ᐦᐋᓯᔭ 9
9
1ᐁᑳᐃᐧᔭ ᒥᔭᐋᐧᑕ ᑭᔭ ᐃᐢᕒᐁᐃᓬ, ᑳ ᐃᓯ ᒥᔭᐋᐧᑕᐦᑭᐠ ᑯᑕᑲᐠ ᐊᔨᓯᔨᓂᐊᐧᐠ; ᒋᑫᒫ ᑭ ᑭ ᓇᑲᑖᐤ ᑭ ᑭᓭᒪᓂᑐᒼ ᐁ ᐸᐹᒥ ᐱᓯᑳᐧᑎᓯᔭᐣ, ᑭ ᑭ ᒥᔦᐧᔨᑌᐣ ᑎᐸᐦᐊᒫᑯᐃᐧᐣ ᑳ ᑕᐦᑐ ᐸᐊᐧᐃᑫᐃᐧ ᐊᓈᐢᑳᓂᑕᑯᐊᐧᕽ. 2ᐸᐊᐧᐃᑫᐃᐧ ᐊᓈᐢᑳᐣ ᒥᓇ ᓱᒥᓈᐳᐃᐧᒫᑯᐃᑲᐣ ᓇᒪᐃᐧᔭ ᑭᑕ ᐊᓴᒥᑲᐧᐠ, ᒥᓇ ᐅᐢᑭ ᓱᒥᓈᐳ ᑭᑕ ᓄᐦᑌᐸᔨᐃᐠ. 3ᓇᒪᐃᐧᔭ ᑭᑕ ᐊᔮᐊᐧᐠ ᑳ ᑎᐯᔨᐦᒋᑫᐟ ᐅᐟ ᐊᐢᑭᕽ ᒫᑲ ᐃᐸᕒᐁᐃᒼ ᑭᑕ ᑭᐁᐧᐤ ᐃᒋᑊᑎᕽ, ᒥᓇ ᐁᑳ ᐁ ᐯᑲᓂᔨᐠ ᒥᒋᐃᐧᐣ ᑭᑕ ᒥᒋᐊᐧᐠ ᐊᓯᕒᐃᔭᐃᕽ. 4ᓇᒪᐃᐧᔭ ᓱᒥᓈᐳᐃᐧ ᐸᑭᑎᓈᓱᐃᐧᓇ ᑭᑕ ᓯᑭᓇᒪᐁᐧᐊᐧᐠ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᑭᑕ ᒥᔦᐧᔨᑕᒼ; ᐅ ᐸᑭᑎᓈᓱᐃᐧᓂᐋᐧᐊᐧ ᑭᑕ ᐃᑎᐢᑳᑲᐧᐠ ᑖᐱᐢᑯᐨ ᐅ ᐸᐦᑫᐧᓯᑲᓂᒥᐋᐧᐊᐧ ᑳ ᓇᓀᑳᒋᒧᒋᐠ; ᑲᐦᑭᔭᐤ ᑳ ᒧᐋᐧᒋᐠ ᐁᐊᐧᑯᓂ ᑭᑕ ᐃᐧᓀᔨᑖᑯᐦᐃᑲᐧᐠ; ᒋᑫᒫ ᐅ ᐸᐦᑫᐧᓯᑲᓂᒥᐋᐧᐊᐧ ᐱᑯ ᐅ ᑳᓴᑫᐃᐧᓂᐋᐧᐤ ᐅᐦᒋ; ᓇᒪᐃᐧᔭ ᑭᑕ ᐱᐦᑐᑫᐤ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ.
