ᓭᐣᐟ ᒫᐟᔪ 2
2
1ᐁᑲᐧ ᐃᐢᐱ ᑳ ᓂᐦᑖᐃᐧᑭᐟ ᒋᓴᐢ ᐊᓂᑕ ᐯᐟᓬᐃᔭᒥᕽ ᒍᑎᐊᐃᕽ ᑳ ᐃᐦᑕᑲᐧᕽ, ᒣᑳᐧᐨ ᐁ ᑭᐦᒋ ᐅᑭᒫᐃᐧᐟ ᐦᐁᕒᐊᐟ, ᒋᐢᐟ, ᐃᔨᓂᓯᐃᐧᔨᓂᐊᐧᐠ ᑭ ᐯ ᑕᑯᓯᓇᐧᐠ ᐋᐧᐸᓄᑖᕽ ᐅᐦᒋ ᒉᕒᐅᓴᓬᐊᒥᕽ ᐃᓯ. 2ᐁ ᐃᑌᐧᒋᐠ, ᑖᓂᐋᐧ ᑳ ᑭ ᓂᐦᑖᐃᐧᑭᐟ ᐅᐟ ᐅᑭᒫᒥᐋᐧᐊᐧ ᒍᐊᐧᐠ? ᒋᑫᒫ ᓂ ᑭ ᐋᐧᐸᒥᒫᓈᐣ ᐅᐟ ᐊᒐᑯᒪ ᐋᐧᐸᓄᑖᕽ, ᐁᑯᓯ ᐁ ᐯ ᐃᑐᐦᑌᔮᕽ ᑭᑕ ᐅᒋᐦᒋᐦᑲᐧᓇᐱᐢᑕᐋᐧᔮᕽ.
3ᐃᐢᐱ ᒫᑲ ᐁᕒᐊᐟ ᑭᐦᒋ ᐅᑭᒫᐤ ᑳ ᐯᐦᑕᕽ ᐅᒪ, ᑭ ᒥᑯᐢᑳᑌᔨᑕᒼ, ᒥᓇ ᑲᐦᑭᔭᐤ ᒉᕒᐅᓴᓬᐊᒥᕽ ᐊᓯᒋ. 4ᐃᐢᐱ ᒫᑲ ᑲᐦᑭᔭᐤ ᒫᒪᐃᐧ ᑳ ᒫᐊᐧᒋᐦᐋᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ, ᒥᓇ ᐅ ᒪᓯᓇᐦᐃᑫᐃᐧᔨᓂᒥᔨᐊᐧ ᐊᔨᓯᔨᓂᐊᐧ, ᑭ ᑲᑫᐧᒋᒣᐤ ᑖᓂᑕ ᑫ ᓂᐦᑖᐃᐧᑭᐸᐣ ᙭. 5ᐅᒥᓯ ᒫᑲ ᑭ ᐃᑌᐊᐧᐠ, ᐯᐟᓬᐃᔭᒥᕽ ᒍᑎᐊᐃᕽ ᑳ ᐃᐦᑕᑲᐧᕽ; ᒋᑫᒫ ᐁᑯᓯ ᐃᑕᓯᓇᐦᐃᑫᐤ ᐅᑭᐢᑭᐁᐧᐦᐃᑫᐤ;
6 #
ᒪᐃᑲ 5:2
ᑭᔭ ᒫᑲ ᐯᐟᓬᐃᔭᒼ ᒍᑕ ᐊᐢᑭᕽ ᑳ ᐊᔮᔭᐣ ᓇᒪᐃᐧᔭ ᓄᑕᐤ ᑭᐟ ᐃᐢᐱᑌᔨᑖᑯᓯᐣ ᐃᑕ ᐁ ᐊᔮᒋᐠ ᒍᑕ ᐅᑭᒫᐊᐧᐠ; ᒋᑫᒫ ᑭᔭ ᐁᑯᑕ ᑭᑕ ᐯ ᐅᐦᒋᐤ ᐊᓇ ᑭᐦᒋ ᐅᑭᒫᐤ, ᑫ ᑲᓇᐁᐧᔨᒫᐟ ᓂᐟ ᐊᔨᓯᔨᓂᒪ ᐃᐢᕒᐁᐃᓬᐊ.
