ᑎᔪᑕᕒᐊᓇᒥ 4
4
1ᐁᑲᐧ ᒫᑲ ᐃᐢᕒᐁᐃᓬ ᓇᑐᐦᑕᒧᐠ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ ᑳ ᑭᐢᑭᓄᐦᐊᒫᑕᑯᐠ, ᑭᑕ ᐃᑐᑕᒣᐠ; ᑭᑕ ᐱᒫᑎᓯᔦᐠ, ᒥᓇ ᑭᑕ ᓇᑕᐃᐧ ᑎᐯᔨᐦᑕᒣᐠ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᐋᐧᐊᐧᐠ, ᑳ ᒥᔨᑯᔦᐠ. 2#ᑭᐢᑫᔨᐦᑖᑯᐦᑫᐃᐧᐣ 22:18,19ᓇᒪᐃᐧᔭ ᑭ ᑲ ᔭᑭᑖᓈᐋᐧᐤ ᐊᓂᒪ ᐃᑌᐧᐃᐧᐣ ᑳ ᐃᑕᓱᐋᐧᑎᑕᑯᐠ, ᓇᒪᐃᐧᔭ ᒥᓇ ᑭ ᑲ ᐊᒋᐃᐧᓀᓈᐋᐧᐤ, ᑭᑕ ᑭ ᒥᑎᒣᔦᐠ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᐃᑕᓱᐋᐧᑎᑕᑯᐠ. 3#ᓇᒼᐸᕒᐢ 25:1-9ᑭᐢᑭᓯᑯᐋᐧᕽ ᑭ ᑭ ᐅᐦᒋ ᐋᐧᐸᐦᑌᓈᐋᐧᐤ ᑳ ᑎᐯᔨᐦᒋᑫᐟ ᑳ ᑭ ᐃᑐᑕᕽ ᐯᐊᓬᐱᐋᕒ ᐅᐦᒋ; ᒋᑫᒫ ᑲᐦᑭᔭᐤ ᐊᔨᓯᔨᓂᐊᐧ ᑳ ᑭ ᐱᒥᑎᓴᐋᐧᔨᐟ ᐯᐊᓬ ᐱᐋᕒ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᓂᓯᐊᐧᓈᒋᐁᐤ ᒣᑳᐧᐨ ᐃᑕ ᐁ ᐊᔮᔦᐠ ᐅᐦᒋ. 4ᒫᑲ ᑕᐦᑐ ᑭᔭᐋᐧᐤ ᑳ ᑭ ᒥᒋᒥᓈᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᐱᒫᑎᓯᓈᐋᐧᐤ ᐊᓄᐦᐨ ᑳ ᑭᓯᑳᐠ. 5ᒫᑎᑲ ᑭ ᑭ ᑭᐢᑭᓄᐦᐊᒫᑎᓈᐋᐧᐤ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᑖᐱᐢᑯᐨ ᐃᓴ ᐱᑯ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ ᑳ ᑭ ᐃᑕᓱᐋᐧᓯᐟ, ᑭᑕ ᐃᑐᑕᒣᐠ ᒣᑳᐧᐨ ᐊᓂᒪ ᐊᐢᑭᕽ ᑳ ᐃᑐᐦᑌᔦᐠ ᑭᑕ ᓇᑕᐃᐧ ᑎᐯᔨᐦᑕᒣᐠ. 6ᑲᓀᐧᔨᑕᒧᐠ ᒫᑲ ᒥᓇ ᐃᑐᑕᒧᐠ; ᒋᑫᒫ ᐁᐊᐧᑯ ᐅᒪ ᑭᐟ ᐃᔨᓂᓯᐃᐧᓂᐋᐧᐤ ᒥᓇ ᑭ ᓂᓯᑐᐦᑕᒧᐃᐧᓂᐋᐧᐤ ᐁ ᐃᓯ ᐊᐧᐸᒥᑯᔦᑯᐠ ᑲᐦᑭᔭᐤ ᐊᔨᓯᔨᓂᐊᐧᐠ, ᑫ ᐯᐦᑕᐦᑭᐠ ᑲᐦᑭᔭᐤ ᐅᐦᐃ ᑲᑫᐢᑫᐧᐃᐧᓇ ᒥᓇ ᑫ ᐃᑌᐧᒋᐠ, ᑖᐯᐧ ᐅᑭ ᑭᐦᒋ ᐊᔨᓯᔨᓂᐊᐧᐠ ᐃᔨᓂᓯᐊᐧᐠ ᒥᓇ ᓂᓯᑐᐦᑕᒧᐃᐧᓂ ᐊᔨᓯᔨᓂᐃᐧᐊᐧᐠ. 7ᒋᑫᒫ ᑖᓈᓂᑭ ᐁ ᑭᐦᒋ ᐱᐢᑭᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᐁᔮᐋᐧᒋᐠ ᒪᓂᑐᐊᐧ ᐁ ᐃᓯ ᐯᓵᐧᐸᒥᑯᒋ ᑖᐱᐢᑯᐨ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑕᐦᑖᐤ ᐁ ᐃᐧ ᓇᓈᑐᒫᔭᕽ? 