ᑎᔪᑕᕒᐊᓇᒥ 2
2
1 #
ᓇᒼᐸᕒᐢ 21:4
ᐁᑲᐧ ᑳ ᑭ ᐋᐧᔪᓂᔭᕽ ᐁ ᑭ ᐃᐢᐱᒋᔭᕽ ᐊᓂᑕ ᐱᑲᐧᑕᐢᑭᕽ ᐁ ᐊᑎ ᐃᑐᐦᑌᔭᕽ ᒋᑭ ᒥᐦᑳᐧᑲᒥᐃᐧ ᐃᐧᓂᐯᑯᕽ, ᑳ ᑎᐯᔨᐦᒋᑫᐟ ᐁ ᑭ ᐃᓯᐟ; ᐁᑯᓯ ᑭ ᑭ ᐃᐧᒫᐢᑫᓈᓇᐤ ᓯᔭᕒ ᐊᐧᒋ ᒥᐦᒉᑐᑭᓯᑳᐤ. 2ᑳ ᑎᐯᔨᐦᒋᑫᐟ ᒫᑲ ᓂ ᑭ ᐊᔭᒥᐃᐠ ᐁ ᐃᑌᐧᐟ, 3ᐁᑯᔨᑯᕽ ᑭᓀᐧᐢ ᑭ ᑭ ᐃᐧᒫᐢᑫᓈᐋᐧᐤ ᐅᒪ ᐊᐧᒋ; ᑭᐁᐧᑎᓄᑖᕽ ᐁᑲᐧ ᐃᓯ ᑫᐧᐢᑭᐠ. 4#ᒉᓂᓯᐢ 36:8ᐁᑯᓯ ᐃᑕᓱᐋᐧᓯᐠ ᐊᔨᓯᔨᓂᐊᐧᐠ ᐁ ᐃᑌᐧᔭᐣ, ᑭ ᑲ ᐊᑎ ᑭᑎᐦᑭᐢᑲᒫᐧᓈᐋᐧᐤ ᐅᐟ ᐊᐢᑭᐋᐧᐤ ᑭᒋᐋᐧᒥᐋᐧᐊᐧᐠ ᐅᐟ ᐊᐋᐧᓯᒥᓴ ᐃᓵ, ᑳ ᐅᐟ ᐃᐦᑖᐃᐧᓂᒋᐠ ᓯᔭᕒ; ᐁᑯᓯ ᑭ ᑲ ᑯᐢᑎᑯᐋᐧᐊᐧᐠ; ᒣᔮᑳᐧᒼ ᒫᑲ ᑭᔭᐋᐧᐤ. 5ᐁᑳᐃᐧᔭ ᓈᐣᑕᐤ ᐃᑐᑖᑯᐠ; ᒋᑫᒫ ᓇᒪᐃᐧᔭ ᑭ ᑲ ᒥᔨᑎᓈᐋᐧᐤ ᐅᐟ ᐊᐢᑭᐋᐧᐤ ᐅᐦᒋ, ᓇᒪ, ᓇᒪᐋᐧᐨ ᐁᐢᐱᐦᒋ ᓯᑌᕽ ᐃᔨᑯᕽ; ᒋᑫᒫ ᓯᔭᕒ ᐊᐧᒋ ᓂ ᑭ ᒥᔮᐤ ᐃᓵ ᑭᑕ ᑎᐯᔨᐦᑕᕽ. 6ᓱᓂᔮᐊᐧ ᑭ ᑲ ᐅᐦᒋ ᐊᑖᒫᐋᐧᐊᐧᐠ ᒥᒋᐃᐧᐣ, ᑭᑕ ᒥᒋᓱᔦᐠ; ᒥᓇ ᓱᓂᔮᐊᐧ ᑭ ᑲ ᐅᐦᒋ ᐊᑖᒫᐋᐧᐊᐧᐠ ᓂᐱ ᑭᑕ ᒥᓂᐦᑫᐧᔦᐠ. 7ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑭ ᓴᐁᐧᔨᒥᐠ ᑲᐦᑭᔭᐤ ᑳ ᐃᓯ ᐊᑐᐢᑫᔭᐣ ᑭᒋᐦᒋᕽ; ᑭᐢᑫᔨᑕᒼ ᑭ ᐱᒧᐦᑌᐃᐧᐣ ᐅᑕ ᑭᐦᒋ ᐱᑲᐧᑕᐢᑭᕽ; ᐁᐊᐧᑯ ᐅᒪ ᓀᒥᑕᓇᐤ ᑕᐦᑐ ᐊᐢᑭ ᐁ ᑭ ᐃᐧᒉᐃᐧᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᓇᒪᐃᐧᔭ ᒫᑲ ᑭᑲᐧᐩᑯᐦ ᑭᐧᑕᒫᐣ. 8ᐁᑯᓯ ᒫᑲ ᑭ ᑭ ᒪᔮᐢᑲᐋᐧᓇᐊᐧᐠ ᑭᒋᐋᐧᒥᓇᐊᐧᐠ ᐅᐟ ᐊᐋᐧᓯᒥᓴ ᐃᓵ, ᐁᑯᑕ ᓯᔭᕒ ᑳ ᐊᔮᒋᐠ, ᐁ ᒥᑎᒣᔭᕽ ᐊᓂᒪ ᐋᕒᐊᐸ ᐃᓬᐋᐦᐟ ᐅᐦᒋ ᒥᓇ ᐁᓯᔭᐣ ᑭᐸᕒ.