7ᐁᑯᓯ ᐦᐁᕒᐊᐟ, ᐃᐢᐱ ᑭᒧᐨ ᑳ ᓇᑐᒫᐟ ᐃᔨᓂᓯᐃᐧᔨᓂᐊᐧ, ᒥᑐᓂ ᑭ ᑲᑫᐧᒋᒣᐤ ᐃᔨᑯᕽ ᒣᐧᐦᒋ ᑳ ᓄᑯᓯᔨᐟ ᐊᒐᐦᑯᓴ. 8ᐁᑯᓯ ᑭ ᐃᓯᑎᓴᐁᐧᐤ ᐯᐟᓬᐃᔭᒥᕽ; ᐁ ᑭ ᐃᑖᐟ, ᐃᑐᐦᑌᐠ, ᒥᑐᓂ ᓂᑕᐃᐧ ᓇᓈᑐᓈᕽ ᐅᐢᑲᐋᐧᓯᐢ; ᐃᐢᐱ ᒫᑲ ᑭ ᒥᐢᑲᐋᐧᔦᑯ, ᒥᓇ ᐯ ᐃᐧᐦᑕᒪᐃᐧᑫᐠ ᑭᑕ ᐃᑐᐦᑌᔮᐣ ᓂᐢᑕ ᑭᑕ ᐯ ᐅᒋᐦᒋᐦᑲᐧᓇᐱᐢᑕᐊᐧᐠ. 9ᐃᐢᐱ ᒫᑲ ᑳ ᐯᑕᐋᐧᒋᐠ ᑭᐦᒋ ᐅᑭᒫᐊᐧ ᑭ ᐊᑎ ᓯᐯᐧᑌᐊᐧᐠ: ᐁᑯᓯ ᒋᐢᐟ, ᐊᒐᐦᑯᓴ, ᑳ ᑭ ᐋᐧᐸᒫᒋᐠ ᐋᐧᐸᓄᑖᕽ, ᑭ ᐊᑎ ᓂᑳᓄᑖᑲᐧᐠ ᐱᔨᐢ ᐁ ᑭ ᐊᑎ ᐅᑎᐦᒋᐸᔨᐟ ᒥᓇ ᐁ ᑭ ᑭᐱᒋᔨᐟ ᐊᓂᑕ ᑎᐱᐢᑯᐨ ᑳ ᐊᔮᔨᐟ ᐅᐢᑲᐋᐧᓯᓴ. 10ᐃᐢᐱ ᒫᑲ ᑳ ᐋᐧᐸᒫᒋᐠ ᐊᒐᐦᑯᓴ, ᑭ ᑭᐦᒋ ᒪᒪᐦᑖᑯᓯᐊᐧᐠ ᑭᐦᒋ ᒥᔭᐋᐧᑕᒧᐃᐧᓂᕽ.
11ᐃᐢᐱ ᒫᑲ ᑳ ᐱᐦᑐᑫᒋᐠ ᐋᐧᐢᑳᐦᐃᑲᓂᕽ, ᑭ ᐋᐧᐸᒣᐊᐧᐠ ᐅᐢᑲᐋᐧᓯᓴ ᐊᓯᒋ ᒣᕒᐃᐊᐧ ᐅᑳᐃᐧᔨᐊᐧ, ᐁᑯᓯ ᐁ ᑭ ᐸᐦᑭᓯᐦᑭᐠ, ᐁ ᑭ ᐅᒋᐦᒋᐦᑲᐧᓇᐱᐢᑕᐋᐧᒋᐠ: ᐃᐢᐱ ᒫᑲ ᑳ ᐹᐢᑭᓇᑭᐠ ᐅ ᐁᐧᔪᑎᓯᐃᐧᓂᐋᐧᐊᐧ, ᑭ ᐸᑭᑎᓇᒪᐁᐧᐊᐧᐠ ᒣᑭᐃᐧᓇ; ᐅᓵᐃᐧᓱᓂᔮᐊᐧ, ᒥᓇ ᐃᐧᑭᒫᓯᑲᐣ, ᒥᓇ ᐱᑭᐤ ᐃᐧᔨᑭᒫᑯᓯᔨᐟ. 12ᒫᑲ ᐁ ᐃᐧᐦᑕᒫᑯᒋᐠ ᑭᓭᒪᓂᑐᐊᐧ ᐸᐋᐧᒥᐃᐧᓂᕽ, ᐁᑳ ᑭᑕ ᑭᐁᐧᑐᑕᐋᐧᒋᐠ ᐦᐁᕒᐊᑕ, ᑭ ᐊᑎ ᓯᐯᐧᑌᐊᐧᐠ ᑎᐱᔭᐁᐧ ᐅᐟ ᐊᐢᑭᐋᐧᕽ ᐃᓯ ᑯᑕᐠ ᒣᐢᑲᓈᕽ.
