ᐃᐱᓯᔭᓇ 2
2
1 #
ᑲᓬᐋᓯᔭᓇ 2:13
ᑭᔭᐋᐧᐤ ᒫᑲ ᑭ ᑭ ᐱᒫᑎᓯᐢᑳᑯᐋᐧᐤ ᐁ ᒣᑳᐧ ᓂᐱᔦᐠ ᑭ ᐊᐧᓂᑐᑕᒧᐃᐧᓂᐋᐧᐊᐧ ᒥᓇ ᑭ ᒪᒋᐃᑎᐃᐧᓂᐋᐧᐊᐧ ᐅᐦᒋ, 2ᐊᓂᐦᐃ ᑲᔮᐢ ᑳ ᑭ ᐱᒧᑖᑐᑕᒣᐠ ᐁ ᐃᓯ ᐱᒥᐸᔨᐠ ᐅᒪ ᐊᐢᑭ, ᒣᐧᐦᒋ ᑳ ᐃᑌᔨᑖᑯᓯᐟ ᐊᓇ ᑳ ᐅᑭᒫᑲᑕᕽ ᓇᔦᐊᐧᒋ ᑭᓯᐠ, ᐊᓇ ᐊᐦᒑᕽ ᐊᓄᐦᐨ ᒣᑳᐧᐨ ᑳ ᐊᑐᐢᑫᐋᐧᐟ ᐅᓴᓯᐱᑕᒧᐊᐧ; 3ᐊᓂᑭ ᒥᓇ ᑲᐦᑭᔭᐤ ᑭᔮᓇᐤ ᑲᔭᑌ ᑳ ᑭ ᐃᐧᒉᐋᐧᔭᑯᐠ ᐁ ᐱᒥᑎᓴᐦᐊᒪᕽ ᐁ ᐃᓯ ᒪᒋ ᒧᐢᑕᐁᐧᔨᑕᒧᒪᑲᕽ ᐃᐧᔮᐢ ᒥᓇ ᒥᑐᓀᔨᒋᑲᐣ, ᐁᑯᓯ ᐁ ᐃᓯᐃᑯᐃᐧᓯᔭᕽ ᑭᓯᐋᐧᓯᐃᐧᐣ ᐁ ᑭ ᓂᐦᑖᐃᐧᑭᐃᑯᔭᕽ, ᑖᐱᐢᑯᐨ ᑯᑕᑲᐠ: 4ᒫᑲ ᑭᓭᒪᓂᑐ, ᐃᐧᔭ ᐁ ᐁᐧᔪᑎᓯᐟ ᑭᓭᐋᐧᑎᓯᐃᐧᐣ, ᐅ ᑭᐦᒋ ᓵᑭᐦᐃᐁᐧᐃᐧᐣ ᐅᐦᒋ ᑳ ᑭ ᐃᓯ ᓵᑭᐦᐃᑯᔭᕽ, 5ᐊᐦᐳ ᒣᑳᐧᐨ ᐁ ᓂᐱᔭᕽ ᑭ ᐊᐧᓂᑐᑕᒧᐃᐧᓂᓇᐊᐧ ᐅᐦᒋ, ᑭ ᑭ ᐱᒫᑎᓯᐢᑳᑯᓇᐤ ᐊᓯᒋ ᙭ (ᑭᓭᐋᐧᑎᓯᐃᐧᐣ ᑳ ᑭ ᐅᐦᒋ ᐱᒫᒋᐃᑲᐃᐧᔦᐠ), 6ᒥᓇ ᑭ ᑭ ᐊᐧᓂᐢᑳᓂᑯᓇᐤ ᐊᓯᒋ ᐁᐊᐧᑯᓂ, ᒥᓇ ᑭ ᑭ ᓇᐦᐊᐱᐃᑯᓇᐤ ᑭᑕ ᐃᐧᑕᐱᒫᔭᕽ ᑭᐦᒋᑭᓯᑯᐃᐧ ᐊᔨᕽ, ᐁ ᑭᑭᐢᑳᑯᔭᕽ ᙭ ᒋᓴᐢ: 7ᐊᑎ ᐊᔭᐢᑭᐊᐧᑭ ᑭᑕ ᐋᐧᐸᐦᑕᐦᐃᐁᐧᐟ ᐁ ᐃᓯ ᐊᔨᐋᐧᐠ ᐁᐧᔪᑕᓂᔨᐠ ᐅ ᑭᓭᐋᐧᑎᓯᐃᐧᐣ ᐁ ᑭᑎᒫᑭᓈᑯᔭᕽ ᙭ ᒋᓴᐢ ᐅᐦᒋ: 8ᒋᑫᒫ ᑭᓭᐋᐧᑎᓯᐃᐧᐣ ᑳ ᑭ ᐅᐦᒋ ᐱᒫᒋᐃᑲᐃᐧᔦᐠ ᑖᐯᐧᔦᔨᑕᒧᐃᐧᐣ ᐅᐦᒋ; ᐁᐊᐧᑯ ᒫᑲ ᓇᒪᐃᐧᔭ ᑭᔭᐋᐧᐤ ᑫᐦᒋᐋᐧᐠ ᐁ ᐊᔮᔦᐠ: ᐁᐊᐧᑯ ᐅ ᒣᑭᐃᐧᐣ ᑭᓭᒪᓂᑐ: 9ᓇᒪᐃᐧᔭ ᐊᑐᐢᑫᐃᐧᓇ ᐅᐦᒋ, ᐁᑳ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᑭᒋᒧᐟ. 10ᒋᑫᒫ ᑭᔮᓇᐤ ᐅᓯᒋᑫᐃᐧᐣ, ᐁ ᑭ ᐅᓯᐃᑲᐃᐧᔭᕽ ᙭ ᒋᓴᐢ ᐃᓯ ᑭᑕ ᐃᑐᑕᒪᕽ ᒥᔪ ᐊᑐᐢᑫᐃᐧᓇ, ᑭᓭᒪᓂᑐ ᑳ ᑭ ᓂᑳᓂ ᐃᑕᑭᑕᕽ ᑭᑕ ᐱᒧᑖᑐᑕᒪᕽ.
