ᐃᐱᓯᔭᓇ 5

1ᐃᐧ ᓇᓈᐢᐱᑖᕽ ᒫᑲ ᑭᓭᒪᓂᑐ, ᑖᐱᐢᑯᐨ ᑳ ᓵᑭᐦᐃᐦᒋᐠ ᐊᐋᐧᓯᓴᐠ; 2#ᐁᐠᓴᑕᐢ 29:18; ᓂᑲᒧᓇ 40:6ᒥᓇ ᐱᒧᐦᑌᐠ ᓵᑭᐦᐃᐁᐧᐃᐧᓂᕽ, ᑖᐱᐢᑯᐨ ᙭ ᑳ ᑭ ᐃᓯ ᓵᑭᐦᐃᑯᔦᐠ, ᒥᓇ ᑳ ᑭ ᐃᓯ ᐸᑭᑎᓂᓱᐟ ᑭᔮᓇᐤ ᐅᐦᒋ, ᐸᑭᑎᓈᓱᐃᐧᐣ ᒥᓇ ᒪᒍᐢᑌᐊᒫᑫᐃᐧᐣ ᐁ ᐸᑭᑎᓇᒫᐦᐟ ᑭᓭᒪᓂᑐ ᐁ ᐃᐧᑭᒫᓯᑲᓂᐃᐧᐠ.

3ᒫᑲ ᐱᓯᑳᐧᑎᓯᐃᐧᐣ ᒥᓇ ᑲᐦᑭᔭᐤ ᐁᑳ ᐁ ᐯᑲᕽ ᐃᑖᑎᓯᐃᐧᐣ, ᐊᐦᐳ ᒧᐢᑕᐃᐧᓇᒫᑫᐃᐧᐣ, ᐁᑳᐃᐧᔭ ᑲᓇᑫ ᑭᑕ ᐃᐧᒋᑳᑌᐤ ᐃᑕ ᑳ ᐊᔮᔦᐠ, ᑫ ᐃᓯᓈᑯᒋᑫᐋᐧᐸᐣ ᐅᑲᓈᑎᓯᐊᐧᐠ; 4ᓇᒪᐃᐧᔭ ᒥᓇ ᐃᐧᓂᑐᓈᒧᐃᐧᐣ, ᐊᐦᐳ ᐱᑯᓇᑕ ᐱᑭᐢᑫᐧᐃᐧᐣ, ᐊᐦᐳ ᐊᐧᐃᐧᔭᑌᐧᐃᐧᐣ ᐁᑳ ᐁ ᓇᐃᐸᔨᐠ, ᒫᑲ ᓇᐊᐧᐨ ᓇᓈᐢᑯᒧᐃᐧᐣ. 5ᒋᑫᒫ ᐅᒪ ᑫᒋᓈ ᑭ ᑭᐢᑫᔨᑌᓈᐋᐧᐤ, ᐁᑳ ᐊᐃᐧᔭᐠ ᐅᐱᓯᑳᐧᑎᓯᐤ, ᐊᐦᐳ ᐁᑳ ᐁ ᐯᑳᑎᓯᐟ ᐊᔨᓯᔨᓂᐤ, ᐊᐦᐳ ᑳ ᒧᐢᑕᐃᐧᓇᒫᑫᐢᑭᐟ ᐊᔨᓯᔨᓂᐤ, ᐁᐊᐧᑯ ᑳ ᐅ ᒪᓂᑐᑳᓂᐟ, ᓈᐣᑕᐤ ᑫᑲᐧᐩ ᐊᔮᐤ ᐅᐟ ᐅᑌᓇᐃᐧᐃᐧᓂᔨᕽ ᙭ ᒥᓇ ᑭᓭᒪᓂᑐ.

