ᐁᐠᓴᑕᐢ 29
29
1ᐁᑯᓯ ᒫᑲ ᐅᒪ ᑫ ᐃᑐᑕᐊᐧᒋᐠ, ᑭᑕ ᑲᓈᒋᐊᒋᐠ, ᑭᑕ ᐊᑐᐢᑫᐢᑕᐃᐧᒋᐠ ᐊᔭᒥᐦᐁᐃᐧᔨᓂᐤ ᐊᑐᐢᑫᐃᐧᓂᕽ; ᐅᑎᐣ ᐯᔭᐠ ᐅᐢᑭ ᔮᐯᒧᐢᑐᐢ ᒥᓇ ᓂᓱ ᔮᐯᒫᔭᑎᑲᐧᐠ ᐁᑳ ᐁ ᒫᐢᑭᓯᒋᐠ. 2ᒥᓇ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ, ᒥᓇ ᐊᔭᑯᓈᐤ ᐁᑳ ᐁ ᐅᐦᐱᓱᐟ ᐁ ᑐᒥᓂᑳᓱᐟ, ᒥᓇ ᐋᐧᐃᐧᔦᑲᓯᑲᓂᓴᐠ ᐁᑳ ᐁ ᐅᐦᐱᓱᒋᐠ ᐁ ᑐᒥᓂᐦᒋᐠ; ᐁ ᒥᔪᓯᐟ ᐸᐦᑫᐧᓯᑲᓂᑳᓂ ᐸᐦᑫᐧᓯᑲᐣ ᑭ ᑲ ᐅᐦᒋ ᐅᓯᐦᐋᐊᐧᐠ. 3ᑭ ᑲ ᒫᒪᐃᐧ ᐊᓯᐊᐧᔮᐊᐧᐠ ᒫᑲ ᐯᔭᐠ ᐃᐧᑯᐱᐊᐧᑎᕽ, ᐁᑯᓯ ᑭ ᑲ ᐯᓯᐋᐧᐊᐧᐠ ᐃᐧᑯᐱᐊᐧᑎᕽ, ᑭᑭ ᒧᐢᑐᐢ ᒥᓇ ᐊᓂᑭ ᓂᓱ ᔮᐯᒫᔭᑎᑲᐧᐠ. 4ᐁᕒᐊᐣ ᒫᑲ ᒥᓇ ᐅᑯᓯᓴ ᑭ ᑲ ᐯ ᐃᑐᑕᐋᐊᐧᐠ ᐃᐢᑳᐧᑌᒥᕽ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ, ᐁᑯᓯ ᑭ ᑲ ᑭᒋᐢᑖᐸᐊᐧᔮᐊᐧᐠ ᓂᐱ ᐅᐦᒋ. 5ᑭ ᑲ ᐅᑎᓀᐣ ᒫᑲ ᑭᑭᐢᑲᒋᑲᓇ, ᐁᑯᓯ ᑭ ᑲ ᐳᐢᑕᓵᑲᐋᐤ ᐁᕒᐊᐣ ᒥᐢᑯᑖᑲᐩ, ᒥᓇ ᑳ ᐱᑕᐁᐧᐢᑭᑳᑌᐠ ᐁᐦᐸᑎᕽ, ᐁᑲᐧ ᐊᓂᒪ ᐁᐦᐸᐟ, ᒥᓇ ᐋᐧᐢᑭᑲᓀᔮᐱᐢᐠ, ᒥᓇ ᑭ ᑲ ᐸᑲᐧᑌᐦᐋᐤ ᐊᓂᒪ ᑳ ᒪᒫᑖᐃᐧᓯᒋᑳᑌᐠ ᐸᑲᐧᑌᐦᐅᐣ. 6ᐁᑯᓯ ᑭ ᑲ ᐳᐢᑕᐢᑐᑎᓇᐦᐋᐤ ᐊᓂᒪ ᐊᐢᑐᑎᐣ ᐁᑯᓯ ᐊᓂᒪ ᑲᓈᒋ ᐋᐧᐢᑳᒋᒋᑲᐣ ᑭ ᑲ ᐊᐢᑖᐣ ᐊᐢᑐᑎᓂᕽ. 7ᐁᑲᐧ ᑭ ᑲ ᐅᑎᓀᐣ ᑳ ᑲᓈᑕᕽ ᑐᒥᓂᑲᓂ ᐱᒥ, ᒥᓇ ᑭ ᑲ ᓯᑭᓇᒫᐧᐣ ᐅᐢᑎᑳᐧᓂᕽ, ᑭ ᑲ ᑐᒥᓈᐤ ᒫᑲ. 8ᑭ ᑲ ᐯᓯᒫᐊᐧ ᒫᑲ ᐅᑯᓯᓴ, ᐁᑯᓯ ᑭ ᑲ ᐳᐢᑕᓵᑲᐦᐃᒫᐊᐧ. 