ᑭ ᑭ ᐋᐧᔪᓄᑖᓇᐤ ᒫᑲ ᐁᑯᓯ ᐁ ᑭ ᐊᑎ ᐃᑐᐦᑌᔭᕽ ᒧᐋᑊ ᐱᑲᐧᑕᐢᑭᕽ. 9#ᒉᓂᓯᐢ 19:37ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᐁᑳᐃᐧᔭ ᒥᑯᐢᑳᒋ ᒧᐋᑊ, ᒥᓇ ᐁᑳᐃᐧᔭ ᓇᑐᐸᔨᐢᑖᑯᐠ; ᒋᑫᒫ ᓇᒪᐃᐧᔭ ᑭ ᑲ ᒥᔨᑎᓈᐋᐧᐤ ᐅᐟ ᐊᐢᑭᐋᐧᐤ ᑭᑕ ᑎᐯᔨᐦᑕᒣᐠ, ᐊᔨᐢ ᐋᕒ ᓂ ᑭ ᒥᔮᐋᐧᐠ ᓬᐋᐟ ᐅᐟ ᐊᐋᐧᓯᒥᓴ ᑭᑕ ᑎᐯᔨᐦᑕᑭᐠ. 10(ᐊᓂᑭ ᐁᒥᒼ ᐁᑯᑕ ᑭ ᐅᐟ ᐃᐦᑖᐃᐧᓂᐊᐧᐠ ᑲᔮᐢ, ᐊᔨᓯᔨᓂᐊᐧᐠ ᐁ ᒥᓯᑭᑎᒋᐠ ᒥᓇ ᐁ ᒥᐦᒉᑎᒋᐠ, ᒥᓇ ᐁ ᑭᓄᑳᐸᐃᐧᒋᐠ, ᑖᐱᐢᑯᐨ ᐁᓈᑭᒼ. 11ᐁᐊᐧᑯᓂᐠ ᒥᓇ ᐅᑭ ᒥᐢᑖᐯᐊᐧᐠ ᑳ ᑭ ᐃᑕᑭᒥᐦᒋᐠ ᑖᐱᐢᑯᐨ ᐊᓂᑭ ᐁᓈᑭᒼ; ᒫᑲ ᐃᐧᔭ ᒧᐊᐸᐃᑕᐠ ᐁᒥᒼ ᑭ ᐃᓯᔨᐦᑳᑌᐊᐧᐠ. 12ᐦᐋᕒᐊᐃᑕᐠ ᒥᓇ ᓯᔭᕒᐃᕽ ᑭ ᐅᐟ ᐊᐢᑭᐊᐧᐠ ᑲᔮᐢ, ᒫᑲ ᐃᓵ ᐅᐟ ᐊᐋᐧᓯᒥᓴ ᑭ ᒥᐢᑯᑎᐢᑲᒫᑲᐧᐠ; ᑭ ᓂᓯᐊᐧᓈᒋᐁᐊᐧᐠ ᒫᑲ ᓂᑳᐣ ᐁᑯᓯ ᑭ ᑖᐱᐢᑲᒪᐁᐧᐊᐧᐠ; ᑖᐱᐢᑯᐨ ᐃᐢᕒᐁᐃᓬ ᑳ ᑭ ᐃᑐᑕᕽ ᐊᓂᒪ ᐊᐢᑭ ᑳ ᑎᐯᔨᐦᑕᕽ, ᑳ ᑎᐯᔨᐦᒋᑫᔨᐟ ᑳ ᑭ ᒥᔨᑯᐟ.) 13ᐁᑲᐧ ᒫᑲ ᐸᓯᑯᐠ ᒥᓇ ᐋᓱᐊᐧᐊᒧᐠ ᓯᐱᓯᐢ ᓯᕒᐁᐟ ᐁᑯᓯ ᑭ ᑭ ᐊᓱᐊᐧᐁᓈᓇᐤ ᓯᐱᓯᐢ ᓯᕒᐁᐟ. 14#ᓇᒼᐸᕒᐢ 14:28-35ᐊᓂᐦᐃ ᒫᑲ ᑭᓯᑳᐊᐧ ᑫᑎᐢ ᐹᕒᓂᔭ ᑳ ᑭ ᐅᐦᒋ ᓯᐯᐧᑌᔭᕽ, ᐱᔨᐢ ᑳ ᐋᓱᐊᐧᐊᒪᕽ ᓯᐱᓯᐢ ᓯᕒᐁᐟ, ᓂᐢᑐᒥᑕᓇᐤ ᒥᓇ ᐊᔨᓈᓀᐤ ᐊᔨᐋᐧᐠ ᑕᐦᑐ ᐊᐢᑭ; ᐱᔨᐢ ᑲᐦᑭᔭᐤ ᐊᓂᑭ ᑳ ᐃᐧᒋᐦᐃᐢᐱᑎᓯᒥᑐᒋᐠ ᐅᓇᑐᐸᔨᐊᐧᐠ ᐁ ᒣᐦᒋᓀᒋᐠ ᒣᑳᐧ ᑲᐯᓯᐃᐧᓂᕽ ᐅᐦᒋ ᑳ ᑎᐯᔨᐦᒋᑫᔨᐟ ᑳ ᑭ ᐃᓯ ᑭᐦᒋᐃᑎᑯᒋᐠ. 15ᐁᑯᓯ ᒋᑫᒫ ᑳ ᑎᐯᔨᐦᒋᑫᐟ ᐅᒋᐦᒋ ᑭ ᐸᑲᒥᐢᑳᑲᐧᐠ ᑭᑕ ᓂᓯᐊᐧᓈᒋᐦᐃᑯᒋᐠ ᒣᑳᐧ ᑲᐯᓯᐃᐧᓂᕽ ᐅᐦᒋ, ᐱᔨᐢ ᑲᐦᑭᔭᐤ ᐁ ᒣᐦᒋᓀᒋᐠ.
16ᑭ ᐊᔨᑭᐣ ᒫᑲ ᐃᐢᐱ ᑲᐦᑭᔭᐤ ᐅᓇᑐᐸᔨᐊᐧᐠ ᑳ ᓂᓯᐊᐧᓈᑎᓯᒋᐠ ᒥᓇ ᐁ ᒣᐦᒋᓀᒋᐠ ᐊᔨᓯᔨᓂᓈᕽ ᐅᐦᒋ, 17ᑳ ᑎᐯᔨᐦᒋᑫᐟ ᓂ ᑭ ᐊᔭᒥᐃᐠ ᐁ ᐃᑌᐧᐟ, 18ᐊᓄᐦᐨ ᑳ ᑭᓯᑳᐠ ᑭ ᑲ ᑭᑎᐦᑭᐢᑫᐣ ᐋᕒ ᐁ ᐃᐢᑯ ᐊᔮᐟ ᒧᐋᑊ; 19#ᒉᓂᓯᐢ 19:38ᐃᐢᐱ ᒫᑲ ᑎᐱᐢᑯᑎᐢᑲᐊᐧᑖᐧᐃᐧ ᐋᒪᐣ ᐅᐟ ᐊᐋᐧᓯᒥᓴ ᐁᑳᐃᐧᔭ ᒥᑯᐢᑳᒋᐃᐠ, ᒥᓇ ᐁᑳᐃᐧᔭ ᓄᑎᓂᐠ; ᒋᑫᒫ ᓇᒪᐃᐧᔭ ᑭ ᑲ ᒥᔨᑎᐣ ᐅᐟ ᐊᐢᑭᐋᐧᐤ ᐊᓂᑭ ᐋᒪᐣ ᐅᐟ ᐊᐋᐧᓯᒥᓴ ᑭᑕ ᑎᐯᔨᐦᑕᒪᐣ; ᐊᔨᐢ ᓂ ᑭ ᒥᔮᐊᐧᐠ ᐅᐟ ᐊᐋᐧᓯᒥᓴ ᓬᐋᐟ ᑭᑕ ᑎᐯᔨᐦᑕᑭᐠ. 