ᐃᐱᓯᔭᓇ 1
1
1 #
ᐃᓯᐦᒋᑫᐃᐧᓂᐋᐧᐊᐧ 18:19-21; 19:1 ᐹᓬ ᐅᐟ ᐊᐹᐢᑎᓬᐃᒪ ᙭ ᒋᓴᐢ ᐅᐟ ᐃᑌᔨᑕᒧᐃᐧᐣ ᐅᐦᒋ ᑭᓭᒪᓂᑐ, ᐁ ᒪᓯᓇᐦᐊᒪᐋᐧᐟ ᐅᑲᓈᑎᓯᐊᐧ ᐁᐱᓴᓯᕽ ᑳ ᐊᔮᔨᐟ, ᒥᓇ ᑳ ᐊᔮᑳᐧᒥᓯᐢᑕᐋᐧᒋᐠ ᙭ ᒋᓴᓴ: 2ᑭᓭᐋᐧᑐᑖᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᐦᒋᐢᑕᒫᑯᐋᐧᐤ ᑭᓭᒪᓂᑐ ᑯᑖᐃᐧᓇᐤ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭.
3ᑭᑕ ᐃᐧ ᒪᒥᒋᒫᐤ ᐅ ᑭᓭᒪᓂᑐᒪ ᒥᓇ ᐅᑖᐃᐧᔭ ᑳ ᑎᐯᔨᒥᑯᔭᕽ ᒋᓴᐢ ᙭, ᑳ ᑭ ᓴᐁᐧᔨᒥᑯᔭᕽ ᐁ ᒥᔨᑯᔭᕽ ᑲᐦᑭᔭᐤ ᐊᐦᒑᐦᑯᐃᐧ ᓴᐁᐧᔨᑖᑯᓯᐃᐧᐣ ᑳ ᐊᔮᐠ ᑭᐦᒋ ᑭᓯᑯᐃᐧ ᐊᔨᕽ ᑭᑭ ᙭: 4ᑳ ᑭ ᐃᓯ ᐊᐧᐁᐧᔦᔨᒥᑯᔭᕽ ᐁᐊᐧᑯᓂ ᐅᐦᒋ ᒪᐧᔦᐢ ᐅᔭᐢᑖᕽ ᐅᒪ ᐊᐢᑭ, ᑭᑕ ᑲᓈᑎᓯᔭᕽ ᒥᓇ ᐁᑳ ᑭᑕ ᐊᑖᒣᔨᑖᑯᓯᔭᕽ ᐁ ᐃᓯ ᐋᐧᐸᒥᑯᔭᕽ ᓵᑭᐦᐃᐁᐧᐃᐧᓂᕽ: 5ᓂᔮᐠ ᐁ ᑭ ᐅᔭᑭᒥᑯᔭᕽ ᐃᐧᔭ ᐅᑯᓯᓴ ᑭᑕ ᐃᓯ ᑖᐸᑯᒥᑯᔭᕽ, ᒋᓴᐢ ᙭ ᐅᐦᒋ, ᐁ ᑭ ᐃᓯ ᒥᔮᐧᐱᓯᒥᑯᐟ ᐅᐟ ᐃᑌᔨᑕᒧᐃᐧᓂᕽ, 6ᑭᑕ ᒪᒥᒋᑕᒥᕽ ᐁ ᐃᓯ ᑭᐢᑌᔨᑖᑲᐧᓂᔨᐠ ᐅ ᑭᓭᐋᐧᑎᓯᐃᐧᐠ, ᑳ ᑭ ᒧᐦᒋ ᒥᔨᑯᔭᕽ ᐊᓂᐦᐃ ᑳ ᓵᑭᐦᐋᐟ ᐅᐦᒋ: 7#ᑲᓬᐋᓯᔭᓇ 1:14ᐁᑯᑕ ᑳ ᐅᐦᒋ ᐊᔮᔭᕽ ᑭ ᑎᐸᐦᐃᑫᐢᑕᒫᑯᐃᐧᓂᓇᐤ ᐅᒥᐦᑯᕽ, ᐁ ᐳᓀᔨᑕᒫᑲᐃᐧᔭᕽ ᑭ ᒪᒋᐃᑎᐃᐧᓂᓇᐊᐧ, ᐁ ᐃᓯ ᐁᐧᔪᑕᓂᔨᐠ ᐅ ᑭᓭᐋᐧᑎᓯᐃᐧᐣ, 8ᑳ ᑭ ᐁᐧᔪᒋ ᐅᐦᒋᐢᑕᒫᑯᔭᕽ ᒥᓯᐁᐧ ᐃᔨᓂᓯᐃᐧᓂᕽ ᒥᓇ ᐊᔮᑳᐧᒣᔨᑕᒧᐃᐧᓂᕽ, 9ᐁ ᑭ ᑭᐢᑫᔨᑕᒧᐃᑯᔭᕽ ᐊᓂᒪ ᐁᑳ ᑳ ᑭ ᑭᐢᑫᔨᑖᑳᐧᓂᔨᐠ ᐅᐟ ᐃᑌᔨᑕᒧᐃᐧᐣ, ᑳ ᐃᓯ ᒥᔦᐧᔨᑕᕽ ᐃᐧᔭ ᑳ ᑭ ᐅᔭᐢᒋᑫᐟ 10ᐃᑕ ᐁ ᑭᓯᐸᔨᔨᐠ ᒥᑐᓂ, ᙭ ᐁᑯᑕ ᑭᑕ ᒫᒪᐊᐧᑭᑌᐠ ᑲᐦᑭᔭᐤ ᑫᑲᐧᐩ, ᐊᓂᐦᐃ ᑭᓯᑯᕽ ᑳ ᐊᔮᑭ, ᒥᓇ ᐊᓂᐦᐃ ᐊᐢᑭᕽ ᑳ ᐊᔮᑭ; ᐃᐧᔭ, ᓂᐟ ᐃᑖᐧᐣ, 11ᐁᑯᑕ ᑭᔮᓇᐤ ᒥᓇ ᑳ ᑭ ᐃᓯᐃᑲᐃᐧᔭᕽ ᑭᑕ ᑎᐯᔨᑖᑯᓯᔭᕽ, ᓂᔮᐠ ᐁ ᑭ ᐃᓯ ᐅᔭᑭᒥᑲᐃᐧᔭᕽ ᐁ ᐃᑕᐢᑌᔨᐠ ᐅᐟ ᐃᑌᔨᑕᒧᐃᐧᐣ ᑳ ᐊᑐᐢᑳᑕᕽ ᑲᐦᑭᔭᐤ ᑫᑲᐧᐩ ᐃᐧᔭ ᐁ ᐃᓯ ᐅᔭᓱᐋᐧᑕᕽ; 12ᐁᐊᐧᑯᒪ ᐅᐦᒋ ᑭᔮᓇᐤ ᑭᑕ ᒪᒥᒋᑕᒫᐧᔭᕽ ᐅ ᑭᐢᑌᔨᑖᑯᓯᐃᐧᐣ, ᓂᑳᐣ ᑳ ᑭ ᒪᒥᓯᑐᑕᐋᐧᔭᕽ ᙭: 13ᐊᓇ ᐁᑯᑕ ᑭᔭᐋᐧᐤ ᒥᓇ ᐁ ᑭ ᐯᐦᑕᒣᐠ ᑖᐯᐧᐃᐧᓂ ᐃᑌᐧᐃᐧᐣ, ᐊᓂᒪ ᒥᔮᐧᒋᒧᐃᐧᐣ ᑭ ᐱᒫᒋᐦᐅᐃᐧᓂᐋᐧᐤ, ᐁᐊᐧᑯ ᐁ ᑭ ᑖᐯᐧᑕᐋᐧᔦᐠ ᒥᓇ ᑭ ᑭ ᑭᐢᑭᓇᐋᐧᒋᐃᑲᐃᐧᓈᐋᐧᐤ ᑳ ᑲᓈᑎᓯᐟ ᐊᐦᒐᕽ ᐅᐦᒋ ᑳ ᑭ ᐊᓱᑕᒫᑫᕽ, 14ᐁᐊᐧᑯ ᐁ ᑫᒋᓈᑎᑖᕽ ᑭ ᑎᐯᔨᑕᒧᐃᑯᐃᐧᓂᓇᐤ, ᑭᑕ ᑭᐢᐱᓇᑎᒥᐦᐟ ᐃᐧᔭ ᑭᓭᒪᓂᑐ ᑳ ᐅᐟ ᐊᔮᐃᐧᓂᐟ ᑭᑕ ᒪᒥᒋᑕᒧᐦᐟ ᐅ ᑭᐢᑌᔨᑖᑯᓯᐃᐧᐣ.