9ᑭ ᑲ ᐸᑲᐧᑌᐦᐋᐊᐧᐠ ᒫᑲ ᐸᑲᐧᑌᐦᐅᓇ, ᐁᕒᐊᐣ ᐊᓯᒋ ᐅᑯᓯᓴ, ᒥᓇ ᑭ ᑲ ᐳᐢᑕᐢᑐᑎᓇᐋᐊᐧᐠ; ᑭᑕ ᐊᔮᐊᐧᐠ ᒫᑲ ᐊᔭᒥᐦᐁᐃᐧᔨᓂᐃᐧᐃᐧᐣ ᑳᑭᑫ ᐁ ᐃᑕᐢᒋᑫᕽ; ᐁᑯᓯ ᑭ ᑲ ᑲᓈᒋᐦᐋᐊᐧᐠ ᐁᕒᐊᐣ ᒥᓇ ᐅᑯᓯᓴ.
10ᑭ ᑲ ᐯᓯᐋᐧᐤ ᒫᑲ ᐊᓇ ᔮᐯᒧᐢᑐᐢ ᑭᓯᐋᐧᐠ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ; ᐁᑯᓯ ᐁᕒᐊᐣ ᒥᓇ ᐅᑯᓯᓴ ᑭᑕ ᐊᐢᑖᐊᐧᐠ ᐅᒋᐦᒋᐋᐧᐊᐧ ᐅᐢᑎᑳᐧᓂᔨᕽ ᐊᓂᐦᐃ ᒧᐢᑐᓴᐧ. 11ᑭ ᑲ ᓂᐸᐦᐋᐤ ᒫᑲ ᐊᓇ ᔮᐯᒧᐢᑐᐢ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᐃᐢᑳᐧᑌᒥᕽ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 12ᐁᑯᓯ ᑭ ᑲ ᐅᑎᓇᒫᐧᐣ ᐅᒥᕽ ᐊᓇ ᔮᐯᒧᐢᑐᐢ, ᒥᓇ ᑭ ᑲ ᐊᐢᑖᐣ ᐁ ᐅᐟ ᐁᐢᑲᓂᐊᐧᕽ ᐸᑭᑎᓈᓱᐃᐧᓈᐱᐢᐠ ᑭᒋᐦᒋ ᐅᐦᒋ; ᑭ ᑲ ᓯᑭᓀᐣ ᒫᑲ ᑲᐦᑭᔭᐤ ᒥᐦᑯ ᐸᑭᑎᓈᓱᐃᐧᓈᐱᐢᑯᕽ. 13ᑭ ᑲ ᐅᑎᓀᐣ ᒫᑲ ᑲᐦᑭᔭᐤ ᐃᐧᔨᐣ ᐱᐦᒋᔭᐤ ᑳ ᐁᐧᐁᐧᑲᒧᐠ ᒥᓇ ᐱᒥ ᐅᐢᑯᓂᕽ ᑳ ᐁᐧᐁᐧᑲᒧᐠ, ᒥᓇ ᐅᑎᐦᑎᐦᑯᓯᐊᐧ, ᒥᓇ ᐃᐧᔨᐣ ᐁᑯᑕ ᑳ ᐊᔮᐠ, ᐁᑯᓯ ᑭ ᑲ ᒣᐢᑎᑲᓭᓈᐋᐧᐤ ᐸᑭᑎᓈᓱᐃᐧᓈᐱᐢᑯᕽ. 14ᒫᑲ ᐃᐧᔭ ᐅ ᐃᐧᔮᐢ ᐊᓇ ᔮᐯᒧᐢᑐᐢ, ᒥᓇ ᐅ ᐸᐦᑫᑭᐣ ᒥᓇ ᐅᒣᒋ, ᑭ ᑲ ᒣᐢᑎᑲᓭᐣ ᐃᐢᑯᑌᐤ ᐅᐦᒋ ᐊᐧᔭᐃᐧᑎᒫᔨᕽ ᑲᐯᓯᐃᐧᓂᕽ; ᐁᐊᐧᑲᐧᓂᒪ ᒪᒋᐃᑎᐃᐧᐣ ᐸᑭᑎᓈᓱᐃᐧᐣ.
