ᐃᓯᑭᐁᓬ 43
43
1ᐁᑲᐧ ᒫᑲ ᓂ ᑭ ᐯ ᐃᑐᑕᐃᐠ ᑭᐦᒋᐃᐢᑳᐧᑌᒥᕽ, ᐊᓂᒪ ᐅᑎ ᑭᐦᒋᐃᐢᑳᐧᑌᒼ ᐋᐧᐸᓄᑖᕽ ᑳ ᐃᓯ ᐅᐦᑎᐢᑲᐊᐧᐢᑌᐠ; 2#ᐃᓯᑭᐁᓬ 10:3,4,18,19; 11:22,23; ᑭᐢᑫᔨᐦᑖᑯᐦᑫᐃᐧᐣ 1:15ᐳᑎ ᒫᑲ ᐅ ᒪᓂᑐᐋᐧᐢᑌᐃᐧᐣ ᐅ ᑭᓭᒪᓂᑐᒪ ᐃᐢᕒᐁᐃᓬ ᑭ ᐹᐸᔨᐤ ᐋᐧᐸᓄᑖᕽ ᐅᐦᒋ; ᐁ ᐯᐦᑖᑯᓯᐟ ᒫᑲ ᑖᐱᐢᑯᐨ ᐁ ᐯᑖᑲᐧᐦᑭ ᒥᐦᒉᐟ ᓂᐱᔭ; ᐁᑯᓯ ᐊᐢᑭ ᑭ ᐋᐧᓯᑌᐤ ᐅ ᒪᓂᑐᐋᐧᐢᑌᐃᐧᐣ ᐅᐦᒋ. 3ᑭ ᐃᓯᓈᑲᐧᐣ ᒫᑲ ᑖᐱᐢᑯᐨ ᑳ ᑭ ᐃᓯᓈᑲᐧᕽ ᐃᓯᓇᒧᐃᐧᐣ ᑳ ᑭ ᐋᐧᐸᐦᑕᒫᐣ, ᑳ ᑭ ᐃᓯᓈᑲᐧᕽ ᐅᑎ ᐃᓯᓇᒧᐃᐧᐣ ᑳ ᑭ ᐋᐧᐸᐦᑕᒫᐣ ᐃᐢᐱ ᑳ ᐯ ᓇᑕᐃᐧ ᓂᓯᐊᐧᓈᒋᐦᑖᔮᐣ ᐅᑌᓇᐤ; ᒥᓇ ᐃᓯᓇᒧᐃᐧᓇ ᑭ ᐃᓯᓈᑲᐧᓇᐧ ᑖᐱᐢᑯᐨ ᐃᓯᓇᒧᐃᐧᐣ ᑳ ᑭ ᐋᐧᐸᐦᑕᒫᐣ ᒋᑭ ᑭᐹᕒ ᓯᐱᕽ; ᓂ ᑭ ᐅᑎᑕᐱᐸᐦᑭᓯᓂᐣ ᒫᑲ. 4ᐅ ᒪᓂᑐᐋᐧᐢᑌᐃᐧᐣ ᒫᑲ ᑳ ᑎᐯᔨᐦᒋᑫᐟ ᑭ ᐯ ᐱᐦᑐᑫᒪᑲᐣ ᐋᐧᐢᑳᐦᐃᑲᓂᕽ ᑭᐦᒋᐃᐢᑳᐧᑌᒥᕽ ᐅᐦᒋ ᐋᐧᐸᓄᑖᕽ ᑳ ᐃᓯ ᐅᐦᑎᐢᑲᐋᐧᐠ.
5ᐊᐦᒑᕽ ᒫᑲ ᓂ ᑭ ᐅᑎᓂᐠ, ᒥᓇ ᓂ ᑭ ᐱᐦᑐᑲᐦᐃᐠ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ; ᐁᑯᓯ ᐳᑎ ᐅ ᒪᓂᑐᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᒧᐢᑭᓀᐢᑲᒧᒪᑲᐣ ᐋᐧᐢᑳᐦᐃᑲᐣ. 6ᓂ ᑭ ᐯᐦᑕᐋᐧᐤ ᒫᑲ ᐋᐃᐧᔭᐠ ᐁ ᐊᔭᒥᐃᐟ ᐋᐧᐢᑳᐦᐃᑲᓂᕽ ᐅᐦᒋ; ᐁᑯᓯ ᐊᔨᓯᔨᓂᐤ ᓂ ᑭ ᐃᐧᒋᑳᐸᐃᐧᐢᑖᐠ.
