ᐅᔭᓱᐁᐧᐊᐧᐠ 21
21
1ᐃᐢᕒᐁᐃᓬ ᐊᔨᓯᔨᓂᐊᐧᐠ ᒫᑲ ᑭ ᑭᐦᒋᐃᑌᐧᐊᐧᐠ ᐊᓂᑕ ᒥᐢᐸ, ᐁ ᐃᑌᐧᒋᐠ, ᓇᒪᐃᐧᔭ ᐊᐃᐧᔭᐠ ᑭᔮᓇᐤ ᑭᑕ ᒥᔦᐤ ᐅᑖᓂᓴ ᑭᑕ ᐃᐧᐃᐧᔨᐟ ᐯᐣᒋᒪᓇ. 2ᐊᓂᑭ ᒫᑲ ᐊᔨᓯᔨᓂᐊᐧᐠ ᑭ ᐯ ᐃᑐᐦᑌᐊᐧᐠ ᐯᐦᑎᓬᐃᕽ, ᐁᑯᑕ ᒫᑲ ᑭ ᐊᐱᐊᐧᐠ ᐅᑎᐢᑲᐤ ᑳ ᑎᐯᔨᐦᒋᑫᔨᐟ ᐱᔨᐢ ᐁ ᐅᑖᑯᓯᓂᔨᐠ, ᐁᑯᓯ ᑭ ᐯᐦᑖᑯᓯᐊᐧᐠ ᒥᓇ ᒥᐢᑕᐦᐃ ᑭ ᒫᑐᐊᐧᐠ. 3ᑭ ᐃᑌᐧᐊᐧᐠ ᒫᑲ, ᑖᓀᐦᑭ ᐅᒪ ᑳ ᐃᑭᕽ ᐃᐢᕒᐁᐃᓬᐃᕽ, ᐯᔭᑯᑌᐤ ᐃᐢᕒᐁᐃᓬᐃᕽ ᐁ ᓇᒪᑌᒋᐠ ᐊᓄᐦᐨ ᑳ ᑭᓯᑳᐠ? 4ᑭ ᐊᔨᑭᐣ ᒫᑲ ᐁᑎ ᐋᐧᐸᓂᔨᐠ, ᐊᔨᓯᔨᓂᐊᐧᐠ ᑭ ᐊᐧᓂᐢᑳᐊᐧᐠ ᐃᐧᐸᐨ ᑫᑭᓭᐹ, ᒥᓇ ᑭ ᐅᓯᐦᑖᐊᐧᐠ ᐁᑯᑕ ᐸᑭᑎᓈᓱᐃᐧᓈᐱᐢᐠ, ᐁᑯᓯ ᑭ ᐸᑭᑎᓈᓱᐊᐧᐠ ᒪᒍᐢᑌᐦᐊᒫᑫᐃᐧᓇ ᒥᓇ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ. 5ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᐃᑌᐧᐊᐧᐠ, ᐊᐁᐧᓇ ᐁᔮᐟ ᐁ ᐃᑕᐦᑐᑌᐃᐧᓯᐟ ᐃᐢᕒᐁᐃᓬ ᐁᑳ ᑳ ᑭ ᐅᐦᒋ ᐯ ᐃᑐᐦᑌᐟ ᑳ ᒫᐊᐧᒋᐦᐃᓱᐢᑖᐦᐟ ᑳ ᑎᐯᔨᐦᒋᑫᐟ? ᒋᑫᒫ ᑭ ᒥᓯ ᑭᐦᒋᐃᑌᐧᐊᐧᐠ ᐊᓂᐦᐃ ᐅᐦᒋ ᐁᑳ ᑫ ᐯ ᓈᑖᔨᐟ ᑳ ᑎᐯᔨᐦᒋᑫᔨᐟ ᒥᐢᐸᐃᕽ, ᐁ ᐃᑌᐧᒋᐠ, ᑫᐦᒋᓈ ᑭᑕ ᓂᐸᐦᐋᐤ. 6ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᒥᐦᑖᑌᐊᐧᐠ ᐯᐣᒋᒪᓇ ᐅᒋᐋᐧᒥᐋᐧᐊᐧ, ᒥᓇ ᑭ ᐃᑌᐧᐊᐧᐠ, ᐯᔭᑯᑌᐤ ᑭᐢᑭᐁᐧᐸᐋᐧᐊᐧᐠ ᐃᐢᕒᐁᐃᓬ ᐅᐦᒋ ᐊᓄᐦᐨ ᑳ ᑭᓯᑳᐠ. 7ᑖᓂᓯ ᑫ ᑐᑕᒪᕽ ᑭᑕ ᑭ ᐃᐧᐃᐧᒋᐠ ᐊᓂᑭ ᑳ ᐃᐢᑯᐃᐦᒋᐠ, ᐃᐧᔭ ᐁ ᑭ ᑭᐦᒋᐃᑌᐧᔭᕽ ᑳ ᑎᐯᔨᐦᒋᑫᐟ ᐁ ᐊᐢᐱᒧᔭᕽ ᐁᑳ ᑭᑕ ᒥᔮᔭᑯᐠ ᑭᑖᓂᓯᓇᐊᐧ ᑭᑕ ᐃᐧᐃᐧᒋ?
