ᒑᐢᔪᐊ 10
10
1ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᐁᑐᓂᓯᑌᐠ ᑭᒋᐅᑭᒪᐤ ᐊᓂᑕ ᒉᕒᐅᓴᓬᐊᒥᕽ, ᑳ ᐯᐦᑕᕽ ᐁ ᑭ ᐃᓯ ᐅᑎᓇᕽ ᒑᐢᔪᐊ ᐊᓂᒪ ᐁᐊᐩ, ᒥᓇ ᐁ ᑭ ᓇᐢᐱᒋ ᓂᓯᐊᐧᓈᒋᑕᔨᐟ; ᒣᐧᐦᒋ ᑳ ᑭ ᑐᑕᒥᔨᐟ ᐊᓂᒪ ᒉᕒᐃᑯ ᒥᓇ ᑭᐦᒋ ᐅᑭᒫᐊᐧ ᐁᑯᑕ, ᐁᑯᓯ ᐁ ᑭ ᑐᑕᒥᔨᐟ ᐁᐊᐩ ᒥᓇ ᑭᐦᒋ ᐅᑭᒫᐊᐧ ᐁᑯᑕ; ᒥᓇ ᐊᓂᑭ ᑳ ᐅᑕᐢᑭᒋᐠ ᐊᓂᑕ ᑭᐱᔭᓂᕽ ᐁ ᑭ ᑭᔭᒣᐃᐧᓯᐃᐧᓂᑐᒋᐠ ᐃᐢᕒᐁᐃᓬᐊ, ᒥᓇ ᐁ ᐃᐧᒋ ᐊᔭᔭᒪᔨᐟ; 2ᑭ ᑭᐦᒋ ᓭᑭᓯᐤ, ᒋᑭᒪ ᑭᐱᔭᐣ ᑭ ᑭᐦᒋ ᐅᑌᓇᐊᐧᐣ, ᑖᐱᐢᑯᐨ ᐯᔭᐠ ᐁᐊᐧᑯ ᑭᐦᒋ ᐅᑭᒪᐃᐧᐅᑌᓇᐤ, ᒥᓇ ᒋᑫᒫ ᓇᐊᐧᐨ ᐁ ᑭ ᑭᒐᔨᐊᐧᕽ ᐃᐢᐱᐨ ᐁᐊᐩ, ᒥᓇ ᑲᐦᑭᔭᐤ ᐊᔨᓯᔨᓂᐊᐧᐠ ᐁᑯᑕ ᐁ ᑭ ᒪᐢᑲᐃᐧᓯᒋᐠ. 3ᐁᐊᐧᑯ ᐅᐦᒋ ᐁᑐᓂᓯᑌᐠ ᑭᐦᒋ ᐅᑭᒫᐤ ᒉᕒᐅᓴᓬᐊᒥᕽ, ᑭ ᓇᑐᒣᐤ ᐅᐊᒼ ᑭᐦᒋ ᐅᑭᒫᐊᐧ ᐦᐁᐸᕒᐊᓂᕽ, ᒥᓇ ᐊᓂᐦᐃ ᐸᐃᕒᐊᒼ ᑭᐦᒋ ᐅᑭᒫᐊᐧ ᒐᕒᒪᑎᕽ, ᒥᓇ ᐊᓂᐦᐃ ᒉᐸᔭ, ᑭᐦᒋ ᐅᑭᒫᐊᐧ ᓬᐁᑭᓯᕽ, ᒥᓇ ᐊᓂᐦᐃ ᑎᐸᕒ ᑭᐦᒋ ᐅᑭᒫᐊᐧ ᐁᑭᓬᐅᓂᕽ, ᐁ ᐃᑖᐟ, 4ᐯᒋ ᓇᓯᐠ, ᐯ ᐃᐧᒋᐦᐃᐠ, ᑭᑕ ᓄᑎᓇᒪᕽ ᑭᐱᔭᐣ; ᒋᑫᒫ ᐃᐧᒋ ᑭᔭᒣᐃᐧᓯᐃᐧᐁᐤ ᒑᐢᔪᐊ, ᒥᓇ ᐃᐢᕒᐁᐃᓬ ᐅᑕᐋᐧᓯᒥᓴ. 5ᐁᑯᓯ ᒫᑲ ᓂᔭᓇᐣ ᐅ ᑭᐦᒋ ᐅᑭᒪᒥᐋᐧᐊᐧ ᐋᒪᕒᐊᐃᑕᐠ, ᑭᐦᒋ ᐅᑭᒫᐤ ᐊᓂᑕ ᒉᕒᐅᓴᓬᐊᒥᕽ, ᑭᐦᒋ ᐅᑭᒫᐤ ᐊᓂᑕ ᐦᐁᐸᕒᐊᐣ, ᑭᐦᒋ ᐅᑭᒫᐤ ᐊᓂᑕ ᒐᕒᒪᐟ, ᑭᐦᒋ ᐅᑭᒫᐤ ᐊᓂᑕ ᓬᐁᑭᐢ, ᑭᐦᒋ ᐅᑭᒫᐤ ᐊᓂᑕ ᐁᑭᓬᐅᐣ, ᑭ ᒪᒪᐃᐧ ᒫᐊᐧᒋᐦᐃᑐᐊᐧᐠ, ᐁᑯᓯ ᐁ ᑭ ᐃᑐᐦᑌᒋᐠ, ᐃᐧᔭᐋᐧᐤ ᒥᓇ ᑲᐦᑭᔭᐤ ᐅᓄᑎᓂᑫᒥᐋᐧᐊᐧ, ᐁ ᑭ ᑲᐯᓯᒋᐠ ᐅᑎᐢᑲᐤ ᑭᐱᔭᐣ, ᐁ ᑭ ᓄᑎᓇᑭᐠ ᒫᑲ.
6ᑭᐱᔭᐣ ᐊᔨᓯᔨᓂᐊᐧᐠ ᒫᑲ ᑭ ᓇᑐᒣᐊᐧᐠ ᒑᐢᔪᐊᐊᐧ, ᐁ ᑲᐯᓯᔨᐟ ᐊᓂᑕ ᑭᓬᑳᓬ, ᐅᒥᓯ ᐁ ᐃᑖᒋᐠ, ᐁᑳᐃᐧᔭ ᐊᔭᒋᐢᑕᐃᐧᓇᒪᐃᐧᐠ ᑭᒋᒋ ᑭᐟ ᐊᑐᐢᑫᔮᑲᓇᐠ, ᑭᔨᐱ ᐯ ᓈᓯᓈᐣ. ᒥᓇ ᐱᒫᒋᐦᐃᓈᐣ ᒥᓇ ᐃᐧᒋᐦᐃᓈᐣ; ᒋᑫᒫ ᑲᐦᑭᔭᐤ ᐅ ᑭᐦᒋ ᐅᑭᒪᒥᐋᐧᐊᐧ ᐋᒪᕒᐊᐃᑕᐠ ᐊᐧᒋᕽ ᑳ ᐅᑕᐢᑭᒋᐠ ᓂᒪᐊᐧᓴᑯ ᒪᐃᐧᓀᐅᑯᓇᓂᐠ. 7ᐁᑯᓯ ᒑᐢᔪᐊ ᑭ ᓯᐯᐧᑌᐤ ᑭᓬᑳᓬ ᐅᐦᒋ, ᐃᐧᔭ, ᒥᓇ ᑲᐦᑭᔭᐤ ᓇᑐᐸᔨᐃᐧᔨᓂᐊᐧ ᐊᓯᒋ, ᒥᓇ ᑳ ᒪᐢᑲᐃᐧᓯᔨᐟ ᐊᔨᓯᔨᓂᐊᐧ ᑳ ᓂᑕ ᓄᑎᓂᑫᔨᐟ. 8ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒑᐢᔪᐊᐊᐧ, ᐁᑳᐃᐧᔭ ᑯᓯᐠ; ᒋᑫᒫ ᓂ ᑭ ᐸᑭᑎᓇᐊᐧᐠ ᑭ ᒋᒋᕽ; ᓇᒪᐃᐧᔭᐠ ᐊᔨᓯᔨᓂᐤ ᑳ ᑭ ᐅᑎᐢᑲᐃᐧᑲᐸᐃᐧᐢᑕᐠ. 9ᒑᐢᔪᐊ ᒫᑲ ᑭᔨᐱ ᑭ ᐯ ᓇᑌᐤ, ᐁ ᑭ ᐱᒧᐦᑌᐟ ᑭᓬᑳᓬ ᐅᐦᒋ ᑲᐯᑎᐱᐢᐠ. 10ᑳ ᑎᐯᔨᐦᒋᑫᐟ ᒫᑲ ᑭ ᓴᑯᐁᐤ ᐁᑕᐢᑕᒥᔨᐟ ᐃᐢᕒᐁᐃᓬᐊ, ᒥᓇ ᐁ ᑭ ᓂᐸᐦᐋᐟ ᑭᐦᒋ ᓂᐸᑕᑫᐃᐧᓂᕽ ᐊᓂᑕ ᑭᐱᔭᐣ, ᒥᓇ ᐁ ᑭ ᐱᒥᑎᓴᐦᐊᐧᐟ ᑕᑭ ᐊᓂᑕ ᒣᐢᑲᓇᕽ ᑳ ᐃᑕᒧᐠ ᐯᐟᐦᐋᕒᐊᓂᕽ, ᐁ ᑭ ᓂᐸᐦᐋᐟ ᒫᑲ ᐋᓯᑲ ᐃᓯ, ᒥᓇ ᐊᓂᑕ ᒪᑭᑕ ᐃᐢᑯ. 11ᑭ ᐅᑎᐦᒋᐸᔨᐤ ᒫᑲ, ᒣᑳᐧᐨ ᐁ ᑕᐸᓯᐋᒋᐠ ᐊᓂᐦᐃ ᐃᐢᕒᐁᐃᓬᐊ, ᒥᓇ ᐁ ᐊᑎ ᐃᑕᒋᐠ ᐊᓂᑕ ᐯᐟᐦᐋᕒᐊᐣ, ᑳ ᑎᐯᔨᐦᒋᑫᐟ ᑭ ᓂᒋᐁᐧᐱᓀᐤ ᑭᐦᒋ ᐊᓯᓂᔭ ᑭᓯᑯᕽ ᐅᐦᒋ ᐊᓂᑕ ᐋᓯᑲ, ᑭ ᓂᐱᐊᐧᐠ ᒫᑲ; ᓇᐊᐧᐨ ᑭ ᒥᐦᒉᑎᐊᐧᐠ ᐁ ᑭ ᓂᐸᐦᐃᑯᒋᐠ ᓭᓭᑲᓇᓯᓂᔭ ᐃᐢᐱᐨ ᐊᓂᐦᐃ ᑕᑐ ᐃᐢᕒᐁᐃᓬ ᐅᑕᐋᐧᓯᒥᓴ ᑳ ᑭ ᓂᐸᐦᐋᒋᐠ ᓯᒫᑲᓂᔨᐤ ᐅᐦᒋ.
12ᐁᑯᐢᐱ ᒫᑲ ᒑᐢᔪᐊ ᑭ ᐊᔭᒥᐦᐁᐤ ᑳ ᑎᐯᔨᐦᒋᑫᐟ ᐊᓂᒪ ᐁ ᑭᓯᑳᐠ ᐃᐢᐱ ᑳ ᑎᐯᔨᐦᒋᑫᔨᐟ ᑳ ᐸᑭᑎᓇᐠ ᐋᒪᕒᐊᐃᑕ ᐁᑕᐢᑕᒥᔨᐟ ᐃᐢᕒᐁᐃᓬᐊ ᐅᑕᐋᐧᓯᒥᓯᔨᐊᐧ, ᐅᒥᓯ ᒫᑲ ᑭ ᐃᑌᐧᐤ ᐊᓂᑕ ᐁᑕᐢᑕᒥᔨᐟ ᐃᐢᕒᐁᐃᓬᐊ,
ᑭᓯᑳᐃᐧ ᐱᓯᒼ, ᑭᔭᒥᑲᐸᐃᐧ ᐊᓂᑕ ᑭᐱᔭᐣ; ᒥᓇ ᑭᔭ, ᑎᐱᐢᑲᐃᐧ ᐱᓯᒼ, ᐊᓂᑕ ᐋᒋᓬᐊᐣ ᐊᐧᔭᑎᓇᕽ.
13 #
2 ᓵᒼᔪᐃᓬ 1:18
ᑭᓯᑳᐃᐧ ᐱᓯᒼ ᒫᑲ ᑭ ᑭᔭᒥᑲᐸᐃᐧᐤ, ᒥᓇ ᑎᐱᐢᑲᐃᐧ ᐱᓯᒼ ᑭ ᑭᐱᒋᐸᔨᐤ, ᐃᔨᑯᕽ ᐊᓂᑭ ᐊᔨᓯᔨᓂᐊᐧᐠ ᐁ ᑭ ᓴᑯᐋᒋᐠ ᐅᓄᑎᓇᑲᓂᐋᐧᐊᐧ. ᓇᒪ ᒋ ᐅᒪ ᒪᓯᓇᐦᐃᑲᑌᐤ ᐅᒪᓯᓇᐃᑲᓂᕽ ᒉᓴᕒ? ᐁᑯᓯ ᒫᑲ ᑭᓯᑲᐃᐧ ᐱᓯᒼ ᑭ ᑭᔭᒥᑲᐸᐃᐧᐤ ᑕᐃᐧ ᑭᓯᑯᕽ, ᒥᓇ ᓇᒪᐃᐧᔭ ᐅᐦᒋᓂᓂᑭᓯᐤ ᑭᑕ ᐸᐦᑭᓯᒧᐟ ᑲᐯᑭᓯᐠ. 14ᓇᒪᐃᐧᑳᐨ ᒫᑲ ᐁᑯᓯ ᑭ ᐃᓯ ᑭᓯᑳᐤ ᐊᐊᐧᓯᐢᐱ ᐊᐦᐳ ᐊᐢᑕᒥᐢᐱ, ᑳ ᑎᐯᔨᐦᒋᑫᐟ ᐁ ᑭ ᓇᑐᑕᐋᐧᐟ ᐊᔨᓯᔨᓂᐊᐧ; ᒋᑫᒫ ᑳ ᑎᐯᔨᐦᒋᑫᐟ ᑭ ᓄᑎᓂᑫᐢᑕᒪᐁᐧᐤ ᐃᐢᕒᐁᐃᓬᐊ.