7ᓂ ᑭ ᐃᑎᐠ ᒫᑲ, ᐃᔨᓂᐃᐧᑯᓯᓵᐣ, ᐁᑯᑕ ᐅᒪ ᐁᔮᐠ ᓂ ᑭᐦᒋ ᐅᑭᒫᐊᐧᐱᐃᐧᐣ, ᒥᓇ ᐃᑕ ᑫ ᐊᐢᐱᓯᑌᓯᒧᔮᐣ, ᐃᑌ ᑫ ᐊᔮᔮᐣ ᒣᑳᐧᐨ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳᑭᑫ; ᐁᑯᓯ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᓇᒪᐃᐧᑳᐨ ᒥᓇ ᑭᑕ ᐃᐧᔨᐱᑖᐊᐧᐠ ᓂ ᑲᓈᒋ ᐃᐧᔪᐃᐧᐣ, ᓇᒪᐃᐧᔭ ᐃᐧᔭᐋᐧᐤ, ᐊᐦᐳ ᐅ ᑭᐦᒋ ᐅᑭᒫᒥᐋᐧᐊᐧ ᐅ ᐱᓯᑳᐧᑎᓯᐃᐧᓂᐋᐧᐤ ᐅᐦᒋ ᒥᓇ ᐃᐧᔭᐃᐧᔨᐊᐧ ᐅ ᑭᐦᒋ ᐅᑭᒫᒥᐋᐧᐊᐧ ᐅᐦᒋ ᐅᐟ ᐃᐢᐹᔭᓄᒥᐊᐧ; 8ᐁ ᐁᓇᐢᑌᔨᐠ ᐅᐟ ᐃᐢᑳᐧᑌᒥᐋᐧᐤ ᐁ ᑭ ᐊᐢᑖᒋᐠ ᒋᑭ ᐁ ᐁᓇᐢᑌᐠ ᓂᔭ ᓂᐟ ᐃᐢᑳᐧᑌᒼ, ᒥᓇ ᐅᐟ ᐃᐢᑳᐧᑌᒥ ᒋᒪᒋᑲᓂᐋᐧᐤ ᒋᑭ ᓂᐟ ᐃᐢᑳᐧᑌᒥ ᒋᒪᒋᑲᓂᕽ, ᐁᑯᓯ ᐋᐧᐢᑳᐦᐃᑲᐃᐧᐣ ᐱᑯ ᑭ ᐊᔮᐤ ᑕᐢᑕᐃᐧᐨ ᓂᔭ ᒥᓇ ᐃᐧᔭᐋᐧᐤ; ᑭ ᐃᐧᔨᐱᑖᐊᐧᐠ ᒫᑲ ᑳ ᑲᓈᑕᓂᔨᐠ ᓂ ᐃᐧᔪᐃᐧᐣ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ ᐅᐦᒋ; ᐁᐊᐧᑯ ᐅᐦᒋ ᓂ ᑭ ᒣᐦᒋᐋᐊᐧᐠ ᓂ ᑭᓯᐋᐧᓯᐃᐧᓂᕽ. 9ᐁᑲᐧ ᒫᑲ ᑭᔮᒼ ᑭᑕ ᐃᑲᑌᓇᒪᐧᐠ ᐋᐧᔭᐤ ᐅ ᐱᓯᑳᐧᑎᓯᐃᐧᓂᐋᐧᐤ ᒥᓇ ᐃᐧᔭᐃᐧᔨᐊᐧ ᐅ ᑭᐦᒋ ᐅᑭᒫᒥᐋᐧᐊᐧ, ᓂ ᑲ ᐃᐧᒋᐊᔮᒫᐊᐧᐠ ᒫᑲ ᑳᑭᑫ.
10ᑭᔭ ᐃᔨᓂᐃᐧᑯᓯᓵᐣ, ᐋᐧᐸᐦᑕᐦᐃᐠ ᐅᒪ ᐋᐧᐢᑳᐦᐃᑲᐣ ᐊᓂᑭ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᑭᑕ ᓇᓀᐯᐃᐧᐃᑯᒋᐠ ᐅ ᐋᐧᓂᐃᑎᐃᐧᓂᐋᐧᐊᐧ; ᒥᓇ ᑭᔮᒼ ᑭᑕ ᑖᑎᐸᐊᒪᐧᐠ ᑳ ᑭᐢᑭᓇᐋᐧᒋ ᐃᓯᒋᑳᑌᐠ. 11ᑭᐢᐱᐣ ᒫᑲ ᓈᓀᐯᐃᐧᐃᑯᑖᐧᐃᐧ ᑲᐦᑭᔭᐤ ᑳ ᑭ ᑐᑕᐦᑭᐠ, ᑭᐢᑫᔨᑕᒧᐃᐠ ᐁᓯᓈᑲᐧᕽ ᐋᐧᐢᑳᐦᐃᑲᐣ ᒥᓇ ᐁ ᐃᓯ ᒋᑳᑌᐠ, ᒥᓇ ᐁ ᐃᓯ ᐊᐧᔭᐃᐧᕽ ᒥᓇ ᐁ ᐃᓯ ᐱᐦᑐᑫᕽ ᐁᑯᑕ, ᒥᓇ ᑲᐦᑭᔭᐤ ᐁᓯᓈᑲᐧᑭ, ᒥᓇ ᑲᐦᑭᔭᐤ ᐃᓯᑖᐧᐃᐧᓇ, ᒥᓇ ᐁᓯᓈᑲᐧᑭ, ᒥᓇ ᑲᐦᑭᔭᐤ ᐁ ᐃᑕᓱᐋᐧᒋᑳᑌᐠ, ᐁᑯᓯ ᒪᓯᓇᐦᐊ ᐁ ᐋᐧᐸᒥᐢᑭᐠ; ᑭᑕ ᑲᓇᐁᐧᔨᑕᐦᑭᐠ ᒥᓯᐁᐧ ᐁ ᐃᓯᓈᑲᐧᕽ ᐁᐊᐧᑯ, ᒥᓇ ᑲᐦᑭᔭᐤ ᐃᓯᑖᐧᐃᐧᓇ ᐁᑯᑕ, ᒥᓇ ᑭᑕ ᐃᑐᑕᐦᑭᐠ. 12ᐁᐊᐧᑯ ᐅᒪ ᐁᑕᓱᐋᐧᒋᑳᑌᐠ ᐋᐧᐢᑳᐦᐃᑲᐣ; ᑕᐦᑯᐨ ᐊᐧᒋᕽ ᐃᔨᑯᕽ ᐁ ᑕᐋᐧᐠ ᒥᓯᐁᐧ ᐋᐧᐢᑳ ᒥᑐᓂ ᑭᑕ ᑲᓈᑕᐣ. ᒫᑎᑲ ᐁᐊᐧᑯ ᐅᒪ ᐁᑕᓱᐋᐧᒋᑳᑌᐠ ᐋᐧᐢᑳᐦᐃᑲᐣ.
