ᐁᐠᓴᑕᐢ 11
11
1ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᑫᔮᐱᐨ ᐯᔭᐠ ᐃᑖᐢᐱᓀᐃᐧᐣ ᓂ ᑲ ᐸᑭᑎᓇᒪᐋᐧᐤ ᐯᕒᐅ, ᒥᓇ ᐃᒋᑊᑎᕽ; ᒣᐧᐢᑕᐢ ᐃᔨᑯᕽ ᒫᑲ ᑭ ᑲ ᓈᐢᐱᒋ ᐸᑭᑎᓂᑯᐋᐧᐤ; ᐃᐢᐱ ᒫᑲ ᐸᑭᑎᓂᑯᔦᑯ ᑫᐦᒋᓈ ᓭᒫᐠ ᑭ ᑲ ᒥᓯᐁᐧ ᓯᐯᐧᑎᓴᐅᑯᐋᐧᐤ. 2ᐱᑭᐢᑳᐧᓯᐠ ᐁᑲᐧ ᐅᑕᐊᐧᑳᐋᐧᕽ ᐊᔨᓯᔨᓂᐊᐧᐠ ᑭᔮᒼ ᒫᑲ ᑳ ᐃᐦᑕᓯᐟ ᓈᐯᐤ ᑭᑕ ᐊᐃᐧᐋᓱᒣᐤ ᐃᐧᒋᓈᐯᐊᐧ, ᒥᓇ ᑳ ᐃᐦᑕᓯᐟ ᐃᐢᑫᐧᐤ ᐃᐧᒋᐢᑫᐧᐊᐧ ᐋᐧᐱᐢᑭ ᓱᓂᔮᐋᐧᐱᐢᑲᐧ, ᒥᓇ ᐅᓵᐃᐧ ᓱᓂᔮᐋᐧᐱᐢᑲᐧ. 3ᑳ ᑎᐯᔨᐦᒋᑫᐟ ᒫᑲ ᑭ ᒥᔦᐤ ᑭᑕ ᒥᔪ ᑲᓇᐋᐧᐸᒥᑯᒋᐠ ᐊᔨᓯᔨᓂᐊᐧᐠ ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ. ᐁᑯᓯ ᒥᓇ ᐊᓇ ᓈᐯᐤ ᒧᓯᐢ ᓈᐢᐱᐨ ᑭ ᑭᐦᒑᔨᐃᐧᐤ ᐃᒋᑊᐟ ᐊᐢᑭᕽ ᐁ ᐃᓯ ᑲᓇᐋᐧᐸᒥᑯᐟ ᐯᕒᐅ ᐅᐟ ᐊᑐᐢᑫᔮᑲᓇ ᒥᓇ ᐊᔨᓯᔨᓂᐊᐧ.
4ᒧᓯᐢ ᒫᑲ ᑭ ᐃᑌᐧᐤ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᓈᐣᑕᐤ ᐋᐱᑖᑎᐱᐢᑳᑭ ᐃᒋᑊᑎᕽ ᓂ ᑲ ᐃᓯ ᐊᐧᔭᐃᐧᐣ. 5ᑲᐦᑭᔭᐤ ᒫᑲ ᓂᐢᑕᒧᓵᓇᐠ ᐃᒋᑊᐟ ᐊᐢᑭᕽ ᑭᑕ ᓂᐱᐋᐧᐠ, ᐅ ᓂᐢᑕᒧᓵᓇ ᐯᕒᐅ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᑳ ᐊᐱᐟ ᐅᐦᒋ, ᐱᔨᐢ ᐅ ᓂᐢᑕᒧᓵᓇ ᐊᑐᐢᑫᔮᑲᓂᐢᑫᐧᐤ ᐱᓂᐳᒋᑲᓂᕽ ᑳ ᐊᔭᐟ. ᒥᓇ ᑲᐦᑭᔭᐤ ᐅ ᓂᐢᑕᒥ ᓂᐦᑖᐃᐧᑭᐦᐋᑲᓂᐋᐧᐊᐧ ᐱᓯᐢᑭᐊᐧᐠ. 