15ᒑᐢᔪᐊ ᒫᑲ ᑭ ᑭᐁᐧᐤ, ᒥᓇ ᑲᐦᑭᔭᐤ ᐃᐢᕒᐁᐃᓬᐊᐠ ᐊᓯᒋ, ᑲᐯᓯᐃᐧᓂᕽ ᐃᓯ ᐊᓂᑕ ᑭᓬᑳᓬᐃᕽ.
16ᒫᑲ ᐅᑯ ᓂᔭᓇᐣ ᑭᐦᒋ ᐅᑭᒫᐊᐧᐠ ᑭ ᑕᐸᓯᐊᐧᐠ, ᐁ ᑭ ᑲᓱᒋᐠ ᐊᓂᑕ ᒪᑭᑕ ᐊᐧᑎᕽ. 17ᑭ ᐃᐧᐦᑕᒪᐋᐧᐤ ᒫᑲ ᒑᐢᔪᐊ, ᐁ ᐃᑎᐦᐟ, ᐊᓂᑭ ᓂᔭᓇᐣ ᑭᐦᒋ ᐅᑭᒫᐊᐧᐠ ᑭ ᒥᐢᑲᐋᐧᐊᐧᐠ ᐁ ᑭ ᑲᓱᒋᐠ ᐊᐧᑎᕽ ᐊᓂᑕ ᒪᑭᑕ. 18ᒑᐢᔪᐊ ᒫᑲ ᑭ ᐃᑌᐧᐤ, ᐃᓯ ᑎᑎᐱᓂᑯᐠ ᑭᐦᒋ ᐊᓯᓂᔭᐠ ᐊᓂᑕ ᐁ ᐊᐧᑐᓂᐊᐧᕽ ᐋᐧᑎ, ᐅᔮᐢᑯᓂᑯᐠ ᒫᑲ ᓈᐯᐊᐧᐠ ᑭᑕ ᑲᓇᐁᐧᔨᑕᐦᑭᐠ; 19ᐁᑳᐃᐧᔭ ᒫᑲ ᑭᐱᒋᐠ, ᒫᑲ ᐱᒥᑎᓴᐦᐅᑯᐠ ᑭ ᓄᑎᓈᑲᓂᐋᐧᐊᐧᐠ, ᒥᓇ ᑳ ᑭᓯᐸᓄᑌᒋᐠ ᓂᐸᐦᐃᑯᐠ; ᐁᑳᐃᐧᔭ ᑭᑕ ᐱᐦᑐᑫᐊᐧᐠ ᐅᑐᑌᓇᒥᐊᐧᕽ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᐸᑭᑎᓀᐤ ᑭᒋᒋᐊᐧᕽ. 20ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᒑᐢᔪᐊ ᒥᓇ ᐃᐢᕒᐁᐃᓬ ᐅᑕᐋᐧᓯᒥᓴ ᑳ ᐳᓂ ᓂᐸᐦᐋᒋᐠ ᑭᐦᒋ ᓂᐸᑕᑫᐃᐧᓂᕽ, ᐱᔨᐢ ᐁ ᑭ ᒐᑭᐋᒋᐠ, ᐊᓂᑭ ᑕᐦᑐ ᑳ ᑭ ᐃᐢᑯᒋᐠ ᑭ ᐱᐦᑐᑫᐊᐧᐠ ᐊᓂᑕ ᐁ ᒣᓂᑭᑲᒋᑲᑌᔨᑭ ᐅᑌᓇᐊᐧ. 21ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᔭᒣᐃᐧᓯᐃᓂᕽ ᑭ ᓈᑌᐊᐧᐠ ᒑᐢᔪᐊᐊᐧ ᑲᐯᓯᐃᐧᓂᕽ ᐊᓂᑕ ᒪᑭᑕ, ᓇᒪᐃᐧᔭᐠ ᑭ ᐊᑎᓇᒪᐁᐧᐤ ᐅᑌᔭᓂ ᐃᐢᕒᐁᐃᓬ ᐅᑕᐋᐧᓯᒥᓯᔨᐊᐧ.