6ᐁᑳᐃᐧᔭ ᐊᐃᐧᔭᐠ ᐱᑯᓇᑕ ᐊᔭᒥᐃᐧᓇ ᑭ ᑲ ᐅᐦᒋ ᐊᐧᔦᓯᒥᑯᐋᐧᐤ: ᒋᑫᒫ ᐁᑯᑐᐊᐧ ᐅᐦᒋ ᐅ ᑭᓯᐋᐧᓯᐃᐧᐣ ᑭᓭᒪᓂᑐ ᑳ ᐅᑎᐦᑎᑯᒋᐠ ᐊᓂᑭ ᑳ ᓂᐦᑖᐃᐧᑭᐃᑯᒋᐠ ᓴᓯᐱᑕᒧᐃᐧᐣ. 7ᐁᑳᐃᐧᔭ ᒫᑲ ᐁᐊᐧᑯᓂᐠ ᐅ ᐃᐧᒉᐋᐧᑲᓂᐠ; 8ᒋᑫᒫ ᑲᔭᑌ ᑭ ᑭ ᐊᐧᓂᑎᐱᐢᑭᓯᓈᐋᐧᐤ, ᒫᑲ ᐁᑲᐧ ᐋᐧᓭᔮᕽ ᑭ ᐃᐧᒉᐋᐧᐋᐧᐤ ᑳ ᑎᐯᔨᐦᒋᑫᐟ: ᐃᓯ ᐱᒧᐦᑌᐠ ᑖᐱᐢᑯᐨ ᑳ ᓂᐦᑖᐃᐧᑭᐃᑯᒋᐠ ᐋᐧᐢᑌᐤ, 9(ᒋᑫᒫ ᐁ ᐃᓯ ᒥᓂᓯᐊᐧᕽ ᐋᐧᐢᑌᐤ ᐁᐊᐧᑯ ᒥᓯᐁᐧ ᒥᔮᐧᑎᓯᐃᐧᐣ ᒥᓇ ᑲᐧᔭᐢᑭᑖᑎᓯᐃᐧᐣ ᒥᓇ ᑖᐯᐧᐃᐧᐣ), 10ᐁ ᓄᑯᑖᔦᐠ ᑳ ᐃᓯ ᒥᔦᐧᔨᑕᕽ ᑳ ᑌᐯᔨᐦᒋᑫᐟ; 11ᒥᓇ ᐁᑳᐃᐧᔭ ᐅ ᐃᐧᒉᐋᐧᑲᓂᑕᒧᐠ ᐁᑳ ᑳ ᐋᐸᑕᑭ ᐊᐧᓂᑎᐱᐢᑳᐃᐧ ᐊᑐᐢᑫᐃᐧᓇ, ᒫᑲ ᔮᔭᐤ ᑭᑕᐊᒫᑫᐠ; 12ᒋᑫᒫ ᐊᓂᐦᐃ ᑭᒧᐨ ᑳ ᐃᑐᑕᐦᑭᐠ ᓇᓀᐯᐊᐧᑫᔨᑖᑲᐧᐣ ᐊᐦᐳ ᑭᑕ ᐋᔨᒧᑕᒥᕽ. 13ᒫᑲ ᑲᐦᑭᔭᐤ ᑫᑲᐧᐩ ᑳ ᑭᑐᑕᒥᕽ ᓄᑲᐧᓇᐧ ᐋᐧᐢᑌᕽ: ᒋᑫᒫ ᑲᐦᑭᔭᐤ ᑫᑲᐧᐩ ᑳ ᓄᑯᑖᓂᐊᐧᕽ ᐋᐧᐢᑌᐤ. 14ᐁᑯᓯ ᒫᑲ ᐃᑌᐧᐤ, ᑯᐢᑯᐢᑳ ᑭᔭ ᑳ ᓂᐹᔭᐣ, ᒥᓇ ᐊᐧᓂᐢᑳ ᓂᐳᐃᐧᓂᕽ ᐅᐦᒋ, ᐁᑯᓯ ᙭ ᑭ ᑲ ᐋᐧᓭᐢᑲᒫᐠ.

