ᐦᐋᓯᔭ 12
12
1ᐃᐸᕒᐁᐃᒼ ᔪᑎᐣ ᑳ ᒥᒋᐟ, ᒥᓇ ᐱᒥᑎᓴᐦᐊᒼ ᐋᐧᐸᓂᔪᑎᐣ; ᑕᐦᑭᓀ ᔭᐦᑭᒥᐦᒉᑐᑖᐤ ᑭᔮᐢᑭᐃᐧᓇ ᒥᓇ ᑭᐊᐧᒋᐦᐃᐁᐧᐃᐧᐣ; ᐁᑯᓯ ᐃᐧᒋᐦᐃᓯᒋᑫᒣᐊᐧᐠ ᐊᓯᕒᐃᔭ, ᒥᓇ ᐱᒥ ᐃᒋᑊᑎᕽ ᐃᑐᑕᑖᐊᐧᐠ.
2ᑳ ᑎᐯᔨᐦᒋᑫᐟ ᒥᓇ ᐊᔮᐤ ᑭᑕ ᐃᓯ ᐋᓀᐧᔨᒫᐟ ᒍᑕᐊᐧ, ᒥᓇ ᑭᑕ ᑲᑫᐢᑭᒧᐁᐤ ᒉᑲᐸ ᐁ ᐃᓯᐦᒋᑫᔨᐟ; ᒥᓇ ᑳ ᐊᔨᑐᑕᒥᔨᐟ ᐁᑯᓯ ᑫ ᐃᓯ ᑌᐸᐊᒪᐋᐧᐟ. 3#ᒉᓂᓯᐢ 25:26#ᒉᓂᓯᐢ 32:24-26ᒪᐧᔦᐢ ᓄᑯᓯᐟ ᑭ ᓴᑭᑐᐦᑕᓀᓀᐤ ᐅᒋᐋᐧᒪ; ᐁᑯᓯ ᐃᐢᐱ ᐁ ᑭᓵᐯᐃᐧᐟ ᑭ ᒪᐢᑲᐃᐧᓯᐤ ᑭᓭᒪᓂᑐᓈᕽ; 4#ᒉᓂᓯᐢ 28:10-22ᐁᐦᐁ ᑭ ᐊᔨᐋᐧᑭᐧ ᒪᐢᑲᐃᐧᓯᐤ ᐃᔨᑯᕽ ᐁᐣᒋᓬᐊ, ᒥᓇ ᑭ ᓵᑯᒋᐦᐁᐤ; ᑭ ᒫᑐ ᒥᓇ ᑭ ᒪᐃᐧᒧᐢᑕᐁᐧᐤ; ᑭ ᒥᐢᑲᐁᐧᐤ ᐯᐦᑎᓬᐃᕽ, ᐁᑯᑕ ᒫᑲ ᑭ ᑭ ᐃᐧᒋᐱᑭᐢᑫᐧᒥᑯᓇᐤ; 5ᐊᓇ ᐅᑎ ᑳ ᑎᐯᔨᐦᒋᑫᐟ, ᑭᓭᒪᓂᑐ ᒥᓯᐁᐧ ᓯᔪᑳᑎᓯᐟ; ᑳ ᑎᐯᔨᐦᒋᑫᐟ ᐁᑯᓯ ᐃᓯ ᑭᐢᑫᔨᑖᑯᓯᐤ. 6ᐁᑯᓯ ᒫᑲ ᑫᐧᐢᑭᑳᐸᐃᐧᐢᑕᐤ ᑭ ᑭᓭᒪᓂᑐᒼ; ᑲᓇᐁᐧᔨᑕ ᑭᓭᐋᐧᑎᓯᐃᐧᐣ ᒥᓇ ᐅᔭᓱᐋᐧᓯᐁᐧᐃᐧᐣ, ᒥᓇ ᑕᐦᑭᓀ ᓂᐸᐃᐧᐢᑕᐤ ᑭ ᑭᓭᒪᓂᑐᒼ.