8ᒥᓇ ᑖᓈᓂᑭ ᐁ ᑭᐦᒋ ᐱᐢᑭᑕᐢᑳᓀᓯᒋᐠ ᐊᔨᓯᔨᓂᐊᐧᐠ, ᐁᔮᒋᐠ ᑳᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᐁ ᐃᓯ ᑲᐧᔭᐢᑲᐧᑭ ᑖᐱᐢᑯᐨ ᑲᐦᑭᔭᐤ ᐅᒪ ᐅᔭᓱᐁᐧᐃᐧᐣ ᑳ ᐅᐦᑎᐢᑲᐊᐧᐢᑖᐧᑕᑯᐠ ᐊᓄᐦᐨ ᑳ ᑭᓯᑳᐠ? 9ᐱᑯ ᐊᔮᑳᐧᒥᓯᐠ ᒥᓇ ᐋᐦᑲᒥ ᑲᓇᐁᐧᔨᒼ ᑭᐟ ᐊᐦᒑᕽ, ᐁᑳ ᓈᐣᑕᐤ ᐃᓯ ᑭ ᐊᐧᓂᑭᐢᑭᓯᐣ ᐊᓂᐦᐃ ᑭᐢᑭᓯᑯᕽ ᑳ ᑭ ᐅᐦᒋ ᐋᐧᐸᐦᑕᒪᐣ, ᒥᓇ ᓈᐣᑕᐤ ᐃᓯ ᑭ ᓇᑲᑎᑯᐣ ᑭᑌᐦᐃᕽ ᐃᔨᑯᐠ ᑫ ᐱᒫᑎᓯᔭᐣ; ᒫᑲ ᑭᐢᑫᔨᑕᒧᐃᐠ ᑭᐟ ᐊᐋᐧᓯᒥᓴᐠ ᒥᓇ ᑭᐟ ᐊᐋᐧᓯᒥᓴᐠ ᐅᐟ ᐊᐋᐧᓯᒥᓯᐋᐧᐊᐧ. 10ᐅᓵᒼ ᒫᑲ ᐊᓂᒪ ᑭᓯᑳᐤ ᑳ ᑭ ᐅᐦᑎᐢᑲᐃᐧᑳᐸᐃᐧᐢᑕᐊᐧᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐊᓂᑕ ᐦᐋᕒᐃᑊ, ᐃᐢᐱ ᑳ ᑎᐯᔨᐦᒋᑫᐟ ᑳ ᐃᓯᐟ, ᒫᐋᐧᒋᑕᒪᐃᐧᐣ ᐊᔨᓯᔨᓂᐊᐧᐠ, ᐁᑯᓯ ᓂ ᑲ ᐯᐦᑕᒧᐋᐊᐧᐠ ᓂᐟ ᐃᑌᐧᐃᐧᓇ, ᑭᑕ ᑭ ᑭᐢᑫᔨᑕᐦᑭᐠ ᑭᑕ ᑯᓯᑫᐧᔨᒥᒋᐠ ᑕᐦᑐ ᑭᓯᑳᐤ ᑫ ᐱᒫᑎᓯᐋᐧᑫᐧ ᐊᐢᑭᕽ, ᒥᓇ ᑭᑕ ᑭᐢᑭᓄᐦᐊᒪᐋᐧᒋᐠ ᐅᐟ ᐊᐋᐧᓯᒥᓯᐋᐧᐊᐧ. 11#ᐁᐠᓴᑕᐢ 19:16-18; ᐦᐃᐸᕒᐅᐊᐧ 12:18,19ᑭᓯᐋᐧᐠ ᒫᑲ ᑭ ᑭ ᐯ ᐃᑐᐦᑖᓈᐋᐧᐤ ᒥᓇ ᑭ ᑭ ᓂᐸᐃᐧᓈᐋᐧᐤ ᒋᑭ ᐊᐧᒋᕽ; ᐊᓂᒪ ᒫᑲ ᐊᐧᒋ ᑭ ᑳᐧᑯᑌᐤ ᐃᐢᑯᑌᐤ ᐅᐦᒋ ᓇᔦᐊᐧᒋᑭᓯᑯᕽ, ᐁ ᐊᐧᓂᑎᐱᐦᑳᐠ, ᐁ ᐊᐧᐢᑯᐊᐧᕽ, ᒥᓇ ᐁ ᐸᓴᑯ ᐊᐧᓂᑎᐱᐢᑳᐠ. 12ᑳ ᑎᐯᔨᐦᒋᑫᐟ ᒫᑲ ᑭ ᑭ ᐊᔭᒥᐃᑯᐋᐧᐤ ᒣᑳᐧ ᐃᐢᑯᑌᐠ ᐅᐦᒋ; ᑭ ᑭ ᐯᐦᑌᓈᐋᐧᐤ ᐁᑎᑖᑲᐧᐦᑭ ᐃᑌᐧᐃᐧᓇ, ᒫᑲ ᓇᒪᐃᐧᔭ ᐊᐃᐧᔭᐠ ᑭ ᐋᐧᐸᒫᐋᐧᐤ; ᐱᑯ ᑭ ᐯᐦᑌᓈᐋᐧᐤ ᐃᑌᐧᐃᐧᐣ. 13#ᐁᐠᓴᑕᐢ 31:18; 34:28; ᑎᔪᑕᕒᐊᓇᒥ 9:10ᑭ ᑭ ᐃᐧᐦᑕᒫᑯᐋᐧᐤ ᒫᑲ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ, ᑳ ᑭ ᐃᑕᓱᐋᐧᑎᑯᔦᐠ ᑭᑕ ᐃᑐᑕᒣᐠ, ᐊᓂᐦᐃ ᐅᑎ ᒥᑖᑕᐦᐟ ᐅᔭᓱᐁᐧᐃᐧᓇ; ᐁᑯᓯ ᑭ ᒪᓯᓇᐦᐊᒼ ᓂᓱ ᓈᐸᑳᐱᐢᑯᕽ.
