ᓬᐃᐱᑎᑲᐢ 21
21
1ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒧᓯᓴ, ᐊᔭᒥᐃᐠ ᐊᔭᒥᐦᐁᐃᐧᔨᓂᐊᐧᐠ ᐅᑯᓯᓴ ᐁᕒᐊᐣ ᒥᓇ ᐅᒥᓯ ᑭ ᑲ ᐃᑖᐊᐧᐠ, ᓇᒪᐃᐧᔭ ᐊᐃᐧᔭᐠ ᑭᑕ ᐃᐧᔨᐱᐅ ᐅᓂᐱᐊᐧ ᐅᐦᒋ ᐅᐟ ᐊᔨᓯᔨᓂᒪ. 2ᐱᑯ ᐅ ᐋᐧᑯᒫᑲᓇ ᑭᓯᐋᐧᐠ ᑳ ᐋᐧᑯᒫᐟ, ᐅᑳᐃᐧᔭ, ᒥᓇ ᐅᑖᐃᐧᔭ, ᒥᓇ ᐅᑯᓯᓴ, ᒥᓇ ᐅᑖᓂᓴ, ᒥᓇ ᐅᒋᐋᐧᒪ. 3ᒥᓇ ᐅᑕᐁᐧᒫᐊᐧ ᑳ ᐅᐢᑭᓂᑭᐢᑫᐧᐃᐧᔨᐟ, ᐊᓂᐦᐃ ᑭᓯᐋᐧᐠ ᑳ ᐋᐧᑯᒫᐟ, ᐊᓂᐦᐃ ᐁᑳ ᑳ ᐅ ᓈᐯᒥᔨᐟ, ᐁᐊᐧᑯᓂ ᐅᐦᒋ ᑭᑕ ᑭ ᐃᐧᔨᐱᐃᓱ. 4ᒫᑲ ᓇᒪᐃᐧᔭ ᑭᑕ ᐃᐧᔨᐱᐃᓱ ᐁ ᓂᑳᓀᔨᑖᑯᓯᐟ ᐃᑕ ᐁ ᐊᔮᔨᐟ ᐅᐟ ᐊᔨᓯᔨᓂᒪ, ᑭᑕ ᐃᐧᔭᑭᐃᓱᐟ. 5#ᓬᐃᐱᑎᑲᐢ 19:27,28; ᑎᔪᑕᕒᐊᓇᒥ 14:1ᓇᒪᐃᐧᔭ ᑭᑕ ᐸᐢᑯᐢᑎᑳᐧᓀᐃᓱᐊᐠ, ᓇᒪᐃᐧᔭ ᒥᓇ ᑭᑕ ᑳᐢᑭᐹᑕᒪᐧᐠ ᐅ ᒥᐦᐃᐢᑐᐋᐧᓂᐋᐧᐊᐧ, ᐊᐦᐳ ᓇᒪᐃᐧᔭ ᑭᑕ ᒪᒫᑎᓱᓱᐊᐧᐠ ᐅ ᐃᐧᔮᓯᐋᐧᕽ. 6ᑭᑕ ᑲᓈᑎᓯᐢᑕᐁᐧᐊᐧᐠ ᐅ ᑭᓭᒪᓂᑐᒥᐋᐧᐊᐧ, ᓇᒪᐃᐧᔭ ᒫᑲ ᑭᑕ ᐱᐁᐧᔨᑖᑯᑖᐁᐧᐊᐧᐠ ᐅ ᐃᐧᔪᐃᐧᓂᔨᐤ ᐅ ᑭᓭᒪᓂᑐᒥᐋᐧᐊᐧ; ᒋᑫᒫ ᐸᑭᑎᓈᓱᐃᐧᓇ ᑳ ᒪᒍᐢᑌᐊᒪᐋᐧᒋᐠ ᑳ ᑎᐯᔨᐦᒋᑫᔨᐟ, ᐅ ᐸᐦᑫᐧᓯᑲᓂᒥᔨᐊᐧ ᐅ ᑭᓭᒪᓂᑐᒥᐋᐊᐧ, ᐸᑭᑎᓈᓱᐊᐧᐠ; ᐁᐊᐧᑯ ᐅᐦᒋ ᑭᑕ ᑲᓈᑎᓯᐊᐧᐠ. 