13 #
ᐁᐠᓴᑕᐢ 27:1,2; 2 ᐊᑭᓀ ᐋᒋᒧᐃᐧᓇ 4:1 ᐁᑯᓯ ᒫᑲ ᐅᒪ ᐁᓯ ᑖᑎᐸᐃᑳᑌᐠ ᐸᑭᑎᓈᓱᐃᐧᓈᐱᐢᐠ ᑯᐱᑕ ᐁ ᐋᐸᑕᑭ (ᐊᓂᒪ ᑯᐱᐟ ᐁᐊᐧᑯ ᐯᔭᐠ ᑯᐱᐟ ᒥᓇ ᐁᐢᐱᑕᔭᑲᐢᑭᒋᐦᒉᕽ); ᐁᓇᒑᕽ ᐯᔭᐠ ᑯᐱᐟ, ᒥᓇ ᐯᔭᐠ ᑯᐱᐟ ᑭᑕ ᐃᐢᐱᑕᔭᑲᐢᑳᐤ, ᐁᑯᓯ ᐁ ᑳᓯᐢᐳ ᐊᔮᐠ ᐁᑯᑕ ᐋᐧᐢᑳ ᐯᔭᐠ ᑎᐱᒋᐦᒑᒋᑲᐣ; ᐁᑯᑕ ᒫᑲ ᐅᒪ ᑫ ᐊᐢᐸᐢᑌᐠ ᐸᑭᑎᓈᓱᐃᐧᓈᐱᐢᐠ. 14ᐁᑯᓯ ᒧᒋᕽ ᐅᐦᒋ ᐃᐢᑯ ᓂᐢᑕᒼ ᐁ ᐁᓈᐠ ᓂᓱ ᑯᐱᑕ, ᐁ ᐃᐢᐱᑕᔭᑲᐢᑳᐠ ᒫᑲ ᐯᔭᐠ ᑯᐱᐟ; ᐁᑯᓯ ᐊᓂᒪ ᐅᐦᒋ ᓇᐊᐧᐨ ᐁ ᐊᐱᓵᓯᐠ ᑳ ᐁᓈᐠ ᐅᐦᒋ ᐃᐢᑯ ᓇᐊᐧᐨ ᐁ ᒥᓵᐠ ᑳ ᐁᓈᐠ ᓀᐤ ᑯᐱᑕ ᐃᔨᑯᕽ, ᒥᓇ ᐁ ᐃᐢᐱᑕᔭᑲᐢᑳᐠ ᐯᔭᐠ ᑯᐱᐟ. 15ᐊᓂᒪ ᒫᑲ ᑕᐦᑯᐨ ᐸᑭᑎᓇᓱᐃᐧᓈᐱᐢᐠ ᓀᐤ ᑯᐱᑕ ᐃᔨᑯᕽ; ᐁᑯᓯ ᐸᑭᑎᓈᓱᐃᐧ ᑯᑕᐋᐧᓈᐱᐢᑯᕽ ᐅᐦᒋ ᐃᐢᐱᒥᕽ ᐃᓯ ᓀᐤ ᑭᑕ ᐊᔮᐊᐧ ᐁᐢᑲᓂᑳᓇ. 16ᐸᑭᑎᓈᓱᐃᐧᓈᐱᐢᐠ ᒫᑲ ᐁ ᑯᑕᐋᐧᓈᐱᐢᑯᐊᐧᕽ ᒥᑖᑕᐦᐟ ᑯᐱᑕ ᑭᑕ ᐃᐢᑳᐧᐤ ᒥᑖᑕᐦᐟ ᓂᓱᓵᑊ ᑯᐱᑕ ᐁ ᐃᐢᐱᑕᔭᑲᐢᑳᐠ, ᑖᐱᐢᑯᐨ ᐃᔨᑯᕽ ᓀᐊᐧᔭᐠ ᐁ ᐃᓯ ᑲᑲᑫᔮᐠ. 17ᐊᓂᒪ ᒫᑲ ᐁ ᐁᓈᐠ ᒥᑖᑕᐦᐟ ᓀᐅᓵᑊ ᑯᐱᑕ ᑭᑕ ᐃᐢᑳᐧᐤ ᒥᓇ ᒥᑖᑕᐦᐟ ᓀᐅᓵᑊ ᐁ ᐃᐢᐱᑕᔭᑲᐢᑳᐠ, ᓀᐊᐧᔭᐠ ᐁ ᑲᑲᑫᔮᐠ. ᐁ ᑳᓯᐢᐳ ᐊᔮᐠ ᒫᑲ ᐋᐧᓴᑳᒼ ᐋᐱᑕᐤ ᑯᐱᐟ; ᐁᑯᓯ ᐁ ᐊᐢᐸᐢᑌᐠ ᐯᔭᐠ ᑯᐱᐟ ᐋᐧᓴᑳᒼ; ᐃᐢᑳᐧᑕᐋᐧᐣ ᒫᑲ ᐋᐧᐸᓄᑖᕽ ᐃᑌᐦᑫ ᑭᑕ ᐊᔮᐤ.
