ᒑᐢᔪᐊ 8
8
1ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒑᐢᔪᐊᐊᐧ; ᐁᑳᐃᐧᔭ ᑯᐢᑕᒋ, ᐊᐦᐳ ᐁᑳᐃᐧᔭ ᓵᑫᐧᔨᒧ; ᐅᑎᓂᐠ ᑲᐦᑭᔭᐤ ᓇᑐᐸᔨᐃᐧᔨᓂᐊᐧᐠ, ᐸᓯᑯᐠ ᒫᑲ, ᐃᑐᐦᑌᐠ ᐁᐊᐩ; ᒋᐢᐟ, ᓂ ᑭ ᐸᑭᑎᓇᐤ ᑭᒋᒋᕽ ᐁᐊᐩ ᑭᐦᒋ ᐅᑭᒫᐤ, ᒥᓇ ᐅᑕᔨᓯᔨᓂᒪ, ᒥᓇ ᐅᑐᑌᓇᐤ, ᒥᓇ ᐅᑕᐢᑭ: 2ᑭ ᑳ ᑐᑌᐣ ᒫᑲ ᐊᓂᒪ ᐁᐊᐩ ᒥᓇ ᐅᑭᐦᒍᑭᒪᒪ, ᒣᐧᐦᒋ ᑳ ᑭ ᑐᑕᒪᐣ ᒉᕒᐃᑯ ᒥᓇ ᐅᑭᐦᒍᑭᒪᒪ; ᐱᑯ ᒪᐢᑲᑌᐧᐃᐧᐣ, ᒥᓇ ᐱᓯᐢᑭᐊᐧᐠ, ᑭ ᑲ ᒪᓂᐊᐧᑌᐢᑕᒫᓱᓈᐋᐧᐤ; ᓄᒋᒥᕽ ᐃᑌᐦᑫ ᐅᑌᓇᐤ ᐅᐦᒋ ᐊᓴᐧᐊᒧᐠ.
3ᐁᑯᓯ ᒑᐢᔪᐊ ᑭ ᐸᓯᑯ, ᒥᓇ ᑲᐦᑭᔭᐤ ᓇᑐᐸᔨᐃᐧᔨᓂᐊᐧᐠ ᑭᑕ ᒪᐃᐧᓀᐢᑲᑭᐠ ᐁᐊᐩ; ᒑᐢᔪᐊ ᒫᑲ ᑭ ᓇᐊᐧᓱᓀᐤ ᓂᐢᑖᐧᐤ ᑭᐦᒋ ᒥᑖᑐᒥᑕᓇᐤ ᐁ ᓱᑲᑎᓯᔨᐟ ᓇᑐᐸᔨᐃᐧᔨᓂᐊᐧ, ᐁᑯᓯ ᑭ ᓂᐹ ᓯᐯᐧᑎᓴᐁᐧᐤ. 4ᑭ ᓯᑭᒣᐤ ᒫᑲ, ᐁ ᐃᑖᐟ, ᒋᐢᐟ, ᑭ ᑳ ᐊᓴᐧᐁᓈᐋᐧᐤ ᐅᑌᓇᐤ, ᓄᐦᒋᒥᕽ ᐃᑌᐦᑫ; ᐁᑳᐃᐧᔭ ᓈᐢᐱᐨ ᐋᐧᔭᐤ ᐅᓵᐸᑕᒧᐠ ᐅᑌᓇᐤ, ᒫᑲ ᑳ ᐃᑕᓯᔦᐠ ᑲᐧᔭᒋᐠ. 5ᓂᔭ ᒫᑲ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐃᐧᒉᐃᐧᒋᐠ, ᓂ ᑳ ᐯ ᐃᑐᑕᓇᐣ ᐅᑌᓈᕽ; ᑭᑕ ᐅᑎᐦᒋᐸᔨᐤ ᒫᑲ, ᐃᐢᐱ ᐯ ᒪᐃᐧᓀᐅᑯᔮᑲᐧᐃᐧ, ᑖᐱᐢᑯᐨ ᓂᐢᑕᒼ, ᓂ ᑲ ᑕᐸᓯᐦᐋᓈᓇᐠ. 