20(ᐁᐊᐧᑯ ᒥᓇ ᒥᐢᑖᐯᐊᐧᐢᑭ ᑭ ᐃᒋᑳᑌᐤ; ᒥᐢᑖᐯᐊᐧᐠ ᑲᔮᐢ ᐁᑯᑕ ᑭ ᐅᐟ ᐊᐢᑭᐊᐧᐠ; ᐋᒪᓇᐃᑕᐠ ᒫᑲ ᓵᒼᓴᒥᒼ ᑭ ᐃᓯᔨᐦᑳᑌᐊᐧᐠ; 21ᐊᔨᓯᔨᓂᐊᐧᐠ ᐁ ᒥᓯᑭᑎᒋᐠ ᒥᓇ ᐁ ᒥᐦᒉᑎᒋᐠ ᒥᓇ ᐁ ᑭᓄᑳᐸᐃᐧᒋᐠ, ᑖᐱᐢᑯᐨ ᐊᓂᑭ ᐁᓈᑭᒼ; ᒫᑲ ᑳ ᑎᐯᔨᐦᒋᑫᐟ ᑭ ᓂᓯᐊᐧᓈᒋᐁᔨᐊᐧ ᐅ ᓂᑳᓂᒥᐋᐧᕽ; ᐁᑯᓯ ᑭ ᒥᐢᑯᑎᐢᑲᒪᐁᐧᐊᐧᐠ ᒥᓇ ᑭ ᐅᐟ ᐃᐦᑖᐃᐧᓂᐊᐧᐠ ᐁ ᑖᐱᐢᑲᒪᐋᐧᒋᐠ. 22ᐁᑯᓯ ᑳ ᑭ ᐃᑐᑕᒪᐋᐧᐟ ᐃᓵ ᐅᐟ ᐊᐋᐧᓯᒥᓴ, ᓯᔭᕒ ᑳ ᐅᐟ ᐃᐦᑖᐃᐧᓂᔨᐟ ᐃᐢᐱ ᐁ ᓂᓯᐊᐧᓈᒋᐦᐋᐟ ᐊᓂᐦᐃ ᐦᐋᕒᐊᐃᑕ ᐅ ᓂᑳᓂᒥᔨᕽ; ᐁᑯᓯ ᑳ ᑭ ᒥᐢᑯᑎᐢᑲᒪᐋᐧᒋᐠ ᒥᓇ ᑳ ᑭ ᐅᐟ ᐃᐦᑖᐃᐧᓂᒋᐠ ᐁ ᑖᐱᐢᑲᒪᐋᐧᒋᐠ ᐱᔨᐢ ᐊᓄᐦᐨ ᑳ ᑭᓯᑳᐠ; 23ᒥᓇ ᐊᓂᐦᐃ ᐋᐱᒼ ᑳ ᑭ ᐅᐟ ᐃᐦᑖᐃᐧᓂᒋᐠ ᑭᐢᑕᐱᓈᓂᕽ ᑫᓴ ᐃᐢᑯ, ᐊᓂᐦᐃ ᑳᑊᑕᕒᐃᒼ, ᑳᑊᑕᕒ ᑳ ᑭ ᐯ ᐅᐦᒋᒋᐠ, ᑭ ᓂᓯᐊᐧᓈᒋᐃᑲᐧᐠ, ᒥᓇ ᑭ ᐅᐟ ᐃᐦᑖᐃᐧᓂᔨᐊᐧ ᐁ ᑖᐱᐢᑲᒫᑯᒋᐠ.)
