ᑎᔪᑕᕒᐊᓇᒥ 3
3
1ᐁᑲᐧ ᑭ ᑭ ᐊᐧᔪᓂᓈᓇᐤ, ᒥᓇ ᑭ ᑭ ᐊᑎ ᐃᑐᑖᓇᐤ ᐯᓵᐣ ᐃᑌᐦᑫ, ᐊᓇ ᒫᑲ ᐋᐠ, ᐯᓵᐣ ᑭᐦᒋ ᐅᑭᒫᐤ ᑭ ᑭ ᐯ ᒪᐃᐧᓀᐢᑳᑯᓇᐤ, ᐃᐧᔭ ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ, ᑭᑕ ᓄᑎᓂᑯᔭᑯᐠ ᐊᓂᑕ ᐁᑕᕒᐃᐊᐩ. 2ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᓇᒪᐃᐧᔭ ᑭ ᑲ ᑯᐢᑖᐤ; ᒋᑫᒫ ᓂ ᑭ ᐸᑭᑎᓈᐤ ᐃᐧᔭ ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ ᒥᓇ ᐅᐟ ᐊᐢᑭ ᑭᒋᐦᒋᕽ; ᐁᑯᓯ ᑭ ᑲ ᐃᑐᑕᐋᐧᐤ ᑳ ᑭ ᐃᑐᑕᐊᐧᐟ ᓯᐦᐋᐣ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ ᑳ ᑭ ᐅᐟ ᐃᐦᑕᐃᐧᓂᐟ ᐊᓂᑕ ᐦᐁᐢᐸᐣ. 3ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑭ ᐸᑭᑎᓀᐤ ᑭᒋᐦᒋᓈᕽ ᐋᐠ ᒥᓇ, ᐯᓵᐣ ᑭᐦᒋ ᐅᑭᒫᐤ ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ; ᐁᑯᓯ ᑭ ᑭ ᓂᓯᐊᐧᓈᒋᐦᐋᓇᐤ ᐱᔨᐢ ᐁᑳ ᐯᔭᐠ ᐁ ᐃᐢᑯᓇᒫᐦᐟ. 4ᑭ ᑭ ᐅᑎᓇᒫᐧᓇᐤ ᒫᑲ ᑲᐦᑭᔭᐤ ᐅᑌᓇᐊᐧ ᐁᑯᐢᐱ; ᓇᒪᐋᐧᐨ ᐯᔮᐠ ᐅᑌᓇᐤ ᐁᑳ ᑭᑕ ᒪᐢᑲᒫᔭᑯᐠ; ᓂᑯᑖᐧᓱᒥᑕᓇᐤ ᐅᑌᓇᐊᐧ, ᒥᓯᐁᐧ ᐋᕒᑳᑊ ᐊᐢᑭ, ᐅ ᑭᐦᒋ ᐅᑭᒫᐃᐧᐃᐧᐣ ᐋᐠ, ᐯᓵᓂᕽ. 5ᑲᐦᑭᔭᐤ ᐅᐦᐃ ᐅᑌᓇᐊᐧ ᑭ ᒣᓂᐢᑭᑲᒋᑲᑌᐊᐧ ᐁ ᐃᐢᐸᑭ ᒣᓂᑫᐃᐧᓇ, ᐃᐢᑳᐧᑌᒪ ᒥᓇ ᐋᑖᐢᑯᐃᑲᓇ; ᐋᑕᐃᐧᔭ ᒥᓇ ᐁᑳ ᑳ ᒣᓂᐢᑭᑲᑌᑭ ᐅᑌᓇᐊᐧ ᑭᐦᒋ ᒥᐦᒉᐟ. 6ᐁᑯᓯ ᒥᑐᓂ ᑭ ᑭ ᓂᓯᐊᐧᓈᒋᐦᑖᓈᓇᐤ, ᑖᐱᐢᑯᐨ ᑳ ᑭ ᐃᑐᑕᐋᐧᔭᕽ ᓯᐦᐋᐣ, ᐦᐁᐢᐸᐣ ᑭᐦᒋ ᐅᑭᒫᐤ, ᒥᑐᓂ ᐁ ᓂᓯᐊᐧᓈᒋᐦᐋᔭᑯᐠ ᑳ ᐅᐟ ᐃᐦᑖᐃᐧᓂᒋᐠ, ᐊᓯᒋ ᐃᐢᑫᐧᐊᐧᐠ ᒥᓇ ᐊᐋᐧᓯᓴᐠ, 7ᒫᑲ ᑲᐦᑭᔭᐤ ᐱᓯᐢᑭᐊᐧᐠ, ᒥᓇ ᑳ ᐃᐢᑯᑖᔭᕽ ᐅᑌᓈᕽ ᑭ ᑭ ᒪᓂᐊᐧᑌᐢᑕᒫᓱᓈᓇᐤ. 8ᑭ ᑭ ᑫᒋᒋᐦᒉᓈᓇᐊᐧᐠ ᒫᑲ ᐁᑯᐢᐱ ᐊᐢᑭ ᐊᓂᑭ ᐁ ᓂᓯᒋᐠ ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐧᐊᐧ ᐊᑳᒥᕽ ᒑᕒᑕᐣ ᑳ ᐊᔮᒋᐠ, ᐋᕒᓇᐣ ᐋᐧᔮᒪᑎᓈᐤ ᐅᐦᒋ ᐱᔨᐢ ᐦᐊᕒᒪᐣ ᐊᐧᒋᕽ; 9(ᐁᐊᐧᑯ ᐦᐊᕒᒪᐣ, ᓴᐃᑕᓂᐊᓇᐠ ᓯᕒᐃᔭᐣ ᑭ ᐃᓯᔨᐦᑳᑕᒪᐧᐠ, ᐁᑯᓯ ᐋᒪᕒᐊᐃᑕᐠ ᓯᓇᕒ ᑭ ᐃᓯᔨᐦᑳᑕᒪᐧᐠ;) 10ᑲᐦᑭᔭᐤ ᐅᑌᓇᐊᐧ ᒪᐢᑯᑌᕽ, ᒥᓇ ᒥᓯᐁᐧ ᑭᓬᐃᔭᐟ, ᒥᓇ ᒥᓯᐁᐧ ᐯᓵᐣ, ᐃᐢᑯ ᓵᓬᐃᑲ ᒥᓇ ᐁᑕᕒᐃᐊᐩ, ᐅᑌᓇᐊᐧ ᐅ ᑭᐦᒋ ᐅᑭᒫᐃᐧᐃᐧᓂᕽ ᐋᐠ, ᐯᓵᓂᕽ. 11(ᒋᑫᒫ ᐋᐠ, ᐯᓵᐣ ᑭᐦᒋ ᐅᑭᒫᐤ ᐁᐊᐧᑯ ᐱᑯ ᑭ ᐃᐢᑯ ᐁ ᐃᐢᑯᐃᐦᒋᐠ ᒥᐢᑖᐯᐊᐧᐠ; ᒫᑎᑲ; ᐅ ᓂᐯᐃᐧᐣ, ᐱᐋᐧᐱᐢᑯ ᓂᐯᐃᐧᐣ; ᓇᒪᒋ ᐊᐢᑌᐤ ᐊᓂᑕ ᕒᐋᐸ ᑳ ᐅᐟ ᐃᐦᑖᐃᐧᓂᒋᐠ ᐋᒪᐣ ᐅᐟ ᐊᐋᐧᓯᒥᓴ ᑫᑳᐟ ᒥᑖᑕᐦᐟ ᑯᐱᑕ ᑭ ᐃᐢᑳᐧᐤ, ᒥᓇ ᓀᐤ ᑯᐱᑕ ᑭ ᐃᐢᐱᑕᔭᑲᐢᑳᐤ, ᑯᐱᐟ ᑳ ᐃᑕᑭᑌᐠ ᓈᐯᐤ ᐁ ᑎᐱᓂᐢᑳᐋᐧᑕᕽ.) 