5ᑫᑲᐧᐩ ᑫ ᑐᑕᒣᐠ ᐊᓂᒪ ᐁ ᑭᓯᑳᐠ ᑳ ᐊᔮᑳᐧᒣᔨᑖᑲᐧᕽ ᒫᐊᐧᒋᐃᑐᐃᐧᐣ, ᒥᓇ ᐊᓂᒪ ᐅ ᑭᐦᒋᑭᓯᑳᒼ ᑳ ᑎᐯᔨᐦᒋᑫᐟ? 6ᒋᑫᒫ ᒫᑎᑲ, ᑭ ᓯᐯᐧᑌᐊᐧᐠ ᓂᓯᐊᐧᓈᒋᐦᐃᐁᐧᐃᐧᐣ ᐅᐦᒋ, ᐁᔨᐁᐧᕽ ᒫᑲ ᐃᒋᑊᐟ ᑭᑕ ᒧᓴᑭᓂᑲᐧᐠ, ᒣᒼᐱᐢ ᑭᑕ ᓇᐦᐃᓂᑲᐧᐠ; ᑳ ᒥᔦᐧᔨᑕᐦᑭᐠ ᐋᐧᐱᐢᑭᓱᓂᔮᐋᐧᔭ, ᒪᓵᓂᕽ ᑭᑕ ᐊᔮᐊᐧ; ᒥᓯᑳᐃᐧᒥᓇᑲᓯᔭ ᑭᑕ ᐊᔮᔨᐊᐧ ᐃᐧᑭᐋᐧᕽ. 7#ᓬᐅᐠ 21:22ᓇᑕᐋᐧᐯᓂᑫᐃᐧ ᑭᓯᑳᐊᐧ ᐅᑎᐦᒋᐸᔨᐊᐧ, ᑎᐸᐦᐊᒫᑫᐃᐧᑭᓯᑳᐊᐧ ᐅᑎᐦᒋᐸᔨᐊᐧ; ᐃᐢᕒᐁᐃᓬ ᑭᑕ ᑭᐢᑫᔨᑕᒼ; ᐅᑭᐢᑭᐁᐧᐦᐃᑫᐤ ᑲᑫᐹᑎᓯᐤ, ᐊᔨᓯᔨᓂᐤ ᑳ ᐊᔮᐋᐧᐟ ᐊᐦᒑᐦᑲᐧ ᐊᐧᓂᓀᐤ, ᐁ ᐃᓯ ᐅᓵᒣᔭᑎᕽ ᑭ ᒪᒋᐃᑎᐃᐧᐣ, ᒥᓇ ᐸᑳᐧᓯᐁᐧᐃᐧᐣ ᐁ ᒥᓵᐠ. 8ᐃᐸᕒᐁᐃᒼ ᐅᑕᓴᐋᐧᐱᐃᐧᔨᓂᒪ ᑭ ᐃᐧᒉᐁᐧᐤ ᓂ ᑭᓭᒪᓂᑐᒪ; ᒫᑲ ᐃᐧᔭ ᐅᑭᐢᑭᐁᐧᐦᐃᑫᐤ ᐅᓄᒋᔦᐁᐧᐤ ᐅ ᓇᑳᐧᑲᓇ ᑲᐦᑭᔭᐤ ᑳ ᐊᔨᐦᑎᐟ, ᒥᓇ ᐃᓴᐋᐧᓇᑫᔨᒧᐃᐧᐣ ᐅ ᐋᐧᐢᑳᐦᐃᑲᓂᔨᕽ ᐅ ᑭᓭᒪᓂᑐᒪ. 9#ᐅᔭᓱᐁᐧᐊᐧᐠ 19:1-30ᒥᐢᑕᐦᐃ ᑭ ᓂᓯᐊᐧᓈᒋᐃᓱᐊᐧᐠ, ᑖᐱᐢᑯᐨ ᒣᑳᐧᐨ ᑭᐱᔭ ᑳ ᑭ ᐊᔮᐠ; ᑭᑕ ᑭᐢᑭᓯᑐᑕᒣᐧᐤ ᐅ ᒪᒋᐃᑎᐃᐧᓂᔨᐤ, ᑭᑕ ᓇᑕᐋᐧᐯᓂᑫᐤ ᐅ ᒪᒋᑐᑕᒧᐃᐧᓂᔨᐊᐧ.
10 #
ᓇᒼᐸᕒᐢ 25:1-5
ᓂ ᑭ ᒥᐢᑲᐋᐧᐤ ᐃᐢᕒᐁᐃᓬ ᑖᐱᐢᑯᐨ ᓱᒥᓂᓴᐠ ᐱᑲᐧᑕᐢᑭᕽ; ᓂ ᑭ ᐋᐧᐸᒫᐊᐧᐠ ᑯᑖᐃᐧᐋᐧᐊᐧᐠ ᑖᐱᐢᑯᐨ ᐊᓂᑭ ᓂᐢᑕᒼ ᑳ ᐊᑎᓱᒋᐠ ᓱᒥᓈᑎᑯᕽ ᓂᐢᑕᒼ ᐁ ᒥᓂᓯᐃᐧᐟ; ᒫᑲ ᑭ ᐯ ᐃᑐᐦᑌᐊᐧᐠ ᐯᐊᓬᐱᐋᕒᐃᕽ, ᐁᑯᓯ ᑭ ᐱᐢᑭᒋᐃᓱᐊᐧᐠ ᓇᓀᐯᐃᐧᓯᐃᐧᓂᕽ, ᒥᓇ ᑭ ᓭᓭᐢᑫᔨᑖᑯᓯᐊᐧᐠ ᑖᐱᐢᑯᐨ ᐊᓂᒪ ᑳ ᓵᑭᐦᑖᒋᐠ. 