14 #
ᐁᐠᓴᑕᐢ 21:1
ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑕᓱᐋᐧᑎᐠ ᐁᑯᐢᐱ ᑭᑕ ᑭᐢᑭᓄᐦᐊᒫᑕᑯᐠ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᑭᑕ ᐃᑐᑕᒣᐠ ᐁᑯᑕ ᐊᐢᑭᕽ ᑳ ᐃᐧ ᐋᓱᐊᐧᐦᐊᒣᐠ ᑭᑕ ᑎᐯᔨᑕᒣᐠ. 15ᐊᔮᑳᐧᒥᓯᐠ ᒫᑲ ᑭᔭᐋᐧᐤ, ᒋᑫᒫ ᓇᒪᐃᐧᔭ ᐊᐃᐧᔭᐠ ᑯᐦᒋ ᐋᐧᐸᒫᐋᐧᐤ ᐊᓂᒪ ᐁ ᑭᓯᑳᐠ ᑳ ᑎᐯᔨᐦᒋᑫᐟ ᑳ ᑭ ᐊᔭᒥᐃᑯᔦᐠ ᐊᓂᑕ ᐦᐋᕒᐃᑊ ᒣᑳᐧ ᐃᐢᑯᑌᕽ ᐅᐦᒋ. 16#ᐁᐠᓴᑕᐢ 20:4; ᓬᐃᐱᑎᑲᐢ 26:1; ᑎᔪᑕᕒᐊᓇᒥ 5:8; 27:15ᐁᑳ ᓈᐣᑕᐤ ᐃᓯ ᑭᑕ ᓂᓯᐊᐧᓈᒋᐃᓱᔦᐠ, ᒥᓇ ᑭᑕ ᐅᓯᐦᑕᒫᓱᔦᐠ ᓈᐣᑕᐤ ᐁ ᐃᓯᑯᑎᐦᐟ ᓇᐢᐱᓯᒋᑲᐣ ᐁ ᐃᓯᓈᑯᓯᐟ ᓈᐣᑕᐤ ᐊᐃᐧᔭᐠ, ᐁ ᐃᓯᓈᑯᓯᐟ ᓈᐯᐊᔭ ᐊᐦᐳ ᓄᓯᐊᔭ, 17#ᕒᐅᒪᓇ 1:23ᐁ ᐃᓯᓈᑯᓯᐟ ᓈᐣᑕᐤ ᐱᓯᐢᑭᐤ ᐊᐧᐢᑭᑕᐢᑲᒥᐠ ᑳ ᐊᔮᐟ, ᐁ ᐃᓯᓈᑯᓯᐟ ᓈᐣᑕᐤ ᐊᐃᐧᔭᐠ ᑳ ᐅᑕᑕᑲᐧᓂᐟ ᑳ ᐸᐹᒥᔭᐟ ᓇᔦᐊᐧᒋᑭᓯᑯᕽ, 18ᐁ ᐃᓯᓈᑯᓯᐟ ᐊᐃᐧᔭᐠ ᑳ ᐸᐹᒥᑖᒋᒧᐟ ᒧᐢᑕᐢᑲᒥᐠ, ᐁ ᐃᓯᓈᑯᓯᐟ ᓈᐣᑕᐤ ᑭᓄᓭᐤ ᓂᐱᕽ ᑳ ᐊᔮᐟ ᓂᐦᑕᐢᑲᒥᐠ. 19ᐁᑯᓯ ᒥᓇ ᓈᐣᑕᐤ ᐃᓯ ᑭᓯᑯᕽ ᐃᑖᐱᔭᓂ, ᐁ ᐋᐧᐸᒪᐟ ᒫᑲ ᑭᓯᑳᐃᐧᐱᓯᒼ ᒥᓇ ᑎᐱᐢᑳᐃᐧ ᐱᓯᒼ ᒥᓇ ᐊᒐᐦᑯᓴᐠ ᑲᐦᑭᔭᐤ ᐅᑎ ᑳ ᐅᓵᒣᔭᑎᒋᐠ ᑭᓯᑯᕽ, ᑭᑕ ᐃᐢᐸᔨᔭᐣ ᑭᑕ ᐅᒋᐦᒋᐦᑲᐧᓂᐢᑕᐊᐧᒋᐠ ᒥᓇ ᑭᑕ ᐊᑐᐢᑲᐊᐧᒋᐠ, ᐊᓂᐦᐃ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒐᒉᑊ ᑳ ᑭ ᒥᔭᐟ ᑲᐦᑭᔭᐤ ᐊᔨᓯᔨᓂᐊᐧ ᓯᐹ ᑭᓯᑯᕽ. 20#ᐁᐠᓴᑕᐢ 19:5; ᑎᔪᑕᕒᐊᓇᒥ 7:6; 14:2; 26:18; ᑖᐃᑕᐢ 2:14; 1 ᐱᑕᕒ 2:9ᒫᑲ ᑳ ᑎᐯᔨᐦᒋᑫᐟ ᑭ ᑭ ᐅᑎᓂᑯᐋᐧᐤ, ᒥᓇ ᑭ ᑭ ᐯ ᐊᐧᔭᐃᐧᑕᐦᐃᑯᐋᐧᐤ ᐱᐋᐧᐱᐢᑯ ᑎᐦᑳᐱᐢᑭᓯᑲᓂᕽ ᐅᐦᒋ, ᐃᒋᑊᑎᕽ ᐅᐦᒋ, ᑭᔭᐋᐧᐤ ᑭᑕ ᐅᐟ ᐊᔨᓯᔨᓂᒥᐟ ᑭᑕ ᑎᐯᔨᒫᐟ ᑳ ᐃᓯ ᐊᔮᔦᐠ ᐊᓄᐦᐨ ᑳ ᑭᓯᑳᐠ. 21#ᓇᒼᐸᕒᐢ 20:12ᐁᑯᓯ ᒥᓇ ᑳ ᑎᐯᔨᐦᒋᑫᐟ ᓂ ᑭ ᑭᓯᐢᑖᐠ ᑭᔭᐋᐧᐤ ᐅᐦᒋ ᒥᓇ ᑭ ᑭᐦᒋᐃᑌᐧᐤ ᐁᑳ ᑭᑕ ᐋᓱᐊᐧᐦᐊᒫᐣ ᒑᕒᑕᐣ, ᐁᑯᓯ ᐁᑳ ᑭᑕ ᐅᑎᐦᑕᒫᐣ ᐊᓂᒪ ᒥᔪ ᐊᐢᑭ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ ᑭᑕ ᑎᐯᔨᐦᑕᒪᐣ. 22ᒫᑲ ᓂ ᑲ ᐳᓂ ᐱᒫᑎᓯᐣ ᐅᑕ ᐊᐢᑭᕽ, ᓇᒪᐃᐧᔭ ᓂ ᑲ ᑭ ᐋᓱᐊᐁᐧᐣ ᒑᕒᑕᐣ; ᒫᑲ ᑭᔭᐋᐧᐤ ᑭ ᑲ ᐋᓱᐊᐁᓈᐋᐧᐤ, ᒥᓇ ᑭ ᑲ ᑎᐯᔨᑌᓈᐋᐧᐤ ᐊᓂᒪ ᑳ ᒥᔮᐧᓯᐠ ᐊᐢᑭ. 23ᐋᔮᑳᐧᒥᓯᐢᑕᒫᓱᐠ ᒫᑲ ᑭᔭᐋᐧᐤ ᐁᑳ ᑭᑕ ᐊᐧᓂᑭᐢᑭᓯᔦᐠ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐊᓂᒪ ᑳ ᑭ ᐅᓯᐦᑕᒫᑯᔦᐠ, ᐁᑯᓯ ᑭᑕ ᐅᓯᐦᑕᒫᓱᔦᐠ ᐁ ᐃᓯᑯᑎᐦᐟ ᓇᐢᐱᓯᒋᑲᐣ ᓈᐣᑕᐤ ᑫᑲᐧᐩ ᐁ ᐃᓯᓈᑳᐧᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭᑕᐦᐊᒫᐢᐠ. 24#ᐦᐃᐸᕒᐅᐊᐧ 12:29ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒣᐢᑎᑲᓱᐁᐧᐠ ᐃᐢᑯᑌᐤ ᐃᑐᐃᐧᐃᐧᐤ, ᐃᓴᐋᐧᓇᑫᔨᒧᐃᐧ ᑭᓭᒪᓂᑐᐃᐧᐤ.
