ᑲᓬᐁᓯᔭᓇ 2

1 # ᐃᓯᐦᒋᑫᐃᐧᓂᐋᐧᐊᐧ 11:30; 15:2 ᐁᑲᐧ ᒥᑖᑕᐟ ᓀᐅᓵᑊ ᑕᐦᑐ ᐊᐢᑭ ᐃᔨᑯᕽ ᒥᓇ ᓂ ᑭ ᐃᑐᐦᑖᐣ ᒉᕒᐅᓴᓬᐊᒥᕽ ᐹᕒᓇᐸᐢ ᐊᓯᒋ, ᑖᐃᑕᐢ ᒥᓇ ᐁ ᐃᐧᒉᐊᐧᐠ. 2ᓂ ᑭ ᐃᑐᐦᑖᐣ ᒫᑲ ᐋᐧᐸᑎᔨᑯᐃᐧᓯᐃᐧᓂᕽ; ᐁᑯᓯ ᓂ ᑭ ᐋᒋᒧᐢᑕᐋᐧᐊᐧᐠ ᐊᓂᒪ ᒥᔮᐧᒋᒧᐃᐧᐣ ᑳ ᐊᐧᐃᐧᑕᒪᐊᐧᑭᐠ ᒉᐣᑕᐃᓬᐊᐠ, ᒫᑲ ᓂ ᑭ ᓂᓯᑫ ᐃᐧᐦᑕᒪᐋᐧᐊᐧᐠ ᐊᓂᑭ ᑳ ᑭᐢᑌᔨᑖᑯᓯᒋᐠ, ᑫᑲ ᓈᐣᑕᐤ ᐃᓯ ᐱᑯᓇᑕ ᑭᑕ ᐱᒥᐸᑖᔮᐣ, ᐊᐦᐳ ᓵᓴᐩ ᐱᑯᓇᑕ ᐁ ᑭ ᐱᒥᐸᑖᔮᐣ. 3ᒫᑲ ᓇᒪᐃᐧᔭ ᐊᐦᐳ ᑖᐃᑕᐢ ᑳ ᐃᐧᒉᐃᐧᐟ, ᐁ ᑲᕒᐃᑭᐃᐧᐟ, ᑭ ᐅᐦᒋ ᓯᑭᐢᑲᐋᐧᐤ ᑭᑕ ᓴᕒᑲᒼᓴᐃᓯᐃᐧᐟ: 4ᒋᑫᒫ ᐊᓂᑭ ᑳ ᑲᔦᓯᑖᒋᐠ ᐅᒋᐋᐧᒥᒫᐊᐧᐠ ᑭᒧᐨ ᑭ ᐱᑐᑲᐋᐊᐧᐠ ᐁ ᐯ ᐃᑐᐦᑌᒋᐠ ᑭᑕ ᑮᒫᐸᑕᑭᐠ ᓂ ᑎᐯᔨᒥᓱᐃᐧᓂᓈᐣ ᑳ ᐊᔮᔮᕽ ᙭ ᒋᓴᐢ ᐅᐦᒋ, ᑭᑕ ᐃᑐᑕᐃᑯᔮᐦᑭᐠ ᑎᐯᔨᒥᑯᐃᐧᓂᕽ: 5ᓇᒪᐃᐧᔭ ᒫᑲ ᐁᐊᐧᑯᓂᐠ ᓄᐦᒋ ᑕᐃᐧᐢᑕᐊᐧᓈᓇᐠ, ᓇᒪ, ᓇᒪᐋᐧᐨ ᐯᔭᐠ ᑎᐸᐃᑲᐣ ᐃᔨᑯᕽ; ᐁ ᐃᓯ ᑖᐯᐧᒪᑲᕽ ᒥᔮᐧᒋᒧᐃᐧᐣ ᐁᑳ ᑭᑕ ᓇᑲᑎᑯᔦᐠ. 