ᐃᓯᑭᐁᓬ 44
44
1ᐁᑲᐧ ᓂ ᑭ ᐯ ᑭᐁᐧᑕᐃᐠ ᑳ ᐊᑎ ᐃᑕᒧᐠ ᐊᐧᔭᐃᐧᑎᒫᔨᕽ ᐁ ᑭᐦᒋᐃᐢᑳᐧᑌᒥᐊᐧᕽ ᑲᓈᒋᑲᒥᐠ ᐋᐧᐸᓄᑖᕽ ᐃᑌᐦᑫ; ᑭ ᑭᐸᐦᐃᑳᑌᐤ ᒫᑲ. 2ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᐅᒪ ᑭᐦᒋᐃᐢᑳᐧᑌᒼ ᑭᑕ ᑭᐸᐦᐃᑳᑌᐤ, ᓇᒪᐃᐧᔭ ᑭᑕ ᔪᑌᓂᑳᑌᐤ, ᓇᒪᐃᐧᔭ ᒥᓇ ᐊᐃᐧᔭᐠ ᐊᔨᓯᔨᓂᐤ ᐁᑯᑕ ᑭᑕ ᐱᐦᑐᑫᐤ, ᒋᑫᒫ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ ᐁᑯᑕ ᐅᐦᒋ ᑭ ᐱᐦᑐᑫᐤ; ᐁᐊᐧᑯ ᐅᐦᒋ ᑭᑕ ᑭᐸᐦᐃᑳᑌᐤ. 3ᒫᑲ ᐃᐧᔭ ᑭᐦᒋ ᐅᑭᒫᐤ, ᑭᑕ ᐊᐱᐤ ᐁᑯᑕ ᐊᔨᐢ ᐁ ᑭᐦᒋ ᐅᑭᒫᐃᐧᐟ ᑭᑕ ᒧᐋᐧᐟ ᐸᐦᑫᐧᓯᑲᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ; ᑭᑕ ᐱᐦᑐᑫᐤ ᑳ ᐯ ᐃᑕᒧᐠ ᐁ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ, ᐁᑯᓯ ᐁᑯᑌ ᒥᓇ ᑭᑕ ᐃᓯ ᐊᐧᔭᐃᐧᐤ.
4ᐁᑲᐧ ᓂ ᑭ ᐯ ᐃᑐᑕᐃᐠ ᑳ ᐊᑎ ᐃᑕᒧᐠ ᑭᐁᐧᑎᓄᕽ ᑭᐦᒋᐃᐢᑳᐧᑌᒼ ᐅᐦᑎᐢᑲᐤ ᐋᐧᐢᑳᐦᐃᑲᓂᕽ; ᐁᑯᓯ ᓂ ᑭ ᐃᑖᐱᐣ ᐳᑎ ᒫᑲ, ᐅ ᒪᓂᑐᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᒧᐢᑭᓀᐤ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᓂ ᑭ ᐅᑎᑕᐱᐸᐦᑭᓯᓂᐣ ᒫᑲ. 5ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᐃᔨᓂᐃᐧᑯᓯᓵᐣ, ᓈᑲᑌᔨᑕ ᒥᑐᓂ, ᒥᓇ ᑲᓇᐋᐧᐸᐦᑕ ᑭᐢᑭᓯᑲᐧ ᐅᐦᒋ, ᒥᓇ ᓇᑐᐦᑕ ᑭᐦᑕᐊᐧᑲᔭ ᐅᐦᒋ ᑲᐦᑭᔭᐤ ᑳ ᐃᑎᑖᐣ ᐊᓂᐦᐃ ᐅᐦᒋ ᑲᐦᑭᔭᐤ ᐃᓯᑖᐧᐃᐧᓇ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ, ᒥᓇ ᑲᐦᑭᔭᐤ ᐅᔭᓱᐁᐧᐃᐧᓇ ᐁᑯᑕ; ᓈᑲᑌᔨᑕ ᒫᑲ ᒥᑐᓂ ᐁ ᐱᐦᑐᑫᕽ ᐋᐧᐢᑳᐦᐃᑲᐣ, ᐊᓯᒋ ᑲᐦᑭᔭᐤ ᐁ ᐃᓯ ᐊᐧᔭᐃᐧᐣ ᑲᓈᒋᑲᒥᑯᕽ ᐅᐦᒋ. 6ᑭ ᑲ ᐃᑖᐊᐧᐠ ᒫᑲ ᑳ ᒫᔦᔨᐦᒋᑫᐢᑭᒋᐠ, ᐊᓂᑭ ᐅᑎ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᔭᐋᐧᐤ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᑭᔮᒼ ᑌᐯᔨᑕᒧᐠ ᑲᐦᑭᔭᐤ ᑳ ᓭᓭᐢᑫᔨᑖᑲᐧᐦᑭ ᑭᐟ ᐃᓯᐦᒋᑫᐃᐧᓂᐋᐧᐊᐧ, 7ᐊᓂᒪ ᐁ ᑭ ᐱᑐᑲᐋᔦᑯᐠ ᐁ ᐱᑐᑕᐢᑳᓀᓯᒋᐠ, ᐁᑳ ᐁ ᓴᕒᑲᒼᓴᐃᓯᐃᐧᒋᐠ ᐅᑌᐦᐃᐋᐧᕽ ᒥᓇ ᐁᑳ ᐁ ᓴᕒᑲᒼᓴᐃᓯᐃᐧᒋᐠ ᐅ ᐃᐧᔮᓯᐋᐧᕽ, ᑭᑕ ᐊᔮᒋᐠ ᓂ ᑲᓈᒋᑲᒥᑯᕽ, ᑭᑕ ᐃᐧᓀᔨᑖᑯᑖᒋᐠ, ᓂ ᐋᐧᐢᑳᐦᐃᑳᐣ ᐅᑎ, ᐯᑭᑎᓈᔦᑯ ᓂ ᐸᐦᑫᐧᓯᑲᐣ, ᐃᐧᔨᐣ ᒥᓇ ᒥᐦᑯ, ᒥᓇ ᐁ ᑭ ᐱᑯᓇᑭᐠ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ, ᑭᑕ ᑕᑯᑖᔦᐠ ᑲᐦᑭᔭᐤ ᑳ ᓭᓭᐢᑫᔨᑖᑲᐧᐦᑭ ᑭᐟ ᐃᓯᐦᒋᑫᐃᐧᓂᐋᐧᐊᐧ. 8ᓇᒪᐃᐧᔭ ᒥᓇ ᑭᔭᐋᐧᐤ ᑭ ᑭ ᑲᓇᐁᐧᔨᑌᓈᐋᐧᐤ ᐊᓂᐦᐃ ᑳ ᑭ ᑲᓈᒋᐦᑖᔮᐣ; ᒫᑲ ᑭ ᑭ ᐅᔭᑭᒫᐋᐧᐊᐧᐠ ᑭᑕ ᑲᓇᐁᐧᔨᑕᐦᑭᐠ ᑳ ᑭ ᐸᒥᓇᒧᐃᑕᑯᐠ ᓂ ᑲᓈᒋᑲᒥᑯᕽ ᑭᔭᐋᐧᐤ ᐅᐦᒋ.
9ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᓇᒪᐃᐧᔭ ᐊᐃᐧᔭᐠ ᐁ ᐱᑐᑕᐢᑳᓀᓯᐟ, ᐁᑳ ᐁ ᓴᕒᑲᒼᓴᐃᓯᐃᐧᐟ ᐅᑌᐦᐃᕽ ᒥᓇ ᐁᑳ ᐁ ᓴᕒᑲᒼᓴᐃᓯᐃᐧᐟ ᐅ ᐃᐧᔮᓯᕽ, ᑭᑕ ᐱᐦᑐᑫᐤ ᓂ ᑲᓈᒋᑲᒥᑯᕽ, ᓈᐣᑕᐤ ᐊᐃᐧᔭᐠ ᑳ ᐱᑐᑕᐢᑳᓀᓯᐟ ᑳ ᐃᐧᒋᐊᔮᒫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 10ᒫᑲ ᐊᓂᑭ ᓬᐃᐸᐃᑕᐠ ᑳ ᑭ ᓇᑲᓯᒋᐠ, ᐃᐢᐱ ᐃᐢᕒᐁᐃᓬ ᑳ ᐊᐧᓂᓯᕽ, ᑳ ᑭ ᓇᑲᓯᒋᐠ ᐁ ᐱᒥᑎᓴᐋᐧᒋᐠ ᐅ ᒪᓂᑐᑳᓂᐋᐧᐊᐧ; ᑭᑕ ᓇᔭᑕᒪᐧᐠ ᐅ ᒪᒋᐃᑎᐃᐧᓂᐋᐧᐤ. 11ᐁᔨᐁᐧᕽ ᒫᑲ ᑭᑕ ᐊᑐᐢᑫᐊᐧᐠ ᓂ ᑲᓈᒋᑲᒥᑯᕽ, ᐁ ᐸᒥᑖᒋᐠ ᐁ ᑭᐦᒋᐃᐢᑳᐧᑌᒥᐊᐧᕽ ᐋᐧᐢᑳᐦᐃᑲᐣ; ᑭᑕ ᓂᐸᑖᐊᐧᐠ ᒪᒍᐢᑌᐦᐊᒫᑫᐃᐧᐣ ᒥᓇ ᐊᔨᓯᔨᓂᐊᐧ ᐅ ᐸᑭᑎᓈᓱᐃᐧᓂᔨᐤ, ᒥᓇ ᑭᑕ ᐅᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᑭᑕ ᐊᑐᐢᑲᐋᐧᒋᐠ. 12ᒋᑫᒫ ᑭ ᐊᑐᐢᑲᐁᐧᐊᐧᐠ ᐅᐦᑎᐢᑲᐤ ᐅ ᒪᓂᑐᑳᓂᐋᐧᐊᐧ, ᐁᑯᓯ ᐁ ᑭ ᐅᐦᒋ ᐸᐦᑭᓯᓂᔨᐟ ᒪᒋᐃᑎᐃᐧᓂᕽ ᐊᓂᐦᐃ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ; ᐁᐊᐧᑯ ᐅᐦᒋ ᓂ ᑭ ᐊᓱᓇᒪᐋᐧᐊᐧᐠ ᓂᒋᐦᒋ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑭᑕ ᓇᔭᑕᒪᐧᐠ ᒫᑲ ᐅ ᒪᒋᐃᑎᐃᐧᓂᐋᐧᐤ. 13ᓇᒪᐃᐧᔭ ᒫᑲ ᑭᓯᐋᐧᐠ ᓂ ᑲ ᐯ ᓈᑎᑲᐧᐠ ᑭᑕ ᑎᐱᑐᑕᑭᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ, ᐊᐦᐳ ᑭᓯᐋᐧᐠ ᑭᑕ ᐯ ᓈᑕᑭᐠ ᓈᐣᑕᐤ ᐊᓂᐦᐃ ᑳ ᑲᓈᒋᐦᑖᔮᐣ, ᐊᓂᐦᐃ ᐊᔨᐋᐧᐠ ᑳ ᑲᓈᑕᑭ; ᒫᑲ ᑭᑕ ᓇᔭᑕᒪᐧᐠ ᐅ ᓇᓀᐯᐃᐧᓈᑯᒋᑫᐃᐧᓂᐋᐧᐤ, ᒥᓇ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ ᑳ ᑭ ᑐᑕᐦᑭᐠ. 14ᒫᑲ ᓂ ᑲ ᑲᓇᐁᐧᔨᑕᒧᐦᐋᐊᐧᐠ ᑭᑕ ᐸᒥᑖᒋᐠ ᐋᐧᐢᑳᐦᐃᑲᐣ, ᑲᐦᑭᔭᐤ ᐊᑐᐢᑫᐃᐧᐣ ᐁᑯᑕ ᑳ ᐊᔮᐠ, ᒥᓇ ᑲᐦᑭᔭᐤ ᑫᑲᐧᐩ ᐁᑯᑕ ᑫ ᑐᒋᑳᑌᐠ.
15ᒫᑲ ᐃᐧᔭ ᐊᔭᒥᐦᐁᐃᐧᔨᓂᐊᐧᐠ ᐊᓂᑭ ᓬᐃᐸᐃᑕᐠ, ᐅᑯᓯᓴ ᓭᑖᐠ, ᑳ ᑭ ᑲᓇᐁᐧᔨᑕᐦᑭᐠ ᐁ ᐃᓯ ᐸᒥᑖᕽ ᓂ ᑲᓈᒋᑲᒥᐠ ᐃᐢᐱ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᓇᑲᓯᒋᐠ, ᐁᐊᐧᑯᓂᐠ ᑭᓯᐋᐧᐠ ᓂ ᑲ ᐯ ᓈᑎᑲᐧᐠ ᑭᑕ ᐊᑐᐢᑲᐃᐧᒋᐠ; ᒥᓇ ᓂ ᑲ ᐅᑎᐢᑲᐃᐧᑳᐸᐃᐧᐢᑖᑲᐧᐠ ᑭᑕ ᐸᑭᑎᓈᓱᒋᐠ ᐃᐧᔨᐣ ᒥᓇ ᒥᐦᑯ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; 16ᑭᑕ ᐱᐦᑐᑫᐊᐧᐠ ᓂ ᑲᓈᒋᑲᒥᑯᕽ, ᒥᓇ ᑭᓯᐋᐧᐠ ᑭᑕ ᐯ ᓈᑕᒪᐧᐠ ᓂ ᒥᒋᓱᐃᐧᓈᑎᐠ, ᑭᑕ ᐊᑐᐢᑲᐃᐧᒋᐠ, ᒥᓇ ᑭᑕ ᑲᓇᐁᐧᔨᑕᒪᐧᐠ ᑳ ᐸᒥᓇᒧᐃᐁᐧᔮᐣ.