15ᑭ ᑲ ᐅᑎᓈᐤ ᒥᓇ ᐊᓇ ᐯᔭᐠ ᔮᐯᒫᔭᑎᕽ; ᐁᑯᓯ ᐁᕒᐊᐣ ᒥᓇ ᐅᑯᓯᓴ ᑭᑕ ᐊᐢᑖᐊᐧᐠ ᐅᒋᐦᒋᐋᐧᐊᐧ ᐅᐢᑎᑳᐧᓂᔨᕽ ᐊᓂᐦᐃ ᔮᐯᒫᔭᑎᑲᐧ. 16ᐁᑯᓯ ᑭ ᑲ ᓂᐸᐦᐋᐤ ᐊᓇ ᔮᐯᒫᔭᑎᕽ ᑭ ᑲ ᐅᑎᓇᒫᐧᐣ ᒫᑲ ᐅᒥᕽ, ᐁᑯᓯ ᑭ ᑲ ᓯᓭᐧᐯᑭᓀᐣ ᐋᐧᐢᑳ ᐸᑭᑎᓈᓱᐃᐧᓈᐱᐢᑯᕽ. 17ᑭ ᑲ ᐱᑯᓵᐋᐧᑖᐤ ᒫᑲ ᐊᓇ ᔮᐯᒫᔭᑎᕽ, ᒥᓇ ᑭ ᑲ ᑭᒋᐢᑖᐹᐊᑖᐋᐧᐣ ᐅᐟ ᐊᑖᒥᔭᐊᐧ, ᒥᓇ ᐅᐢᑳᑕ, ᑭ ᑲ ᐊᓯᑕᐢᑖᐣ ᒫᑲ ᐊᓂᒪ ᐅ ᐃᐧᔮᐢ, ᒥᓇ ᐅᐢᑎᑳᐧᐣ. 18#ᐃᐱᓯᔭᓇ 5:2; ᐱᓬᐃᐱᔭᓇ 4:18ᑭ ᑲ ᒥᓯᐁᐧ ᒣᐢᑎᑲᓵᐧᐤ ᒫᑲ ᐊᓇ ᔮᐯᒫᔭᑎᕽ ᐸᑭᑎᓈᓱᐃᐧᓈᐱᐢᑯᕽ; ᐁᐊᐧᑳᐧᓂᒪ ᐸᑭᑎᓈᓱᐃᐧᐣ ᐁ ᒪᒍᐢᑌᐦᐊᒫᐦᐟ ᑳ ᑎᐯᔨᐦᒋᑫᐟ; ᐁᐊᐧᑯ ᐁ ᐃᐧᑭᒫᑲᐧᕽ ᐸᑭᑎᓈᓱᐃᐧᐣ, ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ.
19ᑭ ᑲ ᐅᑎᓈᐤ ᒫᑲ ᐊᓇ ᑯᑕᐠ ᔮᐯᒫᔭᑎᕽ; ᐁᑯᓯ ᐁᕒᐊᐣ ᒥᓇ ᐅᑯᓯᓴ ᑭᑕ ᐊᐢᑖᐊᐧᐠ ᐅᒋᐦᒋᐋᐧᐊᐧ ᐅᐢᑎᑳᐧᓂᔨᕽ ᐊᓂᐦᐃ ᔮᐯᒫᔭᑎᑲᐧ. 20ᐁᑲᐧ ᑭ ᑲ ᓂᐸᐦᐋᐤ ᐊᓇ ᔭᐯᒫᔭᑎᕽ, ᒥᓇ ᑭ ᑲ ᐅᑎᓇᒫᐧᐣ ᐅᒥᕽ, ᑭ ᑲ ᐊᐢᑖᐣ ᒫᑲ ᐊᐧᓇᐢᑯᐨ ᐅᑕᐊᐧᑳᕽ ᐁᕒᐊᐣ, ᑭᐦᒋᓂᐢᑭᕽ ᐃᑌᐦᑫ, ᒥᓇ ᐊᐧᓇᐢᑯᐨ ᐅᑕᐊᐧᑳᔨᕽ ᐅᑯᓯᓴ ᑭᐦᒋᓂᐢᑭᕽ ᐃᑌᐦᑫ, ᒥᓇ ᐅᒥᒋᐦᒋᓂᐋᐧᕽ ᑭᐦᒋᓂᐢᑭᕽ ᐃᑌᐦᑫ, ᒥᓇ ᐅ ᒥᓯᓯᑖᓂᐋᐧᕽ ᑭᐦᒋᓂᐢᑭᕽ ᐃᑌᐦᑫ; ᒥᓇ ᑭ ᑲ ᓯᓭᐧᐯᑭᓀᐣ ᐊᓂᒪ ᒥᐦᑯ ᐋᐧᐢᑳ ᐸᑭᑎᓈᓱᐃᐧᓈᐱᐢᑯᕽ. 