8ᑭ ᐃᑌᐧᐊᐧᐠ ᒫᑲ, ᑖᓈᓇ ᐁ ᐃᑕᐦᑐᑌᐃᐧᓯᐟ ᐃᐢᕒᐁᐃᓬ ᐁᑳ ᑳ ᑭ ᐯ ᓈᑖᐟ ᑳ ᑎᐯᔨᐦᒋᑫᔨᐟ ᒥᐢᐸᐃᕽ? ᐳᑎ ᒫᑲ, ᓇᒪᐃᐧᔭ ᐊᐃᐧᔭᐠ ᐅᐦᒋ ᐯ ᐃᑐᐦᑌᐤ ᑲᐯᓯᐃᐧᓂᕽ ᒉᐱᐢᑭᓬᐃᔭᐟ ᐅᐦᒋ ᑳ ᒫᐊᐧᒋᐦᐃᑐᕽ. 9ᒋᑫᒫ ᐃᐢᐱ ᐊᔨᓯᔨᓂᐊᐧᐠ ᐁ ᐊᑭᒥᐦᒋᐠ, ᐳᑎ ᓇᒪᐃᐧᔭ ᐊᐃᐧᔭᐠ ᑳ ᐅᐟ ᐃᐦᑖᐃᐧᓂᒋᐠ ᒉᐱᐢᑭᓬᐃᔭᐟ ᐁᑯᑕ ᐊᔮᐊᐧᐠ. 10ᐊᓂᑭ ᒫᑲ ᑳ ᒫᒪᐁᐧᔭᑎᒋᐠ ᑭ ᐃᓯᑎᓴᐁᐧᐊᐧᐠ ᒥᑖᑕᐦᐟ ᓂᓱᓵᑊ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐊᓂᐦᐃ ᐊᔨᐋᐧᐠ ᐁ ᓂᐦᑕ ᓄᑎᓂᑫᔨᐟ, ᐁᑯᓯ ᑭ ᐃᑕᓱᐋᐧᑌᐊᐧᐠ ᐁ ᐃᑖᒋᐠ, ᓇᑕᐃᐧ ᐸᑲᒪᐅᐦᑯᐠ ᑳ ᐅᐟ ᐃᐦᑖᐃᐧᓂᒋᐠ ᒉᐱᐢᑭᓬᐃᔭᐟ ᐁ ᐃᓯ ᑭᓈᐠ ᐃᓴᐁᐧᐢᐠ ᐅᐦᒋ, ᐊᓯᒋ ᐃᐢᑫᐧᐊᐧᐠ ᒥᓇ ᐊᐋᐧᓯᓴᐠ. 