17 #
ᐁᐠᓴᑕᐢ 28:39-43; ᓬᐃᐱᑎᑲᐢ 16:4 ᑭᑕ ᐃᐦᑭᐣ ᒫᑲ ᐃᐢᐱ ᐱᐦᑐᑫᑖᐧᐃᐧ ᐁ ᑭᐦᒋᐃᐢᑳᐧᑌᒥᐊᐧᕽ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ, ᑭᑕ ᑭᑭᐢᑲᒪᐧᐠ ᐋᐧᐱᐢᑫᑭᐣ ᑭᑭᐢᑳᒋᑲᓇ; ᒥᓇ ᓇᒪ ᑫᑲᐧᐩ ᒫᔭᑎᐦᑯᐱᐊᐧᔭ ᑭᑕ ᓵᒥᐢᑳᑲᐧᐠ, ᒣᑳᐧᐨ ᐁ ᐊᑐᐢᑫᒋᐠ ᐁ ᑭᐦᒋᐃᐢᑳᐧᑌᒥᐊᐧᕽ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᒥᓇ ᐱᑐᑲᒥᐠ ᐁᑯᑕ. 18ᑭᑕ ᑭᑲᐢᑐᑎᓀᐊᐧᐠ ᐋᐧᐱᐢᑫᑭᓄ ᐊᐢᑐᑎᓇ, ᒥᓇ ᐋᐧᐱᐢᑫᑭᓄ ᒥᑖᓴ ᑭᑕ ᑭᑭᐢᑲᐁᐧᐊᐧᐠ; ᓇᒪᐃᐧᔭ ᑭᑕ ᐸᑲᐧᑌᐦᐅᑐᑕᒪᐧᐠ ᓈᐣᑕᐤ ᑫᑲᐧᐩ ᑭᑕ ᐅᐦᒋ ᐊᐯᐧᓯᒋᐠ. 19#ᓬᐃᐱᑎᑲᐢ 16:23ᐃᐢᐱ ᒫᑲ ᐃᓯ ᐊᐧᔭᐃᐧᑖᐧᐃᐧ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᑯᕽ, ᐊᓂᒪ ᐅᑎ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᐠ ᐊᔨᓯᔨᓂᐊᐧ ᐃᑕ ᑳ ᐊᔮᔨᐟ, ᑭᑕ ᑫᑕᓵᑫᐊᐧᐠ ᐅ ᑭᑭᐢᑳᒋᑲᓂᐋᐧᐊᐧ ᑳ ᑭ ᑭᑭᐢᑲᐦᑭᐠ ᐁ ᐊᑐᐢᑫᒋᐠ, ᒥᓇ ᑭᑕ ᐊᐢᑖᐊᐧᐠ ᑲᓈᒋ ᐱᐢᑭᒋᑲᒥᑯᕽ, ᑭᑕ ᐳᓯᐢᑲᒪᐧᐠ ᒫᑲ ᑯᑕᑲ ᑭᑭᐢᑳᒋᑲᓇ, ᐁᑳ ᑭᑕ ᑲᓈᒋᐋᒋᐠ ᐊᔨᓯᔨᓂᐊᐧ ᐅ ᑭᑭᐢᑳᒋᑲᓂᐋᐧᐊᐧ ᐅᐦᒋ. 20#ᓬᐃᐱᑎᑲᐢ 21:5ᓇᒪᐃᐧᔭ ᒥᓇ ᑭᑕ ᑳᐢᑭᐹᑕᒪᐧᐠ ᐅᐢᑎᑳᐧᓂᐋᐧᐊᐧ, ᐊᐦᐳ ᓇᒪᐃᐧᔭ ᑭᑕ ᑲᑳᓈᐧᔨᑫᐧᐊᐧᐠ; ᑭᑕ ᐸᐢᑯᐊᒫᐊᐧᐠ ᐱᑯ. 21#ᓬᐃᐱᑎᑲᐢ 10:9ᒥᓇ ᓇᒪᐃᐧᔭ ᐊᐃᐧᔭᐠ ᐊᔭᒥᐦᐁᐃᐧᔨᓂᐤ ᑭᑕ ᒥᓂᐦᑫᐧᐤ ᓱᒥᓈᐳ, ᐱᔨᑐᑫᑖᐧᐃᐧ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᐠ. 22#ᓬᐃᐱᑎᑲᐢ 21:7,13,14ᓇᒪᐃᐧᔭ ᒥᓇ ᑭᑕ ᐅᑎᓀᐊᐧᐠ ᑭᑕ ᐃᐧᐃᐧᒋᐠ ᓯᑳᐃᐧᐢᑫᐧᐊᐧ ᐊᐦᐳ ᐊᓂᐦᐃ ᑳ ᑭ ᐁᐧᐱᓂᒥᐦᐟ; ᒫᑲ ᑭᑕ ᐅᑎᓀᐊᐧᐠ ᐅᐢᑭᓂᑭᐢᑫᐧᐊᐧ ᐅ ᓂᐦᑖᐃᐧᑭᐦᐋᑲᓂᔨᐊᐧ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᐊᐦᐳ ᓯᑳᐃᐧᐢᑫᐧᐤ ᐊᔭᒥᐦᐁᐃᐧᔨᓂᐊᐧ ᐁ ᑭ ᐅᓈᐯᒥᐟ. 