21ᑭ ᑲ ᐅᑎᓀᐣ ᒫᑲ ᐊᓂᒪ ᒥᐦᑯ ᐸᑭᑎᓈᓱᐃᐧᓈᐱᐢᑯᕽ ᑳ ᐊᔮᐠ, ᒥᓇ ᐊᓂᒪ ᑐᒥᓂᑲᓂ ᐱᒥ, ᐁᑯᓯ ᑭ ᑲ ᐊᐧᓭᐧᐯᑲᐊᑕᐋᐧᐤ ᐁᕒᐊᐣ ᒥᓇ ᐅ ᑭᑭᐢᑲᒋᑲᓇ, ᒥᓇ ᐅᑯᓯᓴ, ᒥᓇ ᐅᑯᓯᓴ ᐅ ᑭᑭᐢᑳᒋᑲᓂᔨᐊᐧ ᑭᑭ ᐃᐧᔭ; ᐁᑯᓯ ᑭᑕ ᑲᓈᑎᓯᐤ ᒥᓇ ᐅ ᑭᑭᐢᑳᒋᑲᓇ, ᒥᓇ ᐅᑯᓯᓴ, ᒥᓇ ᐅᑯᓯᓴ ᐅ ᑭᑭᐢᑳᒋᑲᓂᔨᐊᐧ ᑭᑭ ᐃᐧᔭ. 22ᐁᑯᓯ ᒥᓇ ᑭ ᑲ ᐅᑎᓇᒫᐧᐣ ᐊᓇ ᔮᐯᒫᔭᑎᕽ ᐅ ᐃᐧᔨᐣ, ᒥᓇ ᑳ ᐃᐧᔨᓄᐊᐧᓂᔨᐠ ᐅᓱ, ᒥᓇ ᐃᐧᔨᐣ ᐅᐟ ᐊᑖᒥᔭᐃᐧᕽ ᑳ ᐊᔮᔨᐠ, ᒥᓇ ᐃᐧᔨᐣ ᐅᐢᑯᓂᕽ ᑳ ᐊᔮᐠ, ᒥᓇ ᐁ ᓂᓯᓂᔨᑭ ᐅᑎᐦᑎᐦᑯᓯᐊᐧ, ᒥᓇ ᐃᐧᔨᐣ ᐁᑯᑕ ᑳ ᐊᔮᐠ, ᒥᓇ ᐅᐹᐧᒼ ᑭᐦᒋᓂᐢᑭᕽ ᐃᑌᐦᑫ; ᒋᑫᒫ ᐁᐊᐧᑯ ᑲᓈᒋᐦᐃᐁᐧᐃᐧ ᒪᔭᑎᕽ. 23ᒥᓇ ᑭ ᑲ ᐅᑎᓇᐤ ᐯᔭᐠ ᐸᐦᑫᐧᓯᑲᐣ, ᒥᓇ ᐯᔭᐠ ᐊᔭᑯᓈᐤ ᑳ ᑐᒥᓂᑳᓱᐟ, ᒥᓇ ᐯᔭᐠ ᐋᐧᐃᐧᔦᑲᓯᑲᓂᐢ, ᐃᐧᑯᐱᐊᐧᑎᕽ ᐅᐦᒋ ᐊᓇ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ ᑳ ᐅᑎᐢᑲᐃᐧᐢᑕᒫᐦᐟ ᑳ ᑎᐯᔨᐦᒋᑫᐟ. 24ᑲᐦᑭᔭᐤ ᒫᑲ ᑭ ᑲ ᐊᐢᑖᐣ ᐅᒋᐦᒋᕽ ᐁᕒᐊᐣ, ᒥᓇ ᐅᒋᐦᒋᐋᐧᕽ ᐅᑯᓯᓴ; ᐁᑯᓯ ᑭ ᑲ ᐁᐧᐋᐧᒋᐸᔨᑖᐣ ᐁᐊᐧᑯ ᐁᐧᐋᐧᒋᐸᑭᑎᓈᓱᐃᐧᐣ ᐁ ᑲᓇᐋᐧᐸᐦᑕᕽ ᑳ ᑎᐯᔨᐦᒋᑫᐟ. 