18 #
ᐁᐠᓴᑕᐢ 29:35-37
ᓂ ᑭ ᐃᑎᐠ ᒫᑲ, ᐃᔨᓂᐃᐧᑯᓯᓵᐣ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁᐋᐧᑯᓂ ᐅᐦᐃ ᐃᓯᑖᐧᐃᐧᓇ ᐸᑭᑎᓈᓱᐃᐧᓈᐱᐢᐠ ᐊᓂᒪ ᐁ ᑭᓯᑳᐠ ᐃᐢᐱ ᐅᓯᐦᑖᑖᐧᐃᐧ, ᑭᑕ ᐸᑭᑎᓇᑭᐠ ᒪᒍᐢᑌᐦᐊᒫᑫᐃᐧᓇ ᐁᑯᑕ, ᒥᓇ ᑭᑕ ᐊᐧᓭᐧᐸᔨᑖᒋᐠ ᒥᐦᑯ ᐁᑯᑕ. 19ᑭ ᑲ ᒥᔮᐊᐧᐠ ᐊᔭᒥᐦᐁᐃᐧᔨᓂᐊᐧᐠ ᐊᓂᑭ ᓬᐃᐸᐃᑕᐠ ᐅ ᓂᐦᑖᐃᐧᑭᐦᐋᑲᓇ ᓭᑖᐠ ᑳ ᐅᐦᒋᒋᐠ, ᑳ ᐯᓵᐧᐸᒥᒋᐠ, ᑭᑕ ᐊᑐᐢᑲᐃᐧᒋᐠ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᐅᐢᑭ ᔮᐯᒧᐢᑐᓴᐧ ᑭᑕ ᒪᓂ ᒪᒋᐃᑎᐃᐧᓂ ᐸᑭᑎᓈᓱᒋᐠ. 20ᑭ ᑲ ᐅᑎᓀᐣ ᒫᑲ ᐅ ᒥᐦᑯ ᐁᑯᓯ ᑭ ᑲ ᐊᐢᑖᐣ ᑳ ᓀᐤ ᐁᐢᑲᓂᑳᑌᐠ, ᒥᓇ ᐁ ᓀᐤ ᑭᑫᔮᐠ ᑳ ᐁᓈᐠ, ᒥᓇ ᑳ ᑳᓯᐢᐳ ᐊᔮᐠ ᐋᐧᐢᑳ; ᐁᑯᓯ ᐅᒪ ᑫ ᐃᓯ ᐯᑭᑖᔭᐣ ᒥᓇ ᐯᔭᑯᐃᑐᐃᐧᐣ ᑫ ᐅᓯᐦᑕᒪᐋᐧᑕᒪᐣ. 21ᑭ ᑲ ᐅᑎᓈᐤ ᒥᓇ ᐊᓇ ᔮᐯᒧᐢᑐᐢ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᑭᑕ ᒣᐢᑎᑲᓭᐧᐤ ᐃᑕ ᐊᓂᒪ ᐁ ᐅᔭᑭᑌᐠ ᐋᐧᐢᑳᐦᐃᑲᓂᕽ, ᐊᐧᔭᐃᐧᑎᒫᔨᕽ ᑲᓈᒋᑲᒥᐠ. 22ᑭᐦᑖᐧᒼ ᒫᑲ ᑭᓯᑳᑭ ᑭ ᑲ ᐸᑭᑎᓈᓱᐣ ᔮᐯᐋᐧᐸᑎᕽ ᐁᑳ ᐁ ᒫᐢᑭᓯᐟ ᐁᐊᐧᑯ ᒪᒋᐃᑎᐃᐧᓂ ᐸᑭᑎᓇᓱᐃᐧᐣ; ᐁᑯᓯ ᑭᑕ ᐯᑭᑖᐊᐧᐠ ᐸᑭᑎᓈᓱᐃᐧᓈᐱᐢᐠ, ᑳ ᑭ ᐃᓯ ᐯᑭᑖᒋᐠ ᐊᓂᐦᐃ ᔮᐯᒧᐢᑐᓴᐧ ᐅᐦᒋ. 23ᐃᐢᐱ ᑭ ᑭᓯ ᐯᑭᑖᔭᓂ, ᑭ ᑲ ᐸᑭᑎᓈᓱᐣ ᐅᐢᑭ ᔮᐯᒧᐢᑐᐢ ᐁᑳ ᐁ ᒫᐢᑭᓯᐟ, ᒥᓇ ᔮᐯᒫᔭᑎᕽ ᐁᑳ ᐁ ᒫᐢᑭᓯᐟ. 24ᑭ ᑲ ᐯᓯᐋᐊᐧᐠ ᒫᑲ ᑭᓯᐋᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᐁᑯᓯ ᐊᔭᒥᐦᐁᐃᐧᔨᓂᐊᐧᐠ ᓯᐃᐧᑖᑲᐣ ᑭᑕ ᐁᐧᐱᓇᒪᐁᐧᐊᐧᐠ, ᑭᑕ ᐸᑭᑎᓈᓱᐊᐧᐠ ᒫᑲ ᐁ ᒪᒍᐢᑌᐊᒪᐋᐧᒋᐠ ᑳ ᑎᐯᔨᐦᒋᑫᔨᐟ. 25ᑌᐸᑯᑊ ᑭᓯᑳᐊᐧ ᑭ ᑲ ᑲᐧᔮᒋᐋᐤ ᑕᐦᑐᑭᓯᑳᐤ ᐋᐧᐸᑎᕽ ᐁᐊᐧᑯ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ; ᑭᑕ ᑲᐧᔮᒋᐁᐊᐧᐠ ᒥᓇ ᐅᐢᑭ ᔮᐯᒧᐢᑐᓴ, ᒥᓇ ᔮᐯᒫᔭᑎᑲᐧ ᑳ ᐊᓭᔭᑎᔨᐟ ᐅᐦᒋ, ᐁᑳ ᐁ ᒫᐢᑭᓯᔨᐟ. 