11ᒫᑲ ᐃᐧᔭ ᐃᐸᕒᐁᐃᒼ, ᐅ ᑭᐢᑌᔨᑖᑯᓯᐃᐧᓂᐋᐧᐤ ᑭᑕ ᐅᐦᐸᐅᒪᑲᓂᔨᐤ ᑖᐱᐢᑯᐨ ᐱᔦᓯᐢ; ᓇᒪᐃᐧᔭ ᑭᑕ ᐃᐦᑕᑲᐧᐣ ᓂᐦᑖᐃᐧᑭᐃᐁᐧᐃᐧᐣ, ᒥᓇ ᓇᒪᐃᐧᔭ ᐊᐃᐧᔭᐠ ᑭᑕ ᑭᑭᐢᑲᐋᐧᐊᐧᓱ, ᒥᓇ ᓇᒪᐃᐧᔭ ᐊᐃᐧᔭᐠ ᑭᑕ ᓂᐦᑖᐅᓭᐤ. 12ᐋᑕ ᐅᐦᐱᑭᐋᑖᐧᐃᐧ ᐅᐟ ᐊᐋᐧᓯᒥᓯᐋᐧᐊᐧ, ᓵᑯᐨ ᑭᑕ ᓇᑲᑎᑯᒋᐠ ᓂ ᑲ ᐃᐦᑐᑕᐋᐧᐊᐧᐠ, ᐁᑳ ᐊᐃᐧᔭᐠ ᓈᐯᐤ ᑭᑕ ᐃᐢᑯᓂᐦᐟ; ᐁᐦᐁ, ᑖᓂᔨᑯᕽ ᒥᓇ ᑯᑕᑭᑖᐃᐧᐣ ᑭᑕ ᐊᔮᐊᐧᐠ ᐃᐢᐱ ᓇᑲᑕᑳᐧᐃᐧ! 13ᐃᐸᕒᐁᐃᒼ ᑖᐱᐢᑯᐨ ᑳ ᑭ ᐃᓯ ᐋᐧᐸᒪᐠ ᑖᔭᕒ, ᐁ ᒥᔦᐧᔨᑖᑲᐧᓂᔨᐠ ᐃᑕ ᑳ ᑭᐢᑎᑳᓱᐟ; ᒫᑲ ᐃᐸᕒᐁᐃᒼ ᑭᑕ ᐯ ᐊᐧᔭᐃᐧᑕᑕᒪᐁᐧᐤ ᐅᐟ ᐊᐋᐧᓯᒥᓴ ᐅᓂᐸᑖᑫᐊᐧ. 14ᒥᔨᐠ, ᑳ ᑎᐯᔨᐦᒋᑫᔭᐣ; ᑫᑲᐧᐩ ᑫ ᒥᔭᒋᐠ? ᒥᔨᐠ ᓄᐦᑕᐤ ᓄᑯᐋᐊᐧᓱᐃᐧᐣ ᒥᓇ ᐁᑳ ᐁ ᑐᐦᑐᓵᐳᐃᐧᒋᐠ ᒥᑐᐦᑐᓯᒪᐠ.
15ᑲᐦᑭᔭᐤ ᐅ ᒪᒑᔨᐃᐧᓂᐋᐧᐤ ᐁᑯᑕ ᑭᓬᑳᓬ ᐊᔮᔨᐤ; ᒋᑫᒫ ᐁᑯᑕ ᓂ ᑭ ᐸᑳᐧᑖᐊᐧᐠ; ᐃᐧᔭ ᐁ ᒪᒑᔨᐊᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ ᓂ ᑲ ᐊᐧᔭᐃᐧᑎᓴᐋᐧᐊᐧᐠ ᓂ ᐋᐧᐢᑳᐦᐃᑲᓂᕽ ᐅᐦᒋ; ᓇᒪᐃᐧᑳᐨ ᒥᓇ ᓂ ᑲ ᓵᑭᐦᐋᐊᐧᐠ; ᑲᐦᑭᔭᐤ ᑳ ᐅᑭᒫᑲᑖᑯᒋᐠ ᓂᐦᑖ ᒫᔭᑲᒥᑭᓯᔨᐊᐧ. 16ᐃᐸᕒᐁᐃᒼ ᐸᑲᒪᐋᐧᐤ, ᐅᒉᐱᑭᐃᐧᓂᐋᐧᐤ ᐹᐢᑌᔨᐤ, ᓇᒪᐃᐧᔭ ᑭᑕ ᒥᓂᓯᐃᐧᐊᐧᐠ; ᐁᐦᐁ, ᑭᐢᐱᐣ ᐋᑕ ᓂᐦᑖᐃᐧᑭᐦᐋᐊᐧᓱᑖᐧᐃᐧ ᓂ ᑲ ᓂᐸᐃᒫᐊᐧ ᑳ ᓵᑭᐦᐋᒋᐠ ᐅ ᓂᐦᑖᐃᐧᑭᐦᐋᑲᓂᐋᐧᐊᐧ. 17ᓂ ᑭᓭᒪᓂᑐᒪ ᑭᑕ ᐁᐧᐱᓂᑲᐧᐠ, ᐃᐧᔭ ᐁᑳ ᐁ ᐅᐦᒋ ᓇᑐᐦᑕᐋᐧᒋᐠ; ᐁᑯᓯ ᑭᑕ ᐸᐹᒫᒋᐦᐅᐊᐧᐠ ᓇᓈᑐᑯᐢᑳᓀᓯᓈᕽ.
Currently Selected:
ᐦᐋᓯᔭ 9: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