25ᐅᒋᐦᒋᐋᐧᕽ ᒫᑲ ᑭ ᑲ ᐅᐦᒋ ᐅᑎᓇᒫᐧᐣ, ᐁᑯᓯ ᑭ ᑲ ᒣᐢᑎᑲᓭᐣ ᐸᑭᑎᓈᓱᐃᐧᓈᐱᐢᑯᕽ ᒪᒍᐢᑌᐦᐊᒫᑫᐃᐧᓂᕽ, ᑭᑕ ᐃᐧᑭᒫᓴᒫᐦᐟ ᑳ ᑎᐯᔨᐦᒋᑫᐟ; ᐁᐊᐧᑳᐧᓂᒪ ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᒥᔨᐦᐟ ᑳ ᑎᐯᔨᐦᒋᑫᐟ.
26ᑭ ᑲ ᐅᑎᓇᒫᐧᐣ ᒫᑲ ᐅᑕᓯᓈᑫᐤ ᐊᓇ ᐅᐦᒋ ᔮᐯᒫᔭᑎᕽ ᐁᕒᐊᐣ ᐅ ᑲᓈᒋᐦᐃᑯᐃᐧᓂᕽ ᑳ ᐃᑕᑭᒥᐦᐟ ᒥᓇ ᑭ ᑲ ᐁᐧᐋᐧᒋᐸᔨᑖᐣ ᑭᑕ ᐁᐧᐊᐧᒋ ᐸᑭᑎᓈᓱᐢᑕᐊᐧᐟ ᑳ ᑎᐯᔨᐦᒋᑫᐟ. 27ᑭ ᑲ ᑲᓈᒋᐦᑖᐣ ᒫᑲ ᐊᓂᒪ ᐅᑖᓯᓈᑫᐤ ᐁᐧᐋᐧᒋ ᐸᑭᑎᓈᓱᐃᐧᐣ, ᒥᓇ ᐅᐸᐧᒼ ᑳ ᐅᐦᐱᓈᓱᕽ ᑳ ᐁᐧᐋᐧᒋᐸᔨᑖᕽ, ᒥᓇ ᑳ ᐅᐦᐱᓈᓱᕽ, ᐊᓇ ᔮᐯᒫᔭᑎᕽ ᐅᐦᒋ ᑲᓈᒋᐦᐃᐁᐧᐃᐧᓂᕽ ᑳ ᑭ ᐃᑕᑭᒥᐦᐟ, ᐊᓂᐦᐃ ᐅᑎ ᐁᕒᐊᐣ ᐅᐦᒋ, ᒥᓇ ᐊᓂᐦᐃ ᐅᑯᓯᓴ ᐅᐦᒋ. 28ᐁᕒᐊᐣ ᒫᑲ ᒥᓇ ᐅᑯᓯᓴ ᑭᑕ ᐊᔮᐊᐧᐠ ᐁᑯᓯ ᑭᑕ ᐃᑕᐢᑌᐤ ᑳᑭᑫ ᑭᑕ ᒥᔨᑯᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᒋᑫᒫ ᐁᐊᐧᑯ ᐅᐦᐱᓈᓱᐃᐧᐣ; ᐁᐊᐧᑫᐧᔨᐤ ᒫᑲ ᐅᐦᐱᓈᓱᐃᐧᐣ ᑭᑕ ᐸᑭᑎᓇᒪᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐊᓂᐦᐃ ᐅᐦᒋ ᐁ ᐸᑭᑎᓈᓱᒋᐠ ᐯᔭᑕᑭ ᐸᑭᑎᓈᓱᐃᐧᓇ, ᐅᐦᐱᓈᓱᐃᐧᐣ ᑭᑕ ᐸᑭᑎᓇᒪᐋᐧᒋᐠ ᑳ ᑎᐯᔨᐦᒋᑫᔨᐟ.