6(ᒋᑫᒫ ᓂ ᑲ ᐯ ᐱᒥᑎᓴᐦᐅᑯᓈᓇᐠ) ᐱᔨᐢ ᑭᑕ ᓯᐯᐧᐃᐧᔭᑭᒋᐠ ᐅᑌᓈᕽ ᐅᐦᒋ; ᒋᑫᒫ ᑭᑕ ᐃᑌᐧᐊᐧᐠ, ᑭ ᑕᐸᓯᐦᐃᑯᓇᐊᐧᐠ, ᑖᐱᐢᑯᐨ ᓂᐢᑕᒼ; ᐁᐊᐧᑯ ᒫᑲ ᐅᐦᒋ ᓂ ᑳ ᑕᐸᓯᐊᓇᓂᐠ. 7ᐁᑯᐢᐱ ᒫᑲ ᑭ ᑲ ᐸᓯᑯᓈᐋᐧᐤ ᐊᓴᐧᐃᑲᓂᕽ ᐅᐦᒋ, ᑭᑕ ᐅᑎᓇᒣᐠ ᐅᑌᓇᐤ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐸᑭᑎᓇᒼ ᑭᒋᒋᐊᐧᕽ. 8ᑭᑕ ᐃᐦᑭᐣ ᒫᑲ, ᐃᐢᐱ ᑭ ᐅᑎᓇᒣᑯ ᐅᑌᓇᐤ, ᑭ ᑲ ᓴᐢᑲᐦᐁᓈᐋᐧᐤ ᐅᑌᓇᐤ; ᒣᐧᐦᒋ ᑳ ᐃᓯ ᓯᑭᒥᐁᐧᐟ ᑳ ᑎᐯᔨᐦᒋᑫᐟ ᑭ ᑲ ᑐᑌᓈᐋᐧᐤ. ᒋᐢᐟ ᑭ ᑭ ᓯᑭᒥᑎᓈᐋᐧᐤ.
9ᒑᐢᔪᐊ ᒫᑲ ᑭ ᓯᐯᐧᑎᓴᐁᐧᐤ; ᑭ ᓯᐯᐧᑌᐊᐧᐠ ᒫᑲ ᐁ ᑭ ᓇᑕᐃᐧᐊᓴᐧᐃᑫᒋᐠ, ᐁ ᑭ ᐊᔮᒋᐠ ᑕᐢᑕᐃᐧᐨ ᐯᐦᑎᓬ ᒥᓇ ᐁᐊᐩ, ᓀᑲᐯᐊᓄᕽ ᐃᑌᐦᑫ ᐁᐊᐩ; ᒫᑲ ᒑᐢᔪᐊ ᑭ ᐃᐧᒋᐊᔭᒣᐤ ᐊᔨᓯᔨᓂᐊᐧ ᐁᐊᐧᑯ ᐁ ᑎᐱᐢᑲᔨᐠ. 10ᒑᐢᔪᐊ ᒫᑲ ᐃᐧᐸᐨ ᑫᑭᓭᑊ ᑭ ᐊᐧᓂᐢᑳᐤ, ᐁ ᑭ ᐊᑭᒪᐟ ᐊᔨᓯᔨᓂᐊᐧ, ᐁᑯᓯ ᐁ ᑭ ᐃᑐᐦᑌᐟ, ᐃᐧᔭ ᒥᓇ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬᐊ, ᐁ ᓂᑲᓄᑕᐊᐧᐟ ᐊᔨᓯᔨᓂᐊᐧ ᐁᐊᐩ ᐃᓯ. 11ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ, ᐊᓂᑭ ᐃᓴ ᐱᑯ ᓇᑐᐸᔨᐃᐧᔨᓂᐊᐧᐠ ᑳ ᑭ ᐃᐧᒉᐊᐧᒋᐠ, ᑭ ᐃᑐᐦᑌᐊᐧᐠ, ᒥᓇ ᑭᓯᐊᐧᐠ ᐁ ᑭ ᐊᑎ ᐃᑐᐦᑌᒋᐠ, ᒥᓇ ᐁ ᑭ ᑕᑯᓯᐦᑭᐠ ᐅᑌᓈᕽ, ᐁᑯᓯ ᐁ ᑭ ᑲᐯᓯᒋᐠ ᑭᐁᐧᑎᓄᕽ ᐃᑌᐦᑫ ᐁᐊᐩ; ᑭ ᐊᐧᔭᑎᓇᔨᐤ ᒫᑲ ᑕᐢᑕᐃᐧᐨ ᐃᑕ ᑳ ᐊᔮᒋᐠ ᒥᓇ ᐁᐊᐩ. 12ᑭ ᐅᑎᓀᐤ ᒫᑲ ᓈᓂᑕᐤ ᓂᔭᓇᐣ ᑭᐦᒋ ᒥᑖᑐᒥᑕᓇᐤ ᐊᔨᓯᔨᓂᐊᐧ, ᐁᑯᓯ ᐁ ᑭ ᐅᔭᔮᐟ ᑭᑕ ᐊᓴᐧᐃᑫᔨᐟ ᑕᐢᑕᐃᐧᐨ ᐊᓂᑕ ᐯᐦᑎᓬ ᒥᓇ ᐁᐊᐩ, ᓀᑲᐯᐊᓄᕽ ᐃᑌᐦᑫ ᐅᑌᓈᕽ. 13ᐃᐢᐱ ᒫᑲ ᑳ ᐅᔭᔮᒋᐠ ᐊᔨᓯᔨᓂᐊᐧ, ᑲᐦᑭᔭᐤ ᐃᓴ ᐱᑯ ᐅᓇᑐᐸᔨᐊᐧ ᑭᐁᐧᑎᓄᕽ ᐃᑌᐦᑫ ᐅᑌᓈᕽ ᑳ ᑭ ᐊᔭᔨᐟ, ᒥᓇ ᐊᓂᐦᐃ ᐅᑕᓴᐧᐃᑫᒥᐋᐧᐊᐧ ᓀᑲᐯᐊᓄᕽ ᐃᑌᐦᑫ ᐅᑌᓈᕽ ᐁ ᐊᓴᐧᐃᑫᔨᐟ, ᒑᐢᔪᐊ ᐁᑯᐢᐱ ᐁ ᑎᐱᐢᑲᔨᐠ ᑭ ᐃᑐᐦᑌᐤ ᑕᐢᑕᐃᐧᐨ ᐊᐧᔭᑎᓇᕽ.
14ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᐁᐊᐩ ᑭᐦᒋ ᐅᑭᒫᐤ ᑳ ᐋᐧᐸᐦᑕᕽ, ᑭ ᑲᐧᑫᐧᒋᔭᐅᐊᐧᐠ, ᐃᐧᐸᐨ ᐁ ᑭ ᐊᐧᓂᐢᑳᒋᐠ, ᐊᓂᑭ ᒫᑲ ᓈᐯᐊᐧᐠ ᐅᑌᓈᕽ ᑭ ᐊᐧᔭᐃᐧᐊᐧᐠ ᐁ ᑭ ᓂᑕᐃᐧ ᓄᑎᓇᒋᐠ ᐃᐢᕒᐁᐃᓬᐊ, ᐃᐧᔭ ᒥᓇ ᑲᐦᑭᔭᐤ ᐅᑕᔨᓯᔨᓂᒪ, ᐃᐢᐱ ᐁ ᐅᑎᐦᒋᐸᔨᔨᐠ, ᒋᑭ ᒪᐢᑯᑌᕽ; ᒫᑲ ᓇᒪᐃᐧᔭ ᑭ ᑭᐢᑫᔨᑕᒼ ᐁ ᑭ ᐊᓴᐧᐅᑯᐟ ᐅᐢᐱᐢᑲᐧᓇᔨᕽ ᐅᑌᓇᕽ. 15ᒑᐢᔪᐊ ᒫᑲ ᒥᓇ ᑲᐦᑭᔭᐤ ᐃᐢᕒᐁᐃᓬᐊᐠ ᑭ ᐃᓯᓈᑯᓯᐊᐧᐠ ᒪᓇ ᐱᑯ ᐁ ᓴᑯᐃᑯᒋᐠ, ᐁᑯᓯ ᐱᑲᐧᑕᐢᑲᒥᑲᕽ ᐁ ᑭ ᐊᑎ ᐃᑕᒧᒋᐠ. 16ᑲᐦᑭᔭᐤ ᒫᑲ ᐊᓂᑭ ᐊᔨᓯᔨᓂᐊᐧᐠ ᑳ ᑭ ᐊᔮᒋᐠ ᐊᓂᑕ ᐁᐊᐩ ᑭ ᒪᒪᐃᐧ ᓇᑐᒪᐊᐧᐠ ᑭᑕ ᐱᒥᑎᓴᐦᐊᐧᒋᐠ: ᑭ ᐱᒥᑎᓴᐁᐧᐊᐧᐠ ᒫᑲ ᒑᐢᔪᐊᐊᐧ ᐁᑯᓯ ᐁ ᑭ ᓯᐯᐧᑕᐃᑯᒋᐠ ᐅᑌᓈᕽ ᐅᐦᒋ. 17ᓇᒪᐋᐧᐨ ᒫᑲ ᐯᔭᐠ ᓈᐯᐤ ᑭ ᓇᑲᑕᐤ ᐊᓂᑕ ᐁᐊᐩ ᐊᐦᐳ ᐯᐦᑎᓬ, ᐊᓇ ᐁᑳ ᑳ ᐱᒥᑎᓴᐋᐧᐟ ᐃᐢᕒᐁᐃᓬᐊ; ᑭ ᐃᓯ ᓇᑲᑕᒪᐧᐠ ᒫᑲ ᐅᑌᓇᔨᐤ ᐁ ᐸᐢᑭᑌᑯᑌᔨᐠ, ᐁ ᑭ ᐱᒥᑎᓴᐦᐊᐧᒋᐠ ᒫᑲ ᐃᐢᕒᐁᐃᓬᐊ.
18ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒐᐢᔪᐋᐧᐊᐧ, ᐃᓯ ᓱᐃᐧᓇ ᐊᓂᒪ ᑕᑲᒋᑲᐣ ᑳ ᑕᑯᓇᒪᐣ ᐊᓂᑕ ᐁᐊᐩ ᐁᓯ; ᒋᑫᒫ ᓂ ᑲ ᐸᑭᑎᓀᐣ ᑭᒋᒋᕽ. ᒑᐢᔪᐊ ᒫᑲ ᑭ ᐃᓯ ᓱᐃᐧᓇᒼ ᐊᓂᒪ ᑕᑲᒋᑲᓂᔨᐤ ᑲ ᑕᑯᓇᕽ ᐅᒋᒋᕽ ᐊᓂᑕ ᐅᑌᓈᕽ. 19ᐊᓂᑭ ᒫᑲ ᐅᑕᓴᐧᐃᑫᐊᐧᐠ ᑭᔨᐱ ᑭ ᐸᓯᑯᐊᐧᐠ ᐃᑕ ᑳ ᐊᔮᒋᐠ ᐅᐦᒋ, ᑭ ᐃᐢᐸᑕᐊᐧᐠ ᒫᑲ ᐃᐢᐱ ᑳ ᓱᐃᐧᓂᐢᑫᔨᐟ, ᑭ ᐱᐦᑐᑫᐊᐧᐠ ᒫᑲ ᐅᑌᓈᕽ, ᐁ ᑭ ᐅᑎᓇᑭᐠ, ᒥᓇ ᑭ ᑲᑫᐧᒋᔮᐅᐊᐧᐠ ᐁ ᑭ ᓴᐢᑲᐊᑭᐠ ᐅᑌᓇᔨᐤ. 20ᐃᐢᐱ ᒫᑲ ᐊᓂᑭ ᐁᐊᐩ ᓈᐯᐊᐧᐠ ᐅᑖᓇᑭᒥᐊᐧᕽ ᑳ ᐃᑕᐱᒋᐠ, ᑭ ᐋᐧᐸᐦᑕᒪᐧᐠ, ᒋᐢᐟ ᒫᑲ, ᐁ ᑲᐢᑲᐸᑌᐠ ᐅᑌᓇᐤ ᑭ ᐃᐢᐸᑫᔭᐸᑌᐤ, ᓇᒪᐃᐧᔭ ᒫᑲ ᑭ ᑲᐢᑭᑕᐊᐧᐠ ᐅᑌ ᐃᑌᐦᑫ ᑭᑕ ᐃᑕᒧᒋᐠ ᐊᐦᐳ ᓀᑌ ᐃᑌᐦᑫ; ᐊᓂᑭ ᒫᑲ ᐊᔨᓯᔨᓂᐊᐧᐠ ᐱᑲᐧᑕᐢᑲᒥᑲᕽ ᑳ ᐃᑕᒧᐊᐧᐸᐣ ᑭ ᐊᐸᒥᐢᑕᐁᐧᐊᐧᐠ ᐅᐱᒥᑎᓴᐃᑫᐊᐧ. 21ᐃᐢᐱ ᒫᑲ ᒑᐢᔪᐊ ᒥᓇ ᑲᐦᑭᔭᐤ ᐃᐢᕒᐁᐃᓬᐊᐠ ᑳ ᐋᐧᐸᐦᑕᐦᑭᐠ, ᐊᓂᐦᐃ ᐅᑕᓴᐧᐃᑫᐊᐧ ᐁ ᑭ ᐅᑎᓇᒥᔨᐟ ᐅᑌᓇᔨᐤ, ᒥᓇ ᐁ ᑲᐢᑲᐸᑌᔨᐠ ᐅᑌᓇᔨᐤ ᐁ ᑭ ᐃᐢᐸᑫᐸᔨᔨᐠ, ᑲᐃᐧ ᑭ ᑫᐧᐢᑭᐊᐧᐠ, ᐁ ᑭ ᓂᐸᐊᒋᐠ ᐁᐊᐩ ᓈᐯᐊᐧ. 22ᑯᑕᑲᐠ ᒫᑲ ᐅᑌᓈᕽ ᑭ ᐅᐦᒋ ᒧᐢᑭᐢᑕᐁᐧᐊᐧᐠ; ᐁᑯᓯ ᑕᐢᑕᐃᐧᐨ ᐃᐢᕒᐁᐃᓬᐃᕽ ᑭ ᐊᔭᐊᐧᐠ, ᐋᑎᐦᐟ ᐅᑌ ᐃᑌᐦᑫ, ᐋᑎᐦᐟ ᓀᑌ ᐃᑌᐦᑫ; ᑭ ᓂᐸᐁᐊᐧᐠ ᒫᑲ, ᐁᑯᓯ ᓇᒪᐋᐧᐨ ᐯᔭᐠ ᑭ ᐃᐢᑯᐁᐊᐧᐠ ᐊᐦᐳ ᑭ ᐸᐢᐱᔨᐊᐧ. 23ᐁᐊᐩ ᑭᐦᒋ ᐅᑭᒫᐊᐧ ᒫᑲ ᑭᑭᔨᓂᑫ ᑭ ᐅᑎᓀᐊᐧᐠ, ᐁ ᑭ ᐯᑕᒪᐊᐧᒋᐠ ᒑᐢᔪᐊᐊᐧ.