25ᐃᐢᐱ ᐊᑎ ᓂᐦᑖᐃᐧᑭᐊᑖᐧᐃᐧ ᐊᐋᐧᓯᓴᐠ ᒥᓇ ᐊᐋᐧᓯᓴᐠ ᐅᐟ ᐊᐋᐧᓯᒥᓯᐋᐧᐊᐧ, ᒥᓇ ᑭᓀᐧᐢ ᑭ ᐊᔮᔦᑯ ᐁᑯᑕ ᐊᐢᑭᕽ ᓂᓯᐊᐧᓈᒋᐃᓱᔦᑯ ᒫᑲ ᒥᓇ ᐅᓯᐦᐋᔦᑯ ᐁ ᐃᓯᑯᑎᐦᐟ ᓇᐢᐱᓯᒋᑲᐣ ᓈᐣᑕᐤ ᑫᑲᐧᐩ ᐁ ᐃᓯᓈᑲᐧᕽ, ᐁᑯᓯ ᒫᑲ ᐃᑐᑕᒣᑯ ᐊᓂᒪ ᑳ ᒫᔮᑕᕽ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐤ, ᑭᑕ ᑭᓯᐋᐧᐋᔦᐠ. 26ᓂ ᑌᐹᐧᑌᐣ ᑭᓯᐠ ᒥᓇ ᐊᐢᑭ ᑭᑕ ᐋᒋᒥᑯᔦᐠ ᐊᓄᐦᐨ ᑳ ᑭᓯᑳᐠ, ᑭᔨᐸ ᒥᑐᓂ ᑭ ᑲ ᓂᓯᐊᐧᓈᑎᓯᓈᐋᐧᐤ ᐊᓂᑕ ᐊᐢᑭᕽ ᐅᐦᒋ ᑳ ᐃᐧ ᐋᓱᐊᐧᐦᐊᒣᐠ ᒑᕒᑕᐣ ᑭᑕ ᓇᑕᐃᐧ ᑎᐯᔨᐦᑕᒣᐠ; ᓇᒪᐃᐧᔭ ᑭᓀᐧᐢ ᑭ ᑲ ᐱᒫᑎᓯᓈᐋᐧᐤ ᐁᑯᑕ, ᒫᑲ ᒥᑐᓂ ᑭ ᑲ ᓂᓯᐊᐧᓈᑎᓯᓈᐋᐧᐤ. 27#ᑎᔪᑕᕒᐊᓇᒥ 28:36ᑳ ᑎᐯᔨᐦᒋᑫᐟ ᒫᑲ ᑭ ᑲ ᓯᓭᐧᑎᓴᐅᑯᐋᐧᐤ ᐃᑕ ᐁ ᐊᔮᒋᐠ ᐱᑐᓯ ᐊᔨᓯᔨᓂᐊᐧᐠ, ᐁᑯᓯ ᒐᑲᐋᐧᓯᐢ ᑭ ᑲ ᐃᐢᑯᐃᑲᐃᐧᓈᐋᐧᐤ ᐃᑕ ᐁ ᐊᔮᒋᐠ ᐱᑐᐢ ᐊᔨᓯᔨᓂᐊᐧᐠ ᐃᑕ ᑫ ᐃᑐᑕᐃᑯᔦᐠ ᑳ ᑎᐯᔨᐦᒋᑫᐟ. 28ᐁᑯᑕ ᒫᑲ ᑫ ᐊᑐᐢᑲᐋᐧᔦᑯᐠ ᒪᓂᑐᑳᓇᐠ, ᐊᔨᓯᔨᓂᐊᐧᐠ ᐅᓯᐦᒋᑲᓂᐋᐧᐊᐧ, ᒥᐢᑎᐠ ᒥᓇ ᐊᓯᓂ, ᐊᓂᑭ ᐁᑳ ᑳ ᐋᐧᐸᐦᑕᐦᑭᐠ, ᐊᐦᐳ ᐁᑳ ᑳ ᐯᐦᑕᐦᑭᐠ, ᐊᐦᐳ ᐁᑳ ᑳ ᒥᒋᓱᒋᐠ, ᐊᐦᐳ ᐁᑳ ᑳ ᐸᓱᒋᐠ. 29#ᒉᕒᐃᒫᔭ 29:13ᒫᑲ ᑭᐢᐱᐣ ᐁᑯᑕ ᐅᐦᒋ ᑭ ᓇᑐᓇᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭ ᑲ ᒥᐢᑲᐋᐧᐤ, ᑭᐢᐱᐣ ᑭ ᓇᑐᓇᐋᐧᐤ ᒥᓯᐁᐧ ᑭᑌᐦᐃᕽ ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ. 30ᐃᐢᐱ ᐋᔨᒥᓯᐃᐧᓂᕽ ᐊᔮᔭᓂ ᒥᓇ ᑲᐦᑭᔭᐤ ᐅᐦᐃ ᐸᑲᒥᐢᑳᑯᔭᓂ, ᐃᐢᑳᐧᔮᐨ ᐊᑎ ᑲᑭᓯᑳᑭ ᑭᐢᐱᐣ ᑫᐧᐢᑭᐢᑕᐊᐧᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᓇᓇᐃᑕᒪᐧᒋ ᐅᐟ ᐃᑌᐧᐃᐧᐣ. 31ᐊᔨᐢ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᓭᐋᐧᑎᓯᐃᐧ ᑭᓭᒪᓂᑐᐃᐧᐤ; ᓇᒪᐃᐧᔭ ᑭ ᑲ ᐁᐧᐱᓂᐠ ᐊᐦᐳ ᓇᒪᐃᐧᔭ ᑭ ᑲ ᓂᓯᐊᐧᓈᒋᐃᐠ, ᐊᐦᐳ ᓇᒪᐃᐧᔭ ᑭᑕ ᐊᐧᓂᑭᐢᑭᓯᐤ ᑳ ᑭ ᐃᓯ ᐊᓱᑕᒪᐋᐧᐟ ᑯᑖᐃᐧᐋᐧᐊᐧ ᑳ ᑭ ᑭᐦᒋᐃᑖᐟ.