29ᐊᓂᐦᐃ ᒫᑲ ᐅ ᑲᓈᒋ ᑭᑭᐢᑳᒋᑲᓇ ᐁᕒᐊᐣ ᑭᑕ ᐊᔮᔨᐊᐧ ᐅᑯᓯᓴ ᐋᓂᐢᑫᐢᑲᒫᑯᒋ, ᑭᑕ ᑐᒥᓂᐦᒋᐠ ᒥᓇ ᑭᑕ ᑲᓈᒋᐃᐦᒋᐠ ᐁ ᑭᑭᐢᑲᐦᑭᐠ. 30ᑌᐸᑯᑊ ᑭᓯᑳᐤ ᑭᑕ ᑭᑭᐢᑲᒥᔨᐊᐧ ᐊᓂᐦᐃ ᐅᑯᓯᓴ ᑫ ᐋᓂᐢᑫᐢᑲᒫᑯᐟ ᐊᔭᒥᐦᐁᐃᐧᔨᓂᐃᐧᐃᐧᐣ ᐃᐢᐱ ᐯ ᐊᑐᐦᑌᒋ ᒫᐊᐧᒋᐦᐃᑐᐃᐧᐣ ᒥᑭᐋᐧᐱᕽ ᑭᑕ ᐸᒥᑖᓱᐟ ᐃᑕ ᐊᓂᒪ ᑳ ᑲᓈᑕᕽ.
31ᑭ ᑲ ᐅᑎᓈᐤ ᒫᑲ ᐊᓇ ᔮᐯᒫᔭᑎᕽ ᑲᓈᒋᐦᐃᐁᐧᐃᐧᓂᕽ ᑳ ᑭ ᐃᑕᑭᒥᐦᐟ, ᐁᑯᓯ ᑭ ᑲ ᑭᓯᓴᒫᐧᐣ ᐅ ᐃᐧᔮᐢ ᐃᑕ ᐁ ᑲᓈᑕᓂᔨᐠ. 32ᐁᕒᐊᐣ ᒫᑲ ᒥᓇ ᐅᑯᓯᓴ ᑭᑕ ᒥᒋᐊᐧᐠ ᐅ ᐃᐧᔮᓯᔨᐤ ᐊᓂᐦᐃ ᔮᐯᒫᔭᑎᑲᐧ, ᒥᓇ ᐊᓂᐦᐃ ᐸᐦᑫᐧᓯᑲᓇ ᐃᐧᑯᐱᐊᐧᑎᕽ ᑳ ᐊᓯᐊᐧᓱᔨᐟ, ᒋᑭ ᐁ ᐃᐢᑲᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ. 33ᑭᑕ ᒥᒋᐊᐧᐠ ᒫᑲ ᐊᓂᐦᐃ ᑳ ᑭ ᐋᐸᑕᑭ ᐁ ᑎᐸᐦᐃᑫᐢᑕᒫᐦᒋᐠ, ᑭᑕ ᐸᐦᑳᓂᐃᐦᒋᐠ ᒥᓇ ᑭᑕ ᑲᓈᒋᐃᐦᒋᐠ; ᒫᑲ ᒫᓂᑌᐤ ᓇᒪᐃᐧᔭ ᑭᑕ ᒥᒋᐤ ᐁᐊᐧᑫᐧᔨᐤ, ᒋᑫᒫ ᑲᓈᑕᓇᐧ. 34ᑭᐢᐱᐣ ᒫᑲ ᐊᓂᒪ ᐃᐧᔮᐢ ᑲᓈᒋᐅᐃᐧᓂᕽ ᑳ ᑭ ᐃᑕᑭᑌᐠ, ᐊᐦᐳ ᐊᓇ ᐸᐦᑫᐧᓯᑲᐣ, ᐃᐢᑯᐸᔨᑭ ᑫᑭᓭᐹᔮᑭ, ᑳ ᐃᐢᑯᐸᔨᐠ ᑭ ᑲ ᒣᐢᑎᑲᓭᐣ ᐃᐢᑯᑌᕽ; ᓇᒪᐃᐧᔭ ᑭᑕ ᒥᒋᓈᓂᐋᐧᐣ ᒋᑫᒫ ᑲᓈᑕᐣ.