11ᐁᑯᓯ ᒫᑲ ᑲᓄᑭᐢᑭᓯᐠ, ᑲᔭᑌ ᑭᔭᐋᐧᐤ, ᐁ ᒉᐣᑕᐃᓬᐃᐃᐧᔦᐠ ᑭ ᐃᐧᔮᓯᐋᐧᕽ, ᐁᑳ ᑳ ᓵᕒᑲᒼᓴᐃᓯᐃᐧᒋᐠ ᑳ ᐃᓯᔨᐦᑳᑎᑯᔦᐠ ᐊᓇ ᓴᕒᑲᒼᓴᐃᓯᐃᐧᐤ ᑳ ᐃᓯᔨᐦᑳᑎᐦᐟ, ᐃᐧᔮᓯᕽ ᐅᑎ, ᒥᒋᐦᒋᔭ ᐅᐦᒋ ᑳ ᐃᑐᒋᑳᑌᐠ; 12ᐁᑯᐢᐱ ᐁᑳ ᐁ ᐃᐧᒉᐋᐧᔦᐠ ᙭, ᐁᑳ ᐁ ᐊᑭᒋᑳᓱᔦᐠ ᐃᐢᕒᐁᐃᓬ ᑎᐯᔨᐦᒋᑫᐃᐧᓂᕽ, ᐁ ᐊᔭᑎᓯᐢᑕᒣᐠ ᑭᐢᑭᒥᐁᐧᐃᐧᓇ ᐊᓱᑕᒫᑫᐃᐧᓇ, ᐁᑳ ᐁ ᐊᔮᔦᐠ ᐊᐢᐯᔨᒧᐃᐧᐣ ᒥᓇ ᐁᑳ ᐁ ᐅ ᑭᓭᒪᓂᑐᒥᔦᐠ ᐅᑕ ᐊᐢᑭᕽ. 13ᒫᑲ ᐁᑲᐧ ᙭ ᒋᓴᐢ ᐅᐦᒋ ᑭᔭᐋᐧᐤ ᑲᔮᐢ ᐋᐧᔭᐤ ᑳ ᑭ ᐊᔮᔦᐠ ᐁᑲᐧ ᑭᓯᐋᐧᐠ ᑭᐟ ᐊᔮᓈᐋᐧᐤ ᐅ ᒥᐦᑯ ᙭ ᐅᐦᒋ. 14ᒋᑫᒫ ᐁᐊᐧᑯ ᑭ ᐯᔭᑕᑫᔨᒧᐃᐧᓂᓇᐤ, ᐁ ᓂᓱ ᐊᔮᐠ ᑳ ᑭ ᒫᒪᐃᐧᑖᐟ, ᐁᑯᓯ ᑳ ᑭ ᓂᐦᒋᐁᐧᐱᓇᕽ ᑖᐋᐧᔨᕽ ᑳ ᑭ ᐋᒋᑭᐸᐃᑳᑌᐠ, 15#ᑲᓬᐋᓯᔭᓇ 2:14ᒥᑐᓂ ᐁ ᑭ ᑭᐱᒋᑖᐟ ᐃᐧᔭᐃᐧᕽ ᐊᓂᒪ ᐸᑳᐧᑎᑐᐃᐧᐣ, ᐊᓂᒪ ᐅᑎ ᐅᔭᓱᐁᐧᐃᐧᐣ ᐁ ᐅᔭᓱᐋᐧᒋᑳᑌᑭ ᐃᓯᐦᒋᑫᐃᐧᓇ; ᐅᒪ ᐁ ᑭ ᓂᓱ ᐊᔮᕽ ᑭᑕ ᐅᓯᐋᐟ ᐃᐧᔭᐃᐧᕽ ᐯᔭᐠ ᐅᐢᑭ ᐊᔨᓯᔨᓂᐊᐧ, ᐁᑯᓯ ᐃᓯ ᐃᐧᒉᑐᐃᐧᐣ ᐁ ᐅᓯᑖᐟ: 16#ᑲᓬᐋᓯᔭᓇ 1:20ᐁᑯᓯ ᐯᔭᐠ ᒥᔭᐃᐧᕽ ᑖᐱᐢᑯᐨ ᑭᑕ ᒥᔪ ᐃᐧᒉᑕᐋᐟ ᑭᓭᒪᓂᑐᐊᐧ ᐱᒥᑖᐢᑯᐃᑲᐣ ᐅᐦᒋ, ᐁ ᑭ ᓂᐸᑖᐟ ᐁᑯᑕ ᐸᑳᐧᑎᑐᐃᐧᐣ: 17#ᐊᐩᓵᔭ 57:19ᐁᑯᓯ ᑭ ᑭ ᐯ ᓇᑕᐃᐧ ᐃᐧᐦᑕᒫᑯᐋᐧᐤ ᐯᔭᑕᑫᔨᒧᐃᐧᐣ ᑭᔭᐋᐧᐤ ᐋᐧᔭᐤ ᑳ ᑭ ᐊᔮᔦᐠ, ᒥᓇ ᐯᔭᑕᑫᔨᒧᐃᐧᐣ ᐊᓂᐦᐃ ᑭᓯᐋᐧᐠ ᑳ ᐊᔮᔨᐟ: 18ᒋᑫᒫ ᐃᐧᔭ ᐅᐦᒋ ᑳ ᐊᔮᔭᕽ ᐁ ᑕᐋᐧᐠ ᑖᐱᐢᑯᐨ ᐯᔭᐠ ᐊᐦᒑᐦᑯᕽ ᑭᑕ ᐱᑐᑲᐋᐧᔭᕽ ᐁᐧᔪᑖᐃᐧᕽ. 19ᐁᑯᓯ ᒫᑲ ᓇᒪᐃᐧᔭ ᐁᑲᐧ ᑭᐟ ᐊᔭᑌᔨᑖᑯᓯᓈᐋᐧᐤ ᒥᓇ ᓇᒪᐃᐧᔭ ᑭ ᒧᐦᒋ ᑲᐯᓯᓈᐋᐧᐤ, ᒫᑲ ᑭ ᐃᐧᑕᐢᑭᒫᐋᐧᐊᐧᐠ ᐅᑲᓈᑎᓯᐊᐧᐠ, ᒥᓇ ᐊᓂᐦᐃ ᐅ ᐋᐧᐢᑳᐦᐃᑲᓂᕽ ᑭᓭᒪᓂᑐ ᑳ ᐊᔮᔨᐟ, 20ᐁ ᐊᑎ ᑌᑕᐃᑲᐃᐧᔦᐠ ᐅᐟ ᐊᐢᐱᑎᑖᑲᓂᑫᐃᐧᓂᐋᐧᐤ ᐊᐹᐢᑎᓬᐊᐠ ᒥᓇ ᐅᑭᐢᑭᐁᐧᐦᐃᑫᐊᐧᐠ, ᙭ ᒋᓴᐢ ᐃᐧᔭ ᑫᐦᒋᐋᐧᐠ ᐁ ᑭᐢᑕᔨᐦᐟ ᐁ ᐁᓈᐱᐢᑭᓯᕽ; 21ᐊᓇ ᑲᐦᑭᔭᐤ ᐊᓂᒪ ᐋᐧᐢᑳᐦᐃᑲᓂᑳᐣ, ᒥᑐᓂ ᐁ ᑖᑖᐸᐁᐧᐸᔨᐠ, ᐊᑎ ᐊᐧᓂᐢᑳᓂᑳᑌᐤ ᑲᓈᒋ ᐊᔭᒥᐦᐁᐃᐧᑲᒥᐠ ᑭᑭ ᑳ ᑎᐯᔨᐦᒋᑫᐟ; 22ᐁᑯᑕ ᑭᐢᑕᐋᐧᐤ ᒫᒪᐃᐧ ᑳ ᐋᐧᐢᑳᐦᐃᑲᓂᑳᑎᑲᐃᐧᔦᐠ, ᑭᑕ ᐃᐧᑭᐟ ᑭᓭᒪᓂᑐ ᐊᐦᒑᐦᑯᕽ.
Currently Selected:
ᐃᐱᓯᔭᓇ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