23#ᓬᐃᐱᑎᑲᐢ 10:10ᑭᑕ ᑭᐢᑭᓄᐦᐊᒪᐁᐧᐊᐧᐠ ᒫᑲ ᓂᐟ ᐊᔨᓯᔨᓂᒪ ᐁᓯ ᐱᑐᑌᔨᑖᑲᐧᕽ ᑳ ᑲᓈᑕᕽ ᒥᓇ ᐊᓂᒪ ᐱᑲᐧᓇᑕ ᑳ ᐃᑕᑭᑌᐠ, ᒥᓇ ᑭᑕ ᓂᓯᑕᐃᐧᓇᒧᐋᒋᐠ ᐊᓂᒪ ᐁᑳ ᑳ ᐯᑲᕽ ᒥᓇ ᐊᓂᒪ ᑳ ᐯᑲᕽ. 24ᑭᐢᐱᐣ ᒫᑲ ᐋᓀᐧᑖᑐᐃᐧᐣ ᐁ ᐃᐦᑕᑲᐧᕽ ᑭᑕ ᓂᐸᐃᐧᐊᐧᐠ ᑭᑕ ᐅᔭᓱᐋᐧᓯᐁᐧᒋᐠ; ᐁ ᐃᑕᐢᑌᑭ ᓄᔭᓱᐁᐧᐃᐧᓇ ᑭᑕ ᐃᑕᓱᐋᐧᑕᒪᐧᐠ; ᑭᑕ ᓈᑲᑌᔨᑕᒪᐧᐠ ᒫᑲ ᓄᔭᓱᐁᐧᐃᐧᓇ ᒥᓇ ᓂ ᑲᑫᐢᑫᐧᐃᐧᓇ ᑲᐦᑭᔭᐤ ᑳ ᑭ ᐅᔭᑭᑕᒫᐣ ᐃᐧᐦᑯᐦᑐᐃᐧᓇ; ᐁᑯᓯ ᑭᑕ ᑲᓈᒋᐦᑖᐊᐧᐠ ᓂᐟ ᐊᔦᐧᐱᐃᐧᑭᓯᑳᒪ. 25#ᓬᐃᐱᑎᑲᐢ 21:1-4ᓇᒪᐃᐧᔭ ᒫᑲ ᑭᑕ ᓭᓯᑫᐢᑲᐁᐧᐊᐧᐠ ᐊᐃᐧᔭ ᐁ ᓂᐱᔨᐟ ᑭᑕ ᐃᐧᓀᔨᑖᑯᐃᓱᒋᐠ; ᒫᑲ ᐃᐧᔭ ᐅᑖᐃᐧᐋᐧᐊᐧ, ᐊᐦᐳ ᐅᑳᐃᐧᐋᐧᐊᐧ, ᐊᐦᐳ ᐅᑯᓯᓯᐋᐧᐊᐧ, ᐊᐦᐳ ᐅᑖᓂᓯᐋᐧᐊᐧ, ᐅᒋᐋᐧᒥᐋᐧᐊᐧ, ᐊᐦᐳ ᐅᑕᐁᐧᒫᐋᐧᐊᐧ ᐁᑳ ᑳ ᑭ ᐅᐦᒋ ᐅ ᓈᐯᒥᔨᐟ, ᐁᐊᐧᑯᓂ ᐅᐦᒋ ᑭᑕ ᑭ ᐃᐧᓀᔨᑖᑯᐦᐃᓱᐊᐧᐠ. 26ᐃᐢᐱ ᒫᑲ ᑭ ᐯᑭᐃᐦᒋ ᑌᐸᑯᑊ ᑭᓯᑳᐊᐧ ᑭᑕ ᐃᑕᑭᑕᒪᐋᐤ. 27ᐊᓂᒪ ᒫᑲ ᐁ ᑭᓯᑳᐠ ᑫ ᐱᐦᑐᑫᐟ ᑲᓈᒋᑲᒥᑯᕽ, ᐱᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ, ᑭᑕ ᐊᑐᐢᑫᐟ ᑲᓈᒋᑲᒥᑯᕽ, ᑭᑕ ᐸᑭᑎᓈᓱ ᐅ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
28 #
ᓇᒼᐸᕒᐢ 18:20
ᐁᑯᓯ ᑭᑕ ᐊᔮᐊᐧᐠ ᐅᐟ ᐋᓂᐢᑫᐢᑲᒫᐃᐧᓂᐋᐧᐤ; ᓂᔭ ᒫᑲ ᐅᐟ ᐋᓂᐢᑫᐢᑲᒫᐃᐧᓂᐋᐧᐤ; ᓇᒪᐃᐧᔭ ᒫᑲ ᑭ ᑲ ᒥᔮᐋᐧᐊᐧᐠ ᑎᐱᔭᐁᐧᐃᐧᓯᐃᐧᐣ ᐃᐢᕒᐁᐃᓬᐃᕽ; ᓂᔭ ᐅ ᑎᐱᔭᐁᐧᐃᐧᓯᐃᐧᓂᐋᐧᐤ. 29#ᓇᒼᐸᕒᐢ 18:8-19ᑭᑕ ᒥᒋᐊᐧᐠ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᒥᓇ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᒥᓇ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ; ᒥᓇ ᑕᐦᑐ ᑳ ᐸᑭᑌᔨᑖᑲᐧᕽ ᑫᑲᐧᐩ ᐃᐢᕒᐁᐃᓬᐃᕽ ᑭᑕ ᐊᔮᐊᐧᐠ. 30ᐊᓂᒪ ᒫᑲ ᓂᐢᑕᒼ ᐁ ᓂᐢᑕᒥᑭᕽ ᑲᐦᑭᔭᐤ ᑫᑲᐧᐩ, ᒥᓇ ᑲᐦᑭᔭᐤ ᐸᑭᑎᓈᓱᐃᐧᐣ ᑲᐦᑭᔭᐤ ᑫᑲᐧᐩ, ᑭᑕ ᐊᔮᐊᐧᐠ ᐊᔭᒥᐦᐁᐃᐧᔨᓂᐊᐧᐠ; ᑭ ᑲ ᒥᔮᐋᐧᐤ ᒥᓇ ᐊᔭᒥᐦᐁᐃᐧᔨᓂᐤ ᐊᓂᐦᐃ ᓂᐢᑕᒼ ᐁ ᒫᒫᑯᓈᔦᐠ ᐸᐦᑫᐧᓯᑲᐣ ᑭᑕ ᓴᐁᐧᔨᑖᑯᓯᔭᐣ ᑭ ᐋᐧᐢᑳᐦᐃᑲᓂᕽ. 31#ᓬᐃᐱᑎᑲᐢ 22:8ᐊᔭᒥᐦᐁᐃᐧᔨᓂᐊᐧᐠ ᓇᒪᐃᐧᔭ ᑭᑕ ᒧᐁᐧᐊᐧᐠ ᐊᐃᐧᔭ ᓭᐦᑫ ᐁ ᓂᐱᔨᐟ, ᐊᐦᐳ ᐁ ᐱᑯᐱᑎᒥᐦᐟ, ᑭᐢᐱᐣ ᐱᔦᓯᐊᐧ ᐊᐦᐳ ᐱᓯᐢᑭᐊᐧ.