12ᐅᒪ ᒫᑲ ᐊᐢᑭ ᑭ ᑭ ᐅᑎᓀᓈᓇᐤ ᑭᑕ ᐊᔮᔭᕽ ᐁᑯᐢᐱ; ᐋᕒᐅᐊᕒ ᐅᐦᒋ, ᒋᑭ ᐋᕒᓇᐣ ᐋᐧᔮᒪᑎᓈᕽ ᑳ ᐊᔮᐠ, ᒥᓇ ᐋᐱᑕᐤ ᑳ ᐊᐧᒋᐊᐧᕽ ᑭᓬᐃᔭᐟ ᐊᐢᑭ, ᐁᑯᓯ ᐅᑌᓇᐊᐧ ᐁᑯᑕ ᑳ ᐊᔮᑭ, ᓂ ᑭ ᒥᔮᐊᐧᐠ ᕒᐅᐱᓇᐃᑕᐠ ᒥᓇ ᑳᑕᐃᑕᐠ. 13ᐁᑯᓯ ᐁ ᐃᐢᑯᐸᔨᐠ ᑭᓬᐃᔭᐟ ᒥᓇ ᒥᓯᐁᐧ ᐯᓵᐣ, ᐅ ᑭᐦᒋ ᐅᑭᒫᐃᐧᐃᐧᐣ ᐋᐠ, ᓂ ᑭ ᒥᔮᐋᐧᐠ ᐊᓂᑭ ᐋᐱᑕᐤ ᐅ ᐱᐢᑭᑐᑌᐃᐧᓯᐃᐧᐣ ᒪᓈᓯ; ᒥᓯᐁᐧ ᐋᕒᑳᑊ ᐊᐢᑭ, ᒥᓯᐁᐧ ᐅᑎ ᐯᓵᐣ. (ᐁᐊᐧᑯ ᕒᐃᐯᐃᒼ ᐊᐢᑭ ᐃᓯᔨᐦᑳᑌᐤ. 14ᒉᐊᕒ, ᐅᑯᓯᓴ ᒪᓈᓯ ᑭ ᐅᑎᓇᒼ ᒥᓯᐁᐧ ᐊᓂᒪ ᐋᕒᑳᑊ ᐊᐢᑭ, ᐃᐢᑯ ᑭᐢᔪᕒᐃᑕᐠ ᒥᓇ ᒣᐋᑫᑕᐃᑕᐠ ᐁ ᐅᐟ ᐊᐢᑭᒋᐠ; ᐁᑯᓯ ᑭ ᐃᓯᔨᐦᑳᑕᒼ, ᐯᓵᐣ ᐅᑎ, ᐃᐧᔭ ᐁ ᐃᓯᔨᐦᑳᓱᐟ, ᐦᐋᐹᐦᐟ ᒉᐊᕒ ᐱᔨᐢ ᐊᓄᐦᐨ ᑳ ᑭᓯᑳᐠ.) 15ᐁᑯᓯ ᑭᓬᐃᔭᐟ ᓂ ᑭ ᒥᔮᐤ ᒫᑲᕒ. 16ᐊᓂᑭ ᕒᐅᐱᓇᐃᑕᐠ ᒥᓇ ᐊᓂᑭ ᑳᑕᐃᑕᐠ ᓂ ᑭ ᒥᔮᐊᐧᐠ ᑭᓬᐃᔭᐟ ᐅᐦᒋ ᐋᕒᓇᐣ ᐃᓯ ᐋᐧᔮᒪᑎᓈᕽ, ᑖᐋᐧᔨᕽ ᐋᐧᔮᒪᑎᓇᐤ ᐁᑯᑕ ᐃᐢᑯ ᑭᑕ ᐅᐟ ᐊᐢᑭᒋᐠ; ᐱᔨᐢ ᐊᓂᒪ ᒑᐸᐠ ᓯᐱ, ᐁᑯᑕ ᐃᐢᑯ ᑳ ᐅᐟ ᐊᐢᑭᒋᐠ ᐋᒪᐣ ᐅᐟ ᐊᐋᐧᓯᒥᓴ. 17ᐊᓂᒪ ᐋᕒᐊᐸ ᒥᓇ, ᒥᓇ ᒑᕒᑕᐣ ᐁᑯᑕ ᐃᐢᑯ ᑭᑕ ᐅᐟ ᐊᐢᑭᒋᐠ, ᒋᓇᕒᐁᐦᐟ ᐅᐦᒋ ᐃᐢᑯ ᐁ ᓵᑲᐦᐃᑲᓂᐊᐧᕽ ᐋᕒᐊᐸ, ᐊᓂᒪ ᓯᐃᐧᑖᑲᓂ ᓵᑲᐦᐃᑲᐣ, ᓂᐦᒑᔨᕽ ᐁ ᓂᑖᒪᑎᓈᐠ ᐱᐢᑲ ᐋᐧᐸᓄᑖᕽ.