6#ᑎᔪᑕᕒᐊᓇᒥ 10:17ᒫᑲ ᐃᐧᔭ ᐊᓂᑭ ᑳ ᑭᐦᒉᔨᑖᑯᓯᒋᐠ ᑳ ᐃᓯ ᐋᒋᒥᐦᒋᐠ (ᒫᑲ ᐁ ᐊᔨᑕᑭᒋᑳᓱᒋᐠ, ᓇᒪ ᓈᐣᑕᐤ ᓂᔭ ᐃᐧᔭ ᓂᐟ ᐃᑕᑭᑌᐣ: ᓇᒪᐃᐧᔭ ᐁ ᐃᑕᑭᒋᑳᓱᔨᐟ ᐃᐧᔭᐃᐧᔨᕽ ᐃᓯ ᐅᑎᓀᐤ ᐊᔨᓯᔨᓂᐊᐧ ᑭᓭᒪᓂᑐ); ᐁᐊᐧᑯᓂᐠ, ᓂᐟ ᐃᑖᐧᐣ, ᑳ ᑭᐢᑕᑭᒥᐦᒋᐠ ᓇᒪ ᑫᑲᐧᐩ ᓂᔭ ᓂ ᑭ ᐅᐦᒋᐢᑕᒫᑲᐧᐠ: 7ᒫᑲ ᑎᔭᑯᐨ, ᐃᐢᐱ ᐃᐧᔮᐸᐦᑕᑭᐠ ᐁ ᑭ ᐸᑭᑎᓇᒫᑲᐃᐧᐊᐧᐠ ᒥᔮᐧᒋᒧᐃᐧᐣ ᑭᑕ ᐃᐧᐦᑕᒪᐊᐧᑭᐠ ᐁᑳ ᑳ ᓴᕒᑲᒼᓴᐃᓯᐃᐧᒋᐠ, ᑖᐱᐢᑯᐨ ᐱᑕᕒ ᑳ ᑭ ᐸᑭᑎᓇᒫᐦᐟ ᑳ ᓴᕒᑲᒼᓴᐃᓯᐃᐧᔨᐟ ᐅᐦᒋ 8(ᒋᑫᒫ ᐊᓇ ᑳ ᑭ ᐊᑐᐢᑫᐢᑕᒪᐋᐧᐟ ᐱᑕᕒᐊ ᑭᑕ ᐊᐸᐢᑎᓬᐃᐃᐧᔨᐟ ᑭᑕ ᐃᐧᐦᑕᒪᐋᐧᐟ ᑳ ᓴᕒᑲᒼᓴᐃᓯᐃᐧᔨᐟ ᓂᔭ ᒥᓇ ᓂ ᑭ ᐊᑐᐢᑫᐢᑕᒫᐠ ᐁ ᐃᐧᐦᑕᒪᐊᐧᑭᐠ ᒉᐣᑕᐃᓬᐊᐠ); 9ᐃᐢᐱ ᒫᑲ ᐃᐧᔮᐸᐦᑕᑭᐠ ᓂᓱᑲᒫᑯᐃᐧᐣ ᑳ ᒥᔨᑲᐃᐧᔮᐣ, ᒉᒥᐢ ᒥᓇ ᓯᐹᐢ ᒥᓇ ᒑᐣ, ᐊᓂᑭ ᑳ ᐋᑐᑖᑯᓯᒋᐠ ᐁ ᓯᑐᐢᑲᒫᑫᒋᐠ ᓂ ᑭ ᒥᔨᑯᓈᓇᐠ ᓂᔭ ᒥᓇ ᐹᕒᓇᐸᐢ ᐅ ᑭᐦᒋᓂᐢᑭᐋᐧᐊᐧ ᐃᐧᒉᑐᐃᐧᓂᕽ, ᓂᔭᓈᐣ ᑭᑕ ᓈᑖᔮᑭᐠ ᒉᐣᑕᐃᓬᐊᐠ, ᐃᐧᔭᐋᐧᐤ ᒫᑲ ᐊᓂᐦᐃ ᑳ ᓴᕒᑲᒼᓴᐃᓯᐃᐧᔨᐟ; 10ᐱᑯ ᑭ ᓇᑕᐁᐧᔨᑕᒪᐧᐠ ᑭᑕ ᑭᐢᑭᓯᑐᑕᐋᐧᔮᐦᑭᐠ ᐅᑭᑎᒫᑭᓯᐊᐧᐠ; ᐁᐊᐧᑯ ᒫᑲ ᓂᐢᑕ ᓂ ᑭ ᐋᑲᒣᔨᒧᐣ ᑭᑕ ᐃᑐᑕᒫᐣ.