13ᐃᐢᐱ ᒫᑲ ᑳ ᓯᐯᐧᑌᒋᐠ, ᒋᐢᐟ, ᐅᑭᓯᑯᒪ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᐁᐧᔨᐊᐧ ᒍᓯᑊᐊ ᐸᐋᐧᒥᐃᐧᓂᕽ, ᐁ ᐃᑖᐟ, ᐊᐧᓂᐢᑳ, ᒥᓇ ᐅᑎᐣ ᐅᐢᑲᐋᐧᓯᐢ ᒥᓇ ᐅᑳᐃᐧᔭ, ᐁᑯᓯ ᐃᒋᑊᑎᕽ ᐃᑖᒧ, ᐁᑯᑌ ᒫᑲ ᐊᔮ ᐃᔨᑯᕽ ᒥᓇ ᑭᑕ ᐃᐧᐦᑕᒫᑖᐣ; ᒋᑫᒫ ᐦᐁᕒᐊᐟ ᑭᑕ ᓇᓇᑐᓇᐁᐧᐤ ᐅᐢᑲᐋᐧᓯᓴ ᑭᑕ ᓂᓯᐊᐧᓈᒋᐦᐋᐟ. 14ᐃᐢᐱ ᒫᑲ ᑳ ᐊᐧᓂᐢᑳᐟ, ᑭ ᐅᑎᓀᐤ ᐅᐢᑲᐋᐧᓯᓴ ᒥᓇ ᐅᑳᐃᐧᔨᐊᐧ ᐁ ᒣᑳᐧ ᑎᐱᐢᑳᔨᐠ, ᐃᒋᑊᑎᕽ ᐁ ᑭ ᐃᓯ ᓯᐯᐧᑌᐟ: 15#ᐦᐋᓯᔭ 11:1ᐁᑯᑌ ᒫᑲ ᑭ ᐊᔮᐤ ᐱᔨᐢ ᐁ ᑭ ᓂᐱᔨᐟ ᐦᐁᕒᐊᑕ: ᑭᑕ ᑎᐱᐸᔨᔨᐠ ᑳ ᑭ ᐃᑌᐧᐠ ᑳ ᑎᐯᔨᐦᒋᑫᐟ ᐅᑭᐢᑭᐁᐧᐦᐃᑫᐊᐧ ᐅᐦᒋ, ᐁ ᐃᑌᐧᐟ, ᐃᒋᑊᑎᕽ ᐅᐦᒋ ᓂ ᓇᑐᒫᐤ ᓂᑯᓯᐢ.
16ᐁᑯᓯ ᐦᐁᕒᐊᐟ, ᐃᐢᐱ ᑳ ᐋᐧᐹᑕᕽ ᐁ ᐸᐹᐱᓄᑖᑯᐟ ᐃᔨᓂᓯᐃᐧᔨᓂᐊᐧ, ᐊᔨᐋᐧᐠ ᒥᐢᑕᐦᐃ ᑭ ᑭᓯᐋᐧᓯᐤ, ᐁᑯᓯ ᐃᓯᑎᓴᐦᐅᐁᐧᐤ ᐁ ᑭ ᓂᐸᐦᐋᐟ ᒫᑲ ᑲᐦᑭᔭᐤ ᓈᐯ ᐊᐋᐧᓯᓴ ᐯᐟᓬᐃᔭᒥᕽ ᑳ ᐊᔮᔨᐟ, ᒥᓇ ᒥᓯᐁᐧ ᐋᐧᐢᑳ ᐁᑯᑕ ᑳ ᐊᔮᔨᐟ, ᐁ ᓂᓱ ᐱᐳᓀᐧᔨᐟ ᒥᓇ ᓄᑕᐤ ᐃᐢᐱ ᐃᓴ ᐱᑯ ᐅᐦᒋ, ᐊᓂᒪ ᒥᑐᓂ ᑳ ᑭ ᑲᑫᐧᒋᒫᐟ ᐃᔨᓂᓯᐃᐧᔨᓂᐊᐧ. 17ᐁᑯᐢᐱ ᒫᑲ ᑳ ᑎᐱᐸᔨᐠ ᐊᓂᒪ ᑳ ᑭ ᐃᑌᐧᐟ ᒉᕒᐃᒪᔭ ᐅᑭᐢᑭᐁᐧᐦᐃᑫᐤ ᐁ ᐃᑌᐧᐟ,
18 #
ᒉᕒᐃᒫᔭ 31:15
ᐊᓂᑕ ᕒᐁᒪ ᑭ ᒪᑌᐧ ᐯᐦᑖᑯᓯᓈᓂᐃᐧᐤ, ᑭᓯᓈᑕᑌᐧᒧᐃᐧᐣ, ᒥᓇ ᒫᑐᐃᐧᐣ, ᒥᓇ ᑭᐦᒋ ᑲᑳᐧᑕᑲᑌᐧᒧᐃᐧᐣ, ᕒᐁᒋᓬ ᐁ ᒪᐃᐧᑳᑖᐟ ᐅᐟ ᐊᐋᐧᓯᒥᓴ, ᒥᓇ ᓇᒪᐃᐧᔭ ᑭ ᐃᐧ ᒥᔪᑌᐦᐁᐦᐃᑯᓯᐤ, ᒋᑫᒫ ᐁᑳ ᐁ ᐃᐦᑖᔨᐟ.