22ᐁᑯᐢᐱ ᒫᑲ ᒑᐢᔪᐊ ᑭ ᐃᑌᐧᐤ, ᐸᑎᑭᑌᓇᒧᐠ ᐋᐧᑎ, ᐯ ᐊᐧᔭᐃᐧᑕᑕᒪᐃᐧᐠ ᒫᑲ ᐊᓂᑭ ᓂᔭᓇᐣ ᑭᐦᒋ ᐅᑭᒫᐊᐧᐠ ᐊᐧᑎᕽ ᐅᐦᒋ. 23ᐁᑯᓯ ᒫᑲ ᑭ ᑐᑕᒪᐧᐠ, ᐁ ᑭ ᐯ ᐊᐧᔭᐃᐧᑕᑕᒪᐊᐧᒋᐠ ᐊᓂᐦᐃ ᓂᔭᓇᐣ ᑭᐦᒋ ᐅᑭᒫᐊᐧ ᐊᐧᑎᕽ ᐅᐦᒋ, ᑭᐦᒋ ᐅᑭᒫᐤ ᒉᕒᐅᓴᓬᐊᒥᕽ, ᑭᐦᒋ ᐅᑭᒫᐤ ᐦᐁᐸᕒᐊᓂᕽ, ᑭᐦᒋ ᐅᑭᒫᐤ ᒐᕒᒪᑎᕽ, ᑭᐦᒋ ᐅᑭᒫᐤ ᓬᐁᑭᓯᕽ, ᒥᓇ ᑭᐦᒋ ᐅᑭᒫᐤ ᐊᓂᑕ ᐁᑭᓬᐅᓂᕽ. 24ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᑳ ᐯ ᐊᐧᔭᐃᐧᑕᐦᐋᒋᐠ ᐊᓂᐦᐃ ᑭᐦᒋ ᐅᑭᒫᐊᐧ ᒑᐢᔪᐊᐊᐧ ᐁ ᐯᑕᒪᐊᐧᒋᐠ ᒑᐢᔪᐊ ᑭ ᓇᑐᒣᐤ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧ, ᐅᒥᓯ ᒫᑲ ᐁ ᑭ ᐃᑖᐟ ᑳ ᑎᐯᔨᒪᔨᐟ ᓇᑐᐸᔨᐃᐧᔨᓂᐊᐧ ᑳ ᑭ ᐃᐧᒉᑯᐟ, ᑭᓯᐊᐧᐠ ᐯ ᐃᑐᑌᐠ, ᐊᐢᑕᐠ ᑭᓯᑎᐋᐧᐊᐧ ᐅᑲᐧᔭᐊᐧᕽ ᐅᑯ ᑭᐦᒋ ᐅᑭᒫᐊᐧᐠ. ᑭᓯᐊᐧᐠ ᒫᑲ ᑭ ᐯ ᐃᑐᐦᑌᐊᐧᐠ, ᐁ ᑭ ᐊᐢᑕᒋᐠ ᒫᑲ ᐅᓯᑎᐋᐧᐊᐧ ᐅᑲᐧᔭᔨᕽ. 25ᒑᐢᔪᐊ ᒫᑲ ᐅᒥᓯ ᑭ ᐃᑌᐤ, ᐁᑳᐃᐧᔭ ᑯᐢᑕᒋᐠ, ᐊᐦᐳ ᐁᑳ ᓴᑫᐧᔨᒧᐠ, ᒪᐢᑲᐃᐧᓯᐠ ᒥᓇ ᒪᐢᑲᐁᐧᔨᑕᒧᐠ; ᒋᑫᒫ ᐁᑯᓯ ᐅᒪ ᑳ ᑎᐯᔨᐦᒋᑫᐟ ᑫ ᑐᑕᐊᐧᐟ ᑲᐦᑭᔭᐤ ᑭ ᓄᑎᓈᑲᓂᐋᐧᐊᐧ ᑳ ᓄᑎᓈᔦᑯᐠ. 26ᐁᑲᐧ ᒫᑲ ᒑᐢᔪᐊ ᑭ ᐸᑲᒪᐁᐧᐤ, ᒥᓇ ᑭᓂᐸᐁᐤ, ᒥᓇ ᑭ ᐊᑯᑌᐤ ᓂᔭᓇᐣ ᒥᐢᑎᑯᕽ; ᒥᐢᑎᑯᕽ ᒫᑲ ᑭ ᐊᑯᒋᓇᐧᐠ ᐁ ᐅᑖᑯᓯᓂᔨᐠ ᐃᐢᑯ. 27ᑭ ᐅᑎᐦᒋᐸᔨᐤ ᒫᑲ ᐃᐢᐱ ᐁ ᐸᐦᑭᓯᒧᐠ, ᒑᐢᔪᐊ ᑭ ᓯᑭᒣᐤ, ᑭ ᓂᑎᓀᐊᐧᐠ ᒫᑲ ᒥᐢᑎᑯᕽ ᐅᐦᒋ, ᐁ ᑭ ᐱᒋᐁᐧᐱᓇᒋᐠ ᐊᓂᑕ ᐊᐧᑎᕽ ᑳ ᑭ ᑲᓱᔨᐸᐣ, ᒥᓇ ᐁ ᑭ ᐊᔮᒋᐠ ᑭᐦᒋ ᐊᓯᓂᔭ ᐊᓂᑕ ᐁ ᐅᑐᓂᐊᐧᕽ ᐋᐧᑎ, ᑫᔮᐱᐨ ᐊᓄᐦᐨ ᑳ ᑭᓯᑳᐠ ᐁᑯᑕ ᑳ ᐊᔮᒋᐠ.
