ᒑᐢᔪᐊ 11
11
1ᑭ ᐅᑎᐦᒋᐸᔨᐤ ᒫᑲ ᐃᐢᐱ ᒉᐱᐣ ᑭᐦᒋ ᐅᑭᒫᐤ ᐦᐁᓵᕒᐃᕽ ᑳ ᐯᐦᑕᕽ ᐅᐦᐃ ᑫᑲᐧᔭ, ᑭ ᓇᑐᒣᐤ ᒑᐸᐸ ᑭᐦᒋ ᐅᑭᒫᐊᐧ ᒣᑕᓂᕽ, ᒥᓇ ᐊᓂᐦᐃ ᑭᐦᒋ ᐅᑭᒫᐊᐧ ᓯᒪᕒᐊᓂᕽ, ᒥᓇ ᐊᓂᐦᐃ ᑭᐦᒋ ᐅᑭᒫᐊᐧ ᐊᐠᓴᐱᕽ, 2ᒥᓇ ᑭᐦᒋ ᐅᑭᒫᐊᐧ ᑭᐁᐧᑎᓄᕽ ᐊᐧᒋᕽ ᐅᐦᒋ ᐃᑌᐦᑫ ᑳ ᐊᔭᔨᐟ, ᒥᓇ ᐊᓂᑕ ᒪᐢᑯᑌᕽ ᓴᐊᐧᓄᑕᕽ ᒋᓇᕒᐁᐦᐟ ᐅᐦᒋ, ᒥᓇ ᐊᐧᔭᑎᓇᕽ, ᒥᓇ ᐊᓂᑕ ᑐᕒ ᓀᑲᐯᐊᓄᕽ ᑳ ᐊᔭᔨᐟ. 3ᒥᓇ ᐊᓂᐦᐃ ᑫᓇᓇᐃᑕ ᐊᐧᐸᓄᑕᕽ ᒥᓇ ᓀᑲᐯᐊᓄᑕᕽ ᑳ ᐊᔭᔨᐟ, ᒥᓇ ᐋᒪᕒᐊᐃᑕ, ᒥᓇ ᐦᐃᑕᐃᑕ, ᒥᓇ ᐯᕒᐃᓴᐃᑕ, ᒥᓇ ᐊᓂᑕ ᐊᐧᒋᕽ, ᒥᓇ ᐦᐊᐃᐸᐃᑕ ᓂᒋ ᐦᐊᕒᒪᐣ ᐊᓂᑕ ᒥᐢᐸ ᐊᐢᑭᕽ. 4ᑭ ᓯᐯᐧᑌᐊᐧᐠ ᒫᑲ, ᐃᐧᔭᐋᐧᐤ ᒥᓇ ᑲᐦᑭᔭᐤ ᐅᓄᑎᓂᑫᒥᐋᐧᐊᐧ ᐁ ᐃᐧᒉᑯᒋᐠ, ᒥᐦᒉᐟ ᐊᔨᓯᔨᓂᐊᐧᐠ ᑖᐱᐢᑯᐨ ᐃᓴ ᐱᑯ ᔦᑲᐤ ᓯᓱᓀ ᑭᒋᑲᒥᕽ ᑭ ᐃᑌᔭᑎᐊᐧᐠ ᒥᐢᑕᑎᒪᐧ ᒥᓇ ᑎᑎᐱᑕᐸᓇᐢᑲᐧ ᐊᓯᒋ ᓇᐢᐱᐨ ᒥᐦᒉᐟ. 5ᐃᐢᐱ ᒫᑲ ᑲᐦᑭᔭᐤ ᐅᑯ ᑭᐦᒋ ᐅᑭᒫᐊᐧᐠ ᑳ ᓇᑭᐢᑯᑖᑐᑕᒋᐠ ᑭ ᐯ ᓂᑕᐃᐧ ᒪᒪᐃᐧ ᑲᐯᓯᐊᐧᐠ ᐊᓂᑕ ᒥᕒᐅᒼ ᓂᐱᕽ, ᑭᑕ ᓄᑎᓇᒋᐠ ᐃᐢᕒᐁᐃᓬᐊ.
6ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒑᐢᔪᐊᐊᐧ, ᐁᑳᐃᐧᔭ ᑭ ᑳ ᓭᑭᐃᑲᐧᐠ; ᒋᑫᒫ ᐋᐧᐸᐦᑭ ᓈᓂᑕᐤ ᐅᒪ ᐃᐢᐱᒋᑭᓯᑲᑭ ᓂ ᑳ ᐸᑭᑎᓇᐊᐧᐠ ᑲᐦᑭᔭᐤ ᑭᑕ ᓂᐸᐦᐃᑯᒋᐠ ᐃᐢᕒᐁᐃᓬᐊ; ᑭ ᑳ ᑭᐢᑲᑲᐧᓀᔭᐱᐁᐧᐅᒪᐊᐧ ᐅᒥᐢᑕᑎᒧᒥᐋᐧᐊᐧ, ᒥᓇ ᑳ ᓴᐢᑲᐅᒪᐋᐧᐊᐧ ᐅᑎᑎᐱᑕᐸᓇᐢᑯᐋᐧᐊᐧ. 7ᐁᑯᓯ ᒑᐢᔪᐊ ᑭ ᐯ ᐃᑐᐦᑌᐤ, ᒥᓇ ᑲᐦᑭᔭᐤ ᓇᑐᐸᔨᐃᐧᔨᓂᐊᐧ ᐁ ᐯ ᐃᐧᒉᐊᐧᐟ, ᐁ ᐯ ᓭᓯᑯᒋᐢᑕᐊᐧᒋᐠ ᒥᕒᐅᒼ ᓂᐱᕽ; ᐁᑯᓯ ᑭ ᐅᑎᐦᑎᓀᐊᐧᐠ. 8ᑳ ᑎᐯᔨᐦᒋᑫᐟ ᒫᑲ ᑭ ᐸᑭᑎᓀᐤ ᐅᒋᒋᔨᕽ ᐃᐢᕒᐁᐃᓬᐊ, ᐁᑯᓯ ᑭ ᓂᐸᐁᐊᐧᐠ ᒥᓇ ᑭ ᐱᒥᑎᓴᐁᐧᐊᐧᐠ ᐊᓂᑕ ᑭᐦᒋ ᓴᐃᑕᓂᕽ, ᒥᓇ ᒥᐢᕒᐃᐳᐟᒣᐃᒼ ᐃᐢᑯ, ᒥᓇ ᒥᐢᐸ ᐊᐧᔭᑎᓇᕽ ᐃᐢᑯ ᐊᐧᐸᓄᑕᕽ ᐃᑌᐦᑫ; ᑭ ᓂᐸᐁᐊᐧᐠ ᒫᑲ, ᐱᔨᐢ ᐁᑳ ᐋᐧᐊᐧᐨ ᐯᔭᐠ ᐁ ᐃᐢᑯᐦᐋᒋᐠ. 9ᒑᐢᔪᐊ ᒫᑲ ᑭ ᑐᑕᐁᐧᐤ ᑳ ᑭ ᐃᓯ ᓯᑭᒥᑯᐟ ᑳ ᑎᐯᔨᐦᒋᑫᔨᐟ; ᑭ ᑲᑭᐢᑲᑲᐧᓀᔭᐱᐁᐧᐁᐧᐤ ᐅᒥᐢᑕᑎᒧᒥᔨᐊᐧ, ᒥᓇ ᑭ ᓴᐢᑲᐅᒣᐤ ᐅᑎᑎᐱᑕᐸᓇᐢᑯᔨᐊᐧ.