35ᐁᑯᓯ ᒫᑲ ᐅᒪ ᑫ ᑐᑕᐊᐧᐟ ᐁᕒᐊᐣ ᒥᓇ ᐅᑯᓯᓴ, ᒣᐧᐦᒋ ᑲᐦᑭᔭᐤ ᑳ ᑭ ᐃᑕᓱᐋᐧᑎᑖᐣ; ᑌᐸᑯᑊ ᑭᓯᑳᐤ ᑭ ᑲ ᑲᓇᒋᐦᐋᐊᐧᐠ. 36ᐁᑯᓯ ᒫᑲ ᑕᐦᑐ ᑭᓯᑳᐤ ᑭ ᑲ ᐸᑭᑎᓈᐤ ᔮᐯᒧᐢᑐᐢ ᑳ ᐸᑭᑎᓈᓱᐃᐧᓂᐃᐧᐟ ᒪᒋᑎᐃᐧᐣ ᐅᐦᒋ ᑭᑕ ᑎᐸᐦᐃᑫᐢᑕᒫᑫᐃᐧᓂᐃᐧᐟ; ᑭ ᑲ ᐯᑭᑖᐣ ᒫᑲ ᐸᑭᑎᓈᓱᐃᐧᓈᐱᐢᐠ, ᐃᐢᐱ ᐁ ᑎᐸᐦᐃᑫᐢᑕᒪᐋᐧᑕᒪᐣ; ᐁᑯᓯ ᑭ ᑲ ᑐᒥᓀᐣ ᑭᑕ ᑲᓈᒋᐦᑖᔭᐣ. 37ᑌᐸᑯᑊ ᑭᓯᑳᐤ ᑭ ᑲ ᑎᐸᐦᐃᑫᐢᑕᒪᐋᐧᑌᐣ ᐸᑭᑎᓈᓱᐃᐧᓈᐱᐢᐠ, ᒥᓇ ᑭ ᑲ ᑲᓈᒋᐦᑖᐣ: ᐁᑯᓯ ᐊᓂᒪ ᐸᑭᑎᓈᓱᐃᐧᓈᐱᐢᐠ ᑭᑕ ᑲᓈᑕᐣ ᐱᑯ ᑫᑳᐧᐩ ᓵᒥᑎᑭ ᐸᑭᑎᓈᓱᐃᐧᓈᐱᐢᑯᕽ ᑭᑕ ᑲᓈᑕᐣ.
38ᐁᐊᐧᑯ ᒫᑲ ᐅᒪ ᑫ ᐸᑭᑎᓇᒪᐣ ᐸᑭᑎᓈᓱᐃᐧᓈᐱᐢᑯᕽ; ᓂᓱ ᒫᔭᑎᐦᑯᓯᓴᐠ ᐁ ᐊᑎ ᐯᔭᑯ ᐱᐳᓀᐧᒋᐠ ᑕᐦᑐ ᑭᓯᑳᐤ ᑕᐦᑭᓀ. 39ᐊᓇ ᐯᔭᐠ ᒫᔭᑎᐦᑯᓯᐢ ᑭ ᑲ ᐸᑭᑎᓈᐤ ᐁ ᑫᑭᓭᐹᔮᐠ; ᐁᑯᓯ ᐊᓇ ᑯᑕᐠ ᒫᔭᑎᐦᑯᓯᐢ ᑭ ᑲ ᐸᑭᑎᓈᐤ ᐁ ᐅᑖᑯᓯᐠ. 40ᑭᑭ ᐊᓇ ᐯᔭᐠ ᒫᔭᑎᐦᑯᓯᐢ ᑭ ᑲ ᐸᑭᑎᓀᐣ ᐯᔭᐠ ᐁ ᒥᑖᑕᑕᐧᔭᑭᓇᒥᕽ ᐯᔭᐠ ᒪᑲᕽ ᐁ ᒥᔪᓯᐟ ᐸᐦᑫᐧᓯᑲᐣ ᐁ ᑭᔨᑲᐃᐧᓇᒥᕽ ᐯᔭᐠ ᑭᐦᒋᒥᓂᑳᐧᑲᐣ ᒥᓇ ᐋᐱᑕᐤ ᐱᒥ ᑳ ᐸᑲᒪᐃᑳᑌᐠ; ᒥᓇ ᐯᔭᐠ ᑭᐦᒋ ᒥᓂᑳᐧᑲᐣ ᒥᓇ ᐋᐱᑕᐤ ᓱᒥᓈᐳ ᐁᐊᐧᑯ ᒥᓂᐦᑫᐧᐃᐧ ᐸᑭᑎᓈᓱᐃᐧᐣ. 41ᐊᓇ ᒫᑲ ᑯᑕᐠ ᒫᔭᑎᐦᑯᓯᐢ ᑭ ᑲ ᐸᑭᑎᓈᐤ ᐁ ᐅᑖᑯᓯᐠ, ᐁᑯᓯ ᒥᓇ ᑭ ᑲ ᐃᐦᑐᑌᐣ ᐁᑯᑕ ᒣᐧᐦᒋ ᑳ ᑭ ᐃᓯ ᐸᑭᑎᓈᓱᔭᐣ ᐸᐦᑫᐧᓯᑲᐣ ᐁ ᑫᑭᓭᐹᔮᐠ ᒥᓇ ᑳ ᑭ ᐃᓯ ᒥᓂᐦᑫᐧᐃᐧ ᐸᑭᑎᓈᓱᔭᐣ, ᑭᑕ ᐃᐧᑭᒫᑲᐧᕽ ᐸᑭᑎᓈᓱᐃᐧᐣ ᐃᐢᑯᑌᐤ ᐁ ᐅᐦᒋ ᒥᔨᐦᐟ ᑳ ᑎᐯᔨᐦᒋᑫᐟ. 