26ᑌᐸᑯᑊ ᑭᓯᑳᐊᐧ ᑭᑕ ᐅᓯᐦᑖᐊᐧᐠ ᐯᔭᑯᐃᑐᐃᐧᐣ ᐸᑭᑎᓈᓱᐃᐧᓈᐱᐢᐠ ᐅᐦᒋ ᒥᓇ ᑭᑕ ᐯᑭᑖᐊᐧᐠ; ᐁᑯᓯ ᑫ ᐃᓯ ᑲᓈᒋᐦᑖᒋᐠ. 27ᐃᐢᐱ ᒫᑲ ᑭ ᑎᐱᑐᑕᑳᐧᐃᐧ ᑭᓯᑳᐊᐧ, ᑭᑕ ᐃᐢᐸᔨᐤ ᐊᑎ ᐊᔨᓈᓀᐅᑭᓯᑳᑭ, ᒥᓇ ᑕᐦᑭ, ᐊᔭᒥᐦᐁᐃᐧᔨᓂᐊᐧᐠ ᑭᑕ ᐅᓯᐦᑖᐊᐧᐠ ᑭ ᒪᒍᐢᑌᐦᐊᒫᑫᐃᐧᓂᐋᐧᐊᐧ ᐸᑭᑎᓈᓱᐃᐧᓈᐱᐢᑯᕽ, ᒥᓇ ᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ; ᑭ ᑲ ᐅᑎᓂᑎᓈᐋᐧᐤ ᒫᑲ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
Currently Selected:
ᐃᓯᑭᐁᓬ 43: KKMs
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
ᐃᓯᑭᐁᓬ 43
43
1ᐁᑲᐧ ᒫᑲ ᓂ ᑭ ᐯ ᐃᑐᑕᐃᐠ ᑭᐦᒋᐃᐢᑳᐧᑌᒥᕽ, ᐊᓂᒪ ᐅᑎ ᑭᐦᒋᐃᐢᑳᐧᑌᒼ ᐋᐧᐸᓄᑖᕽ ᑳ ᐃᓯ ᐅᐦᑎᐢᑲᐊᐧᐢᑌᐠ; 2#ᐃᓯᑭᐁᓬ 10:3,4,18,19; 11:22,23; ᑭᐢᑫᔨᐦᑖᑯᐦᑫᐃᐧᐣ 1:15ᐳᑎ ᒫᑲ ᐅ ᒪᓂᑐᐋᐧᐢᑌᐃᐧᐣ ᐅ ᑭᓭᒪᓂᑐᒪ ᐃᐢᕒᐁᐃᓬ ᑭ ᐹᐸᔨᐤ ᐋᐧᐸᓄᑖᕽ ᐅᐦᒋ; ᐁ ᐯᐦᑖᑯᓯᐟ ᒫᑲ ᑖᐱᐢᑯᐨ ᐁ ᐯᑖᑲᐧᐦᑭ ᒥᐦᒉᐟ ᓂᐱᔭ; ᐁᑯᓯ ᐊᐢᑭ ᑭ ᐋᐧᓯᑌᐤ ᐅ ᒪᓂᑐᐋᐧᐢᑌᐃᐧᐣ ᐅᐦᒋ. 3ᑭ ᐃᓯᓈᑲᐧᐣ ᒫᑲ ᑖᐱᐢᑯᐨ ᑳ ᑭ ᐃᓯᓈᑲᐧᕽ ᐃᓯᓇᒧᐃᐧᐣ ᑳ ᑭ ᐋᐧᐸᐦᑕᒫᐣ, ᑳ ᑭ ᐃᓯᓈᑲᐧᕽ ᐅᑎ ᐃᓯᓇᒧᐃᐧᐣ ᑳ ᑭ ᐋᐧᐸᐦᑕᒫᐣ ᐃᐢᐱ ᑳ ᐯ ᓇᑕᐃᐧ ᓂᓯᐊᐧᓈᒋᐦᑖᔮᐣ ᐅᑌᓇᐤ; ᒥᓇ ᐃᓯᓇᒧᐃᐧᓇ ᑭ ᐃᓯᓈᑲᐧᓇᐧ ᑖᐱᐢᑯᐨ ᐃᓯᓇᒧᐃᐧᐣ ᑳ ᑭ ᐋᐧᐸᐦᑕᒫᐣ ᒋᑭ ᑭᐹᕒ ᓯᐱᕽ; ᓂ ᑭ ᐅᑎᑕᐱᐸᐦᑭᓯᓂᐣ ᒫᑲ. 4ᐅ ᒪᓂᑐᐋᐧᐢᑌᐃᐧᐣ ᒫᑲ ᑳ ᑎᐯᔨᐦᒋᑫᐟ ᑭ ᐯ ᐱᐦᑐᑫᒪᑲᐣ ᐋᐧᐢᑳᐦᐃᑲᓂᕽ ᑭᐦᒋᐃᐢᑳᐧᑌᒥᕽ ᐅᐦᒋ ᐋᐧᐸᓄᑖᕽ ᑳ ᐃᓯ ᐅᐦᑎᐢᑲᐋᐧᐠ.
5ᐊᐦᒑᕽ ᒫᑲ ᓂ ᑭ ᐅᑎᓂᐠ, ᒥᓇ ᓂ ᑭ ᐱᐦᑐᑲᐦᐃᐠ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ; ᐁᑯᓯ ᐳᑎ ᐅ ᒪᓂᑐᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᒧᐢᑭᓀᐢᑲᒧᒪᑲᐣ ᐋᐧᐢᑳᐦᐃᑲᐣ. 6ᓂ ᑭ ᐯᐦᑕᐋᐧᐤ ᒫᑲ ᐋᐃᐧᔭᐠ ᐁ ᐊᔭᒥᐃᐟ ᐋᐧᐢᑳᐦᐃᑲᓂᕽ ᐅᐦᒋ; ᐁᑯᓯ ᐊᔨᓯᔨᓂᐤ ᓂ ᑭ ᐃᐧᒋᑳᐸᐃᐧᐢᑖᐠ.