19ᒫᑲ ᐃᐢᐱ ᐦᐁᕒᐊᐟ ᑳ ᓂᐱᐟ, ᒋᐢᐟ, ᐅᑭᓯᑯᒥᔨᐊᐧ ᑳ ᑎᐯᔨᐦᒋᑫᐟ ᑭ ᓄᑯᐦᐃᓱᐢᑖᐠ ᐸᐋᐧᒥᐃᐧᓂᕽ ᒍᓯᑊ ᐊᓂᑕ ᐃᒋᑊᑎᕽ, 20ᐁ ᐃᑌᐧᔨᐟ, ᐊᐧᓂᐢᑳ, ᒥᓇ ᐅᑎᐣ ᐅᐢᑲᐋᐧᓯᐢ ᒥᓇ ᐅᑳᐃᐧᔭ, ᐃᑐᐦᑌ ᒫᑲ ᐊᓂᑕ ᐅᐟ ᐊᐢᑭᕽ ᐃᐢᕒᐁᐃᓬ; ᒋᑫᒫ ᓵᓴᐩ ᓂᐱᐊᐧᐠ ᐊᓂᑭ ᑳ ᑭ ᓇᓈᑐᓇᐦᑭᐠ ᐅ ᐱᒫᑎᓯᐃᐧᓂᔨᐤ ᐅᐢᑲᐋᐧᓯᓴ. 21ᐁᑯᓯ ᑭ ᐊᐧᓂᐢᑳᐤ, ᐁ ᐅᑎᓈᐟ ᐅᐢᑲᐋᐧᓯᓴ ᒥᓇ ᐅᑳᐃᐧᔨᐊᐧ, ᐁ ᑭ ᐯ ᐃᑐᐦᑌᐟ ᐅᐟ ᐊᐢᑭᕽ ᐃᐢᕒᐁᐃᓬ. 22ᒫᑲ ᐃᐢᐱ ᑳ ᐯᐦᑕᕽ ᐋᕒᑭᓬᐁᐊᐢ ᐁ ᑎᐯᔨᑕᕽ ᐊᓂᑕ ᒍᑎᐊ, ᐁ ᑖᐸᐱᐢᑕᒪᐋᐧᐟ ᐅᑖᐃᐧᔭ ᐦᐁᕒᐊᑕ, ᑭ ᐊᐢᑖᓯᐤ ᑭᑕ ᐃᑐᐦᑌᐟ ᐁᑯᑌ; ᐁ ᑭ ᐃᐧᐦᑕᒫᑯᐟ ᑭᓭᒪᓂᑐᐊᐧ ᒫᑲ ᐸᐋᐧᒥᐃᐧᓂᕽ, ᑭ ᐊᑎ ᐸᐢᑫᑌᐤ ᐊᓂᑌ ᑳᓬᐊᓬᐃᕽ ᐃᓯ. 23#ᒫᕒᐠ 1:24; ᓬᐅᐠ 2:39; ᒑᐣ 1:45ᐁᑯᓯ ᑭ ᐯ ᑕᑯᓯᐣ, ᑭ ᐊᔮᐤ ᒫᑲ ᐊᓂᑕ ᐅᑌᓈᕽ ᓈᓴᕒᐁᐟ ᐁ ᐃᓯᔨᐦᑳᑌᐠ; ᑭᑕ ᐃᓯ ᑎᐱᐸᔨᐠ ᑳ ᑭ ᐃᑌᐧᒋᐠ ᐅᑭᐢᑭᐁᐧᐦᐃᑫᐊᐧᐠ, ᓈᓴᕒᐃᐣ ᐃᓴ ᑭᑕ ᐃᓯᔨᐦᑳᓱ.
Currently Selected:
ᓭᐣᐟ ᒫᐟᔪ 2: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.