24ᑭ ᐊᔨᑭᐣ ᒫᑲ ᐃᐢᐱ ᐃᐢᕒᐁᐃᓬᐊᐠ ᑳ ᐳᓂ ᓂᐸᐊᒋᐠ ᑲᐦᑭᔭᐤ ᑳ ᐅᑕᐢᑭᔨᐟ ᐁᐊᐃᕽ ᑭᐢᑎᑲᓂᕽ ᒥᓇ ᐊᓂᑕ ᐱᑲᐧᑕᐢᑲᒥᑲᕽ ᐃᑕ ᑳ ᑭ ᐃᓯᑎᓴᐦᐅᑯᒋᐠ, ᒥᓇ ᐃᐢᐱ ᑲᐦᑭᔭᐤ ᑳ ᐸᐦᑭᓯᓂᔨᐟ ᐁᓯ ᑭᓇᐠ ᓯᒪᑲᐣ ᐅᐦᒋ, ᐱᔨᐢ ᐁ ᑭ ᒐᑭᐊᒋᐠ, ᑲᐦᑭᔭᐤ ᐃᐢᕒᐁᐃᓬᐊᐃᑕᐠ ᑭ ᐃᑐᐦᑌᐊᐧᐠ ᐊᓂᑕ ᐁᐊᐃᕽ ᐁ ᑭ ᓂᐸᑕᒋᐠ ᐁᓯ ᑭᓇᐠ ᓯᒪᑲᐣ ᐅᐦᒋ. 25ᐁᑯᓯ ᒫᑲ ᑭ ᐃᐦᑭᐣ, ᑲᐦᑭᔭᐤ ᐊᓂᑭ ᑳ ᓂᐱᒋᐠ ᐁᑯᐢᐱ ᐁ ᑭᓯᑳᔨᐠ, ᓈᐯᐊᐧᐠ, ᒥᓇ ᐃᐢᑫᐧᐊᐧᐠ, ᒥᑖᑕᐦᐟ ᓂᓱᓵᑊ ᑭᐦᒋ ᒥᑖᑐᒥᑕᓇᐤ, ᑲᐦᑭᔭᐤ ᐃᓴ ᐱᑯ ᐁᐊᐩ ᐊᔨᓯᔨᓂᐊᐧᐠ. 26ᒋᑫᒫ ᒑᐢᔪᐊ ᓇᒪᐃᐧᔭ ᑭ ᐊᓭᓂᐢᑫᔨᐤ, ᐃᑕ ᑳ ᐅᐦᒋ ᓱᐃᐧᓇᕽ ᑕᑲᒋᑲᓂᔨᐤ, ᐹᑎᒫ ᐃᔨᑯᕽ ᒥᑐᓂ ᐁ ᑭ ᓂᓯᐊᐧᓈᒋᐊᐟ ᑲᐦᑭᔭᐤ ᐊᓂᐦᐃ ᑳ ᐅᑕᐢᑭᔨᐟ ᐁᐊᐃᕽ. 27ᐱᑯ ᐊᐊᐧᑳᓇ ᒥᓇ ᒪᐢᑲᑌᐧᐃᐧᓇ ᐁᑯᑕ ᐅᑌᓈᕽ ᐅᐦᒋ, ᐃᐢᕒᐁᐃᓬᐊᐠ ᑭ ᒪᓂᐊᐧᑌᐢᑕᒫᓱᐊᐧᐠ, ᒣᐧᐦᒋ ᑳ ᑭ ᐃᑌᐧᐟ ᑳ ᑎᐯᔨᐦᒋᑫᐟ ᐁ ᓯᑭᒪᐟ ᒑᐢᔪᐊᐊᐧ. 28ᒑᐢᔪᐊ ᒫᑲ ᑭ ᓴᐢᑲᐊᒼ ᐁᐊᐩ ᐁ ᑭ ᐱᐢᑯᑎᑕᐟ ᑲᑭᑫ, ᐁ ᐱᑲᐧᑕᐢᑲᒥᑯᐊᐧᕽ ᐱᔨᐢ ᐊᓄᐦᐨ ᑳ ᑭᓯᑳᐠ. 29ᐁᐊᐩ ᑭᐦᒋ ᐅᑭᒫᐊᐧ ᒫᑲ ᑭ ᐊᑯᑌᐤ ᐊᓂᑕ ᒥᐢᑎᑯᕽ ᐁ ᐅᑖᑯᓯᓂᔨᐠ ᐃᐢᑯ; ᐃᐢᐱ ᒫᑲ ᑳ ᐸᐦᑭᓯᒧᐠ, ᒑᐢᔪᐊ ᑭ ᓯᑭᑫᒧ ᑭᑕ ᓂᑎᓇᒧᐟ ᐃᐧᔭᐃᐧᔨᐤ ᒥᐢᑎᑯᕽ ᐅᐦᒋ, ᐁᑯᓯ ᑭᑕ ᐃᓯ ᐁᐧᐱᓇᒧᐟ ᐊᓂᑕ ᑳ ᐅᐦᒋ ᐱᐦᑐᑫᒧᐠ ᐃᐢᑲᐧᑌᒼ ᐅᑌᓈᕽ, ᐁᑯᑕ ᒫᑲ ᑭᑕ ᐃᐧᐢᑎᑫᔮᒋᐠ ᐊᓯᓂᔭ, ᑫᔮᐱᐨ ᑳ ᐊᔭᔨᐟ ᐊᓄᐦᐨ ᑳ ᑭᓯᑳᐠ.