32ᒋᑫᒫ ᐁᑲᐧ ᑲᑫᐧᒋᑕ ᐊᓂᐦᐃ ᑭᓯᑳᐊᐧ ᑳ ᑭ ᒪᔮᐢᑲᒧᐸᔨᑭ, ᐊᓂᐦᐃ ᑳ ᑭ ᐊᔮᑭ ᒪᐧᔦᐢ ᐃᐦᑖᔭᐣ, ᐊᐢᐱᐣ ᐊᓂᒪ ᐁ ᑭᓯᑳᐠ ᑭᓭᒪᓂᑐ ᑳ ᑭ ᐅᓯᐦᐋᐟ ᐊᔨᓯᔨᓂᐊᐧ ᐊᐢᑭᕽ, ᒥᓇ ᐁ ᑭᓯᐱ ᐊᔮᐠ ᑭᓯᐠ ᐅᐦᒋ ᐱᔨᐢ ᑫᐧᐢᑭ ᐁ ᑭᓯᐱ ᐊᔮᐠ, ᑭᐢᐱᐣ ᑳ ᐯ ᐊᔨᑭᓄᑫᐧ ᑫᑲᐧᐩ ᑖᐱᐢᑯᐨ ᐅᒪ ᑭᐦᒋ ᑫᑲᐧᐩ, ᐊᐦᐳ ᑳ ᐃᑎᑖᑲᐧᓄᑫᐧ ᑖᐱᐢᑯᐨ ᐅᒪ? 33ᐃᐧᑳᐨ ᒋ ᐊᔨᓯᔨᓂᐊᐧᐠ ᐯᑕᐁᐧᐊᐧᐠ ᑭᓭᒪᓂᑐᐊᐧ ᐁ ᐊᔭᒥᔨᐟ ᒣᑳᐧ ᐃᐢᑯᑌᕽ ᐅᐦᒋ ᑳ ᑭ ᐃᓯ ᐯᑕᐋᐧᔦᐠ ᐁᑯᓯ ᑭᑕ ᐱᒫᑎᓯᒋᐠ? 34ᐊᐦᐳ ᒋ ᐃᐧᑳᐨ ᑭᓭᒪᓂᑐ ᑭ ᓇᑕᐃᐧ ᐅᑎᓇᒫᓱ ᐁ ᐱᐢᑭᑕᐢᑳᓀᓯᔨᐟ ᐊᔨᓯᔨᓂᐊᐧ ᒣᑳᐧᐨ ᑯᑕᑲ ᐁ ᐱᐢᑭᑕᐢᑳᓀᓯᔨᐟ ᐊᔨᓯᔨᓂᐊᐧ ᐅᐦᒋ, ᐁ ᐋᐸᒋᐦᑖᐟ ᐋᐧᐸᐦᑕᐦᐃᐁᐧᐃᐧᓇ, ᑭᐢᑭᓇᐊᐧᒋ ᐃᓯᐦᒋᑫᐃᐧᓇ, ᒫᒪᐢᑳᒋ ᐃᓯᐦᒋᑫᐃᐧᓇ, ᓄᑎᓂᑫᐃᐧᐣ, ᐁ ᒪᐢᑲᐃᐧᓯᒪᑲᕽ ᒥᒋᐦᒋ, ᒥᓇ ᐁ ᓱᐃᐧᓂᐢᑫᐟ, ᒥᓇ ᑳ ᑭᐦᒋ ᑯᐢᑖᑌᔨᑖᑲᐧᐦᑭ, ᑖᐱᐢᑯᐨ ᑲᐦᑭᔭᐤ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᑭ ᐃᑐᑕᒫᑯᔦᐠ ᐃᒋᑊᐟ ᐊᐢᑭᕽ ᐁ ᐋᐧᐸᐦᑕᒣᐠ? 