6ᑭᑕ ᑭᐦᒋ ᒫᑐᓈᓂᐊᐧᐣ ᒫᑲ ᒥᓯᐁᐧ ᐁᐢᐱᒑᐠ ᐃᒋᑊᐟ ᐊᐢᑭ, ᐊᓂᒪ ᐁᑳ ᐃᐧᑳᐨ ᑳ ᑭ ᐯ ᐊᔨᑭᕽ, ᐊᐦᐳ ᐁᑳ ᐃᐧᑳᐨ ᒥᓇ ᑫ ᐃᐦᑭᕽ. 7ᒫᑲ ᐃᐧᔭ ᐊᓂᑭ ᐃᐢᕒᐁᐃᓬ ᐅᐟ ᐊᐋᐧᓯᒥᓴᐧ ᓇᒪᐋᐧᐨ ᐊᑎᒼ ᐊᐦᐳ ᑭᑕ ᒥᑭᑌᐤ ᐊᔨᓯᔨᓂᐊᐧ ᐊᐦᐳ ᐱᓯᐢᑭᐊᐧ; ᑭᑕ ᑭᐢᑫᔨᑕᒣᐠ ᑳ ᑎᐯᔨᐦᒋᑫᐟ ᐱᑐᐢ ᐁ ᐃᑐᑕᐋᐧᐟ ᐊᓂᐦᐃ ᐃᒋᑊᐟ ᐊᔨᓯᔨᓂᐊᐧ ᒥᓇ ᐃᐢᕒᐁᐃᓬᐊ. 8ᑲᐦᑭᔭᐤ ᒫᑲ ᐅᑭ ᑭᐟ ᐊᑐᐢᑫᔮᑲᓇᐠ ᓂ ᑲ ᐯ ᓈᑎᑲᐧᐠ, ᐁᑯᓯ ᑭᑕ ᐸᑕᐱᐢᑕᐃᐧᒋᐠ, ᐅᒥᓯ ᑭᑕ ᐃᑌᐧᒋᐠ, ᓯᐯᐧᐦᑌ, ᐊᓯᒋ ᑲᐦᑭᔭᐤ ᐊᔨᓯᔨᓂᐊᐧᐠ ᑳ ᐱᒥᑎᓴᐅᐢᑭᐠ; ᐁᑯᐢᐱ ᒫᑲ ᑫ ᓯᐯᐧᑌᔮᐣ. ᑭ ᓇᑲᑌᐤ ᒫᑲ ᐯᕒᐅᐊᐧ ᐁ ᑭᓯᐁᐧᔨᑕᒥᐃᑯᐟ.
9ᑳ ᑎᐯᔨᐦᒋᑫᐟ ᒫᑲ ᐅᒥᓯ ᑭ ᐃᑌᐤ ᒧᓯᓴ, ᐯᕒᐅ ᓇᒪᐃᐧᔭ ᑭ ᑲ ᓇᑐᐦᑖᑯᐋᐧᐤ; ᐊᓂᐦᐃ ᓂ ᒪᒫᑖᐃᐧ ᐊᑐᐢᑫᐃᐧᓇ ᑭᑕ ᒥᐦᒉᑐᑖᔮᐣ ᐃᒋᑊᐟ ᐊᐢᑭᕽ. 10ᒧᓯᐢ ᒫᑲ ᒥᓇ ᐁᕒᐊᐣ ᑭ ᑐᑕᒪᐧᐠ ᑲᐦᑭᔭᐤ ᐅᐦᐃ ᒪᒫᑖᐃᐧ ᐊᑐᐢᑫᐃᐧᓇ ᐁ ᐋᐧᐸᐦᑕᒥᔨᐟ ᐯᕒᐅᐊᐧ; ᑳ ᑎᐯᔨᐦᒋᑫᐟ ᒫᑲ ᑭ ᒪᐢᑲᐃᐧᑌᐦᐁᐁᐤ ᐯᕒᐅᐊᐧ, ᐁᑯᓯ ᓇᒪᐃᐧᔭ ᑭ ᐸᑭᑎᓀᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐅᐟ ᐊᐢᑭᕽ ᐅᐦᒋ.
Currently Selected:
ᐁᐠᓴᑕᐢ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