10ᒑᐢᔪᐊ ᒫᑲ ᐁᑯᐢᐱ ᑭ ᑫᐧᐢᑭᐤ, ᐁ ᑭ ᐅᑎᓇᕽ ᐦᐁᓵᕒ, ᒥᓇ ᐁ ᑭ ᓂᐸᐦᐋᐟ ᑭᐦᒋ ᐅᑭᒫᐊᐧ ᐁᑯᑕ ᓯᒫᑲᓂᔨᐤ ᐅᐦᒋ; ᒋᑫᒫ ᐦᐁᓵᕒ ᑲᔮᐢ ᒫᐊᐧᐨ ᑭ ᓂᑲᓀᔨᑕᑲᐧᓄᐸᐣ ᑳ ᐃᑕᑎᑭ ᑲᐦᑭᔭᐤ ᐁᐊᐧᑲᐧᓂ ᐅᑌᓇᐊᐧ. 11ᑭ ᓂᐸᐁᐊᐧᐠ ᒫᑲ ᑲᐦᑭᔭᐤ ᐊᐦᒑᐦᑲᐧ ᐁᑯᑕ ᑳ ᐊᔭᔨᐟ ᐁᓯ ᑭᓇᐠ ᓯᒪᑲᐣ ᐅᐦᒋ, ᐁ ᓇᐢᐱᒋ ᓂᓯᐊᐧᓈᒋᐊᐟ; ᓇᒪᐃᐧᔭ ᑭ ᐃᐢᑯᐁᐊᐧᐠ ᑭᑕ ᔦᔦᔨᐟ; ᑭ ᓴᐢᑲᐊᒼ ᒫᑲ ᐦᐁᓵᕒ. 12ᑲᐦᑭᔭᐤ ᒫᑲ ᐅᑐᑌᓇᒥᐋᐧᐊᐧ ᐁᐊᐧᑲᐧᓂᐠ ᑭᐦᒋ ᐅᑭᒫᐊᐧᐠ, ᒥᓇ ᑲᐦᑭᔭᐤ ᑭᐦᒋ ᐅᑭᒫᐊᐧ, ᒑᐢᔪᐊ ᑭ ᐅᑎᓀᐤ, ᒥᓇ ᐁ ᑭ ᓂᐸᐦᐋᐟ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᐁ ᑭ ᓇᐢᐱᒋ ᓂᓯᐊᐧᓈᒋᐦᐋᐟ, ᒣᐧᐦᒋ ᒧᓯᐢ ᐅᑕᑐᐢᑫᔭᑲᓇ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᑫᒧᐟ. 13ᒫᑲ ᐃᐧᔭ ᐊᓂᐦᐃ ᐅᑌᓇᐊᐧ ᑳ ᓂᐸᐃᐧᒪᑳᑭ ᐅᐦᐱᐢᑲᐧᑎᓇᒥᐊᐧᕽ ᐃᐢᕒᐁᐃᓬ ᓇᒪᐋᐧᐨ ᐯᔭᐠ ᑭ ᐃᐢᑳᐧᓴᒪᐧᐠ ᐁᐊᐧᑳᐧᓂ ᐱᑯ ᐦᐁᓵᕒ; ᐁᐊᐧᑫᐧᔨᐤ ᒑᐢᔪᐊ ᑭ ᐃᐢᑳᐧᓴᒼ. 14ᑲᐦᑭᔭᐤ ᒫᑲ ᒪᐢᑲᑌᐧᐃᐧᓇ ᐅᐦᐅ ᐅᑌᓇᐊᐧ ᐅᐦᒋ ᒥᓇ ᐊᐊᐧᑳᓇ, ᐃᐢᕒᐁᐃᓬ ᐅᑕᐋᐧᓯᒥᓴ ᑭ ᐅᑎᓇᒫᓱᐊᐧᐠ; ᒫᑲ ᐃᐧᔭ ᑲᐦᑭᔭᐤ ᐊᔨᓯᔨᓂᐊᐧ ᑭ ᓂᐸᐁᐊᐧᐠ ᐁᓯ ᑭᓇᐠ ᓯᒪᑲᐣ ᐅᐦᒋ, ᐱᔨᐢ ᐁ ᑭ ᓂᓯᐊᐧᓈᒋᐦᐋᒋᐠ, ᒥᓇ ᐁᑳ ᐊᐃᐧᔭ ᐁ ᑭ ᐃᐢᑯᐋᒋᐠ ᑭᑕ ᔦᔦᔨᐟ.
15ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᒪᐟ ᒧᓯᓴ ᐅᑕᑐᐢᑫᔭᑲᓇ, ᐁᑯᓯ ᒧᓯᐢ ᑳ ᐃᓯ ᓯᑭᒪᐟ ᒑᐢᔪᐊᐊᐧ ᒥᓇ ᐁᑯᓯ ᑳ ᑐᑕᕽ ᒑᐢᔪᐊ; ᓇᒪ ᑫᑲᐧᐩ ᐁᑳ ᑭᑕ ᑐᑕᕽ ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᔨᐟ ᑳ ᑭ ᐃᓯ ᓯᑭᒪᔨᐟ ᒧᓯᓴ. 16ᐁᑯᓯ ᒫᑲ ᒑᐢᔪᐊ ᑭ ᐅᑎᓇᒼ ᒥᓯᐁᐧ ᐊᐢᑭᔨᐤ, ᐊᐧᒋᔭ, ᒥᓇ ᒥᓯᐁᐧ ᓴᐊᐧᓄᕽ ᐊᐢᑭ, ᒥᓇ ᒥᓯᐁᐧ ᑯᓯᐣ ᐊᐢᑭ, ᒥᓇ ᐊᐧᔭᑎᓇᐤ, ᒥᓇ ᒪᐢᑯᑌᐤ, ᒥᓇ ᐅᐊᐧᒋᒼ ᐃᐢᕒᐁᐃᓬ, ᒥᓇ ᐅᐊᐧᔭᑎᓈᒼ; 17ᐁᓬᐊᐠ ᐊᐧᒋᕽ ᐃᓴ ᐱᑯ ᐅᐦᒋ, ᐊᓂᒪ ᓯᔭᕒᐃᕽ ᑳ ᐊᑎ ᐃᓯ ᓇᑕᒥᐠ ᐯᐊᓬᑲᐟ ᐃᓴ ᐱᑯ ᐃᐢᑯ ᐊᓂᑕ ᓬᐁᐱᓇᐣ ᐊᐧᔭᑎᓇᕽ ᓂᒋ ᐦᐊᕒᒪᐣ ᐊᐧᒋᕽ; ᒥᓇ ᑲᐦᑭᔭᐤ ᐅᑐᑭᒪᒥᔨᐊᐧ ᑭ ᐅᑎᓂᒣᐤ, ᒥᓇ ᐁ ᑭ ᐸᐸᑲᒪᐋᐧᐟ, ᒥᓇ ᐁ ᑭ ᓂᐸᐦᐋᐟ. 18ᒑᐢᔪᐊ ᑭᓀᐧᐢ ᑭ ᓇᑐᐸᔨᐢᑕᐁᐧᐤ ᑲᐦᑭᔭᐤ ᐁᐊᐧᑲᐧᓂ ᑭᐦᒋ ᐅᑭᒫᐊᐧ. 19ᓇᒪᐋᐧᐨ ᐯᔭᐠ ᐅᑌᓇᔨᐤ ᑭ ᑭᔭᒣᐃᐧᓯᑐᑕᒪᐧ ᐃᐢᕒᐁᐃᓬ ᐅᑕᐋᐧᓯᒥᓴ, ᐱᑯ ᐊᓂᐦᐃ ᐦᐊᐃᐸᐃᑕ, ᑳ ᐅᑕᐢᑭᔨᐟ ᑭᐱᔭᓂᕽ: ᑲᐦᑭᔭᐤ ᐃᐧᔭ ᑯᑕᑲ ᑭ ᓇᑐᐸᔨᐢᑕᒪᐧᐠ. 20#ᑎᔪᑕᕒᐊᓇᒥ 7:16ᒋᑫᒫ ᑳ ᑎᐯᔨᐦᒋᑫᐟ ᑳ ᑭ ᒪᐢᑲᐃᐧᑌᐦᐁᐋᐟ, ᑭᑕ ᐯ ᓇᑐᐸᔨᐢᑕᐊᐧᔨᐟ ᐃᐢᕒᐁᐃᓬᐊ, ᐁᑯᓯ ᑭᑕ ᓇᐢᐱᒋ ᓂᓯᐊᐧᓈᒋᐦᐃᑯᔨᐟ, ᒥᓇ ᐁᑳ ᑭᑕ ᑭᑎᒫᑭᓈᑯᔨᐟ, ᒫᑲ ᑭᑕ ᓂᓯᐊᐧᓈᒋᐦᐋᐟ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓯᑭᒪᐟ ᒧᓯᓴ.