24ᐸᓯᑯᐠ ᐁᑲᐧ, ᓯᐯᐧᐱᒋᐠ, ᐋᓱᐊᐦᐊᒧᐠ ᐋᕒᓇᐣ ᐋᐧᔮᒪᑎᓈᐤ ᒫᑎᑲ, ᓂ ᑭ ᐸᑭᑎᓈᐤ ᑭᒋᐦᒋᕽ ᓯᐦᐋᐣ ᐊᓇ ᐋᒪᕒᐊᐃᐟ, ᐦᐁᐢᐸᐣ ᑭᐦᒋ ᐅᑭᒫᐤ, ᒥᓇ ᐅᐟ ᐊᐢᑭ; ᓯᐯᐧ ᑎᐯᔨᐦᑕᒧᐠ ᒥᓇ ᓇᑐᐸᔨᐢᑖᕽ. 25ᐊᓄᐦᐨ ᑳ ᑭᓯᑳᐠ ᓂ ᑲ ᐃᑕᐢᑖᐣ ᑭᑕ ᒫᒋ ᐊᐢᑖᐦᐊᒋᐠ ᒥᓇ ᑭᑕ ᑯᐢᑎᐢᑭᐠ ᑲᐦᑭᔭᐤ ᐊᔨᓯᔨᓂᐊᐧᐠ ᓯᐹ ᑭᓯᑯᕽ ᑳ ᐊᔮᒋᐠ ᐯᑕᑳᐧᐃ ᐁ ᐋᒋᒥᑲᐃᐧᔭᐣ, ᑭᑕ ᓇᓇᒥᐸᔨᐊᐧᐠ, ᒥᓇ ᑭᑕ ᒥᑯᐢᑳᑌᔨᑕᒪᐧᐠ ᑭᔭ ᐅᐦᒋ.
26ᓂ ᑭ ᐃᓯᑎᓴᐦᐊᒪᐋᐧᐤ ᒫᑲ ᐅᑖᒋᒧᐊᐧ ᑭᑎᒫᐦᐟ ᐱᑲᐧᑕᐢᑭᕽ ᐅᐦᒋ ᐊᓇ ᓯᐦᐋᐣ ᐦᐁᐢᐸᐣ ᑭᐦᒋ ᐅᑭᒫᐤ ᐃᐧᑕᐢᑭᑐᐃᐧ ᐊᔭᒥᐃᐧᓇ ᐁ ᐃᑌᐧᐊᑭᐠ, 27ᑭᔮᒼ ᓂ ᑲ ᓵᐳ ᐱᒧᐦᑖᐣ ᑭᐟ ᐊᐢᑭᕽ; ᑭᐦᒋᒣᐢᑲᓈᕽ ᓂ ᑲ ᐱᒧᐦᑖᐣ, ᓇᒪᐃᐧᔭ ᓂ ᑲ ᑫᐧᐢᑭᐣ ᑭᐦᒋᓂᐢᑭᕽ ᐃᑌᐦᑫ ᐊᐦᐳ ᓇᒪᑎᓂᕽ ᐃᑌᐦᑫ. 28ᑭ ᑲ ᐊᑖᒥᑎᐣ ᒥᒋᐃᐧᐣ ᓱᓂᔮᐤ ᐅᐦᒋ ᑭᑕ ᒥᒋᔭᐣ; ᒥᓇ ᑭ ᑲ ᒥᔨᐣ ᓂᐱ ᓱᓂᔮᐤ ᐅᐦᒋ ᑭᑕ ᒥᓂᐦᑫᐧᔮᐣ; ᐃᔨᓇᒪᐃᐧᐣ ᑌᐱᔮᕽ ᑭᑕ ᓵᐳ ᐱᒧᐦᑌᔮᐣ. 29ᑖᐱᐢᑯᐨ ᐃᓵ ᐅᐟ ᐊᐋᐧᓯᒥᓴ ᓯᔭᕒ ᑳ ᐅᐟ ᐃᐦᑖᐃᐧᓂᒋᐠ, ᒥᓇ ᒧᐊᐸᐃᑕᐠ ᑳ ᐅᐟ ᐃᐦᑖᐃᐧᓂᒋᐠ ᐊᓂᑕ ᐋᕒ, ᑳ ᑭ ᐃᑕᑐᐃᐧᒋᐠ; ᐱᔨᐢ ᑭᑕ ᐋᓱᐊᐧᐦᐊᒫᐣ ᒑᕒᑕᐣ ᑭᑕ ᐃᑐᐦᑌᔮᐣ ᐊᐢᑭᕽ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑳ ᑭ ᒥᔨᑯᔮᕽ. 30ᒫᑲ ᓯᐦᐋᐣ, ᐦᐁᐢᐸᐣ ᑭᐦᒋ ᐅᑭᒫᐤ ᓇᒪᐃᐧᔭ ᓂ ᑭ ᐃᔨᓇᒫᑯᓈᐣ ᑭᑕ ᒪᔮᐢᑲᐋᐧᔮᕽ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᒪᐢᑲᐃᐧᐃᒣᐤ ᐅᐟ ᐊᐦᒑᐦᑯᔨᐊᐧ, ᒥᓇ ᑭ ᒪᐢᑲᐃᐧᑌᐦᐁᐁᐤ, ᑭᑕ ᐸᑭᑎᓈᐟ ᑭᒋᐦᒋᕽ, ᑳ ᐃᓯ ᐊᔮᐠ ᐊᓄᐦᐨ ᑳ ᑭᓯᑳᐠ. 31ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᒫᑎᑲ, ᓂ ᑭ ᓯᐯᐧ ᐸᑭᑎᓈᐤ ᓯᐦᐋᐣ ᒥᓇ ᐅᐟ ᐊᐢᑭ ᑭ ᓂᑳᓂᒥᕽ; ᓯᐯᐧ ᑎᐯᔨᐦᑕ, ᑭᑕ ᐅ ᑎᐯᔨᒋᑲᓂᐊᐧᐟ ᐅᐟ ᐊᐢᑭ. 32ᐁᑲᐧ ᓯᐦᐋᐣ ᑭ ᑭ ᐯ ᒪᐃᐧᓀᐢᑳᑯᓇᐤ ᐃᐧᔭ ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ, ᐁ ᓄᑎᓂᑯᔭᑯᐠ ᐊᓂᑕ ᒉᐦᐋᐢ. 33ᑳ ᑎᐯᔨᐦᒋᑫᐟ ᒫᑲ ᑭ ᑭᓭᒪᓂᑐᒥᓇᐤ ᑭ ᐸᑭᑎᓀᐤ ᑭ ᓂᑳᓂᒥᓈᕽ; ᐁᑯᓯ ᑭ ᑭ ᓂᐸᐦᐋᓇᐤ, ᒥᓇ ᐅᑯᓯᓴ, ᒥᓇ ᑲᐦᑭᔭᐤ ᐅᐟ ᐊᔨᓯᔨᓂᒪ. 34ᑭ ᑭ ᐅᑎᓇᒫᐧᓇᐤ ᒫᑲ ᑲᐦᑭᔭᐤ ᐅᑌᓇᐊᐧ ᐁᑯᐢᐱ, ᐁᑯᓯ ᐁ ᑭ ᓂᓯᐊᐧᓈᒋᐦᐋᔭᑯᐠ ᐊᔨᓯᔨᓂᐊᐧᐠ ᐅᑌᓈᕽ, ᐃᐢᑫᐧᐊᐧᐠ ᒥᓇ ᐅᐟ ᐊᐋᐧᓯᒥᓯᐋᐧᐊᐧ, ᓇᒪᐋᐧᐨ ᑫᑲᐧᐩ ᑭᐟ ᐃᐢᑯᑖᓇᐤ. 35ᐱᑯ ᐱᓯᐢᑭᐊᐧᐠ ᑭ ᑭ ᒪᓂᐊᐧᑖᓇᐤ, ᒥᓇ ᐅᑌᓇᐊᐧ ᑳ ᑭ ᒪᓂᐊᐧᑖᑕᒪᕽ. 36ᐋᕒᐅᐊᕒ ᐅᐦᒋ ᐊᓂᒪ ᑳ ᐊᔮᐠ ᐃᑕ ᐁ ᐱᒥᒋᐊᐧᕽ ᐋᕒᓇᐣ ᓯᐱ, ᒥᓇ ᐊᓂᒪ ᐅᑌᓇᐤ ᐅᐦᒋ ᐋᐧᔮᒪᑎᓈᕽ ᑳ ᐊᔮᐠ, ᑭᓬᐃᔭᐟ ᐃᐢᑯ, ᓇᒪᐋᐧᐨ ᐯᔭᐠ ᐅᑎᓇᐤ ᐅᓵᒼ ᑭ ᐃᐢᐸᐤ; ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑲᐦᑭᔭᐤ ᑭ ᑭ ᐸᑭᑎᓇᒫᑯᓇᐤ. 37ᐱᑯ ᐅᐟ ᐊᐢᑭᐋᐧᐤ ᐊᓂᑭ ᐋᒪᐣ ᐅᐟ ᐊᐋᐧᓯᒥᓴ ᓇᒪᐃᐧᔭ ᑯᐦ ᐯᓵᐧᐸᑕᒫᐧᓈᐋᐧᐤ; ᒥᓯᐁᐧ ᓯᓱᓀ ᒑᐸᐠ ᓯᐱ, ᒥᓇ ᐊᓂᐦᐃ ᐅᑌᓇᐊᐧ ᐊᐧᒋᕽ, ᒥᓇ ᐱᑯ ᐃᑕ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᐁ ᑭᑕᐦᐊᒫᑯᔭᕽ.
Currently Selected:
ᑎᔪᑕᕒᐊᓇᒥ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
