ᑎᔪᑕᕒᐊᓇᒥ 17
17
1ᓇᒪᐃᐧᔭ ᑭ ᑲ ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁ ᐸᑭᑎᓈᓱᔭᐣ ᒧᐢᑐᐢ, ᐊᐦᐳ ᒫᔭᑎᕽ, ᑳ ᒫᐢᑭᓯᐟ, ᐊᐦᐳ ᓈᐣᑕᐤ ᐁ ᐃᓯ ᒫᔨᓈᑯᓯᐟ; ᒋᑫᒫ ᐁᐊᐧᑫᐧᔨᐤ ᐸᑳᐧᑕᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.
2ᑭᐢᐱᐣ ᑭᑕ ᒥᐢᑲᐋᐧᐤ ᒣᑳᐧᐨ ᑳ ᐊᔮᔦᐠ, ᐱᐦᒋ ᓈᐣᑕᐤ ᑭ ᑭᐦᒋᐃᐢᑳᐧᑌᒥᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ, ᓈᐯᐤ ᐊᐦᐳ ᐃᐢᑫᐧᐤ, ᑳ ᐃᑐᑕᕽ ᐊᓂᒪ ᑳ ᒫᔮᑕᓂᔨᐠ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐁ ᐊᐧᓂᑐᑕᒫᐧᐟ ᐅ ᐃᒋᐃᓯᒋᑫᒥᑐᐃᐧᐣ, 3#ᐁᐠᓴᑕᐢ 22:20ᐁᑯᓯ ᑭ ᓇᑕᐃᐧ ᐊᑐᐢᑲᐊᐧᒋ ᑯᑕᑲ ᒪᓂᑐᐊᐧ, ᒥᓇ ᑭ ᑳᑭᓯᒧᑐᑕᐋᐧᒋ, ᐊᐦᐳ ᑭᓯᑳᐃᐧᐱᓯᒪᐧ, ᐊᐦᐳ ᑎᐱᐢᑳᐃᐧᐱᓯᒪᐧ, ᐊᐦᐳ ᓈᐣᑕᐤ ᑳ ᐅᓵᒣᔭᑎᔨᐟ ᑭᓯᑯᕽ, ᐁᑳ ᓂᔭ ᑳ ᑭ ᐃᑕᓱᐁᐧᔮᐣ; 4ᑭᐢᐱᐣ ᒫᑲ ᐃᐧᐦᑕᒫᑲᐃᐧᔭᓂ, ᐁᑯᓯ ᑭ ᐯᑕᒪᓂ, ᐁᑲᐧ ᑭ ᑲ ᐋᐦᑲᒥ ᑲᑫᐧᒋᑫᒧᐣ, ᐁᑯᓯ ᐳᑎ, ᑭᐢᐱᐣ ᑖᐯᐧ, ᒥᓇ ᑫᐦᒋᓈᔦᔨᑖᑲᐧᐣ ᐁᑯᑐᐃᐧ ᑳ ᐸᑳᐧᑎᑲᐧᕽ ᐁ ᐃᑐᒋᑳᑌᐠ ᐃᐢᕒᐁᐃᓬᐃᕽ; 5ᐁᑲᐧ ᑭ ᑲ ᐃᑐᑕᐋᐤ ᐊᓇ ᓈᐯᐤ ᐊᐦᐳ ᐊᓇ ᐃᐢᑫᐧᐤ ᑭ ᑭᐦᒋᐃᐢᑲᐧᑌᒥᕽ, ᐊᓇ ᐅᑎ ᓈᐯᐤ ᐊᐦᐳ ᐊᓇ ᐃᐢᑫᐧᐤ, ᐁᑯᓯ ᑭ ᑲ ᐱᒫᐧᐱᐢᑲᐋᐧᐊᐧᐠ ᐊᓯᓂᔭ ᑭᑕ ᓂᐱᒋᐠ. 6#ᓇᒼᐸᕒᐢ 35:30; ᑎᔪᑕᕒᐊᓇᒥ 19:15; ᒫᐟᔪ 18:16; 2 ᑲᕒᐃᐣᑎᔭᓇ 13:1; 1 ᑎᒪᑏ 5:19; ᐦᐃᐸᕒᐅᐊᐧ 10:28ᐁ ᐃᑌᐧᒋᐠ ᓂᓱ ᐅᑖᒋᒧᐊᐧᐠ ᐊᐦᐳ ᓂᐢᑐ ᐅᑖᒋᒧᐊᐧᐠ, ᑭᑕ ᓂᐸᐦᐋᐤ ᐊᓇ ᑳ ᑲᐢᑭᑕᒫᓱᐟ ᑭᑕ ᓂᐱᐟ; ᐁ ᐃᑌᐧᔨᐟ ᐯᔭᐠ ᐅᑖᒋᒧᐊᐧ ᓇᒪᐃᐧᔭ ᑭᑕ ᓂᐸᐦᐋᐤ. 7#1 ᑲᕒᐃᐣᑎᔭᓇ 5:13ᐅᒋᐦᒋᔨᐊᐧ ᐅᑖᒋᒧᐊᐧ ᓂᑳᐣ ᑭᑕ ᓵᒥᓂᐠ ᑭᑕ ᓂᐸᐦᐃᑯᐟ ᐁᑲᐧ ᒫᑲ ᐅᒋᐦᒋᔨᐊᐧ ᑲᐦᑭᔭᐤ ᐊᔨᓯᔨᓂᐊᐧ, ᐁᑯᓯ ᒫᑲ ᑭ ᑲ ᐃᓯ ᐃᑲᑌᓇᒫᓱᐣ ᒪᒑᔨᐃᐧᐣ.
8ᑭᐢᐱᐣ ᓈᐣᑕᐤ ᑫᑲᐧᐩ ᐸᓯᑯᒪᑲᐦᑭ ᐅᓵᒼ ᐁ ᐋᔨᒪᕽ ᑭᔭ ᑭᑕ ᐅᔭᓱᐋᐧᑕᒪᐣ ᒥᐦᑯ ᐋᔨᑕᐤ, ᐱᑭᐢᑫᐧᐢᑕᒫᓱᐃᐧᐣ ᐋᔨᑕᐤ, ᐸᑲᒪᑫᐃᐧᐣ ᐋᔨᑕᐤ, ᐃᑕᓯ ᐊᐧᐋᐧᓀᔨᑖᑲᐧᐦᑭ ᐱᐦᒋ ᑭ ᑭᐦᒋᐃᐢᑳᐧᑌᒥᕽ; ᐁᑲᐧ ᑭ ᑲ ᐸᓯᑯᐣ, ᒥᓇ ᑭ ᑲ ᐃᑐᑕᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ. 9ᑭ ᑲ ᓈᑖᐊᐧᐠ ᒫᑲ ᐊᓂᑭ ᐊᔭᒥᐦᐁᐃᐧᔨᓂᐊᐧᐠ ᓬᐃᐸᐃᑕᐠ, ᒥᓇ ᐊᓇ ᐅᔭᓱᐁᐧᑭᒫᐤ ᐁᑯᑕ ᑫ ᐊᔮᐠ ᐁᑯᐢᐱ ᑲᑭᓯᑳᑭ; ᐁᑯᓯ ᑭ ᑲ ᑲᑫᐧᒋᑫᒧᐣ; ᑭ ᑲ ᐋᐧᐸᐦᑕᐦᐃᑲᐧᐠ ᒫᑲ ᐁᑌᐧᒪᑲᕽ ᐅᔭᓱᐋᐧᓯᐁᐧᐃᐧᐣ; 10ᐁᑯᓯ ᑭ ᑲ ᐃᑐᑌᐣ ᐁ ᐃᑌᐧᒪᑲᕽ ᑫ ᐋᐧᐸᐦᑕᐦᐃᐢᑭᐠ ᐁᑯᑕ ᐅᐦᒋ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ; ᑭ ᑲ ᓈᑲᑌᔨᑌᐣ ᒫᑲ ᑭᑕ ᐃᑐᑕᒪᐣ ᐁ ᐃᑕᐢᑌᐠ ᑲᐦᑭᔭᐤ ᐊᓂᒪ ᑫ ᑭᐢᑭᓄᐦᐊᒫᐢᑭᐠ; 11ᐁ ᐃᑕᐢᑌᐠ ᐊᓂᒪ ᐅᔭᓱᐁᐧᐃᐧᐣ ᑫ ᑭᐢᑭᓄᐦᐊᒫᐢᑭᐠ, ᒥᓇ ᐁ ᐃᑕᐢᑌᐠ ᐊᓂᒪ ᐅᔭᓱᐋᐧᓯᐁᐧᐃᐧᐣ ᑫ ᐃᐧᐦᑕᒫᐢᑭᐠ, ᐁᑯᓯ ᑫ ᐃᑐᑕᒪᐣ; ᓇᒪᐃᐧᔭ ᐅᐦᐱᒣ ᑭ ᑲ ᐃᑐᐦᑖᐣ ᐊᓂᒪ ᐁᑌᐧᒪᑲᕽ ᑫ ᐋᐧᐸᐦᑕᐦᐃᐢᑭᐠ, ᑭᐦᒋᓂᐢᑭᕽ ᐃᑌᐦᑫ, ᐊᐦᐳ ᓇᒪᑎᓂᕽ ᐃᑌᐦᑫ. 12ᐊᓇ ᒫᑲ ᐊᔨᓯᔨᓂᐤ ᐋᐦᒋ ᑫ ᐃᑐᑕᕽ, ᐁᑳ ᐁ ᐃᐧ ᓇᑐᐦᑕᐋᐧᐟ ᐊᔭᒥᐦᐁᐃᐧᔨᓂᐊᐧ ᑳ ᓂᐸᐃᐧᔨᐟ ᐁᑯᑕ ᑭᑕ ᐊᑐᐢᑫᔨᐟ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ, ᐊᐦᐳ ᐊᓂᐦᐃ ᐅᔭᓱᐁᐧᐃᐧᔨᓂᐊᐧ, ᐁᐊᐧᑳᐧᓇ ᐊᔨᓯᔨᓂᐤ ᑭᑕ ᓂᐱᐤ; ᐁᑯᓯ ᐊᓂᒪ ᒪᒐᔨᐃᐧᐣ ᑭ ᑲ ᐃᑲᑌᓀᐣ ᐃᐢᕒᐁᐃᓬ ᐅᐦᒋ. 13ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭᑕ ᐯᐦᑕᒪᐧᐠ, ᒥᓇ ᑭᑕ ᐊᐢᑖᓯᐊᐧᐠ ᐁᑯᓯ ᓇᒪᐃᐧᔭ ᐅᐦᒋᑕᐤ ᑭᑕ ᑳᓯᐢᐳ ᐃᓯᐦᒋᑫᐊᐧᐠ.
14 #
1 ᓵᒼᔪᐃᓬ 8:5
ᐃᐢᐱ ᐅᑎᑕᒪᓂ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ, ᒥᓇ ᑎᐯᔨᐦᑕᒪᓂ, ᒥᓇ ᐁᑯᑕ ᐅᐟ ᐃᐦᑖᐃᐧᓂᔭᓂ; ᐁᑯᓯ ᐃᑌᐧᔭᓂ, ᓂ ᑲ ᐅᑎᓈᐤ ᑭᐦᒋ ᐅᑭᒫᐤ ᑭᑕ ᑎᐯᔨᒥᐟ, ᑖᐱᐢᑯᐨ ᑲᐦᑭᔭᐤ ᓇᓈᑐᑯᐢᑳᐣ ᐊᔨᓯᔨᓂᐊᐧ ᑳ ᐋᐧᐢᑳᐢᑲᐃᐧᒋᐠ. 15ᐅᐦᒋᑕ ᐱᑯ ᑭ ᑲ ᐅᑎᓈᐤ ᑭᑕ ᐅ ᑭᐦᒋ ᐅᑭᒫᒥᔭᐣ, ᐊᓂᐦᐃ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓈᐟ; ᐯᔭᐠ ᑭᒋᐋᐧᒪᐠ ᐅᐦᒋ ᑭ ᑲ ᐅᑎᓈᐤ ᑭᑕ ᐅ ᑭᐦᒋ ᐅᑭᒫᒥᔭᐣ; ᓇᒪᐃᐧᔭ ᐁ ᐊᔭᑕᐢᑳᓀᓯᐟ ᑭ ᑲ ᐅᑎᓈᐤ ᑭᑕ ᑎᐯᔨᒥᐢᐠ, ᐊᓇ ᐁᑳ ᐁ ᐅᒋᐋᐧᒥᔭᐣ. 16#1 ᑭᐦᒋ ᐅᑭᒫᐊᐧᐠ 10:28; 2 ᐊᑭᓀ ᐋᒋᒧᐃᐧᓇ 1:16; 9:28ᒫᑲ ᓇᒪᐃᐧᔭ ᑭᑕ ᒫᐊᐧᒋᑕᒫᓱ ᒥᐢᑕᑎᒪᐧ, ᐊᐦᐳ ᓇᒪᐃᐧᔭ ᑭᑕ ᑭᐁᐧᑎᓴᐁᐧᐤ ᐊᔨᓯᔨᓂᐊᐧ ᐃᒋᑊᑎᕽ, ᑭᑕ ᐅᐦᒋ ᒥᐦᒉᑐᐋᐟ ᒥᐢᑕᑎᒪᐧ; ᐊᔨᐢ ᑳ ᑎᐯᔨᐦᒋᑫᐟ ᑭ ᑭ ᐃᑎᑯᐋᐧᐤ, ᓇᒪᐃᐧᔭ ᑳᐃᐧ ᒥᓇ ᐁᑯᑌ ᑭ ᑲ ᐃᓯ ᑭᐋᓈᐋᐧᐤ. 