11ᒫᑲ ᐃᐢᐱ ᓯᐹᐢ ᑌᑯᓯᕽ ᐊᓂᑕ ᐋᐣᑎᔮᐠ, ᓂ ᑭ ᑭᑐᑖᐤ ᐅᑳᐧᑲᓂᕽ, ᒋᑫᒫ ᑭ ᐃᓯᐦᒋᑫᐤ ᑭᑕ ᑭ ᓈᐣᑕᐤ ᐃᑎᐦᐟ. 12ᐃᐧᔭ ᒪᐧᔦᐢ ᑕᑯᓯᓂᔨᐟ ᐋᑎᐦᐟ ᒉᒥᐢ ᑳ ᑭ ᐯ ᐃᓯᑎᓴᐊᐧᐟ, ᑭ ᐊᐧᐃᐧᒋᒥᒋᓱᒣᐤ ᒉᐣᑕᐃᓬᐊ: ᒫᑲ ᐃᐢᐱ ᐅᐦᐃ ᐁ ᑕᑯᓯᓂᔨᐟ, ᐁᑲᐧ ᐊᓭᐸᔨᐦᐅ ᒥᓇ ᓇᑲᑌᐤ, ᐁ ᑯᐢᑖᐟ ᐊᓂᐦᐃ ᑳ ᓴᕒᑲᒼᓴᐃᓯᐃᐧᔨᐟ. 13ᐁᑯᓯ ᑯᑕᑲ ᒍᐊᐧ ᑭ ᐃᐧᒉᐃᐧᐠ ᐅᒪ ᐁ ᐃᓯᐦᒋᑫᐟ; ᐸᕒᓇᐸᐢ ᐊᐦᐳ ᑭ ᐁᐧᐱᐃᐧᔭᐤ ᐅᒪ ᐁ ᑲᑲᔦᔨᓯᐃᐧ ᐃᓯᐦᒋᑫᒋᐠ. 14ᒫᑲ ᐃᐢᐱ ᐃᐧᔮᐸᐦᑕᒫᐣ ᐁᑳ ᑲᐧᔭᐢᐠ ᐁ ᐃᓯ ᐱᒧᐦᑌᒋᐠ ᐁ ᐃᑕᐢᑌᐠ ᐁ ᐃᓯ ᑖᐯᐧᐃᐧᓂᐊᐧᕽ ᒥᔮᐧᒋᒧᐃᐧᐣ, ᓂ ᑭ ᐃᑖᐤ ᓯᐹᐢ, ᑲᐦᑭᔭᐤ ᐁ ᐯᑕᐃᐧᒋᐠ, ᑭᐢᐱᐣ ᑭᔭ, ᐁ ᒍᐃᐧᔭᐣ, ᐁᓯ ᐱᒫᑎᓯᐊᐧᓀ ᑖᐱᐢᑯᐨ ᒉᐣᑕᐃᓬᐊᐠ, ᓇᒪᐃᐧᔭ ᒫᑲ ᑖᐱᐢᑯᐨ ᒍᐊᐧᐠ ᑳ ᐃᓯ ᐱᒫᑎᓯᒋᐠ, ᑖᓀᑭ ᑳ ᓇᑕᐁᐧᔨᒪᒋᐠ ᒉᐣᑕᐃᓬᐊᐠ ᑭᑕ ᐃᓯ ᐱᒫᑎᓯᒋᐠ ᑖᐱᐢᑯᐨ ᒍᐊᐧᐠ?