35#ᒫᕒᐠ 12:32ᑭᔭ ᑭ ᑭ ᐋᐧᐸᐦᑕᐦᐃᑯᐃᐧᐣ, ᑭᑕ ᑭᐢᑫᔨᑕᒪᐣ ᑳ ᑎᐯᔨᐦᒋᑫᐟ ᐃᐧᔭ ᐁ ᑭᓭᒪᓂᑐᐃᐧᐟ, ᓇᒪᐃᐧᔭ ᑯᑕᐠ ᐃᐦᑖᐤ ᐃᐧᔭ ᐱᑯ. 36ᑭᐦᒋᑭᓯᑯᕽ ᑭ ᑭ ᐅᐦᒋ ᐯᐦᑕᒧᐃᐠ ᐅᐟ ᐃᑌᐧᐃᐧᐣ, ᑭᑕ ᑭᐢᑭᓄᐦᐊᒫᐢᐠ; ᒥᓇ ᐊᐢᑭᕽ ᑭ ᑭ ᐋᐧᐸᐦᑕᐦᐃᐠ ᐅ ᑭᐦᒋ ᐃᐢᑯᑌᒼ, ᐁᑯᓯ ᑭ ᑭ ᐯᑕᒫᐧᐣ ᐅᐟ ᐃᑌᐧᐃᐧᐣ ᐃᐢᑯᑌᕽ ᐅᐦᒋ. 37ᒋᑫᒫ ᐁ ᑭ ᓵᑭᐦᐋᐟ ᑯᑖᐃᐧᔭ, ᐁᐊᐧᑯ ᐅᐦᒋ ᑳ ᐋᓂᐢᑫ ᓇᐊᐧᓱᓂᒫᐟ ᐅᐟ ᐊᐋᐧᓯᒥᓯᔨᐊᐧ, ᐁᑯᓯ ᐁ ᑭ ᐯ ᐊᐧᔭᐃᐧᑕᐦᐃᐢᐠ ᐁ ᓄᑯᐦᐃᓱᐢᑖᐢᐠ, ᐊᓯᒋ ᐅ ᑭᐦᒋ ᒪᐢᑲᐃᐧᓯᐃᐧᐣ ᐃᒋᑊᑎᕽ ᐅᐦᒋ; 38ᑭᑕ ᐊᐧᔭᐃᐧᑎᓴᐋᐧᐟ ᑭ ᓂᑳᓂᒥᕽ ᓇᓈᑐᑯᐢᑳᐣ ᐊᔨᓯᔨᓂᐊᐧ ᐊᐊᐧᓯᒣ ᐁ ᑭᐦᒑᔨᐃᐧᔨᐟ ᒥᓇ ᐊᐊᐧᓯᒣ ᐁ ᒪᐢᑲᐃᐧᓯᔨᐟ ᐃᔨᑯᕽ ᑭᔭ, ᑭᑕ ᐱᑐᑲᐦᐃᐢᐠ, ᑭᑕ ᒥᔨᐢᐠ ᐅᐟ ᐊᐢᑭᔨᐤ ᑭᑕ ᑎᐯᔨᐦᑕᒪᐣ ᑳ ᐃᑭᕽ ᐊᓄᐦᐨ ᑳ ᑭᓯᑳᐠ. 39ᑭᐢᑫᔨᑕ ᒫᑲ ᐊᓄᐦᐨ ᑳ ᑭᓯᑳᐠ ᒥᓇ ᒫᒥᑐᓀᔨᑕ ᑭᑌᐦᐃᕽ, ᑳ ᑎᐯᔨᐦᒋᑫᐟ ᐁ ᑭᓭᒪᓂᑐᐃᐧᐟ ᑭᓯᑯᕽ ᐃᐢᐱᒥᕽ ᒥᓇ ᐊᐢᑭᕽ ᓂᐦᒑᔨᕽ; ᓇᒪᐃᐧᔭ ᑯᑕᐠ ᐃᐦᑖᐤ. 40ᑭ ᑲ ᑲᓀᐧᔨᑕᒫᐧᐣ ᒫᑲ ᐅ ᑲᑫᐢᑫᐧᐃᐧᓇ ᒥᓇ ᐅᐟ ᐃᑕᓱᐁᐧᐃᐧᓇ, ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ, ᑭᑕ ᒥᔪᐸᔨᐃᑯᔭᐣ ᒥᓇ ᑭᑕ ᒥᔪᐸᔨᐃᑯᒋᐠ ᑭᐟ ᐊᐋᐧᓯᒥᓴᐠ ᐋᓂᐢᑫ, ᐁᑯᓯ ᑭᓀᐧᐢ ᑭᑕ ᐱᒫᑎᓯᔭᐣ ᐊᓂᑕ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ ᑳᑭᑫ.