Currently Selected:
ᐃᓯᑭᐁᓬ 44: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐃᓯᑭᐁᓬ 44
44
1ᐁᑲᐧ ᓂ ᑭ ᐯ ᑭᐁᐧᑕᐃᐠ ᑳ ᐊᑎ ᐃᑕᒧᐠ ᐊᐧᔭᐃᐧᑎᒫᔨᕽ ᐁ ᑭᐦᒋᐃᐢᑳᐧᑌᒥᐊᐧᕽ ᑲᓈᒋᑲᒥᐠ ᐋᐧᐸᓄᑖᕽ ᐃᑌᐦᑫ; ᑭ ᑭᐸᐦᐃᑳᑌᐤ ᒫᑲ. 2ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᐅᒪ ᑭᐦᒋᐃᐢᑳᐧᑌᒼ ᑭᑕ ᑭᐸᐦᐃᑳᑌᐤ, ᓇᒪᐃᐧᔭ ᑭᑕ ᔪᑌᓂᑳᑌᐤ, ᓇᒪᐃᐧᔭ ᒥᓇ ᐊᐃᐧᔭᐠ ᐊᔨᓯᔨᓂᐤ ᐁᑯᑕ ᑭᑕ ᐱᐦᑐᑫᐤ, ᒋᑫᒫ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ ᐁᑯᑕ ᐅᐦᒋ ᑭ ᐱᐦᑐᑫᐤ; ᐁᐊᐧᑯ ᐅᐦᒋ ᑭᑕ ᑭᐸᐦᐃᑳᑌᐤ. 3ᒫᑲ ᐃᐧᔭ ᑭᐦᒋ ᐅᑭᒫᐤ, ᑭᑕ ᐊᐱᐤ ᐁᑯᑕ ᐊᔨᐢ ᐁ ᑭᐦᒋ ᐅᑭᒫᐃᐧᐟ ᑭᑕ ᒧᐋᐧᐟ ᐸᐦᑫᐧᓯᑲᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ; ᑭᑕ ᐱᐦᑐᑫᐤ ᑳ ᐯ ᐃᑕᒧᐠ ᐁ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ, ᐁᑯᓯ ᐁᑯᑌ ᒥᓇ ᑭᑕ ᐃᓯ ᐊᐧᔭᐃᐧᐤ.
4ᐁᑲᐧ ᓂ ᑭ ᐯ ᐃᑐᑕᐃᐠ ᑳ ᐊᑎ ᐃᑕᒧᐠ ᑭᐁᐧᑎᓄᕽ ᑭᐦᒋᐃᐢᑳᐧᑌᒼ ᐅᐦᑎᐢᑲᐤ ᐋᐧᐢᑳᐦᐃᑲᓂᕽ; ᐁᑯᓯ ᓂ ᑭ ᐃᑖᐱᐣ ᐳᑎ ᒫᑲ, ᐅ ᒪᓂᑐᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᒧᐢᑭᓀᐤ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ ᓂ ᑭ ᐅᑎᑕᐱᐸᐦᑭᓯᓂᐣ ᒫᑲ. 5ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᐃᔨᓂᐃᐧᑯᓯᓵᐣ, ᓈᑲᑌᔨᑕ ᒥᑐᓂ, ᒥᓇ ᑲᓇᐋᐧᐸᐦᑕ ᑭᐢᑭᓯᑲᐧ ᐅᐦᒋ, ᒥᓇ ᓇᑐᐦᑕ ᑭᐦᑕᐊᐧᑲᔭ ᐅᐦᒋ ᑲᐦᑭᔭᐤ ᑳ ᐃᑎᑖᐣ ᐊᓂᐦᐃ ᐅᐦᒋ ᑲᐦᑭᔭᐤ ᐃᓯᑖᐧᐃᐧᓇ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ, ᒥᓇ ᑲᐦᑭᔭᐤ ᐅᔭᓱᐁᐧᐃᐧᓇ ᐁᑯᑕ; ᓈᑲᑌᔨᑕ ᒫᑲ ᒥᑐᓂ ᐁ ᐱᐦᑐᑫᕽ ᐋᐧᐢᑳᐦᐃᑲᐣ, ᐊᓯᒋ ᑲᐦᑭᔭᐤ ᐁ ᐃᓯ ᐊᐧᔭᐃᐧᐣ ᑲᓈᒋᑲᒥᑯᕽ ᐅᐦᒋ. 6ᑭ ᑲ ᐃᑖᐊᐧᐠ ᒫᑲ ᑳ ᒫᔦᔨᐦᒋᑫᐢᑭᒋᐠ, ᐊᓂᑭ ᐅᑎ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᔭᐋᐧᐤ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᑭᔮᒼ ᑌᐯᔨᑕᒧᐠ ᑲᐦᑭᔭᐤ ᑳ ᓭᓭᐢᑫᔨᑖᑲᐧᐦᑭ ᑭᐟ ᐃᓯᐦᒋᑫᐃᐧᓂᐋᐧᐊᐧ, 7ᐊᓂᒪ ᐁ ᑭ ᐱᑐᑲᐋᔦᑯᐠ ᐁ ᐱᑐᑕᐢᑳᓀᓯᒋᐠ, ᐁᑳ ᐁ ᓴᕒᑲᒼᓴᐃᓯᐃᐧᒋᐠ ᐅᑌᐦᐃᐋᐧᕽ ᒥᓇ ᐁᑳ ᐁ ᓴᕒᑲᒼᓴᐃᓯᐃᐧᒋᐠ ᐅ ᐃᐧᔮᓯᐋᐧᕽ, ᑭᑕ ᐊᔮᒋᐠ ᓂ ᑲᓈᒋᑲᒥᑯᕽ, ᑭᑕ ᐃᐧᓀᔨᑖᑯᑖᒋᐠ, ᓂ ᐋᐧᐢᑳᐦᐃᑳᐣ ᐅᑎ, ᐯᑭᑎᓈᔦᑯ ᓂ ᐸᐦᑫᐧᓯᑲᐣ, ᐃᐧᔨᐣ ᒥᓇ ᒥᐦᑯ, ᒥᓇ ᐁ ᑭ ᐱᑯᓇᑭᐠ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ, ᑭᑕ ᑕᑯᑖᔦᐠ ᑲᐦᑭᔭᐤ ᑳ ᓭᓭᐢᑫᔨᑖᑲᐧᐦᑭ ᑭᐟ ᐃᓯᐦᒋᑫᐃᐧᓂᐋᐧᐊᐧ. 8ᓇᒪᐃᐧᔭ ᒥᓇ ᑭᔭᐋᐧᐤ ᑭ ᑭ ᑲᓇᐁᐧᔨᑌᓈᐋᐧᐤ ᐊᓂᐦᐃ ᑳ ᑭ ᑲᓈᒋᐦᑖᔮᐣ; ᒫᑲ ᑭ ᑭ ᐅᔭᑭᒫᐋᐧᐊᐧᐠ ᑭᑕ ᑲᓇᐁᐧᔨᑕᐦᑭᐠ ᑳ ᑭ ᐸᒥᓇᒧᐃᑕᑯᐠ ᓂ ᑲᓈᒋᑲᒥᑯᕽ ᑭᔭᐋᐧᐤ ᐅᐦᒋ.
9ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᓇᒪᐃᐧᔭ ᐊᐃᐧᔭᐠ ᐁ ᐱᑐᑕᐢᑳᓀᓯᐟ, ᐁᑳ ᐁ ᓴᕒᑲᒼᓴᐃᓯᐃᐧᐟ ᐅᑌᐦᐃᕽ ᒥᓇ ᐁᑳ ᐁ ᓴᕒᑲᒼᓴᐃᓯᐃᐧᐟ ᐅ ᐃᐧᔮᓯᕽ, ᑭᑕ ᐱᐦᑐᑫᐤ ᓂ ᑲᓈᒋᑲᒥᑯᕽ, ᓈᐣᑕᐤ ᐊᐃᐧᔭᐠ ᑳ ᐱᑐᑕᐢᑳᓀᓯᐟ ᑳ ᐃᐧᒋᐊᔮᒫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 10ᒫᑲ ᐊᓂᑭ ᓬᐃᐸᐃᑕᐠ ᑳ ᑭ ᓇᑲᓯᒋᐠ, ᐃᐢᐱ ᐃᐢᕒᐁᐃᓬ ᑳ ᐊᐧᓂᓯᕽ, ᑳ ᑭ ᓇᑲᓯᒋᐠ ᐁ ᐱᒥᑎᓴᐋᐧᒋᐠ ᐅ ᒪᓂᑐᑳᓂᐋᐧᐊᐧ; ᑭᑕ ᓇᔭᑕᒪᐧᐠ ᐅ ᒪᒋᐃᑎᐃᐧᓂᐋᐧᐤ. 11ᐁᔨᐁᐧᕽ ᒫᑲ ᑭᑕ ᐊᑐᐢᑫᐊᐧᐠ ᓂ ᑲᓈᒋᑲᒥᑯᕽ, ᐁ ᐸᒥᑖᒋᐠ ᐁ ᑭᐦᒋᐃᐢᑳᐧᑌᒥᐊᐧᕽ ᐋᐧᐢᑳᐦᐃᑲᐣ; ᑭᑕ ᓂᐸᑖᐊᐧᐠ ᒪᒍᐢᑌᐦᐊᒫᑫᐃᐧᐣ ᒥᓇ ᐊᔨᓯᔨᓂᐊᐧ ᐅ ᐸᑭᑎᓈᓱᐃᐧᓂᔨᐤ, ᒥᓇ ᑭᑕ ᐅᑎᐢᑲᐃᐧᑳᐸᐃᐧᐢᑕᐁᐧᐊᐧᐠ ᑭᑕ ᐊᑐᐢᑲᐋᐧᒋᐠ. 12ᒋᑫᒫ ᑭ ᐊᑐᐢᑲᐁᐧᐊᐧᐠ ᐅᐦᑎᐢᑲᐤ ᐅ ᒪᓂᑐᑳᓂᐋᐧᐊᐧ, ᐁᑯᓯ ᐁ ᑭ ᐅᐦᒋ ᐸᐦᑭᓯᓂᔨᐟ ᒪᒋᐃᑎᐃᐧᓂᕽ ᐊᓂᐦᐃ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ; ᐁᐊᐧᑯ ᐅᐦᒋ ᓂ ᑭ ᐊᓱᓇᒪᐋᐧᐊᐧᐠ ᓂᒋᐦᒋ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑭᑕ ᓇᔭᑕᒪᐧᐠ ᒫᑲ ᐅ ᒪᒋᐃᑎᐃᐧᓂᐋᐧᐤ. 13ᓇᒪᐃᐧᔭ ᒫᑲ ᑭᓯᐋᐧᐠ ᓂ ᑲ ᐯ ᓈᑎᑲᐧᐠ ᑭᑕ ᑎᐱᑐᑕᑭᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ, ᐊᐦᐳ ᑭᓯᐋᐧᐠ ᑭᑕ ᐯ ᓈᑕᑭᐠ ᓈᐣᑕᐤ ᐊᓂᐦᐃ ᑳ ᑲᓈᒋᐦᑖᔮᐣ, ᐊᓂᐦᐃ ᐊᔨᐋᐧᐠ ᑳ ᑲᓈᑕᑭ; ᒫᑲ ᑭᑕ ᓇᔭᑕᒪᐧᐠ ᐅ ᓇᓀᐯᐃᐧᓈᑯᒋᑫᐃᐧᓂᐋᐧᐤ, ᒥᓇ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ ᑳ ᑭ ᑐᑕᐦᑭᐠ. 14ᒫᑲ ᓂ ᑲ ᑲᓇᐁᐧᔨᑕᒧᐦᐋᐊᐧᐠ ᑭᑕ ᐸᒥᑖᒋᐠ ᐋᐧᐢᑳᐦᐃᑲᐣ, ᑲᐦᑭᔭᐤ ᐊᑐᐢᑫᐃᐧᐣ ᐁᑯᑕ ᑳ ᐊᔮᐠ, ᒥᓇ ᑲᐦᑭᔭᐤ ᑫᑲᐧᐩ ᐁᑯᑕ ᑫ ᑐᒋᑳᑌᐠ.
15ᒫᑲ ᐃᐧᔭ ᐊᔭᒥᐦᐁᐃᐧᔨᓂᐊᐧᐠ ᐊᓂᑭ ᓬᐃᐸᐃᑕᐠ, ᐅᑯᓯᓴ ᓭᑖᐠ, ᑳ ᑭ ᑲᓇᐁᐧᔨᑕᐦᑭᐠ ᐁ ᐃᓯ ᐸᒥᑖᕽ ᓂ ᑲᓈᒋᑲᒥᐠ ᐃᐢᐱ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᓇᑲᓯᒋᐠ, ᐁᐊᐧᑯᓂᐠ ᑭᓯᐋᐧᐠ ᓂ ᑲ ᐯ ᓈᑎᑲᐧᐠ ᑭᑕ ᐊᑐᐢᑲᐃᐧᒋᐠ; ᒥᓇ ᓂ ᑲ ᐅᑎᐢᑲᐃᐧᑳᐸᐃᐧᐢᑖᑲᐧᐠ ᑭᑕ ᐸᑭᑎᓈᓱᒋᐠ ᐃᐧᔨᐣ ᒥᓇ ᒥᐦᑯ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; 16ᑭᑕ ᐱᐦᑐᑫᐊᐧᐠ ᓂ ᑲᓈᒋᑲᒥᑯᕽ, ᒥᓇ ᑭᓯᐋᐧᐠ ᑭᑕ ᐯ ᓈᑕᒪᐧᐠ ᓂ ᒥᒋᓱᐃᐧᓈᑎᐠ, ᑭᑕ ᐊᑐᐢᑲᐃᐧᒋᐠ, ᒥᓇ ᑭᑕ ᑲᓇᐁᐧᔨᑕᒪᐧᐠ ᑳ ᐸᒥᓇᒧᐃᐁᐧᔮᐣ.