11ᐁᐊᐧᑯ ᒫᑲ ᐅᒪ ᑫ ᐃᑐᑕᒣᐠ; ᒥᑐᓂ ᑭ ᑲ ᓂᓯᐊᐧᓈᒋᐦᐋᐋᐧᐤ ᑲᐦᑭᔭᐤ ᑳ ᓈᐯᐃᐧᐟ ᒥᓇ ᑕᐦᑐ ᐃᐢᑫᐧᐊᐧᐠ ᑳ ᑭ ᐃᐧᒉᐊᐧᒋᐠ ᓈᐯᐊᐧ. 12ᑭ ᒥᐢᑲᐁᐧᐊᐧᐠ ᒫᑲ ᐊᓂᐦᐃ ᑳ ᐅᐟ ᐃᐦᑖᐃᐧᓂᔨᐟ ᒉᐱᐢᑭᓬᐃᔭᐟ ᓀᐋᐧᐤ ᒥᑖᐦᑐᒥᑕᓇᐤ ᐅᐢᑭᓂᑭᐢᑫᐧᐊᐧ, ᐊᓂᐦᐃ ᐁᑳ ᑳ ᑭ ᑭᐢᑫᔨᒫᔨᐟ ᓈᐯᐊᐧ ᐁ ᐃᐧᒉᐋᐧᒋᐠ: ᐁᑯᓯ ᑭ ᐯ ᐃᑐᐦᑕᐦᐁᐊᐧᐠ ᑲᐯᓯᐃᐧᓂᕽ ᓴᐃᓬᐆᐃᕽ, ᐁᐊᐧᑳᐧᓂᒪ ᑫᓇᐣ ᐊᐢᑭᕽ ᑳ ᐊᔮᐠ.
13ᑲᐦᑭᔭᐤ ᒫᑲ ᑳ ᒫᒪᐁᐧᔭᑎᒋᐠ ᑭ ᐃᓯᑎᓴᐁᐧᐊᐧᐠ ᐋᑎᐦᐟ ᑭᑕ ᑭᑐᑖᔨᐟ ᐊᓂᐦᐃ ᐅᐟ ᐊᐋᐧᓯᒥᓴ ᐯᐣᒋᒪᐣ ᕒᐃᒪᐣ ᑭᐢᑖᐱᐢᑳᕽ ᑳ ᐊᔮᔨᐟ ᒥᓇ ᑭᑕ ᑌᐹᐧᑕᒪᐋᐧᒋᐠ ᐃᐧᑕᐢᑭᑐᐃᐧᐣ. 14ᐯᐣᒋᒪᐣ ᒫᑲ ᒥᓇ ᑭ ᑕᑯᓯᐣ ᐁᑯᐢᐱ; ᐁᑯᓯ ᑭ ᒥᔦᐊᐧᐠ ᐊᓂᐦᐃ ᐃᐢᑫᐧᐊᐧ ᑳ ᑭ ᐃᐢᑯᐊᒋᐠ ᒉᐱᐢᑭᓬᐃᔭᑎᕽ ᒫᑲ ᑫᔮᐱᐨ ᓇᒪᐃᐧᔭ ᑭ ᑌᐱᐸᔨᐃᑲᐧᐠ. 15ᐊᔨᓯᔨᓂᐊᐧᐠ ᒫᑲ ᑭ ᒥᐦᑖᑌᐊᐧᐠ ᐊᓂᐦᐃ ᐯᐣᒋᒪᓇ, ᐊᔨᐢ ᑳ ᑎᐯᔨᐦᒋᑫᐟ ᐁ ᑭ ᑕᐃᐧᓈᐟ ᐁ ᐃᑕᐦᑐᑌᐃᐧᓯᔨᐟ ᐃᐢᕒᐁᐃᓬᐊ.