30 #
ᑎᔪᑕᕒᐊᓇᒥ 27:2-8
ᐁᑯᐢᐱ ᒫᑲ ᒑᐢᔪᐊ ᑭ ᐸᑭᑎᓇᓱᐃᐧᓇᐱᐢᑯᑲᐁᐧᐤ ᑳ ᑎᐯᔨᐦᒋᑫᔨᐟ ᐅᑭᓭᒪᓂᑐᒥᔨᐊᐧ ᐃᐢᕒᐁᐃᓬ ᐊᓂᑕ ᐃᐸᓬ ᐊᐧᒋᕽ. 31#ᐁᐠᓴᑕᐢ 20:25ᒣᐧᐦᒋ ᒧᓯᐢ ᐅᐟ ᐊᑐᐢᑫᔮᑲᓇ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᒪᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓯᔨᐊᐧ, ᒣᐧᐦᒋ ᑳ ᐃᑕᓯᓇᐃᑲᑌᐠ ᐊᓂᑕ ᒪᓯᓇᐦᐃᑲᓂᕽ ᐅᑎᑕᓱᐁᐧᐃᐧᓂᕽ ᒧᓯᐢ, ᐸᑭᑎᓇᓱᐃᐧᓇᐱᐢᐠ ᐁ ᒥᓯᐁᐧᔭᐱᐢᑭᓯᒋᐠ ᐊᓯᓂᔭᐠ, ᐊᓂᐦᐃ ᐊᔨᓯᔨᓂᐤ ᐁᑳ ᑳ ᑭ ᐅᐦᐱᓇᒪᐋᐧᐟ ᐱᐊᐧᐱᐢᑯᔨᐤ. ᐁᑯᑕ ᒫᑲ ᑭ ᐸᑭᑎᓇᒪᐁᐧᐊᐧᐠ ᒪᒍᐢᑌᐊᒪᑫᐃᐧᓇ ᑳ ᑎᐯᔨᐦᒋᑫᔨᐟ, ᒥᓇ ᐁ ᑭ ᐸᑭᑎᓈᓱᒋᐠ ᑭᔭᒣᐃᐧᓯᐃᐧ ᐸᑭᑎᓇᓱᐃᐧᓇ. 32ᐁᑯᑕ ᒫᑲ ᐊᓯᓂᕽ ᑭ ᑕᐸᓯᓇᐊᒼ ᐅᑎᑕᓱᐁᐧᐃᐧᓂᔨᐤ ᒧᓯᐢ, ᐊᓂᒪ ᑳ ᑭ ᒪᓯᓇᐦᐊᑭᐸᐣ ᐊᓂᑕ ᐁᑕᐢᑕᒥᔨᐟ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ. 