7ᐊᑖᐁᐧᐃᐧᔨᓂᐃᐧᐤ, ᑲᔦᓯᐃᐁᐧᐃᐧ ᑎᐹᐯᐢᑯᒋᑲᓇ ᒥᒋᒥᓇᒼ ᐅᒋᒋᕽ; ᒥᔦᐧᔨᑕᒼ ᑭᑕ ᑭᑎᒪᐦᐃᐁᐧᐟ. 8ᐃᐸᕒᐁᐃᒼ ᒫᑲ ᑭ ᐃᑌᐧᐤ, ᑫᒋᓈ ᓂᐟ ᐊᑎ ᐁᐧᔪᑎᓯᐣ, ᓂ ᑭ ᒥᐢᑲᒫᓱᐣ ᐁᐧᔪᑎᓯᐃᐧᐣ; ᑲᐦᑭᔭᐤ ᓂᐟ ᐊᑐᐢᑫᐃᐧᓂᕽ ᓇᒪᐃᐧᔭ ᑭᑕ ᒥᐢᑲᒪᐧᐠ ᒪᒋᐃᑎᐃᐧᐣ ᑭᑕ ᑭᑭᐢᑳᑯᔮᐣ ᒪᒋᑐᑕᒧᐃᐧᐣ ᑭᑕ ᐃᑕᑭᑌᐠ. 9#ᓬᐃᐱᑎᑲᐢ 23:42,43ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᒋᑊᐟ ᐊᐢᑭᕽ ᐅᐦᒋ; ᑫᔮᐱᐨ ᒥᓇ ᑭ ᑲ ᐃᑐᑖᑎᐣ ᒥᑭᐋᐧᐱᕽ ᑭᑕ ᐃᐧᑭᔭᐣ, ᑖᐱᐢᑯᐨ ᐊᓂᐦᐃ ᑭᓯᑳᐊᐧ ᑳ ᑭ ᑲᓈᒋ ᐃᐧᐦᑯᐦᑐᕽ.
10ᓂ ᑭ ᐊᔭᒥᐦᐋᐊᐧᐠ ᒥᓇ ᐅᑭᐢᑭᐁᐧᐦᐃᑫᐊᐧᐠ, ᒥᓇ ᓂ ᑭ ᒥᒉᑐᑖᐣ ᐃᓯᓇᒧᐃᐧᓇ; ᒥᓇ ᐁ ᐊᑐᐢᑫᐢᑕᐃᐧᒋᐠ ᐅᑭᐢᑭᐁᐧᐦᐃᑫᐊᐧᐠ ᓂ ᑭ ᐋᐸᒋᐦᑖᐣ ᐊᐢᐸᐋᑫᒧᐃᐧᓇ. 11ᐃᐦᑕᑲᐧᐣ ᒋ ᒪᒋᐃᑎᐃᐧᐣ ᑭᓬᐃᔭᑎᕽ? ᐱᓯᓯᐠ ᐱᑯᓇᑕ ᐃᓯᐦᒋᑫᐊᐧᐠ; ᑭᓬᑳᓬᐃᕽ ᔮᐯᒧᐢᑐᓴᐧ ᐸᑭᑎᓈᓱᐊᐧᐠ; ᐁᐦᐁ, ᐅ ᐸᑭᑎᓈᓱᐃᐧᓈᐱᐢᑯᐋᐧᐊᐧ ᑖᐱᐢᑯᐨ ᐁ ᐸᐯᐢᑳᐧᐠ ᐸᓴᒋᐱᒋᑲᓂᕽ ᑭᐢᑎᑳᓂᕽ. 12#ᒉᓂᓯᐢ 29:1-20ᒉᑲᑊ ᒫᑲ ᑭ ᐃᑖᒧ ᐁᕒᐋᒼ ᑭᐢᑎᑳᓂᕽ ᒥᓇ ᐃᐢᕒᐁᐃᓬ ᑭ ᐊᑐᐢᑫᐤ ᐃᐧᐊᐧ ᐅᐦᒋ, ᒥᓇ ᐃᐧᐊᐧ ᐅᐦᒋ ᑭ ᑲᓇᐁᐧᔨᒣᐤ ᒫᔭᑎᐦᑲᐧ. 13#ᐁᐠᓴᑕᐢ 12:50,51ᐁᑯᓯ ᐅᑭᐢᑭᐁᐧᐦᐃᑫᐊᐧ ᐁ ᐋᐸᒋᐋᐟ ᑳ ᑎᐯᔨᐦᒋᑫᐟ ᑭ ᐯ ᐊᐧᔭᐃᐧᑕᐁᐤ ᐃᐢᕒᐁᐃᓬᐊ ᐃᒋᑊᐟ ᐊᐢᑭᕽ ᐅᐦᒋ, ᒥᓇ ᐅᑭᐢᑭᐁᐧᐦᐃᑫᐊᐧ ᐅᐦᒋ ᑭ ᑲᓇᐁᐧᔨᑖᑯᓯᐤ. 14ᐃᐸᕒᐁᐃᒼ ᒥᐢᑕᐦᐃ ᑭ ᑭᓯᐋᐧᑖᐧᐤ; ᐁᐊᐧᑯ ᐅᐦᒋ ᐅ ᒥᐦᑯ ᑭᑕ ᓇᑲᑕᒪᐋᐧᐤ, ᒥᓇ ᐅ ᓇᓀᐯᐊᐧᑫᔨᑖᑯᓯᐃᐧᐣ ᑭᑕ ᑭᐁᐧᓇᒫᐠ ᑳ ᑎᐯᔨᒥᑯᐟ.
Currently Selected:
ᐦᐋᓯᔭ 12: KKMs
Highlight
Share
Copy

Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.