7ᓂ ᑭ ᐃᑎᐠ ᒫᑲ, ᐃᔨᓂᐃᐧᑯᓯᓵᐣ, ᐁᑯᑕ ᐅᒪ ᐁᔮᐠ ᓂ ᑭᐦᒋ ᐅᑭᒫᐊᐧᐱᐃᐧᐣ, ᒥᓇ ᐃᑕ ᑫ ᐊᐢᐱᓯᑌᓯᒧᔮᐣ, ᐃᑌ ᑫ ᐊᔮᔮᐣ ᒣᑳᐧᐨ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳᑭᑫ; ᐁᑯᓯ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᓇᒪᐃᐧᑳᐨ ᒥᓇ ᑭᑕ ᐃᐧᔨᐱᑖᐊᐧᐠ ᓂ ᑲᓈᒋ ᐃᐧᔪᐃᐧᐣ, ᓇᒪᐃᐧᔭ ᐃᐧᔭᐋᐧᐤ, ᐊᐦᐳ ᐅ ᑭᐦᒋ ᐅᑭᒫᒥᐋᐧᐊᐧ ᐅ ᐱᓯᑳᐧᑎᓯᐃᐧᓂᐋᐧᐤ ᐅᐦᒋ ᒥᓇ ᐃᐧᔭᐃᐧᔨᐊᐧ ᐅ ᑭᐦᒋ ᐅᑭᒫᒥᐋᐧᐊᐧ ᐅᐦᒋ ᐅᐟ ᐃᐢᐹᔭᓄᒥᐊᐧ; 8ᐁ ᐁᓇᐢᑌᔨᐠ ᐅᐟ ᐃᐢᑳᐧᑌᒥᐋᐧᐤ ᐁ ᑭ ᐊᐢᑖᒋᐠ ᒋᑭ ᐁ ᐁᓇᐢᑌᐠ ᓂᔭ ᓂᐟ ᐃᐢᑳᐧᑌᒼ, ᒥᓇ ᐅᐟ ᐃᐢᑳᐧᑌᒥ ᒋᒪᒋᑲᓂᐋᐧᐤ ᒋᑭ ᓂᐟ ᐃᐢᑳᐧᑌᒥ ᒋᒪᒋᑲᓂᕽ, ᐁᑯᓯ ᐋᐧᐢᑳᐦᐃᑲᐃᐧᐣ ᐱᑯ ᑭ ᐊᔮᐤ ᑕᐢᑕᐃᐧᐨ ᓂᔭ ᒥᓇ ᐃᐧᔭᐋᐧᐤ; ᑭ ᐃᐧᔨᐱᑖᐊᐧᐠ ᒫᑲ ᑳ ᑲᓈᑕᓂᔨᐠ ᓂ ᐃᐧᔪᐃᐧᐣ ᑳ ᓭᓭᐢᑫᔨᑖᑲᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ ᐅᐦᒋ; ᐁᐊᐧᑯ ᐅᐦᒋ ᓂ ᑭ ᒣᐦᒋᐋᐊᐧᐠ ᓂ ᑭᓯᐋᐧᓯᐃᐧᓂᕽ. 9ᐁᑲᐧ ᒫᑲ ᑭᔮᒼ ᑭᑕ ᐃᑲᑌᓇᒪᐧᐠ ᐋᐧᔭᐤ ᐅ ᐱᓯᑳᐧᑎᓯᐃᐧᓂᐋᐧᐤ ᒥᓇ ᐃᐧᔭᐃᐧᔨᐊᐧ ᐅ ᑭᐦᒋ ᐅᑭᒫᒥᐋᐧᐊᐧ, ᓂ ᑲ ᐃᐧᒋᐊᔮᒫᐊᐧᐠ ᒫᑲ ᑳᑭᑫ.
10ᑭᔭ ᐃᔨᓂᐃᐧᑯᓯᓵᐣ, ᐋᐧᐸᐦᑕᐦᐃᐠ ᐅᒪ ᐋᐧᐢᑳᐦᐃᑲᐣ ᐊᓂᑭ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᑭᑕ ᓇᓀᐯᐃᐧᐃᑯᒋᐠ ᐅ ᐋᐧᓂᐃᑎᐃᐧᓂᐋᐧᐊᐧ; ᒥᓇ ᑭᔮᒼ ᑭᑕ ᑖᑎᐸᐊᒪᐧᐠ ᑳ ᑭᐢᑭᓇᐋᐧᒋ ᐃᓯᒋᑳᑌᐠ. 11ᑭᐢᐱᐣ ᒫᑲ ᓈᓀᐯᐃᐧᐃᑯᑖᐧᐃᐧ ᑲᐦᑭᔭᐤ ᑳ ᑭ ᑐᑕᐦᑭᐠ, ᑭᐢᑫᔨᑕᒧᐃᐠ ᐁᓯᓈᑲᐧᕽ ᐋᐧᐢᑳᐦᐃᑲᐣ ᒥᓇ ᐁ ᐃᓯ ᒋᑳᑌᐠ, ᒥᓇ ᐁ ᐃᓯ ᐊᐧᔭᐃᐧᕽ ᒥᓇ ᐁ ᐃᓯ ᐱᐦᑐᑫᕽ ᐁᑯᑕ, ᒥᓇ ᑲᐦᑭᔭᐤ ᐁᓯᓈᑲᐧᑭ, ᒥᓇ ᑲᐦᑭᔭᐤ ᐃᓯᑖᐧᐃᐧᓇ, ᒥᓇ ᐁᓯᓈᑲᐧᑭ, ᒥᓇ ᑲᐦᑭᔭᐤ ᐁ ᐃᑕᓱᐋᐧᒋᑳᑌᐠ, ᐁᑯᓯ ᒪᓯᓇᐦᐊ ᐁ ᐋᐧᐸᒥᐢᑭᐠ; ᑭᑕ ᑲᓇᐁᐧᔨᑕᐦᑭᐠ ᒥᓯᐁᐧ ᐁ ᐃᓯᓈᑲᐧᕽ ᐁᐊᐧᑯ, ᒥᓇ ᑲᐦᑭᔭᐤ ᐃᓯᑖᐧᐃᐧᓇ ᐁᑯᑕ, ᒥᓇ ᑭᑕ ᐃᑐᑕᐦᑭᐠ. 12ᐁᐊᐧᑯ ᐅᒪ ᐁᑕᓱᐋᐧᒋᑳᑌᐠ ᐋᐧᐢᑳᐦᐃᑲᐣ; ᑕᐦᑯᐨ ᐊᐧᒋᕽ ᐃᔨᑯᕽ ᐁ ᑕᐋᐧᐠ ᒥᓯᐁᐧ ᐋᐧᐢᑳ ᒥᑐᓂ ᑭᑕ ᑲᓈᑕᐣ. ᒫᑎᑲ ᐁᐊᐧᑯ ᐅᒪ ᐁᑕᓱᐋᐧᒋᑳᑌᐠ ᐋᐧᐢᑳᐦᐃᑲᐣ.