42ᐁᐊᐧᑯ ᐅᒪ ᑕᐦᑭ ᑫ ᐃᓯ ᒪᒍᐢᑌᐊᒥᕽ ᐸᑭᑎᓈᓱᐃᐧᐣ ᑫ ᐊᑎ ᐋᔮᓂᐢᑫ ᐱᒫᑎᓯᔦᐠ ᐊᓂᑕ ᐁ ᐃᐢᑳᐧᑌᒥᐊᐧᕽ ᒫᐊᐧᒋᐦᐃᑐᐃᐧ ᒥᑭᐋᐧᑊ ᑭᑕ ᐋᐧᐸᐦᑕᕽ ᑳ ᑎᐯᔨᐦᒋᑫᐟ; ᐃᑕ ᐊᓂᒪ ᑫ ᓇᑭᐢᑳᑕᑯᐠ ᑭᑕ ᐃᐧᒋᐱᑭᐢᑫᐧᒥᑕᑯᐠ. 43ᐁᑯᑕ ᒫᑲ ᓂ ᑲ ᓇᑭᐢᑲᐋᐧᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐊᓂᒪ ᒫᑲ ᒥᑭᐋᐧᑊ ᑭᑕ ᑲᓈᑕᐣ ᓂ ᑭᐢᑌᔨᑖᑯᓯᐃᐧᐣ ᐅᐦᒋ. 44ᓂ ᑲ ᑲᓈᒋᐦᑖᐣ ᒫᑲ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᒥᓇ ᐸᑭᑎᓈᓱᐃᐧᓈᐱᐢᐠ; ᒥᓇ ᒫᑲ ᓂ ᑲ ᑲᓈᒋᐊᐤ ᐁᕒᐊᐣ ᒥᓇ ᐅᑯᓯᓴ ᑭᑕ ᐊᑐᐢᑲᐃᐧᒋᐠ ᐊᔭᒥᐦᐁᐃᐧᔨᓂᐃᐧ ᐊᑐᐢᑫᐃᐧᓂᕽ. 45ᓂ ᑲ ᐃᐧᒋᐊᔮᒫᐊᐧᐠ ᒫᑲ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒥᓇ ᓂᔭ ᑭᑕ ᐅ ᑭᓭᒪᓂᑐᒥᐊᐧᐠ. 46ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁ ᑎᐯᔨᐦᒋᑫᔮᐣ ᐅ ᑭᓭᒪᓂᑐᒥᐋᐧᐊᐧ, ᐃᒋᑊᐟ ᐊᐢᑭᕽ ᐁ ᑭ ᐯ ᐅᐦᒋ ᐊᐧᔭᐃᐧᑕᐊᑭᐠ, ᑭᑕ ᐃᐧᒋᐊᔮᒪᑭᐠ ᓂᔭ ᑳ ᑎᐯᔨᐦᒋᑫᔮᐣ ᐅ ᑭᓭᒪᓂᑐᒥᐋᐧᐊᐧ.
Currently Selected:
ᐁᐠᓴᑕᐢ 29: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