28ᐁᑯᐢᐱ ᐁ ᑭᓯᑳᐠ ᒑᐢᔪᐊ ᑭ ᐅᑎᓇᒼ ᐊᓂᒪ ᒪᑭᑕ, ᒥᓇ ᐁ ᑭ ᓂᐸᑕᐟ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᐊᓂᐦᐃ ᑭᐦᒋ ᐅᑭᒫᐊᐧ ᐁᑯᑕ ᑭ ᓇᐢᐱᒋ ᓂᓯᐊᐧᓈᒋᐁᐤ, ᒥᓇ ᑲᐦᑭᔭᐤ ᐊᓂᐦᐃ ᐊᐦᒐᑯᓴ ᐁᑯᑕ ᑳ ᐊᔮᔨᐟ; ᓇᒪᐋᐧᐨ ᐯᔭᐠ ᑭ ᐃᐢᑯᐁᐤ; ᑭ ᑐᑕᐁᐧᐤ ᒫᑲ ᐊᓂᐦᐃ ᒪᑭᑕ ᑭᐦᒋ ᐅᑭᒫᐊᐧ, ᒣᐧᐦᒋ ᑳ ᑭ ᑐᑕᐊᐧᐟ ᒉᕒᐃᑯ ᑭᐦᒋ ᐅᑭᒫᐊᐧ.
29ᒑᐢᔪᐊ ᒫᑲ ᑭ ᓯᐯᐧᑌᐤ ᒪᑭᑕ ᐅᐦᒋ ᑲᐦᑭᔭᐤ ᐃᐢᕒᐁᐃᓬᐊ ᐁ ᐃᐧᒉᐃᐧᑯᐟ, ᐁ ᐃᑐᐦᑌᒋᐠ ᓬᐃᑊᓇ ᐃᓯ, ᐁᑯᓯ ᑭ ᓄᑎᓇᒪᐧᐠ ᓬᐃᑊᓇ: 30ᒥᓇ ᒫᑲ ᐁᐊᐧᑯ ᑳ ᑎᐯᔨᐦᒋᑫᐟ ᑭ ᐸᑭᑎᓇᒼ, ᒥᓇ ᐁᑯᑕ ᑭᐦᒋ ᐅᑭᒫᐊᐧ ᑳ ᐊᔭᔨᐟ, ᐃᐢᕒᐁᐃᓬᐊ ᐅᒋᒋᔨᕽ; ᐁᑯᓯ ᑭ ᓂᐸᑕᐤ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᑲᐦᑭᔭᐤ ᐊᓂᐦᐃ ᐊᐦᒐᑯᓴ ᐁᑯᑕ ᑳ ᐊᔭᔨᐟ; ᓇᒪᐋᐧᐨ ᐯᔭᐠ ᐁᑯᑕ ᑭ ᐃᐢᑯᐁᐤ; ᒫᑲ ᑭ ᑐᑕᐁᐧᐤ ᐁᑯᑕ ᑳ ᑭᐦᒋ ᐅᑭᒪᐃᐧᔨᐟ ᑖᐱᐢᑯᐨ ᑳ ᑭ ᑐᑕᐊᐧᐟ ᒉᕒᐃᑯ ᑭᐦᒋ ᐅᑭᒫᐊᐧ.
31ᒑᐢᔪᐊ ᒫᑲ ᑭ ᓯᐯᐧᑌᐤ ᓬᐃᑊᓇ ᐅᐦᒋ, ᒥᓇ ᑲᐦᑭᔭᐤ ᐃᐢᕒᐁᐃᓬᐊ ᐁ ᐃᐧᒉᑯᐟ, ᓬᐁᑭᐢ ᐃᓯ, ᐁᑯᓯ ᑭ ᑲᐯᓯᑐᑕᒪᐧᐠ, ᒥᓇ ᑭ ᓄᑎᓇᒪᐧᐠ. 32ᑳ ᑎᐯᔨᐦᒋᑫᐟ ᒫᑲ ᑭ ᐸᑭᑎᓇᒼ ᓬᐁᑭᐢ ᐅᒋᒋᔨᕽ ᐃᐢᕒᐁᐃᓬᐊ, ᐁᑯᓯ ᑭ ᐅᑎᓇᒼ ᐁ ᐊᑎ ᓂᓱ ᑭᓯᑳᔨᐠ, ᒥᓇ ᑭ ᓂᐸᑕᐤ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᑲᐦᑭᔭᐤ ᐊᓂᐦᐃ ᐊᒑᑯᓴ ᐁᑯᑕ ᑳ ᐊᔮᔨᐟ, ᒣᐧᐦᒋ ᑲᐦᑭᔭᐤ ᑳ ᑭ ᐊᔨᑐᑕᕽ ᓬᐃᑊᓇ.