15ᐊᔮᑳᐧᒥᓯᐠ ᒫᑲ ᐁ ᐃᓯ ᐱᒧᐦᑌᔦᐠ, ᓇᒪᐃᐧᔭ ᑖᐱᐢᑯᐨ ᐁᑳ ᑳ ᐃᔨᓂᓯᒋᐠ, ᒫᑲ ᑖᐱᐢᑯᐨ ᑳ ᐃᔨᓂᓯᒋᐠ; 16#ᑲᓬᐋᓯᔭᓇ 4:5ᐁ ᒫᓇ ᐊᐧᓂᒋᑫᔦᐠ ᐅᒪ ᐱᒫᑎᓯᐃᐧᐣ, ᒋᑫᒫ ᒪᒑᔨᐊᐧᓇᐧ ᑭᓯᑳᐊᐧ. 17ᐁᑯᓯ ᒫᑲ ᐁᑳᐃᐧᔭ ᑲᑫᐹᑎᓯᐠ, ᒫᑲ ᓂᓯᑐᐦᑕᒧᐠ ᐅᐟ ᐃᑌᔨᑕᒧᐃᐧᐣ ᑳ ᑎᐯᔨᐦᒋᑫᐟ. 18ᒥᓇ ᐁᑳᐃᐧᔭ ᑭᐢᑫᐧᐯᐠ ᓱᒥᓈᐳ ᐅᐦᒋ, ᐃᑕ ᑳ ᐊᔮᐠ ᑭᐢᑫᐧᑲᒥᑭᓯᐃᐧᐣ, ᒫᑲ ᑭ ᑲ ᐃᐧ ᒧᐢᑭᓀᐢᑳᑯᐋᐧᐤ ᐊᐦᒑᕽ; 19#ᑲᓬᐋᓯᔭᓇ 3:16,17ᑭᑕ ᐊᔭᒥᐃᑐᔦᐠ ᐊᔭᒥᐦᐋᐃᐧ ᓂᑲᒧᓂᕽ, ᒥᓇ ᓇᓈᐢᑯᒧᐃᐧ ᓂᑲᒧᓂᕽ, ᒥᓇ ᐊᐦᒑᐦᑯᐃᐧ ᓂᑲᒧᓂᕽ, ᐁ ᓂᑯᒧᔦᐠ ᒥᓇ ᐁ ᒥᔭᐋᐧᑎᑯᐊᒪᐋᐧᔦᐠ ᑳ ᑎᐯᔨᐦᒋᑫᐟ ᑭ ᑌᐃᐋᐧᕽ; 20ᐁ ᓇᓈᐢᑯᒫᔦᐠ ᒧᓴᐠ ᑭᓭᒪᓂᑐ, ᐅᑖᐃᐧᒫᐤ ᐅᑎ, ᑲᐦᑭᔭᐤ ᑫᑲᐧᐩ ᐅᐦᒋ, ᐅ ᐃᐧᔪᐃᐧᓂᕽ ᑳ ᑎᐯᔨᒥᑯᔭᕽ ᒋᓴᐢ ᙭ 21ᐁ ᑕᐸᑌᔨᒧᑐᑖᑐᔦᐠ ᐅ ᑯᓯᑫᐧᔨᒥᑯᐃᐧᓂᕽ ᙭.

22 # ᑲᓬᐋᓯᔭᓇ 3:18; 1 ᐱᑕᕒ 3:1 ᐃᐢᑫᐧᑎᐠ, ᓇᓇᐃᑖᑯᐠ ᑭ ᓈᐯᒥᐋᐧᐊᐧᐠ, ᑖᐱᐢᑯᐨ ᑳ ᑎᐯᔨᐦᒋᑫᐟ. 23ᒋᑫᒫ ᓈᐯᐤ ᐅᐢᑎᑳᐧᓂᐢᑲᐁᐧᐤ ᐃᐧᐊᐧ, ᑖᐱᐢᑯᐨ ᙭ ᑳ ᐃᓯ ᐅᐢᑎᑳᐧᓂᐢᑲᕽ ᐊᔭᒥᐦᐋᐃᐧᐣ, ᐃᐧᔭ ᒫᑲ ᐁ ᐱᒫᑎᓯᐢᑲᕽ ᒥᔭᐤ. 24ᑖᐱᐢᑯᐨ ᒫᑲ ᐅᑕᔭᒥᐦᐋᐊᐧᐠ ᑳ ᐃᓯ ᑎᐯᔨᒥᑯᒋᐠ ᙭ᐊ, ᐁᑯᓯ ᐃᐢᑫᐧᐊᐧᐠ ᐅ ᑲ ᐃᓯ ᑎᐯᔨᒥᑯᑖᐋᐧᐤ ᐅᓈᐯᒥᐋᐧᐊᐧ ᒥᓯᐁᐧ ᐃᓯ. 25#ᑲᓬᐋᓯᔭᓇ 3:19; 1 ᐱᑕᕒ 3:7ᓈᐯᑎᐠ, ᓵᑭᐦᐃᐦᑯᐠ ᑭᐃᐧᐋᐧᐊᐧᐠ, ᑖᐱᐢᑯᐨ ᙭ ᑳ ᑭ ᐃᓯ ᓵᑭᐦᐋᐟ ᐅᑕᔭᒥᐋᐊᐧ, ᒥᓇ ᑳ ᑭ ᐸᑭᑎᓂᓱᐟ ᐁᐊᐧᑯᓂ ᐅᐦᒋ; 26ᑭᑕ ᑭ ᑲᓈᒋᐋᐟ, ᐁ ᐯᑭᐋᐟ ᐁ ᑭᒋᐢᑖᐹᐊᐧᔮᐟ ᐃᑌᐧᐃᐧᐣ ᐅᐦᒋ, 27ᑭᑕ ᐸᑭᑎᓇᒫᓱᐟ ᐅᑕᔭᒥᐦᐋᐊᐧ ᑖᐱᐢᑯᐨ ᐁ ᑭᐦᒋᓈᑲᐧᕽ ᐊᔭᒥᐦᐁᐃᐧᑲᒥᐠ, ᐁᑳ ᓈᐣᑕᐤ ᐁ ᐹᐹᑌᐋᐧᐠ ᐊᐦᐳ ᐁ ᐅᓯᑳᐠ ᐊᐦᐳ ᓈᐣᑖᐤ ᐁᑯᓯ ᐃᓯ; ᒫᑲ ᑭᑕ ᑲᓈᑕᕽ ᒥᓇ ᐁᑳ ᑭᑕ ᒫᔨᓈᑲᐧᕽ. 28ᐁᑯᓯ ᓈᐯᐊᐧᐠ ᐅ ᑲ ᐃᓯ ᓵᑭᐦᐋᑖᐋᐧᐤ ᐃᐧᐃᐧᐋᐧᐊᐧ ᑖᐱᐢᑯᐨ ᑎᐱᔭᐤ ᐃᐧᔭᐃᐧᐋᐧᐊᐧ. ᐊᓇ ᑳ ᓵᑭᐦᐋᐟ ᐃᐧᐊᐧ ᓵᑭᐦᐃᓱ: 29ᒋᑫᒫ ᓇᒪᐃᐧᑳᐨ ᓈᐯᐤ ᐸᑳᐧᑕᒼ ᐃᐧᔭ ᐅ ᐃᐧᔮᐢ; ᒫᑲ ᑲᓇᐁᐧᔨᑕᒼ ᒥᓇ ᓈᓇᐹᒋᑖᐤ, ᑖᐱᐢᑯᐨ ᙭ ᑳ ᐃᑐᑕᐋᐧᐟ ᐅᑕᔭᒥᐦᐋᐊᐧ; 30ᒋᑫᒫ ᑭᔮᓇᐤ ᐅ ᐸᐢᑫᓯᐃᐧᓂᐤ ᐃᐧᔭᐃᐧᕽ. 31#ᒉᓂᓯᐢ 2:24ᐁᐊᐧᑯ ᐅᒪ ᐅᐦᒋ ᒫᑲ ᐊᔨᓯᔨᓂᐤ ᑭᑕ ᓇᑲᑌᐤ ᐅᑖᐃᐧᔭ ᒥᓇ ᐅᑳᐃᐧᔭ, ᐁᑯᓯ ᑭᑕ ᐃᐧᒉᐁᐧᐤ ᐃᐧᐊᐧ; ᐁ ᓂᓯᒋᐠ ᒫᑲ ᑭᑕ ᐯᔭᑯ ᐃᐧᔮᓭᐊᐧᐠ. 32ᐅᒪ ᑭᐦᒋ ᒫᒪᐢᑲᑌᔨᑖᑲᐧᐣ: ᒫᑲ ᐅᒪ ᑳ ᐃᑌᐧᔮᐣ ᙭ ᒥᓇ ᐅᑕᔭᒥᐦᐋᐊᐧᐠ ᐁ ᓈᑲᑌᔨᒪᑭᐠ. 33ᒫᑲ ᐁᔨᐁᐧᕽ ᑭᔭᐋᐧᐤ ᑲᐦᑭᔭᐤ ᐊᐃᐧᔭᐠ ᑭᑕ ᓵᑭᐦᐁᐤ ᐃᐧᐊᐧ ᑳ ᐃᓯ ᓵᑭᐦᐃᓱᐟ; ᒥᓇ ᐃᐢᑫᐧᐤ ᑭᑕ ᓈᑲᑌᔨᑕᒼ ᑭᑕ ᑯᓯᑫᐧᔨᒫᐟ ᐅ ᓇᐯᒪ.

Currently Selected:

ᐃᐱᓯᔭᓇ 5: KKMs

Highlight

Copy

Compare