑕᐦᑖᐧᐤ ᐋᓂᐢᑳᐨ ᑭ ᐱᒫᑎᓯᐊᐧᐠ.
18 #
ᓬᐅᐠ 1:27
ᐅᒥᓯ ᒫᑲ ᑭ ᐃᑭᓂᔨᐤ ᐅ ᓂᐦᑖᐃᐧᑭᐃᐧᐣ ᒋᓴᐢ ᙭; ᐃᐢᐱ ᐊᓂᐦᐃ ᐅᑳᐃᐧᔭ ᒣᕒᐃᐊᐧ ᐁ ᑭ ᐊᓱᑕᒪᐋᐧᔨᐟ ᑭᑕ ᐃᐧᒉᐋᐧᔨᐟ ᒍᓯᐸ, ᒪᐧᔦᐢ ᐁ ᑭ ᓈᑎᑐᒋᐠ, ᑭ ᑭᐢᑫᔨᒫᐤ ᐁ ᐊᔮᐋᐧᐟ ᐊᐋᐧᓯᓴ ᑲᓈᒋ ᐊᐦᒑᐦᑲᐧ ᐅᐦᒋ. 19ᐁᑯᓯ ᒍᓯᑊ ᐅ ᓈᐯᒪ, ᐁ ᑲᐧᔭᐢᐠ ᐃᓯᐁᐧᐱᓯᐃᐧ ᐊᔨᓯᔨᓂᐃᐧᐟ, ᒥᓇ ᐁᑳ ᐁ ᐃᑌᔨᑕᕽ ᑭᑕ ᒫᒪᐃᐧ ᑭᐢᑫᔨᑖᑯᐦᐋᐟ ᑭ ᐃᑌᔨᑕᒼ ᑭᒧᐨ ᑭᑕ ᐸᑭᑎᓈᐟ. 20ᒫᑲ ᐃᐢᐱ ᐁ ᒫᒥᑐᓀᔨᑕᕽ ᐅᐦᐃ, ᒋᐢᐟ, ᐅᑭᓯᑯᒪ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᐠ ᐸᐋᐧᒧᐃᐧᓂᕽ, ᐁ ᐃᑌᐧᔨᐟ, ᒍᓯᑊ, ᑭᔭ ᐅᑯᓯᓴ ᑌᐱᐟ ᐁᑳᐃᐧᔭ ᑯᐢᑕ ᑭᑕ ᐅᑎᓇᐟ ᒣᕒᐃ ᑭᐊᐧ; ᒋᑫᒫ ᐊᓂᐦᐃ ᑳ ᐊᔮᐋᐧᐟ ᑲᓈᒋ ᐊᐦᒑᐦᑲᐧ ᐅᐦᒋᔨᐊᐧ. 21#ᓬᐅᐠ 1:31ᑭᑕ ᓂᐦᑖᐃᐧᑭᐦᐁᐤ ᒫᑲ ᑫ ᐅᑯᓯᓯᐟ, ᒋᓴᐢ ᒫᑲ ᑭ ᑲ ᐃᓯᔨᐦᑳᑖᐤ: ᒋᑫᒫ ᑭᑕ ᐱᒫᒋᐦᐁᐤ ᐅᐟ ᐊᔨᓯᔨᓂᒪ ᐅ ᒪᒑᔨᐃᐧᓂᔨᕽ ᐅᐦᒋ. 22ᐁᑲᐧ ᒫᑲ ᑲᐦᑭᔭᐤ ᐅᒪ ᑭ ᐃᐦᑭᐣ, ᑭᑕ ᑎᐱᐸᔨᐠ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ ᐅᑭᐢᑭᐁᐧᐦᐃᑫᐊᐧ ᐅᐦᒋ ᐁ ᐃᑌᐧᐟ, 23#ᐊᐩᓵᔭ 7:14ᒋᐢᐟ, ᐅᐢᑭᓂᑭᐢᑫᐧᐤ ᐊᐋᐧᓯᓴ ᑭᑕ ᐊᔮᐁᐧᐤ, ᐁᑯᓯ ᑭᑕ ᓂᐦᑖᐃᐧᑭᐦᐁᐤ ᐅᑯᓯᓴ, ᐃᒫᐣᔪᐁᓬ ᒫᑲ ᑭᑕ ᐃᓯᔨᐦᑳᑌᐊᐧᐠ; ᐁᐊᐧᑯ ᐊᓂᒪ ᐁ ᐃᑌᐧᐢᑕᒪᐋᐧᑕᒥᕽ ᑭᓭᒪᓂᑑ ᑭ ᐃᐧᒉᐃᐧᑯᓇᐤ. 24ᐁᑯᓯ ᒍᓯᑊ ᐁ ᐊᐧᓂᐢᑳᐟ ᐅ ᓂᐹᐃᐧᓂᕽ ᐅᐦᒋ, ᑭ ᑐᑕᒼ ᐊᓂᒪ ᑳ ᑎᐯᔨᐦᒋᑫᔨᐟ ᐅᑭᓯᑯᒥᔨᐊᐧ ᑳ ᑭ ᐃᑎᑯᐟ, ᐁ ᑭ ᐅᑎᓈᐟ ᐃᐧᐊᐧ. 25#ᓬᐅᐠ 2:21ᓇᒪᐃᐧᔭ ᒫᑲ ᑭ ᐅᐦᒋ ᑭᐢᑫᔨᒣᐤ ᐹᑐᐢ ᐃᔨᑯᕽ ᑳ ᑭ ᓂᐦᑖᐃᐧᑭᐦᐋᔨᐟ ᐅᑯᓯᓯᔨᐊᐧ; ᒋᓴᐢ ᒫᑲ ᑭ ᐃᓯᔨᐦᑳᑌᐤ.
Currently Selected:
ᓭᐣᐟ ᒫᐟᔪ 1: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.