7ᓇᒪᐃᐧᔭ ᑭᑕ ᐃᐧᑭᒣᐊᐧᐠ ᐃᐢᑫᐧᐊᐧ ᑳ ᐱᓯᑳᐧᑎᓯᔨᐟ, ᐊᐦᐳ ᐁᑳ ᑳ ᐯᑭᓯᔨᐟ; ᓇᒪᐃᐧᔭ ᒥᓇ ᑭᑕ ᐃᐧᑭᒣᐊᐧᐠ ᐃᐢᑫᐧᐊᐧ ᑳ ᐁᐧᐱᓂᑯᔨᐟ ᐅ ᓈᐯᒥᔨᐊᐧ, ᒋᑫᒫ ᑲᓈᑎᓯᐢᑕᐁᐧᐤ ᐅ ᑭᓭᒪᓂᑐᒪ. 8ᑭ ᑲ ᑲᓈᒋᐋᐤ ᒫᑲ, ᒋᑫᒫ ᐸᑭᑎᓈᓱ ᐅ ᐸᐦᑫᐧᓯᑲᓂᒥᔨᐊᐧ ᑭ ᑭᓭᒪᓂᑐᒪ; ᑭ ᑲ ᑲᓈᑎᓯᐢᑖᐠ, ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑳ ᑲᓈᒋᐃᑕᑯᐠ, ᓂ ᑲᓈᑎᓯᐣ. 9ᐅᑖᓂᓴ ᒫᑲ ᓈᐣᑕᐤ ᐊᔭᒥᐦᐁᐃᐧᔨᓂᐤ, ᑭᐢᐱᐣ ᐃᐧᔨᐱᐅᒋ ᐁ ᐱᓯᑳᐧᑎᓯᐟ ᐅᐦᒋ, ᐱᐁᐧᔨᑖᑯᐁᐤ ᐅᑖᐃᐧᔭ; ᑭᑕ ᐃᐢᑳᐧᓵᐧᐤ ᐃᐢᑯᑌᐤ ᐅᐦᒋ.
10ᐊᓇ ᒫᑲ ᑳ ᑭᐦᒋ ᐊᔭᒥᐦᐁᐃᐧᔨᓂᐃᐧᐟ ᐃᑕ ᐁ ᐊᔮᔨᐟ ᐅᒋᐋᐧᒪ, ᐊᓇ ᐅᐢᑎᑳᐧᓂᕽ ᑐᒥᓂᑲᓂ ᐱᒥ ᑳ ᑭ ᓯᑭᓂᑳᑌᔨᐠ, ᒥᓇ ᑳ ᑭ ᑲᓈᒋᐃᐦᐟ ᑭᑕ ᐳᓯᐢᑲᕽ ᑭᑭᐢᑳᒋᑲᓇ, ᓇᒪᐃᐧᔭ ᑭᑕ ᐅᐦᐯᐧᑯᑌᔨᐊᐧ ᐃᐧᐢᑕᑲᔭ, ᓇᒪᐃᐧᔭ ᒥᓇ ᑭᑕ ᔮᔨᑭᐱᑕᒼ ᐅ ᑭᑭᐢᑳᒋᑲᓇ. 11ᓇᒪᐃᐧᔭ ᒥᓇ ᑭᑕ ᐱᐦᑐᑫᐤ ᐃᑕ ᐁ ᐊᔮᔨᐠ ᓈᐣᑕᐤ ᓂᐳᐃᐧ ᒥᔭᐤ, ᐊᐦᐳ ᓇᒪᐃᐧᔭ ᑭᑕ ᐃᐧᔨᐱᐃᓱ ᐅᑖᐃᐧᔭ ᐅᐦᒋ ᐊᐦᐳ ᐅᑳᐃᐧᔭ ᐅᐦᒋ. 12ᐊᐦᐳ ᓇᒪᐃᐧᔭ ᑲᓈᒋᑲᒥᑯᕽ ᑭᑕ ᐅᐦᒋ ᐊᐧᔭᐃᐧᐤ, ᒥᓇ ᓇᒪᐃᐧᔭ ᑭᑕ ᐱᐁᐧᔨᑖᑯᑖᐁᐧᐤ ᐅ ᑲᓈᒋᑲᒥᑯᔨᐤ ᐅ ᑭᓭᒪᓂᑐᒪ, ᒋᑫᒫ ᐁ ᑭᑲᐢᑐᑎᓇᐃᐦᐟ ᐅ ᑐᒥᓂᑲᓂ ᐱᒥᒥᔨᐤ ᐅ ᑭᓭᒪᓂᑐᒪ ᑭᑭᐢᑳᐠ; ᓂᔭ ᑳ ᑎᐯᔨᐦᒋᑫᔮᐣ. 