15ᑭᔮᓇᐤ ᒫᑲ ᑳ ᒍᐃᐧᔭᕽ ᑲᔭᑌ, ᓇᒪᐃᐧᔭ ᒫᑲ ᐅᒪᒑᑎᓯᐊᐧᐠ ᒉᐣᑕᐃᓬᐃᓈᕽ ᐅᐦᒋ, 16#ᓂᑲᒧᓇ 143:2; ᕒᐅᒪᓇ 3:20; ᕒᐅᒪᓇ 3:22ᐁᔨᐁᐧᕽ ᒫᑲ ᐁ ᑭᐢᑫᔨᑕᒪᕽ ᐊᔨᓯᔨᓂᐤ ᐁᑳ ᐁ ᑲᐧᔭᐢᑳᐧᑎᓯᐊᐧᑭᒥᐦᐟ ᐃᓯᐦᒋᑫᐃᐧᓇ ᐅᔭᓱᐁᐧᐃᐧᓂᕽ ᐅᐦᒋ: ᒋᑫᒫ ᐃᓯᐦᒋᑫᐃᐧᓇ ᐅᔭᓱᐁᐧᐃᐧᓂᕽ ᓇᒪᐃᐧᔭ ᐊᐃᐧᔭᐠ ᑳ ᐅ ᐃᐧᔮᓯᐟ ᑭᑕ ᑭ ᐅᐦᒋ ᑲᐧᔭᐢᑳᐧᑎᓯᐊᐧᑭᒫᐤ. 17ᒫᑲ ᑭᐢᐱᐣ, ᐁ ᒣᑲᐧ ᓇᑐᓇᒪᕽ ᑭᑕ ᑲᐧᔭᐢᑳᐧᑐᑎᓯᐊᐧᑭᒥᑲᐃᐧᔭᕽ ᙭ ᐅᐦᒋ, ᑭ ᑭᐢᑫᔨᑖᑯᓯᓈᓇᐤ ᒪᒋᐃᑎᐃᐧᐣ ᐁ ᐃᑐᑕᒪᕽ, ᙭ ᒋ ᐸᒥᑖᐤ ᒪᒋᐃᑎᐃᐧᐣ? ᓇᒪᐃᐧᔭ ᑭᑕ ᑭ ᐃᐦᑭᐣ. 18ᒋᑫᒫ ᑭᐢᐱᐣ ᒥᓇ ᐅᓯᑖᔮᓂ ᐊᓂᐦᐃ ᑳ ᑭ ᓂᓯᐊᐧᓈᒋᑖᔮᐣ, ᓂ ᓄᑯᑖᐣ ᓂᔭ ᐁ ᐊᐧᓂᑐᑕᒫᐣ. 19ᒋᑫᒫ ᓂᔭ ᐅᔭᓱᐁᐧᐃᐧᐣ ᐅᐦᒋ ᓂ ᑭ ᓂᐱᐣ ᐅᔭᓱᐁᐧᐃᐧᓂᕽ ᐃᓯ, ᑭᑕ ᐱᒫᑎᓯᔮᐣ ᑭᓭᒪᓂᑐᕽ ᐃᓯ. 20ᓂ ᐃᐧᒋ ᒋᐢᑕᐦᐋᐢᑳᐧᓱᒫᐤ ᙭; ᐁᔨᐁᐧᕽ ᒫᑲ ᓂ ᐱᒫᑎᓯᐣ; ᓇᒪᐃᐧᔭ ᒫᑲ ᐁᑲᐧ ᓂᔭ, ᒫᑲ ᙭ ᐁ ᐱᒫᑎᓯᐟ ᐱᐦᒋ ᓂᔭ: ᐊᓂᒪ ᒫᑲ ᑳ ᐱᒫᑎᓯᔮᐣ ᐁᑲᐧ ᓂ ᐃᐧᔮᓯᕽ ᓂ ᐱᒫᑎᓯᐣ ᑖᐯᐧᔦᔨᑕᒧᐃᐧᓂᕽ, ᐊᓂᒪ ᐁ ᑖᐯᐧᔦᔨᒥᐦᐟ ᑭᓭᒪᓂᑐᐃᐧᑯᓯᓵᐣ, ᑳ ᑭ ᓵᑭᐦᐃᐟ, ᒥᓇ ᑳ ᑭ ᐸᑭᑎᓂᓱᐟ ᓂᔭ ᐅᐦᒋ 21ᓇᒪᐃᐧᔭ ᓂ ᐸᒋᐸᔨᑖᐋᐧᐣ ᐅ ᑭᓭᐋᐧᑎᓯᐃᐧᐣ ᑭᓭᒪᓂᑐ: ᒋᑫᒫ ᑭᐢᐱᐣ ᐅᔭᓱᐁᐧᐃᐧᓂᕽ ᑭ ᐅᐦᒋ ᐊᔮᕽ ᑲᐧᔭᐢᑳᐧᑎᓯᐃᐧᐣ, ᐱᑯᓇᑕ ᙭ ᑳ ᑭ ᓂᐱᐟ.

Currently Selected:

ᑲᓬᐁᓯᔭᓇ 2: KKMs

Highlight

Copy

Compare