33ᐁᑲᐧ ᒫᑲ ᐅᕒᐊᒼ ᑭᐦᒋ ᐅᑭᒫᐤ ᑭᓴᕒᐃᕽ ᑭ ᐯ ᓂᑕᐃᐧ ᐃᐧᒋᑕᐤ ᐊᓂᒪ ᓬᐁᑭᐢ; ᒑᐢᔪᐊ ᒫᑲ ᑭ ᓂᐸᐁᐤ ᒥᓇ ᐅᐟ ᐊᔨᓯᔨᓂᒥᔨᐊᐧ, ᐱᔨᐢ ᐁᑳ ᐋᐧᐊᐧᐨ ᐯᔭᐠ ᐁ ᐃᐢᑯᐦᐋᐟ.
34ᓬᐁᑭᐢ ᒫᑲ ᐅᐦᒋ ᒑᐢᔪᐊ ᑭ ᐃᑐᐦᑌᐤ ᐁᑭᓬᐅᓂᕽ, ᑲᐦᑭᔭᐤ ᐃᐢᕒᐁᐃᓬᐊ ᐁ ᐃᐧᒉᐃᐧᑯᐟ ᑭ ᑲᐯᓯᑐᑕᒪᐧᐠ ᒫᑲ, ᒥᓇ ᑭ ᓄᑎᓇᒪᐧᐠ: 35ᑭ ᐅᑎᓇᒪᐧᐠ ᒫᑲ ᐁᑯᐢᐱ ᑭᓯᑳᐤ, ᒥᓇ ᑭ ᓂᐸᑕᐊᐧᐠ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᑲᐦᑭᔭᐤ ᐊᐦᒑᑯᓴ ᐁᑯᑕ ᑳ ᐊᔭᔨᐟ ᑭ ᓇᐢᐱᒋ ᓂᓯᐊᐧᓈᒋᐁᐤ, ᒣᐧᐦᒋ ᑲᐦᑭᔭᐤ ᑳ ᑭ ᑐᑕᕽ ᓬᐁᑭᐢ.
36ᒑᐢᔪᐊ ᒫᑲ ᑭ ᓯᐯᐧᑌᐤ ᐁᑭᓬᐅᐣ ᐅᐦᒋ, ᑲᐦᑭᔭᐤ ᐃᐢᕒᐁᐃᓬᐊ ᐁ ᐃᐧᒉᑯᐟ, ᐦᐁᐸᕒᐊᐣ ᐁ ᐃᑐᐦᑌᒋᐠ; ᐁᑯᓯ ᒫᑲ ᑭ ᓄᑎᓇᒪᐧᐠ: 37ᑭ ᐅᑎᓇᒪᐧᐠ ᒫᑲ, ᒥᓇ ᑭ ᓂᐸᑕᐊᐧᐠ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᐊᓂᐦᐃ ᐁᑯᑕ ᑳ ᑭᐦᒋ ᐅᑭᒪᐃᐧᔨᐟ, ᒥᓇ ᑲᐦᑭᔭᐤ ᐅᑌᓇᐊᐧ ᐁᑯᑕ, ᒥᓇ ᑲᐦᑭᔭᐤ ᐊᒑᑯᓴ ᐁᑯᑕ ᑳ ᐊᔭᔨᐟ; ᓇᒪᐋᐧᐨ ᐯᔭᐠ ᑭ ᐃᐢᑯᐁᐤ, ᑖᐱᐢᑯᐨ ᑲᐦᑭᔭᐤ ᑳ ᑭ ᐊᔨᑐᑕᕽ ᐁᑭᓬᐅᐣ; ᒫᑲ ᒥᑐᓂ ᑭ ᓂᓯᐊᐧᓈᒋᑕᐤ, ᒥᓇ ᑲᐦᑭᔭᐤ ᐊᐦᒑᑯᓴ ᐁᑯᑕ ᑳ ᐊᔭᔨᐟ.