13ᑭᑕ ᐃᐧᑭᒣᐤ ᒫᑲ ᐃᐢᑫᐧᐊᐧ ᐁ ᐅᐢᑭᓂᑭᐢᑫᐧᐃᐧᔨᐟ. 14ᓯᑳᐃᐧᐢᑫᐧᐊᐧ, ᐊᐦᐳ ᐁᐧᐱᓂᐢᑫᐧᐋᐧᓇ, ᐊᐦᐳ ᐁᑳ ᑳ ᐯᑭᓯᔨᐟ, ᐊᐦᐳ ᑳ ᐱᓯᑳᐧᑎᓯᔨᐟ, ᐁᐊᐧᑯᓂ ᐅᐦᐃ ᓇᒪᐃᐧᔭ ᑭᑕ ᐅᑎᓀᐤ; ᒫᑲ ᑭᑕ ᐃᐧᐃᐧᐤ ᐅᐢᑭᓂᑭᐢᑫᐧᐊᐧ ᐃᐧᔭ ᑎᐱᔭᐤ ᐅᐟ ᐊᔨᓯᔨᓂᒪ ᐅᐦᒋ. 15ᓇᒪᐃᐧᔭ ᒥᓇ ᑭᑕ ᐱᐁᐧᔨᑖᑯᐁᐤ ᐅᐟ ᐊᐋᐧᓯᒥᓴ ᐃᑕ ᐁ ᐊᔮᔨᐠ ᐅᐟ ᐊᔨᓯᔨᓂᒪ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑳ ᑲᓈᒋᐊᐠ.
16ᑳ ᑎᐯᔨᐦᒋᑫᐟ ᒫᑲ ᑭ ᐊᔭᒥᐦᐁᐤ ᒧᓯᓴ, ᐁ ᐃᑌᐧᐟ, 17ᐃᐧᐦᑕᒪᐤ ᐁᕒᐊᐣ ᐅᒥᓯ ᐁ ᐃᑕᐟ. ᐱᑯ ᐊᐃᐧᔭᐠ ᑭᐟ ᐊᐋᐧᓯᒥᓴᐠ ᐁ ᐊᑎ ᐋᔮᓂᐢᑫ ᐱᒫᑎᓯᒋᐠ ᒫᐢᑭᓯᒋ, ᐁᑳᐃᐧᔭ ᑭᓯᐊᐧᐠ ᑭᑕ ᐯ ᐃᑐᐦᑌᐤ ᑭᑕ ᐸᑭᑎᓈᐟ ᐅ ᐸᐦᑫᐧᓯᑲᓂᒥᔨᐊᐧ ᐅ ᑭᓭᒪᓂᑐᒪ. 18ᒋᑫᒫ ᐊᐃᐧᔭᐠ ᐊᔨᓯᔨᓂᐤ ᐁ ᒫᐢᑭᓯᐟ, ᓇᒪᐃᐧᔭ ᑭᓯᐋᐧᐠ ᑭᑕ ᐯ ᐃᑐᐦᑌᐤ; ᐁᑳ ᐁ ᐋᐧᐱᐟ ᐊᔨᓯᔨᓂᐤ, ᐊᐦᐳ ᐁ ᒫᐢᑭᑲᑌᐟ, ᐊᐦᐳ ᐊᓇ ᑳ ᓇᐸᑭᑯᑌᐟ, ᐊᐦᐳ ᐱᑐᐢ ᑫᑲᐧᐩ ᑳ ᒫᔨᓈᑲᐧᕽ. 19ᐊᐦᐳ ᐊᔨᓯᔨᓂᐤ ᑳ ᐱᑯᓯᑌᐸᔨᐟ ᐊᐦᐳ ᐁ ᐱᑯᒋᐦᒉᐸᔨᐟ. 