16ᐁᑲᐧ ᑳ ᓂᑳᓀᔨᑖᑯᓯᒋᐠ ᑳ ᒫᒪᐁᐧᔭᑎᒋᐠ ᑭ ᐃᑌᐧᐊᐧᐠ, ᑖᓂᓯ ᑫ ᑐᑕᒪᕽ ᑭᑕ ᐃᐧᐃᐧᒋᐠ ᐊᓂᑭ ᑳ ᐃᐢᑯᒋᐠ, ᐃᐧᔭ ᐃᐢᑫᐧᐊᐧᐠ ᐁ ᓂᓯᐊᐧᓈᒋᐃᐦᒋᐠ ᐯᐣᒋᒪᐣ ᐅᐦᒋ? 17ᑭ ᐃᑌᐧᐊᐧᐠ ᒫᑲ, ᐱᑯ ᑭᑕ ᐅ ᑎᐯᔨᒋᑲᓂᒋᐠ ᐊᓂᑭ ᑳ ᑭ ᐸᐢᐱᒋᐠ ᐯᐣᒋᒪᐣ ᐅᐦᒋ, ᐁᑳ ᐯᔭᑯᑌᐤ ᑭᑕ ᑳᓯᐅᐦᒋᐠ ᐃᐢᕒᐁᐃᓬ ᐅᐦᒋ. 18ᒫᑲ ᐁᔨᐁᐧᕽ ᓇᒪᐃᐧᔭ ᑭᑕ ᑭ ᒥᔮᔭᑯᐠ ᑭᑕ ᐃᐧᐃᐧᒋᐠ ᑭᑖᓂᓯᓇᐊᐧ; ᒋᑫᒫ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑭᐦᒋᐃᑌᐧᐊᐧᐠ ᐁ ᐃᑌᐧᒋᐠ, ᑭᑕ ᓈᓂᐳᒫᐤ ᐊᓇ ᑫ ᒥᔮᑫᐧ ᑭᑕ ᐃᐧᐃᐧᔨᐟ ᐯᐣᒋᒪᓇ. 19ᑭ ᐃᑌᐧᐊᐧᐠ ᒫᑲ, ᒫᑎᑲ, ᐃᐦᑕᑲᐧᐣ ᐁ ᐃᐧᑯᑫᐢᑖᐦᐟ ᑳ ᑎᐯᔨᐦᒋᑫᐟ ᑕᐦᑐ ᐊᐢᑭ ᓴᐃᓬᐆᐃᕽ, ᐁᐊᐧᑳᐧᓂᒪ ᑭᐁᐧᑎᓄᑖᕽ ᐃᑌᐦᑫ ᐯᐦᑌᓬ ᑳ ᐊᔮᐠ, ᐋᐧᐸᓄᑖᕽ ᐃᑌᐦᑫ ᐊᓂᒪ ᑭᐦᒋᒣᐢᑲᓇᐤ ᑳ ᐱᒪᒧᐠ ᐯᐦᑎᓬ ᐅᐦᒋ ᓯᑫᒥᕽ ᐃᓯ, ᒥᓇ ᓵᐊᐧᓄᑖᕽ ᐃᑌᐦᑫ ᓬᐁᐹᓇ. 20ᑭ ᐃᑕᓱᐋᐧᑌᐊᐧᐠ ᒫᑲ ᐊᓂᐦᐃ ᐯᐣᒋᒪᐣ ᐅᐟ ᐊᐋᐧᓯᒥᓴ, ᐁ ᐃᑌᐧᒋᐠ, ᓇᑕᐃᐧ ᐊᐢᑲᒫᒋᑫᐠ ᓱᒥᓂ ᑭᐢᑎᑳᓂᕽ. 21ᐁᑯᓯ ᐊᓴᐋᐧᐱᐠ, ᐳᑎ ᒫᑲ ᑭᐢᐱᐣ ᓴᐃᓬᐆ ᐅᑖᓂᓯᒫᐊᐧᐠ ᐯ ᓇᑕᐃᐧ ᓂᒪᐃᑐᑖᐧᐃᐧ ᓂᒥᐃᑐᐃᐧᓂᕽ, ᐁᑲᐧ ᒧᐢᑭᐢᑖᑯᐠ ᓱᒥᓂᑭᐢᑎᑳᓂᕽ ᐅᐦᒋ ᒥᓇ ᑲᐦᑭᔭᐤ ᓈᐯᐤ ᑭᑕ ᐅᑎᐦᑎᓀᐤ ᐃᐧᐊᐧ ᓴᐃᓬᐆ ᐅᑖᓂᓯᒫᐊᐧ ᐅᐦᒋ, ᒥᓇ ᐯᐣᒋᒪᐣ ᐊᐢᑭᕽ ᐃᑐᐦᑌᑫᐠ. 