17 #
ᐁᐠᓴᑕᐢ 28:39-43; ᓬᐃᐱᑎᑲᐢ 16:4 ᑭᑕ ᐃᐦᑭᐣ ᒫᑲ ᐃᐢᐱ ᐱᐦᑐᑫᑖᐧᐃᐧ ᐁ ᑭᐦᒋᐃᐢᑳᐧᑌᒥᐊᐧᕽ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ, ᑭᑕ ᑭᑭᐢᑲᒪᐧᐠ ᐋᐧᐱᐢᑫᑭᐣ ᑭᑭᐢᑳᒋᑲᓇ; ᒥᓇ ᓇᒪ ᑫᑲᐧᐩ ᒫᔭᑎᐦᑯᐱᐊᐧᔭ ᑭᑕ ᓵᒥᐢᑳᑲᐧᐠ, ᒣᑳᐧᐨ ᐁ ᐊᑐᐢᑫᒋᐠ ᐁ ᑭᐦᒋᐃᐢᑳᐧᑌᒥᐊᐧᕽ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᒥᓇ ᐱᑐᑲᒥᐠ ᐁᑯᑕ. 18ᑭᑕ ᑭᑲᐢᑐᑎᓀᐊᐧᐠ ᐋᐧᐱᐢᑫᑭᓄ ᐊᐢᑐᑎᓇ, ᒥᓇ ᐋᐧᐱᐢᑫᑭᓄ ᒥᑖᓴ ᑭᑕ ᑭᑭᐢᑲᐁᐧᐊᐧᐠ; ᓇᒪᐃᐧᔭ ᑭᑕ ᐸᑲᐧᑌᐦᐅᑐᑕᒪᐧᐠ ᓈᐣᑕᐤ ᑫᑲᐧᐩ ᑭᑕ ᐅᐦᒋ ᐊᐯᐧᓯᒋᐠ. 19#ᓬᐃᐱᑎᑲᐢ 16:23ᐃᐢᐱ ᒫᑲ ᐃᓯ ᐊᐧᔭᐃᐧᑖᐧᐃᐧ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᑯᕽ, ᐊᓂᒪ ᐅᑎ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᐠ ᐊᔨᓯᔨᓂᐊᐧ ᐃᑕ ᑳ ᐊᔮᔨᐟ, ᑭᑕ ᑫᑕᓵᑫᐊᐧᐠ ᐅ ᑭᑭᐢᑳᒋᑲᓂᐋᐧᐊᐧ ᑳ ᑭ ᑭᑭᐢᑲᐦᑭᐠ ᐁ ᐊᑐᐢᑫᒋᐠ, ᒥᓇ ᑭᑕ ᐊᐢᑖᐊᐧᐠ ᑲᓈᒋ ᐱᐢᑭᒋᑲᒥᑯᕽ, ᑭᑕ ᐳᓯᐢᑲᒪᐧᐠ ᒫᑲ ᑯᑕᑲ ᑭᑭᐢᑳᒋᑲᓇ, ᐁᑳ ᑭᑕ ᑲᓈᒋᐋᒋᐠ ᐊᔨᓯᔨᓂᐊᐧ ᐅ ᑭᑭᐢᑳᒋᑲᓂᐋᐧᐊᐧ ᐅᐦᒋ. 20#ᓬᐃᐱᑎᑲᐢ 21:5ᓇᒪᐃᐧᔭ ᒥᓇ ᑭᑕ ᑳᐢᑭᐹᑕᒪᐧᐠ ᐅᐢᑎᑳᐧᓂᐋᐧᐊᐧ, ᐊᐦᐳ ᓇᒪᐃᐧᔭ ᑭᑕ ᑲᑳᓈᐧᔨᑫᐧᐊᐧᐠ; ᑭᑕ ᐸᐢᑯᐊᒫᐊᐧᐠ ᐱᑯ. 21#ᓬᐃᐱᑎᑲᐢ 10:9ᒥᓇ ᓇᒪᐃᐧᔭ ᐊᐃᐧᔭᐠ ᐊᔭᒥᐦᐁᐃᐧᔨᓂᐤ ᑭᑕ ᒥᓂᐦᑫᐧᐤ ᓱᒥᓈᐳ, ᐱᔨᑐᑫᑖᐧᐃᐧ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᐠ. 22#ᓬᐃᐱᑎᑲᐢ 21:7,13,14ᓇᒪᐃᐧᔭ ᒥᓇ ᑭᑕ ᐅᑎᓀᐊᐧᐠ ᑭᑕ ᐃᐧᐃᐧᒋᐠ ᓯᑳᐃᐧᐢᑫᐧᐊᐧ ᐊᐦᐳ ᐊᓂᐦᐃ ᑳ ᑭ ᐁᐧᐱᓂᒥᐦᐟ; ᒫᑲ ᑭᑕ ᐅᑎᓀᐊᐧᐠ ᐅᐢᑭᓂᑭᐢᑫᐧᐊᐧ ᐅ ᓂᐦᑖᐃᐧᑭᐦᐋᑲᓂᔨᐊᐧ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᐊᐦᐳ ᓯᑳᐃᐧᐢᑫᐧᐤ ᐊᔭᒥᐦᐁᐃᐧᔨᓂᐊᐧ ᐁ ᑭ ᐅᓈᐯᒥᐟ. 