20ᐊᐦᐳ ᐁ ᐋᐧᑭᐱᐢᑲᐧᓀᐟ, ᐊᐦᐳ ᐁ ᒫᐢᑭᑭᐟ, ᐊᐦᐳ ᐊᓇ ᑳ ᒫᐢᑭᓯᐟ ᐅᐢᑭᓯᑯᕽ, ᐊᐦᐳ ᐁ ᒪᒋᑭᐟ, ᐊᐦᐳ ᐁ ᐅᒥᑭᐟ, ᐊᐦᐳ ᐊᓇ ᑳ ᐱᑯᐸᔨᔨᐟ ᐅᐟ ᐊᓯᓂᒪ. 21ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑳ ᒫᐢᑭᓯᔨᐟ ᐅᐟ ᐊᐋᐧᓯᒥᓴ ᐁᕒᐊᐣ ᐊᔭᒥᐦᐁᐃᐧᔨᓂᐤ ᑭᓯᐋᐧᐠ ᑭᑕ ᐯ ᐃᑐᐦᑌᐤ ᑭᑕ ᐸᑭᑎᓇᒪᐋᐧᐟ ᐸᑭᑎᓈᓱᐃᐧᓇ ᑳ ᑎᐯᔨᐦᒋᑫᔨᐟ ᐃᐢᑯᑌᐤ ᐅᐦᒋ; ᐊᔮᐤ ᒫᐢᑭᓯᐃᐧᐣ; ᓇᒪᐃᐧᔭ ᑭᓯᐋᐧᐠ ᑭᑕ ᐯ ᐃᑐᐦᑌᐤ ᑭᑕ ᐸᑭᑎᓈᓱᐟ ᐅ ᐸᐦᑫᐧᓯᑲᓂᒥᔨᐊᐧ ᐅ ᑭᓭᒪᓂᑐᒪ. 22ᑭᑕ ᒧᐁᐧᐤ ᐅ ᐸᐦᑫᐧᓯᑲᓂᒥᔨᐊᐧ ᐅ ᑭᓭᒪᓂᑐᒪ, ᒫᐊᐧᐨ ᑳ ᑲᓈᑎᓯᔨᐟ ᒥᓇ ᑳ ᑲᓈᑎᓯᔨᐟ. 23ᐱᑯ ᓇᒪᐃᐧᔭ ᑭᑕ ᐱᐦᑐᑫᐤ ᐋᑯᔦᑲᐦᐃᑲᓂᕽ, ᐊᐦᐳ ᓇᒪᐃᐧᔭ ᑭᓯᐋᐧᐠ ᑭᑕ ᐯ ᓈᑕᒼ ᐸᑭᑎᓈᓯᐃᐧᓈᐱᐢᑯᔨᐤ, ᒋᑫᒫ ᒫᐢᑭᓯᐤ; ᐁᑳ ᑭᑕ ᐱᐁᐧᔨᑖᑯᑖᐟ ᓂ ᑲᓈᒋᑲᒥᑲᐧ; ᒋᑫᒫ ᓂᔭ ᑳ ᑎᐯᔨᐦᒋᑫᔮᐣ ᑳ ᑲᓈᒋᐦᑖᔮᐣ. 24ᐁᑯᓯ ᒧᓯᐢ ᑭ ᐃᐧᐦᑕᒪᐁᐧᐤ ᐁᕒᐊᓇ, ᒥᓇ ᐅᑯᓯᓯᔨᐊᐧ, ᒥᓇ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ.
Currently Selected:
ᓬᐃᐱᑎᑲᐢ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