13 #
ᐁᐠᓴᑕᐢ 27:1,2; 2 ᐊᑭᓀ ᐋᒋᒧᐃᐧᓇ 4:1 ᐁᑯᓯ ᒫᑲ ᐅᒪ ᐁᓯ ᑖᑎᐸᐃᑳᑌᐠ ᐸᑭᑎᓈᓱᐃᐧᓈᐱᐢᐠ ᑯᐱᑕ ᐁ ᐋᐸᑕᑭ (ᐊᓂᒪ ᑯᐱᐟ ᐁᐊᐧᑯ ᐯᔭᐠ ᑯᐱᐟ ᒥᓇ ᐁᐢᐱᑕᔭᑲᐢᑭᒋᐦᒉᕽ); ᐁᓇᒑᕽ ᐯᔭᐠ ᑯᐱᐟ, ᒥᓇ ᐯᔭᐠ ᑯᐱᐟ ᑭᑕ ᐃᐢᐱᑕᔭᑲᐢᑳᐤ, ᐁᑯᓯ ᐁ ᑳᓯᐢᐳ ᐊᔮᐠ ᐁᑯᑕ ᐋᐧᐢᑳ ᐯᔭᐠ ᑎᐱᒋᐦᒑᒋᑲᐣ; ᐁᑯᑕ ᒫᑲ ᐅᒪ ᑫ ᐊᐢᐸᐢᑌᐠ ᐸᑭᑎᓈᓱᐃᐧᓈᐱᐢᐠ. 14ᐁᑯᓯ ᒧᒋᕽ ᐅᐦᒋ ᐃᐢᑯ ᓂᐢᑕᒼ ᐁ ᐁᓈᐠ ᓂᓱ ᑯᐱᑕ, ᐁ ᐃᐢᐱᑕᔭᑲᐢᑳᐠ ᒫᑲ ᐯᔭᐠ ᑯᐱᐟ; ᐁᑯᓯ ᐊᓂᒪ ᐅᐦᒋ ᓇᐊᐧᐨ ᐁ ᐊᐱᓵᓯᐠ ᑳ ᐁᓈᐠ ᐅᐦᒋ ᐃᐢᑯ ᓇᐊᐧᐨ ᐁ ᒥᓵᐠ ᑳ ᐁᓈᐠ ᓀᐤ ᑯᐱᑕ ᐃᔨᑯᕽ, ᒥᓇ ᐁ ᐃᐢᐱᑕᔭᑲᐢᑳᐠ ᐯᔭᐠ ᑯᐱᐟ. 15ᐊᓂᒪ ᒫᑲ ᑕᐦᑯᐨ ᐸᑭᑎᓇᓱᐃᐧᓈᐱᐢᐠ ᓀᐤ ᑯᐱᑕ ᐃᔨᑯᕽ; ᐁᑯᓯ ᐸᑭᑎᓈᓱᐃᐧ ᑯᑕᐋᐧᓈᐱᐢᑯᕽ ᐅᐦᒋ ᐃᐢᐱᒥᕽ ᐃᓯ ᓀᐤ ᑭᑕ ᐊᔮᐊᐧ ᐁᐢᑲᓂᑳᓇ. 16ᐸᑭᑎᓈᓱᐃᐧᓈᐱᐢᐠ ᒫᑲ ᐁ ᑯᑕᐋᐧᓈᐱᐢᑯᐊᐧᕽ ᒥᑖᑕᐦᐟ ᑯᐱᑕ ᑭᑕ ᐃᐢᑳᐧᐤ ᒥᑖᑕᐦᐟ ᓂᓱᓵᑊ ᑯᐱᑕ ᐁ ᐃᐢᐱᑕᔭᑲᐢᑳᐠ, ᑖᐱᐢᑯᐨ ᐃᔨᑯᕽ ᓀᐊᐧᔭᐠ ᐁ ᐃᓯ ᑲᑲᑫᔮᐠ. 17ᐊᓂᒪ ᒫᑲ ᐁ ᐁᓈᐠ ᒥᑖᑕᐦᐟ ᓀᐅᓵᑊ ᑯᐱᑕ ᑭᑕ ᐃᐢᑳᐧᐤ ᒥᓇ ᒥᑖᑕᐦᐟ ᓀᐅᓵᑊ ᐁ ᐃᐢᐱᑕᔭᑲᐢᑳᐠ, ᓀᐊᐧᔭᐠ ᐁ ᑲᑲᑫᔮᐠ. ᐁ ᑳᓯᐢᐳ ᐊᔮᐠ ᒫᑲ ᐋᐧᓴᑳᒼ ᐋᐱᑕᐤ ᑯᐱᐟ; ᐁᑯᓯ ᐁ ᐊᐢᐸᐢᑌᐠ ᐯᔭᐠ ᑯᐱᐟ ᐋᐧᓴᑳᒼ; ᐃᐢᑳᐧᑕᐋᐧᐣ ᒫᑲ ᐋᐧᐸᓄᑖᕽ ᐃᑌᐦᑫ ᑭᑕ ᐊᔮᐤ.