15ᐁᐊᐧᑯ ᐅᒪ ᐅᐦᒋ ᓂᔭ ᒥᓇ, ᐁ ᐃᓯ ᑖᐯᐧᔦᔨᒥᐦᐟ ᑳ ᑎᐯᔨᐦᒋᑫᐟ ᒋᓴᐢ ᐃᑕ ᑳ ᐊᔮᔦᐠ, ᐁᑯᓯ ᑳ ᐋᐧᐸᐦᑕᐋᔦᑯᐠ ᑲᐦᑭᔭᐤ ᐅᑲᓈᑎᓯᐊᐧᐠ, 16ᓇᒪᐃᐧᑳᐨ ᑭ ᐳᓂ ᓇᓈᐢᑯᒧᐢᑕᒫᑎᓈᐋᐧᐤ, ᐁ ᒫᒥᐢᑯᒥᑕᑯᐠ ᓂᐟ ᐊᔭᒥᐦᐋᐃᐧᓂᕽ; 17ᐅ ᑭᓭᒪᓂᑐᒪ ᑳ ᑎᐯᔨᒥᑯᔭᕽ ᒋᓴᐢ ᙭, ᑳ ᐅᑖᐃᐧᒥᑯᐟ ᑭᐢᑌᔨᑖᑯᓯᐃᐧᐣ, ᑭᑕ ᒥᔨᑯᔦᐠ ᐃᔨᓂᓯᐃᐧᐣ ᒥᓇ ᐋᐧᐸᐦᑕᐦᐃᐁᐧᐃᐧ ᐊᐦᒑᐦᑲᐧ ᐁ ᑭᐢᑫᔨᒫᔦᐠ; 18ᐁ ᐅᐢᑭᓱᑯᒪᑲᕽ ᑭ ᑌᐦᐃᐋᐧᐤ ᑭᑕ ᐸᑲᑳᐸᑕᒫᔦᐠ, ᑭᑕ ᑭᐢᑫᔨᑕᒣᐠ ᑫᑲᐧᐩ ᑳ ᐸᑯᓭᔨᒧᕽ ᐅ ᓇᑕᒥᑯᐃᐧᓂᕽ, ᑫᑲᐧᐩ ᒥᓇ ᐁ ᐃᓯ ᐁᐧᔪᑕᓂᔨᐠ ᑭᐢᑌᔨᑖᑯᓯᐃᐧᐣ ᑳ ᐊᔮᔨᐟ ᐅᑲᓈᑎᓯᐊᐧ, 19ᒥᓇ ᐁ ᐃᓯ ᐊᔨᐋᐧᐠ ᑭᐦᒉᔨᑖᑲᐧᓂᔨᐠ ᐅ ᑲᐢᑭᐦᐁᐃᐧᓯᐃᐧᐣ ᑭᔮᓇᐤ ᐃᓯ ᑳ ᑖᐯᐧᑕᒪᕽ, ᑳ ᐃᓯ ᐊᑐᐢᑫᒪᑲᓂᔨᐠ ᐁ ᒪᐢᑲᐃᐧᓯᒪᑲᓂᔨᐠ ᐅ ᓱᑳᑎᓯᐃᐧᐣ 20#ᓂᑲᒧᓇ 110:1ᑳ ᑭ ᐃᓯᒋᑳᑖᐟ ᙭ᐊ, ᐃᐢᐱ ᐁ ᐊᐧᓂᐢᑳᓈᐟ ᓂᐳᐃᐧᓂᕽ ᐅᐦᒋ, ᒥᓇ ᑳ ᓇᐦᐊᐱᐋᐟ ᐅ ᑭᐦᒋᓂᐢᑭᕽ ᑭᐦᒋ ᑭᓯᑯᐃᐧ ᐊᔨᕽ, 21ᐁ ᐊᔨᐋᐧᑭᐢᑲᕽ ᑲᐦᑭᔭᐤ ᐅᔭᓱᐁᐧᐃᐧᐣ, ᑭᐦᒑᔨᐃᐧᐃᐧᐣ, ᒥᓇ ᒪᐢᑲᐃᐧᓯᐃᐧᐣ, ᒥᓇ ᑎᐯᔨᐦᒋᑫᐃᐧᐣ, ᒥᓇ ᑲᐦᑭᔭᐤ ᐃᐧᔪᐃᐧᐣ ᑳ ᐃᐧᒋᑳᑌᐠ, ᓇᒪᐃᐧᔭ ᐱᑯ ᐅᑕ ᐊᐢᑭᕽ, ᒫᑲ ᒥᓇ ᐊᓂᒪ ᓂᑳᐣ ᑳ ᐊᔮᐠ: 22#ᓂᑲᒧᓇ 8:6#ᑲᓬᐋᓯᔭᓇ 1:18ᐁᑯᓯ ᑲᐦᑭᔭᐤ ᑫᑲᐧᐩ ᐁ ᑭ ᐊᐢᑖᐋᐧᐟ ᑎᐯᔨᑕᒧᐃᐧᓂᕽ ᓯᐸ ᐅᓯᑎᔨᕽ, ᒥᓇ ᐁ ᑭ ᒥᔮᐟ ᑭᑕ ᐅᐢᑎᑳᐧᓂᐢᑲᒥᔨᐟ ᑲᐦᑭᔭᐤ ᑫᑲᐧᐩ ᐅᐟ ᐊᔭᒥᐦᐁᐃᐧᑲᒥᑯᕽ, 23ᐁᐊᐧᑫᐧᔨᐤ ᐃᐧᔭᐤ, ᐅ ᒧᐢᑭᓀᐃᐧᐣ ᐊᓇ ᑳ ᒧᐢᑭᓇᐋᐟ ᒫᒪᐃᐧ ᑲᐦᑭᔭᐤ.
Currently Selected:
ᐃᐱᓯᔭᓇ 1: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