38ᒑᐢᔪᐊ ᒫᑲ ᑭ ᑭᐁᐧᐤ, ᑲᐦᑭᔭᐤ ᐃᐢᕒᐁᐃᓬᐊ ᐁ ᐃᐧᒉᑯᐟ, ᑎᐸᕒ ᐃᓯ; ᐁᑯᓯ ᑭ ᓄᑎᓇᒪᐧᐠ; 39ᑭ ᐅᑎᓇᒼ ᒫᑲ, ᒥᓇ ᑭᐦᒋ ᐅᑭᒫᐊᐧ ᐁᑯᑕ ᒥᓇ ᑲᐦᑭᔭᐤ ᐅᑌᓇᐊᐧ ᐁᑯᑕ; ᐁᑯᓯ ᑭ ᓂᐸᑕᐊᐧᐠ ᐁᓯ ᑭᓇᐠ ᓯᒪᑲᐣ ᐅᐦᒋ, ᒥᓇ ᑭ ᓇᐢᐱᒋ ᓂᓯᐊᐧᓈᒋᐁᐊᐧᐠ ᑲᐦᑭᔭᐤ ᐊᓂᐦᐃ ᐊᐦᒑᑯᓴ ᐁᑯᑕ ᑳ ᐊᔭᔨᐟ; ᓇᒪᐋᐧᐨ ᐯᔭᐠ ᑭ ᐃᐢᑯᐁᐤ; ᑳ ᑭ ᑐᑕᑭᐸᐣ ᐊᓂᒪ ᐦᐁᐸᕒᐊᐣ ᐁᑯᓯ ᒣᐧᐦᒋ ᑭ ᑐᑕᒼ ᑎᐸᕒ, ᒥᓇ ᐊᓂᐦᐃ ᐁᑯᑕ ᑭᐦᒋ ᐅᑭᒫᐊᐧ; ᒥᓇ ᒣᐧᐦᒋ ᑳ ᑭ ᑐᑕᑭᐸᐣ ᓬᐃᑊᓇ ᒥᓇ ᐅᑭᐦᒍᑭᒪᒥᔨᐊᐧ.
40ᐁᑯᓯ ᒫᑲ ᒑᐢᔪᐊ ᑭ ᓂᐸᑕᐤ ᑲᐦᑭᔭᐤ ᐊᐢᑭᔭ ᐊᐧᒋᕽ, ᒥᓇ ᓴᐊᐧᓄᕽ, ᒥᓇ ᐊᐧᔭᑎᓇᕽ, ᒥᓇ ᒧᐢᑭᒋᐊᐧᓄᕽ ᒥᓇ ᑲᐦᑭᔭᐤ ᐅ ᑭᐦᒋ ᐅᑭᒪᒥᔨᐊᐧ; ᓇᒪᐋᐧᐨ ᐯᔭᐠ ᑭ ᐃᐢᑯᐁᐤ, ᒫᑲ ᑭ ᓇᐢᐱᒋ ᓂᓯᐊᐧᓈᒋᐁᐤ ᑕᐦᑐ ᑳ ᔦᔦᔨᐟ, ᒣᐧᐦᒋ ᑳ ᑎᐯᔨᐦᒋᑫᐟ ᐅᑭᓭᒪᓂᑐᒪ ᐃᐢᕒᐁᐃᓬ ᑳ ᑭ ᐃᓯ ᓯᑭᑫᒧᐟ. 41ᒑᐢᔪᐊ ᒫᑲ ᑭ ᓂᐸᐁᐤ ᑫᑎᐢ ᐹᕒᓂᔭ ᐅᐦᒋ ᑫᓴ ᐃᐢᑯ, ᒥᓇ ᒥᓯᐁᐧ ᑯᓯᐣ ᐊᐢᑭᕽ, ᑭᐱᔭᓂᕽ ᐃᓴ ᐱᑯ ᐃᐢᑯ. 42ᑲᐦᑭᔭᐤ ᒫᑲ ᐅᐦᐅ ᑭᐦᒋ ᐅᑭᒫᐊᐧ ᒥᓇ ᐅᑕᐢᑭᔨᐤ ᒑᐢᔪᐊ ᑭ ᐅᑎᓇᒣᐧᐤ ᓭᒫᐠ ᐯᔭᑳᐧᐤ, ᒋᑫᒫ ᑳ ᑎᐯᔨᐦᒋᑫᐟ ᐅᑭᓭᒪᓂᑐᒪ ᐃᐢᕒᐁᐃᓬ ᑭ ᓄᑎᓂᑫᐢᑕᒪᐁᐧᐤ ᐃᐢᕒᐁᐃᓬᐊ. 43ᒑᐢᔪᐊ ᒫᑲ ᑭ ᑭᐁᐧᐤ, ᑲᐦᑭᔭᐤ ᐃᐢᕒᐁᐃᓬᐊ ᐁ ᐃᐧᒉᑯᐟ, ᑲᐯᓯᐃᐧᓂᕽ ᐃᓯ ᑭᓬᑳᓬ.
Currently Selected:
ᒑᐢᔪᐊ 10: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