18 #
ᐁᐠᓴᑕᐢ 29:35-37
ᓂ ᑭ ᐃᑎᐠ ᒫᑲ, ᐃᔨᓂᐃᐧᑯᓯᓵᐣ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁᐋᐧᑯᓂ ᐅᐦᐃ ᐃᓯᑖᐧᐃᐧᓇ ᐸᑭᑎᓈᓱᐃᐧᓈᐱᐢᐠ ᐊᓂᒪ ᐁ ᑭᓯᑳᐠ ᐃᐢᐱ ᐅᓯᐦᑖᑖᐧᐃᐧ, ᑭᑕ ᐸᑭᑎᓇᑭᐠ ᒪᒍᐢᑌᐦᐊᒫᑫᐃᐧᓇ ᐁᑯᑕ, ᒥᓇ ᑭᑕ ᐊᐧᓭᐧᐸᔨᑖᒋᐠ ᒥᐦᑯ ᐁᑯᑕ. 19ᑭ ᑲ ᒥᔮᐊᐧᐠ ᐊᔭᒥᐦᐁᐃᐧᔨᓂᐊᐧᐠ ᐊᓂᑭ ᓬᐃᐸᐃᑕᐠ ᐅ ᓂᐦᑖᐃᐧᑭᐦᐋᑲᓇ ᓭᑖᐠ ᑳ ᐅᐦᒋᒋᐠ, ᑳ ᐯᓵᐧᐸᒥᒋᐠ, ᑭᑕ ᐊᑐᐢᑲᐃᐧᒋᐠ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᐅᐢᑭ ᔮᐯᒧᐢᑐᓴᐧ ᑭᑕ ᒪᓂ ᒪᒋᐃᑎᐃᐧᓂ ᐸᑭᑎᓈᓱᒋᐠ. 20ᑭ ᑲ ᐅᑎᓀᐣ ᒫᑲ ᐅ ᒥᐦᑯ ᐁᑯᓯ ᑭ ᑲ ᐊᐢᑖᐣ ᑳ ᓀᐤ ᐁᐢᑲᓂᑳᑌᐠ, ᒥᓇ ᐁ ᓀᐤ ᑭᑫᔮᐠ ᑳ ᐁᓈᐠ, ᒥᓇ ᑳ ᑳᓯᐢᐳ ᐊᔮᐠ ᐋᐧᐢᑳ; ᐁᑯᓯ ᐅᒪ ᑫ ᐃᓯ ᐯᑭᑖᔭᐣ ᒥᓇ ᐯᔭᑯᐃᑐᐃᐧᐣ ᑫ ᐅᓯᐦᑕᒪᐋᐧᑕᒪᐣ. 21ᑭ ᑲ ᐅᑎᓈᐤ ᒥᓇ ᐊᓇ ᔮᐯᒧᐢᑐᐢ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ, ᐁᑯᓯ ᑭᑕ ᒣᐢᑎᑲᓭᐧᐤ ᐃᑕ ᐊᓂᒪ ᐁ ᐅᔭᑭᑌᐠ ᐋᐧᐢᑳᐦᐃᑲᓂᕽ, ᐊᐧᔭᐃᐧᑎᒫᔨᕽ ᑲᓈᒋᑲᒥᐠ. 22ᑭᐦᑖᐧᒼ ᒫᑲ ᑭᓯᑳᑭ ᑭ ᑲ ᐸᑭᑎᓈᓱᐣ ᔮᐯᐋᐧᐸᑎᕽ ᐁᑳ ᐁ ᒫᐢᑭᓯᐟ ᐁᐊᐧᑯ ᒪᒋᐃᑎᐃᐧᓂ ᐸᑭᑎᓇᓱᐃᐧᐣ; ᐁᑯᓯ ᑭᑕ ᐯᑭᑖᐊᐧᐠ ᐸᑭᑎᓈᓱᐃᐧᓈᐱᐢᐠ, ᑳ ᑭ ᐃᓯ ᐯᑭᑖᒋᐠ ᐊᓂᐦᐃ ᔮᐯᒧᐢᑐᓴᐧ ᐅᐦᒋ. 23ᐃᐢᐱ ᑭ ᑭᓯ ᐯᑭᑖᔭᓂ, ᑭ ᑲ ᐸᑭᑎᓈᓱᐣ ᐅᐢᑭ ᔮᐯᒧᐢᑐᐢ ᐁᑳ ᐁ ᒫᐢᑭᓯᐟ, ᒥᓇ ᔮᐯᒫᔭᑎᕽ ᐁᑳ ᐁ ᒫᐢᑭᓯᐟ. 24ᑭ ᑲ ᐯᓯᐋᐊᐧᐠ ᒫᑲ ᑭᓯᐋᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᐁᑯᓯ ᐊᔭᒥᐦᐁᐃᐧᔨᓂᐊᐧᐠ ᓯᐃᐧᑖᑲᐣ ᑭᑕ ᐁᐧᐱᓇᒪᐁᐧᐊᐧᐠ, ᑭᑕ ᐸᑭᑎᓈᓱᐊᐧᐠ ᒫᑲ ᐁ ᒪᒍᐢᑌᐊᒪᐋᐧᒋᐠ ᑳ ᑎᐯᔨᐦᒋᑫᔨᐟ. 25ᑌᐸᑯᑊ ᑭᓯᑳᐊᐧ ᑭ ᑲ ᑲᐧᔮᒋᐋᐤ ᑕᐦᑐᑭᓯᑳᐤ ᐋᐧᐸᑎᕽ ᐁᐊᐧᑯ ᒪᒋᐃᑎᐃᐧᓂ ᐸᑭᑎᓈᓱᐃᐧᐣ; ᑭᑕ ᑲᐧᔮᒋᐁᐊᐧᐠ ᒥᓇ ᐅᐢᑭ ᔮᐯᒧᐢᑐᓴ, ᒥᓇ ᔮᐯᒫᔭᑎᑲᐧ ᑳ ᐊᓭᔭᑎᔨᐟ ᐅᐦᒋ, ᐁᑳ ᐁ ᒫᐢᑭᓯᔨᐟ. 26ᑌᐸᑯᑊ ᑭᓯᑳᐊᐧ ᑭᑕ ᐅᓯᐦᑖᐊᐧᐠ ᐯᔭᑯᐃᑐᐃᐧᐣ ᐸᑭᑎᓈᓱᐃᐧᓈᐱᐢᐠ ᐅᐦᒋ ᒥᓇ ᑭᑕ ᐯᑭᑖᐊᐧᐠ; ᐁᑯᓯ ᑫ ᐃᓯ ᑲᓈᒋᐦᑖᒋᐠ. 27ᐃᐢᐱ ᒫᑲ ᑭ ᑎᐱᑐᑕᑳᐧᐃᐧ ᑭᓯᑳᐊᐧ, ᑭᑕ ᐃᐢᐸᔨᐤ ᐊᑎ ᐊᔨᓈᓀᐅᑭᓯᑳᑭ, ᒥᓇ ᑕᐦᑭ, ᐊᔭᒥᐦᐁᐃᐧᔨᓂᐊᐧᐠ ᑭᑕ ᐅᓯᐦᑖᐊᐧᐠ ᑭ ᒪᒍᐢᑌᐦᐊᒫᑫᐃᐧᓂᐋᐧᐊᐧ ᐸᑭᑎᓈᓱᐃᐧᓈᐱᐢᑯᕽ, ᒥᓇ ᑭ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ; ᑭ ᑲ ᐅᑎᓂᑎᓈᐋᐧᐤ ᒫᑲ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.