18 #
ᒑᐢᔪᐊ 1:12-15
ᐁᑯᓯ ᑭ ᑭ ᐃᑕᓱᐋᐧᑎᑎᓈᐋᐧᐤ ᐁᑯᐢᐱ ᐁ ᐃᑌᐧᔮᐣ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᑭ ᒥᔨᑯᐋᐤ ᐅᒪ ᐊᐢᑭ ᑭᑕ ᐊᔮᔦᐠ; ᑭ ᑲ ᐋᓱᐊᐦᐁᓈᐋᐧᐤ ᐁ ᓂᒫᐢᑫᐧᔦᐠ ᐁ ᓂᑳᓄᑕᐋᐧᔦᑯᐠ ᑭᒋᐋᐧᒥᐋᐧᐊᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᑲᐦᑭᔭᐤ ᓈᐯᐊᐧᐠ ᑳ ᓂᐦᑖ ᓄᑎᓂᑫᒋᐠ. 19ᒫᑲ ᑭᐃᐧᐋᐧᐊᐧᐠ, ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ, ᒥᓇ ᑭ ᐱᓯᐢᑭᒥᐋᐧᐊᐧᐠ (ᓂ ᑭᐢᑫᔨᑌᐣ ᐁ ᒥᐦᒉᑎᒋᐠ ᑭ ᐱᓯᐢᑭᒥᐋᐧᐊᐧᐠ), ᑭᑕ ᐊᔮᐋᐧᐠ ᐅᑌᓈᕽ ᑳ ᑭ ᒥᔨᑕᑯᐠ. 20ᐹᑎᒫ ᐃᔨᑯᕽ ᑳ ᑎᐯᔨᐦᒋᑫᐟ ᑭ ᐊᔦᐧᐱᐋᒋ ᑭᒋᐋᐧᒥᐋᐧᐊᐧ ᑖᐱᐢᑯᐨ ᑭᔭᐋᐧᐤ, ᐁᑯᓯ ᐃᐧᔭᐋᐧᐤ ᒥᓇ ᑎᐯᔨᐦᑕᑳᐧᐃᐧ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᒥᔮᐟ ᐁᑳᒥᕽ ᒑᕒᑕᓂᕽ; ᐁᑲᐧ ᑫ ᐯ ᑭᐁᐧᔦᐠ ᑲᐦᑭᔭᐤ ᐊᔨᓯᔨᓂᐤ ᐅ ᑎᐯᔨᒋᑲᓂᕽ, ᑳ ᑭ ᒥᔨᑕᑯᐠ.
21ᐁᑯᓯ ᓂ ᑭ ᐃᑕᓱᐋᐧᑖᐤ ᒑᐢᔪᐊ ᐁᑯᐢᐱ, ᐁ ᐃᑌᐧᔮᐣ, ᑭᐢᑭᓯᑯᕽ ᐅᐦᒋ ᑭ ᑭ ᐋᐧᐸᐦᑌᐣ ᑲᐦᑭᔭᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᐣ ᑳ ᑭ ᐃᑐᑕᐋᐧᐟ ᐊᓂᐦᐃ ᓂᓱ ᑭᐦᒋ ᐅᑭᒫᐊᐧ; ᐁᑯᓯ ᑳ ᑎᐯᔨᐦᒋᑫᐟ ᑫ ᐃᑐᑕᕽ ᑲᐦᑭᔭᐤ ᑭᐦᒋ ᐅᑭᒫᐃᐧᐃᐧᓇ ᐃᑌ ᑳ ᐃᐧ ᐋᓱᐊᐧᐦᐊᒪᐣ. 22ᓇᒪᐃᐧᔭ ᑭ ᑲ ᑯᐢᑖᐊᐧᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᐁᐊᐧᑯ ᑳ ᓄᑎᓂᑫᐢᑕᒫᑯᔦᐠ.