41 #
ᒑᐢᔪᐊ 20:8,9 ᐁᑲᐧ ᒧᓯᐢ ᑭ ᐱᐢᑭᐦᑎᓇᒼ ᓂᐢᑐ ᐅᑌᓇᐊᐧ ᐊᑳᒥᕽ ᒑᕒᑕᓂᕽ ᐁ ᓵᑳᐢᑌᐠ ᐃᑌᐦᑫ; 42ᐅᓂᐸᑖᑫᐤ ᐁᑯᑌ ᑭᑕ ᐃᑖᒧᐟ ᐊᓇ ᑳ ᐱᐢᑕᐱᓇᑖᐟ ᐃᐧᒋᐊᔨᓯᔨᓂᐊᐧ, ᐁᑳ ᒫᑲ ᑲᔭᐦᑌ ᑳ ᐸᑳᐧᑖᐟ; ᐁᑯᓯ ᐁ ᐃᑖᒧᐟ ᓂᑯᑖᐧ ᐯᔭᐠ ᐅᐦᐃ ᐅᑌᓇᐊᐧ ᑭᑕ ᐱᒫᑎᓯᐟ. 43ᐁᐊᐧᑯᓂ ᐅᐦᐃ, ᐱᓴᕒ ᐱᑲᐧᑕᐢᑭᕽ, ᒪᐢᑯᑌᕽ ᕒᐅᐱᓇᐃᑕᐠ ᐅᐦᒋ; ᒥᓇ ᕒᐁᒫᐦᐟ ᑭᓬᐃᔭᑎᕽ, ᑳᑕᐃᑕᐠ ᐅᐦᒋ, ᒥᓇ ᑳᓬᐋᐣ ᐯᓵᓂᕽ, ᒪᓈᓴᐃᑕᐠ ᐅᐦᒋ.
44ᐁᐊᐧᑯ ᐅᒪ ᐅᔭᓱᐁᐧᐃᐧᐣ ᒧᓯᐢ ᑳ ᑭ ᐅᔭᐢᑐᐋᐧᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ. 45ᐁᐊᐧᑯᓂ ᐅᐦᐃ ᑭᐢᑫᔨᑕᒧᐦᐃᐁᐧᐃᐧᓇ, ᒥᓇ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᒧᓯᐢ ᑳ ᑭ ᐃᐧᐦᑕᒪᐋᐧᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐃᐢᐱ ᐃᒋᑊᑎᕽ ᐁ ᑭ ᐯ ᐅᐦᒋ ᓯᐯᐧᑌᒋᐠ. 46ᐊᑳᒥᕽ ᒑᕒᑕᓂᕽ, ᐋᐧᔮᒪᑎᓈᕽ ᑎᐱᐢᑯᐨ ᐯᐦᐟ ᐱᐋᕒ, ᐅᐟ ᐊᐢᑭᕽ ᓯᐦᐋᐣ ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐧᐊᐧ, ᐊᓇ ᑳ ᑭ ᐅᐟ ᐃᐦᑖᐃᐧᓂᐟ ᐦᐁᐢᐸᓂᕽ, ᒧᓯᐢ ᒥᓇ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᑭ ᓂᐸᐦᐋᒋᐠ, ᐃᐢᐱ ᐃᒋᑊᑎᕽ ᐁ ᑭ ᐯ ᐅᐦᒋ ᓯᐯᐧᑌᒋᐠ. 47ᐁᑯᓯ ᑭ ᐅᑎᓇᒣᐧᐊᐧᐠ ᐅᐟ ᐊᐢᑭᔨᐤ ᑭᑕ ᑎᐯᔨᐦᑕᑭᐠ ᒥᓇ ᐅᐟ ᐊᐢᑭᔨᐤ ᐊᓂᐦᐃ ᐋᐠ ᑭᐦᒋ ᐅᑭᒫᐊᐧ ᐯᓵᓂᕽ, ᐊᓂᐦᐃ ᐁ ᓂᓯᔨᐟ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ, ᑳ ᑭ ᐊᔮᒋᐠ ᐊᑳᒥᕽ ᒑᕒᑕᓂᕽ ᐁ ᓵᑳᐢᑌᐠ ᐃᑌᐦᑫ. 48ᐋᕒᐅᐊᕒ ᐅᐦᒋ ᑳ ᐊᔮᐠ ᐁ ᐊᑎ ᑭᐸᒪᑎᓈᐠ ᐋᕒᓇᐣ ᐋᐧᔮᒪᑎᓈᐤ, ᐱᔨᐢ ᐃᐢᑯ ᓵᔭᐣ ᐊᐧᒋ (ᐁᐊᐧᑳᐧᓂᒫ ᐦᐊᕒᒪᐣ). 49ᒥᓇ ᒥᓯᐁᐧ ᐊᓂᒪ ᐋᕒᐊᐸ ᐊᑳᒥᕽ ᒑᕒᑕᐣ ᐋᐧᐸᓄᑖᕽ ᐃᑌᐦᑫ, ᐱᔨᐢ ᐃᐢᑯ ᐋᕒᐊᐸ ᓵᑲᐦᐃᑲᐣ ᒋᑭ ᐁ ᐃᐢᑯ ᓂᐦᑖᒪᑎᓈᐠ ᐱᐢᑲ.
Currently Selected:
ᑎᔪᑕᕒᐊᓇᒥ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