23#ᓬᐃᐱᑎᑲᐢ 10:10ᑭᑕ ᑭᐢᑭᓄᐦᐊᒪᐁᐧᐊᐧᐠ ᒫᑲ ᓂᐟ ᐊᔨᓯᔨᓂᒪ ᐁᓯ ᐱᑐᑌᔨᑖᑲᐧᕽ ᑳ ᑲᓈᑕᕽ ᒥᓇ ᐊᓂᒪ ᐱᑲᐧᓇᑕ ᑳ ᐃᑕᑭᑌᐠ, ᒥᓇ ᑭᑕ ᓂᓯᑕᐃᐧᓇᒧᐋᒋᐠ ᐊᓂᒪ ᐁᑳ ᑳ ᐯᑲᕽ ᒥᓇ ᐊᓂᒪ ᑳ ᐯᑲᕽ. 24ᑭᐢᐱᐣ ᒫᑲ ᐋᓀᐧᑖᑐᐃᐧᐣ ᐁ ᐃᐦᑕᑲᐧᕽ ᑭᑕ ᓂᐸᐃᐧᐊᐧᐠ ᑭᑕ ᐅᔭᓱᐋᐧᓯᐁᐧᒋᐠ; ᐁ ᐃᑕᐢᑌᑭ ᓄᔭᓱᐁᐧᐃᐧᓇ ᑭᑕ ᐃᑕᓱᐋᐧᑕᒪᐧᐠ; ᑭᑕ ᓈᑲᑌᔨᑕᒪᐧᐠ ᒫᑲ ᓄᔭᓱᐁᐧᐃᐧᓇ ᒥᓇ ᓂ ᑲᑫᐢᑫᐧᐃᐧᓇ ᑲᐦᑭᔭᐤ ᑳ ᑭ ᐅᔭᑭᑕᒫᐣ ᐃᐧᐦᑯᐦᑐᐃᐧᓇ; ᐁᑯᓯ ᑭᑕ ᑲᓈᒋᐦᑖᐊᐧᐠ ᓂᐟ ᐊᔦᐧᐱᐃᐧᑭᓯᑳᒪ. 25#ᓬᐃᐱᑎᑲᐢ 21:1-4ᓇᒪᐃᐧᔭ ᒫᑲ ᑭᑕ ᓭᓯᑫᐢᑲᐁᐧᐊᐧᐠ ᐊᐃᐧᔭ ᐁ ᓂᐱᔨᐟ ᑭᑕ ᐃᐧᓀᔨᑖᑯᐃᓱᒋᐠ; ᒫᑲ ᐃᐧᔭ ᐅᑖᐃᐧᐋᐧᐊᐧ, ᐊᐦᐳ ᐅᑳᐃᐧᐋᐧᐊᐧ, ᐊᐦᐳ ᐅᑯᓯᓯᐋᐧᐊᐧ, ᐊᐦᐳ ᐅᑖᓂᓯᐋᐧᐊᐧ, ᐅᒋᐋᐧᒥᐋᐧᐊᐧ, ᐊᐦᐳ ᐅᑕᐁᐧᒫᐋᐧᐊᐧ ᐁᑳ ᑳ ᑭ ᐅᐦᒋ ᐅ ᓈᐯᒥᔨᐟ, ᐁᐊᐧᑯᓂ ᐅᐦᒋ ᑭᑕ ᑭ ᐃᐧᓀᔨᑖᑯᐦᐃᓱᐊᐧᐠ. 26ᐃᐢᐱ ᒫᑲ ᑭ ᐯᑭᐃᐦᒋ ᑌᐸᑯᑊ ᑭᓯᑳᐊᐧ ᑭᑕ ᐃᑕᑭᑕᒪᐋᐤ. 27ᐊᓂᒪ ᒫᑲ ᐁ ᑭᓯᑳᐠ ᑫ ᐱᐦᑐᑫᐟ ᑲᓈᒋᑲᒥᑯᕽ, ᐱᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ, ᑭᑕ ᐊᑐᐢᑫᐟ ᑲᓈᒋᑲᒥᑯᕽ, ᑭᑕ ᐸᑭᑎᓈᓱ ᐅ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
28 #
ᓇᒼᐸᕒᐢ 18:20
ᐁᑯᓯ ᑭᑕ ᐊᔮᐊᐧᐠ ᐅᐟ ᐋᓂᐢᑫᐢᑲᒫᐃᐧᓂᐋᐧᐤ; ᓂᔭ ᒫᑲ ᐅᐟ ᐋᓂᐢᑫᐢᑲᒫᐃᐧᓂᐋᐧᐤ; ᓇᒪᐃᐧᔭ ᒫᑲ ᑭ ᑲ ᒥᔮᐋᐧᐊᐧᐠ ᑎᐱᔭᐁᐧᐃᐧᓯᐃᐧᐣ ᐃᐢᕒᐁᐃᓬᐃᕽ; ᓂᔭ ᐅ ᑎᐱᔭᐁᐧᐃᐧᓯᐃᐧᓂᐋᐧᐤ. 29#ᓇᒼᐸᕒᐢ 18:8-19ᑭᑕ ᒥᒋᐊᐧᐠ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᒥᓇ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ, ᒥᓇ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ; ᒥᓇ ᑕᐦᑐ ᑳ ᐸᑭᑌᔨᑖᑲᐧᕽ ᑫᑲᐧᐩ ᐃᐢᕒᐁᐃᓬᐃᕽ ᑭᑕ ᐊᔮᐊᐧᐠ. 30ᐊᓂᒪ ᒫᑲ ᓂᐢᑕᒼ ᐁ ᓂᐢᑕᒥᑭᕽ ᑲᐦᑭᔭᐤ ᑫᑲᐧᐩ, ᒥᓇ ᑲᐦᑭᔭᐤ ᐸᑭᑎᓈᓱᐃᐧᐣ ᑲᐦᑭᔭᐤ ᑫᑲᐧᐩ, ᑭᑕ ᐊᔮᐊᐧᐠ ᐊᔭᒥᐦᐁᐃᐧᔨᓂᐊᐧᐠ; ᑭ ᑲ ᒥᔮᐋᐧᐤ ᒥᓇ ᐊᔭᒥᐦᐁᐃᐧᔨᓂᐤ ᐊᓂᐦᐃ ᓂᐢᑕᒼ ᐁ ᒫᒫᑯᓈᔦᐠ ᐸᐦᑫᐧᓯᑲᐣ ᑭᑕ ᓴᐁᐧᔨᑖᑯᓯᔭᐣ ᑭ ᐋᐧᐢᑳᐦᐃᑲᓂᕽ. 31#ᓬᐃᐱᑎᑲᐢ 22:8ᐊᔭᒥᐦᐁᐃᐧᔨᓂᐊᐧᐠ ᓇᒪᐃᐧᔭ ᑭᑕ ᒧᐁᐧᐊᐧᐠ ᐊᐃᐧᔭ ᓭᐦᑫ ᐁ ᓂᐱᔨᐟ, ᐊᐦᐳ ᐁ ᐱᑯᐱᑎᒥᐦᐟ, ᑭᐢᐱᐣ ᐱᔦᓯᐊᐧ ᐊᐦᐳ ᐱᓯᐢᑭᐊᐧ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.