21ᐁᑯᐢᐱ ᑭ ᐯ ᐃᑐᐦᑌᐤ ᒑᐢᔪᐊ, ᐁ ᑭ ᓂᓯᐊᐧᓈᒋᐦᐋᐟ ᐁᓈᑭᒪ ᐊᐧᒋᕽ ᐅᐦᒋ, ᐦᐁᐸᕒᐊᐣ ᐅᐦᒋ, ᑎᐸᕒ ᐅᐦᒋ, ᐁᓇᑊ ᐅᐦᒋ, ᒥᓇ ᒥᓯᐁᐧ ᒍᑕ ᐊᐧᒋᕽ ᐅᐦᒋ, ᒥᓇ ᒥᓯᐁᐧ ᐃᐢᕒᐁᐃᓬ ᐊᐧᒋᕽ ᐅᐦᒋ; ᒑᐢᔪᐊ ᑭ ᓇᐢᐱᒋ ᓂᓯᐊᐧᓈᒋᐁᐤ ᐊᓯᒋ ᐅᑐᑌᓇᒥᔨᐊᐧ. 22ᓇᒪᐋᐧᐨ ᐯᔭᐠ ᐁᓈᑭᒪᐠ ᑭ ᐃᐢᑯᐦᐋᐊᐧᐠ ᐃᐢᕒᐁᐃᓬ ᐅᑕᐢᑭᔨᕽ; ᐱᑯ ᑫᓴᐃᕽ, ᑳᐦᑎᕽ, ᒥᓇ ᐋᐢᑖᑎᕽ, ᐁᑯᑕ ᑭ ᐃᐢᑯᐦᐋᐊᐧᐠ. 23ᐁᑯᓯ ᒫᑲ ᒑᐢᔪᐊ ᑭ ᐅᑎᓇᒼ ᒥᓯᐁᐧ ᐊᐢᑭᔨᐤ, ᒣᐧᐦᒋ ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᐃᑕᐸᐣ ᒧᓯᓴ; ᒑᐢᔪᐊ ᒫᑲ ᑭ ᒥᔦᐤ ᑭᑕ ᑎᐯᔨᐦᑕᒥᔨᐟ ᐃᐢᕒᐁᐃᓬᐊ, ᒣᐧᐦᒋ ᑳ ᐃᓯ ᒪᑎᓇᒪᑲᓂᐃᐧᔨᐟ ᐅᑕᑐᑌᐃᐧᓯᐃᐧᓂᐋᐧᐊᐧ. ᐊᓂᒪ ᒫᑲ ᐊᐢᑭ ᑭ ᐳᓂ ᓇᑐᐸᔨᓈᓂᐊᐧᐣ.
Currently Selected:
ᒑᐢᔪᐊ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