33#ᑎᔪᑕᕒᐊᓇᒥ 11:29; 27:11-14ᑲᐦᑭᔭᐤ ᒫᑲ ᐃᐢᕒᐁᐃᓬᐊᐠ, ᒥᓇ ᐅᓂᑲᓀᔨᑖᑯᓯᒥᐋᐧᐊᐧ, ᐅᑐᑭᒪᓯᓯᒥᐋᐧᐊᐧ, ᒥᓇ ᐅᑐᔭᓱᐁᐧᒥᐋᐧᐊᐧ, ᑭ ᓂᐸᐃᐧᐊᐧᐠ ᐅᑌ ᐃᑌᐦᑫ ᑭᐢᑭᓄᐊᐧᒋᐅᐃᐧᓂᐊᐧᑎᕽ, ᒥᓇ ᓀᑌ ᐃᑌᐦᑫ ᐁᑕᐢᑕᒥᔨᐟ ᐊᔭᒥᐦᐁᐃᐧᔨᓂᐊᐧ ᓬᐃᐸᐃᑕ, ᐊᓂᐦᐃ ᑳ ᐱᒧᑕᑕᔨᐟ ᐅ ᑭᐢᑭᓄᐊᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᐟ, ᒪᓂᑌᐤ, ᑖᐱᐢᑯᐨ ᐊᓂᐦᐃ ᑳ ᑭ ᓂᐦᑖᐃᐧᑭᔨᐟ ᐃᑕ ᐁ ᐊᔮᒋᐠ; ᐊᐱᑕᐤ ᐊᓂᑕ ᐅᑎᐢᑲᐤ ᑫᕒᐃᓯᒼ ᐊᐧᒋᕽ, ᐊᐱᑕᐤ ᐊᓂᑕ ᐅᑎᐢᑲᐤ ᐃᐸᓬ ᐊᐧᒋᕽ; ᒣᐧᐦᒋ ᒧᓯᐢ ᐅᑕᑐᐢᑫᔭᑲᓇ ᑳ ᑎᐯᔨᐦᒋᑫᐟ ᑲᔭᐦᑌ ᑳ ᑭ ᐃᓯ ᓯᑭᑫᒧᐸᐣ, ᑭᑕ ᓴᐁᐧᔨᒪᒋᐠ ᐃᐢᕒᐁᐃᓬ ᐊᔨᓯᔨᓂᐊᐧ. 34ᒣᐧᐢᑕᐢ ᐃᔨᑯᕽ ᒫᑲ ᑭ ᐊᔭᒥᑕᐤ ᑲᐦᑭᔭᐤ ᐃᑌᐧᐃᐧᓇ ᐃᑕᓱᐁᐧᐃᐧᓂᕽ, ᓴᐁᐧᔨᐦᒋᑫᐃᐧᓇ ᒥᓇ ᓇᓂᐳᒥᐁᐧᐃᐧᓇ, ᒣᐧᐦᒋ ᐃᓴ ᐱᑯ ᑲᐦᑭᔭᐤ ᑳ ᐃᑕᓯᓇᐃᑲᑌᐠ ᒪᓯᓇᐦᐃᑲᓂᕽ ᐃᑕᓱᐁᐧᐃᐧᐣ. 35ᓇᒪᐋᐧᐨ ᐯᔭᐠ ᐃᑌᐧᐃᐧᐣ ᑲᐦᑭᔭᐤ ᐊᓂᒪ ᒧᓯᐢ ᑳ ᑭ ᓯᑭᑫᒧᐟ, ᐁᑳ ᒑᐢᔪᐊ ᑭᑕ ᐊᔭᒥᑖᐟ ᐁᑕᐢᑕᒥᔨᐟ ᑳ ᒫᐊᐧᒋᐃᑐᔨᐟ ᐃᐢᕒᐁᐃᓬᐊ, ᐊᓯᒋ ᐃᐢᑫᐧᐊᐧ, ᒥᓇ ᐊᐋᐧᓯᓴ, ᒥᓇ ᐊᓂᐦᐃ ᒪᐣᑌᐊᐧ ᑳ ᑭ ᐃᐧᒋ ᐊᔮᒥᑯᒋᐠ.
Currently Selected:
ᒑᐢᔪᐊ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