23 #
ᓇᒼᐸᕒᐢ 27:12-14; ᑎᔪᑕᕒᐊᓇᒥ 32:48-52 ᓂ ᑭ ᑳᑭᓯᒧᑐᑕᐋᐧᐤ ᒫᑲ ᑳ ᑎᐯᔨᐦᒋᑫᐟ ᐁᑯᐢᐱ ᐁ ᐃᑌᐧᔮᐣ, 24ᑌᐯᔨᐦᒋᑫᔭᐣ ᑭᓭᒪᓂᑐ, ᑭ ᑭ ᒫᒋ ᐋᐧᐸᐦᑕᐦᐋᐤ ᑭᐟ ᐊᑐᐢᑫᔮᑲᐣ ᑭ ᑭᐦᒑᔨᐃᐧᐃᐧᐣ, ᒥᓇ ᐁᓯ ᒪᐢᑲᐃᐧᓯᒪᑲᕽ ᑭᒋᐦᒋ ᒋᑫᒫ ᑖᓈᓇ ᒪᓂᑐ ᑭᓯᑯᕽ ᐊᐦᐳ ᐊᐢᑭᕽ ᑫ ᑭ ᐃᑐᑕᕽ ᑖᐱᐢᑯᐨ ᑭᔭ ᑭᐟ ᐊᑐᐢᑫᐃᐧᓇ, ᒥᓇ ᑖᐱᐢᑯᐨ ᑭᔭ ᑳ ᓱᑳᔭᐊᐧᑭ ᑭᐟ ᐃᓯᐦᒋᑫᐃᐧᓇ? 25ᑭ ᐸᑯᓭᔨᒥᑎᐣ, ᑭᔮᒼ ᓂ ᑲ ᐋᓱᐊᐁᐣ, ᒥᓇ ᓂ ᑲ ᐋᐧᐸᐦᑌᐣ ᐊᓂᒪ ᑳ ᒥᔮᐧᓯᐠ ᐊᐢᑭ ᐊᑳᒥᕽ ᒑᕒᑕᓂᕽ ᑳ ᐊᔮᐠ, ᐊᓂᒪ ᑳ ᒥᔪᓈᑲᐧᕽ ᐊᐧᒋ ᒥᓇ ᓬᐁᐱᓇᐣ. 26ᒫᑲ ᑳ ᑎᐯᔨᐦᒋᑫᐟ ᓂ ᑭ ᑭᓯᐢᑖᐠ ᑭᔭᐋᐧᐤ ᐅᐦᒋ, ᐁᑯᓯ ᓇᒪᐃᐧᔭ ᓂ ᐃᐧ ᓇᑐᐦᑖᐠ; ᓂ ᑭ ᐃᑎᐠ ᒫᑲ ᑳ ᑎᐯᔨᐦᒋᑫᐟ, ᐁᑯᔨᑯᕽ ᑌᐯᔨᑕ; ᐁᑳᐃᐧᔭ ᐊᐊᐧᓯᒣ ᓈᐣᑕᐤ ᐃᓯᐣ ᐁᐊᐧᑯᒪ ᐅᐦᒋ. 27ᑕᐦᑯᑖᒪᑎᐣ ᐱᐢᑲ ᐃᑐᐦᑌ, ᐁᑯᓯ ᐃᑖᐱ ᓀᑳᐯᐊᓄᑖᕽ, ᒥᓇ ᑭᐁᐧᑎᓄᑖᕽ, ᒥᓇ ᓵᐊᐧᓄᑖᕽ, ᒥᓇ ᐋᐧᐸᓄᑖᕽ, ᐋᐧᐸᐦᑕ ᒫᑲ ᑭᐢᑭᓯᑲᐧ ᐅᐦᒋ; ᒋᑫᒫ ᓇᒪᐃᐧᔭ ᑭ ᑲ ᐋᓱᐊᐁᐣ ᐅᒪ ᒑᕒᑕᐣ. 28ᒫᑲ ᐊᔮᑳᐧᒥᒼ ᒑᐢᔪᐊ, ᒥᓇ ᓯᑭᐢᑲᐤ, ᒥᓇ ᓯᑐᐢᑲᐤ, ᒋᑫᒫ ᐃᐧᔭ ᑭᑕ ᐋᓱᐊᐧᑳᒣᑕᐁᐤ ᐅᐦᐃ ᐊᔨᓯᔨᓂᐊᐧ, ᐁᑯᓯ ᑭᑕ ᒥᔦᐤ ᑭᑕ ᑎᐯᔨᐦᑕᒥᔨᐟ ᐊᓂᒪ ᐊᐢᑭ ᑫ ᐋᐧᐸᐦᑕᒪᐣ. 29ᐁᑯᓯ ᒫᑲ ᑭ ᑭ ᐊᔮᓇᐤ ᐋᐧᔮᒪᑎᓈᕽ ᑎᐱᐢᑯᐨ ᐊᓂᒪ ᐯᐦᐟ ᐱᐋᕒ.
Currently Selected:
ᑎᔪᑕᕒᐊᓇᒥ 3: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