17#1 ᑭᐦᒋ ᐅᑭᒫᐊᐧᐠ 11:1-8; 1 ᑭᐦᒋ ᐅᑭᒫᐊᐧᐠ 10:14-22,27; 2 ᐊᑭᓀ ᐋᒋᒧᐃᐧᓇ 1:15; 9:27ᐊᐦᐳ ᓇᒪᐃᐧᔭ ᑭᑕ ᒥᐦᒉᑐᐢᑫᐧᐁᐧᐤ, ᐁᑳ ᑭᑕ ᑫᐧᐢᑭᓇᒫᑯᐟ ᐅᑌᐦ; ᒥᓇ ᓇᒪᐃᐧᔭ ᒥᐢᑕᐦᐃ ᑭᑕ ᒥᐦᒉᑐᐦᑕᒫᓱ ᐋᐧᐱᐢᑭᓱᓂᔮᐊᐧ ᐊᐦᐳ ᐅᓵᐃᐧᓱᓂᔮᐊᐧ. 18ᑭᑕ ᐃᐦᑭᐣ ᒫᑲ ᐃᐢᐱ ᐊᐱᒋ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᐅᐟ ᐅᑌᓇᐃᐧᐃᐧᓂᕽ, ᑭᑕ ᒪᓯᓇᐦᐊᒫᓱ ᐅᒪ ᐅᔭᓱᐁᐧᐃᐧᐣ ᒪᓯᓇᐦᐃᑲᓂᕽ, ᐁ ᑖᐸᓯᓇᐊᕽ ᐊᓂᒪ ᐅᐦᒋ ᑳ ᑲᓇᐋᐧᐸᐦᑕᑭᐠ ᐊᔭᒥᐦᐁᐃᐧᔨᓂᐊᐧᐠ ᓬᐃᐸᐃᑕᐠ. 19ᑭᑕ ᑭᑭᐤ ᒫᑲ ᐁᑯᓯ ᑭᑕ ᐊᔭᒥᑖᐤ ᑕᐦᑐ ᑭᓯᑳᐤ ᐃᔨᑯᕽ ᑫ ᐱᒫᑎᓯᐟ; ᑭᑕ ᑭᐢᑫᔨᑕᕽ ᑭᑕ ᑯᓯᑫᐧᔨᒫᐟ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ, ᑭᑕ ᑲᓀᐧᔨᑕᕽ ᑲᐦᑭᔭᐤ ᐁ ᐃᑌᐧᒪᑲᕽ ᐅᒪ ᐅᔭᓱᐁᐧᐃᐧᐣ ᒥᓇ ᐅᐦᐃ ᑲᑫᐢᑫᐧᐃᐧᓇ ᑭᑕ ᐃᑐᑕᕽ; 20ᐁᑳ ᑭᑕ ᐊᔨᐋᐧᑫᔨᒥᓱᐢᑖᐋᐧᐟ ᐅᒋᐋᐧᒪ ᐅᑌᐦᐃᕽ ᒥᓇ ᐁᑳ ᑭᑕ ᐸᐢᑫᐟ ᐃᑕᓱᐁᐧᐃᐧᐣ, ᑭᐦᒋᓂᐢᑭᕽ ᐃᑌᐦᑫ, ᐊᐦᐳ ᓇᒪᑎᓂᕽ ᐃᑌᐦᑫ; ᑭᓀᐧᐢ ᑭᑕ ᐅ ᑭᓯᑳᒥᐟ ᐅ ᑭᐦᒋ ᐅᑭᒫᐃᐧᐃᐧᓂᕽ ᐃᐧᔭ ᒥᓇ ᐅᐟ ᐊᐋᐧᓯᒥᓴ, ᒣᑳᐧ ᐊᔨᕽ ᐃᐢᕒᐁᐃᓬ.
Currently Selected:
ᑎᔪᑕᕒᐊᓇᒥ 17: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