22ᑭᑕ ᐃᐦᑭᐣ ᒫᑲ, ᑭᐢᐱᐣ ᐅᐦᑖᐃᐧᐋᐧᐊᐧ ᐊᐦᐳ ᐅᑕᐁᐧᒫᐋᐧᐊᐧ ᓈᐣᑕᐤ ᐯ ᐃᑎᑯᔮᑳᐧᐃᐧ, ᓂ ᑲ ᐃᑖᓈᓇᐠ, ᑭᔮᒼ ᒥᔪᑌᐦᐁᐃᐧᓂᕽ ᐸᑭᑎᓇᒪᐃᐧᓈᐣ; ᒋᑫᒫ ᓇᒪᐃᐧᔭ ᑯᐦ ᐅᑎᓂᒫᓇᐊᐧ ᐁ ᐃᑕᓯᐟ ᐊᔨᓯᔨᓂᐤ ᐃᐧᐊᐧ ᓄᑎᓂᑐᐃᐧᓂᕽ; ᐊᔭᑲᒫ ᒥᓇ ᑭᔭᐋᐧᐤ ᐸᑭᑎᓇᒪᐋᐧᔦᑯᐠ; ᐁᑯᓯ ᐃᓯ ᐃᐧᔭ ᑭ ᑲᐦ ᐊᑖᒣᔨᑖᑯᓯᓈᐋᐧᐤ. 23ᐯᐣᒋᒪᐣ ᐅᐟ ᐊᐋᐧᓯᒥᓴ ᒫᑲ ᐁᑯᓯ ᑭ ᐃᑐᑕᒪᐧᐠ, ᒥᓇ ᑭ ᐅᑎᓀᐊᐧᐠ, ᑭᑕ ᐃᐧᐃᐧᒋᐠ, ᐁ ᐃᐦᑕᓯᒋᐠ, ᐊᓂᐦᐃ ᑳ ᓂᒥᐃᑐᔨᐟ, ᑳ ᑭ ᓯᐯᐧᑕᐦᐋᒋᐠ; ᐁᑯᓯ ᑭ ᓇᑕᐃᐧ ᑭᐁᐧᐊᐧᐠ ᐃᐧᔭᐋᐧᐤ ᐅ ᑎᐯᔨᒋᑲᓂᐋᐧᕽ, ᒥᓇ ᑭ ᐅᓯᐦᑖᐊᐧᐠ ᐅᑌᓇᐊᐧ ᐁᑯᑕ ᒫᑲ ᑭ ᐅᐟ ᐃᐦᑖᐃᐧᓂᐊᐧᐠ. 24ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒫᑲ ᑭ ᓯᐯᐧᑌᐊᐧᐠ ᐁᑯᐢᐱ, ᑲᐦᑭᔭᐤ ᐊᔨᓯᔨᓂᐤ ᐅ ᐱᐢᑭᑐᑌᐃᐧᓯᐃᐧᓂᕽ ᒥᓇ ᐁ ᐃᓯ ᐋᐧᑯᑕᕽ, ᐁᑯᑕ ᒫᑲ ᐅᐦᒋ ᑲᐦᑭᔭᐤ ᐊᔨᓯᔨᓂᐤ ᑭ ᐃᑐᐦᑌᐤ ᐃᐧᔭ ᐅ ᑎᐯᔨᒋᑲᓂᕽ.
25 #
ᐅᔭᓱᐁᐧᐊᐧᐠ 17:6
ᐁᑯᐢᐱ ᐁ ᑲᑭᓯᑳᐠ ᓇᒪᐃᐧᔭ ᑭ ᐃᐦᑖᐤ ᑭᐦᒋ ᐅᑭᒫᐤ ᐃᐢᕒᐁᐃᓬᐃᕽ; ᑲᐦᑭᔭᐤ ᐊᔨᓯᔨᓂᐤ ᑭ ᐃᑐᑕᒼ ᐊᓂᒪ ᑳ ᒥᔮᐧᐱᓯᒥᑯᐟ.
Currently Selected:
ᐅᔭᓱᐁᐧᐊᐧᐠ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
